الرسائل

1

مواضيع الحياة العامة في بلاد المهجر (امريكا) / رد: من برة هللة هللة ومن جوة يعلم الله

« في: 18:14 17/06/2012  »

مو حجيناها قبل بس العالم متتعض ومن انصح يكب شعيط ومعيط وعكبالك ساب ابوه وشوفوا ست نور يواس اي اشكاتبة قبل وهسة  <
عاشت الايادي على الموضوع الحلو وياااااااااااااااااااااارب كل الي دينتضرون سفر يطلعلهم ويخلصون من جيفة العراق حتة لو واحد اتعذب بالبداية ميخالف يتحمل بس بعدين النتيجة حلوة اتعذب سنة احسن مما انظل طول عمرنة متعذبين بالعراق عايشين على الهبطات والحر والابوبريصات والشروك ولعبان النفس وكل واحد حشاكم جان زبال زايد عليه كام يحجي بالسيارة العالية والشدات وبالوضيفة شكد ماتشتغل وتطلع عين عينك محد يكولك شكراً ويكلولك هذا واجبك وغصبن ما عليك اتسوي لو بالدوائر وخاصتاً بمحرم مكلوبة حسينيات ويومية مسدود الطريق ................الخ انشاء الله تنفتح ابوجهكم وتجوووووووووووون وتشوفون الحياة الحلوة .
اخوان ترة العراق انتهى صار الايران بعد مانكدر انعيش بي وشكو واحد يكلكم غربة ترة جذاااااااااااااااااااااااااااااب وشكو واحد يكلكم ضايج ترة جذاااااااااااااااااااااااااااااااااب والي معاجبتة امريكا خلي يرجع الله ومحمد وعلي وياه .>         وبعد وبعد حتى  انجي مشرفة مدري ادارية والعالم مامنة بيهة من كنت انصح واحد على مدينة ديترويت اتصرح الخاتون وتكول احسن مدينة بالعالم والي مشايف يصدك خطية وشيل جوالاتة ويجي ويتورط

2

مواضيع الحياة العامة في بلاد المهجر (امريكا) / رد: تجربتي في امريكا بعد 7 اشهر ونصيحه الى القادمين

« في: 17:05 08/06/2011  »

اخوية YH
اني اكتبت 250شغلات البيت والمنظفات   وتشمل من حفاظات الجهال الى حاجات المرة ورق الحمامات الى التايت غسل الملابس والقاصر والمعطر واذا اشتريتلك هدمة فد بالشهر مرة لو خاشوكة او ماعون يعني هذا قصدي استاد مو قصدي زاهي من كاسكو ب9 دولار يكفي 5اشهر   واني اكولك ماشفية الهاذة الزاهي لازم طلع ورة مرجعت جان عدهم دبة ب9 تكفي شهر واحد هاي ام 5اشهر اشكبرهة لازم اتاجرلهة بيكب حتى اتجيبهة للبيت
وسعر الموبايل هذا سعر الAT&Tهذا ارخص شي
والدش نت ورك هوة انت طالع للشغل وباقي بالبيت المرة والجهال ابشقة اصغر من غرفة من بيوتنة ابغداد شنو عايفهم ابمعتقل لازم اكو فد شي يلتهون بيه
خلي اكملك على الباقي
حلاقة الشعر ابكنت يم هذولة الاسيويين الي يتريكون ابو بريص مكلة ويتعشون تشريب عكاريك وحاطيلهة ثوم ب 10دولار وبالمناسبة يمكن مرة اتزينك مو رجل ولابسة تنورة4اصابع ومن فوك فانيلة رجالي  اكومكانات للحلاقة اتكلفك بين 50 الى 250 وهاي مموجودة ابكنت وتعرف السبب هاي موجودة ابليفيو بعد عن كنت 20دقيقة     زين اقساط الطائرة   مو اقل من 130دولار   غسل وتشحيم السيارة مو اقل من 5دولار بعد اتريد اكمل  هاي الحقيقة  لاتورطون العالم الي متعرف وخلي صاحب الموضوع ايرد اذا عندة  غير ارقام   وهية كنت هم مدينة هية مثل ناحية من  يسكنها الاجيين من الاسيويين والصوماليين والروس والمكسيك والعراقيين والامريكان قليل اتشوفهم واكثرهم من هذولة السود اصحاب الاوزان الثقيلة  الي الى حد الان اني ممستوعب هذولة اشلون يستخدمون الحمام  وفوكاهة من تطلع الشمس عدهم ابكنت يتصلخون ويمشون بالشارع ولو اتشوفهم الة اتذب من راسك

3

مواضيع الحياة العامة في بلاد المهجر (امريكا) / رد: تجربتي في امريكا بعد 7 اشهر ونصيحه الى القادمين

« في: 04:39 30/05/2011  »

عيني علاوي   انت فضحت نفسك وناطي كل هل المعلومات ترة هذا المنتدى مخترق من هواية عصابات بعثية وصدامية  انت ماعندك اهل بالعراق وماعندك احد اتخاف عليه  هاي وحدة
بعدين انت فرحان ب10دولار بالساعة متحسبهة وياة بلة   
10 في 40ساعة في 4اسابيع  يطلعلك 1600 قبل التاكس      بعد التاكس 1500   
مي وكهرباء مواقل من 250
تليفون وانترنت  70
موبايل 40
دشنت ورك  60
الايجار مو اقل من 750 ابكنت  غرفتين واتعس مكان
بانزين وتبديل دهن للسيارة مواقل من 350
انشورنس  50
مواد تنظيف وشغلات البيت 250
ماريد اكمل  حتى لايتفاجي الي كاعد يقرا 
وانت اكيد كطعوا عليك الكاش من المساعدات
بس كولي اشلون امدبرهة وية المصرف   
اخر شي امريكا شغل دك وتاخذ راتبك باليمنى وتنطيه باليسرى
امسح معلوماتك الشخصية هاي مال المحكمة وغيرهة وماكو داعي تنشرها   

4

الهجرة و واللاجئين / رد: ولاية اريزونا ممكن المشاركة

« في: 06:43 27/05/2011  »

ام مهند الحجي غير الشوف    فينكس حارة تكتل بالصيف جوهة مثل بغداد بس هية مدينة جديدة وشوارعها عريضة وبناياتها جديدة 
البيوت رخصية تكدرين اتحصلين بيت ب7الى9دفاتر حديقة وكراج ومسبح    وطبعا وياهة هدية اوباما8000دولار   لاول بيت   بس تعالي على البل مال المي بين ال250الى 400دولار شهريا والكهرباء  نفس الشي لان متنعاش بدون مكيف
العراقيين اغلبهم يشتغلون بارت تايم لان المساعدات مستمرة وياهة دوام بالكلية وطبعا كل حيد طول بعرض لابس شورت عبالك مراهق امريكي ونسوا همة امين جايين   

5

الهجرة و واللاجئين / رد: رحت للعراق وشلون ارجع؟

« في: 07:29 25/05/2011  »

انجي هذا الكلام موجود على النت ويكدر اي واحد ايشوف مستوى الجريمة والحالة الاجتماعية مالة الولاية   ولكونج ادارية والنقاش وياج عقيم لان اكيد راح تمسحيه وتقفلين الموضوع مثل المرة السابقة من اتجاوزو علية كم زعطوط وياهم وحدة تحجي بالبلع وكل مارد عليهم تمسحين الرد    المهم بالعافية عليج المليون والنص    وعلى شنو مغثوثة   على ديترويت   ولا يهمج احسن مدينة    وشوارعها ممكسرة  ومبلطة اباسفلت مو كونكريت مكسر خو الجسور مصبوغة احلى صبغ وابدا ممزنجرة    خو الشرطة تفتر 24ساعة وابد ماكو سطو مسلح على محطات البنزين والسوبر ماركت والسيارات احدث سيارة بالعالم تنزل بديترويت      ايباه البيوت مالهم اتكول قصور ابدا مو اكواخ من خشب    اخر شي هوة الي عايش يديترويت هم حاسب نفسة عايش بامريكا   لعد لو يشوف نيويورك لو كاليفورنيا لو سياتل

6

الهجرة و واللاجئين / رد: رحت للعراق وشلون ارجع؟

« في: 06:49 25/05/2011  »

ليش انجي هذا الحجي موصحيح  حقك لان انتي مشايفة بغداد ومتكدرين تحكمين  اني صارلي شهرين من رجعت للعراق وشفت تقريبا 7 ولايات بحكم شغلي وانكس ولاية شفتهة هية ديترويت  شغلة وحدة زينة الاكل العراقي بيهة موجود ورخيص

7

الهجرة و واللاجئين / رد: رحت للعراق وشلون ارجع؟

« في: 06:33 25/05/2011  »

اخوية ابو لونة انت دايخ واتريد ترجع والى وين ديترويت اتعس مدينة بامريكا من كل النواحي تدري بغداد هسة احلى منهة وانظف والامور بيهة دتتحسن  وبين اهلك وكرايبك وانت طالع توك من مصيبة  الله يعينك  والغي موضوع الرجعة وهية ديترويت شنو شوارع مكسرة وبيوت وسخة من خشب وجسور مزنجرة والشتاء ثلج متنجرع والصيف انكس والجريمة حدث ولاحرج   

8

مواضيع الحياة العامة في بلاد المهجر (امريكا) / رد: الولايات الامريكية

« في: 08:54 13/12/2010  »

والله خوية محمد حجيك يوكع على الجرح
احنى وين جنة وهسة وين الغربة صعبة وجمالة شغل صعب هاي اذا لكيت شغل
اني جنت كاعد ابغداد جنة البلاد قرب بيتي الحسينية يومية قبل اذا الفجر بساعة يقرا قران وادعية واذان المغرب كذلك جيت الامريكا قبل سنة وشهر ولكيت شغل وراتبة زين واول مشتغلت ذبيت نفسي على الشغل واخذ اوفر تايم وبعد شهرين كطعوا علية المساعدات المالية كلهة وقللوا الفود علية اكلهم يابة هذا اوفر تايم يكولولي انت تستلم راتب عالي متستحق مساعدات كمت اركض والعشى خباز داجيب الراس على الراس    الجهال ماشوفهم الة بنهاية الاسبوع
عندي سيارة  زينة وموديل  بس شنو الفايدة متكدر تمشي بيهة اكثر من 60 حالك وحال ابو موديل 1960 نفس الشي وتوكف بالشارع تدفع فلوس وبارك غالي بالساعات يعني الي اتحصلة اتذبة وانت المنون
عمي اني بديت اصفي وراح ارجع اقلها صوت الاذان من الفجر وبين اهلك وكرايبك والوضع بالعراق بدا يتحسن والامور زينة وماريد حتى الكرين كارت اعوفة الى الي يريدة اني راجع 
تحياتي الك ابو جاسم 

9

مواضيع الحياة العامة في بلاد المهجر (امريكا) / رد: بعض الحالات والنقاط السلبية لبعض الناس في امريكا

« في: 08:50 06/12/2010  »

ياخوان نصيحة لله زوروا موقع اية الله السيد السستاني كل الاكل الحلال مشروح بيه وبكل انحاء العالم وكل انواع الاكل من اللحم الى الخبز والخضروات حتى تتجنب الاكل الحرام  
اني كل شهر اطلع مع جاري ونروح للمزارع ومحلات تربية الاغنام ونختار طلي من المجموعة الي رابية على الرعي وليس على الاكل الاعلاف الصناعية والي حرمهة اية الله السيد السستاني  ويذبحلنة الطلي واحنى انسمي عليه واكيد باتجاه القبلة والمبلغ يكلفنة بحدود 180 الى 260 $
وبهل العملية تبعد الحرام عنك وعن عائلتك

10

مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة

« في: 18:29 02/12/2010  »

بيتس يمعود انت تقصد 24ساعة بالاسبوع متوفر لو باليوم اشو ذبيت طرقة والعالم تسال وانت ماكو

11

مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة

« في: 18:27 02/12/2010  »

   

اخواني الاعزاء

احب تقديم المساعدة لأي شخص حسب ما استطيع عليه وعلى مدار 24 ساعة وذلك نتيجة لمطالب بعض الاخوة الاعضاء في المنتدى من انتقادهم لي وكون مواضيعي في المنتدى مكررة وذات نفس الطابع..فأعلن انا  عن استعدادي لتقديم النصيحة والمساعدة قدر الامكان وما وفقه الله لي


سلامي الى الجميع
           بيتس يمعود انت تقصد 24ساعة بالاسبوع متوفر لو باليوم اشو ذبيت طرقة والعالم تسال وانت ماكو

12

مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة

« في: 09:01 02/12/2010  »

سلامُ عليكم
اخوية بلكي الكي عندك جواب اشلون واحد اذا راد يرجع للعراق قبل ميكمل السنة يعني بعدة على المساعدات وممكمل فلوس الطيارة
يعني بالمختصر اكدر اشيل غراضي واعوف الشقة والغراض وعدل للطيارة والى العراق لو هم يلحكوني وتعال سدد
اشكد كلفة السفر للعراق اكو احد يعرف وين ايروح اكو كبل لو الة على الاردن واذا مدخلنة الاردن وين انروح
واشكرك مقدما

13

الهجرة و واللاجئين / رد: قرار من المحكمة الاوروبية لحقوق الانسان بمنح العراقيين المهددين بالترحيل في جميع الدول الاوروبية

« في: 19:24 25/11/2010  »

اكيد السمع هي الحاسة الوحيدة الغير مسيطر عليهة يعني انت تسمع كل الاصوات غصبا عليك بس تكدر تجاهل الي تسمعة
انت اذا ماسامع احد يمدح الحكومة وعلى راسها السيد المالكي شوف التلفزيون وشوف الشعب اشلون انتخب المالكي رغم انف الارهاب وشوف المالكي بذكاءة الفريد اشلون اقنع الكتل السياسية ووحد الصفوف وقطع الطريق على الصداميين من الوصول الى سدة الحكم وراح اتشوف وتسمع اشلون راح يقضي على الارهاب

14

الهجرة و واللاجئين / رد: قرار من المحكمة الاوروبية لحقوق الانسان بمنح العراقيين المهددين بالترحيل في جميع الدول الاوروبية

« في: 18:42 25/11/2010  »

انت نقلت الخبر بعد ليش اتسب الحكومة وانت واني والكل يعرف هاي الحكومة هية اختيار الشعب واشتغلت وزين اشتغلت بس الخراب والدمار الي خلفة النظام المقبور ميتصلح ابيوم وليلة والسيد المالكي خوش اشتغل ونتخب لمرة ثانية رئيس وزراء رغم انف الارهابيين والصداميين والبعثيين وهذا الانتخاب جاء بعد اتفاق كل الكتل السياسية يعني كل الشعب العراقي البطل وخلال الاربع سنوات القادمة راح انشوف اكمال الخطط الامنية والقضاء على اشباه الرجال ويعود العراق بلد امن خالي من الارهابيين ومن لف لفهم     طبعا اكيد راح تمسح ردي بس ردت اوصلك فكرتي واشكد انغث من اقراء هاي المسبة للحكومة وهية اختيار الشعب واشكد عانة الشعب بالانتخابات من تفجير واغتيالات وتهديدات مع ذلك نجحت العملية وتم اختيار الحكومة   مبروك للسيد المالكي وشعب العراقي الابي
تذكر من اتسب الحكومة انت اتسب فعلا كل الي راحو انتخبوا السيد المالكي