عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - محمد الصيداوي

صفحات: [1]
1
الهجرة و واللاجئين / رد: بشرى سارة الى جميع اللاجئين العراقيين القادمين الى امريكا بعد 2010
« في: 10:54 07/01/2011  »
السلام عليكم اخواني و اخواتي الاعزاء...
احب اعرف انوا هذا المبلغ كل المنظمات المفروض تدفعه. بعدين في حالة اذا ما دفعوا اليه اكدر اروح اكلهم تره اكوا مبلغ 900 دولار لكل فرد لازم استلمه منكم و انتوا ما انطيتونياه لو انتظر الى ان همه ينطونياه؟ علما انو ان شاء الله راح اسافر بعد 10 ايام تقريبا الى ولاية الينوي مدينة روكفورد على برنامج ال اي او ام و منظمتي اسمهه الكرسشن فد شي و هذولة وصلتني اخبار عنهم انوا ذمتهم واسعة " يعني ما عنده مانع ما ينطيك ولا دينار منهن"



تحياتي....

2
مواضيع الحياة العامة في بلاد المهجر (امريكا) / رد: اميركا..بين الحلم..والواقع..والتجربه الحقيقيه!!
« في: 20:45 06/01/2011  »
السلام عليكم ورحمة الله و بركاته....
اني اخوكم ان شاء الله اسافر يوم 18 كانون الثاني 2011 الى ولاية الينوي بمدينة اسمهه روكفورد.
حبيت اعلق على كلام الاخ موزارت الاول و ادعيله بالصحة و العافية اولا و قبل كل شي و ادعوا الله ان يشافي مرضى الجميع. طبعا الشخص الي يحمل هاي المواصفات الي تحدثت عنها اكيد هذا انسان يكدر يبدع في مكان في العالم سواء اكان في العراق او في امريكا او في الصومال. صحيح الحجي ملحمي و يزيد من شحنة الطاقة الموجودة بداخلنه حتى نواجه المصاعب الي نسمع عنهه بامريكا و هذا كلام مشكور عليه. بعدين بصراحة اعذرني هاي مال واكف على الجرف و تخاف تنزل للنهر وانته تكله جيت بالنهر و جرب يمعود يروح واحد يجيت و يطلع ما يعرف يسبح و نوب تشيل خطيته ههههههههههههه. تحياتي الك و اني بالنسبة الي اقدر هذا الكلام و مبين انوا انته تعبت و الي يتعب يلعب اتمنالك كل الموفقية.
بعدين اكوا موضوع ثاني قريته بصراحة بيه ارباك و يحتاجله توضيح. شنو مدة المساعدات خمسة سنوات و شنو البوكت مني و الايجار لمدرة 3 اشهر و في افضل الحالات تمدد الى اربعة اشهر و كذلك موضوع الفود ستامب لمدة سته اشهر و يتمدد الى 6 اخرى. اقصد يعني ماكوا خمسة سنين بالموضوع ممكن اعرف شنو تفاصيل هذا الشي.
بعدين بصراحة معظم الناس الي اعرفهم راحوا لهناك مو علمود المساعدات لكن ناس تريد تعيش هيه و عوائله بسلام و اذا دبر هذا الشي يحاول يدفع روحة ليكدام اما بتحصيله على شهادة اعلى من الي عده او بعمل يكسب بيه فلوس اكثر و مكانة اجتماعية اعلى طبعا هذا بلاضافة الى العيش في وضع امني مناسب "افضل من الي يعيشه بالعراق و هذا سبب سفرنه الاول و الاخير" لكن انصح كل واحد متعلك بخيط المساعدات ان يبطل منه لان الجماعة مبينين مو امان و همينه ينتظرونك توكع دا يشبعون عليك ضحك. يمكن بعض الكلمات قاسية بس اريد انبه الاخوه العراقين الي يظنون انوا همه رايحين الى جنه الاحلام. امريكا تره مو جنة الاحلام امريكا بلد التعب و العمل و الضغظ النفسي لكن افهموا اخواني انوا الانسان الناجح هوه الانسان الي يكدر يحقق تقدم في ظل كل هاي الظروف واني متاكد انوا كل الاخوه يكدرون ينزلون للنهر و يسبحون لان بس تنزل بالمي بعد ما تفكر بلبرد تكوم تفكر شلون تتعلم و شلون تتقدم و هذا كلامي حتى للاخوة الي بالعراق.

اسف على هذا الموضوع ولو صار بيه نوع من النرجسية بس كلام صحيح من صاحب تجربة اخواني و اخواتي الاعزاء. احبكم كلكم وان شاء الله يبعد عنكم رب العالمين كل مكروه.

3
مواضيع الحياة العامة في بلاد المهجر (امريكا) / رد: معلومات عن شيكاغو
« في: 18:10 04/01/2011  »
ممنون اخوية بلاك على اهتمامك بالموضوع و ردك الحلو بس شلون اتصل بوسام هوه اتصور جان موعد سفره يوم 4 كانون الثاني 2011 يعني اليوم و احتمال بعده ما واصل لهناك و ميدري شنو الفلم. واذا كنت اني غلطان يعني اقصد هوه هناك من فترة شلون اتصل بيه عدكم رقم تلفونه لو ايميله علمود اتصل بيه.
والله هاي شغلة التحويل لغير ولاية او منطقة همينه ما ارعف بيهه اخوكم اول مره يروح لهناك والله اني عندي معارف بفرجينيا و بتكساس يعني امريكان جانوا يشتغلون ويانه بالشركات بس اني ما سالهم على عناوينهم بالظبط عبالي بفرجينيا و كبل فبصراحة اي معلومة تقدمولياهه بهذا الموضوع تكون مفيدة لان المعلومات صفر عن طريقة طلب التحويل.

اخوية مالك. معظم الولايات الجنوبية يكثر بيهه الناس المهاجرين مثلا تكساس و كالفورنيا و لويزيانا و فلوريدا. فلوريدا مثلا اكثر ناسهه همه اصلهم من بنما مهاجرين همينه و تكساس مكسيك و بنما و من هاي الدول اقصد. بس شلون والله ما ادري و اني متاسف على الي صار وياك بس على العموم ان شاء الله خير و علايم ذاك الي يكول الظربة الي ما تكسر ظهرك تقويه يعني ان شاء الله هم استفاديت من التجربة و هيه فرصة هم واحد يتعلم.




تحياتي الكم جميعا والله يبعد السوء عن كل العراقيين.

4
مواضيع الحياة العامة في بلاد المهجر (امريكا) / رد: Ross son of iraq من كاليفورنيا سان خوسيه اخيرا وصلنة
« في: 22:13 03/01/2011  »
السلام عليكم اخوان...
تحياتي للجميع. ارجوا تزويدي بمعلومات عن ولاية الينوي و عن مدينة روكفورد بالتحديد. ان شاء الله راح اسافر منا من العراق يوم 18 كانون الثاني 2011. اريد ارعف اني عندي عائلة ويايه و على برنامج ال اي او ام. سمعت راح يكعدوني بحي كله عصابات و المنظمة مالتي تعبانين و راح ما ينطوني حقوقي كاملة. بعدين اريد اعرف وين اروح لاي دوائر علمود اقدم على السوشيل سيكيورتي نمبر و شلون اسوي اجازة سياقه و منين اشتري سم كارت مال تلفون وشلون اقدم على الفود ستامب و الميدك ايد و الكاش مني المساعدات؟ ممنون منكم بعدين السيارات شنو اسعارهن هناك اريد عنجه اكوا عنجه هناكه هههههههههههههه


تحياتي
الصيداوي.

5
مواضيع الحياة العامة في بلاد المهجر (امريكا) / رد: معلومات عن شيكاغو
« في: 21:22 03/01/2011  »
كفيلك الله ما عندي كفيل يا بلاك.... هههههههه
بعدين بصراحة اني عندي عائلة و ما اريد ابهذلهم ويايه هم لو اني وحدي جان هانت. بس الشغلة مبين بدايتهه بهذلو مو طبيعية بلكي تاليته زينه.


تحياتي للجميع
اخوكم الصيداوي.

6
الهجرة و واللاجئين / رد: معلومات عن ولاية الينوي
« في: 21:18 03/01/2011  »
اخوان نريد معلومات عن روكفور الينوي مو على شيكاغو. هلكد ما عرفت عن شيكاغو يمكن اول ما اروح اكوم اشتغل بيهه سايق كيه.
تحياتي للجميع.....

7
الهجرة و واللاجئين / رد: واخيرا والحمد لله ..... يوم الطيران يوم 4 من الشهر الاول 2011
« في: 21:14 03/01/2011  »
هلو هداوي
 والله اني سالفتي تعبانه ويه ال اي او ام لان اني مقابلة المحلفين اجلتهه كان المفروض اقابل بشهر الخامس 2009 و بعدين تاجلت الى 12 كلنون الثاني 2010 وراهه ب 45 يوم اجتني الموافقه  مال المحلفين بس كلولي تنتظر السيكيورتي جيك علما انوا اني مسوي الفحص الطبي قبل مقابلة المحلفين يعني بشهر 7 2009. بعدين اتصلوا بيه في شهر السابع 2010 كلولي الفحص مالتك ثار اكسباير لازم تروح تفحص مرة ثانية في منطقة الجادرية مقابل فندق بابل بعدهه يعني بشهر العاشر انطوني موعد سفر و اجلته كان موعد السفر على اساس يوم 8 نوفمبر 2010. بعدين اتصلوا بيه يوم 10 كانون الاول 2010 كلولي موعد السفر مالتك الاخير يوم 18 كانون الثاني 2011.
اكلهه فد دوخة و تعبتهم ويايه بصراحة بس الجماعة جان صدرهم رحب حيل ويايه قصدي من هاي القصة انوا موضوعي لا تعتمدين عليه لان اتصور انوا حالة خاصة جدا....

تحياتي للجميع .....

8
الهجرة و واللاجئين / رد: اخواني اريد اعرف معلومات عن ولاية ايلنوي مدينة روكفورد
« في: 20:55 03/01/2011  »
السلام عليمن اخوان...
اني اخوكم همينه راح انتقل لروكفور اني حاليا بعدني بالعراق بس ان شاء الله بيوم 18 كانون الثاني 2011 راح اسافر لامريكا الى مدينة روكفورد في ولاية الينوي. اي معلومات جديده عن المدينه لان دا اشوف رسائلكم تواريخه قديمة بلكي اكوا شي مشجع هسه لان بصراحة الاخبار الي عندي محبطة من هسه.....
تحياتي الكم جميعا.....

9
مواضيع الحياة العامة في بلاد المهجر (امريكا) / رد: معلومات عن شيكاغو
« في: 17:43 02/01/2011  »
الله يبشرك بالخير اخي يوسف.... اني ممنون على صراحتك هذه. ممكن اعرف شلون احول على غير مدينة من اوصل هناك. يعني شنو البروسيجر المتبع بهيج حالية؟ و هل ان المنظمة راح تحولني للمدينة او الولاية الي اريدهه لو همه الي يختارولي غير مدينة؟ بعدين مبين هذا ابو محمد حيل دايس بطن العراقيين هناك هذا شنو عراقي؟ مع الاسف والله اكوا هيج نماذج



تحياتي الك اخويه و ممنون لاهتمامك....  :'( :'( :'(

10
الهجرة و واللاجئين / رد: واخيرا والحمد لله ..... يوم الطيران يوم 4 من الشهر الاول 2011
« في: 17:35 02/01/2011  »
فيرسار انترناشونال اسستنس بروجك. ممنون الك حبي وان شاء الله نتلاقه هناك على كل خير.بالموفقية للجميع


أخوك ابو زيد.. :)

11
الهجرة و واللاجئين / رد: جماعة الينوي ILLINOIS للتفضل بالاطلاع
« في: 17:30 02/01/2011  »
شكرا مريومة الوردة....ام شاء الله نتلاكه هناك و نقوملكم بالواجب اخواني و خواتي
مع اطيب تحياتي......

12
مواضيع الحياة العامة في بلاد المهجر (امريكا) / رد: معلومات عن شيكاغو
« في: 21:43 01/01/2011  »
مرحبا اخويه ايرون مان
هلو انجي
اتمنى تزودنه بمعلومات عن مدينة روكفورد الينوي. ان شاء الله ان راح اسفر الى نفس المدينة يوم 18 كانون الثاني 2011. و هبطت معنوياتي لمن لكيت النمطقة هاي يعني روكفورد على قائمة المزرابل سيتيز بامريكا تسلسله كان 14 و ذلك لكثرة نسب الجرائم و قلة نسب التوظيف بيهه فياريت انته تنقلنه صورة اوضح عن هذه المدينة وعن المنظمات و طريقة التعامل وياهم وشلون راح تكون المساعدات. والله ادري اسئلة مكرره و متعبة بس اشو ما دا الكي فد شي يريحنه يعني يكلنه اي زينه تعالوا او لا موزينه غيروا كلساع نسمع خبر من شكل.

تحياتي الك حبي وان شاء الله ما تشوف غير الخير

13
الهجرة و واللاجئين / رد: جماعة الينوي ILLINOIS للتفضل بالاطلاع
« في: 21:17 01/01/2011  »
 8)

14
الهجرة و واللاجئين / رد: واخيرا والحمد لله ..... يوم الطيران يوم 4 من الشهر الاول 2011
« في: 18:35 31/12/2010  »
الف مبروك اخي وسام ان شاء الله الله يفتحه بوجهك و ما تشوف غير الخير...اني ان شاء الله همينه اسافر لنفس المدينة (روكفورد الينويز) بس ان شاء يوم 18 كانون الثاني 2011. اني على IOM مو على الاس اي في و ان شاء الله نتلاكه هناك :D :D :D :D

15
الهجرة و واللاجئين / رد: جماعة الينوي ILLINOIS للتفضل بالاطلاع
« في: 17:44 31/12/2010  »

السلام عليكم اخواني....
اني مشارك جديد بهذا المنتدى المفيد جدا للاخوة الي ناوين يسافرون للولايات المتحدة. اني اسمي محمد (ابو زيد) مهندس كهرباء و ان شاء الله اسافر لامريكا 18 كانون الثاني 2011 الى ولاية الينويز مدينة روكفور (حسب اخر مكالمة استلمتهه من جماعة الاي او ام). ارجوا ان تزودوني بمعلومات مفيدة عن المنظمات الي راح تتابع موضوع اللجوء و كيفية التعامل وياهم و ايضا معلومات عن كيفية البحث عن فرصة عمل. اني قريت تقرير لطيف عن الولاية في اكثر من مكان في هذا المنتدة لكن المعلومات عامة و غير فعالة خاصتا للناس الي راح يرحون الى مكان جديد و بيئة ما عدهم اي معلومات عنهه ولو اني شاكر جدا للاخوة الي رفعوا هاي المعلومات بس يا ريت لو اكوا ناس من نفس المدينة يكدرون يساعدون.

بلادي و ان جارت عليه عزيزة          و اهلي و ان عزوا علي كرام.



شكرا جزيلا
اخوكم محمد الصيداوي.

صفحات: [1]