السلام عليكم ...

أخي العزيز ... شلون عرفت متهكر ؟؟؟ هل لمجرد انه مكدرت تدخل حسبته متهكر ؟؟؟؟ غالبا من تحاول تدخل للياهو عن طريق المسنجر يصير خطأ معين و راح تحوال لأكثر من مرة و نفس الحال ... راح الموقع كأجراء أحترازي يغلق حسابك لمدة 12 أو 24 ساعة ...لأن يعتبره محاولة اختراق للحساب ...و كل متحاول خلال هاي المده راح تتمدد الفترة .... انتبه شنو الرسالة اللي تطلعلك من تحاول تدخل اذا كان بيها

your account has been blocked/locked .... أو شي من هل قبيل ما اتذكر فمعناها ما عليك شي .. بس أنتظر أو تحاول تفتحه من موقع الياهو أو عن طريق iphone و هاي الطرق مجربة و فعالة ....

أتمنى اجابتي مفيده و هذا اللي اقدر أساعدك بيه و أن شاء الاخوان ميقصرون وياك ...

تقبل أحترامي
تسلم اخويه لا والله اخويه ما يطلع اكو بلوك يطلع ان عندي مشكله بالكنكشن بس كلشي ماكو لان النت عندي يشتغل

عليكم السلام

حضرتك تعرف معلومات الايميل؟

يعني السؤال السري وتاريخ الميلاد؟

حتى الايميل يرجع بهل طريقه

لا والله ما اعرف

السلام عليكم
رجاءا بلا زحمه عليكم شلون ارجع الاميل الياهو مالتي لان اتهكر وبيه مواضيع كلش مهمه رجاءا ساعدوني بيها

السلام عليكم
اخويه انا كنت بالامارات وهسه انا بامريكا ويوم الك انشاءالله الامارات ما تنطي حمايه ابدا ابدا ابدا يعني اذا عندك بس فيزا ما تكدر حتى تقدم عن طريق اليو ان الا اذا  عندك اقامه يله تكدر تقدم واي سؤال انا بخدمتك

السلام عليكم مين تبعد عني ساعتين انا بنيوهامشير بس اسمع الناس اتكول الي يريد مساعدات وما يريد يششتغل يروح مين لان مساعدتها اطول هواي وهاي الولايه مابيها شغل هواي حسب ما اسمع من الناس وهواي بيها عراقين هناك

اهلا وسهلا بك انتو قريبين منا احنا بينوهامشير

الف مبروك اخويه وحمدالله على السلامه انشاءالله كل الموفقيه

الأخ الكريم

ملاحظة صغيرة من تجربة عائلة في بغداد .... مشابه لموضوعكم تحققت لهم متاعب بسبب أن والديه مقدمين على الأمم المتحدة وسبب تأخير لغاية الأن :

للرفع ... والمساعدة

ما له علاقه لان انا كنا مقدمه على الاي او ام ورحت قدمت على الفيزا وانرفضت وهسه انا بامريكا وعادي ما صار شي

الف مبروك اختي

صباح الخير  عندي سؤال بلا زحمه عليكم اريد اجيب اهلي الي هي والدتي ووالدي واخواني فيزا زياره وهما عايشين بالامارات  وانا صارلي هنا 6 شهور بس بغدني ما اخذت الكرين كارد شنو الاجراءات الي اسويها من يمي  يعني اسوي ورقة دعوه لو ما يحتاج شكرا الكم

السلام عليكم اخويه عاشت ايدك فد سؤال احنا عايشين نيوهامشير اذا ننتقل عليها شلون احنا بعدنا ما حصلنا الكرين كار صارلنا 6 شهور ياريت تكلي اكدر ننتقل لو لا

اخويه هذا عنوانه
252 maple st
03103 zip code
manchester
اسم المحل spyce

اخويه انا عايشه بنيوهامشير اكو محل عربي يبيع كلشي من لحوم واكلات عراقيه وكلشي عنده مانجستير  اسمه سبايسي  واكو دجاج يبيعونه عند ماركت باسكت مكتوب عليه حلال بالعربي اسالهم يمتى اتجيبون دجاج حلال يا يوم  لان كل ماركت اله يوم محدد ومثل ما كلتلك المحل العربي كلشي بيه من لحوم ودجاج واكلات عراقيه وكباب وشورما عراقيه ومعلبات وخضراوات انت وين اي مدينه
واي خدمه انا من عيوني انا عايشه ويا زوجي مدينه اسمها ناشوا

عاشتايدك ماكو هنا بولاية نيوهامشير

سلام عليكم اخوية رافد وتحياتي الك ان شاء الله بالتوفيق اني احد الاعضاء بعين كاوة القدماء بسوريا حاليا ولايتي نفس ولايتك هم ورسستر اخوية الغالي من منبع انساني وعراقي شريف اترجاك وبحكم وجودك في ولايتي ان تعطيني عناوين واميلات المنضمات الموجودة في ولايتي لكي اتصل بهم علما اني من جماعة 2010  ومكمل كلشي وانتظر الامنية الكشرة اني اسف اكلفك بهذا الموضوع لان موضوعي غير موضوعك الطارحة بعين كاوة عن السيارة وياريت اميل مدير المنضمة الموجود في هذه الولاية لان مليت الانتظار اخوية واحنا هنا ضروفنة كلش صعبة الي دتمر علينة بسوريا وارجوا منك مساعدتي بهذا الموضوع وان شاء الله ادعيلك يم السيدة زينب الي اني بجوارها وتحياتي الك وللعائلة وسلامي وارجوا منك التواصل معي باستمرار لغاية اللقاء هناك ان شاء الله سلامي

                                                                                                           اخوك ابومريم البغدادي /سوريا

اخويه اتصور احسن سيتي اسمها لويل وبيها هواي عراقيين اشوفهم يمدحون بيها هواي

بالتوفيق اخي ابو مريومه بس خلي البالك هاي المدينه بالذات صعب جدا الايجارات بيهه  اولا غالية ثانيا أي احد مايقبل أجأرلك شقة اله يكون عندك شغل  و ماضي مال كردت  اني ضليت شهرين يله  قبل بيه واحد على شقة بس اني كاعد جنت ويه اختي  فيعني صبرت لان المنظمه  رادت تكدني ويه شاب عراقي  واني عندي  عائلة  فرفضت لان كنت كاعد يم اختي اما اللي ماعنده احد  فصعب جدا يلكولك ايجار  هاي اولا
ثانيا
من شروط الولاية و خاصة أذا عندك اطفال لازم الشقة تكون مصبوغه بصبغ خالي من الرصاص   و هاي المدنية قديمه جدا  و صعب تلكاه شقة جديدة
المنظمه  راح تحدد  الك أيجار معين يعني بحدود  700 دولار   و هاي من المستحيل تلكاه  هنا اله التعبانه كلش  او اصحاب الشقق العرب  اللي للاسف شققهم تعبانه كلش   
اني ما اريد اضوجك بس حتى لاتنصدم مثلي من اجيت هنا   و كلش ضجت  بس بمساعده اختي عده عمل و شغل  سويت نفسي على اساس اشتغل ويه زوجها  و عندي شركة يله قبل شخص اجرلنه 

المنظمة المسؤوله عني هيه الكاثولك شيرتي و منظمة  يمكن مرتين بس شفتهم اول ما اجيت  و من سحبت فلوس منهم  لان ناس اللي بيهم تعبانين و مايهتمون بك
هذا رقمهم  بس صدقني ماراح اسوون كلشي لان اني اللي يمهم ماسويلي شئ

001-508-798-0191

اخويه انا بنيوهامشير وانت تبعد عني نص ساعه  او اكثر شويه عندنا هنا القانون تكدر تشتري السياره بالبرمنت لان احنا هيجي سوينا وهنا ما ضروري التأمين شوف يمك اذا تمتحن بالسياره ما تحتاج تامين انا زوجي يكلك  من عيوني اخدمك بس اسال لان سيارتنا ما بيها تامين لان مثل ما كتلك هنا مو ضروري التامين وتدلل اخويه

شكرا الك بس هنا لازم تامين و خاصة مال اذا كنت تريد اطلع اجازه  اشوف اوراق السيارة المدرب يله يسمحلك انه تسوق لان كلشي اصير حادث ياسامح الله بس بارك الله بك و شكرا الك و لزوجك الكريم 

و مثل ماقال الاخ راح اشوف شركات تامين  للسيارات

الله يوفقك

اخويه انا بنيوهامشير وانت تبعد عني نص ساعه  او اكثر شويه عندنا هنا القانون تكدر تشتري السياره بالبرمنت لان احنا هيجي سوينا وهنا ما ضروري التأمين شوف يمك اذا تمتحن بالسياره ما تحتاج تامين انا زوجي يكلك  من عيوني اخدمك بس اسال لان سيارتنا ما بيها تامين لان مثل ما كتلك هنا مو ضروري التامين وتدلل اخويه

اخويه ولاية مين قريبه مني انا بولاية نيوهامشير طبعا بيها ثلوج وبارده مثل ولايتنا بس ما بيها شغل بس مساعدات كلش زينه وهواي واتطول 5 سنوات وكومه عراقين بيها

لا تشيل هم اخويه كومه عراقين هناك وتجنن هاي الولايه حيييييييييييييييييييييل حلوه وربي تتوفق بيه وانشاءالله بس توصل انا ادليك على منظمه كلها عراقين وحده عراقيه متطوعه فاتحه هناك منظمه وكلش زينه واتساعد هواي عراقين ولا تشيل هم وبيها هواي شغل هاي الولايه وربي تتوفق

ممكن من فضلك اسم المدن اللي تتواجد بيها الجاليه العراقيه في بوسطن وماهي فرص العمل هناك

ماستشوسس لويل  اعرف هواي اكو فرص عمل مثل كاشير ومطاعم وشركات يطلبون سوفت وير

لا تشيل هم اخويه كومه عراقين هناك وتجنن هاي الولايه حيييييييييييييييييييييل حلوه وربي تتوفق بيه وانشاءالله بس توصل انا ادليك على منظمه كلها عراقين وحده عراقيه متطوعه فاتحه هناك منظمه وكلش زينه واتساعد هواي عراقين ولا تشيل هم وبيها هواي شغل هاي الولايه وربي تتوفق

عاشت ايدك

oh are u looking to be funny ? 

عزيزي ابو ساره.... شكرا على جهودك الخييره التي تهدف الى تقديم الخدمه والمعلومه الجيده لاخوانك العراقيين ... ولا اعرف هل ان نظام الكميونتي كولج يختلف من ولايه الى ولايه ام لا ... في ولايتي ..Massachusetts .... لايشترط ان يكون القادم قد مضى عليه سنه او لديه شهادة الاعداديه . انا شخصيا قدمت بعد مرور شهر ونصف على وجودي في اميركا و لم تكن لدي اي وثيقه فقط اخبرت الكليه باني خريج اعداديه اعطوني استماره كتبت بها اسباب عدم جلبي الوثيقه وصدقتها من كاتب عدل .. بعدها عملولي اختبار  وعلى ضوئه وضعوني في المرحله الثانيه وبعد ما يقارب الثلاث اشهر انتقلت المرحله الثالثه  .... مع ملاحظه انهم لايقبلون من يدعي ان لديه شهاده جامعيه ... اكرر شكري واثني على جهودك القييمه ....... احترامي .

عاشت ايدك اخويه شنو تقصد بالمرحله الثانيه والثالثه قصدك مال لغه الانكليزي لازم تدرسانكليزي يله تبدي وياهم الدراسه ؟

صدك شوه سمعتنا هنا هم اكو موقف صار بولايتنا اكو شاب عراقي هنا مزور انسبكشن مالت السياره مالته  يعني حتى كرين كارد ما ماخذ ورايح الاخ مزور الانسبكشن مالت السياره لان الاخ ما يريد يدفع  سعر تصليح السياره فكام زور بالصدفه قبل يومين كان جاي يمشي بالليل وما مشغل الايت مال السياره وجان سياره الشرطه وراه كامت وقفته وطلبته منه الليسن  والاسبكشن طبعا هذا وقف كلبه رئسا كله هذا مزور
طبعا هذاك خلاص مات من يمه كله انا لاجىء وجاي من العراق وما عندي فلوس اصلح ولازم اشتغل كولو طلع شرطي يشتغل كان بالعراق بكركوك يكول انا اعرف كل العراقين يزورون بس انتو  ناس طيبين ومحترمين انا راح امشيها الك بس من باجر اتسوي سيارتك يعني هذا لو كضه ياخذ سجن وتسفير بس الله الي رحمه يعني حتى هنا اتزورون شلون ورطه

اخوان الغالين بس حبيت اوضح شي لحضرتكم وهو اني قبل شهر بديت الدوام في الكومنتي كولج واني ما  عندي تاكس ريترين والحمد لله اخذت فاينشيل ايد الشي الي لازم تسوي انه يجب ان تبرهن انه خلال السنة الراحت شلون جنت عايش يعني واردك شكد كلما يقل كلما راح تحصل اعلى واما بالنسبة الى الشهادة فاني محتاجوا مني اي شهادة بس كتبت الهم انه اني عندي شهادة اعدادية وبس ومطلبوا مني اي مستمسك عراقي وبالنسبة الى اللغة فلازم تمتحن انلكيزي قبل الدخول الى الكمونتي وعلى هل الاساس الدرجة الي راح تجيبه راح تحدد الكلاس الي لازم تصير بي وشكد تاخذ كردت  وطبعا الامتحان مجاني ويكون على الكومبيوتر
تحياتي الكم

ليش اخويه انت باي ولايه ياريت تفهمنه اكثر ومعلومات اكثر

عاشت ايدك اخويه انا عندي شهاده اعداديه مترجمه الا الاسم مكتوب بالعربي والباقي كله بالانكليزي مصدقه من التربيه والخارجيه بهاي الحاله ما تنقبل على المعادله ؟

السلام عليكم اخويه اذا كان هو يشتغل ويا الامريكان فيقدم رئسا على اي سي ام سي الي هي بتركيا والمقابلات طبعا اتصير كلها باوظبي واذا ما اشتغل ويا الامريكان فيقدم على اليو ان وهاي اللنك بيها كل الاخوان الي مقدمين من الامارات
http://www.ankawa.com/forum/index.php/topic,393615.0.html

عجيب اني هم كرايبي بكندا منزل صور الثلج مغطي سيارتة يمكن الموجو هاي كلش كبيرة وخطية اخواننا العراقيين هسة يتعطلون من كل شي

خير انشاللة
مشكور على نقل الخبر للي يريد يسافر خبر مهم هذا حتى يعرف


اخوك ستيفن
ولو اني احب الثلج 

خوب احنا اليوم منتهين حتى السياره كلها اتغطت يعني ما تكدر تتحرك من البيت يعني فد شي مو طبيعي وبعده ينزل الثلج بطريقه مو طبيعيه

السلام عليكم ..... اخوان احنا جميعا حسب علمي بالامارات .... و الموضوع الي احب اسال عنه طرق في اكثر من مناسبة و لكن لم يكن مستوفي كل الاجوبة و الاستفسارات و موضوع سؤالي للاخوة الذين غادروا من الامارات الى امريكا و اخص بالذكر الاخت uae123 التي هي الان في امريكا حسب علمي و السؤال هل يمكن اصدار ترفل دكومنت قبل مرور ستة اشهر للعودة للامارات و تاشير دخول لكي لا تسقط الاقامة؟؟؟ و اذا كان نعم  هل هناك ممن تعرفونه قد عملها و كم استغرقت  وقت لاصدارها..... تحياتي لكم جميعا و دعائي لكم بالتوفيق

صباح الخير اختي بالنسبه لترفل دكيمنت اتطول ثلاث شهور لان عندنا اصدقائنا سوها طولت ثلاث شهور كان عنده امتحان بالجامعه هاي شغله وما تاخذين عليها موافقه الا لاسباب كلش قويه الي تخليج اتسافرين يعني اذا عندج واسطات بالامارات اتطلعين ورقه من مستشفى مناك الله يبعد عنج كل مكروه او من جامعه جاي ادرسين  الا اسباب قويه ترى مستحيل يدخلونج او ينطوج اصلا موافقه والله يوفق الجميع  وهي اصلا تتسوى عن طريق الانترنت وتسجبينها برينت ودزيها لقسم الهجره

عاشت ايدك اخويه انا بولاية نيوهامشير هم ما بيها شغل ينارد واسطات كلش قويه وانشاءالله خير

عاشت ايدك اخويه بارك الله فيك

الى اختي الفاضلة uae123

شكرا جزيلا على المعلومات القيّمة عن ولاية نيوهامشير. واني فعلا عملت بنصيحتج واتصلت باقربائي وكالولي نفس المقترح انو من نوصل ان شاء الله بخير وسلامة احول الى نيوهامشير , واني احب البرد لان كتلنا الحر  ببغداد .
اني اتشرف بمعرفتج وان شاء الله من تطلع الفيزة ارسل لحضرتج استفسارات عن تفاصيل الرحلة والاغراض اذا امكن.

تسلمين وعاشت ايدج والله يوفقج

تدللين حبي

السلام عليكم حابه اشارك بالموضوع
انا اجيت من الامارات يعني ولادتي امارات صارلي تقريبا 30 سنه بالامارات واجيت لامريكا ما صارلي 5 شهور طبعا شفت الفرق كلش كبير بين امريكا والامارات طبعا امارات احلى واحسن ونظامها اكثر صرامه من هنا وكلشي عال العال مع هذا اجيت وتركت كلشي وراي واهلي واجيت علمو المستقبل لان الامارات بس فلوس وبس يطردونك وجهك رئسا للعراق العظيم خوب الامارات ما بيها لا تفجيرات ولا شي مع هذا اجيت للامريكا علمود مستقبل احسنوانا ابدا مو متضايقه من جيتي رغم ان بعدنا ما اشتغلنا لا انا ولا زوجي ومع هذا راح ابقى 5 سنوات علمود اكمل دراستي واحاول ابقى واخلصها شلون ما جان لان ما يتعوض هيجي فرصه رجاءا كل الي يجي هنا يحاول يتاقلم لان صدك ما تتعوض لان انتو ما تعرفون شنو قيمة المستقبل والجواز والشهاده الامريكيه والله بس تاخذوها اي دوله بالعالم واولهم دول الخليج وبالاخص الامارات ما يقل راتبك عن 10 الف دولار وشامله كلشي من سكن وسفر وكلشي يخطر بالكم لا تفكرون ترجعون للعراق وانشاءالله كل التوفيق

+1 عاشت ايدج ويارب موفقه بكل خطوه بحياتج
تحياتي
اختكم ام شاهين من سوريا

تسلمين اختي ام شاهين وانشاءالله الموفقيه للجميع

اختي uae123
 لما كنت اقرا المنتدى اتذكر حضرتج بنيوهامشير وبصراحة جنت اكول وية نفسي ان شاء الله اتعرف على حضرتج اخت عزيزة. اني رغبتي بنيوهامشير لان بيها اقربائي ولثقتي انو يساعدوني على الاقل في الايام الاولى وعند الوصول . فارجو ان تعطيني فكرة عن المساعدات ونوع السكن والمدارس للاطفال بمرحلة الابتدائية والرعاية الصحية والعمل اذا مابيها زحمة حتى لو بشكل مختصر.

اشكرج جزيل الشكر على اهتمامج وردج على استفساري

انا اتشرف بيج  بمعرفتج اختي نيوهامشير طبعا كلها ثلوج وامطار الصيف مالهم يمكن بس 3 ضشهور بالسنه بس والله حلو البرد والثلج طبعا تدفئه دائما ومن ناحية المدارس والجامعات ممتازه ومن ناحية المساعدات اسمع ان اطول خمس سنوات عامة ولايات الشمال كلها مساعداتها ممتازه بس اكو شغل الشغل شويه صعبه لان كلها واسطات هنا بس هم تحصليني اذا اتغيرين الفيلد مالتج واذا الغه مالتج زينه بس ما كتيلي هما باي مدينه بالضبط قرايبج ؟ بس هم منيسوتا ولايه  بالشمال هم زينه كلش مثل ما قتلج ولايات اشمال زينه وعن الولايه الي حاطيج بيها هسه لويل ترى زينه مابيها وبيها هواي شغل بس على العموم انت تكدرين بس توصلين للمطار تكليلهم اريد احول على نيوهامشير وتحولين مساعداتج كلها هنا يعني عادي مو فد شي صعب وانشاءالله بس توصلين انطيج رقمي ونبقى على الاتصال موفقه انشاءالله

خليني انطيج فكره لويل تبعد عن نيوهامشير تقريبا ساعه ومع هذا ان لويل بيها شغل اكثر من نيوهامشير وطبعا جميله جدا بس المنظمه غير عن منظمة نيوهامشير والمساعدات بنيوهامشير اكثر وطول

الى الاخوة والاخوات الاعزاء

السلام عليكم

قبل يومين ارسلو لي Iom عمان بايميل من اجل معرفة تحديث حالة الملف , واتفاجات حين وجدت تحديد المدينة لويل والولاية ماساتشوستس لاني سبق واخترت ولاية نيوهامشير بسبب وجود كفيلي وهو احد اقربائي. نحن في بغداد SIV
لا اعرف ماهي الاجراءات في حالة عدم وجود كفيل في المدينة المحددة؟ وماهي الاوضاع في هذه المدينة ؟

ارجو مساعدتي بتوضيح من سيستقبلني علما ان المطار المحدد هو مطار مانشستر -بوسطن في نيوهامشير ؟ واين سنسكن ؟

مع التقدير

اختي انا بنيوهامشير شنو حابه تستفسرين عنه او اي مساعده اعتبريني اختج وانا اساعدج تدللين

السلام عليكم حابه اشارك بالموضوع
انا اجيت من الامارات يعني ولادتي امارات صارلي تقريبا 30 سنه بالامارات واجيت لامريكا ما صارلي 5 شهور طبعا شفت الفرق كلش كبير بين امريكا والامارات طبعا امارات احلى واحسن ونظامها اكثر صرامه من هنا وكلشي عال العال مع هذا اجيت وتركت كلشي وراي واهلي واجيت علمو المستقبل لان الامارات بس فلوس وبس يطردونك وجهك رئسا للعراق العظيم خوب الامارات ما بيها لا تفجيرات ولا شي مع هذا اجيت للامريكا علمود مستقبل احسنوانا ابدا مو متضايقه من جيتي رغم ان بعدنا ما اشتغلنا لا انا ولا زوجي ومع هذا راح ابقى 5 سنوات علمود اكمل دراستي واحاول ابقى واخلصها شلون ما جان لان ما يتعوض هيجي فرصه رجاءا كل الي يجي هنا يحاول يتاقلم لان صدك ما تتعوض لان انتو ما تعرفون شنو قيمة المستقبل والجواز والشهاده الامريكيه والله بس تاخذوها اي دوله بالعالم واولهم دول الخليج وبالاخص الامارات ما يقل راتبك عن 10 الف دولار وشامله كلشي من سكن وسفر وكلشي يخطر بالكم لا تفكرون ترجعون للعراق وانشاءالله كل التوفيق

شكرا للرد
اعرف هنا الموضوع صعب بس بلكت الله اكو احد يكدر يساعد

انشاءالله ما يقصرون وياج

السلام عليكم  عندي صديقه بفرجينيا بقو 4 شهور يدورون على مترجم وما حصلو لان كان اكو واحد مترجم كان يغششهم بالامتحان النظري اجى اخوه العراقي الثاني راح بلغ عليه اخر شي ماكو احد ليهسه يترجم بالاخير اخر شي اخذها بثالث مره يله اخذها وبعدين وصل للعملي هم بعده ما صاعد ومرتين رسبوه وكال بعد ما امتحن وهسه يسمع حسك هسه رجع للامارات انا ما جاي احطم معنوياتك بس هاي الحقيقه اخر شي سمعت من احد الاعضاء اكو واحد يترجم 500 دولار ما ادري اذا صدك لو لا بس للعلم ان  امتحان النظري سهل ترى مو صعب ينراد بس قرايه  واتكل على الله واعتمد على نفسك اذا ما حصلت احد اكو قبل كم يوم واحد نزل مواضيع عن فرجينيا ياريت يدخل ويقرا موضوعك ويساعدك  التوفيق انشاءالله

اخويه بلا زحمه لاتنسى عناوين المعادله مال شهاده

غلطت اخويه سهوا كتبت اختي تعذرني تاج راسي

عاشت ايدك

اخويه بلا زحمه لاتنسى عناوين المعادله مال شهاده

اخويه هم يحتاج تعادل شهادة الهاي سكول لان انا ما خذتها من الامارات ومترجمه هم لازم اسويلها افالويشين قبل لا ادخل بالكورس تسلم اخويه

طبعا  هاي تخص هيوستن
http://www.hccs.edu/hccs/business-community/school-of-continuing-education/health-careers/electrocardiography-ekg-technician
اما ولايتك مادري بيه والله  بس انت اذا تروح للمنظمه وتسئل تكلهم اريد اخذ هذا الدرس او شنو الدروس الي عدكم وتغطون انتو تكاليفه اكيد راح ينطوك قائمه بيه و مواعيده

خابرتهم سوى نفسهم ما يعرفون المهم دورت بالكوكل طلع سعرها 16 الف دولار خلال تسعة اشهر يتضمنها التخطيط القلب الي هي مديكل اسستنس مع العلم انا ما صارلي سنه بالولايه السعر الي حطيته انت لازم اكون مكمله سنه بالولايه لو مو شرط

كورس تخطيط القلب اسمه ekg و الصيدله pre-pharmacy
وطبعا اكو بعد كم كورس ماعرفهن وللتوضيح اكثر تكون هاي الكورسات بمعاهد او  مدارس خاصه بس المنظمات اله حصه انه ادخل عدد من الطلاب بكل دوره ومستقبله زاهر خاصه الصيدله انصح بيه لكثره وظائفه 

واخ تمكين ان شاء الله اليوم يوصلك الرد المفصل وتدلل تحياتي

حاولت هواي ادور على الويب سايت ما لقيتها ياريت تكتبها النا

عاشت ايدك على عاي المعلومات ياريت تنطيني الموقع الي بيها هاي الكورسات لان انا عايشه بنيوهامشير المنظمه ما تعرف بهاي الشغلات كلت حتى لو ادرسها على حسابي بلكت تنطيني الويب سايت مالتهم تسلم

اخ همفي اني وياك باللي تكوله ومشكور بس اكو شغلة شوية مفتهمتها واريد منك التوضيح
شلون تحصل على 25 الى 35 دولار بالساعة وخلال سنتين ومتخرج من ((الكوميونتي كولج)) ؟؟؟؟؟
ابروح اهلك فهمني السالفة
واريد اعرف من حضرتك شكد صارلك عايش بامريكا
لانه الصورة اللي موجودة بحسابك تكول صارلك شهرين من واصل لامريكا !!
ابروح المرحوم  وضحلي لانه الظاهر احنه مهاجرين للهند ومندري!!!
انتظر منك الجواب بلا زحمة عليك

اخويه تبقى كل واحد ولايته واسطته عندنا واحد كان يشتغل يغسل حمامات بالمطار بغداد هسه هو تكساس راتبه 5000 دولار شهاده ما عنده يشتغل بشركة اريكسون  وهو كلشي ما عنده يعني الواحد حسب واسطته والولايه

اخويه بس تبلغهم بالتليفون  وتبعثلهم اميل لتركيا بنقل الملف وعادي وهم يبلغوك رسميا بس سنقلون الملف وشي جدا سهل لان احنا نقلنا ملفنا من  العراق وبعدين على الامارات

اختي ياريت تحطين الويب سايت مالت الكورسات التي تنطيها الكليات علمود ندخل وانشوف المواد بلا زحمه عليج شكرا

السلام عليكم بالنسبه لموضوع فرجينيا ولاية كلش تعبانه وغاليه عندنا اصدقائنا اجو ويانا بنفس الطائره من الامارات اليوم راجعين لان كرهو حياتهم من فرجينيا ما صارلهم 4 شهور بحيث حتى الليسن مال سياقه ما اخذها يعني مصيبه هناك العيشه وبالنسبه تعقيبا عن الاخ حماده 2 بالنسبه الولاية الشرق انا عايشه بنيوهامشير ولايه امانه كلش وحلوه بس مشكلتها الشغل بيها شويه صعبه وبوسطن اخويه هاي ما اتفق وياك ان مو حوش ولاية هاي ولايه كلششششششششششششششششششش حلوه ومن ارقى الجامعات والمستشفيات بالعالم بيها وبيها شغل كلش هواي وجوها بارد وثلوج بس مشكلتها غاليييييييييييييييييييييييييييييييه كلش من كل النواحي هما اكثرها يسكنون بيها اليهود لان هما الي عندهم فلوس وكلها طلاب جامعات من دول الخليج

تسلم ايدك اخويه على المواضيع الحلوه

اخي العزيز ..
عندي صديق في مدينة هوريسون بيرغ وهو ديشتغل حاليا ومرتاح ونسافر من ال 2010 واتصالي بي كان كثير واعرف اشياء هواي عن هذه الولاية وبما انت تريد المساعدات فالمساعدات هي
اولا : الفود ستامب :- لكل شخص مبلغ قدره 200 دولار واذا تحاوز دخلك الشهري خد معين سوف ينقطع عنك

ثانيا : المديكيت :- في ولايتك يعطوك المديكت لمدة 8 اشهر وينقطع الا اذا كانت ظروفك خاصة ممكن تجددة فترة معينة

ثالثا : الماجك راند :- تعذرني لان بالضبط مااعرف كم المبلغالمخصص بساضن250 دوﻻر للشخص تستمر لمدة ثﻼثاشهر مع دفع ايجار للشهر الرابع اذا كنت مع عائلة

رابعآ :- برنامج التانف وهذا البرنامج استفاد منة صديقي كثيرا وهو برنامج مساعدة مالية لاصحاب الاطفال وكان صديقي له اربع اطفال وكان يستلم 382 دولار شهريا وهذا البرنامج لسنتان . ولكن هناك شرط في هذا البرنامج وهو انت تكون مشترك مع برنامج الفيو
خامسا :-برنامج الفيو :- هو برنامج ملحق ببرنامج تانف وهذا البرنامج يجهزك لـ
اولا: حضانة مجانية لاطفالك ولكن شرط ان تعمل
ثانيا: اذا ماعندكممكنان تقدم طلب سيارة بشرط ان يكون عندك اجازة سوق ولكن السيارة مستعملة وبيها ضمان 6 اشهر ويكون الدفع بأقساط كل شهر 75 دولار يعني المبلغ الكلي 900 دولار
ثالثا: يزودك بالوقود اذا كان عملك بعيد
وهناك ملاخضة مهمة :- في حال ذهابك انشالله وسجلت في هذا البرنامج من الافضل ان تشترك فيه ان وزوجتك لان احتمال ينقطع عنك في حال عملك هاي اذا كنت متزوج

سادسا:- برنامجالويك  وهو برنامجيعطى للسيدة الحامل و لﻼطفال الي عمرهم 5 سنوات فما دون هذا البرنامج ينطيك حليب للاطفال مع مبلغ بسيط للام تشتري فيه احتياجات الاطفال

اخوك
كريستيانو رونالدو

عاشت ايدك اخويه على هاي المعلومات ياريت تعطينا موقع الفيو وهاي موجوده بكل الولايات

الف شكر اختي العزيزة  uae123  وربنا يحفظك ويجعل طريقك التوفيق .

بس حبيت اسألك عن الفحص الطبي عبارة عن شنو ؟؟ وهل يحتاج الى وقت كثير ؟؟ .

مع خالص شكري وامتناني

اخوكي فايــــو

هو فحص سريري وفحص الدم واشعه للصدر اخذ ويانا وقت تقريبا ساعه ونص طبعا هذا الفحص بابوظبي ربي يوفق الجميع

السلام عليكم   جميعا
اخواني الاعزاء  لقد اتصلو علي وبلغوني بالموافقة  وايضا  حددو  موعد الفحص الطبي والحمد لله . 

ربنا ييسر الامور للجميع  ويفرح قلوبكم .


فايــــــو

الف مبروك اخويه

اخواني الطيبين اردت التنويه انه هذا الموضوع هو مجرد خطة مقترحه من الكونجرس لمسالة قبول اللاجئين المقترحه للسنه الماليه 2013 ...

اخويه سباركي صحيح لان ولايتي كومه بيها بوتان وبورما

انا ساكنه بولاية نيوهامشير طبعا عواصف ثلجيه غير شكل بس الناس عادي تروح للشغل وعادي واكو كهرباء ابدا ما انقطع  الحمدالله

مساء الخير احتي دخلي على هذا اللنك هذا خاص بالجمعية الامارات الي عايشين بالامارات
http://www.ankawa.com/forum/index.php/topic,393615.2400.html

السلام عليكم اخويه حسين بالنسبه للصندوق بالبنك انا فاتحه صندوق بالبنك اصغر صندوق سعره 30 دولار بالسنه اغلب الناس حاطه صندوق مو بس علمود الفلوس كلشي حتى ذهب واوراق مهمه وعادي تكدر جكد ما تريد تحط فلوس لان اكو  غرفه تكعد بيها لوحدك وتحط كلشي بيها وهاي الغرفه المكان الوحيد الي ما بيها كاميرا  وتكعد جكد من تريد من وقت فطمن اخويه واي استفسار انا حاضره

السلام عليكم شلونكم  اخويه سبركي شلونك وين وصلت شنو صار وياك واخويه سوبرمان بغداد شنو اخر اخباره ومبروك بالنسبه الي راح يقابلون المحلفين طبعا هاي تكون اخر مقابله وانتظرو انشاءالله السفر القريب

اشكركم على الردود

حمدالله على السلامه قريبين من ولاية احنا نيوهامشير

عاشت ايدج اختي ياريت اتسويلي هاي القنوات
ام بي سي
ام بي سي 4
العربيه
الجزيره  الاخباريه
الفيحاء والشرقيه والبغداديه
ابوظبي الاولى
سما دبي
وقناة المزيكه وروتانا الاغاني

هذا طلبك   
http://www.mediafire.com/?3u48866awq9cphl

بس قناة مزيكا وروتانا ملكيتهم 
لكيت مواقع بس اعتقد موكفين البث عليهم

اذا حصلت شي بالايام الجايه اضيفهم الك وادزلك الرابط 

عاشت ايدج اختي بس قناة العربيه وابوظبي الاولى ما يشتغلن عندي تسلمين

عاشت ايدج اختي ياريت اتسويلي هاي القنوات
ام بي سي
ام بي سي 4
العربيه
الجزيره  الاخباريه
الفيحاء والشرقيه والبغداديه
ابوظبي الاولى
سما دبي
وقناة المزيكه وروتانا الاغاني

السلام عليكم كثل ما تعرفون هسه انا بامريكا صارلي شهرين بس ما دا اروح للكلاس مال انكليزي لان انكليزيتي زينه ما احتاج الكلاس بس يكزلزن اذا ما ادخل هذا الكلاس مال تعليم الانكليزي ما اكدر اعادل شهادتي از ادخل كليه صحيح اكو هيجي حجي يعني بالمختصر المفيد هل هذا الكلاس يفيدني بشي اذا انا انكليزيتي زينه ؟

حمدالله على السلامه والف مبروك اخويه

حمدالله على سلامتك حتى انا اوصل على امريكا نيوهامشير صارلي شهر اليوم يله صار عندي نت بالبيت والله يوفق الجميع

مساءالخير الحمدالله وصلنا على نيوهامشير حطونا على مدينه ناشوا شنو رايكم بيها

لا اخويه ما تحتاج لان انت اي سي ام سي

اخواني صباح الخير المنظمه بلغتني ان الكيسات 2010-2011 راح تمشي خلال هاي ثلاث اشهر وانشاءءالله خير

الله يشبرك بالخيررر يااارب بس اي منظمة مال تركيا ؟؟

ياااارب الكل يسافر وميبقه احد اهنا

اي تركيا

اخواني صباح الخير المنظمه بلغتني ان الكيسات 2010-2011 راح تمشي خلال هاي ثلاث اشهر وانشاءءالله خير

حبيب كلبي سوبرمان اول شي هم ما اتصلو بيه كلولي انه الامنية خلصت اني من اتصلت على تركيا الاسبوع الفات كلولي انه الامنيه مالتك خلصانه بس ما منتبهين فكامو دزوها للسعودية لعمل اجرائات الحجز و اني اتصلت بواحد هنا بدبي اخذت منه كل المعلومات و يوم الجمعة دزولي مسار الرحلة و رقم الحجز و كل شي تحياتي و اني جاز لاي سؤال شباب

منو هذا الي ب دبي واتصلت به ؟؟؟؟؟؟؟ هل هو تابع لIOM السعودية ؟؟؟ وكم هو رقم السعودية فضلا

اخويه السعوديه هو الي يحطك على جدول السفر وياخذلك موافقه من مركز نيويورك ودبي يصدرلك التذاكر

اختي هذا مكتب اي او ام السعوديه يدامون السبت

اخويه شنو رايك  انا واجهتي على نيوهامشير ( مانشستر)

والله اخويه حاولت اعرف بالضبط بس انت شفت بعينك كان كلام مو واضح ياريت تراسلها على الخاص وتسالها بالضبط

اختي مهى شوفي هذا اللنك .
http://www.ankawa.com/forum/index.php/topic,610254.0.html

الف مبروك لاخونا keaghost  ان شاء الله توصلون بلسلامة والله يوفقكم ويسهل اموركم

بس الله يخليك ممكن تكلي شكد طولت امنيتك وكم يوم انطوك مهله للسفر تقريبا وهل الشخص يستطيع ان يعرف مسبقا حتى ولو تلميحات انه الامنيه مالته اصبحت جاهزه وهو جاهز للسفر؟ لانه مثل متعرف الاغلبية مرتبطين بعقود عمل ولازم تبلغ ابو العمل قبل شهر بلاستقاله ولك جزيل الشكر والله يوفقك اخويه

اخوان ماكو اخبار عن الوفد شوكت يجي للامارات؟ او الاتراك وشكرا جزيلا لكل المتواصلين في هذا الجمعيه الكريمه

اختي تبقين تتصلين بيهم كل شهر تخابرين ابراهيم على تركيا وتبقين تعرفين وين وصلت اهم شي تحجين ويا ابراهيم هو احسن واحد بيهم يحجي الصراحه ويفهمج وبالنسبه للسفر بس تخلص الامنيه وتاخذين اعاده فحص الطبي يحولج على اي او ام السعوديه وهذا هم تبقين اتابعين معاهم انشاءالله بس تخلص الامنيه مالتج انطيج تليفون السعوديه وبالنسبه لموعد السفر حسب كل واحد اكو منهم شهر واكو اقل بهواي بالنسبه الشخص الي راح يسافر كينج هوست انطوه تقريبا بس 10 ايام بس اهم شي المتابعه  والله يوفقج

ممكن اعرف ومتى يجون  المحلفين أبوظبي لان اكو ناس هواي دينتظرون المحلفين وحابه ابشر هم اذا ممكن اعرف ومتى يجون

اخويه انت وين هسه باي  ولايه

اخويه نورس  ربي يوفقك المستمسكات تحتاجه بس بالسفاره العراقيه الي بامريكا وانشاءالله خير

اخويه احنا كان ملفنا بالعراق وحولناها على الامارات لان مقيمين بالامارات بس مو يتحول على الي اليو ان لان اليو ان الي ما مشتغلين مع الامريكان وانت اكيد مشتغل ويا الامريكان لان انت اي او ام تتحول على الامارات بس تحت اسم منظمة اي سي ام سي icmc  هاي بتركيا بس تيجي اتسوي كل المقابلات بمقر اليو ان لان ما عندهم مكتب مستقل واي استفسار انا بخدمتك

بالنسبة لتركيا
كل شخص يحق له ان يحمل حقيبتين كبيرة  بوزن لا يزيد عن 23 كيلو محسوب بظمنها وزن الحقيبة نفسها
وحقيبة هاند باك بوزن 5 كيلو + لابتوب
العطور والمعطرات واية مواد سائلة ممنوعة تماما ..
تحياتي وبالتوفيق .

اختي بس العطور والمعطرات نكدر اندخلها بالجنط الشحن يعني مو الهاند باك صح لو لا ؟

http://www.ankawa.com/forum/index.php/topic,605315.0.html

عاشت ايدك اخويه بس زوجي حاطين اسمه بالجواز اللقب اسم الجد يعني ما حاطين اللقب بالجواز اكدر بس يوصل يحط اللقب

لعد خليها شاهد عيان  هههههههه ربي يوفقكم ويتسهل اموركم

شو ما نزلت الاثبات ؟

عوفك من الردود و اخذه مني  

اذا تريد تجي للشمال لا اتبلغ المنظمة واتكول رحت لهناك لان متهدد و اهناك امان,لان راح اتعقدع الامور عليك و ايدخلك بسين و جيم.واذا اهناك امان لعد شكو تريد تطلع والى اخره
تره تنلاص و تتاخر شغلتك
اني انطيت رأي و انت بكيفك بعد ابو الشباب

+1111111111111111111111111

اخويه بنفس يوم سفرك اتصلو بيك كالولك اتأجل سفرك ؟

اشكركم جميعا على الرد الوافي

up

أختي بصراحه ما عندي معلومات ب باقي المنظمات هي منظمة وحده (IOM) وسولي جلطه هلنوب أشوف غير منظمات غير أموت بقيني علهم أحسن ...

بس إن شاء الله أهل الخبره يجاوبوج ... وهاي مني إلج

UP

 

تسلم اخويه هي نفسها لان بالاخير تتحول على اي او ام

السلام عليكم انا زوجي مقدم عن طريق المنظمة الاي او ام وبعدين حولونا على اي سي ام سي لان عايشين بالامارات المهم مو عن طريق اليو ان يعني تقديم مباشر يكدر يقدم لاخواني يدخلهم بالكيس يعني اخوان زوجته مع العلم هم فوق العمر 21 لو اكو طريقه ثانيه
والله يوفقكم

اخويه uae123 والاخوان الي قابلو محلف بشه السادس العام
المحلف يحتاج المستمسكات الاصليه؟ جواز جنسيه شهادة جنسية لو بس في في مقابلة الاترك؟ يسالون عنها؟ وبارك الله بيكم وان شاء الله يوم الي تبشرونا بسفركم وشكرا

يفضل تاخذونها وياكم لان اكو منهم طلبوها واكو لا كلشي ما طلبو

http://ahalna.com/index.php?topic=3736.0

uae123
اني عضو جديد بالمنتدي وراجعت قراءة الصفحات كلها تقريبا وشفت حضرتكم  من جماعة الاخي يوسفي وعضو اخر متاذكر اسمه ومكمل كل المقابلات والفحص وبس اذا امكن تكلنا ليش ممسافرين ليهسا حتى نستفاد من ارائكم وكلامكم مع التقدير لكل الاعضاء

اخويه الامنيه اطول كانت قبل بس هسه شويه احسن اكو تسريع بس اكو هواي من جماعتنا نفس الايام الي قابلو معانا سافرو بس ما يعرفون شي عن المنتدى وانشاءالله خير لا تقلق اخويه

مرحبا اخوان شلونكم ؟ ان شاء الله الكل بخير ويارب الفرج القريب للكل والسفر بإذن الله 
بس حبيت أسألكم سؤال واكون ممنونة اذا جاوبتوني .. اني اختي مقدمة لجوء يو ان من الامارات من شهر ال6/2011
وليحد الآن ماكو احد اتصل بيهم 
همة استلمو بس الاوراق وكتبو قصتهم ودزها واليو ان اتصلوا بيهم وكللوهم وصلت وهذا الحجي بشهر 6/2011
وحاليا اختي كلما تتصل بيهم يكلولها بعد لاتتصلين ماكو داعي احنة اذا عدنا شي نتصل بيكم
السؤال انه هي سمعت اكو ناس سافرو بدون مقابلات بالامارات هل اكو هيجي شي!!!
يعني من حجيكم انتو كلكم مقابلين يعني مستحيل اكو احد يسافر بدون اي مقابلة!!
يعني صديقتها لاختي كلتلها اكو ناس بس كتبو القصة وبدون اي مقابلة انطوهم موعد سفر بعد 3 سنين .. اكو هيجي شي؟؟
واكون شاكرة الكم والله ياريت تجاوبوني لان خطية اختي صارلها سنة و3 اشهر لاحس ولاخبر متعرف شتصرف؟؟
شكرا مقدما 

مستحييييييييييييييييييييييييييييييييييييييييييييييييييييييييل اختي اكو اجراءات اكو مقابلات واكو فحص طبي واكو امنيه واكو محلف واكو دوره تثقيفيه

الف مبروك اخويه

الله يساعدك اخويه انا الي اعرفه والي سامعه بيه ان البصمات اتطول 15 شهر واتصير اكسباير وانشاءالله كل خير

السلام عليكم اخويه انا الي سمعته ان هما الي يقيموك يسولك امتحان على اساسه يخلوك لو لا وانشاءالله تتوفق بس فد سؤال بلا زحمه عليك  ان انت دخلت على كولج هم عن طريق فينيشال ايد لو لا لان اكو اعضاء سؤال بهذا الخصوص ان لازم تعادل شهادة الاعداديه يله تدخل على كولج وينطوك الفينيشال ايد ياريت تشرحلنا على الموضوع ؟ وجزاك الله الف خير

اختي شوفي هذا النك بلكت يفيدج
http://ahalna.com/index.php/topic,5877.0.html

عيني ابو سمر المهم تسافر وتستقر وربي يطولي بعمرك ويوفقك

يابة هو اللي عندة إقامة دائمة بأمريكا ما تقلي يا دولة ترفض تنطية فيزا أو إقامة ؟!
أعتقد أكو أكثر من هاية الدول و أعتقد الخليج يقدر يفوتلها حامل ال GREEN CARD  و هو مسيطر 

هذا GREEN CARD مو شوية .......


تحياتي

ولا دولة خليجيه تفوتك بالكرين كارد

والله اصدقائنا يومين انطوه وسافر والله بس يالله كلشي بالنصيب

uae123
السلام عليكم ...اخي انت مقابل مقابلة محلفين لو لا ؟ وعندك علم شوكت يجون لالو ظبي رجاءااا واذا مقابل تكدر تحجي شويه عن المقابلة شلون كانت

وعليكم من السلام انا قابلت المحلفين شهر 6/2011 وكانت كلش سهله مجرد الاسئله تنعاد عليك ( الاسئله مقابله مع الاتراك) بس اهم شي تحفظ التواريخ عدل اذا اكو تواريخ للتهديد ومتى طلعت اخر مره من العراق اهم شي هاي التواريخ وحط في بالك اقل شي تبقى هناك منتظر بالمظمه فد 5 ساعات يعني علمود تاخذ احتياطاتكم وبخصوص يمتى يجون حسب ما سمعت من الاعضاء راح يجون بعد العيد وانشاءالله خير راح احطلك هذا اللنك بلكت يساعدك بمعلومه
http://www.ankawa.com/forum/index.php/topic,294296.0.html

الله يساعدك انا الي اعرف الامنيه ما اطول بس شهر وتنتهي ؟تبقى اكثر من شهر

السلام عليكم
اختي العزيزة اتصلنا على هذا الرقم طلع بالديرة بس هو طلع مكتبة قرطاسية يعني ماله اي علاقة اي او ام

ياريت غيرنا يخابر للتاكيد وشكرا للجميع

استوني خابرت انا كلي اي او ام دبي  ارجع خابر مره ثانيه يمكن داك بالغلط لان هذا االرقم انطونياه ابو تركيا

http://forum.ankawa.com/forum/index.php/topic,510666.msg5210948.html#msg5210948

السلام عليكم لا عيني هذوله المسافرين مو من جماعتنا مقدمين قبلنا من زمان  وبخصوص الاي او ام الي موجوده بدبي انا خابرت مره على تركيا واستفسرت   لان كان عندنا جماعه حولهم على اي او ام دبي لان خلصت الامنيه مالتهم من زمان فانا استغربت ان اكو هنا اي او ام دبي فخابرت على تركيا كالو اي بعد كل واحد عنده جدولة سفر راح يكون على اي او ام دبي  هذا الموضوع بس ما اعرف هل هما يشتغلون مثل اي او ام الاردن والعراق هاي الي ما اعرفها  اذا تحبون تستفسرون انا خليت الكم الرقم التليفون وانشاءالله كل خير

الف مبروك اختي

مبروك عيني مبروك أكيد طالع تلك الموافقة الامنية و محولين ملفك للسفر هاي عبارة عن موافقة المنظمة الانسانية الي راح تتكفلك في امريكا و تكون مسؤلة عليك و على سكنك شوف الكفيل مالك كله خل يخلي تلفونة يم راسة لان حيتصلون بي على مود الإيجار مال البيت مالتك من ياجرولك البيت يخابروك على مود موعد الطيارة.

عاشت ايدك اخويه

يمكن يكون مرتبط بالموافقة الأمنية همين والله أعلم وإن شاء الله أهل الخبره يوضوحون أكثر .... 

تسلم اخويه

السلام عليكم
اخواني وخواتي  اليوم خابرت على منظمة اي سي ام سي الي بتركيا خبروني ان احنا منتظرين الموافقة السكنية شنو يقصدون بهاي الموافقه

عاشت ايدك

سحوري كيك بالشوكولاه  بقلاوه و زلابيه , كنافه بالمكسرات . بسبوسه شكو شي بي شكر

ههههههههههههههههههه

اخي اني هم كلت ممعقوله طياره تجي على ثلاث اشخاص !!!!!!!!!



الشكر للاخ البصراوي

الكلام عن البصره او بغداد ؟ لان عندي استفسار  العواائل اشلون تنقل جنطها من  تمثال ابن فرناس الى صاله المطار ؟
بالعافيه

عاشت ايدك اخوي شنو صار وياك شنو اخر تطوراتك

انشالله يوصلون بالسلامه بس اكو شي لفت انتباهي بموضوعك !!!

قبل قليل اقلعت طائره الملكيه الاردنيه وفيها 3 اشخاص وعائله كلهم siv


هل ان الملكيه اقلعت وبها فقط ثلاث اشخاص وعائله وباقي الكراسي فارغه !!!!!!!!!!!!!!

واذا كان هناك شخص واحد اس اي في هل تقلع الطائره بها شخص واحد ؟؟؟




بهاء الكافي

عيني بهاء صباح الخير عليج اولا وثانيا هو ما كال فقط هو كال اكو اشخاص وعوائل سافرت بهاي الطياره اكيد اكو غيرهم مسافرين على الاردن  مبين سحورج كان الامس ثقيل ههههههههه اتشاقه وياج

http://ahalna.com/index.php?topic=3736.0


انشاءالله تفيدج وادعيلنا

رحم الله والديك اخويه uae ويارب يجازيك خير

اختك رينوما

اني بالخدمه

اخوية uae123

هسه قبل شوية خابرت الست مي كالتلي عادي روحو سافروا بس اني ممرتاحه للموضوع كمت خابرت على جماعه تركيا  كلت خلي اطمن اكثر اشو كالي هو ايصير اسافر اي مكان غير لعراق بس احتمال جبير من تطلع موافقتي يسولي الامريكان مقابلة  وياخذون مني معلومات السفر والفنادق الي نزلت بيها وكلشي حتى ايسوون تجيك امني للمكان الي رحت بيه والاحتمال الاقل انه ميسون مقابلة

 والله فد حيرة ودوخة يعني لا يسفرونه ولا يخلونه نسافر عايفينه معلكين غير وضعيه  لا انه مستقرين ولا محددين سفرنا 

الله يساعدنا احنا العراقيين مشفنا غبر الضيم

اخي سافر عادي انا هواي سافرت على دول عربيه واروبيه قبل المقابلة المحلف ولما سالني كتله وكلشي عادي اهم شي ما تروح للعراق وتوكل على الله

http://ahalna.com/index.php?topic=3736.0


انشاءالله تفيدج وادعيلنا

عندي استفسار بسيط

احنا مكملين كلشي وباقي ننتظر الامنية هسه الشغل الي اني بيه انطوني سفرة  لتايلاند فمادري اذا يصير اسافر لو رح تاثر  على اوراقي اخاف اسافر وراها يكلولي لسش سافرتي وياخرون سفرنا ياريت  الي عنده علم يساعدني

السلام عليكم لا عيني ما الها علاقه بالسفر اهم شي ما ترحين للعراق والدول الي بيها مشاكل حاليا بس تايلاند ما عليها اي اشكال

السلام عليكم ورحمة الله وبركاته
تحياتي لكل الاخوان والاخوات وان شاء الله الكل يكونون بخير وصحة وعافيه
واحب اباركلكم قدوم الشهر الكريم شهر رمضان المبارك
الله يعيده علينا وعليكم بالخير والبركة

ياريت اخواني واخواتي احد عنده معلومات عن مقابله التوطين الاولى الي تكون بعد مقابله المعلومات ويكدر يفيدنا بشرح عنها
واكون لكم جدا ممنون

تحياتي واحترامي للجميع

http://www.ankawa.com/forum/index.php?topic=426971.0

عاشت ايدك اخويه

http://www.ankawa.com/forum/index.php/topic,294296.0.html

تسلمين الله يطول عمرج بعدنا والله ما سافرنا انشاءالله كل خير

http://www.ankawa.com/forum/index.php/topic,294296.0.html

الله الموضوع كلش مهم شنو الاوراق المطلوبه علمود تقدم على هاي الكليه بس شهادة الاعداديه يعني لازم انطلعها وانصدقها من الخارجيه ؟

ابو سمر اخويه احسن تقديم من تركيا لان اسرع وانشاءالله خير

السلام عليكم اخواني
واخيرا لكيت الموضوع هذا متابعتكم من زمان وهذا اقتباس لموضعي كتبته الصبح قبل لا الكه الصفحة

00000000000000000

اني متابعتكم من زمان بس ماعندي فرصة اشارك وياكم وتقريبا عرفكم كلكم ههههههههه

المهم اني قدمت ويه اهلي بشهر 7/2010  وسوينا مقابلتين ويه الست نسرين بتاريخ 7-9 / 2011
وراها مقابلة وية المحلفين الاتراك تقريبا بشهر 11 /2011 ومقابلة وية الامريكان بشهر 1/2012 وكملنا الدورة التثقيفية بشهر 2/2012

وداننتظر الامنية

المشكلة مانعرف شنسوي هسه يعني اني اشوف اوراقنا مشت بسرعه  ماطولت لان ويانا جان بالتثقيفية ناس مقدمين من سنه 2007 و 2006  جنا احنا احدث ناس مقدمين وياهم   

والله احتارينا ماندري شنو نسوي احنا بالامارات بدبي الايجار رح يخلص وميجددون غير سنه كاملة والاقامات رح تخلص واني المفروض اسجل جامعه بس اخاف يتصلون بينا اي وقت واصلا جامعات الامارات ممعترف فيها بامريكا يعني هاي مقدما ضاعت سنه عليه ....
مادري ليش ميتحركون جماعه الامارات هذولة عبالهم الي بالامارات عايشين بعز ونعيم هم ميدرون باي لحظة ميجددون اقاماتنا وكتها وين نطي وجنا وين نروح ...!! واهل الامارات كل يوم براي وكل يوم يطبكون وية طائفة شكل ماعدهم حبيب يعني

سمعنا اخبار على اساس ديسرعون المعاملات وبشهر 8 و9 اكو دفعات كلش كبيرة رح تروح لامريكا بس اشو ماكو اي تحرك من جماعتنا بالامارات كل الناس كاعدة تطلع من العراق هسه زين مو احنه هم تعبانين اهنا ليش ميحسون بينا ..؟

اريد اسئلكم اذا احد يعرف يصير اقدم على جامعه من الامارات لامريكا يعني مجرد اقدم اوراقي او شنو الاشياء الي يطلبوها علما اريد ادرس طب اسنان ... ؟ احنا كفيلنا بولاية كاليفورنيا ( سان دييغو )
موفقين جميعا

اخويه السلام عليكم اريد ابشرك بشي ان المقدم جديد دتمشي معاملاتهم بسرعه على الامنيه الجديده والي مقدم قديم يبقى على الامنيه القديمه لحد ما تنتهي هذا الي ديصير هسه بالنسبه للجامعه صحيح ما معترف بيها بامريكا  بس تكدر اتسوي معادله للشهاده واذا انت بعدك بالسنه الاولى فهاي سهله وبالنسبه الدراسه دايركت بامريكا طب اسنان حسب ما سمعت ما يصير تدرس رئسا طب عندهم لازم عندك شهاده ثانيه بكالوريوس وبعدين تدخل طب هاي  حسب  ما افتهمت هنا بالمنتدى وانشاءالله كل خير

نيوهامشير

لما سوون دوره تثقيفيه سالتهم عن العربه كالولي لا ما داخله من ضمن الوزن

انشاءالله خير

هلو بيك سوبرمان بالنسبه لكسباير الامنيه محد يعرف جكد بس هما يعرفون بس هما  بس هي كالتلي ان اذا طلبو منك الفحص الطبي اعاده يعني جاهزه الامنيه معناها ماكو اكسباير بيها وكالت ان راح ينحط رئسا على جدولة السفر وانشاءالله خير للجميع

ويمتى انت تبشرنا بسفرك ؟ ربي يوفقك

صباح الخير الامس خابرت على تركيا كالولي اذا طلبو منك اعادة فحص الطبي معناها ان الامنيه خلصت بعد ماكو فحص الطبي يتسوى بس يصير اكسباير لا صارت مرتبطه ويا الامنيه هاي  طلعتلي وحده بنميه تحجي عربي هيجي كالتلي وانشاءالله خير للجميع

http://ahalna.com/index.php?topic=3736.0

ما اعرف اذا هاي تفيدك لو لا ربي يوفقك

السلام عليكم اخويه انا عايشه بالامارات اليو ان موجود بابوظبي ما ينطي اي نوع من المساعدات حتى اقامه ما ينطي عندنا بس الهلال الاحمر تنطي مساعدات هاي اتكون بالسنه مره والله لا يحوجك الهم وكل التوفيق انشاءالله

الف مبروك ربي يوفقك

الله يبشرك بالخير لان احنا هم جماعة 2010 الامارات

الله يرحمه ويسكنه فسيح جناته

up

انا كان المتكلم مجنون فالسامع عاقل
لا تهتم اخويه انشاءالله كل خير

ريم البوادي هذا كوفي شوب موجود بدبي

انا مخلصه كلش باقي انتظر الامنيه صارلي سنه مقدمة من الامارات

انا قريبه منك نيوهامشير

عاشت ايدك اخويه فارس فد سؤال بلازحمه عليك
انت كلت ان الي على اي او ام يدخل يدخل على برنامج اس اي  في بس لازم يختار واحد منهم زين انا اي او ام بس ما  عندي ركومنديشن من الجنرال بهاي حاله راح تنرفض صح لو لا؟

عاشت ايدك اخويه وربي يوفقك
عندي سؤال انا عندي شهادة دبلوم من كليه بريطانيه اكدر اعادلها هناك ؟

هلا وسهلا بيج اختي

الله يوفقج ام الاء حاولو تقدمون من جديد وتعدلون الشويه القصه مال التهديد واتضيفون بعض المستجدات

مرحبا شباب اليوم التقيت بموظف الاي او ام بصاله مطار البصره وحجيت ويا على مود السفر كال هاي الايام سفر هواي من بغداد

ومن البصره انا شفته الساعه ب9 الصبح بعد ماطارت الملكيه الاردنيه وكلي اليوم سافروا 18 شخص اس اي في وكال السفر راح يزيد بعد

واكدلي انو الي يعيد الفحص الطبي يعني تقريبا الامنيه مالته كامله.

طبعا الشخص خلوق جدا وكلامه رائع.

اتمنى قدمتلكم خبر حلو وانشاء الله يرفع معنوياتكم.

 تحياتي.

 

ها دزمند انت مو محظور شو طلعت الاكاونتات مالتك بس

هو هذا وككتها

انطيكم تحليل ازغيروني .....

دزمند جنوبي وبلهجته يقول جاي ميكول دا

وهناك ادلة كثيره انه دزمند هو البصراوي المحب

انت شنو متمل

عاشت ايدك اخويه البصراوي المحب
لا اخويه مو هو نفسه دزمند  وربي يوفقك

السلام عليكم .......عندي استفسار قدمنا على اليو ان مال ابو ظبي سنة 2006 واتصلون علينة 2009 وملينة الفورم وسلمنة تسليم يد الى عبد السلام وعدينة فترة شهر ورحنة عليهم كالو ماكو شي احنة نتصل وهم عدينة اسبوعين ورحنة بقينة ساعتين وطلعتنة المدام مي كالت انتو مرفوضين...علمنا انو احنة باللامارات منذ سنة 2000 هل هو هذا السبب تتوقعون وشنو تنصحوني ارجع اقدم مرة ثانية والشغلة بيها امل لو لا بس تضيع وقت ارجو من شباب عين كاوة ليبخلون علية بالنصيحة واني مجنت اعرف بهذا المنتدى الا قبل اقل من شهر..........مع الشكر 

اخويه ابو لاء انت مشتغل ويا الامريكان دايركت لو لا ؟ اذا ما مشتغل لازم عن طريق اليو ان

[اخي شغيدل كلامك صحيح وخاصة هنا في تركيا ولكن الله كريم نصبر وان شاء الله تفرج علينا جميعابالتوفيق]

اخي شغيدل كلامك صحيح وخاصة هنا في تركيا ولكن الله كريم نصبر وان شاء الله تفرج علينا جميعا
بالتوفيق

تدرين اختي مسافره هاي الصوره كلش حلوه والله اتذكرني بايام العراق ربي يوفقج

اخونا فارس العراق 90 هو يعرف الرموز هاي انشاءالله  يساعدك