الرسائل

1

الهجرة و واللاجئين / رد: هل الحمل يؤثر على السفر جاوبوني الله يخليكم

« في: 20:05 07/01/2011  »

الف الف شكر
اخواتي دكتورة سرى والاخت ريم عبد
الله يبارك بيكم ماقصرتوا وهسه صار واضح عدنا
تسلمون عيوني انتوا

بارك الله بكم اخواني واخواتي جميييييعا

2

الهجرة و واللاجئين / رد: هل الحمل يؤثر على السفر جاوبوني الله يخليكم

« في: 16:48 07/01/2011  »

اشكرك اخوية eng.mathio
الاخ زيد والنعم منه ما قصر
بس ياريت احصل بعد ردود حتى نعرف شنسوي
نبلغ المنظمة لو لا
واذا بلغناهم شنكوللهم بالتفصيل
شكرا اخوية

3

الهجرة و واللاجئين / رد: هل الحمل يؤثر على السفر جاوبوني الله يخليكم

« في: 15:34 07/01/2011  »

اشكرك اخوية زيد تعبناك ويانه الله يبارك بيك
هذا الموقع يكولون احسن وقت للطيران من 14- 27 اسبوع
يعني بالاسبوع الثالث من الشهر السابع هم مسموح
اذا هيجي لازم ناخذ ويانا تقرير انكول بيه انه هيه بالسادس
تسلم اخوية

4

الهجرة و واللاجئين / رد: هل الحمل يؤثر على السفر جاوبوني الله يخليكم

« في: 11:17 07/01/2011  »

اشكرك اخوية يدكو
هاي انت هم اكدت كلام الاخ لورنس والاخ النسرالذهبي
زين سؤال اخوية ليش لازم نبلغهم
اذا بنتي بيوم السفر ماداخلة الاسبوع 32 هيه ياله راح توصل الاسبوع 28 بيوم السفر
بعد ليش الا انبلغهم ؟
مو اخاف انكوللهم حامل وياجلون سفرها ويتخربط الموضوع كله علينا
اشكرك اخوية

5

الهجرة و واللاجئين / رد: هل الحمل يؤثر على السفر جاوبوني الله يخليكم

« في: 10:49 07/01/2011  »

اشكرك اخوية لورنس على ردك ومساعدتك
انا قريت كلام الاخ الصقر الذهبي وكلامه بصالحنا
لان هو كاتب لازم متكون داخلة الاسبوع الرابع من الشهر الثامن بيوم السفر
وبنتي بيوم السفر تكون بالاسبوع الرابع من الشهر السابع
اذا مابيه زحمة اذا تعرفه للاخ تكدر تتصل بيه حتى يساعدنا بمعلوماته اكثر
واشكرك اخوية

6

الهجرة و واللاجئين / رد: هل الحمل يؤثر على السفر جاوبوني الله يخليكم

« في: 10:44 07/01/2011  »

شكرا اختي سرى
اشكرك على نصيحتك والله يبارك بيك لكن احنا لازم نسافر سوية
تعرفين منكدر نسافر احنا ونخليها وحدها والطفل حسب ما اعرف يرادله
تقديم جديد
وبالنسبة لسؤال هيه وعلى فحص السونار قبل كم يوم  بيوم السفر راح تكون
بنهاية السابع من الحمل
شتكولين اختي يقبلون تسافر لو لا
وشنو المطلوب انسويه
اشكرك اختي

7

الهجرة و واللاجئين / رد: هل الحمل يؤثر على السفر جاوبوني الله يخليكم

« في: 00:00 07/01/2011  »

تسلم اخوية زيد تعبتك ويانة
اني قصدي على الفحص مال ابن البيطار قبل السفر بيوم
اهناك اخاف يفحصونها بالسونار ويعرفون
احنا راح نسافر على حساب المنظمة مو حجز خطوط
اشكرك اخوية

8

الهجرة و واللاجئين / رد: هل الحمل يؤثر على السفر جاوبوني الله يخليكم

« في: 23:34 06/01/2011  »

تسلم اخوية زيد
اني سؤالي اخاف ميخلوها تسافر
زين بالفحص الطبي قبل السفر مو راح يعرفون هيه باي شهر
همه محددين موعد للحامل اذا داخله بيه ميخلوها تسافر
والله حيرة شلون
شكرا اخوية

9

الهجرة و واللاجئين / هل الحمل يؤثر على السفر جاوبوني الله يخليكم

« في: 23:20 06/01/2011  »

السلام عليكم

اخواني واخواتي
احنا مقدمين على بغداد على الاي او ايم بغداد
وقبل كم يوم انطونا موعد سفر الحمدلله
سؤالي بنتي وزوجها ويانة بالمعاملة وهمالتين راح يسافرون ويانة
بس بنتي حامل
شو اكو ناس كالوا ميخلوها تسافر اكو هيجي حجي
وناس يكولون يعتمدون على مدة حملها
ياريت اخواني واخواتي اذا عندكم جواب تريحونا والله دايخين بالسالفة
والف رحمة على والديكم
واشكركم اهواية