الرسائل

1

مواضيع الحياة العامة في بلاد المهجر (امريكا) / رد: مراحل وصولي الة هيوستن

« في: 23:58 14/12/2010  »

السلام عليكم

البارحه صارت وياي شغله غريبه
شو اندك الباب
فتحته وجان واحد يكلي عمي احنا انساعد الجدد شو هذا راح فتح الثلاجه كلب البيت وظل يدور شكو ماكو
انا اتذكرت ايام صدام من جانو يدورون علا سلاح
شو هذا كليي انا راح اجيبلك لحم واثاث وملابس
كتله انت منو وشنو السالفه شو اخذت راحتك زايد
لا من رخصتك دخلت بحذائك
جان كلي انا احب اساعد كتله
مااريد مساعده مشكور بس طلع اجالي واحد جايب شغلات مال بيت اكل وغير امور

ولكم جزيل الشكر
المجمع اسمه كريسنت اوك
بيه هوايه عراقيين خوش اوادم
والزين ماركه بها الوكت الصعب

الكيس وركر موقذر بل غذرررر
   الف شكر 

2

مواضيع الحياة العامة في بلاد المهجر (امريكا) / رد: مراحل وصولي الة هيوستن

« في: 15:52 09/12/2010  »

شكرا الكم كلكم على كل الي جاوبوني
انا لا مترجم ولا اي شي من هذا القبيل
اذا واحد يكلي شنو اسمك اكله اريد مترجم

بالنسبه للشخص اللي اخذنا من المطار انا حاولت احجي وياه بس ما انطاني مجال
مايستحي ويكلي احنا بعدين انفهمك
المهم الظاهر حجولي عليه فد انسان ادبسز مع احترامي الكم
انا هسه بعدني جديد
مدينه هيوستن كلش حلوه ومرتبه بس شويه بارده وماكو مقارنه بينها وبين الوطن العربي او العراق هنا فد شي مرتب واتوقع العراقيين كلهم يشتغلون حسب ماكلولي الجيران
انا معذره خاف ما اكدر اجاوبكم لان ما عندي نت بعدني ابدايه الطريق
الله وياكم

3

مواضيع الحياة العامة في بلاد المهجر (امريكا) / مراحل وصولي الة هيوستن

« في: 19:54 08/12/2010  »

السلام عليكم طبعا انا ما عندي انترنت لان البارحه وصلت بس امجطل

طبعا انا من المتابعين لهذا المنتدى
المهم

انا وصلت لهيوستن لمطار جورج بوش
كان اكو عراقي ينتظرنا بيده لافته
المهم كال حمد الله على السلامه انا وياي اطفال  اربعه وزوجتي يعني احنا سته
المهم هذا كال خلي انخلي الجنط بالسياره وسكت ماحجا ويانا
وين رايحين وين جايين ما ندري هم انا اتوقعته اخرس
المهم ردته بس يحجي وياي ماكو

وصلونا للشقه كانت شويه مطر وبارده واكو مسجد...
المهم شو هذا كال انا رايح
انا شكتله كتله خوش لعد باجر التقي بالمدير مالك واكله على سوالفك الي سوينها ويانا سهله
جان هذا بدل ورجع كلي لعفو ليش انا بشنو قصرت وياك
كتله عبالي انت اخرس ماحجيت شي لاكتلنه اسم المكان لا الشارع شنو فلمك
جان كلي بعدك ما وصلت بديت تحرك كتله مو بس احرك اشتكي بالمقر العالم على ضلمكم وانت عراقي
المفروض اتساعدنا وانعل سلفا سلفاه الي مايساعدنا ويمت يطلعلي الفود ستام المديكيد كلي ابسرعه

المهم ما انت انطيته مجال لان اانا اسمع المنظمات كلهم حراميه المهم
جان كلي اسم المجمع وجر سمسم كلي باجرمن الصبح انا يمك
لو هيج لو ماكو
تحياتي ابوتحسين