2
اتمنى والي الشرف ان تقبلوني عضو وياكم بالمنتدى رغم اطلاعي القليل عن المنتدى والي ابتدى قبل اسبوع عن طريق صديق لي في داخل المنتدى اتعجبت من وجود كثير من المشاركات والمواضيع المفيده الي اتهم كل العراقيين والي كانت كثير فادنتي لو كنت مطلع عليهه قبل مجيئي الى امريكا . وان شاء الله اكون محل ثقه عند جميع الاخوه
بدايه عن نفسي وصلت الى امريكا قبل سنتين عن طريق عمان وكنت حامل لشهاده الماجستير بالهندسه بالبدايه وباي مكان طبيعي تكون صعبه حياه جديده وممجتمع مخالف الى مفاهيم اتعودنه ان نشوفهه المهم خلال فتره 5 اشهر شفت اغلب ولايات امريكا وبكل مكان كنت اقدم على شغل بس مكنت اقدم على كل شي كان بداخلي الامل انه راح الكي شي مناسب لاختصاصصي على الرغم من معارضه كثير من الناس لاسلوب تفكيري بس احتمال لان مكان عندي التزام عائلي فكان سهل عليه الامر واخيرا لكيت شغل بجامعه وباختصاصي وكان شغل بارت تايم وبعد فتره 6 اشهر لكيت شغل بشركه وبراتب سنوي واني هسه حاليا ويه عملي دائمتحن للكتوراه المهم شباب الي اريد اوصله انه علمود نلكي شغل باختصاصنه صعب ويرادله صبر بس مو مستحيل واني مثال عن هذا الشي لكن اني اثبتت لمن اشتغلت بالجامعه وبالشركه انه اذا خلو بمكاني اكثر من امريكي مراح يشتغلون مثلي اي اثبتت نفسي الهم وهذا مو عن غرور لكن عن واقع وثقه بالنفس اتمنى للكل المترددين من الشباب ايعرفون اكو فرصه نكدر انحققهه بامريكا لكن يرادلهه مجهود وتعب وخصوصا هسه بفتره ازمه العمل بامريكا لان اني اعرف اكو امريكان ملاكين شغل لكن اليسعى الله ايوفقه تحياتي للكل واتمنى ان استفيد من تجاربكم وانطي دفعه للناس المترددين ان يستفادون من تجربتي . وشكرا جزيلا لاداره المنتدى على المجهود الجميل وتمنياتي للخير للجميع
عرض المشاركات
