كلمات مواويل /// حسام الرسام

موال / باجر نرد

يااااابه يااااابه يااااابه يااااابه

يابه باجر ان شاء الله باجر .. باجر نرد لبلادنه

باجر تجي ويانه الشمس مشايه عند احلى عرس

وتنزل تمشد كذلتج بغدادنه باجر يجي البياع ويه المنصور

وصوت الهلاهل هلاهل يوصل السبع قصور

ونبجي بحضن زيونه وترابهه يشمونه

ولازم ننشف دمعتج بغدادنه

لازم نرد لبلادنه

الكراده تعبهه الصبر الفضل واكف ينتظر

الصالحيه شكد بجت نادت علينه وعاتبت

أي يمته تجون احبابنه

لازم نرد لبلادنه

0000000000000000000000000000000000

موال / اول حضاره

ياااااااااابه ياااااااااابه ياااااااااابه ياااااااااابه

بنيت اول حضاره وتشهد الناس

وعلقت الجنائن بالجميلات

وبابل ذيجه لو رايد انجازي

فضت ويا الفرات بحرب تشرين

وعلى الجولان دمي ظل مجازي

طحت بكفر قاسم يوم داسوا

وبعدهه كبورنه ادور تعازي

ياهو المانخانه وطحنه ويا

شعجب لليوم ما سألوا عزازي

عن ابني الحليب اليوم مكطوع

حليم الكم جنت هيج التجازي

لك اني ابن السماوه وابن ذي قار

وابن البصره لا تحاول افرازي

اني ابن السماوه وابن ذي قار

وابن البصره ويتعبك طرازي

انا ابن الرمادي وابن بغداد وابن كركوك

لا تحاول افرازي

صلاح الدين ما مات على بغداد

مات على القدس ما قبل نازي

تره صلاح الدين ما مات على بغداد

مات لاجل القدس ما قبل نازي

عراقي اني عراقي اني وبدون تزوير

عمت عين الوكت والله ومخازي

صرت مرفوض من كل السفارات

ولا فيزه الرضت تختم جوازي

بنيت اول حضاره وتشهد الناس

0000000000000000000000000000000000

موال / يا وطن

انت تعرف يا وطن مبيوع ليكَدام ... انت تعرف يا وطن مبيوع ليكَدام

تعرف يا وطن مبيوع ليكَدام

لان كلهم ع الحدود محضر سلاله

لا تعتب عليهم بعد ما يفيدون

لان بعض الزلم حب الوطن من الكَلب شاله

لا تعتب عليهم بعد ما يفيدون

0000000000000000000000000000000000

موال / لاتزعلين

اوييييييليييييي اوييييييليييييي اوييييييليييييي اوييييييليييييي

اوييييييليييييي اوييييييلييييي

لا تزعلين .. لا لاتزعلين

لا تزعلين اذا حبيت لا تزعلين

لان انتي معلمه تحبين واحد عشره وعشرين لا تزعلين

عادي بكلشي ما تفكرين لا تزعلين

ضنيتي كلوب الناس لعبه وبيهه تتسلين

وج يا قالب ثلج هم باجر تموعين ويا ورده حسن بالحسن تتباهين

هم يكَضي الربيع وباجر اتذبلين تتندمين والله وداعتج يا حلوه تتندمين

ومن تصفين كلج عيب وكَبال العمر تبجين تتندمين

يا بنت الناس اسمعيني واخذي دروس مدروسه

واخذي الصافي من عندي ولا تفرحين بالهوسه

تره اللي يشتريج بمال باجر تخلص فلوسه

اول يوم محروسه ...... وثاني يوم ملبوسه

وثالث يا حسره لو بالشارع اديحين لو بالسجن محبوسه

يا بنت الناس اسمعيني وافهميني واخذي دروس مدروسه

واخذي الصافي من عندي وبعد لا تفرحين بالهوسه

0000000000000000000000000000000000

موال / بجيت لوحدك

ياااااااااااابه ياااااااااااابه

ياااااااااااابه ياااااااااااابه

يابه بجيت لوحدك محد بجه وياك

لان ما تحتاج دمعة بدون غيره

مسحت دموعهم من هدت الخيل

وحفضت عرو وشيوخ وعشيرة

ياهو الماشبع من نفط كركوك

وياهو اليوم عازمنه على خيرة

اعتب ع الشرب من لبن اربيل

واعتب ع اكل خبز الطوّيرة

وعتب ع السكَف من سمج ذي قار

واعتب ع الحجة حجاية صغيرة

اعتب ع الغفة بحضن ابو النواس

شلون اليوم دجله اتظل اسيرة

تقبل يا سعد رستم على الباب

وعلى نهر الفرات يصير سيرة

تقبل يا علي الفقار مهضوم

ومن كَبتك يبوكَـ النذل ليرة

احاسبكم على كل ما جرة وياي

وكلمن ذنبه بعيونه وجريرة

عراق واسمك يهز السماوات

ولازم ترجع تقود المسرة

بجيت لوحدك محد بجة وياك

لان ما تحتاج دمعة بدون غيره