Ankawa.com
montadayaat montadayaat montadayaat montadayaat
English| عنكاوا |المنتديات |راديو |صور | دردشة | فيديو | أغاني |العاب| اعلانات |البريد | رفع ملفات | البحث | دليل |بطاقات | تعارف | تراتيل| أرشيف|اتصلوا بنا | الرئيسية
أهلا, زائر. الرجاء الدخول أو التسجيل
01:39 20/04/2014

تسجيل الدخول باسم المستخدم، كلمة المرور و مدة الجلسة


بداية تعليمات بحث التقويم دخول تسجيل
+  Ankawa Forum
|-+  المنوعات
| |-+  استراحة المنتديات (مشرفين: hewy, shakar, njmat_alba7r)
| | |-+  اجمل النكات بدون زعل (كردية, دليمية, مصلاوية, ناصرية,شيعية, سنية, حكومية, سياسية
0 أعضاء و 6 ضيوف يشاهدون هذا الموضوع. « قبل بعد »
صفحات: [1] للأسفل طباعة
الكاتب موضوع: اجمل النكات بدون زعل (كردية, دليمية, مصلاوية, ناصرية,شيعية, سنية, حكومية, سياسية  (شوهد 87992 مرات)
peace_lover
عضو فعال جدا
***
غير متصل غير متصل

رسائل: 222

يبقى السؤال ذكرا والاجابة انثى


مشاهدة الملف الشخصى
« في: 11:44 16/12/2008 »

كردي أخذوه الامريكان وگالوله إنته تدعم المجاهدين؟ گلهم لا والله بس همه يمشون بنص الشارع شسويلهم
==============
كردي مرته حامل ميقبل تشرب مي؟ يخاف على إبنه لايزنجر
==============
كردي راح لكربله شافهم معلگين صور الأئمة (ع) گلهم منو هذوله؟ گالوله أهل البيت گلهم لعد إنتو گاعدين نزل؟
==============
كردي راح يشتري دوش گال لأبو المحل عندك مكينة اتسوي المي مثروم؟
==============
فد يوم كردي يغني بحفلة والجمهور يصيح -سحابك مفتوح -گال هسة هسة أغنيها
==============
كردي صار ويه القاعدة انطوه قاذفة وگلوله أضرب سيارة أمريكية راح ضرب سيارة كابرس
==============
مرة سألو كردي الثعلب يجيب لو يبيض؟ چان يگلهم: والله هازا كلاوچي كلشي يسوي
==============
كردي فتح صيدلية سماها لبن أربيل
==============
كردي أشتغل تكسي بالصين كلما يوگفه واحد يگله ولك ملعون مو توني وصلتك
==============
كردي شاف واحد ويه مرته جر المسدس عليه ذاك گال: لك كاكا هاي الكاميرا
الخفية الكردي گال:خره بعراضكم ماكو غيري؟ هاي خامس مره تنكتون بيّه
==============
كردي هارب اشتره جواز مال واحد إسمه حسنين وبدل الصورة بالسيطرة سألوه شسمك؟ گال: إثنين حسن
==============
كردي يشتغل بالتنقيب عن الآثار ديحفر طلعتله طابوگه جمهوري ركض للمدير يصيح: إستاد لگيت الدوشيش مال حمورابي
==============
كردي گلتله مرته: آني أحبك گلها خلي علاقتنه صداقة بس
==============
كردي سأل شيخ عشيرة دليمي، گله: إشگد عمرك إمحفوظ؟ گله الشيخ:42 گله الكردي شلون صدفة نفس قياس الگيوه مالتي
==============
كردي ما يفتهم بالرياضيات گام طيّر الأوراق گالوله: ليش؟ گال: حته أفهمها وهيه طايرة
==============
كردي اشتره حذاء ضيگه گالوله: ليش؟ گال لوتدرون شلون أرتاح من انزعها
==============
كردي سمع أكو حقل مزروعة بيه ألغام راح ثاني يوم يسگيهن
==============
كردي شاف وحده حلوة راكبه بالتاته نزل أخذ رقم التاته
==============
كردي گالوله اشسميت ابنك؟ گال مامستعجل گالولي راح تنزل حروف جديدة
==============
كردي عزموه على حفلة تنكرية دز أخوه ابداله
==============
كردي دخل لمحل تجهيزات رياضية گله كاكه ماعدكم أحذية مال هجوم؟
==============
كردي طلع گول عله فريقه گال أقربلي
==============
كردي سمع إنه أهل الفلوجة مسويلهم چم عملية گال: شنو يعني؟ صباح اللبنانية وحدها مسوية عمليات أكثر منهم
==============
كردي لگه كنز گال: بقت بس الخريطة
==============
كردي سمع إنه الجزر يقوي النظر راح اشتره گونية جزر وگعد يتباوع عليها
==============
كردي ودة البغل للضريبة العامة شبعوه كتل گال: والله حسبالي الزريبة
==============
كردي سأل صاحبه: هيه مصر بعيده؟ گله: ما أعتقد لأن المصري اللي بصف محلي يوميه يجي عالبايسكل
==============
كردي حزّر صاحبه، گله: إذكرلي إسم حيوان برمائي گله: تمساح گله: بعد حيوان ثاني گله: تمساح ثاني
==============
أكراد ديسوون دعاية ببسي واحد يشرب والثاني يگله: بقيلي شويه بقيلي شويه
==============
كردي مستعجل حيل أجر تكسيين
==============
كردي سمع مرته تطلگ وتصرّخ صاح: أني السبب آني آني موغيري
==============
كردي گال لإبنه: بابه روح إسگي الحديقة گله بابه مو دتمطر الدنية گله ميخالف بابه أخذ شمسية وروح
==============
كردي سأله شرطي المرور: ليش مارابط الحزام؟ گله: مو لابس بنطرون أبو الحمالات
==============
كردي دخل أول ليلة على مرته إستحت گال: ليش الأخت أول مرة معرسه؟
==============
كردي سأل صاحبه: صدگـ أزاد نامق أخو أوراس عثمان؟ گله: لا بس تشابه أسماء
==============
كردي گلوله: شسمهم أخوانك التلاثه؟ گال: كلهم أزاد ماعده فرهاد وبختيار
==============
طفل كردي ضيع أمه بالسوگـ سأل واحد گله: ماشفت مريه تمشي وما وياهه واحد يشبهني؟
==============
كردي لازمله ثلجايه ويگول: والله أموت لو بس أعرف منين مزروفه؟
==============
كردي راح يخطب بنية قدموله جگارة گال: لا والله ماأدخن بس ويه العرگـ
==============
كردي زوجوه أهله.. گعد الصبح گل لأمه: يمه خليها تنام عدنا بعد
==============
كردي راح يعزي جماعة گلهم مع الأسف يعني ماكو أمل يرجع؟
==============
كردي مات أبوه إجه صاحبه يعزيه گله: الله ينطيك الصبر گله: لا عادي
==============
كردي خطب بنية گله أبوها: مو البنية هسه تدرس گال: زين أروح فد ساعة وأرجع؟
==============
كردي إتهموه بسرقة سيارة گال: ماكو هيچ شي فتشوني
==============
كردي سأل صاحبه: اليوم سبت لو أحد؟ گال: ثنين گال: سبحان الله چفته وحده
==============
كردي راح لطبيب عيون گالّه: دكتور من أغمض بعد ما أشوف
==============
كردي گال لمرته: اليوم تخرجت من الكلية گالتله: ليحسدوك عله ذكاءك دُگـ الخشب گام دگـ عالقنفة گالت: منو؟ گالها: گعدي إنتي آني أفتح الباب
==============
كردي بالخارج وزعلان ويه عائلته دزلهم رسالة فارغة
==============
كردي محشش كمشوه الشرطة گالوله : تفضل بالسيارة ويانه گال:لا شكراً بيتي قريب
==============
كردي خابر الشرطة گلهم: أكو حادث بيه خمسين سيارة مگلوبه إجوا لگوه يخابر من يم السكراب مال كسره وعطش
==============
كردي صيدلي إجاه واحد گله: عندك دوه للصراصير؟ گله:خير شبيهن؟
==============
كردي حشاش دينظم ميزانية المصروفات گال: هاذي ألف للكهرباء هاذي للأكل هاذي للعرگـ اندگت الباب رأسا وإذا الشرطة گام رأساً شگگ فلوس العرگـ
==============
كردي سوه دعوة سرقة سيارته گالوله: شگد رقمها؟ گال : والله ثمنتالاف ثمنتالاف وثمنميّه بهل حوالي المهم أقل من تسعميه
==============
كردي انباگت سيارته ركض وراها ورجع گال:هم زين أخذت رقمها
==============
كردي سأل أبوه: بابا منين چنتوا تشربون ماي گبل؟ گال أبوه: من العيون إبني گال: بابا لعد ليش هسه من الحلوگـ
==============
كردي ديسوق دعم اللي گدامه نزل ذاك گله: شنو ماشفتني؟ گال: والله شايفك بس ما أتذكر وين
==============
كردي ويه صاحبته بالگازينو أنگطعت الكهرباء گالتله: يالله إنتهز الفرصة گام شرد بلا ميدفع الحساب
==============
كردي فتح باب السيارة يريد ينزل شاف المطر قوي.سدها ونزل من الباب الثانية
==============
كردي رادوا يعذبوه إنطوه ورقة مكتوب عليها من الوجهين (إقلب الصفحة)
==============
كردي راح ويه صاحبة يفولون بانزين گله مادام السره طويل أروح لذاك الكشك أجيب ببسي إليه شجيبلك وياي گله: اللي يعجبك راح جاب ببسي إله وقلم جاف لصاحبه
==============
مدرس سأل طالب كردي گاله: أبوك شگد عمره گال ما أدري أستاد بس هوّه من زمان عدنه
==============
كردي وگع من جبل صاح إلحگولـــــــي چيتوا الأكراد كلهم وراه
==============
كردي شاف گشر موز بالشارع گال:أوهوووو شلون شغله؟ هم راح نزحلگ
==============
كردي گال للدكتور: دكتور كلما أشرب چاي عيني توجعني گله الدكتور من تشرب الچاي وخّر الخاشوگه
==============
كردي سكن بالرمادي گله جاره: عود فنجان الگهوة مالتك يمي گال الكردي: إي والله يمكن واحد من الجهال شمره عليكم
==============
كردي يسبح بالشط ويندعي: يا إلهي لاتموتني لخاطر المره والجهال صديقه سمعه گله: لك يامره ياجهال؟ إنته يمته متزوّج الكردي غمزله وعضله شفـّه
==============
كردي طلّع الصوبة برّه البيت گالوله ليش؟ گال: مو برّه أبرد من جوّه
==============
كردي راد يبدل الگلوب ركب على چتف مرته وگلها يالله إفتري
==============
كردي سألوه شتسوي إذا ردت تصيد أرنب ؟ گال: أقلد صوت جزر
==============
كردي يلعب برمانة يدوية گالوله: ماتخاف تنفجر؟ گال: عدنه هوايه بالبيت
==============
كردي گالوله شنو رأيك إذا نوال الزغبي طلبت منك تنام وياها؟ گال والله إذا مو كلش نعسان ما أگدر
==============
كردي گالوله شفنه واحد راكب ويه مرتك بالسيارة ومرتك تسوق بسرعة طايرة گال: لاتخافون عليها شاطرة بالسياقة
==============
كردي گالوله الحگ مرتك تخونك بالبستان ويه صديقك راح ركض ورجع وره شويه گال: مناعيل الأهل هنّه شجرتين سويتوهن بستان وچماله الولد طلع لا صديقي ولا أعرفه
==============
كردي يصبغ السگف بالبويه گالوله: خلي جريدة جوه رجليك گال لا ميحتاج أنوش
==============
كردي عنودي صاحبه دگـ عليه الباب گال: منو؟ گال: آني گال: لا مو أنته
==============
كردي بالحرس الوطني گالوله: من تشوف الملاّ تضرب واحد وعشرين طلقه گال: وإذا صوبته بأول وحده أكمّل الباقي؟
==============
أكراد ثنين مساجين خططوا يكتلون الحارس ويهربون راحوا شافوا الحارس ماموجود رجعوا گالوا: خربت الخطة
==============
كردي دعم أثنين بسيارته واحد مات والثاني تكسر گام المتكسر يصيح گال له الكردي شبيك تصيّح أشو هذاك مات وكلشي ما گال
==============
كردي راح يعزي صديق بوفاة والده سأله وين مكان الضربة بالمرحوم گال فوق عينه گال هم زين ماجت بعينه
==============
موبايل كردي مغلق: هازا الرقم اللزي زربته ماموجود ممكن تدق فد شويه
==============
كردي بليلة الدخلة ما عرف اشلون يبدى الكلام ويه عروسته گلها: اهلچ يدرون إنتي تباتين عندنا اليوم
==============
كردي مرته جابت توم گلها: الأول مني الثاني منين؟
==============
كردي بالنجف شاف جنازة فراد يگول: أنتم السابقون ونحن اللاحقون مادبّرها فگال (إنته يروح وبعدين آني يجى)
==============
كردي اشتره حذاء گله أبو المحل: تره أول تلتيّام راح يضوجك بالمشي گام لبسه رابع يوم
==============
كردي باگـ بطه من جيرانه ثاني يوم الصبح شافه جيرانه گله: صباح الخير گله يابطه؟
==============
الأكراد سووا مظاهرة تضامن مع الفلسطينيين لبّسوا واحد منهم ملابس شارون وحرگوه
==============
كردي ضيع مفتاح سيارته إجوي الناس يساعدوه فتحوله باب السيارة بالدرنفيس گام سوه نسخة من الدرنفيس
==============
واحد گال لأبو الصيدلية الكردي: أريد فد مرهم لإبني الزغير الصيدلي گله: وآني اشتم گفه إيدي؟ غير تگلي شسمه؟ گله:آزاد
==============
كردي دعمته سيارة سأله المحقق( هم كردي )شگد رقمها؟ گال: 2499 گله المحقق: يعني گول 2500
==============
كردي شاف واحد غرگان ويصيح: ياناس ياعالم ما أعرف أسبح گال له: حسبالك بالصياح تگدر تتعلم سباحة لا بابه لا عافه وراح
==============
كردي لازم فردة حذاء ويعامل أبو المحل: كاكه بيش هاي الحذاء؟ گله: بسبعتالاف گله: زين واذا أخذنه الفردتين متنزلنه شويه من السعر؟
==============
طسه بشارع بالسليمانية كاتبين وراها: أنتبه !! ورائك مطب
==============
كردي إجه يدخل للبار، شاف مكتوب: ممنوع الدخول دون 18 راح جاب 17 واحد وياه
==============
كردي عالبحر مغمض ويغني گالوله: الظاهر إنته منسجم؟ گال: لا من كلار
==============
كردي صار شيعي گالوله:لازم تصلي عالتربة گال: اللهم صلي عليها وسلم
==============
كردي راح ضيف يم شيخ الدليم صاح الشيخ: جيبوله دليمية الكردي كيّف گال: إي والله صار مدة مامتونس
==============
معلم يدرس أكراد يكتب وهمه يكتبون وراه مسح السبورة گاموا كلهم مسحوا الدفاتر
==============
كردي سمع كلمن يموت بساعته گام كسرها
==============
كردية رادت تكتل رجلها حطتله مسدس بالشوربة
==============
كردي راح لمكة شاف الناس تشمر حجار گام جاب تاير وحرگه
==============
لبناني تزوج كردية: گلها: صحيني بكير وقليلي بيضتين هيه همينه الصبح گلتله: إگعد بيضتين
==============
كردي راح للدكتور گله: دكتور عندي مغص قوي گله الدكتور: طيب إنته ماكل شي ؟ گله: شنو دكتور قابل أريد أجربك
==============
كردي مات أبوه گال للدفان: بيش أرخص گبر؟ گله: بتسعين ألف گله : زين وإذا الميت من عدنه؟
==============
كردي سألوه شتحب اتصير بالمستقبل گال: خبير روسي
==============
أكو 16 كردي أجرو شقة كل أسبوع يطردون واحد ليش؟ ديقلدون ستار أكاديمي
==============
كردي إحترگـ محله گالوله : خو ماخسرت هواية؟ گال :لا الحمد لله چنت مسوي تنزيلات
==============
كردي فاتته التاته لحگها بتكسي
==============
كردي راح لطبيب أمراض زهرية گله: دكتور زهري يوجعني
==============
عشرة أكراد خطفوا طيارة فارغة واتصلوا بالحكومة وگالوله إذا ماتنفذون مطالبنه تره كل ساعة نشمر واحد منه
==============
مدرس سأل طالب كردي گله:إبني شتصير من تكبر؟ گله: شايب
==============
كردي سألوه شنو رأيك بالزواج المبكر؟ گال: والله كلما من غبشه أحسن
==============
بإنفجار مقر الأمم المتحدة ببغداد راح كردي يدور على صديقه، فوگف يم واحد صيني متمدد عالسدية ويصيح (شن شان شو شي شا) گال الكردي يمكن ديوصي خلي أكتب الوصية فلما مات الصيني أجوي يقرون الوصيه لگوا الترجمة تگول( ولك وخر رجلك عن صوندة الأوكسجين تره راح أختنگ وأموت)
==============
واحد گال للحلاق: تره صارلي ساعتين هنا الحلاق كردي گال له: شنو يعني؟ آني صارلي سنتين هنا
==============
كردي عطس يم مصري ترس وجهه تفال المصري گله: إنته أرفتني گله: والله يمكن أأرفك بس ناسيك
==============
واحد اشتره سيارة رقمها سليمانية يومية يلگه تايراتها فاشه فد يوم ظل سهران يشوف منو يفش التايرات طلع جيرانه الكردي يفشهن ويشتم الهوه ويصيح: أفيــــــش هوه سليمانية
==============
فد يوم أمريكي وكردي فالأمريكي گله للكردي وين وصلتو بالتطور گله الكردي إحنه رجعنه لعصر الآلآت القديمة فالكردي سأل الأمريكي گله انتو وين وصلتو بالتطور گله الأمريكي إحنه وصلنه إذا يعطل القمر الصناعي انصلحه صفن الكردي وگال ايبــــــاه لعد الدرنفيس مالتكم اشطوله
==============
فد يوم كردي حط عبوة على الطريق العام فات الرتل ورة 3 دقايق يالله انفجرت ليش؟ خال جهاز حماية
==============
كردي شاف جماعة ديذبحون طلي كال أيبـــــاه حتى الطلي گام يشتغل مترجم
==============
كردي وياباني اتراهنوا منو الأغبى الياباني گال إحنه الغبي مالتنه يعرف يسوي موبايل فگال الكردي إحنه الغبي مالتنه صار رئيس جمهورية
==============
كردي لزم خفاش وخرب من الضحك گال: أول مره أشوف فاره لابسه عبايه
==============
كردي ديصلي إجاه واحد صديقه يريد يحچي وياه گله ليش من دتصلي أريد أحچي وياك مترد؟ گال: آني من أصلي الله ماعرفه
==============
كردي راح للكويت من رجع ديحچي لجماعته كلهم هاي شنو الكويت رهيبة شگد انبياء بيها نبي نروح نبي ناكل نبي نشرب نبي نطلع نبي ننام لو أضل للصبح أعددهم ما يخلصون
==============
أكو كردي طلع يمشي تك رجل گالوله ليش گلهم اليوم فردي
==============
مرة كرديين اثنين راكبين ماطور يتعاركون عليگعد يم الشباچـ
==============
أكو كردي وگعت دشداشته من السطح بسرعة راح ذبح خروف سألو ليش؟ گال لو آني بيها چان متت
==============
كردي راكب كية فطگ التاير الركاب گالوا بيها صالح وره نص ساعة اندعمو گالو بيها صالح وره ربع ساعة انفجرت يمهم عبوة گالو بيها صالح فنزل الكردي وگال إذا مايزنل صالح منها ماأصعد بعد
==============
عربى راح لمطعم بالشمال طلب لحم بعجين العامل جابله بس عجين
أكله وسكت وره شوية طلب مرة ثانية نفس الأكلة جابله نفس الشي گله متگلي ليش تجيبلى بس عجين
گله الكردى لعد إحنه من چنه نجى لبغداد نريد صابون رگي تنطونة بس صابون
==============
كردي گلوله باچر عيد الحب گال: أهووو هاي اشلون ورطة! هاي اشلون صلاتها
==============
كردي اشتغل بالمرور شاف واحد ديسوق دراجة على تك تاير راح كتب بالمخالفة محاولة طيران
==============
كردي من أربيل طلع للشارع شاف واحد مكتوب على رقم سيارته إمارات أبو ضبي هو راح على سيارته وغير الرقم كتب أربيل أبو علي
==============
نكـــــــــــــــات الدليــــــــــم
==============
طيار دليمي وگعت بيه الطيارة لمن لگوا الصندوگـ الأسود سمعوه يگول للمساعد: ماتفكلنه جامة الشباچـ شوية من يمك
==============
دليمي سألو شنو رأيك بالكباب؟ گلهم والله طيب بس لوما الشيش يوگف بالزردوم
==============
دليمي كمشته سيطرة مال جيش المهدي گالولة إنطينه هويتك گال مشايلها گالوله ليش گال مو مكتوب بيها دليمي وانتو تعرفون الوضع
==============
فد مره ثنين دليم ديلعبون ختيلان ضاعو
==============
دليمي ياكل دولمه وره الغدة ليش؟ حسباله زنود الست
==============
شاب دليمي، كامش بيده سيم وواگف براس الدربونه گالوله: ليش؟ گال حتى البنات تگول عليه: شوفوا هذا شاب وسيم
==============
دليمي مخيم بالصحراء دخل عليه واحد گله: آني تعبان من الشمس گله: تشرفنه وآني حمادي من الأرض
==============
دليمي قرة بالجريدة إنه بالصين كل دقيقة ينولد طفل گال: هذا التطور خو مو مثلنه كل 9 أشهر
==============
سألوا دليمي: إنته اتدخن؟ گلهم: والله من أمشي ما اباوع ورايه
==============
دليمي راكب بهليكوبتر گال للكابتن: بروح أبوك ماتطفينه المروحة الفوگـ تراها بردت شويه
==============
دليمي طلع من سجن أبو غريب بعد فضيحة التعذيب گال لأمه: ما شفتيني بالصور؟ آني ثالث *** عاليمنه
==============
دليمية گالتلها جيرانها: آني مسويه ميك آب گالتلها: وأني مسويه شيخ محشي
==============
دليمي راد يقلد كاظم الساهر نزل كاسيت رائحة القدمين
==============
دليمي گله الطبيب: يومية تمشي 10 كيلومترات خابره وره شهرين گله دكتور آني هسه بعرعر أرجع لو أطلع گبل؟
==============
دليمي گل لقاسم أبو الگص: فد نفر گص قاسم گله:سفري لو بالصالة؟ گله: سوي مشكل
==============
دليمي گل لابوه: يابه أريدها تكون بيضة وطويلة گام جابله ثلاجة عشرين قدم
==============
دليمي راح للحج مطرت خابر أهله گلهم: غطوا الإسمنت
==============
دليم سمعوا عن المخطط الأمريكي بالعراق قدموا على قطع أراضي بيه
==============
دليم اثنين ديلعبون شطرنج كلما يموت جندي ينصبوله فاتحه 3 أيام
==============
دليمي يگلب بقوالب الثلج ويگول: ولا وحده حارّة
==============
دليمي تزوج حضرية الصبح گلتله: صباح الخير حبيبي گال : الله ينعل أبو الانگليزي
==============
دليم يلعبون على خط الرطبة السريع اللي ينسحگ مرتين يخسر
==============
دليم ثنين بنقطة تفتيش گالولهم: هوياتكم أخوان واحد مد إيده اللاخ گله: والله بالحرام متمد ايدك
==============
دليمي سكن ببيت يم ترفك لايت كلما يشتغل الأحمر يذبح ذبيحه للسيارات الواگفة
==============
دليمي گلوله: شنو رأيك بالدوندرمة؟ گلهم: والله طيبة بس الگلاص شويه يسوي عندي جالي
==============
دليمي مرته جابت توم فرح حيل وگال للطبيبه: والله ما أطلعها من المستشفى إلا تاخذين واحد بشارة
==============
دليمي زعل على مرته إجت ترضيه گالتله: أسويلك مساج؟ گال: لا متعشي بره
==============
دليمي معزوم بعيد ميلاد من خلصت الحفلة گلهم: ياجماعه عود باچر عيد الميلاد عليّه
==============
دليمي سافر برة دز لأهله صورته بملابس السباحة دزوله ملابس
==============
دليمي راح يعزي ناس گلهم شلون مات المرحوم؟ گالوله بحادث سيارة گال شنو أثول؟ ميشوف؟
==============
دليمي هدتله صاحبته ببغاء وره فترة خابرته وسألته: شلونه الببغاء؟ گلها: عادي مثل طعم الدجاج
==============
دليمي اشتره لمرته علبة كريم مغذي بشرة گعد الصبح لگاها تريگ بيها الجهال
==============
دليمي يگول: أحسن خمس أشياء بالدنيه تلاثه.. الچاي والگهوة
==============
دليمي خابر مكتب الخطوط گلهم: بالله شگد تستغرق الرحلة للهند؟ گله الموظف: فد لحظة سد الخط وگال لصاحبه: لا موبعيده كلش
==============
دليمي الله وفقه بنه بيت ضخم الباب مالته من زجاج گام حطله عين سحرية
==============
دليمي سألوه: إشگد كلفتك الروحه للحج؟ گال: خمسطعش ورقه غير المشروب والكاولية
==============
مصري يگل لدليمي: إنته بتستعبطني ولآ إيه.. الدليمي گله: أسطع بطنك وبطن الخلـّفوك
==============
دليمي شاف وحده تستعمل الشسوار گال: وإحنه لي هسه بالرمادي نگصع الگمل بدينه
==============
دليمي ديمشي عالجسر ويگول: أيبـــــاه غير بالكونه ضخمة
==============
دليمي گالوله شنو أصعب موقف بحياتك؟ گال من أزين لحيتي وآني أعلچ
==============
دليمي حب يتحارش بوحده وياه بالجامعة طخها فوگعن كتبها گام لمّلهياه كلهن گلتله: شكراً عذبناك گال: بالعكس لاعذاب ولا خره
==============
دليمي گله إبنه: بويه لازم أدرس بالخارج گال: وأخوتك وين يخرّون؟
==============
دليمي گال لأبوه: بويه أريد (كيري).. گله أبوه: والله ماتاخذ غير بت عمك.. گله: بويه كيري جبنه.. گال أببوه: وبت عمك گيمر يبويه
==============
دليمي گال له إبنه: بويه إجازة السوق مالتي سقطت گله أبوه: طبعاً من كثر دياحتك بالشوارع
==============
ثنين راجعين من بغداد للرمادي ... يم البانزين خانه نزل السايق يشتري ببسي والثاني راح يبول..السايق جاب الببسي ونسه صاحبه وراح للرمادي ..أهل ذاك خابروه: لعد فلان وينه مارجع وياك؟.. گال أهوووو.. أگول إلمن الببسي الثاني؟
==============
دليمي وگـّف تكسي گله: فارغ؟ گال: نعم گال :متنزل نسولف شويه نگضي وكت
==============
دليمي أشتره مرايه وتباوع لروحه بيها گال ياسبحان الله هالوجه مو غريب عليه وين شايفه؟؟ وره شويه أخذله صفنه گال:أها يم الحلاق
==============
گالوا لدليمي :شنو رأيك بالموز؟ گال والله طيب لو ما نوايته چبيرة
==============
دليمي سوه عملية رفع كليه فنجحت العملية گال والله مدام هيچ إلا أكررها
==============
دليمي أشتغل مخرج تلفزيوني راح لأهله گلهم سوولي راس بصل حلقات وانطوني الحلقة الأخيرة
==============
دليمي عنده ضرس مأذيه حيل راح لطبيب الأسنان گله أريدك تشلعلي كل سنوني وتخليه هذا بوحده مثل الچلب
==============
دليمي يسوق تكسي ركبوا ثنين رايحين لملعب الشرطة گالوله:إذا ممكن نادي الشرطة الله يخليك.. گال: ليش متحلّوها بيناتكم أخوان
==============
دليمي سألوه عن عمره گال 30 سنه وره عشر سنين سألوه گال 30 گالوا شلون ماكبرت؟ گال: الرجال عدنه كلمته وحده حتّه لو ألف سنه
==============
دليمي خابر صاحبه طلعله إبنه گاله: أبوك هنا؟ گله: إي گله: عرفتني منو؟ الإبن صاح بابا أكو واحد يريدك عالتلفون ميعرف هوه منو.
==============
دليمي گال لأبنه إذا تنجح أجيبلك مدرس خصوصي
==============
دليمية قرت بجواز رجلها مكتوب( رجل أعمال) گالت سواها الچلب واتزوج عليه
==============
دليمي إشتره تكسي بالشارع يصيحون عليه تكسي تكسي ... گاللهم عمي أدري والله أدري
==============
دليمي گال لأبوه: بابا خل نروح لحديقة الحيوانات أبوه گله: لاتستعجل إبني فد چم يوم همه يجون ياخذونه
==============
دليمي إشتره لإبنه حاسبة شال الصفر منها گال حتى لتسجل عليّه مكالمات دولية
==============
دليم ثنين يتناقشون الأول گال آني من أشرب الگهوه مااگدر أنام الثاني گال آني بالعكس من أنام ما أگدر أشرب الگهوة
==============
دليمي گال لجماعته: والله خدمات الحج بالسعودية حيل محترمه وأنصحكم من تريدون تحجّون لاتروحون بس للسعودية
==============
دليمي يطوف بالكعبة سمع الآذان سأل اللي يمّه گاله: بروح أبوك ماكو جامع قريب هنا؟
==============
دليمي واهسه بالتجارة سمع صديقه يگول: الخميس يوافق 15 گال واذا ضغطنه عليه شويه ميسويها أقل؟
==============
دليمي طگّت أموره بالتجارة جاب خدامه.. ثاني يوم تعاركت مرته ويه الخدامة گام عزل كل وحده ببيت
==============
دليمي أشتره علچ أبو السهم صار الليل وهوه يعلچ گالوله نام.. گال: بالحرامما أنام إلا أخلصه
==============
دليمي راح للسليمانية طب بالمطعم طلب تكّه بدون ملح وبدون شحم..گله الكردي والله كاكا ماكو عدنه شحم أسويلكياها بس بدون ملح؟
==============
دليمي عرس سكتاوي حط كاسيت فارغ بالمسجل.
واحد من المدعوين عجبه الشريط طلب منه نسخة مسجلة.
جيرانهم دگـ الباب حيل منزعج گاللهم :يأ أخوان نريد اننام متنصون صوت المسجل شويه
==============
دليمي تعين بالأمن السري مال الكعبة شاف واحد يطوف گله : شعندك ولك تفتر هنا؟
==============
دليمي شاف ببغداد قطعه مكتوب عليها(دورة مياه) سأل اللي بالباب: گلي بروح أبوك شلون التسجيل بيها؟
==============
دليمي شاف نافورات هواي ببغداد گال : حيل..!! شكثر بيها بوريات طاگه
==============
دليمي شاف المصلحة أم طابقين ببغداد واگفه داخ گال ياساتر شلون حادث رهيب شصعّدها وحده عاللُخ
==============
دليمي سألوه: ششفت ببغداد؟ گال السفن آب.. گالوا شنو يعني ؟ گال بطل تفتحه لو تلحگ تشرب منّه لو لا
==============
دليمي وكردي يتمشون بالمزرعة الدليمي سأله:جاي تشوف هاذه أبو الزعر(نوع من الطيور) المصنگر مثل الصلّ فوگـ الشجرة؟ الكردي گال متعجب: زين شنو معنى كلمة شجرة؟
==============
دليمي راد يتعرف على بنيّه گلها شسمچ؟ گالت:أسماء.. گال: أها..يعني مو إسم محدد؟
==============
طالب دليمي سأله المعلم:من هو النبي الذي كان يكلم الحيوانات؟ گال: سيدنا طرزان عليه السلام
==============
دليمي أتصل بالأطفاء گلهم:شنو إذا ماكو حريق منشوفكم يعني؟
==============
دليمي گله أبوه روح إغسل وجهك راح يجونه خطار..گال وبلكي ما إجوا؟
==============
دليمي كمشله مصري يريد يبسطه گال المصري(سبني ياوله) گال له الدليمي(والله لانعل أبوك لابو الخلـّفك)
==============
دليمي عنده أرق ميگدر ينام گالوله عِد للميه تنام .. وصل للخمسين ونعّس.. گال: أگوم أغسل وجهي وأكمّل للميّه
==============
دليمي سأل أبو المحل: عندك تلفزيونات ملونه؟ گله إي گله فد واحد أزرگـ للجهال الله يخليك
==============
دليمي گال لصاحبي :بالله شوف إلاشاره مال السيارة تشتغل؟ گله صاحبه: إي لا إي لا إي لا
==============
دليمي راح يحج شاف الناس تشمر حجار گال: أيّـبـــــــاه ....... لهنا وصلت إسرائيل؟
==============
دليمي گال لأبنه إذا نجحت هالسنة أشتريلك رولز رايز وإذا زمال مثل كل سنة أخليك على الـ بي أم 2000 مثل الچلب
==============
دليمي گال لمرته الحضرية: شراح ناكل اليوم؟ گالتله: مسويه ريجيم گال إي والله ماضايگها
==============
دليمي بنه بيت مدوّر... گال لمرته: هم گولي بعد حابسني بين أربع حيطان؟
==============
ثنين دليم يلعبون شطرنج.. الاول گال:هيـــــه.. كتلتك الحصان.. الثاني طلع شويه ورجع گال: وآني سممتلك الهوايش كلهن
==============
دليمي بيده موبايل ويصيح: دوري زين الله يخليچ ..فمر من يمه واحد إستغرب من صياحه فأخذ الموبايل منه لگاه يگول:الرقم المطلوب غير موجود بالخدمة
==============
دليمي راح للدكتور گال: دكتوركل بكان بجسمي أجيسه يعورني..كشف عليه الدكتور لگه اصبعه مكسور
==============
دليمي أول مرة يركب سيارة ... إشتره فراري.. فتح الراديو گالت المذيعة هنا لندن .. گال أيباه...يلعن أبو السرعة
==============
دليمي راح للصيدلية طلب كارتونتين نيفيا، الصيدلاني گله: إشدعوه هالكمية؟ گله الدليمي: يمعود بس خادمك حمودي يتريگ باليوم أربع علب
==============
دليمي عمره 8 سنوات يسوق سيارة ، سالوه منينلك؟ گال: گلت لأبويه جيبلي ويه القرطاسية مقطاطة أم السيارة ، جابليّاها ويه المقطاطة
==============
دليم تلاثه أخذوا مقاولة مد الكيبل الضوئي من بغداد للرمادي وقسموا العمل بيناتهم واحد يحفر وواحد يمد الكيبل والثالث يدفن..غاب اللي عليه شغلة مد الكيبل.. الجماعة إستمروا واحد يحفر
وواحد يدفن
==============
دليمي كل مرة يطبگ باب الثلاجة على كيف .. گالوله ليش؟.. گال: أريد أعرف منو يطفي الضوة جوه؟
==============
دليمي سأله صاحبه: مالگيتلك مصري يساعدك؟ گله: والله لگيت سوداني شغلته مصري عندي
==============
دليمي إحترگـ بيته... إجوا الأطفاء ... گلهم: بالحرام، ماتطفونه إلا إتعشّون
==============
دليمي دز لمرته ثريات ثنين كرستال... خابرها: شنو رأيچ بيهن؟ گالتله: حلوات حيل... بس شويه كبار على الإذانات
==============
دليمي طلع من السينما... گالوله: شلونه الفلم؟ گال: ليش هوه آني لحگت أسلم عالگاعدين حتى أشوف الفلم؟
==============
دليمي گل لصاحبه: سمعت بهذا اللي وگع من عمارة عالية و3 أيام يالله وصل للگاع؟گله: ومات؟؟ گله: شوف هذا الغبي يگلي مات..أگله3 أيام لا أكل ولا شرب عجل يابه شلون مايموت!
==============
دليمي گال لمرته: اليوم أريد منّچ رومانسيات، خابرت لأمه سألتها:شنو رومانسيات؟؟ گلتلها: والله يمه ما أعرف، بس للإحتياط نگعي الباگلة واسلگي اللحم
==============
دليمي اشتره لإبنه شبح، گله: مشي بيها حالك لما أحصلك لاده زينه
==============
دليمي گال لأبوه: يابه أريد أدرس برّه.. گله: خلي أمك تفرشلك بالطرمة
==============
دليمي قدم على وظيفة گالوله: شنو شهادتك گال: إبتدائية، وأعرف واحد يدرس بالصناعة
==============
دليمي راح لأمريكا شاف شباب مكتوب على ملابسهم دعاية مال كوكولا رجع للبيت كتب على الدشداشة دعاية مال شربت نومي بصرة
==============
دليمي نزل للمدينة فلگه سوداني يبيع أزبري بعربانة گله: إنطينه فد ماعون فانطاه السوداني ماعون فطلع خبزة وگعد يثرد فضحك السوداني گله: عليش تضحك على صخام وجهك لو على مرگتك؟
==============
دليمي گال لكردي أريد أبيع سيارتي التويوتا بسعر غالي شلون؟ گاله الكردي بسيطه شيل علامة تويوتا وحط علامة بي ام
وره إسبوع سأله الكردي:ها بعت سيارتك ؟ گله الدليمي: من كل عقلك انته ، أكو واحد يبيع سيارة بي ام؟
==============
دليمي صعد بالطيارة شاف واحد طلب عصير برتقال فوگاه شيف برتقال گلهم آني أريد گلاص حليب فوگاه شيف هايشة
==============
دليمي لابس حزام ناسف و حاط گـُرصة خبز بحزامة فسألوه ليش گـال: أريد أسويها ثريد
==============
مرة دليمي سجل أخته بمن سيربح المليون :حتى يشوفها تتصل بيا صديق
==============
دليمي ضاگت بي الدنيا بالعراق راح للسعودية گلهم شغلوني گلوله شنشغلك گلهم أي شى حتى لو خادم الحرمين
==============
دليمي اشترى بي ام بمواصفات خاصة، بيها كمبيوتر يصلح كل شي يدعمه! حب الدليمي يجربها فدعم الباب اللي عاليمنه ، فرد الكمبيوتر: ياأيها الباب أرجع كما كنت، رجع الباب كل شي مابيه
فرد ودعم بالباب اللي عاليسرة، فرد الكمبيوتر يا أيها الباب إرجع كما كنت! عجبته السالفة فگام جربها وطار من فوگـ الجسر!! فرد الكمبيوتر: ياأيتها النفس المطمئنة إرجعي إلى ربك راضية مرضية
==============
دليمي يحچي لمرته شگد شاركت بمعارك وانتصرنه وهيچي ضربنة العدو ومرة بطلقة وحدة كتلت خمسين واحد گلتلة مرته هيچ انته شجاع؟ كلها إي والله حتى اتذكر بوحدة من المعارك استشهدت
==============
دليمي بلحظة رومانسية مع زوجته سألها بيش دتفكرين؟ گلتله مثلك گال : لك هاي تريد تزوج عليه
==============
دليمي إجته ورقة الماي مية ألف دينار گال يمكن آخر مطرة چان على احسابي
==============
دليمي راد يطور موبايله گام حط بدال الدگم سحابة
==============
نكــــــــــــــات المصـــــــالوة
==============
مصلاوي گالوله أتبرع لبناء سياج للمگبرة گلهم ماسمعنه فد يوم ميت منهزم
==============
اكتشف العلماء البريطانيين إن البريعصي أصله تمساح لكن قام بتربيته واحد مصلاوي
==============
أربع مصالوة لعبوا مونوبولي محد اشترى شيء
==============
مصلاوي جاب حبر انتخابات بالعيد ليش حتى محد ياخذ چكليت مرتين
==============
مصلاوي دز إبنه على تلث گرص خبز من رجع الإبن گاله أبوه: بابه رجّع وحده أمك ماتت
==============
تلث مصالوة نايمين بالغرفة ومشغلين البنكة على رقم خمسة دخل أبوهم بالتوثية يصيح: ياچلاب تلاثه ومشغلين البنكة عالخمسة
==============
مصلاوي حط فلوس بالبنگ يوميه يفوت ويدگـ عالتنكة يخاف لينام الحارس
==============
مصلاوي واگف بالبلكونة إبنه إجه من بعيد يصيح: بابه بابه بابه بابه گاله: ولك إبن الچلب بابه وحدة كافي
==============
مصلاوي مات لگوا بوصيته مكتوب (آني غاسل لا تغسّلوني)
==============
مصلاوي ديموت شاف ولده كلهم يم راسه گعد گال: مناعيل الوالدين كلكم هنا لعد منو بقه بالدكان؟
==============
مصلاوي زوّج ابنه گاله: بابه تره هاي إنته وأخوتك بيها
==============
مصلاوي گل: لإبنه إذا نجحت أراويك واحد يشرب ببسي
==============
مصلاوية حشاشة تحچي ويه نفسها: آني أحب آكل برغل هوايه بس ما أدري آكل برغل يحبني لولا؟
==============
مصلاوي مات أبوه گله المغسلچي انطيني ١٠٠٠ دينار مال الغسل گال: إشدعوه؟ قابل مغسل بي أم؟
==============
مصلاوي مات ابوه حط لافته بالسوگـ: يونس ينعى أباه ويصلح الساعات
==============
مصلاوي بالسوگـ إبنه گله : بابه أحب النستله گله: بابه حبها ورجعها
==============
مصلاوي تزوج راح شهر العسل لوحده
==============
من معتقدات المصالوة أنه لازم واحد يسمّي گبل الأكل وإلا أكل ويّاه الشيطان واحد من المصالوة چان مايسمي وماياكل غير البرغل آخر شي طلعله الشيطان گله: أخي العزيز مو روحي طلعت من هالأكله لوتغيرها لو تسمّي گبل الأكل
==============
مصلاوي أحترگـ بيته سوه مسكول للإطفاء
==============
مصلاوي گال : إذا إجاني ولد أصوم خمس تيام.. صار عنده ولد.. صامهن.. وره فتره مات الولد.. گال: إلا أخصمهن من رمضان
==============
مصلاوي گالوله: اذا بردت شتسوي؟ گال: أدني الصوبة يمي گالوا: واذا بردت حيل؟ گال : أدنيها يمي حيل گالوا: واذا بردت حيل حيل حيل؟ گال أضطر أشعلها
==============
مصلاوي گال لجهاله اللي ينجح هالسنة أراويه سيارة الموطا
==============
مصلاوي سأل مرته إشطابخة اليوم؟ گالت باگله ودهن، گاللها حــــيل!! طبختيهن بفد وجبه؟
==============
مصلاوي بنه بيت كتب عالباب: (ع) الحسود بيها (أ) عود
==============
مصلاوي طاح من السطح هوه وواگع مر على شباچـ المطبخ گل لمرته: لتحسبين حسابي عالعشه
==============
مصلاوي گال لولده: اللي مايتعشه اليوم أنطيه ألف.. گاموا كلهم ماتعشوا وأخذوا ألف ألف... بالليل گام باگـ فلوسهم الصبح گاللهم: اللي مضيع الألف مالته ميتريگ اليوم
==============
تصنيف أفلام المصالوة
إنباك جزداني (كوميديا)
دايني فد دينار (رعب)
وگع ربع بالبلوعة (خيال علمي)
إنطيني عيديه (مغامرات)
==============
مصلاوي إجه يمه خطار گله متغدي گله لا والله گله حرامات لو متغدي چان صبيتلك چاي
==============
مصلاوي ديحچي ويه خطيبته بالموبايل گالتله راح يخلص رصيدي إنته دگـ عليه! گلها إحنه وصلنه طريق مسدود ولازم نفترگـ
==============
مصلاوي طلعله بيت بالجنة أجرة وگعد بالنار
==============
مصلاوي ذبح خروف سوه اللحم كباب والراس باچه والفرو سجادة والأحشاء سماد والعضام طحنها علف للدجاج وحتى صوت الخروف خلاه نغمة للموبايل
==============
مصلاوي راح لمحطة وقود وسأل العامل گله بيش الگطرة الوحدة من البانزين العامل ضحك وگله ابلاش گله خوش عبيلي الخزان گطره گطره
==============
تاجر مصلاوي شاف روحه يوزع فلوس بالحلم من گعد گال أكيد هذا كابوس
==============
نكــــــــــــــــات الناصريــــــة
==============
ثنين من الناصرية مسلحين لزموا واحد گلوله إنته ويانه لو ويه ذيچ الجماعة گلهم آنه وياكم گالوله إحنه ذيچ الجماعة
==============
ناصرية بالسينما، ماكو غيره وواحد لاخ.. گام گعد وره ذاك وگله: بلكي شويه تدني راسك أخي.
==============
ناصرية أعمى، تبرعتله مرته بعينها.. وره العملية گلها: وفوگاها عوره؟ گام طلگها.
==============
واحد ناصرية أبوه مانطاه عيديه كتب عالباب: يعيش الزرقاوي.
==============
جريدة بالناصرية نشرت صورة واحد يعبّر أعمى الشارع، كتبوا جواها (متى تنتهي هذه الظاهرة؟)
==============
شيخ جامع من الناصرية قرر يسوي محاضرة للعميان عنوانها: نعمة البصر.
==============
ناصرية صب لأبوه گهوه.. گله أبوه: شخبار الخباثه؟ گله: نص الدله ديتول
==============
أمريكي انخطف بالناصرية وره فترة هدوه سألوا الصحفيين : ممكن تگلنه إششفت بالأسر؟ گال: ماگولـــــن بكيفــــــي
==============
واحد ناصريه گل لحرامي علمني البوگـ واعلمك الخباثة الحرامي باگـ محفظة گدامه گله شوف شلون أبوگـ يالله علمني الخباثة الناصريه گام يصيح: حرامي حرامي
==============
ناصرية صوّر الدفن مال أبوه بالفيديو.. كل شويه يراويه لأمه.
أمه هم عالعناد كلما تشوف الفلم تگوم تتحمر وترگص.
==============
ناصريه گل لمصلاوي: شتتمنى؟ گال: يموت أبويه وأورثه؟ وإنته؟ گال: ينكتل أبويه ويموت حته هم الورث وهم الفصل
==============
ناصرية يوصي ولده: ما أوصيكم بالخباثة ويلادي الخباثة الخباثة ثم الخباثة گالوله: ولايهمك لمن مات ذبوا جثته بالزبالة
==============
تلاثه من الناصرية رادوا يبوگون بنگ، فقسموها بيناتهم: واحد يبوگـ وواحد يراقب وواحد يروح يبلغ الشرطة
==============
ناصرية فتح مدرسة للخباثة.. لما كمل عدد الطلاب سدها.
==============
ناصرية شاف واحد يحترگـ إنتظر شويه وراح طفاه گالوله ليش؟ گال: حته يعيش مشوه.
==============
واحد ناصرية طرده أبوه من البيت كتب عالباب: مقر حزب الدعوة الرئيسي
==============
واحد ناصرية لگفله رقم موبايل مال جني گام كل شويه يدزله مسج (بسم الله الرحمن الرحيم).
==============
واحد ناصرية إتصل ببرنامج طلبات الاغاني گال: أهديها الأغنية إلى صديقي بمناسبة وفاة والدته
==============
واحد من الناصرية عينوه مدير شرطة غير رقم النجدة من ١٠٤ إلى 940984356743653429860
==============
صرصر من الناصرية عزم جماعته عالعشه يمّه أول ما إجوا..سحب السيفون عليهم
==============
حرامي من الناصرية طب لبيت يبوگـه مالگه شي خابر رقم بأمريكا وخله السماعة مرفوعة للصبح
==============
واحد من الناصرية إشتغل مدير دار الأيتام..گاللهم راح أسوي إجتماع مجلس الآباء
==============
واحد من الناصرية سوه حفلة زواج.. وزع بطاقات بيها الجمرة الخبيثة.
==============
ناصرية فتح شركة بيبسي كتب عالبطل: رج القنينه جيداً قبل الاستعمال.
==============
واحد ناصرية إتصل بيه جورج قرداحي ، گاله: معنا صديقك وصل نصف مليون ريال ومحتاج مساعدتك گال : گل له نايم.
==============
واحد أمّه من الناصرية أخذ دبة الغاز يعبيها گلها : إدعيلي يمّه، گالت : الله يفتحها بوجهك وليدي.
==============
ناصرية اشتغل بالدفاع المدني گام عبه خزانات الإطفاء بانزين بدال الماي .
==============
ناصرية دخل بالشتى يبوگـ فد بيت ، ما لگه شئ بس لگه عجوز أمگرمه وبردانه ومتغطية باللحاف.. گام فتح المكيف عله أعلى درجة وطلع.
==============
واحد ناصرية يرجم الشيطان وهو متلثم سألوه الناس ليش؟؟ گاللهم: يمكن أحتاجه فد يوم
==============
ناصرية لگه حراميه يتقاسمون گال انطوني حصة وما أبلغ عنكم هالإسبوع.
==============
واحد ناصرية سكن بالنجف، يوميه ياخذ المسجل مالته ويروح للمگبره، يفتر بين الگبور ويعلـّي صوت المسجل على أغنية (الحياة حلوة).
==============
واحد ناصرية سمع أكو مجاعة بأفريقيه ،گام دگـ رقم لا على التعيين بالصومال، وتريــــع وسد السماعة.
==============
مصلاوي راح للناصرية... گاموا وين مايشوفوه يذبون فلوس گدامه.
==============
واحد ناصرية ديموت بآخر نفس ويوصي ولده بالخباثة أخير شي راد يتشاهد، گام الزغير سد حلگه.
==============
ناصرية شاف واحد يصيح: راح أغرگـ الحگلي يمعود گاله: أخي هذا يومك وهاي إرادة رب العالمين تعذرني
==============
واحد ناصرية جبروه يتبرع بربع راتبه لدعم الانتفاضة، گام تبرع بالباقي لأسرائيل
==============
قاضي بالناصرية حكم على أحول يلظم أبر خياط مؤبد.
==============
فقير جوعان گال لواحد ناصريه أنطيني أي شي آكله جزاك الله خير.. گام إنطاه فاتح شهية
==============
مدير نادي تأهيل المعوقين من الناصرية، أول ماتعين گاللهم: حضروا حالكم باچر عدكم سباق طفر موانع
==============
ناصرية واگف بالباص شاف وحدة مو حلوة ضحكلها هيه هم كيفت وضحكتله، غمزلها غمزتله.. گالها بالمنطقة الجاية إنزلي نزلت گعد بمكانها
==============
فيترچي كاتب قطعه (تفصيخ سيارات)، بالليل إجه واحد ناصريه بدل الصاد خاء وانهزم
==============
واحد ناصرية عنده سرطان گال لابنه إذا متت گول چان عندي إيدز ، علمود أمك محد يتزوجها
==============
ناصرية لزم قناني الغاز وصبغها أحمر وكتب عليها مطفأة حريق
==============
واحد ناصرية چان يبچي على الگبور سألوه ليش تبچي گال مو سمعت البچي يأذي الميت
==============
نكــــات جــــــلال الطلبانــــي
==============
مره كاكه جلال زعل من العراقيين وراح يعيش بلندن فد يوم وهوه يتمشى بشوارع لندن ويه الچلب مالته فد واحد صاح عليه كاكه كاكه الله يساعدك ...مام جلال استغرب وگله انته شلون عرفتنى آنى كاكه گله مو شاد الچلب من ذيله
==============
كاكه جلال صدر قرار جمهوري : اللي يفجر نفسه ينعدم
==============
من أقوال السيد الرئيس مام جلال : لو كانت الأبقار تطير لصعب حلبها
==============
مرة الحكيم سأل جلال الطلباني گله كاكه انتو ليش تگولون للولد إنتي وللبنية انته؟
گله مام جلال :لا علوية ماكو هيچي حچي
==============
سألوا مام جلال: كم سورة بالقرآن؟ گال: كاكه وين بيه صور أشو كله كتابة
==============
فد يوم مام جلال عازم الحكومة كلها عالعشه خابرته مرته گالتله الحگلي حرامي نزل علينه گلها مستحيل كلهم عازمهم يمي عالعشة
==============
فد مرة جلال طلاباني مسافر بطيارة وماخذ وياه الببغاء مالته ومخليه على چتفه إجته المضيفة تسأله العفو هذا الحيوان وياك؟ چان يرد الببغاء: إي هذا الحيوان ويايه
==============
فد يوم جلال طالباني راح زار أمه بالمگبره فگعد يبچي على گبرها ويقره قرأن وأدعيه ومن كمل تفّل على گبر امه. الحرس الواگف ساله گله ليش سيدي تفلت؟ گله مو هيه گالتلي إذا صار براسك خير إتفل عليه
==============
سألوا مام جلال: أين يكثر التمر في العراق؟ گـال: في الكليچة
==============
أمريكا عرضت على جلال الطالباني أنه راح يسوون الكهرباء دفن تحت الارض رفض جلال وگال خطيه العاصفير وين يوگفن
==============
أمر الرئيس الطلباني بتحويل إسم (قوات بدر)الى قوات (بيش تمن) ليتم إتحادها مع قوات (البيش مرگة)لتصبح قوات(بيش تمن ومرگة) للقضاء على الدليمية في اطار الخطة الامنية الجديدة
==============
مره المالكي أخذ جلال الطالباني ويفتر بيه على مكاتب الموبابيلات ليش؟ حتى يعربه
==============
نكـــــات الشيعـــــة والسنــــة
==============
واحد راح للكاظم گله يالكاظم جيتك واريد مرادي توگف اللي يصير بالعراق ..طلعله صوت من الحضرة گله :شسمك؟ گله عمر گله: وين بيتكم؟ گله: بالأعظمية گله: إنته مو عليه إنته على أبو حنيفة
==============
تعلن شركة عراقنا عن تخفيض في المكالمات بين شيعي وشيعي ٢ سنت بين شيعي وكردي ٢ سنت بين شيعي وسني يرجى المحاولة في وقت لاحق بين سني وسني مغلق او خارج منطقة التغطية
==============
موبايل كربلاء من تتصل يطلعلك جاري اللطم واذا محصلت يرد عليك السيد ويگلك الرقم الذي طلبته اما ان يكون مغلقا او خارج نطاق الحوزة
==============
موبايل الرمادي من تتصل يطلعلك جاري الذبح واذا محصلت يرد عليك أمير ويگلك الشخص الذي طلبته أما أن يكون مذبوحا أو خارج منطقة العلس
==============
أكو 3 شيعة گاعدين بنص الليل ايدفعون بسيارة ويصيحون ياعمر يا أبو بكر سمعهم واحد سني گلهم إنتو مو شيعة ليش متصيحون ياعلي ياحسن ياحسين گالوله إحنه زواج انگعدهم بنص الليل
==============
مره الجعفري ويه الدليمي جاي يلعبون دومنه وچان يموت الدوشيش بيد الدليمي چان يگله الجعفري هــــــا هم گول الشيعة كتلوه
==============
طلاب ثنين بنفس الصف واحد شيعي واحد سني من صارت الإمتحانات الشيعي راح لموسى للكاظم (عليه السلام)
ودعى الله ينجحه والسني هم راح لأبو حنيفة ونفس السالفة سوه
من طلعت النتايج الشيعي أخذ مية من مية والسني أخذ عشرة من مية... راح لأبو حنيفة وگله ياأبو حنيفة مو إجيتك ودعيت بحضرتك تاليها أخذت عشرة! طلع صوت من الحضرة وگال حسبالي الإمتحان من عشـــــــــرة
==============
فد يوم وهابي كلما يگصر من دشداشته شويه يموت واحد من جهاله! تعجب! راح للطبيب
گله دكتور هيچ وهيچ السالفة
الدكتور گله بعد لاتگصر خوش
من رجع للبيت لگه جهاله يتعاركون ويصيحون وگالبين البيت گلب گلهم تگعدون راحة لو ألبسلكم شورت
==============
نكـــــــــــــــات الحشاشــــــة
==============
حشاش يسأل واحد تتوقع شنو يصير إذا صار دوران الأرض أسرع تلاثين مرة عن الطبيعي ؟؟ گله: ماأدري ؟ گله حشاش : ناخذ الراتب كل يوم يازمال
==============
حشاشة ثنين سكارى.واحد منهم عثر گله (بسم الله )الثاني گله اشلون تگول هيچي مو إحنه كفار.گله إي صدگـ استغفر الله
==============
حشاش يسولف مع صديقه و جته فكره وگل لصديقه..خل انصير فنانين تشكيليين..انته تشكيلي وآنه اشكيلك
==============
حشاش طلبت منه المحكمة أوراق ثبوتية البيت جابلهم صورته ديغسل الكراج
==============
حشاش شاف أخته ويه واحد گال اليوم ويه واحد باچر راح تدخن
==============
شيخ جامع حشاش وجعه راسه.. أخذ حبايه أسبرين ومالگه ماي.. تيمم
==============
واحد حشاش منع زوجته من زيارة أهلها يخاف عليها من افلاونزه الطيور,گلتله: بس أهلي ماعدهم لابط ولادجاج ولاطيور, گلها: مو أمچ بومة
==============
حشاشة ثنين قلدوا سيارة النجدة.. واحد يصيح: ويو ويو ويو.. والثاني يصيح: أحمر أزرگـ...أحمر أزرگـ
==============
حشاش عطس ... صاحبه گح.. گله ليش تغير الموضوع؟
==============
شيخ جامع دخل على جماعه يحششون.. گاللهم: حرام عليكم.. گالوله: وعليكم الحرام ورحمة الله.
==============
حشاش بطيارة نايم گال له اللي يمّه :يمعود الطيارة راح تطيح..!! گال: وشنو يعني طيارة الخلفونه؟
==============
حشاش سأل أبو المخضر:عندك فاصولية خضرة؟ گال :لا والله خلصت گال: لعد شظل عندك يالون؟
==============
حشاش ضرب صديقه راشدي، گال له: لك هذا صدگـ لو شقه؟ گله لاصدگـ گال إي حسبالي.. لإن آني ما أتحمل الشقه
==============
حشاش دخل محل گال لأبو المحل:عندك جگاير روثمن؟ گله إي گله آني هم عندي
==============
حشاش يسوق تكسي .. أشّرتله بنيه ..وگف گال : وين تروحين؟ گالت: للشورجه گلها: روحي بس لتتأخرين
==============
حشاش كامش الدجاجة ويضرب بيها ويگول: بنت الچلب كل يوم بيض!! ماكو فد يوم جبن؟.. گيمر؟
==============
حشاش سأل مرته : عندچـ طماطة وبصل وبتيته ودجاج؟ گالت : إي عندي گلها سويلنه كيك
==============
واحد حشاش إتصل على ناس گال : هذا بيت سعد؟ گالوا لا ... گللهم : چا ليش تردون
==============
حشاش گال لأبو التكسي: توديني وين؟ وادفعلك شگد؟.. أبو التكسي هم حشاش.. گال له أنزل هنا وإدفع شگد مايعجبك
==============
حشاش فتح الثلاجة شاف الجلي يرجف گله: لا تخاف ماآكلك.. جيت اشرب مي بس
==============
حشاش خابر الشرطة، گلهم: انباگـ الدشبول والستيرن مال سيارتي.. وره شويه خابرهم گاللهم: العفو شباب سامحوني ... جنت گاعد بالمقعد الخلفي
==============
حشاش راد يتعرف على بنية گلها أقدملچ نفسي تلعب
==============
حشاش راد يصچم بنية گال حليب ماكو بالسوگـ هالگيمر منين؟ البنية جاوبته جلد ماكو بالسوگـ هالقندرة منين؟
==============
حشاش يحچي ويه نفسه : ضفدع بالماعون
تمساح بالبانيو
سلحفات بالسطل
أحسن شي أخابر على الدكتور واسأله : دكتور شنو گتلي مرضي ؟ گله سرطان بالحوض
==============
حشاش طلعله جني بالليل مچان حافظ شي من القرأن غناله طلع البدر علينا
==============
حشاش اشتره لأمه عصفورين واحد بس يغرد والثاني ساكت گلتله ليش ساكت هذا گلها هذا الملحن .
==============
واحد حشاش راح لأبو صيدلية گله عندك شريط فلو آوت گله إي، گله حطه بالمسجل خلي نسمعه
==============
حشاش اتصل ببوش وگله: أحب أن أبلغك انه قررنه إعلان الحرب على أمريكا ! رد بوش: ممكن أعرف إنتو منو؟
گله آني وأصدقائي أبوزلف وأبوعبدو وأبولبن وكل الحشاشة بالگهوة، يعني8 رجاجيل تقريبا!! رد بوش بضحكة: بس تعرف آنه عندي مليونين جندي تحت إمرتي
الحشاش: هاي معلومة جديدة تحتاج مشاورات دقيقة مع الشباب، ثاني يوم اتصل الحشاش ببوش وگله: بعد مانعلن الحرب على أمريكا، رد عليه بوش باستغراب: وشنو السبب؟ الحشاش: الصدگـ غير؟ ماعدنه مكان يوسع مليونين أسير
==============
عشرة حشاشين ديتشاقون بالرشاشات خمسه ماتو و3 تصوبو بقو ثنين گالوا خل نبطل لتصير صدگـ
==============
حشاش بالشرطة لازم إرهابي وگاعدله دگـ بالصوندة ويگله: إبن الچلب اعترف, چم مرة مفجر نفسك؟
==============
حشاش أبوه مات اخذه للمغيسل گله أريدة غسل وكوي
==============
س : ماهو وجه الشبه بين (اللبن) و (الحبانية)؟
ج : نشيل حرف اللام من كلمة ( لبن ) فتصير ( بن )، ومعناها گهوة. واحنه نشرب گهوة بشنو؟؟ بالفنجان. وعبد الحليم حافظ غنى أغنية ( قارئة الفنجان )، وبالعراقي نسمي اللي يقرا فنجان ( فتاح فال )، وگبل چان عدنه گولچي إسمه ( فتاح نصيف )، زين نشيل ( فتاح ) من الجملة، شيبقه عدنه؟؟ كلمة ( نصيف )، واحنه گبل وين چنه نصيف؟؟ (بالحبانية ) اذن (اللبن) = (الحبانية )
==============
حشاش خابر على وزارة الدفاع شالوا التليفون گالوا الدفاع اتفضلوا گلهم انطوني الگولچي
==============
حشاش اشتغل بالحرس الوطني انطوه واجب گالوله حظر التجوال يبدي بالعشرة إذا اتشوف واحد وره العشرة يمشي إرمي عليه . الساعة بالتسعة شاف واحد يمشي رماه وكتله اجو جماعته گالوله هاي اشسويت بعد ساعة على حظر التجوال .گلهم أدري بس هذا آنه اعرفه بيته بعيد اوره ساعتين يوصل
==============
حشاش يسأل حشاش لو ﮔـعدت ولگيت نفسك ميت شتسوي گله والله اتخبل
==============
حشاش دائما يشعل جگارتين ويشربهم سوه
گله صديقه : ليش؟ گال وحده إليه ووحده ابدال أخويه اللي بالسجن!!!
وره فترة شافه يشعل جگارة وحدة گال صديقة : مبروك طلع أخوك السجن؟
گله لا آني بطلت أدخن
==============
طالبة حشاشة وصلت متأخرة للدوام .سألتها المدرسة ليش متأخرة گلتلها: ست مو چان ولد ديمشي ورايه گلتلها المدرسة: زين هو يمشي وراچـ إنتي ليش تأخرتي؟ گلتلها ست مو چان يمشي على كيفه
==============
حشاش سأل صديقه گله شوفلي عيني حمره؟ گله إي الحشاش گله زين شوفها توجعني؟
==============
حشاش مسوي حادث بالتريله كاتل ٤٠ واحد..سأله القاضي:إبني شلون كتلت أربعين واحد انته ماتعرف تسوق؟ جاوبه الحشاش :سيدي آني چنت ماشي سريع ودست بريك بس فگس البريك بيدي وچان گدامي شارع رايح يمنه وشارع رايح يسره
عاليمنه أكو ثنين شباب وعاليسره أكو سوگـ شسوي آني جاوبه القاضي أكيد رحت عالشباب الإثنين فگال الحشاش آني هم رحت عليهم بس شسويلهم انهزمو للسوگـ
==============
حشاش واگف بصف حايط ومخلي إذنه على الحايط ويسمع إجه من يمه واحد گاله الحشاش تعال اسمع تعال اسمع إجه الولد وسمع گاله ماكو شي گال الحشاش هو هذا المخبلني
==============
حشاش اشتره موبايل گال لأخوه : إكتبلي رسالة گله ليش گله خطي مو حلو
==============
واحد حشاش اخذ ديچه للسوگـ گالوله: للبيع
گال : لا أريد أنزل عليه نغمات
==============
حشاش يحچي ويّه روحه:مدري مواعد وحده الساعة ثنين؟ مدري مواعد ثنين الساعة وحده؟
==============
حشاش مثقف گال لصاحبه:قل لي ماذا تقرأ أقل لك من أنت فگال صاحبه: ماذا تقرأ؟فرد عليه الأول: من أنت؟
==============
بنات حشاشات صعدن بالتاتا وگعدن وره السايق
وحدة گالت لصديقتها إكلي بصل وانسي اللي حصل
الخ گالتلها إكلي ثوم وانسي الهموم
السايق اندار عليهم كلهم
إكلن خرة وارجعن ليوره
==============
حشاش گاعد بالصف ويحچي ويه روحه وره شويه گام يضحك
گله المدرس شبيك
گله ستاد چنت احچي نكات ويه
روحي واخير نكتة چنت ماسامعها
==============
شيخ جامع سأل حشاش
هل تستطيع أن تدلني على الطريق العام وأكون لك من الشاكرين الحشاش گله صدق الله العظيم
==============
نكــــــــــــــــات منوعـــــــــة
==============
وحده نازوكية أبوها يشتغل گصاب سألوها أبوچـ شيشتغل؟
گالت يگشر خرفان
==============
واحد عصبي فتح مطعم كتب بيه: اليحب يتفضل يتسمم خلي يجي يتزقنب والمسوي ريجيم يطبه مرض عساه لا أكل والميعجبه يجي خل ياكل قزرقط ببيتهم...وناقص على عرضي إذا معزلته للمطعم وأنعل أبوكم لابو اليفتحلكم مطعم بعد
==============
وحدة گالت لزوجها حبيبي اليوم عيد زواجنه شنو راح نسوي، گلها أول مرة خلي نوگف دقيقتين حداد
==============
هندي تعوذ من الشيطان, طلعله الشيطان سطره راشدي وگله: ما بقه علينه غير بس هالشكولات
==============
فد يوم واحد خابر مرته گلها حميلي المي .صاحبه گله عمي لو هيچ الزلم لو ما تنراد جاوبة گله لعد شعبالك قابل اغسل مواعين بمي بارد
==============
واحد لوتي سألوه: امك حيه؟؟ گال لا عگربه گالوله: لا.. يعني هيه عايشه؟؟ گال: لا خديجه گالوله: قصدنا عدله؟؟ گال: لعد قابل عوجه
==============
قصة أسلام أول هندوسي: مسلم زار هندوسي يباركله بالمولود الجديد.. سأله: ولد؟؟ گال:لا ... گال إذن بنيه... الهندوسي تعجب.... ورأسا أعلن إسلامه
==============
أحول اشتره ديچ طلع الديچ همينه أحول أجه يحطه بالقفص حطه بره.... الديچ على أساس لوتي راد ينهزم طب بالقفص
==============
وحده حلمانه واحد يركض وراهه .. گلتله: ليش تركض ورايه؟ گلها: آنه شعليه؟ هوه آنه الحلمان لو إنتي
==============
واحد شاف اعمى لازم جريدة گال أول مرة أشوف أعمى يقره گله الأعمى: ومنو گلك أعرف أقره؟؟؟.. آنه جاي أتباوع عالصور بس
==============
اعمى گام يشوف صار بيه شلل من الفرحة
==============
فد واحد ديضرب نفسه أبرة تأذى گام يصيح آخ آخ على كيفي على كيفي
==============
الاستاذ يسأل ولد زغير
بالمدرسة: من هو الحيوان الذي يوقظنا كل يوم لصلاة الفجر؟ رد الولد: أبوي يا أستاذ.
==============
بعد خسارة السعودية مع العراق تغير العلم السعودي من (لا اله الا الله) إلى
(إنا لله وإنا إليه راجعون)
==============
واحد متدين أمة سألته شلون تريدها العروستك ؟ گلها أريدها والعياذ بالله والعياذ بالله تشبه اليسا
==============
هايشة وگفت گدام المراية وگالت:والله حرام كل هذا الجمال وياخذه ثور.
==============
واحد و ابنه من اكلة لحوم البشر شافوا هيفا وهبي بالغابة الإبن گال لإبوه ناخذها البيت وناكلها؟ ,,گال الاب ناخذها للبيت وناكل أمك
==============
فد يوم تلاثه ديشوفون منو أنذل واحد بيهم الاول دفع مره عجوز ووگعها .....الثاني داس فوگاها ....الثالث گام يضحك گالوله شبيك گال هاي بيبيتي
==============
وحده شافت زوجها يقرأ كتاب (الرجل سيد المنزل)گلتله اشگد اتحب القصص الخيالية
==============
لبناني وعراقي مضيعين نسوانهم اللبناني گال مرتي لابسة جينز قصير وضيق وبدي ومرتك؟گال العراقي : خلي تولي أمشي ندور على مرتك
==============
واحد حواسم راح يحج بيت الله فاهناك ينادي : لبيك الهم لبيك ، فرهدنا العراق وجئنا إليك
==============
أخرس تزوج خرسه فد يوم كتبتله أريد أروح لأهلي فرد عليها ماتروحين چان تكتبله بخط چبير أريد أروح لأهلي فكتبلها لاتصيحين
==============
عجوزة أربع سنوات ما غاسله دوروا ابشعرها شافوا الگمل ديصلي صلاة الإستسقاء
==============
قزم شارك ببرنامج من سيربح المليون قبل ميصعد على الكرسي طلب مساعده الجمهور
==============
شيخ عجوزي چان ديخطب خطبة الجمعة فلمن گام ديخطب گال للمصلين :لا ادوخوني سامعين قصة النبي نوح عليه السلام؟ المصلين:اي سامعيها الخطيب:لعد اقم الصلاة. فلمن خلصت الصلاة گلهم يابه سامعين قصة النبي إبراهيم عليه السلام؟ المصلين: اي سامعيها الخطيب: اي هاهية لعد لتجون الجمعة الجاية
==============
فد يوم اردني لگه مصباح
سحري ففركه چان يطلعله المارد وگله: شبيك لبيك عبدك بين أيديك...الأردني گله بدي كل العراقيين يطلعوا من بلدنا, فرد عليه المارد: ليش عيوني؟؟ ليش أخويه؟؟ ..إحنه شمسويلكم؟؟
==============
واحد قزم مات ليش؟ اختنگ من ريحة رجليه
==============
أحول سألوه منو تعجبك من نساء العرب؟؟ گال: حوله بنت الأزور
==============
عراقي واگف على بير زمزم ويصيح اخوان بلا جليكانات لا تخلونه نسويها فردي وزوجي
==============
مصري مطبب راسه بالبطل، گالوله شنو هاي شدتسوي گال: رأبتي سداده
==============
صرصر راح للسينما شاف دعاية بف باف(قاتل الحشرات) گال: أعوذ بالله..
هذا الفلم من بدايته رعب.
==============
سكران راح للمطعم.. گالهم: عدكم عشه؟.. گالوله: نعم.. گال: ليش ماعزمتوني؟
==============
صرصر سأل صاحبه: شلونك هالأيام خو ماكو نعل؟.. گله: لا الحمد لله أبو البيت أحول.
==============
بزون محشش گال: والله نسيت...هيّه ميو لو ليو.
==============
قزم راح يفصل قاط گل
للخياط: شوكت أجي عليك؟ گله أخذلك فره بالسوگـ وتعال.
==============
واحد طلعله بيت بالجنه.. فلّشه وسواه دكاكين.
==============
واحد عجوزي.. أسبوعين واگع بحفره يصيح محد يطلعه.. أخير شي گال: أيست من البشر أطلع بوحدي.
==============
اللاخ هم عجوزي.. گل لمرته: خططي ظهري مربعات ورقميهن من الواحد للمية وحكيلي رقم 72
==============
شيخ جامع خله( أنسر مشين ) مال تلفون.. كل اللي يخابر يگله: عفوا الشيخ غير موجود.. أترك رسالة بعد سماعك سورة البقرة
==============
أحول إتزوج على مرته...طلعت هيه نفسها.
==============
ثنين إعجوزيه..واحد اتثاوب ..الثاني گال له: مادام فتحت حلگك متصيحنه على ماي صارلي إسبوع عطشان.
==============
محجبه لابسه گصير.. گالولها: ليش؟ گالت: حتى أرضي الله وعباده.
==============
لبناني يحج بمكه ..عطس گال له السعودي يرحمكم الله فرد عليه اللبناني: حبيب ألبي.
==============
فيترچي اشتره چربايه ...نام جواهه وصاح على مرته: ناوشيني سبانه تلثطعش.
==============
حيّه تبچي ..گالولها :ليش؟؟ گالت خمس سنوات إمخيله عله عربيد وتاليها طلع صونده.
==============
واحد متعاجز حيل..راح للحلاق وگعد على الكرسي منزّل راسه.. گله الحلاق: شعر لو لحيه؟ گال:لا لحيه..گله: شيل راسك شويه..گال:لعد سويها شعر.
==============
هايشه وگفت گدام المرايه وگالت:والله حرام كل هذا الجمال وياخذه ثور.
==============
زمال راد يغازل صاحبته گاللهه: شوكت تتزوجيني يازماله؟ گالتله:من تحسّن ألفاظك يا زمال
==============
طلي مغمّض ويصيح. ماع.. ماع.. گالوله ليش تغمض؟ گال حافظها عالغيب
==============
دجاجة وديچ شافوا محل شاورمه دجاج.. گاللهه الديچ: شوفي!!!... هذا مصير اللي ماتسمع كلام زوجها.
==============
صرصر بالأنعاش شاف صرصر لاخ جايبيه عالسدية گال له: ها أخي .. هم شحاطه؟..گال. لا والله بف باف.
==============
أبو بريص نايم بالمستشفى متكسر ، سألوه سلامات .. خو ماكو شي؟؟ گاللهم: والله كالعادة ..نعال.
==============
واحد راح يبوگـ بيت وحده سمينه حيل ..كمشته وگعدت عليه ... گالت لابنها: يمه محمود خابرلنه الشرطة.. الحرامي من يمه گام يصيح: عفيه بسرعة محمــــــــــــود.
==============
متدين في قمّة الأدب بحيث يدگـ باب الثلاجه قبل لايفتحها
مات المتدين هذا.. فبالجنه حصل بيتين.. گام باع واحد وأجّر واحد، وسكن عد گرايبه بالنار.
==============
قزم عطس ..طخ راسه بالگاع ومات.
==============
قزم راد ينتحر چيّت من الرصيف.
==============
طفل گال لمعلمته: تدرين ست شگد أني أحبچ..وأتمنه أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكلة ست .. ما راح نسوي جهال.
==============
واحد دايح ،صلى جماعة بعد ما خلصت الصلاة گالولة ماشالله عليك قرايتك حلوة . گال لعد لو تسمعوني من أشرب شراح تگولون؟
==============
واحد من المنصور تطوع بالعسكرية سأله الضابط: شتسوي إذا قابلت العدو ؟؟ گال أگوللهم: ماأحبكم أكرهكم أكرهم...
==============
طليان ثنين گاعدين.. الأول گال: ماااااااع.. الثاني گال سبحان الله هسه ردت اگولها
==============
مصري اشتغل بالسعودية راعي غنم .. رجع لمصر
سألوه أهله : كنت بتشتغل إيه .. گال : أفسح المعيز.
==============
واحد احول سألوه إشتتمنى ؟ گال : بنفسي اشوف واحد يمشي بوحده
==============
واحد يصلي بجماعه وچان أكو نسوان همينه يصلن.. المهم گال ولا الضالين ردو اااامين ..گال :أروح فدوة لهالصوت
==============
چلب دايح بالشوارع شاف چلب بوليسي بباب مركز الشرطه..كال أيباه..بالله لو مخليني أهلي أكمل دراسه؟
==============
أم أربعة وأربعين تزوجت أبو أربعة وأربعين... گضوا ليلة الدخلة كلها بس نزع قنادر
==============
واحد راح للدكتور گاله دكتور لما أحط إيدى على عينى ما أشوف شي.. راح الدكتور زرفله ايده.
==============
نجفي دفان خلصت الحرب بعد ماكو جنايز هوايه، گلبه محل فواكه وكتب لافته (الموز حق)
==============
طبيب عيون شايل وردة بإيده ويحاچي حبيبته: شايفة الوردة هذى حياتى؟ گالتله أي حبيبي، گام حولها لايده الثانيه وكلهه: وهسه حياتي؟
==============
طفل لوتي گال له أبوه: ولك ليش المعلم كاتبلك حمار بالدفتر؟ گال: لا بابا هذا توقيعه
==============
ديچ معلگ بالصالة صورة بيضة گالوله: شنو هاي؟ كال: صورتي من چنت طفل
==============
أكو فد ولد واهسه بالبلي ستيشن ، فلمّن مات أبوه كتب على گبره Game Over
==============
اثنين يچذبون واحد عاللاخ, الاول گال:دتشوف ذيچ النملة اللي فوگـ الجبل ؟ الثاني گلله: ياهيّه منهن؟ المغمضة لو المفتحة؟
==============
واحد حب يتذكر أيام الطفولة... بال على نفسه.
==============
واحد راح للصين فلمن رجع فتح گهوه سماها:
fin-gan-gahwa
==============
ديچ تحارش بدجاجة، ردت عليه بخشونه، گلها وعلى شنو إمتنگه؟ ذنيچ الدجاجات مصلخات بالمطاعم ومحد بحالهن.
==============
دكتور أخصائي كسور عظام كلما يطلع بالليل تلحگه الچلاب.
==============
واحد گال لخطيبته: إشچانوا يدلعوچـ وانتي زغيرة؟ گالتله: ميمي ... وانته؟ گلها: أبو خنـّينه.
==============
أحول دخل بالجيش ... حطوه بقسم القصف العشوائي
==============
واحد راح للطبيب گله: دكتور عندي حالة نسيان شديد گال له الطبيب : ومن إشوكت عندك هذي الحاله؟ گله: ياحاله دكتور؟
==============
صرصر مرته زعلت وراحت يم أهلها راح يصالحه گالتله: ما أرجع إلا تسجل البلوعه بإسمي
==============
عجايز تلاثه رادن يتزوجن كتبن إعلان (تزوج واحده وأحصل على إثنتين مجانا)
==============
واحد مصادقله مصري گال له: تدري الحياة كلها مآسي ؟ المصري گال له: ليه هوه مآسك كام؟
==============
جرادة انعمت عمى ألوان أكلت الأخظر واليابس
==============
واحد الله رزقه بعمارة إشتغل بيها حارس
==============
وحده رجلها بالخارج خابرته گللتله: إشتريت سيارة شبح گلها : إبشرفچ؟؟ گللتله: لا لعد بالورقة مالتك اللي تدزلياهه كل تلث تشهر؟
==============
واحد راح لسوگـ مريدي إشتره حليب طلع إكسباير گام زور التاريخ مالته وشربه
==============
عتوي مضوج بزازين المنطقة جابوله بزون شبعه كتل گله شلون گدرتلي وآني أقوه بزون بالدربونه؟ گله لأن آني چنت أسد بالصومال بس من المجاعة إنگلبت بزون
==============
وحدة وگعت من الدرج إنفصخت رجلها انطاهه الطبيب مرهم گللها حطيه على مكان الوگعه راحت حطته عالدرج
==============
واحد گل للشيخ: آني شفت فلم خلاعي شلون أستغفر؟؟ گله: كفارتك تتفرج على قناة السودان 3 أشهر
==============
واحد راح يشتري ساعة لگاها
غالية اشتره خمس دقايق
==============
صرصر إنتحاري فجر نفسه بمعمل الـ(بف باف‎(‎
==============
واحد مطيرچي عيشته عالطيور بس بيتهم يم الجامع
يوم من الايام شاف طير حط على الستارة مال بيتهم الله راحلك ركض
عالسطح من وصل دنگ وگام يمشي على كيفه
الجامع اليمهم صاح أخواني المؤمنين فقد طفل إسمه فلان..
الطير خاف وراد ايطير سكت الجامع المطيرچي إدنه شويه
صاح الجامع أخواني يرتدي تراكسود أزرگـ...
وره شوه إدنه المطيرچي اكثر
صاح الجامع أخواني يبلغ من العمر 10سنوات
گله دگول كش عاع وفظها
==============
شيخ جامع سكران صعد عالمنبر وخطب‎‏ من خلص إجاه
صاحبه گله شيخنه إنته گلت معركة بدر صارت بالرمان والقاذفات والحمس ماله والي
وسكتنه
وگلت معركة أحد صارت بالمدافع والطيارات والحمس ماله والي وسكتنه
بس مال تگول أميه باع بلال الحبشي لبرشلونة هاي مانسكت عليها
==============
فد يوم واحد ديمشي بالشارع
چان يلگه الفانوس السحري
فركه طلعله العفريت شبيك لبيك من هالخرابيط أطلب
الولد فكر فكر چان يگله أريدك تبنيلي جسر من بغداد للصين
العفريت گله مو هاي
صعبة ينراد مواد هوايه وشغل سنين شوفلك غيرها
گله زين أريدك تقضي عالطائفية بين السنة والشيعة بالعراق
العفريت گله نرجع عالجسر شتريده معلق طابق طابقين
==============
أكو واحد جاب جهاز يكشف الچذب راد يجربه بإبنه
گله بابه شگد أخذت بالإمتحان إبنه گله 10 من 10
چان الجهاز يصوفر
گله ليش بابه اچذب إحچي الحقيقة وكلشي ماسويلك چان إبنه گله أخذت صفر
گله ليش بابه ماتقره صير مثل أبوك چنت آخذ كله عشرات چان الجهاز ينفجر
==============
مرة واحد يمشي شاف المصباح السحري گال إي الحمد لله هو هذا الي راح يأخذني للسويد فرك المصباح طلع المارد گاله شبيك لبيك عبدك بين اديك گله والله أريد طلب زغيرون گله شنو گاله أريد منك بس فيزا للسويد ضحك المارد وگاله لو عندي چان مابقيت بالمصباح
==============
مرة واحد مفتح محل أسواق إجاه طفل زغير گاله عمو عندك علچ گله إي گله إطيني چبس إجاه باليوم الثاني گله عمو عندك بيبسي گله إي گله اطيني چكليت إجا باليوم الثالث گله عندك حامض حلو گله إي گله اطيني نستلة ضاج الرجال گال هذا الجاهل شنو يضحك عليه راح گال لأبو
يابه أبو فلان هذا شنو ابنك يضحك عليه يگلي عندك هيچ انطيني غير شي گله والله انته مدري شلونك ؟ ما عندك صوندة بالمحل گله عدي گله إضربه راجدي
==============
بمناسبة عيد الحب وحده راحت لأبو مكتبة گالتله : عندك كارت مكتوب عليه إلى حبيبي الوحيد؟ گلها: إي موجود كالتله : انطيني 14 واحد
==============
فياله ونمل لعبو طوبة الفياله بطلو ليش؟؟؟؟ لأن النمل يكسر
==============
أكو فد يوم طالب بالمدرسة كلما المعلمة تشوفه تگله أثول الولد ضاج راح گال لأبو يابه المعلمة كلما تشوفني تگلي أثول الأب راح للمعلمة گلها ليش تگولين لإبني أثول گلتله هسه تشوف إبنك أثول لولا چان المعلمة تصيح الطالب گللتله روح شوفني بالإدارة آني موجودة لولا الطالب راح دور ورجع گال ست إنتي ماموجوده بالادارة گللتله زين روح دورني بالساحة راح ورجع هم ما لگه شي المعلمة گالت ها عرفت ليش أگله أثول الأب چان يگول ست إحتمال انتي اليوم ماخذه اجازة
==============
مسيحي دخل مسجد وشايل سچين ويصيح: منو بيكم مسلم؟ محد رد عليه إلا واحد شجاع گله: آني مسلم أخذه برة وطلع من المسجد وياه و گاله: عندي خروف أريدك تذبحه و تسلخه على الطريقة الإسلامية گال المسلم: آني أعرف أذبح بس شوف واحد ثاني يسلخه المهم ذبحه
راح المسيحي مرة الخ للمسجد والسچين كلها دم وصاح منو بيكم مسلم؟ المصلين كلهم خافوا وسكتوا وچان يأشرون على الإمام رد الإمام عليهم: شنو السالفة ؟ علمود صليت بيكم ركعتين صرت مسلم
==============
فد يوم واحد فگر باگـ شيلمانات لحگته الشرطة فبسرعه شمرهن بالشط چان يطوفن
==============
أغبياء راحوا للملك يردون ايثبتون ذكائهم
الملك سأل الأول لو يتحاربون اليهود و المسلمين منو يفوز ؟ گله المسلمين
سأل الثاني لو يلعبون الزوراء و الشرطة منو يفوز ؟ گله الزوراء
سأل الثالث شستنتجت من كلام اصدقائك ؟ گله يلعبون المسلمين والزوراء على النهائي
==============
عجوز فاتحه شعرها بالسطح چان يصير برق چان تگول أهو بدو الشباب يصوروني
==============
سوداني راد يضلل سيارته لزگـ جهاله عالجام
==============
أسماء بعض الوزراء الإيرانيين
وزير الداخلية : السيد قامع تظاهراتي
وزير الاتصالات : السيد خابرته رأسا جاني
وزير الزراعة : السيد زارع أكبر بيتنجاني
وزير العلوم : السيد محلل إدراري
وزير الصحة : السيد خابط أبراتي
وزير التجارة : السيد
موزع حصتي
وزير الكهرباء : السيد مشغل مولداتي
وزير النفط : السيد تارس صوباتي
==============
أكو حجية طلعتلها بخشمها فالولة فرحت حسبالها حب الشباب
==============
أكو واحد تعرض الى حادث انبتر خشمه سووله عملية تجميل أخذوا جلد من رجله راح للطبيب وره فترة گال دكتور من اعطس نعالي يطير من رجلي
==============
مرة العراق ومصر واليابان قرروا عمل فلم تايتنك
مصر گالت إحنه نحضر الممثلين
اليابان گالت إحنه نصنع السفينة
العراق گال إحنه نگطع الكهرباء
==============
ردد ثلاث مرات إفتح يا سمسم أبوابك نحن الأطفال أرسل هذه الرسالة إلى عشرة أشخاص وسترى نعمان في منامك. وإذا قرأتها أكثر سترى ميسون وسيأتيك كعكي يحمل اخبارا سعيدة وقد يحالفك الحظ أكثر وترى گرگور .(هذه الرسالة إذا أرسلت إلى شخص وأهملها إنقطعت عنه قناة سبيستون وإذا عمل بها رزق شريط گرندايزر وإذا استهزأ بها إنقلب الى زعبور)
==============
الماني وهندي وعراقي اشتركوا بمسابقة انطوهم كل واحد قرد وگالولهم إللي يخليه يحچي يربح الجائزة
إجوي وره اسبوع الألماني گال ماگدرت احچيه
الهندي گال آني هم ماگدرت احچيه
العراقي گال وكلته وشربته واشتريتله حتى حديقة حيوان وماگدرت احچيه چان القرد يصيح چذاب والله چذاب
==============
أكو واحد خلگه ضيگ راح للخياط وبيده قطعة قماش يريد يفصلها قاط گال للخياط أريدك اسويلي قاط الخياط گله خوش تعال باچر استلمه گال للخياط أگلك مو أجي وتگلي وره اسبوع واجيك وره اسبوع وتگلي وره خمس تيام وبعدين تگلي وره يومين
أشو دجيب القماش موصچك صوچي آني أجي يمك
==============
شاب سافر للخارج شاف إعلان حبوب ترجع العمر ليوره گال أدزها لإمي ولأبويه المهم دزها وره فترة رجع لگه أمه راجعه شابه وبديها طفل گلها ها يمه شبسرعه جبتي جاهل گالتله لا يمه هذا مو جاهل هذا أبوك شرب الشيشة كلها
==============
فد يوم عراقي لگه مصباح سحري
فركه وطلعله المارد وگله شبيك لبيك عبدك بين اديك اطلب اتمنه
العراقي مچان مصدگـ گال أريد بيت وسيارة وذهب باوع عليه المارد وگله جـــــمـــع واشـــتـريــلــك
==============
سوداني سافر للقمر ليش؟؟ حتى يشتغل شامة
==============
أكو ولد سأل أبوه گله شنو الفرق بين (المصيبة) (والقضاء والقدر)
گله إبني مثلا أمك تغرق باچر هذا قضاء وقدر بس المصيبة إذا طلعت تعرف تسبح
==============
فد يوم سعودي راح زيَن يم سوري طلع أگرع ليش
كلما يگله السوري شو رأيك يجاوب السعودي ماگصرت
==============
أكو وحدة تحب واحد بالاطفاء حرگت بيتها حتى تشوفه طلع الأفندي مجاز
==============
مرة قرد شاف روحه بالمرايه گال اللهم لا شماته
==============
إجتمع واحد ياباني وآخر هندي وآخر عراقي يذكرون مناقب أجدادهم
الياباني : نحن حفرنا 100م فوجدنا أسلاك للهاتف هذا يعني إننا إستعملنا الهاتف قبل 100 سنة
الهندي قال : نحن حفرنا 200م فوجدنا أسلاك للهاتف أي نحن قبل 200 سنة إستعملنا الهاتف
أما العراقي فقال : نحن حفرنا 300م فلم نجد أسلاك هذا يعني أننا إستعملنا المويابل قبل 300 سنة
==============
واحد توّه گايم يصلي، راح للحسينية گاموا يتفيكون براسه واحد يگله دنّي تربتك عليمنه واحد يگله شويه عاليسرة إلى أن طگت روحه گلهم: أگلكم تره هسه أبطل هيه صلاة لو ضربة جزاء؟
==============
أحول يتحارش بوحده حوله گلها: اللي عاليمنه أحلى وحده ردت عليه: أما صدگـ إنتو جوگه مال أدبسزيه
==============
أحول طلع من السينما فرحان شايف الفلم مرتين
==============
دكتور مال حولان وهو هم أحول إجاه مراجع گله إدخلوا واحد واحد مو ثنينكم سوه گله ماجاي إلك جاي للطبيب اليمّك
==============
واحد أبوه دجال، سأله المعلم: شنو أدوات النصب؟ جاوبه: لحية وسبحه أم 101
==============
واحد صادقله مخلوق فضائي گله: صدگـ الدقيقة عدكم بمليون سنة عدنه؟ گله إي گله: زين وصدگـ الدينار عدكم بمليون دينار عدنه؟ گله: هم إي گله: زين ماتنطيني فد دينار من عدكم گله: انتظر فد دقيقة
==============
ياباني بالسماوة راح يشتري عشر قواطي كولا گال لأبو المحل : توكو هاتاكو توياكا كولا گله أبو المحل: عشر قواطي شنو؟
==============
كنغر سأل مرته: وين الولد؟ گالتله هذا بجيبي گلها لا والله جديات مو وكت شقه وينه؟
==============
واحد دزته أمه على أوتي من جيرانهم نزل أول درجه گال: أهــــو هسه راح تگللي دير بالك عليه ثاني درجه گال: بعدين حتگلي رجعه بسرعة الثالثة گال: وراها راح تگلي مو تنسوه مشتغل من وصل دگـ الباب فتحته گلها: شوفي خرة بيچ وبالأوتي مالتچ
==============
توأم شاف أخوه، گله: وينك يمعود؟ مو أهلي طهروني مرتين
==============
فلاح مربّي أرانب بالمزرعة مالته، كل يوم ياكلن 20 كيلو


* 36.jpg (31.58 KB, 340x453 - شوهد 14097 مرات.)
تنبيه للمراقب   سجل

IN MY HEART WILL ALWAYS BE PLACE FOR YOU FOR ALL OF MY LIFE I KEEP A PART OF YOU WITH ME AND EVERY WHERE IAM THERE YOU WILL BE
lena_wrda
عضو مميز متقدم
*******
غير متصل غير متصل

الجنس: أنثى
رسائل: 15494


لا تفعلوا بالاخرين ما لا تريدونهم أن يفعلونهُ بكُم


مشاهدة الملف الشخصى
« رد #1 في: 12:09 16/12/2008 »

دليمي ديمشي عالجسر ويگول: أيبـــــاه غير بالكونه ضخم

هههههههههههههههه نكات رووعة يسلمووووووو
تنبيه للمراقب   سجل
a7la_iraqia
عضو مميز متقدم
*******
غير متصل غير متصل

الجنس: أنثى
رسائل: 5006


عراقية بحسني بهيهَ بوصفي أحتار ألاكثريهَ


مشاهدة الملف الشخصى
« رد #2 في: 13:46 16/12/2008 »


حشاش اشتره موبايل گال لأخوه : إكتبلي رسالة گله ليش گله خطي مو حلو

هههه نكت حلوه منك
شكراً على ألنقل
دمت بخير


تحــــــيتي
تنبيه للمراقب   سجل

رضوان ღ عذراء
اداري منتديات
*
غير متصل غير متصل

الجنس: أنثى
رسائل: 14305


♥Alqosh GirL♥


مشاهدة الملف الشخصى
« رد #3 في: 13:51 16/12/2008 »

HHHHHHHHHHHHHHHHHHHH


كردي ديسوق دعم اللي گدامه نزل ذاك گله: شنو ماشفتني؟ گال: والله شايفك بس ما أتذكر وين
تنبيه للمراقب   سجل


ღليلة الالبسلك الابيـــض وصير ملكك  والدنيـــه تشهــدღ
وجيب منك انت طفلك انت متلك انت
سوسو الالقوشيه
عضو مميز جدا
*****
غير متصل غير متصل

الجنس: أنثى
رسائل: 3465


من السهل ان تحب الناس ولكن من صعب ان تجبرهم ع حبك


مشاهدة الملف الشخصى
« رد #4 في: 15:54 16/12/2008 »

أكراد ثنين مساجين خططوا يكتلون الحارس ويهربون راحوا شافوا الحارس ماموجود رجعوا گالوا: خربت الخطة
هههههههههه يسلمووووو ع النكت

تنبيه للمراقب   سجل

shakar
اداري
***
غير متصل غير متصل

الجنس: أنثى
رسائل: 31399


الرب نوري و خلاصي فمن من اخاف


مشاهدة الملف الشخصى
« رد #5 في: 17:35 16/12/2008 »

مرة واحد مفتح محل أسواق إجاه طفل زغير گاله عمو عندك علچ گله إي گله إطيني چبس إجاه باليوم الثاني گله عمو عندك بيبسي گله إي گله اطيني چكليت إجا باليوم الثالث گله عندك حامض حلو گله إي گله اطيني نستلة ضاج الرجال گال هذا الجاهل شنو يضحك عليه راح گال لأبو
يابه أبو فلان هذا شنو ابنك يضحك عليه يگلي عندك هيچ انطيني غير شي گله والله انته مدري شلونك ؟ ما عندك صوندة بالمحل گله عدي گله إضربه راجدي

هههههههههه حلوة يسلموووو وردة
تنبيه للمراقب   سجل

لؤلؤة السماء
عضو مميز جدا
*****
غير متصل غير متصل

الجنس: أنثى
رسائل: 3583



مشاهدة الملف الشخصى
« رد #6 في: 17:39 16/12/2008 »

هههههههههه يسلموووو مشكورررنكات رووعة
تنبيه للمراقب   سجل

..
النهايـة دائمـاً مؤلمـة حتى ولو كانت سعيـدة ؛ وذلك فقط لأن اسمها نهايـة!!
angel_f
عضو مميز متقدم
*******
غير متصل غير متصل

الجنس: أنثى
رسائل: 7466


*(الله محبة)*


مشاهدة الملف الشخصى
« رد #7 في: 23:04 16/12/2008 »

هههههههه مشكور على النكات الجميلة....تحياتي أنجل.
تنبيه للمراقب   سجل

peace_lover
عضو فعال جدا
***
غير متصل غير متصل

رسائل: 222

يبقى السؤال ذكرا والاجابة انثى


مشاهدة الملف الشخصى
« رد #8 في: 12:39 17/12/2008 »

بسمتا على الردود الجميلة يا حلوين

طبعا اكو بعد مو تددللون انتو بس ضحكوا والباقي بعدين هههههههههه
تنبيه للمراقب   سجل

IN MY HEART WILL ALWAYS BE PLACE FOR YOU FOR ALL OF MY LIFE I KEEP A PART OF YOU WITH ME AND EVERY WHERE IAM THERE YOU WILL BE
افااااال 89
عضو فعال جدا
***
غير متصل غير متصل

رسائل: 119


مشاهدة الملف الشخصى
« رد #9 في: 18:59 17/12/2008 »

يسلامو   على  النكات
تنبيه للمراقب   سجل
amer_alhob
عضو فعال جدا
***
غير متصل غير متصل

الجنس: ذكر
رسائل: 570



مشاهدة الملف الشخصى
« رد #10 في: 19:25 17/12/2008 »

           
                       peace_lover     يسلمو  نكت حلوة
                       

         جنت     اقرا   واسمع  طال اهجر يمعودين للغالي بس ودوني
   
                                دمت بخير
                                  تحيتي
تنبيه للمراقب   سجل
peace_lover
عضو فعال جدا
***
غير متصل غير متصل

رسائل: 222

يبقى السؤال ذكرا والاجابة انثى


مشاهدة الملف الشخصى
« رد #11 في: 19:39 17/12/2008 »

بسمتا على الردود الحلوة
تنبيه للمراقب   سجل

IN MY HEART WILL ALWAYS BE PLACE FOR YOU FOR ALL OF MY LIFE I KEEP A PART OF YOU WITH ME AND EVERY WHERE IAM THERE YOU WILL BE
hewy
اداري
***
غير متصل غير متصل

الجنس: أنثى
رسائل: 27127



مشاهدة الملف الشخصى
« رد #12 في: 20:04 17/12/2008 »

هههههههههههههه حلوين يسلمووو عل خفة الدم
تنبيه للمراقب   سجل

peace_lover
عضو فعال جدا
***
غير متصل غير متصل

رسائل: 222

يبقى السؤال ذكرا والاجابة انثى


مشاهدة الملف الشخصى
« رد #13 في: 18:14 19/12/2008 »

شكرا على الرد عززتي هيوي
تنبيه للمراقب   سجل

IN MY HEART WILL ALWAYS BE PLACE FOR YOU FOR ALL OF MY LIFE I KEEP A PART OF YOU WITH ME AND EVERY WHERE IAM THERE YOU WILL BE
yasser abo wesam
عضو فعال
**
غير متصل غير متصل

رسائل: 47


مشاهدة الملف الشخصى
« رد #14 في: 22:45 21/12/2008 »

واحد كلله لابو   بابا اريد اتزوج بنت جيرانه افلان  اللي بالطابق الثالث  ,,
ابو ه كلله لا باباتي  هذي اني جنت ويه امها ,,
كلله زين بابا بنت فلان الي بالطابق الاول ,,
كلله لا بابا حبيبي هذي همينه اختك بالرضاعه اني جنت صديق امهه ,,
كلله زين افلان لو افلان كلله حبيبي ابني هذني همينه كلهن خواتك بالرضاعه لان اني صادقت كل امهاتهن ,,,

قراح يبجي الولد وكلهه لامه ماما  بابا كل  ما اكلله اريد ازوج وحده اجوارينه من العماره ايكللي :
لاباباتي هذي اختك بالرضاعه ,,,,

جان امهه اتكلله لا حبيبي ولا يهمك  روح اتزوج اي وحده تعجبك منهن  لان اصلااااااا   هو مو ابوك   
تنبيه للمراقب   سجل
peace_lover
عضو فعال جدا
***
غير متصل غير متصل

رسائل: 222

يبقى السؤال ذكرا والاجابة انثى


مشاهدة الملف الشخصى
« رد #15 في: 16:23 25/12/2008 »

شكرا على الردود الحلوة يا حلوين
تنبيه للمراقب   سجل

IN MY HEART WILL ALWAYS BE PLACE FOR YOU FOR ALL OF MY LIFE I KEEP A PART OF YOU WITH ME AND EVERY WHERE IAM THERE YOU WILL BE
صفحات: [1] للأعلى طباعة 
« قبل بعد »
انتقل إلى:  






 

 

 

Online now

مدعوم بواسطة MySQL مدعوم بواسطة PHP Powered by SMF 1.1.19 | SMF © 2011, Simple Machines XHTML 1.0 صالح! CSS صالح!
تم إنشاء الصفحة في 0.074 ثانية مستخدما 22 استفسار.