مواضيع

1

الهجرة و واللاجئين / شباب باركولي اكتملت الامنية بس عندي سؤال للخبراء وخصوصا الاخ دزدمند

« في: 11:59 12/07/2012  »

اخواني باركولي البارحة بليل فتحت الموقع مئيس كالعادة وجان اشوف الامنية مكتملة وحالة الملف فعال بس حالة السفر مكتوب بيهة غير فعال علما انه الامنية صارلة يوم واحد من اكتملت بالموقع انتو برايكم شوكت راح يتصلون بية علمود موعد السفر؟ علما انه الفحص الطبي مالتي يصير اكسباير بتاريخ 1/8/2012 يعني باقي 18 يوم ، فاذا عبر هذا التاريخ وبعدني ممسافر يعني راح اعيد الفحص وبعدين يلة يخصصولي موعد سفر لو شلون؟؟؟؟ وهل ممكن ان تتاخر عملية اعادة الفحص؟ لو راح اسافر قبل متصير الفحوص الطبية اكسباير؟؟؟ اكرموني بارائكم

2

الهجرة و واللاجئين / الى كل الخبراء سؤال ليس له حواب، بخصوص الامنية في تركيا ليش متطول؟؟؟؟؟؟؟!!!!

« في: 13:26 22/06/2012  »

شباب اني صارلي تقريبا 15 يوم بتركيا جاي زيارة لكرايبي وهنا التقيت بالشباب والعوائل ومشفت عائلة منتظرة اكثر من 8 اشهر بعد مقابلة المحلفين ، يعني اكدر اكللكم بالمية 95 من العوائل تسافر بعد اشهر قليلة ما بعد مقابلة المحلف وهذا الحجي يشمل جماعة 2010 و 2011 و2012 وبالمناسبة ماكو جماعة 2010 لان كلهم مسافرين و2011 دينتظرون طيران وهنا صارت حالة واحد انتظر عشر اشهر يلة اجالة موعد سفر صارت ضجة ، لان ماكو واحد ينتظر هلكد ورة المقابلة مال محلفين ، زين هسة اني اريد افتهم هي الامنية مو نفسهة الامنية مالتنة جماعة الاي او ام ؟؟؟؟؟ مو همين بامريكا يصير التجييك؟؟؟؟ لعد ليش بتركيا متطول ومحد ليكولي لا لان اني دا اشوف هذا الشي بارض الواقع ، ليش بتركيا متطول وباقي البلدان كلهة تطول؟؟؟؟؟ ليش اريد افتهم الله يخليكم دماغي راح يتجمد ، اصلا من جيت هنا تندمت كلت اني بقيت كل هاي الفترة انتظر الاي او ام لو جاي لتركيا جان هسة اني مسافر وفاضهة ، هسة اريد جواب ليش بتركيا الامنية متطول؟؟؟؟؟؟؟؟؟ شنو علاقة تركيا بالموضوع اذا التجييك هو نفس التجييك الي احنة تخضعلة ؟؟؟؟؟

3

الهجرة و واللاجئين / مو الكل راح يسافر اسف ما اريد اجرحكم بس هاي هية الحقيقة

« في: 13:56 07/06/2012  »

شباب اني ما اريد اجرحكم بس خلي اكللكم بانه مستحيل الكل يسافر يعني شباب الكيس نمبر يبلش من 100000 وهسة وصل ال iz لل 130000 يعني معناهة 30 الف كيس خلي نكول كل كيس تلث اشخاص يجوز اكث ويجوز اقل اني اخذت المعدل زين خلي نكول من انفتح البرنامج ببغداد طلعو نص الكيسات يعني 15000 كيس هاي اذا مو اقل زين هسة باقيلنا 15000 كيس اضربهة في تلاثة مع العلم اكو كيسات اربعة وخمسة حتة سبع اشخاص ما شاء الله احنة العراقيين منقصر المهم خلي نكول تلث اشخاص يعني تلاثة في 15000 هاي 45 الف شخص !!!!!! يعني امريكا تاخذ من بغداد  بس 45000 الف شخص؟؟؟!!!!! وباقي الدول؟؟!؟! شباب اذا هيجي معناها بنهاية هاي السنة مثل ميكولون راح ياخذون العراقيين كلهم ويسدون ملف العراق يعني احسبهة عراق سوريا اردن لبنان تركيا يعني اقل شي فد مية الف لاجئ !!!!!!!!!!! لحد نهاية السنة شباب هذا شي مستحيل ماكو دولة تاخذ بسنة وحدة هذا العدد الهائل من اللاجئين لا ومن دولة وحدة يعني ترة همة مو بس العراقيين لاجئين عدهم لاجئين من غير دول همين يعني شباب شلون متحسبوهة الشغلة مستحيلة والي مثلي (تحت التجييك الامني) لاكثر من سنة هذا املة ضعيف صدكوني اغلبية الي سافرو طلعو ورة مقابلة المحلف بالزايد بست اشهر وحالة قليلة كلش من الي عبرو السنة وبعدهم تحت التجييك الامني شباب اني ما اريدكم تزعلون مني بس كافي تضييع عمر واحلام ونصبر نفسنا بالاخبار الي ما الهة علاقة بالمنطق شوفو حياتكم نصيحة رورحو للبلان بي احسنلكم.

4

الهجرة و واللاجئين / خيبة امل بموعد السفر!!!

« في: 15:18 24/05/2012  »

شباب اني اول البارحة دزولي مسج عل تلفون بانه تم تحديد موعد سفر ، بعدين اليوم خابرت مستشفى ابن البيطار كتلهم يابة شوفو اسمي موحود بالفحوصات ما قبل السفر كالولي بس اسم اختك موجود اسمك ماكو ، زين يعني ممكن يكون مواصلهم الاسم؟؟؟ لو اني دا اقنع نفسي ؟ وهذا معنى اني مجايلي موعد سفر بس اختي. وشكرا

5

الهجرة و واللاجئين / اجالي موعد طيران بس حالة الملف بالموقع بعدة تحت التجييك الامني!!! شلون؟؟؟؟ فهموني

« في: 22:22 23/05/2012  »

اخوان البارحة جتي رسالة علة موبايل مالتي بانه تحددلي موعد سفر يوم 5-2012 بس بعدين جيكت حالة الملف مالتي بالموقع مال اي او ام طلعت بانتطار التجييك الامني شلووون؟؟؟ فهموني اخوان الله يخليكم

6

الهجرة و واللاجئين / اجالي موعد سفر عن طريق رسالة على الموبايل!!!!!!ساعدوني رجاء

« في: 15:16 23/05/2012  »

اخوان البارحة جتيلي رسالة من رقم اردن كاتبين بيهة ، تم تحديد موعد سفركم بتاريخ 5-6-2012 وسوف نتصل بكم غدا للتفاصيل وشكرا IOM AMMAN وراهة انتظرت اليوم المفروض جانو يخابروني بس ماكو شي احد صايرة ويا هيجي حالة يعني دازيلة رسالة عل موبايل مالتة منطيلة موعد سفر  رجااااء ساعدونني لاني حاير ومدا اعرف شسوي
اخوكم تالنت

7

الهجرة و واللاجئين / سؤال مصيري جدا بخصوص الكفالة الخماسية لكندا في تركيا الرجاء الدخول!!

« في: 12:46 16/03/2011  »

مرحبا

شباب اني عندي مشكلة وهي بانه اني اريد اروح اقدم من تركيا عل كفالة الخماسية مال كندا فاريد اعرف اكو ناس مقدمة عل كفالة الخماسية من تركيا؟ وشكيد تطول؟ وصدك يكولون المعاملة مال كفالة بتركيا تطول ، شكيد تطول؟ وصدك يكولون اكو رفض مال كفالة الخماسية بتركيا؟ لانه يكولون بسوريا المعاملة سريعة ونسبة الرفض بيهة كلش قليل بس اني ما اكدر اروح سوريا فمن هيجي دا اسال على تركيا وياريت تنطوني معلومات كاملة على الكفالة الخماسية بكندا .