ماهي شروط اللجوء الى كندا؟

[LION 1]

عفيه الله يخليكم اي احد يساعدني باي معلومات  اذا وصلت الى كندا  شنو هي فرص قبولي كلاجيء عراقي وكم هي المدة حتى احصل بيها على الاقامة وابدي بمعاملة لم الشمل لزوجتي واطفالي  الله يخليكم ساعدوني باي معلومات عندكم المهدد lion 1

[atheerbarash]

تحيه وبعد بمجرد وصولك الى كندا وتسليم نفسك لأدارة الهجره وأستيفاء بياناتك وقبولك كلاجئ يوجد محام مجاناً لكل لاجئ فسوف تقدم طلب لم الشمل والمقصود الزوجه والأطفال والتأخير سوف يكون حسب ضغط السفاره في دول الجوار والمواعيد أنت ونصيبك لكن على المضمون بين 6أشهر و18شهر.مع تمنياتي لك بالوصول .

[علي وليد]

السلام عليكم
اني جايتني فيزة من كندة واريد اعرف من اوصل لكندة شلون اطلب لجوء  يعني اشك جوازي لوعادي اختم وراة اروح اسلم نفسي ارجو الجواب
تحياتي

[atheerbarash]

عزيزي أنت قلت أجتك فيزا ولم تذكر نوع الفيزا هل هي سياحيه أم زياره صديق/أقارب أم فيزا دراسيه أم فيزا ترانسيت لأنه عزيزي على أساس الفيزا أقدر أجاوبك. وعلى أي حال أذا أن من الطائفه المسيحيه وعلى الأكثر أنت مسيحي أرجو بنعمة الرب يسوع أن تسأل أول عى كنيسه التابع لطائفتك وطول ما أنت محصل على الفيزا بمعنى عندك وقت لأجراءات اللجوء .خبرني بتفاصيل أدق كي أجيبك بصوره أدق وفي أي مدينه في كندا سوف تنزل بالبدايه .

[احمد العراقي80]

السلام عليكم 
اني اريد اهاجر لكندا شلون احصل فيزه وبجوازي لو بجواز مزور علما اني اريد اصطحب زوجتي وابني ويايه وما اريد ابهذلهم بالتوقيف شلون الطريقه اني موجود بغداد

[علي وليد]

السلام عليكم اخي العزيز
اني فيزتي تجارية يعني دعوة من شركة تجارية واني مسلم وانشاللة كلنة اخوان لاتفرقة
بس حبيت اعرف شنو القصة الدارجة الي اكلهم علية حتى يطوني اللجوء وهسةعرفت من الاخ كامل انهو اطلب اللجوء داخل المطار وامزق جوازي
تحياتي الك يا وردة

[talia85]

السلام عليكم

اني في الاردن وصارلي من شهر السادس بسنة 2007 من اخذتنه كندا لجوء بس بعد ماحد اتصل بينه ولا خبرونه غير بس بشهر الثامن قابلت القنصل وكالتلي جوازج والجنسية سليمات بس الهوية مزورة جبتلها على كل وثائقي تصديق من السفارة العراقية بالاردن وبعد سلامات ماكو اي شي وكل الناس اللي نعرفهم سافروا لجوء واحنه بعدنه اريد اعرف وين يرحون اللاجئين العراقيين بيا مدن كندية طبعا اللي طالعين عن طريق اليو ان وشنو مستوى المساعدات الرواتب وكم تستمر يعني اي شي تعرفوه عن العراقيين اللاجئين بكندا عن طريق اليو ان

والله يخليكم ردوا عليه واذا تعرفون طرق اكدر بيها اسرع معاملتي لان باليوان من اتصل او السفارة الكندية ماكو لا حياة لمن تنادي

والف شكر وجزاكم الله خيرا عني والسلام عليكم ورحمة الله

[alfaihaa]

السلام عليكم ورحمة الله وبركاته
تحية طيبة ابعث اليكم سيرتنا الذاتية لعائلة عراقية رغم ظروفنا الصعبة وصلنا (احنا ثلاثة اخوة معاقين بمرض ضمور عضلات الاطراف الاربعة اصبنا به بعد الولادة بسنتين  احمد علوم حااسبات - حوراء ماجستير علوم حاسبات- اسراء هندسة مدني مرحلة اولى والقصة طويلة لكثرة معاناتنا وما نطمح اليه نجدوه معدوم او متلاشي نهائيا لنا  العراق اصبح مأساة لنا نعاني من اضطهاد نرغب باللجوء الانساني لسؤء وضعنا الصحي .................)
التمسكم مساعدتنا بكل ما تستطيعون  من حيث ارساله الى اي منظمات تهتم بتلك المواضيع كما ارجو مراسلتي على هذا ايميل ALHILLA81@HOTMAIL.COM

[assan74]

السلام عليكم انا مواطن عراقي من الاردن اسال اذا حصلت فيزة سياحية الى كندا ودخات بجوازي الاصلي ما هو موقفي من طلب اللجوء ارجو التوضيح اخواني وجزاكم الله كل الخير ؟

[LION 1]

اشكرك اخوية اثير على هاي المعلومات  والله يبارك ويحفظك

[khalidshukur]

السلام عليكم إخواني الأعزاء
آني أخوكم عراقي مقيم في الأردن (إقامة رسمية - إقامة عمل)، وزوجتي أردنية، وعمري 30 سنة.. حصلت على فيزا (زيارة - Visitor) إلى كندا، والحمد لله.. هل أستطيع أن أطلب اللجوء في كندا بعد دخولي إلى كندا بشكل رسمي؟؟، وما هي إجراءات اللجوء في هذه الحالة؟؟
أكون ممنون جداً منكم إذا أحد ساعدني بأي معلومة..
أخوكم

[sesy1980]

صباح الخير  لكل الاخوه والاصدقاء العراقيين الموجودين في المنتدى ..... امنياتي لكم جميعا بالتوفيق والحياة السعيدة الجديدة

ممكن استفسر عن اجراءات  اللجوء لكندا وما هي الامتيازات وكيف سيتم التعامل معنا والمعونات  والسكن  والمساعدات المادية عن وصولنا  وهل يوجد عراقيين  حوالينا ولا راح يودونا بمكان مابيه عراقيين.

انا قابلت  مع اليو أن في مصر وردو عليا وقالو اني اترشحت لكندا واني سوف املاء الاستمارات في السفاره الكندية  بعد 20 يوم لاتمام باقي الاجراأت  ارجو ايفادي ماهي الاجرات المتبقية وكم ستاخد من الوقت وهل  يعني احنا مقبولين ولا في كلام اخر  .... ارجوكم  ردو عليه بحكم خبره اكيد ولكم جزيل الشكر


ساره

[BSRBSR]

الاخت سارة المحترمة
انا اعيش في مصر مع عائلتي  فقط ارجوكي ان تساعديني هل ال يو ان في مصر يحول على التوطين في بلد ثالث لان انت تقولين انهم حولوكم الى كندا  ارجوكي ساعديني باي معلومةوكيف التقديم وما هو المطلوب مع شكري الجزيل

[fahad(^_^)]

السلام عليكم ....اني عايش بسوريه ...عندي استماره مال يو ان مال حمايه .....بس بالنسبه للجوء ما ادري منين ابلش .....اذا اكو احد منكم يكدر يساعدني .....ايميلي fahad2008i@yahoo.com

[roooony_t]

السلام عليكم
اني المواطن هاني جندي مكون من عائلة 7 نفرات كنت مقدم معاملة الكندا كنسية في عام 2006  واخت زوجتي لديها جواز كندي وقامت باعداد معاملة لنا وتأخرت سنه وارعة اشهر واتصلو بي وقابلت وبعد شهر اجاني رد على بريد وهو رفض وقدمت استئناف وتأخرت تقريبا سنه واتصلو للكقيلة الي هي اخت زوجتي من كندا وقالو لها هل تريد اختك ان تاتي الي كندا قالت لهم اكيد اريدها تجي وقالو لها ارسلو لنا القصة وقمنا بكافه المستلزمات والادلة ووافقو عليه وبعثو لي الفورمات وكتبنا كل الفورمات وارسلناها الى السفارة الكندية الى سوريا وبعد اشهر طلبو منا عقد الزواج وشهادات والهويات والجناسي وارسلناها الى الكفيلة الى كندا وهي قامت بأرسالها الى السفارة الكندية الى سوريا وخبروها وصلت الينا المستمسكات  وقبل اسبوعين بعثو لي فورمات مرة اخره لابني المجاوز 18 سنة وكتبنا كل الفورمات وطلبو الجواز مرة اخرى وطلبو دفتر الخدمة  والجناسي والهويات مرى اخرى المترجمه والصور وعقد الزواج مترجم وبعثناها لى سوريا ارجو ان تخبرني ما مدى سوء معاملتي وارجو منك ان تخبرني عن معلومة اضافية كم ستتأخر لكي يتصلو بنا



مع تحيات اخوك ابو ريفون المقيم في الاردن

[سيف الانصار]

السلام عليكم اخواني اني زوجتي موجوده بكندا لاجئه وعدهة اقامه دائميه سوينه معاملة لم شمل وزوجتي قدمتهة من كندا وبخلال شهر وصل الرد بالموافقه والحمد لله ومذكور مع الرد رقم المعامله والاوراق الان موجوده بسوريا .....سؤالي هوه  شكد تقريبا الاوراق تاخذ وقت بسوريا والمقابله شوكت تصير وبعد المقابله اذا جتي موافقه ان شاء الله شكد واسافر ؟؟؟؟ اخواني الله يحفضكم ارجو الرد السريع لان اني موجود ابغداد هسه واريد اعرف شوكت اروح لسوريا وجزاكم الله الف خير

[قيس عتو]

لزيادة في المعلومات لمن يريد الدخول الى موقع كندا العربي حول الفيزة وهو  www.canadavisa.com/arabic

[natei]

الى الاخوه الاعزاء انا كتب قبل ذلك للاستفسار ؟ اخذت فايل نمبر من ثلاثة شهور ماذا بعد ذلك ؟ وانى اعرف ان تأشيرة الهجرة للمتزوجين من كندية الاصل لا يستغرق فترات طويلة فهل هذا صحيح ؟ 
 
 

[انطوان الصنا]

كافة الاخوة العراقيين في هذا المنتدى

ا- لاحظوا الرد قبل الاخير في هذه الزاوية ويقول(انه يستطيع استخراج بطاقة المقيم الدائم الكندية مزورة طبق 
   الاصل)

2- نفس الشخص لديه زاوية في هذا المنتدى ويقول انه يستطيع الحصول على الفيزا الكندية والاسترالية
    خلال اسبوعان وهذا مستحيل الا بالتزوير لذلك ارجو الحذر والانتباه حيث اصبح الموضوع واضح مع الشكر

[انطوان الصنا]

اخوتي الاعزاء

بعد ان كتبت توضيحي وكشفي لنوايا هذا الشخص قام بحذف الرد لكن اني كنت قد اقتبسته منه وموجود رده

في زاوية (انواع الكفالات والهجرة الى كندا ) مقتبس من قبلي ارجو الاطلاع حتى لا تقعوا في الفخ رجاءا

[Mrfrodo000]

مرحبا انا اتزوجت بأمراه كنديه واريد اعرف المده المطلوبه عشان اخد الفيزا انا جنسيتي فلسطينيه وفي الاردن وشو هيه الاوراق المطلويه

[بغداد1975]

مساءالخير
اليوم افتهمت من منظمة الهجرة ان الاشخاص اللي يرحون لكندا كالاتي
1مقابلة وية الامم المتحدة
2من تتم الموافقة يرح يحولون ملفكم الى السفارة
3من تتم الموافقة واجراءات الفحص لطبي ينتقل الى منظمة الهجرة
4منظمة الهجرة هي اللتي تقوم بنقل اللاجئ الى كندا
يعني منظمة لهجرة تخصصها بالمقابللات بس لامريكا اما كندا فكلها بالسفارة

[الزاجل]

بسم الله الرحمن الرحيم السلام عليكم ورحمة الله وبركاتة الى الاخوه الكرام انا مواطن عراقي اسكن في سوريا حاليا مع عائلتي اتصلت بي الموفوضية السامية لشوؤن اللاجئين لغرض التوطيين فرفضت فهل يتصلو بي مرة ثانية وهل يشترطون علية الى امريكا ام انا اختار الدولة مع الشكر والتقدير

[عكعك التطوى]

جائز يتصلون بس حاول انت تتصل بيهم وتعلمهم بقرارك وهم الذين يحددون لك الدوله وليس انت من يحدد

تحياتي

[عصام الطائي]

انا عراقي ادرس في الهند الماجستير وقد اتممت السنة الاولى اريد ان اعرف كيفية التقديم على اللجوء الى كندا ارجو الرد في المنتدى

[angie-dawood]

اخي العزيز عصام هذة المواقع مال كندا بلكن تفيدك 00

http://www.immigtation.ca/ arabic/ arabicmnu.asp 

http:// www.cic.gc.cg.ca/english/index.asp

http://www.gc.ca

انشااللة تستفاد منها

[الفريدو]

السلام عليكم
اني جايتني فيزة من كندة واريد اعرف من اوصل لكندة شلون اطلب لجوء  يعني اشك جوازي لوعادي اختم وراة اروح اسلم نفسي ارجو الجواب
تحياتي


اخي علي انته راح تدخل رسمي الى كندا كيف راح تاخذ اللجوء ؟؟؟ اذا تريد تاخذ لجوء لازم تشمر جوازك وتكعد بالترانزيت مو اقل من ساعه وبعدها تسلم نفسك حتى ما يعرفون من اي طائره انته نازل وبعدها طبعا ما تكول من وين اجيت ... جوابك يكون ثابت اجيت من العراق عن طريق شخص وطلعت بطياره وعبرت بسفينه ومشيت بصحراء وما اعرف كيف وصلني الى هنا وبعد ماشفته واني ما اكدر ارجع لان وضعي مهدد بالعراق وانا اطلب حمايتكم ..... والتوفيق من الله

[الفريدو]

اخي علي انته تكول فيزتي تجاريه وراح تمزق جوازك بالمطار .. القصه الراح تكولها خلي بيها خطوره بحيث ما تكدر ترجع للعراق والمهم عدهم الصدق والمستمسكات الاصوليه واذا تكون قديمه تكون احسن لان اي مستمسك مزور يكشفوه يعني ماتعبر عليهم هذوله مفتحين باللبن وتوكل على الله ولا ترتبك وخلي قصتك انه طلعت لان هددوك او رادو يقتلوك وما تكدر ترجع لان انته مطلوب ولا تطول بالقصه وتثر بالتواريخ مشان ما تتلخبط بيها ... وانشالله نسمع اخبارك بخير

[angie-dawood]

اخي الفريدو 00 اذا هو داخل فيزة زيارة تكدر يقدم لجوء داخل كندا  وطبعا لازم محامي شاطر  ويكون عنده كل المستمسكات والاثباتات التهديد ؟

[عصام الطائي]

اني شاكر جدا على المواقع لكن اريد اعرف الخطوات الاولى لتقديم اللجوء

[الفريدو]

اخي الفريدو 00 اذا هو داخل فيزة زيارة تكدر يقدم لجوء داخل كندا  وطبعا لازم محامي شاطر  ويكون عنده كل المستمسكات والاثباتات التهديد ؟


اخت انجي انا اشكرك على تصحيح المعلومه اذا كان محامي شاطر بسهوله يحصل لجوء وانا اسف لعدم تفسير ما قلته بالتفصيل وبصراحه انا جدا معجب بردودك وانتباهك في هذا المنتدى الجميل ...

اخوك   :  الفريدو

[عكعك التطوى]

الفريدو انجي تره الولد سائل السؤال ب بشهر الرابع 2008 هسه الولد مجنس كندي

[عكعك التطوى]

عصام الطائي

اخي الكريم  اللجوء صعب من الهند على كلام احد الاصدقاء لي

[الفريدو]

اخويه العزيز عكعك والله من كثر ما دايخين صرنه نرد من غير ما نشوف التاريخ  والله يوفق الجميع يارب

شكر خاص :  الاخ عكعك التطوى   ....  الاخت انجي ....  لان دائما على اتصال مع الاخوه للرد على التساؤلات


اخوكم  :  الفريدو

[عصام الطائي]

اشكركم على التعاون واني راح احاول والله كريم[/color]

[عصام الطائي]

اشكركم على التعاون واني راح احاول والله كريم

[عكعك التطوى]

مرحبا  اني  عندي جنسيه بلجيكيه وجواز بلجيكي واريد اللجوء الى كندا  اريد المساعده وشنو شروط القبول الى كندا  ارجو الرد وشكرا

اخويه ستابرو انته مجنس اي مواطن بلجيكي وغير مسموحلك بطلب لجوء ولكن يحقلك ان تقدم على هجره  لكندا  ومنها هجره عمل او كفاله خماسيه او ايداع مبلغ 200000 $ اقامه استثماريه

تحياتي

[мαяyαи]

اختي العزيزة بغداد 75 يعني هاية الاربع نقاط شكد اطول كلها بس لا سنين اشو الاخوة ظلموها علينا واحنا هسة بادين يعني هسة مسوين توطين وكالو راح نحول ملفكم للسفارة الكندية وصار اكثر من شهر ماكو شي علما احنا في الاردن وشكرا اخوان الي عندة اي معلومة لا يبخل علينا

[عكعك التطوى]

اختي مريان ومن رخصه الاخت بغداد بالنسبه للتوطين على كندا الشغله تحب صبر هوايه وطوله خلك
واكو مواضيع هوايه بالمنتدى بخصوص كندا ممكن تقريها وتستفادين منها ومن الاخوان هنا على كندا الاخ الفريدو والاخت ناردين والاخ عبسي والاخ ابو نخوه ممكن ترجعين لهم باي استفسار والله يوفقكم انشاءالله

تحياتي

[мαяyαи]

شكرا اخ عكعك على معلوماتك اني هم راجعت مواضيع الاخوة وكلهم مشكورين، وهما بالمقابلة كالولنا اطول من  8 اشهر الى سنة كلنا اي زين اذا هيجي بس ما اطول اكثر بس هم نكول الله كريم ويارب تفرج على الجميع اختكم ماريان

[ناردين]

اختي العزيزة ماريان اهلا وسهلا حبيبتي لاحظي الموضوع قديم من سنة 2008
عزيزتي حضرتج بالاردن وقبل شهر تحولتي للسفارة الكندية عزيزتي بعد وكت صبري شويا لانه السفارة الكندية خلكها طويل واحب اكلج شي مادام تحولتي لكندا فكندا ماعدهم رفض الا بحالات نادرة جدا فا لاتقلقين ابد

[мαяyαи]

اختي العزيزة ناردين شكرا على معلوماتك واذا عالصبر فأحنا هواية صبرنا ما تشوفين احنا اخر ناس اتوطنا وهم ليهسة مو كلنا هذولة بس الاهل بس فايلي بعد كالو راح نرفقة ويه الاهل بعدين ونشوف تاليها بس المهم دكولين ماكو رفض بيها وانشاء الله خير 

[عكعك التطوى]

اخي الفاضل والله يا اخي المده ما اعرف بالظبط بس اكيد مواقل من سنه  ولازم تتوفر كل الشروط 

اما اذا رحت كعمل فالتامين يعتمد على المكان او الشركه الي راح تشتغل بيها هل توفرك تامين صحي ام لا

[ستابرو البيداري]

شكرا هوايه دوختكم ويايا بس بل نسبه    مجمع كنائس الكنيسه تكفلني  تصير مثل كفاله خماسيه    بس اريد تنصحوني  بي شي يفدني  شنو احسن شي اسويه  واني عندي كلشي حقوق في بلجيكا بس المشكله ماعندي احد في بلجيكا من هيجي اريد اروح لي كندا   بس نصيحه تفدني وشكرا هوايه
 ارجو الرد شكرا

[عكعك التطوى]

اكو هجره كنائسيه والي يقدملك عليها لازم يكون هناك ويخلي حساب ضمان بالبنك للكنيسه في حاله ما اشتغلت بعد الفتره الي يقدمولك بيها المساعدات في السنه الاولى يكومون يسحبون من هاي الفلوس ويصرفوها عليك اذا ملكيت شغل بعدك بس بعد ما اعرف تشملك هاي او لا

تحياتي

[ستابرو البيداري]

شكرا جزيلا اخويه تعبتك ويايا  الف شكر

[Suma-sun]

اختي العزيزه انجي اولا سؤالي عن اللجوء في ولاية تكساس وعن مدينة هيوستن بالتحديد .. وكم هي مدة المساعدات هناك هل هي نفس الشئ مثل مشكان ولا اقل .. وكل شئ يتعلق بهذه الولاية .. ثانيا في حالة عدم ارتياحنة للجوء بامريكا ممكن نطلب التغيير والتحول الى كندا هل هذا الشئ ممكن وشكرا

[ستابرو البيداري]

مرحبا               عندي سؤال اكدر اقدم معامله  خماسيه   واكون اني موجود بي كندا  يصير لو ميصير  ارجو الرد شكرا

[discharge]

سلام عليكم
ياشباب عندي بعض المعلومات واسئلة هم
يابة بالنسبة للجوء بكندا اذا جتي للواحد دعوة زيارة
اني صديقي جتي دعوة لتورنتو وراح قدم لجوء انقبل بس صارلة يمكن سنة او 2
يعني يمكن الظروف جانت اسوء ببغداد
المهم سالتة لان اني هم اريد جواب بصلراحة يكول يابة الجواز لاتشكة لان تحتاجة بعدين على حجية انه ادخل رسمي وراهة اقدم هذا راية ياريت نسمع اراء اذا احد يعرف وياهو الاضمن او نسبة نجاحهة اكثر شك الجواز لو الدخول الرسمي والتقديم ياريت اذا احد عندة رد

[discharge]

ياشباب بعض الاسئلة يارب احد يفيدنة بالاجابة
1-بالنسبة للجوء اني اخوية بكندا اذا يدزلي فيزة زيارة شكد فرصة يقبوون ينطوني فيزا لان همة يعرفوون الاكثر لح يجلب لجووء واكو شي اكلهم او اثبتلهم حتى يسهلولي امر الفيزا
واذا رحت وحطيت محامي مثلا شنو تقصدوون اثباتات تهديد اني حديقة ما عندي اثبات تهديد بس كحجي ترهم اتهددت والوضع ومدري شنو هاي توكل خبز لو يجاوزوني باخلاقهمز
2-بالنسبة للهجرة امتحان الايلت شكد اقل شي ممكن 4 لو 7 من 9 ويختلف وية الوظيفة لو لا
3-اذا اني مجمع 67 نقطة بلا لغة اشكد لازم اجيب اقل شي بالايلت مع العلم اني طبيب يعني يقبوون مثلا4
4-الة امتحن ايلت لو ممكن بس اثباتات مثلا عندي تاييد اني دارس 6 سنين باللغة الانكليزية
5- كافي لحيت اني بس اتوقع هواية لح يستفادون اذا عرفو اجوبة هاي الاسئلة بس كولو يارب

[احمد]

نهاركم سعيدعاوز اعرف كيفيه اللجوء الى كندا

[SAMY20102010]

تحيه لكم اخوانى واخواتى من العراق الحبيب  ارجوكم احد يجاوبنى انا فى حيره من امرى واريد من يساعدنى خصوصا اخى الفريدو واختى انجى واختى ناردين

 انا لست عراقى لكن اود الهجره الى كندا  انا معى الفيزا الكنديه كزائر واريد البقاء فى كندا عند الوصول ما مدى نجاح هذا اذا تم عن طريق محامى مع العلم ان بلدى لا توجد بها مشاكل كالعراق ؟ هل سوف اقبل كالاجئ ؟  وما الاوراق المطلوبه منى عند دخول كندا؟

[samir046@hotmail.com]

[/font]

[ahmed]

www.canadavisa.com/arabic/canada_immigration.html

i wish the sit helpyou

[KingsofBabylon]

أكو مستشار مال هجرة ولجوء بكندا وهو عراقي وكلش شاطر يسوي كل طلبات مال الهجرة واللجوؤ

اسمه علي شافي وهوه عراقي بتورونتو كلش شاطر يساعد ومتعلم

اعلاناتة بالجرايد اهنا بكندا هذالك اليوم شفتها وسوى معاملات لأصدقائي ومشالهم اوراقهم فانصح انو تروحلوله او تتصلون بيه

هذا الويب سايت مالته www.meimmigration.com

بالموفقية