الرسائل

1

الهجرة و واللاجئين / رد: اني بامريكا وزوجتي بالعراق \ طريقة لتسريع معاملتها ؟؟

« في: 08:05 21/10/2013  »

والله اخوية شفت ولد اهنا نفس الحالة يكول ( رحت للكونكرس مان الي بلمنطقة و حجيتلة القصة بحيث تأثر بيهة ودز بريد النبراسكا و هسة مرتي جتي الامريكا مطولت سبوع ورة ما رحت لبو الكونكرس ) مااعرف صدك لو جذب بس جرب دور الكونكرس مان الي بلمدينة مالتك و عسا ولعل

2

الهجرة و واللاجئين / رد: اخوان شكد المدة ويحددون السفر ورة استلام الفيزة ؟؟؟؟ siv

« في: 21:25 27/08/2013  »

مرحبا اخوية

اني دزيتهة 14-8 و جاوبوني يوم 18 كالولي شوكت تريد تسافر و نطوني الوجهة النهائية والمطار , كتلهم اريد اسافر اسرع ما يمكن و اني جاهز للسفر ... و هاهية غلسوا بعد من ذاك اليوم ماكو شي ... بس صديق استلم الفيزة قبلي تقريبا بعشر ايام , نطو موعد نهاية التاسع


بلتوفيق حب

3

الهجرة و واللاجئين / رد: الكفيل وقع اوراقنا!!

« في: 21:14 18/08/2013  »

والله اختي اذا انتي اس اي في ... ما الهة علاقة بلفيزا لان اني طلعت فيزتي و استلمتهة و دا انتضر موعد سفر و بعد محد متصل بلكفيل ..  و صديقي اتصلوا بلكفيل صار كوووومة فوك السنة .. و لي هسة ماكو شي .. ف مو مقياس .. بس الله يسهللكم و انشاء الله تطلعون عن قريب

تحياتي

4

الهجرة و واللاجئين / رد: SIV تم استلام الفيزا

« في: 16:35 14/08/2013  »

محمد الطائي تسلملي يا غالي


ابو سارة حبيبي دزيت الاوراق قبل العيد بيوم ... وراها بيومين صارت الفيزا اشيود بلموقع .. بس ورة العيد يلا دزوهة لان عطلة مال عيد

5

الهجرة و واللاجئين / SIV تم استلام الفيزا

« في: 15:51 14/08/2013  »

سلام عليكم ....


اخوان مثل ما كتلكم سابقا و فرحتكم وياية  اني تواريخي كلاتي


مقابلة 16-8-2011

اعادة قسم 18-6-2013

طلب فحص طبي وعدم محكومية شهر ال7 بهلسنة

و ايميل الفيزا اجاني قبل يومين و اليوم استلمت الفيزا من الدي اج ال




حبايبي اول شي شكرا للجميع ... و ثاني شي دزيت نسخة من الجواز و الفيزا لل الاي او ام اس اي في ... اكو شي لاخ لازم اسوي ؟


بعدين اكو شغلة كلش قلقتني انه اني مغير الكفيل من زمان ... بس اكو ورقة وية الفيزا مذكور بيهة عنوان الكفيل القديم و اني خايف لا تصير خربطة ...

6

الهجرة و واللاجئين / رد: رجاء للمساعدة جماعة ال SIV

« في: 23:03 12/08/2013  »

اخوية اول شي ابشرك لان ماطول طلبوا منك فحص طبي جديد معناه معاملتك كملت و انشاء الله بلزايد عشر ايام يطبعولك الفيزا مثل ما صار وياية ... ثاني شي 90 % اعتقد انه غلطان الموقع ... دزلهم انكواير و كلهم بلضبط الي صار وياك و رح يصلحون الخطا .. بلمناسبة هذا خطا كلش شائع صار وية كومة كومة ناس ... بلتوفيق اخوية ولا يضل بالك ابد

7

الهجرة و واللاجئين / رد: عندي عقد بشركه نفط امريكيه في البصرة

« في: 14:41 10/08/2013  »

اخوية ليو تحياتي الك ...


اول شي اعذر الشباب محد جاوبك لان ميعرفون بلضبط ممارة عليهم هيج امور


اني جوابي الك يعني بلي اعرفة لا تاخذة مستند ههههه


اخوية الشغل وية شركة امريكية متعاقدة وية الحكومة الامريكية بلعراق يعني تحمي موظفين امريكان لو عسكر لو تجهيز لو هيج سوالف هاي الشغلات تفيدك بلهجرة .. و هم صراحة متفيدك هههه يعني بس تخليك مؤهل للتقديم ... بس شركات استثمار بحت يعني ما الهة اي علاقة بلحكومة الامريكية هاي ما منهة فايدة حسب علمي لان ممتعاقدة وية الحكومة الامريكية ولا الجيش الامريكي ... هذا الي اعرفة و تحياتي الك

8

الهجرة و واللاجئين / رد: SIV تم الاصدار issued

« في: 14:36 10/08/2013  »

يابة والله مفرحان بلفيزا بكد مفرحت بتهانيكم و كلامكم الراقي الجميل و امانيكم الي اذا تبين شي فتبين طيبة كَلوبكم و اخلاقكم العالية ... شكرا لللجميع و انشاء الله يوم الالكم و تخلصون يا رب

9

الهجرة و واللاجئين / رد: SIV تم الاصدار issued

« في: 03:06 09/08/2013  »

شكرااا للجميع منوريني والله كتبت الموضوع اول ما عرفت كلت ابشر اخوتي الصابرين ارجع الامل الهمم مثل ما رجعلي بعد ما ايست ... ايامكم سعيدة حبايبي

10

الهجرة و واللاجئين / SIV تم الاصدار issued

« في: 15:12 08/08/2013  »

سلام عليكم جميعا ... عيد مبارك و ايامكم سعيدة انشاء الله تحقيق الاماني يا رب



تفاصيل الكيس مالتي ... طبعا اول شي سنكل كيس .. و مترجم صار تقريبا 7 سنين


المقابلة 16- 8 - 2011

اعادة قسم - 18- 6- 2013

طلب فحص طبي و عدم محكومية . 23-7-2013


و اول البارحة دزيتهم دي اج ال ... اليوم جيكت الموقع لكيت الفيزا issued >>> تم الاصدار




شكرا لكل واحد رح يباركلي و اتمنالكم الموفقية و التسهيل من الله للجميع يا رب

11

الهجرة و واللاجئين / رد: الى اصحاب الخبره sivرحمه لاهله اللي ايرد بسرعه اخوكم ومزنوء

« في: 23:38 29/07/2013  »

اخوية لا تحير ولا شي

اول شي سوي الاوراق الي طلبوهة منك و دزهة الهم شتنتضر قابل


و ثاني شي البنفشري مو تطلبة ب انكوايري !

تطلبة من الان في سي تدز الهم ايميل و همة ينطو الك


تحياتي الك و بلتوفيق ضلع

12

الهجرة و واللاجئين / رد: اعادة فحص و محكومية SIV

« في: 07:14 25/07/2013  »

ههههههه اي اخوية عادي يطبن الطليان بس لازم اسكورت

13

الهجرة و واللاجئين / رد: اعادة فحص و محكومية SIV

« في: 22:31 24/07/2013  »

شكرا للجميع و اتمنالكم التوفيق من كل كلبي و الكل يستاهل كل الخير ... اني تقديم بغداد و سنكل كيس وشغلي مترجم 7 سنين تقريبا

14

الهجرة و واللاجئين / اعادة فحص و محكومية SIV

« في: 14:53 24/07/2013  »

السلام عليكم ...


اخواني الصابرين حبيت ابشركم البارحة دزولي اعادة فحص طبي و عدم محكومية و كلولي قضيتك كاملة و بس تدزلنة الفحص و المحكومية و صورتين رح نطبعلك الفيزااااا ....


مقابلة 16-8-2011
اعادة قسم 18-6-2013
طلب اعادة محكومية و فحص طبي 23-7-2013


شكرا الكم و بلتوفيق للجميع

15

دردشة منتدى الهجرة واللاجئين / رد: صباح الخير

« في: 11:49 06/07/2013  »

صباح النور اختي ..

شكرا !

16

الهجرة و واللاجئين / رد: جماعه اس اي في لي مقابلين او لي مسافرين ارجو اجابه ؟

« في: 13:07 07/06/2013  »

صديقي نفس المشكلة صارت عندة يعني متزوج بس ميريد ياخذ زوجتة و اطفالة لان يكول اهل زوجتة اهنا يديرون بالهم عليها لما هوة يستقر ب امريكا لان هوة ما يعرف شنو ينتضرة اهناك و شلون راح يصير الوضع .. المهم هوة لوص قسم كتب سنكل و قسم كتب متزوج الحاااصل بلمقابلة من سألوا شرحلهم ... كالولة المفروض تكتب متزوج و تنطينة نسخة من عقد الزواج مترجم و تسوي جنسية مترجم بس بنفس الوقت تكوللنة انه زوجتي و اطفالي مراح يجون ... كلهم ليش ؟ كالولة حتة مستقبلا اذا استقرت امورك اهناك و ردت تجيبهم رح تكون اسهل عليك  ....

17

الهجرة و واللاجئين / رد: اعادة DS-260 يعني اصدار الفيزا حسب قول السفارة

« في: 18:59 29/05/2013  »

والله اخوية اني هم نطوني اعادة فحص و مقابلة بس بدون لا محكومية ولا فحص طبي ... المشكلة والي محيرني انه هية الاستمارة ال 260 صارلي سنتين من ماليهة مو المفروض صارلهة سنة اكسباير ؟ جنت اطب اشوفهة بلموقع ماكو مصايرة اكسباير مع العلم تاريخ الاكسباير خلصان بس تطلع كومبليت ... ليش هسة يلة تذكروهة ؟

18

الهجرة و واللاجئين / رد: جماعه ال SIV منو صار عنده تحديث يوم 21- او 22 او 23 الدخووووووووووول فورااااااااااااا"

« في: 07:34 24/05/2013  »

اخوية اني يوم 22 صار عندي تحديث و دزولي ايميل اعادة 260 و مقابلة شهر الجاي حلف

19

الهجرة و واللاجئين / رد: siv مقابلة ثانية

« في: 16:59 22/05/2013  »

@ ابو الوليد

الله يبارك بيك كبد تسلملي

@ thebest

تسلم اخي ربي يسمع منك

@ mandonar

ممنون منج خيتووو و اسف عبالي ولد هههه ..

 بلتوفيق للجميع شكرا على المرور

20

الهجرة و واللاجئين / رد: siv مقابلة ثانية

« في: 16:41 22/05/2013  »

لله يبارك بيك اخوية و لو متخش بعقلي ينطوني فيزا بدون اعادة فحص و عدم محكومية بس بلكت

تفاصيل ملفي سنكل و مقدم 2010 و الكوم ما اتذكر شوكت بس المقابلة 16-8-2011 و الكفيل محد متصل بي لي هسة و الايميل يكول


عزيزي المتقدم،
يرجى تحديث الاستمارةDS-260
لديك موعداً مقرراً مع وحدة تأشيرة الهجرة يوم June 18, 2013 في الساعة 07:00 صباحا  لغرض القسم. يرجى العلم بأن قد تم تغيير موقع الدخول إلى المنطقة الدولية في يوم موعدك. يرجى التأكد من قراءة هذه التعليمات الجديدة بعناية ، والتي تظهر أدناه.

يجب عليك طباعة الرسالة المرفقة (نسخة لكل فرد مشـمول في معاملتك)، وجلبها معك في يوم موعدك. إن إخفاقك في إبراز الرسالة المرفقة قد يؤدي الى رفض دخولك الى المنطقة الدولية من قبل المسؤولين العراقيين، والى إعادة جدولة موعدك.

إذا كان لديك أي أسئلة، الرجاء إعلامنا.

مع خالص التقدير،

وحدة تأشيرة المهاجر
السفارة الأمريكية في بغداد، العراق

21

الهجرة و واللاجئين / siv مقابلة ثانية

« في: 16:17 22/05/2013  »

سلام عليكم ...

شونكم عساكم بخير .... اني واحد من النايمين بلاجراءات الادارية الاضافية مقابلتي جانت 8-2011 ... و لي هسة ماكو شي... المهم اليوم اجاني ايميل يكول انه الدي اس 260 اكسباير امليهة مرة لخ ... و انطوني موعد مقابلة (للقسم او الحلف ) بلشهر القادم ...

بس المشكلة انه مطلبوا اعادة عدم محكومية ولا فحص طبي ... احد عنة فكرة عن هذا الاجراء و شنو معناه ؟

تحياتي الكم

22

الهجرة و واللاجئين / رد: هل الفشل لاسامح الله في البوليغراف يوثر على السفر ؟؟؟؟

« في: 13:19 26/04/2013  »

لالالالالالالالالالالالازم يرووووووووووح لان حددولة موعد يعني اذا مراح اول شي يصير يدزون تقرير للهجرةة و يتكنسل الكيس و دا احجي عن دراية تامة صارت ب اكثر من واحد من اصدقائي ف ماطول حدد موعد انتهة الامر ...

خل يروح وواثق من نفسة و يكول الصدك و مييخاف و ميرتبك و الله كريم


ارجع اكلج لالازم يروووح

23

الهجرة و واللاجئين / رد: نهاية الاس اي في

« في: 09:58 22/04/2013  »

مو تناقض عدنة اخوية العزيز كل ما في الامر انه اتصور هذا القانون هوة مو ابروفد لي هسة و حتة لو موافقين علي ف اني اتصالي بلسفارة و قدمت اوراقي للسفارة و الخبر الي اني جنت اكولة من السفارة و اني هذا الي اعرفة اخوية منور

24

الهجرة و واللاجئين / رد: نهاية الاس اي في

« في: 09:04 22/04/2013  »

دينمايك منور كبد صدك حتة الواحد يعرف راسة من رجلة


مونيكا اني كيسات ثنين مالتي و مال صاحبي الابديت الوحيد الصاير لان سألنة السفارة على حالة الكيس غير هاي مصار اي ابديت

25

الهجرة و واللاجئين / رد: نهاية الاس اي في

« في: 08:26 22/04/2013  »

منورة الموضوع اختي ... بلعكس اني فرحاااان الابعد الحدود لان احسن شي ممكن يصير الي انه منا للتاسع لو يكولولي سافر لو يكولولي ابقة و هاهية انتهة الامر مليت صار سنتين المقابلة مالتي بزعت غير افتهم ...

ههههه و اذا قبلوني كون بنفس الطيارة وياكم

26

الهجرة و واللاجئين / نهاية الاس اي في

« في: 08:11 22/04/2013  »

السلام عليكم ...

طبعا هذا الخبر اكيد كلكم تعرفوا و مار عليكم بس حبيت انطي توضيح وتأكيد بنفس الوقت

قبل فترة احد الاخوان نشر موضوع يكول انه السفارة دازيلة ايميل يكول اخر فيزا ببرنامج الاس اي في راح تصدر قبل منتصف ليلة 30-9-2013
 
قسم منعدنة شكك بلكلام و قسم مصدك

المهم عندي صديق هم سألهم على فدد موضووع و جان جوابهم واضح و بعيني قريتة ... يكول اخر فيزا بلبرنامج راح تصدر بنهاية السنة المالية 2012 يعني قبل منتصف ليلة 30 تسعة 2013 و كذلك كالولة انه السفارة لازم تصدر اكثر من 5000 فيزاا منا الهذا التاريخ لان اكو اعداد متراكمة لازم تصدر ...

طبعا كلنة و اني واحد منكم نسأل شنو مصيرنة و شراح يصير ؟ معقولة منا للتاسع كلنة نسافر؟ والميسافر شنو مصيرة ؟


تحياتي الكم و الي عندة معلومة يضيفهة والي يشكك بلكلام خل يراسل السفارة و راح يشوف نفس الكليشة نصا تجي و يقراها بعينة


بلتوفيق للجميع

27

الهجرة و واللاجئين / رد: SIV منو باقي الى هسه

« في: 19:06 28/03/2013  »

كلعادة اني ويااااكم 16 -8 -2011 والمغذي الزين ...

28

الهجرة و واللاجئين / رد: والله ما اعرف الامريكان اشلون ايفكرون!

« في: 21:32 16/03/2013  »

والله يا خوية هواية اتفق وياك يعني قبل شوية جنت دا اكول الصاحبي اشكال الاسلحة جانت تنعاف يمي و اشكال الرتب اني كاعد وياهم على مستوى جنرالات و لحد قبل شهر السفير الامريكي نفسة اجة سلم علية و اخذت ويا صور و بلاخير صارلي سنتين مكمل مقابلة و تجييك امني ! ادري وين التجييك الامني لمن افتريت نص قواعد العراق لو عندي شي صار ست سنين اشتغل جان سويت بلاوي ما انتضر اسافر

29

الهجرة و واللاجئين / رد: SIV منو بقه وشكد صارلك

« في: 19:16 20/02/2013  »

مقابلة 8 - 2011

و لا اعادة ولا شي

تحياتي

30

الهجرة و واللاجئين / رد: بصمة اي او ام

« في: 16:38 29/01/2013  »

منورين شباب شكرا على المعلومة 

31

الهجرة و واللاجئين / رد: بصمة اي او ام

« في: 21:44 27/01/2013  »

ممنون منك كبد منور بمرورك و شكرا علا الاجابة لان صدك دخت بيهة و اي او ام كلشي ما افتهم من السستم مالتهم .. تسلم اخوية

32

الهجرة و واللاجئين / بصمة اي او ام

« في: 20:07 27/01/2013  »

شلونكم يابة شخباركم معنوياتكم ؟ههههه اكيد صفر المعنويات

اخوان اني مقابل اس اي في 16 ثمانية 2011 و لي هسة كلشي ماكو جفاف ...

قدمت العائلتي اي او ام قبل قرن حتة ما اتذكر شوكت ... المهم نطوهم مقابلة اولى قبل شهرين هيجي شي راحو قابلو طبيعي

هسة دازيلهم ايميل موعد ( بصمات محلفين ) طبعا ما اعرف هاي معناها مقابلة محلفين لو شنو رحمة على اهلكم الي يعرف ينورني

بلتوفيق للجميع

33

الهجرة و واللاجئين / رد: الهجرة الى متى ؟

« في: 01:03 24/11/2012  »

مان اكو مقولة تكول ... الوطن ليس فندق نغادره عندما تسوء الخدمة .. الحجي مالتك و التعليق مالتي مراح يعجب هواية اعضاء و راح يتنقدونة اني و انتة ... بس صديقي صدكني وين منروح و شنو يكون الي نسوي مراح نلكة احلة من بلدنة و من اهلنة و ناسنة و كلشي تربينة علي ... اني مثلك دا انتضر اس اي في ... بس وعد مني راح ارجع فد يوم .. يجوز مثل ما كلت اخوية ارجع اقوى و جاهز اكثر انه اخدم وطني و بلدي .. واني وياك صديقي اس اي في يعني محد يكدر يكول انتو مرتاحين ببلدكم و ماخذين مكان غيركم ... بلعكس الي شفتة اني و الي متاكد انتة شفتة مو هواية ناس شايفي .. بس يبقة الوطن بلكَلب و نبقة كلنة مقصرين بحقة و لازم يجي يوم نعوض ولو جزء بسيط من تقصيرنة بحق وطنة الجريح ... تحياتي الك اخوية

34

الهجرة و واللاجئين / رد: مساعدة بخصوص مقابلة مع شركة New Future

« في: 18:50 07/11/2012  »

و اذا ممكن اضيف علا كلام الاخوان الي لي فوك ... راح تلكة الامتحان التحريري صعب نوعا ما ... بس انتة خلي تركيزك علشفهي لان اذا كدرت تقنعهم انه انتة جاهز للعمل بلشفهي ف اعتبر نفسك ناجح و اكبر دليل اصدقائي الي همة فوك ال 12 واحد اغلبهم ميعرفون كتابة لا املاء و لا خط ولا شي و اني نفسي املائي مقبول اوكي نوعا ما بس خط ايدي غير صالح للاستخدام البشري ههههه و الحمد لله نجحت بلاختبار ...


بلتوفيق اخوية العزيز ...

35

الهجرة و واللاجئين / رد: ارجوكم مساعدة بخصوص ال SIV

« في: 14:13 02/11/2012  »

شوف صديقي اسف اذا جوابي راح يخيب املك ...

الاس اي في بيهة شرطين اساسية ... لتر اوف ركمنديشن + فيرفكيشن لتر

الركمنديشن اوكي تكدر تسوي علاقة قوية بضابط لو عريف لو اي شي و حتة تكدر تكلة اني صارلي فوك السنة بس انتة هسة عرفتني و عادي ماكو مشكلة تكدر تسويهة اذا علاقتك قوية ب احد ... بس المشكلة الفيرفكيشن لتر الي هية من الشركة مال الجي ال اس والي همة مثل حساب اليهودي اليوم الواحد يحسبو بلفيرفكيشن ... ف من هاي الناحية اغسل ايدك ... بـــــــس تبقة عندك فرصة انه الاس اي في مينسد و اني اتوقع هلشي و ما اتصور ينسد منا لحد ما تشتغل و تكمل سنة و انتة الممنون ... و يبقة كلشي بيد الله ...

تحياتي الك

36

الهجرة و واللاجئين / رد: احصائية عيد الفطر لمن تبقى من SIV

« في: 12:32 24/08/2012  »

سلام عليكم ...

SIV مقابلة 8-2011 و الامة كلهة اكسباير هسة



و اهديلكم اغنية


http://www.youtube.com/watch?v=ATJ9nncGySI

37

الهجرة و واللاجئين / رد: سؤال صغير عن السفر لأمريكا

« في: 13:28 26/07/2012  »

و هم up يابة الولد دايخ واحد يجاوب وين الخبراااء عااا

38

الهجرة و واللاجئين / رد: سؤال صغير عن السفر لأمريكا

« في: 09:03 25/07/2012  »

up يابة up

39

الهجرة و واللاجئين / رد: اذا مصارت شغلة امريكا.... تفضل

« في: 07:23 05/07/2012  »

اذا مصارت امريكا اروح اشوفلي فرن مال صمون لو عمالة لو اي مهنة يدوية بأجر يومي و اتزوج وحدة بت عرب و اكعد بلغرفة الفوك وية اهلي و اعيش حالي حال 30 مليون عراقي بلضيم ...

40

الهجرة و واللاجئين / رد: هل أترك التعيين ام ابقى في العراق؟؟؟

« في: 23:14 27/06/2012  »

الاخ صاحب الموضوع خل احجيلك شغلة ... اني مترجم 5 سنين اكلت عبوات بكد سليمة ام اللبن و شفت بلاوي سودة و ضيم الله و عبادة و خسرت اصدقاء و اخوان اكل و اشرب وياهم يطلع مشن و ميرجع ... لاعندي بيت ملك ولا عندي اقارب ولا عندي غير فقط عائلة من 3 نفرات ربي يسلمهم ... شهادة ماعندي لان اشتغلت مترجم بعمر 18 سنة ... لا اكو تعيين بي حظ الي على اعتبار ماعندي شهادة ولا اكو اقارب انتجي علي ولا عندي شغلة اشتغلهة غير الترجمة و انتة تدري هسة ماكو شغل لان الجيش طلع ... طبعا متهدد كومة و شكلي هواية ناس حافضتة والله قبل فترة ضابط بسيطرة شايفني بلشغل و جلب بية كلبي وكف كلت هسة انسحل للسجن ... خصم الحجي هاي كلهة اسباب تخليني اسافر ... انتة اذا وضعك مثلي و اتعس اكيد ابقة برة لا تجي ... بس اذا مرتب امورك اهنا ... ترة مولدة صغيرة تحل مشكلة الكهرباء ... و ماطور جبير و تانكي زين يحل مشكلة المي ... والناس اهلك و ناسك تتحملهم لان انتة واحد منهم ... و عينك ميزانك و اتمنالك التوفيق

41

الهجرة و واللاجئين / رد: اخوان مساعدة بايميل الــ GLS

« في: 23:21 23/06/2012  »

Central Hiring Office At ECP-14: Is in the process of transiting back to the IZ at Union III across from the United States Embassy. The last day for operations at VBC/ECP-14 was October 25, 2011.  We do not have a date as to when we will have the new office open at Union III.  Please stay in touch with them using the following phone numbers and email address. 0781-550-1458 / 0790-143-2097/0790-566-2762. HOGLSIZ@gmail.com is the contact email.

 

SIV Request:  Please contact your site Manager if you are still working.  If you are no longer working for GLS.  You will also need to follow the instructions above for the date and time of the opening of the Hiring Office at Union III.  You can also visit the US State Department Web Site at:

http://travel.state.gov/visa/immigrants/info/info_4172.html  , there you will find all the answers to your questions.
 
 

 

Iraqi Tax Return:  There is an e-mail address that you can send all your questions and request to:
 
gls.taxes@gmail.com .  You will need to provide the following information in the e-mail.

 


عزيزي هذا الايميل قبل 8 اشهر تقريبا اجاني منهم ... انشاء الله يفيدك

42

الهجرة و واللاجئين / رد: تعين مع ال جي ال اس او السفاره الامريكيه...

« في: 16:02 21/06/2012  »

حبيبي اني اشتغلت وية الدي او اس كم شهر و بطلت لان خفت من نفس الموضوع و عندي كومة اصدقاء انضربوا بلاك لست من ورة الجهاز و هيجي بدون سبب والله و الجي ال اس حاليا عدهم كم مترجم بلتاجي و بكامب شلد و هاي المكانات حاليا تعتبر دي او اس نصيحتي الة لا يشتغل اذا يريد يسافر و بكيفة بعد هية حظوظ

43

الهجرة و واللاجئين / رد: تغيير الولايه

« في: 09:27 13/06/2012  »

اي اخوية اول شي خفت لان ماكو اوتو ريبلاي بعدين ثاني يوم دزولي اوتو ريبلاي ووراها بكم ساعة جاوبوني الجواب يكول استلمنة التحديث و تم اضافة المعلومات الملفك

44

الهجرة و واللاجئين / رد: تغيير الولايه

« في: 13:22 12/06/2012  »

اخوية اني هم اس اي في و مقابل شهر ال 8 السنة الفاتت ... قبل كم يوم ردت ابدل الكفيل و الولاية و سألت الاخوان بلمنتدى و مقصروا ...

دز ايميل siv_ope@iom.int

و بلغهم بلتحديث الجديد الولاية او الكفيل العنوان الجديد و كل المعلومات

و لا تنتضر اصدار الفيزا من هسة سويهة لان اذا ورة اصدار الفيزا ممكن تأخر سفرتك او تنسحب الفيزا حسب ما قريت بوحدة من الرسائل بلمنتدى الكريم


انشاء الله بلتوفيق اخي

45

الهجرة و واللاجئين / رد: سؤال اس اي في - SIV - للكوم ابروفل ايميل - COM Approval -ايميلهم

« في: 07:18 11/06/2012  »

اوك اخوية راح اجاوب الي اعرفة


اول سؤال مفتهمتة بلضبط بس هوة الاوتو ريبلاي معناه استلمنة الايميل و انتة دزيتة بصورة صحيحة يعني مجرد تقرير استلام شلون نكول لا اكثر ولا اقل يعني ماكو داعي يكولولة استلمنة الايميل لان الاوتوريبلاي هذااا معناه

السؤال الثاني

اكيد من حقة يدزلهما ي شي يشوفه يخدم قضيتة بــــس ماطول كالولة انتضر اتلث اشهر معناه 90% حسب ضني انه كلشي كامل و اتوقع ورة اقل من شهرين راح يدزولة الكوم بروف لان صارت وية اكثر من قضية اعرفهم واني سويتهة نقص وملاطم بلاخير من يجي هلايميل مال انتضر تلث اشهر يعني هاهية فرجت


السؤال الثالث يا اخونة

الامريكي همة يدزولة طلب تاكيد عمل بلايميل ولازم يجاوبهم ولهنا ينتهي دورة يعني يطلع من الموضوع و ما يأثر اي شي ولا اكو داعي يتدخل ويراسلهم لان ماكو سبب



و اتمنة اذا كلت شي غلط الاخوة يصححوا الك

46

الهجرة و واللاجئين / رد: من رخصة الاخ كلش حباب ؟؟؟

« في: 14:51 09/06/2012  »

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه شنو رأيكم هسة احط صورة المنغولي الي دا تحجون علي ؟ و متاكد متاكد هوووووووة

47

الهجرة و واللاجئين / رد: مساعدة شلون اغير الكفيل siv

« في: 03:16 07/06/2012  »

و عليكم السلام و رحمة الله ..

الف شكر اخوية العزيز ممنون منك كلش

48

الهجرة و واللاجئين / رد: مساعدة شلون اغير الكفيل siv

« في: 22:34 06/06/2012  »

اشكرج اخت ملاك الوردة تسلمين علاجابة ولو ضوجتج بس شلون اتصل بلاي او ام ؟

49

الهجرة و واللاجئين / مساعدة شلون اغير الكفيل siv

« في: 21:03 06/06/2012  »

السلام عليكم ... بدون زحمة شلون اغير الكفيل والولاية و تتصورون هلشي ممكن يأخرني؟

50

دردشة منتدى الهجرة واللاجئين / رد: مطلوب برامج اتصال الى امريكا عبر الايفون

« في: 22:21 02/06/2012  »

حبي جرب (VIBER ) كلش مفيد و عملي بس ترة لازم الاجهزة ثنينهم مرتبطة بلانترنت ..

51

الهجرة و واللاجئين / رد: اتصال من السفاره

« في: 14:58 01/06/2012  »

والله يا صديقي اني هم دزولي ايميل يكولون نحن على وشك اتمام المعاملة و انطينة رقمك و انطيتهم و خابروني قبل 14 يوم تقريبا و نفس الشي سألوني على شغلة جنت اشتغلهة و من سألته هم كال اجراءات نهائية و بلعربي كال انشاء الله بعدين بلانكليزي انخابرك قريبا على اصدار الفيزاااا و ذاك يوم و هذا يوووم ... طبعا دخت كلش لان الي اعرفة السفارة ما الهم علاقة بلتجييك الامني زين اذا التجييك الامني خلص السفارة شعليهة بعد الي اعرفة السفارة يجيهة نتيجة التجييك و على ضوء التجييك الامني تطبع الفيزاااا ... علعموم انشاء الله بلتوفيق الي والك و للكل يا رب

52

الهجرة و واللاجئين / رد: اكو احد مقابل بشهر الثامن 2011 ??? SIV

« في: 18:36 29/05/2012  »

احلة كروب و احلة شهر الثامن و احلة طاولة ذهبية هههههههه

اشو لاحس ولا خبر الفيزا التي بغيبوبة اجراءات اضافية

53

الهجرة و واللاجئين / رد: تم رفضنا امنيا للاسف

« في: 19:01 10/05/2012  »

الله يكون بعونكم اختي العزيزة ...

كلمة وحدة بيهة كومة معاني ... مو امريكا ... العالم كلة يروح فدوة لدموعج

الدنيا متوكف لهنا و هاهية خلي املج جبير ولا تتصورين يصير شي ممكتوب الج ... every thing happen for a reason !

54

الهجرة و واللاجئين / رد: اكو احد مقابل بشهر الثامن 2011 ??? SIV

« في: 18:36 10/05/2012  »

السلام عليكم
اولا مبروك على الجمعية الجديدة
اخت ملاك شوكت استلمتي الفيزا
د نفساني

ما شاء الله ليش ملاك استلمت فيزا

علخير عمي الف مبروك اذا مستلمتهة .. و اذا بعدج علشحن انشاء الله عن قريب تفرج ياااا رب

55

الهجرة و واللاجئين / رد: موقع تجيك بيه حالة الفيزا SIV ولكن

« في: 21:28 06/05/2012  »

ههههههههههههه سوري بلقراااان طافي مشبعااان نوم ابد بية ارق اسم الله عليكم ...

56

الهجرة و واللاجئين / رد: موقع تجيك بيه حالة الفيزا SIV ولكن

« في: 21:19 06/05/2012  »

عزيزي ناصر ... الايميل الي دازي للولد يقصدون انكواير لان الانكواير هوة الي تجيك بي حالة الفيزا مالتك مو هذا الموقع

57

الهجرة و واللاجئين / رد: اختكم بحاجة الى مساعدتكم

« في: 21:16 06/05/2012  »

اختي العزيزة ... طبعا رح احجي الي اعرفه و اكيد حسب معلوماتي المتواضعة يعني مجرد دا احاول ...

بلنسبة للاستمارة و الارقام اني صارت بية بفد استمارة بس المشكلة جانت الارقام تنكتب بلعربي ... المهم حاولي تملين الاستمارة من غير حاسبة .. يعني جربي اكثر من حاسبة عسا ولعل ...

و بلنسبة العدم محكومية يعني اذا السفارة السعودية متقبل تنطي خل يبلغ السفارة الامريكية و شوف اما يمشوهة و اما لازم يروح للسعودية يسوي عدم محكومية ..

58

الهجرة و واللاجئين / رد: موقع تجيك بيه حالة الفيزا SIV ولكن

« في: 20:03 06/05/2012  »

ههههههههه ضلعي صاير عندك اشتباه ... هذا الموقع نطونيا بالخطوة مال نبراسكا من دزيتلهم الاوراق مالتي نطوني هذا الموقع و الرسيت نمبر مال الباكج الي دزيتة الهم و همة نطونيا ... يعني هذا الموقع ما الة علاقة بلفيزا او اي خطوة ورة المقابلة

59

الهجرة و واللاجئين / رد: اس اي في ايميل غريب و سؤال اغرب

« في: 22:44 05/05/2012  »

شكرا للجميع ممنون الكم ... كيمو ... اعرف والله الفيزا مطالعة اكيد لو طالعة جان اجاني ايميل يكول طلعت ... بس ابد ممارة علية واحد اهنا بلمنتدى لو برة المنتدى يكولولة على وشك اتمام المعاملة ... يعني لو يكولون طلعت لو اديشنال ادمينستراتيف .. اتمنة اذا احد مار علي هيجي شي يكلي

60

الهجرة و واللاجئين / رد: اس اي في رجاااءا مساعدة عاجلة

« في: 13:20 03/05/2012  »

شكرا للجميع و اتمنالكم التوفيق من كل كلبي الله شاهد علية و الله يفتحهة بوجهكم يا رب

61

الهجرة و واللاجئين / اس اي في ايميل غريب و سؤال اغرب

« في: 21:09 02/05/2012  »

السلام عليكم ...

اليوم الصبح بلعشرة و نص اجاني ايميل من baghdad IV  الايميل يكول

We are nearing completion of your visa case.  We have  tried to call you at            ْْْْْْْ      but that number is disconnected/out of area.  Could you please provide us with a number where you could be reached?

 

Sincerely,

 

Immigrant Visa Unit

U.S. Embassy Baghdad, Iraq



اني هم كبل نطيتهم رقم تلفوني الاسيا و كلي امل انه اكو فيزا و بعض الاعضاء شجعوني .... المهم بلثنتين الضهر خابرني شخص يحجي انكليزي
كال اني من قسم الهجرة واللجوء بسفارة الولايات المتحدة الامريكية ببغداد ... انتة فلان ابن فلان ؟ كتلة اي ... كال من 2007 لحد 2009 انتة مشتغل بفلان شغلة كتلة اي ... كال ممكن توضحلنة طبيعتهة بلضبط لان هية صح وية الجيش بس مدا نعرفهة ... شرحتلة شنو الشغلة ... كال شكرا و سد التلفون ... طبعا الشغلة الي سأل عليهة مو هية الشغلة الي اني مقدم عليهة اس اي في .... هسة اكو شغلة اريد افتهمهة و اتمنة احد يكدر يوضحهة ... حسب الي اعرفة ورة المقابلة اكو سكيورتي جيك ... والخارجية ما الهة علاقة بلفحص الامني .... زين هسة خابروني الخارجية ... يعني هل الفحص الامني او الكليرنس خلص ؟ زين سؤال الاخ ...بلايميل يكول نحن على وشك اتمام طلبك للفيزا ... يعني شنو ؟ كملت الفيزا ؟ لو شنو بلضبط دختتت والله و اسف علاطالة و شكرا للجميع و تمنياتي بلموفقية ....

62

الهجرة و واللاجئين / رد: اس اي في رجاااءا مساعدة عاجلة

« في: 12:36 02/05/2012  »

الله يبارك بيك اخوية رأفت و انشاء الله مثل ما تكول

63

الهجرة و واللاجئين / رد: اس اي في رجاااءا مساعدة عاجلة

« في: 12:35 02/05/2012  »

هههههههههههه اخوية كازة تسلملي يا وردة و انشاء الله يخابروني يكولولي طلعت فيزتك و اخلص من الانتضار لا دا اعرف اشتغل ولا دا اعرف استقر شكد متتخيل متخربطة اموري و ممفتهم كلشي و انشاء الله يوم الكل تسافر و تخلص و الله كريم

64

الهجرة و واللاجئين / رد: اس اي في رجاااءا مساعدة عاجلة

« في: 12:29 02/05/2012  »

ههههههههههههههههههه اي والله ملاك صدك اذا طلعت فيزااا يعني كروبكم خير و انتي خير و انشاء الله مثل ما الصدفة جمعتنة بلمقابلة ... تجمعنة نفس الطيارة  و نفلت بريشاتنة منااااااا

65

الهجرة و واللاجئين / رد: اس اي في رجاااءا مساعدة عاجلة

« في: 12:22 02/05/2012  »

مودي العراقي والله خوش فكرة و كلش صحيحة بس بعد دزيت رقم واحد فاتتني و المشكلة الايميل ما اعرف شلونة ما اكدر اجاوبة مثل ايميل عادي ... بي خانة وحدة تكتب بيهة الجواب و اتزة و هاهية متكدر تدز ريبلاي لاخ

66

الهجرة و واللاجئين / رد: اس اي في رجاااءا مساعدة عاجلة

« في: 12:20 02/05/2012  »

ههههههههههه كارة عزيزي اول شي شبيك ضايج على كيفك و سوري بس الايميل ثولني ... ثاني شي اعرف شنو معنا الايميل بس سؤالي هم صايرة ب احد ... و اذا صايرة ب احد يعني طلعت فيزتة ؟ لو راح تطلع ؟ لو شنو بلضبط ؟ لان حسب الي اعرفة يدزون ايميل الفيزا طلعت و الدي اج ال يخابرك همة ليش يريدون يخابروك و شيكولولك؟

شكرا على مرورك

67

الهجرة و واللاجئين / اس اي في رجاااءا مساعدة عاجلة

« في: 12:12 02/05/2012  »

السلام عليكم .... ما ادري شكول لان كلش ارتبكت و شكد متتخيلون محتاج الفيزا .. المهم اني مقابل بشهر الثامن 2011 و هسة اجاني ايميل من baghdad IV
الايميل منطيني رقمي العراقنا و يكول
Dear Sir,

 

We are nearing completion of your visa case.  We have  tried to call you at            ْْْْْْْ      but that number is disconnected/out of area.  Could you please provide us with a number where you could be reached?

 

Sincerely,

 

Immigrant Visa Unit

U.S. Embassy Baghdad, Iraq

68

الهجرة و واللاجئين / رد: اكو احد مقابل بشهر الثامن 2011 ??? SIV

« في: 12:43 29/04/2012  »

السلام لكم :

أني مقابل منذ 14 - شهر الثامن 2011 والبارحة بالصدفة فتحت الايميل ووجدت رسالة من ال  أس آي في  يطلب أرسال الجواز بأسرع وقت ممكن .

أني ممصدك لحد الان , أرجو تفسير ذلك وماذا سيحدث في المرحلة القادمة ؟؟؟؟؟؟؟؟

ولكم الشكر

اخوية حسب علمي مبروووووووووووووووووووووك اجتك الفيزا ... ههههههههه ما اريد اطلع غلطان و اوكع كلبك سوي موضوع بلمنتدى يجاوبوك بس رأيي الشخصي مبرووووك اجتك فيززاااا

69

الهجرة و واللاجئين / رد: اكو احد مقبل بشهر الثامن 2011 ??? SIV

« في: 09:57 28/04/2012  »

والله يمكت تذكرتك

جان اكو واحد كاعد بالصف الاخير مال الكراسي وبس نايم

شكله يقهر ردت ابجي عليه هههههههههههههههههه

هههههههههههههه هوووة اني صحيح من جهة الثلاجة مال المي قريب هاي المكتبة الصغيرة الي بيهة هاي المثل الكتيبات

70

الهجرة و واللاجئين / رد: اكو احد مقبل بشهر الثامن 2011 ??? SIV

« في: 23:28 27/04/2012  »

ههههههههههه اذا هذا الخبص القاعة منتبهتي على شكلة اكيد اني ولا عرفتي بية موجود اصلا لان اغلب الوقت جنت نااااااااااااااااايم حتة مقابلتي صارت اسرع مقابلة بلتاريخ دقيقة وحدة والله ....

71

الهجرة و واللاجئين / رد: اكو احد مقبل بشهر الثامن 2011 ??? SIV

« في: 23:09 27/04/2012  »

=))  اتصور عرفت هذا اليحجي ... شوية يلعب حديد و يشبه القرد و مخبل نوعا ما و كلش يجذب مو ؟ و ضل يضحك على واحد سمين ابيض مقدم على فيزا سياحة هيجي شي ...

72

الهجرة و واللاجئين / رد: اكو احد مقبل بشهر الثامن 2011 ??? SIV

« في: 22:57 27/04/2012  »

هههههههههههه اييي احنة مقابلين بنفس اليوم ماكو هيجي صدففففة ... بلمناسبة اني قريت تاريخ مقابلتج قبل كم شهر بفد موضوع و صفنت مخمخت بس ردت اتذكرج مكدرت

73

الهجرة و واللاجئين / رد: اكو احد مقبل بشهر الثامن 2011 ??? SIV

« في: 22:45 27/04/2012  »

ههههههه خوش فكرة ...

16-aug-2011

خل نشوف بلكت الله نسوي كروب

74

الهجرة و واللاجئين / رد: تاثير كاشف الكذب على الفيزا اس اي في. ارجوكم جواب

« في: 20:10 26/04/2012  »

اخوية هذا موضوع كلش كلش كلش مهم و افضل اذا واحد من الاعضاء يكدر يزيد على معلوماتي و يسوي موضوع منفصل لان صدك مشكلة ...

الي اعرفة ... 1- عندي صديق رسب بلجهاز و المحقق كالة اذا تريد تسافر لو عندك فكرة تسافر اس اي في لو اي او ام ف انسة لان انتة فشلت بلجهاز
2- عندي تقريبا 10 اصدقاء او مو اصدقاء و انما زملاء بلعمل فشلوا بلجهاز بدون اي سبب يذكر مع العلم كلهم من 2004 و 2005 و واحد بيهم جان مترجم مال مقدم

3- الي انفصلوا بسبب الجهاز ... قسم منهم اجتي ورقة بولو ب اسمائهم و انمعوا من دخول القاعدة ... و قسم اخر لا كلشي مصار بس انفصلوا من الشغل ...

4- الي ينفصل ميذكرولة اي سبب و ميعرف شكو و حتة باج اصفر يطلعلة و على غفلة ينفصل مثل القضاء والقدر

5- شغلهم مخربط و ممضبوط اطلاقا ... يعني واحد نطوا اعادة جهاز مقابلة لخ و بنفس الوقت انفصل و لمن خابرهم كالولة ليش انفصلت ؟ رجع للشغل الار اس او مال المعسكر كالوا الار اس او مال السفارة همة دزولنة الايميل ... رجع خابر السفارة كالولة ماكو هيجي شي ... المهم خبلوا للولد و خربطة ما اعرف اولهة من تاليهة و اكو كومة امثلة

6- قسم من المقدمين بلفتنك او الاختبار هذا الامني ... يسألوهم اذا مقدمين اس اي في لو اي او ام ف اختار لو شغلك لو سفرك ! ... و قسم الاخر لا عادي يغلسون


7- و اخيرا ولو طولت عليك ... الحجي الي كتبتلكيا كل شخص من الي اعرفهم الة قصة معينة و احداثهة تختلف و انشاء الله انتة فيزتك بلطريق لا تهتم و اتمنالك التوفيق

75

الهجرة و واللاجئين / رد: اقل وقت للحصول على فيزا siv معلوم ؟؟؟؟؟؟

« في: 14:09 25/04/2012  »

عزيزي كل قاعدة الهة شواذ .... اني اعرف واحد سألني علاي او ام شلون يقدم اول خطوة ... ورة شهرين خال صورة بلفيس بوك ب امريكا و الله على كلامي شاهد .. هوة جان يشتغل وية بركيت كوماندر يجوز هاي الي سوتهة بهلسرعة الخيالية ... و سامع هواية امثلة بس الي شايفة بعيني بس هذااا ... المهم القصد انه اكيد اكو ناس الهم اكسبشنات

76

الهجرة و واللاجئين / رد: SIV: مواصفات الصور بالفحص الطبي ارجو المساعدة

« في: 21:08 19/04/2012  »

صديقي الصور نفس الي سويتهم انتة للمقابلة يعني خمسة في خمسة خلفية بيضة وجهك امام الكامرة بصورة مستقيمة ...
الدي اس 230 كلنة رادوهة من عدنة و سويناها و اي سؤال بخصوصهة تفضل اذا مو اني ف العلماء مال الاس اي في اهنا يجاوبوك

77

الهجرة و واللاجئين / رد: اخوان شنو قصه الانكوايري مال السفاره

« في: 12:15 18/02/2012  »

اني هم نفس الشي ادز  وماكو جواب بلاخير انتبهت اكو ملاحظة صغيرة تكول انه احنة مشغولين و انكوايريات كومة ف اذا اكو اي شي جديد لو اي ركوايرمنتس راح نجاوبك اذا ماكو شي و الكيس على حالة منجاوب

78

الهجرة و واللاجئين / رد: وينكم يا أهل الخبره يمعودين بالنسبة للكيس ياهو الاحسن الPending لو ال Active ??

« في: 00:42 19/01/2012  »

ما الهة علاقة و مجرد شخبطة بمعننى الكلمة و احجي بكل ثقة .... عائلتي اي او ام كيسات ثنين ... طبعا ولا واحد منهم مسوي مقابلة ولا محدديلهم مقابلة ولا اي شي غير الاي زي ... المهم اول شي جان كلشي ماكو بس حالة الكيس اكتف و الفحص الطبي اكتف .. ورة فترة صار بيندنك الكيس و الفحص الطبي بقة اكتف والبقية ماكو شي .... هسة جيكتة الكيس اكتف و والبقية ماكو حتة الفحص الطبي صار نوت كومبليت .. هسة لو يجي نيوتن و يا فد ميتين عالم مراح يلكون سبب لو تفسير غير الخربطة

79

الهجرة و واللاجئين / رد: كروب القابلوا و منتظري الفيزا - SIV

« في: 09:59 01/01/2012  »

16-8-2011

وية الاخت ملاك

80

الهجرة و واللاجئين / رد: تعيين

« في: 09:55 01/01/2012  »

جوني , اسكند , زينب, كوكي , ليو  شكرررااا علردود اخوتي و خواتي و تمنياتي الكم بلموفقية يااااارب و انشاء الله سنة جديدة كلنة نسافر بيهة



اخوية ياسر فد مرة واحد دي او دي كالي راح اكلك نصيحة خليهة ترجيه ب اذنك ... وين متشوف عرب لو عراقيين ب امريكا ابتعد عنهم لان راح تبقة تراوح بمكانك بدون نتيجة و يكول اني ضيعت 8 سنين من وراهم من طلعت واختلطت بلمجتمع الامريكي يلة صار براسي خير ... مع احترامي لكل العرب و العراقيين الزينين بس مع الاسف هواية ميريدون الخير الاحد

81

الهجرة و واللاجئين / رد: البريد السريع

« في: 15:39 30/12/2011  »

صديقي ما اعرف البريد السريع الي دا تحجي علي شنو ... اذا دي اج ال لو فيداكس ف اكيد منطيك تراكنك نمبر تكدر تستخدمة و اذا شفت الاوراق واصلة الامريكا ف دز ايميل النبراسكا و همة راح يجاوبوك انه وصلت ... غالبا الاوراق توصل وورة فترة يلة يكولولك و غالبا تتاخر اكثر من عشرين يوم يلة يجيك الجواب ... علعموم بكل الاحوال لا يضل بالك لان مهما كان البريد ف مستحيل تضيع ورقة و انتة انتضر فد عشر ايام لخة و دز ايميل النبراسكا .... بلمناسبة اني دزيتهة بلبريد العسكري 4 اشهر يلة وصلت (

82

الهجرة و واللاجئين / رد: تعيين

« في: 15:56 27/12/2011  »

مساء النور هوووم فرونت ... شكرا على الرد و انشاء الله بلتوفيق

83

الهجرة و واللاجئين / رد: تعيين

« في: 15:55 27/12/2011  »

اشكرج اخت ملاك بارك الله بيج و انشاء الله بلتوفيق للجميع

84

الهجرة و واللاجئين / تعيين

« في: 15:29 27/12/2011  »

مساء الخير على احلة منتدى بلدنيا ...


اكيد اسم الموضوع شوية غريب لان هذا منتدى هجرة مو تعيينات ... بس عندي قصة صارت وياية اتمنة كلكم تستفادون منهة مثل ما اني استفاديت منكم هاي الفترة الفاتت ... اكيد محد ملاحظني اصلا و محد يعرفني بس اني علطول متابع المنتدى الغالي و من سنة و نص اجاني الكام بروفال و اني كلشي احتاجيتة لكيت الجواب يمكم و اني حاليا دا انتضر فيزا صار 4 اشهر ... المهم ما اطول عليكم خل احجيلكم القصة

فد يوم جان اكو دائرة حكومية فاتحيين باب التعيين ... ف واحد من اصدقائي مهندس كلي تعال وياية دا اقدم ... االمهم رحت ويا و كلشي حسب الاصول هوة الولد دخل جوة و جان اكو مجموعة بعدهم مداخلين ف اني بقيت برة انتظر وية المداخلين ... المهم واحد رجال جبير و لابس قاط و الي يشوفه يكول بس هوة و بس ... كاعد يحجي ف اني على اعتباري فضولي كلللش دخلت علخط ... الرجال ديكول اني كرايبي مدير بهاي الدائرة و خابرني كلي لا تقدم فايل ولا اتعب نفسك لان طالبين بس 100 و بلمحافظات مو بغداد .. طبعا ديحجي و كلة ثقة و صدكوني اي واحد بيكم لو شايف اسلوبة و لبسة جان صدكة ... اني جتني فكرة انه اخابر صديقي الجوة اكلة تعال اطلع عليمن توكف سرة و تهلك من التعب بدون فايدة بس ما اعرف ليش مخابرتة و خليته كمل المقابلة ... الله لا يجذبني شغلة شهر هيجي و دزوا على صديقي و اتعين بنص بغداد


المهم اخواني القصد من القصة هاي انه اكو هواية ناس تحبط المعنويات و تكسر الواحد بدون اي سبب و كلامهم ما بي اي نوع من الصحة او المصداقية و ما اعرف ليش هيجي يسوون .. و احنة اهنا كلنة عايشين و حياتنة واكفة على شي اسمة امل ... اذا خسرنة الامل راح نخسر كلشي صدكوني ... اتمنة وصلت الفكرة و بلمناسبة ما اقصد اي احد بهذا الموضوع و انما دا احجي عامتا يعني كلنة حتة اني يجوز فد يوم واحد اثق بي يكذب علية و اجي انقللكم الحجي و احبط معنوياتكم الي هية اصلا تعبانة ...



اسف علاطالة و تحياتي الكم

85

الهجرة و واللاجئين / رد: ارجوكم ادخلوا

« في: 09:03 22/12/2011  »

لعفوا اقصد اخي صار خلل مطبعي

86

الهجرة و واللاجئين / رد: ارجوكم ادخلوا

« في: 08:58 22/12/2011  »

parents, spouse, children (any age, married or single), grandchildren (under 21 and single), brothers and sisters (any age, married or single), brothers and sisters’ spouses, and nieces and nephews (under 21 and single). In order for grandchildren, nieces and nephews to qualify, they must be on the application with their parents

اختي هذولة الاشخاص الي تكدرين تقدميلهم اي او ام على القضية مالتج لان اني سألتهم قبل فترة

87

الهجرة و واللاجئين / ساعدوني بليييييييييييييز

« في: 23:59 04/01/2011  »

السلام عليكم

اخوان اعرف الكل تسال المساعدة بس انتوا انشاء الله متقصرون

عندي استفسارين كلش مهمات بليييييييز الي متاكد يساعدني

طبعا اليوم اجاني الكوم بروفال وفرحت الحمد لله والشكر

اول سؤال كالولي الاستمارة 360 اي شفتهة كلش معقدة ( بلنسبة الي ) و كومة حقول ما اعرف شكتب بيهة ف حاير كلش شلون راح امليهة وشايللهة هم مو طبيعي اذا اكو احد يكدر يساعدني بيهة اكون ممنون الة طول عمري

والسؤال الثاني كالوا نريد بيان ولادة او هوية وطنية ... ممكن هوية احوال مدنية او شهادة جنسية ؟ لو الة بيان ولادة .. طبعا همة طلبهم شوية سخيف يعني كولوا جنسية شنو هوية وطنية محيرة والله


و ممنون للجميع

88

الهجرة و واللاجئين / رد: please i need heeeeeeeelp

« في: 21:50 28/11/2010  »

sora and blood bro i'm really feel cool now ,,, thaaaaaaaaaaaaaaaaaaaaanks alot guys ...

89

الهجرة و واللاجئين / please i need heeeeeeeelp

« في: 21:36 28/11/2010  »

السلام عليكم >>
اني رايح السوريا مرتين المرة الاولى ٢٠٠٧ لمدة ٢٨ يوم والمرة الثانية قبل سبوع رحت عشر ايام واجيت واني مقدم على الاس اي في وكل اوراقي كاملة و دا انتضر الكوم بروفل >> المهم جماعتي الي وياية بلدوام كالولي انه سفراتك الثنين السوريا راح تأثر على معاملتك كلش و اكثر شي متصير >>> اني اسف ا`ا الموضوع متكرر او شي بس الله يخلكم دا افكر هواية بلموضوع و كلش فرحت من لكيت المنتدى مالتكم و شفت مساعدتكم للناس منا >> اتمنى ا`ا واحد عندة معلومة اكيدة يساعدني و اني مممنون الكم كلششش