 |
|
|
يود موقع "عنكاوا كوم" اعلام زواره الاعزاء بقيامه تحسين خدمة تحميل الملفات في الموقع، حيث يمكنكم الان تحميل الصور والملفات الاخرى بسرعة فائقة جدا. كما سيتمكن الزوار بعد رفع الصور نسخ رابط الصورة ووضعها في مساهمته في المنتديات مباشرة.
رابط الخدمة الجديدة ...
http://uploads.ankawa.com/
عرض المشاركات
هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .
انا شخص معروف بنتقادي للحياة في الولايات المتحدة
يا صديقي صاحب الموضوع المساعدات للاجيء في امريكا اقل من اوربا
الرواتب في امريكا اعلى من اوربا قياسابالنسبة الى الضرائب المستقطعةمن الراتب
الاوربي يريد يجي يشتغل بامريكا
عمي ابو الوليد اذا انت مبرمج شتسوي ب المانيا ؟ تعال الى اميركا واطلب كاليفورنيا , وادي السيلكون يم سان هوسيه , هنا يصنعون برامج الدنيا ويطورن حاسبات الدنيا كلها وكل شركات الالكترونيات بيها , وتلكه كل هندي وصيني وياباني السي في مالته 4 مجلدات هههههه
السلام عليكم اخواني واخواتي , اتمنى الكل يكونون بخير وصحة وعافية
كل الردود الي شفتها عبارة عن اراء , ما قريت تجربة حقيقية لشخص عاش بالقارتين سوية , اعتقد اني الشخص الوحيد الموجود الي راح يجاوب عن تجربة شخصية لاني عشت ب اوربا 3 سنوات وحاليا في اميركا , وعشت في اقوى بلد اوربي اقتصاديا وقوي من ناحية المساعدات واكثرها صعوبة بتحصيل الاقامة وهية النرويج علما انو اقامتي نافذة لحد الان في ذلك البلد.
بالحقيقة حسب رأيي وتجربتي والشخصية في اوربا واميركا ما اعتقد اكو شي اسمه اوربا احسن او اميركا احسن , الموضوع يختصر كله في الشخص المهاجر نفسة , وبالسؤال التالي :
من انت و ماذا تريد ان تفعل بالغربة ؟؟؟؟؟؟؟؟؟؟؟؟؟؟؟؟؟؟
اولا: ىاذا كنت شخص تعليمك متوسط ولغتك الانكليزية ضعيفة وتريد تعيش حياة اعتيادية او اقل من اعتيادية بدون تعب ولا جهد ولا مثابرة ف راح تكون اوربا مناسبة جدا ولا تفكر ب اميركا ولا توصل يمها , لان في اوربا وبالتحديد اسكندنافيا راح ينطوك مخدة وفراش وتسوق بيهن هذيج السياقة المضبوطة ويحتاجلك فد 3 سنوات علا الاقل يلا تتعلم اللغة وتنخرط بالمجتمع وتبدي تمارس عمل معين , وعلا الاكثر راح يكون بسيط , لان لو تطلع نخلة براسك ميخلوك تصعد ولا يجي ابن البلد الاصلي يشتغل جوة ايدك وانت المدير يا اسمر يابو شعر اسود الا ما ندر او جنت انت فد واحد مثل هنرك ابسن حتى يسمون نص شوارع اوسلو ب اسمك.
ثانيا :اذا جنت شخص متعلم وتتقن الانكليزية وتعبان علا نفسك سنوات طويلة وعندك استعداد تحرق هاي السنوات كلها والكردت الي حصلته بخبرتك العملية وتعبك ودراستك ف هم روح الى اوربا لان راح تفيدك كلش.
ثالثا: اما اذا جنت , اترك تكملة الصنف الثالث لاستنتاجكم.
اميركا بلد يعيش فيه الذئاب فقط , لامكان للخراف , هاي فلسفة مؤسسي اميركا وهذا واقعها وطريقتها بالعيش وعذرا للتشبيه
اتمنى اكون افدت الموجودين بوجهة نظري المتواضعة بالموضوع.
تحياتي
بامكانك ان تعيش عالمساعدات في اميركا واحسن من اوربا :
1 . تقدم على بيت حكومة اجارة رمزي ورخيص .
2 . تأمين صحي .
3 . فود ستام على افراد العائلة .
4 . ومساعدات عن طريق منظمات مجتمعية من كنائس وغيرها .
هذا متوفر لكل شخص يريد يظل بلا شغل ويعيش عالمساعدات بس اذا عاجز او معاق اضافة لهذا كله ياخذ راتب حكومي مال ضمان اجتماعي لذلك هي الدولة رقم واحد بالعالم وبدون منازع لكل من اراد العيش الكريم بس اللي يريد سختات وجنجلوتية تره متناسبة لان امريكا هي القانون والقانون امريكا .
تحياتي
ابوبشير
اخوان مني نصيحة اللي بعدة مجاي لامريكا ليسال عليها وهو بعدة مواصل لانه مراح يفتهم شي لانه احنا صارلنا 3 سنوات واكو هواية شغلات ممفتهميها وهواية درابين منعرف بيها وبالنسبة للشغل اكو شغل بس قليل والعراقيين ميقبلون يشتغلون ب 8.45 سنت بالساعة يشوفوها قليلة خطية حقهم منين تكفي فيكولك خلي نروح اوربا احسن النا نكعد بالبيت وينطونا فلوس وهم حقهم هم خوش شغلة بالباكيت بس للي يجيب نقش وتحياتي للاراء الجميع
عاشت ايدك أبو بشير الورد
العراقي يفرح من يدخل سوريا وعمان وهسه اميركا صارت مو زينه !!! هذا كلام غير صحيح والكل يتمنى وصول الى اميركا وبقية الدول ليست افضل من اميركا ابدا وكله هذا خرافات ومبالغة بس اذا شخص يريد يعيش طول عمرة عالمساعدات هذي موجوده باميركا ويمنا عراقي صار له 34 سنه باميركا وعايش عالمساعدات لان هو يريد هالشكل وميريد يشتغل . عندي اصدقاء باستراليا وكندا وفلندا وصار لهم سنين وبس عايشين وبدون ان يطورون انفسهم لان بس مساعدات ونحمد الله وصلنا اميركا وحسينا بكرامتنا وانسانيتنا .
شكرا
ابوبشير
المشكلة انه الاخ مثقف وخريج ومتفوق ايضا ومن العقول الراجحة الفاهمة شلون يمشي ورا مايكولة العراقيين المتواجدين بسوريا على اختلاف طبقاتهم ومستواهم الثقافي (مثل ما ذكر الاخ ماجلان تقريبا) .ارجع وأكول هي صارت مسألة رغبات واذواق والرجل بقت بكيفة اذا يريد اوربا خلص براحتة .
بس اني راح أذكر شي اتمنى محد يزعل مني __الله يرحم الايام اللي جانت عمان وبيروت حلم وردي بالنسبة للعراقيين هسه صارت أمريكا موزينة __سبحان مغير الاحوال
اخوي الغالي ابو الوليد
هسه الكلام كله تغير بارك الله بيك ويزيدك من نعيمه ويحفظ لك جهالك وعائلتك
بالنظر لظروفك والمتيسر منها لك من حيث الشهادة والكفاءة وايضا المادة انا هسه اشجعك على امريكا وبقوة واترك عنك اوروبا وغيرها هسه انته اوكي عمي
توكل على الله ومن يطلع لك توطين بامريكا لا تطوفها دوم وتكدر تشد حيلك وتصبر لك كم سنة يمكن 5 للجنسية ومن تخللي الجنسية بجيبك وامورك الله مسهلها انته ملك
هاي هي هسه الصورة وضحت انا هسه اشجعك على امريكا من يبطلع لك توطين بيها واذا بغيرها خير وبركة
لا توهوس وما عليك بكلام الناس واعتقد لو تراسل اخواتنا واخواننا اللي بامريكا وتسشرح لهم ظروفك مثل ما شارحها هسه بردك الاخير راح يشجعوك اكثر مني وانصحك تراسل سرى وماجلان تحديدا
السلام عليكم
اخي ابو الوليد السبب او الفرق بسيط جدا احاول ان الخصها لك بهذه النقاط
*امريكا المساعدات محدوده بمده زمنيه = اوربا المساعدات مستمره طول العمر
*التامين الصحي محدود بفتره زمنيه = مستمر طول العمر وتحصل على الرعايه الصحيه حتى وان كنت في
زياره لبلد اوربي اخر
*البحث عن العمل واجب والا تصبح الحياه جحيم الا اذا كنت تملك مال كثير يؤمن معيشتك = اوربا خده وخدر
وغيرها من امور ولكنننننننننننننننننننننننننننننننننننننننننننننننننننننننننننننن بالرغم من ذلك
ترى معظم الاوربيين وخصوصا الشباب طموحه بان يحصل على شهاده من امريكا والعيش بها
تحياتي
عمي ابو الوليد اخذها نصيحة من اخوك اذا بيدك تروح لاوروبا توكل على الله
لان الفرق شاسع بين اوروبا وامريكا
هاي نصيحة وكن على ثقة لولا عائلتي الكبيرة جدا ولولا مقدرتي المادية ولله الحمد ما افكر بامريكا دوووووووووووووووووووووم
هاي نصيحة وانته حر شوف لندن السويد النرويج هاي تووووووووووووووووووووووووووب ولا تحك راسك من وراها
انته شنو بالبداية متزوج لو اعزب واذا متزوج اشكد عائلتك الله يخليهم مقدما
واكيد انته مقدم عاليو ان مو واهم شي وبصراحة ظروفك المادية وهل لديك الخيارات متوفرة يعني من ما تريد امريكا تكدر تروح لغيرها لو لا عشان نخصم الموضوع؟
أخوان تردون الصراحة؟ هو الأخ صاحب الموضوع مشكلته انه معرف يكتب سؤاله بصورة سليمة ... المسألة و ما بيها أنه هو طالعله توطين بأمريكا لكن لأسباب معينة هو مراغب بأمريكا و راغب يروح لألمانيا ... فالردود لازم متركز على الفرق بين امريكا و العراق و انما بين أمريكا و ألمانيا.
و لو عندي اعتراض واحد على هذا الموضوع و هو انه مو كل الناس متريد أمريكا بدليل انه اكو ناس كاتلين روحهم عليهه فطرح الموضوع لازم يكون منطقي و عقلاني حتى لا تصير بيه ردود خشنة.
تحياتي
لا يالغالي ... ليش متصور اني ضدك؟ و ليش متصور اني ما افتهمتك؟ بالعكس اني فهمت بالضبط اللي تريده .... و طبعا هذا الشي من حقك ان تسأل و تستفسر قبل ما تقدم عالسفر و هو هذا الصحيح و كلنا اللي سافرنا سوينا مثلك بالبداية ... بس اني ردت اكون صريح وياك و هي الصراحة مرات تنفهم كتهجم او عداء لا سمح الله ... بس انت بموضوعك و بكلامك عممت مسألة رفض الناس السفر لامريكا و هذا الشي مو صحيح ...
و اني ردت اقدملك نصيحة اخوية مو اكثر ... اذا انت ممقتنع بامريكا كبلد ممكن تعيش بيه و اكو بلد ثاني في بالك فلا تتورط و تروح لامريكا لان صدكني تتعب .... و اصعب شي من واحد يسوي شي و هو ممقتنع .... و مرة ثانية ادعيلك بالتوفيق
تحياتي
هسه بالصدفة شفت هذا موضوعك الثاني ...
http://www.ankawa.com/forum/index.php/topic,479307.0.html
و هذا يأكد كلامي بأنك أصلاً متريد أمريكا و تريد تروح لألمانيا !!!!!!!!!!!!!!!
شفت شلون عرفت أقراك من كتابتك؟؟؟؟؟؟؟؟
الله يسهل عليك و تحصل اللي تريده ... بالتوفيق
تحياتي
