|
koprulu
|
 |
« في: 18:21 17/01/2009 » |
|
مساء الخير شباب
شباب عندي سؤال المتعلقة بالهجرة عن طريق ال UN
انا راجعت مقر امم المتحدة بانقرة من اجل اللجوء الى امريكا بشهر ال 11 بسنة 2008 فاخذوا مني جوازي حسب الاصول وحددوا لي اول موعد بشهر الرابع ... يعني اول مقابلة اللي بعد ثلاثة اشهر فسؤالي هو من اخذو مني الجواز برايكم شسوو بيه جوه عجباً يعني اقصد استنسخوا كل صفات لان اني عندي عدة دخول وخروج لتركيا ... وسوريا واني قسم كللولي بانه قضيتي راح تفشل لان الجواز مليان دخول خروج ... فشنو انتو رايكم بالموضوع
ياريت شباب اللي قدمو متو كلكم تتفاعلون بالاجابات ... وشكرااا
|
|
|
|
|
|
الذكي
|
|
« رد #1 في: 18:50 18/01/2009 » |
|
حبيبي الغالي اني اجيت من تركيا قبل 6 اشهر وهسة اني بامريكا اللي شفتة وخبرة سنة بتركيا انه اي واحد رايح لسوريا ماعدا اغراض العلاج يصعبوهة كلش وياه لانه سورية دولة مشبوهة وخاصة من قبل امريكا اما دخول تركيا فاعتقد راح يسالوك ليش اجيت عدة مرات شنو كنت تريد تطلع قجخ لاوربا فانت عاد انتة وشطارتك مع تحياتي واي سؤال اني حاضر
|
|
|
|
|
|
الذكي
|
|
« رد #2 في: 18:52 18/01/2009 » |
|
واحب اكلك اخي العزيز انه في تركيا استنساخ الجواز امر محتم ماكو مفر منة لانه عندك 3 مقابلات كل مقابلة يستنسخوا
|
|
|
|
|
|
koprulu
|
|
« رد #3 في: 18:58 18/01/2009 » |
|
حبيبي الذكي ممنون بداية على ردك ... اما تعقيبا لكلامك يعني خوية شتكول اني هسة بتركيا اعرف مزور مضبوط يكلي اذا تريد ارجعلك الجواز مصفرة بدون اي فيزة يعني يغيرلي الاوراق مالها بس خايف اذا يشيلهن وهسة تطلع مستنسخيها واتورط فشتكول مع العلم اني مقيم بتركيا يعني رحت دراسة
وسؤال هما يحتاجون شي غير الجواز مثلا هوية بطاقة تموينية او جنسية العراقية . لو تنصحني اكلهم حاولت اطلع قجغ على كلامك.
|
|
|
|
|
|
koprulu
|
|
« رد #4 في: 19:05 18/01/2009 » |
|
واني كل مرة رحت لسوريا مبقيت اكثر من 5 ايام واني سمعت اكو ناس مقدمين وعدهم جوازين
|
|
|
|
|
|
volca
|
|
« رد #5 في: 19:09 18/01/2009 » |
|
اخي العزيز
الصراحه مثل مكال الاح الذكي
الي داخل سوريا ايلعبون نفسه بل مقابله من الاسئله اني صديقي جانت عنده فيزه الى تركيا ودخل الى سوريا ترانزيت يوم واحد بس ظلو ايسئلون ليش وين رحت وشكد طولت
انته لازم اتكون محضر حجه قويه اتعلل سبب دخولك الى سوريا
ومن الله التوفيق
تحياتي
|
Achievement is not to get a thousand friends in one year .Achievement is to get a friend for thousand years
|
|
|
|
koprulu
|
|
« رد #6 في: 11:29 19/01/2009 » |
|
يعني تفيد الحجة مال قجغ برايكم ردت اطلع قجغ يعني بس متوفقت لو انظف الجواز من الفيز مالت السوريا
|
|
|
|
|
|
الذكي
|
|
« رد #7 في: 21:41 19/01/2009 » |
|
حبيبي الغالي دير بالك تسويها هاي شغلة التزوير ترة يعرفوها وتروح بالرجلين اخوية او يمكن مستنسخيه الجواز من البداية اول مرحت عليهم فانصحك اخوية تطلعلك اي حجة بسبب دخولك سوريا كول اجيت زيارة للاقاربي او اجيت سياحة ومكان بالي اسجل باليوان لانه مكنت مهدد بالبداية وبعدين اخر مرة رجعت بيهة هددوني واجيت لتركيا هربا من الموت واذا كلولك ليش اجيت لتركيا تسجل على اليوان ليش مرحت لسوريا كللهم سمعت تركيا اسرع بالمقابلات وهاي هية اخوية بس اهم شي لتزور الجواز
|
|
|
|
|
|
جزراوي
|
|
« رد #8 في: 07:51 20/01/2009 » |
|
اخواني
عندي سوال بخصوص امريكا
هل طلعت نتائج الوتري مال امريكا لو بعده حتى واحد يعرف
مع الشكر
اختكم دينا
|
|
|
|
|
|
koprulu
|
|
« رد #9 في: 20:50 20/01/2009 » |
|
ممنون على النصائح خوية الذكي ... واي واحد من الاخوان اذا عده اضافة ياريت يفيدنا بيها ناقصة او زايدة وحبي جزراوي شنو الوتري
|
|
|
|
|
|
zeeta
|
|
« رد #10 في: 20:02 21/01/2009 » |
|
اخويه العزيز الذكي تحية طيبة
اني اريد اقدم باليون بتركيا بس اكو شغله مخوفتني وهي انو اني رحت لسوريا بالشهر الثامن ورحت لليوان داقدم فانطوني كارت ابيض بي موعد الي وللعائلة يوم 26/10 واستمارة فارغة ورجعت حتى اجيب عائلتي واكعد بسوريا بس الدخول لسوريا اصبح صعب لالغاء هوية التجارة فمرحت زين هسه اذا اجي لتركيا واكعد وي عائلتي واقدم اكولهم على هاي الشغلة لو اسكت احسن وواغير جوازي حتى لاتبين الفيزا لسوريا
شنو رايك اخويه العزيز وكل تقديري لحضرتك
|
-------"الله محبّة ومن يثبت في المحبّة يثبت في الله والله فيه". ----------
-----------------------------------------
|
|
|
|
الذكي
|
|
« رد #11 في: 21:19 21/01/2009 » |
|
اوكي راح اجاوب على السؤال اذا انت رايح لسوريا ومقدم على اليوان هناكة فمن راح تروح لتركيا راح يكلولك الى الوراء در ارجع للدولة اللي قدمت بيها وهية سورية فاني اخوية انصحك اتبدل الجواز مالتك وتخليه بغير اسم يعني الاسم الانكليزي غيرة حتى لو احرف منة حتى اذا رحت لتركيا ميعرفون انتة مقدم على غير دولة هاي اذا انت ممنطي بصماتك بسورية يعني راح تنلاص عليك فاخوية روح لتركيا بس بدل الجواز واذا مكدرت تبدلة كللهم هيجي صار بية رجعت للعراق ومكدرت ارجع لسورية بعدين واجيت هسة لتركيا مع تحياتي
|
|
|
|
|
|
ابو ابراهيم1973
|
|
« رد #12 في: 13:31 17/02/2009 » |
|
سلام عليكم سلامي للجميع وتحياتي وتمنياتي لكل طيب وسلام خاص الى اخي العزيز الذ
|
|
|
|
|
|
ابو الحسن
|
|
« رد #13 في: 14:46 17/02/2009 » |
|
بوية السلام عليكم
وليداتي وبنياتي
اني عمكم مثثل ما تعرفون غاسل ايدي من اللجوء من ماليزيا
فوحدة من الدروب اللي فكرت بيها هي تركيا
وخابرت مكتب الامم بتركيا وسولفت ويا الموظفة وشرحت الها انه اني عندي ملف بالامم بماليزيا واذا اجيت لتركيا شلون جاوبتني نصا (( مالنا علاقة بملفك بماليزيا وتنسى سنوات الانتظار هناك من تجي تقدم بتركيا تعامل معاملة لاجئ جديد وندرس قضيتك وما ترهم احول ملف او من هالسوالف )
بس حبيت اسولفلكم علمود يستافدون وليداتي وبنياتي هنا بالهمنتدى الحلو
الله يوفق الجميع
عمكم ابو الحسن
|
ولايتي لامير النحل تكفيني
عند الممات وتغسيلي وتكفيني
وطينتي عجنت من قبل تكويني
بحب حــيــدر كيف النار تكويني؟
|
|
|
|
ابو ابراهيم1973
|
|
« رد #14 في: 13:15 22/02/2009 » |
|
سلام عليكم تحياتي وتمنياتي بالتوفيق للجميع
اني اخوكم كنت قبل سنه تقريبا في السويد ورجعت من السويد وانا الان في العراق رجعت بسبب انه السويد وكل الاتحاد الاوربي اذا الشخص عنده بصمه يرجعونه للبلد اللي كانت بصمته عدهم وانا كانت عندي بصمه في اليونان وانا طلعت تهريب من تركيا الى اليونان وبعدها وصلت الى السويد المهم انا دخلت قبل سنه الى تركيا بصوره رسميه ومثل ما قلت وصلت عن طريق اليونان تهريب الى ان وصلت الى السويد وبعد مرور سبعة اشهر عرفو السويد باني كنت في اليونان وعندي بصمه ولهذا السبب رجعوني لليونان والله ينتقم من الكان السبب وبلغ عني لان السويد لم يعرفو باني كنت في اليونان المهم رجعت من اليونان الى العراق لاني رفضت باءن ابقى في اليونان بسبب الظروف الصعبه وعدم وجود الحقوق الكامله للاجئ هناك في اليونان مثلا لم شمل ماكو اقامه ماكو سكن ماكو ......فقط يعطون كارت ويجددونه كل 6 شهور المهم طلبت باءن ارجع الى العراق لان عائلتي واطفالي موجودين في العراق ........
انا الان في العراق وانوي الذهاب الى تركيا واطلب اللجوء الى بلد اخر عن طريق ال يو ان
ارجو من لديه معلومات عن السفر ومن لديه الخبرة في قوانين اللجوء بان يرد على اسئلتي وهي ...ما هي الاجراءات التي اجلبها معي عندما ائتي الى تركيا لكي اطلب اللجوء عن طريق ال يو ان طبعا انا وعائلتي اريد ان ائتي الى تركيا ..وما هي المده التي تستغرق لكي انتظر واعرف الجواب وهل هناك رفض ..وهل اقول لهم كل شي يعني اقول لهم باني كنت في السويد ورجعوني لليونان وطلبت ارجع للعراق وهل اقول لهم باني طلعت تهريب من تركيا ووصلت الى السويد هل اقول لهم كل شي بالتفصيل ام ما هو الشي المطلوب مني وما هي الحجج التي اجلبها معي علما انا عندي كل الاوراق التي تثبت باني كنت في السويد زاوراق الرفض والتسفير الى اليونان ومن ثم انا الان في العراق ........ارجو الرد وباسرع وقت ومشكورين على اجابتكم واي نصيحه تقدموها لي ..وتمنياتي لكم بالتوفيق والخير والله يكون بعون كل من ينتظر ..اتمنى ان تقولو لي أي مدينه في تركيا تكون اقرب واسرع في الاجراءات عن طريق ال يو ان شكرا جزيلا لكم..اخوكم ابو ابراهيم.
|
|
|
|
|
|
shaklawe
|
|
« رد #15 في: 15:00 22/02/2009 » |
|
عزيزي صاحب الموضوع
ترا مو بهل الصعوبة الموضوع
كل انسان ومواطن يحقله يسافر لدول الجوار واني واحد منهم رحت لسوريا ولا سالوني الامريكان رايح لسوريا لو لا
لانك كنت مرتاح بالعراق في البداية وتسافر وترجع بس طراء عليك موضوع او مشكلة بعدين خلتك تسافر هذا شي طبيعي
لان كول هل فيكات معروفة و موجود يمهم وهمة يسالون بالشي اللي يشكون بيه
وترا ميفيد التزوير لان همة عدهم البيانات مال دخول وخروج كل المسافرين من جميع دول العالم مو بس العراق
احجي الصراحة
وتوكل عل الرب والرب يساعدك
اخوك شقلاوي منتظر السفر في تركيا
|
|
|
|
|
|
ابو ابراهيم1973
|
|
« رد #16 في: 13:00 23/02/2009 » |
|
سلام عليكم اشلونك اخي الشقلاوي بدون زحمه عليك ممكن اتوضح لي الرد على اسئلتي السابقه اني اخوك ابو ابراهيم وسوءال اخر ومهم اني طلعت من تركيا قبل سنه تهريب الى ان وصلت للسويد ورجعت للعراق الان سوءالي هل يدققون باني طلعت منهم تهريب يعني من تركيا هل يساءلوني كيف خرجت من تركيا لان ما عندي خروجيه من تركيا علما ان جوازي القديم ضاع اثناء خروجي من تركيا وتمنياتي لك ولكل الاخوة والخوات بالتوفيق ان شاء الله اتمنى ان يجاوب كل الاخوة ويقدمون لي النصيحه والمستجدات عن كيفية التقديم والاجراءات اللازمه اخوكم ابو ابراهيم.تحياتي.
|
|
|
|
|
|
koprulu
|
|
« رد #17 في: 19:25 28/02/2009 » |
|
خوش والله استفاديت لعد اكولهم رحت سفرة لاربعة ايام بس ماعدهم معلومات دخول وخروج
حبي بو براهيم انت شغلتك عادية روح قدم من تركيا وهاي من يمك اذا تكلهم طلعت قجغ
ورجعوني لان بصمت واحكيلهم قصتك بكل صراحة ولاتتردد لان هاي بصالحك وانت كنت خايف
وفلتت من الوضع وبالنسبة احسن مدينة بتركيا فهاي مو بيدك ولابيدي هما حيخيروك 5 محافظات وتختار واحد منهم واذا تريد تشتغل اثناء بقائك فلازم تختار مدن كبيرة مثل اسطنبول بس مراح ينطوك اسطنبول خذها من عندي لان كلش ازدحام عليه ولو اني من يمك اختار محافظة صغيرة وقريبة من انقرة...لان حياةارخص بالمحاقظات وبالنسبة المدة مو اقل من 8 اشهر او سبعة .. واي شي حاضر اني...
|
|
|
|
|
|
ابو ابراهيم1973
|
|
« رد #18 في: 11:47 02/03/2009 » |
|
[سلام عليكم تسلم عيني انت على اجابتك الي بس اخي العزيز اريد اعرف شنو يعني 4 ايام يعني تقصد اثناء دخولي لمطار تركيا لو شنو ؟واريد اعرف منك اجي اول مرة لوحدي لتركيا لو اجيب عائلتي وياي انا عندي 3 اطفال وزجتي اريد اعرف وحدي احسن وبعدين اجيبهم حتى اوفر الهم سكن لو اجي اني وياهم منو الاحسن براءيك وشغله ثانيه اني هسه عندي جواز جديد طلعته لان القديم لما كنت في تركيا ضاع يعني مو يكون احسن لو لا ؟واني ممنون الك عيني انت وتسلملي مرة ثانيه على اجابتك ونصيحتك الي .مكي ابو ابراهيم.
|
|
|
|
|
|
koprulu
|
|
« رد #19 في: 17:31 05/03/2009 » |
|
وعليك السلام خوية ابو ابراهيم ...
بالنسبة ل 4 ايام كان جواب السؤال اللي طرحته اني وجاوبني احد الاخوان بالمنتدى
اما بالنسبة لموضوعكم ياخي اني بالنسبة اللي هنا وحدي شاب عازب يعني ماكو وياي عائلة بس اللي شفتة العوائل كلهم جايين بنفس اليوم يسجلون لان انت من تسجل راح ينطيك موعد فيعني انت من تجيب عائلتك بعدين فيعني راح ينطوهم موعد غير موعد مالك وهاي راح تسويلك مشكلة لان انت متكدر تسجلهم حسب علمي اذا هما مو وياك هاي وحدة وثانيا انت من تسجل وحدك راح يعاملوك معاملة العازب يجوز وهاي هم مشكلة لان العوائل شغلهم اسهل يمشي واسرع واخوان اللي هم عدهم اضافات انشالله يفيدوك بيها وخصوصا اصحاب عوائل ووالله اعلم ... واي استفسار اني حاضر
واكيد من تسجل راح تسجلون بصورة
|
|
|
|
|
|
ابو ابراهيم1973
|
|
« رد #20 في: 11:25 06/03/2009 » |
|
سلام عليكم تسلملي عيني انت وممنون الك على اجابتك ونصيحتك الي واتمنى من الله سبحانه وتعالى ان يوفقك ويسهل امرك انت وكل الطيبين واني اشكرك اخي مرة ثانيه وتسلم ياغالي .ابو ابراهيم
|
|
|
|
|
|
ميمي شيزنيثا
|
|
« رد #21 في: 12:10 12/06/2009 » |
|
اخوية العزيز ابو درعم تكدر تجي لتركيا لان مراح اطول المعاملة اكثر من شهر والشي الثاني بالنسبة للعمود الفقري تكدر تكوللهم انو خطفوك وضربوك وكسرو العمود الفقري مالتك لان راح يفيدك هذا الشي بتسريع المعاملات مالتك وتكدر تروح فد دكتور يسويلك تقرير بهذا الشي وتجي اهنا اترجما وتقدما لليوان وراح يفيدك وان شاء الله التوفيق للجميع
|
|
|
|
|
|
dreamiraqi
|
|
« رد #22 في: 10:13 13/06/2009 » |
|
اخي العزيز
مثل مكالو الاخوان الاعزاء ان استنساخ الجواز امر ايد ميه ميه لان اني كنت ناسي اخذ الجوازات في المقابله الاولى في تركيا فاخبرتني الموظفه انها تحتاج الجوازات لكي تستنخ جميع صفحاتها التى تحتوي على ختومات فطلبت مني ان ارسلها لها مستنسخه بالفاكس
|
|
|
|
|
ميمي شيزنيثا
|
|
« رد #23 في: 21:22 13/06/2009 » |
|
اكيد ابو درعم اللكليشة كلش زينة يستنسخوها اليو ان ويخلوها وية قضيتك ويا ملفك ويرحم والديك ايضا
|
|
|
|
|
|
angie-dawood
زائر
|
|
« رد #24 في: 02:45 14/06/2009 » |
|
المستمسكات هي اكيد اول شي الجواز وهوية الاحوال المدنية والجنسية العراقية وورقة التهديد واذا اكو شهادات تخرج واي شي يثبت انو انتي عراقية وساكنة بالمحافظة اللي راح تذكريها .
اما عن الفترة بصراحة هسا دتطول يمنا يعني خلي ابالج سنة وفوك وهم انتي وحظج .
اما عن المنظمة فهي بانقرة .
واما عن المناطق اكيد اكو رخيصة بس احب اكول فد معلومة ترى ال يو ان هما ينطوج المدينة اللي لازم تسكنين بيها وتسوين امنياتج بيها يعني الاقامة
|
|
|
|
|
|
angie-dawood
زائر
|
|
« رد #25 في: 02:48 14/06/2009 » |
|
بس اهم شي بي المستمسكات هو انوا انتي تثبتين انتي عراقية وبالنسبة للمناطق اليو ان يحدد الج المنطقة الي راح اتروحيين بيها واذا مرحتي للمنطقة الي طلبها منج اليو ان يعتبر مخالف لقوانيين اللجوء في تركيا .. بس اذا عندك كرايب تكدرين قبل متسلمين الجوار لليو ان كلليهم اني عندي كرايب في كذا محافظة فهم راح يحولوج على المنطقة الي بيها كرايبج .. وبالنسبة للمناطق اكيد اكو رخيصة بس الصراحة مااعرف يا هيا بالضبط .. وبالنسبة للفترة اني ابنظري هي سنة ... والمنظمة تقع في انقرة
ومنظمة التوطين icmc تقع في اسطنبول
|
|
|
|
|
|
angie-dawood
زائر
|
|
« رد #26 في: 02:51 14/06/2009 » |
|
طبعا اخي ابو درعم هذا رد على موضوع نزلتوا على مودك لانه انت كنت سال الي واني ما كان عندي معلومات عنهم والاخوة مشكورين هذة ردودهم الاخت الشمرية والاخ العراقي الغيور الف شكر لهم
|
|
|
|
|
toeete_mylove
عضو جديد
 غير متصل
رسائل: 1
|
|
« رد #27 في: 19:51 09/07/2009 » |
|
مساء الخير شباب اني عندي مشكله واريد الأجابه عليها بشكل صحيح .سنة 2007 وبشهر التاسع رحت على سوريه وقدمت هناك unاني وزوجي وابني انطونا ورقه عاديه بيل يو أن بيها تاريخ المقابله كان بشهر 4ورحنا عالتسجيل يسموها مقابلة التسجيل واخذو منا معلومات بس كانو موظفين وليس وفد.وانتظرنا وراها سنه ونص ما احد اتصل بينا عالمقابله ومجانو ماخذين اي بصمه من عندناوانتظرنا عالمقابله وماكو ورا سنه ونص من شفنا ماكو اتصال من يوأن رجعنا الى بغداد كان بشهر ثالث 2008وهسه اريد اروح على تركيا اني وعائلتي اقدم عل يو أن بس مترددين لان احنا اصلا كنا متقدمين بسوريه قبل سنتين.سؤوال هو هل يحقلي ان اقدم بتركيا واكلهم اني جنت بسوريه مقدمه مع العلم اني لا بصمه ولا مقابله مسويه بس مقابله التسجيل مع الموظفين.واريد الرد مع الشكر |
|
|
|
|
عكعك التطوى
نجم منتدى الهجرة و اللاجئين
عضو مميز متقدم
غير متصل
رسائل: 7265
|
|
« رد #28 في: 20:15 09/07/2009 » |
|
مساء الخير شباب اني عندي مشكله واريد الأجابه عليها بشكل صحيح .سنة 2007 وبشهر التاسع رحت على سوريه وقدمت هناك unاني وزوجي وابني انطونا ورقه عاديه بيل يو أن بيها تاريخ المقابله كان بشهر 4ورحنا عالتسجيل يسموها مقابلة التسجيل واخذو منا معلومات بس كانو موظفين وليس وفد.وانتظرنا وراها سنه ونص ما احد اتصل بينا عالمقابله ومجانو ماخذين اي بصمه من عندناوانتظرنا عالمقابله وماكو ورا سنه ونص من شفنا ماكو اتصال من يوأن رجعنا الى بغداد كان بشهر ثالث 2008وهسه اريد اروح على تركيا اني وعائلتي اقدم عل يو أن بس مترددين لان احنا اصلا كنا متقدمين بسوريه قبل سنتين.سؤوال هو هل يحقلي ان اقدم بتركيا واكلهم اني جنت بسوريه مقدمه مع العلم اني لا بصمه ولا مقابله مسويه بس مقابله التسجيل مع الموظفين.واريد الرد مع الشكر اذكر اكو موضوع مشابه لموضوعك وكان بي الجواب لاحد الاخوان الي مجرب انه حول من سوريا لعمان بدون ان يكلهم كان مقدم على يو ان سوريا ومشت اموره بدون عرقله وعلى حد قوله واحد ميدري بالثاني وانشاء الله الاخوه الي عنده معلومه بهذا الخصوص اكيد راح يقدمها لك تحياتي |
|
|
|
ENG.MEDO
عضو فعال جدا
غير متصل
الجنس: 
رسائل: 390
Advice is ever in want
|
|
« رد #29 في: 20:25 09/07/2009 » |
|
toeete_mylove
اني ممتاكد من الموضوع بنفسي بس احد الاخوة الاعضاء ايكول جان مقدم بسوريا واجه قدم هنا واموره ماشيه بالمقابلات واني بصراحا نسيت العضو منو بلكي قرأ الموضوع ويفيدك اكثر
|
لا داعى للخوف من صوت الرصاص .. فالرصاصة التى تقتلك لن تسمع صوتها
|
|
|
|
الشمرية
|
|
« رد #30 في: 10:47 10/07/2009 » |
|
اختي العزيزة تعالي لتركيا وقدمي وما كو شي لان انتي اصلا ما عندج ملف يم ال يو ان بسوريا واكو عائلة هنا مقابلين مقابلتين بسوريا وهنا قدموا وطاروا لامريكا ولاتخافين ما كو شي بس اذا يسألوج مقدمة على ال يو ان بسوريا كولي لا طبعا والاحسن تجون بجواز جديد ما بيه دخوليه لسوريا وشكرا
|
|
|
|
|
|
ابو روزا
|
|
« رد #31 في: 11:39 10/07/2009 » |
|
مرحبا احب اضيف شي اني بتركيا مثل متعرفون واعرف اكثر من واحد مقدم ع اليو _ ان بسوريا والاردن واكو عائله اصلا مبصمين بالسويد واجو وقدمو واكثرهم هسه بأمريكا اخوان اللي عرفته انو ماكو حاله تشبه حاله كل واحد وضرفه واهم شي يعطي اجابات مقنعه واعتقد الاخ عك عك عنده موضوع جدا مفيد على اسألة بخصوص اليو _ان ومقابلة المحلفين اما بخصوص الاخ صاحب الموضوع يزور الجواز بتركيا فدير بالك الاحسن روح للعراق وتعال بجواز ثاني اسهلك اذا تكدرواذا انتو عائله فأحسب حسابك لازم كل المستمسكات تتغير
|
|
|
|
|
|
حمد بو حمد
|
|
« رد #32 في: 12:07 10/07/2009 » |
|
خويه اني سبق وتكلمت وياك وقلت لك اذا مقدم بسوريا او باي بلد مو مشكله بس اهم شي انك تغير جوازاتكم وتجون بجوازات جديده ولا تقولو انكم مسافرين لاي بلد او مقدمين باليو ان باي بلد ( واسال مجرب ولا تسال طبيب ) والله يسهل امرك وامرنا
|
|
|
|
|
عكعك التطوى
نجم منتدى الهجرة و اللاجئين
عضو مميز متقدم
غير متصل
رسائل: 7265
|
|
« رد #33 في: 12:19 10/07/2009 » |
|
اخويه صاحب الموضوع شغله ختم الدخول والخروج في والجواز لا تخوف ولا شي ولا تاثر بنتيجه المحلف بس مجرد يريدون يحصلون على اكبر قدر من المعلومات عنك اما بالنسبه للمحلفين فمتاثر ابد على النتيجه علما اني جوازي هم مملي اختام ولا واحد سالني عليه وابسط شي اذا راد ييسال ليش رحت لفلان دوله وبس واكو جماعه عدهم اختام دخول ايران وهسه بامريكا فلا تقلق اخويه من هاي الشغله مسأله جدا عاديه
تحياتي
|
|
|
|
|
ام روز
|
|
« رد #34 في: 14:32 10/07/2009 » |
|
السلام عليكم اخواني واخواتي اني هم مثلكم في تركيا وقدمت على طريق un قدمت في تاريخ 28-08-2008 المهم قضيتي مشت والحمدلله وسويت الفحص الطبي واوجتي موافقتي الامنية وحولوني على iom ونطوني موعد سفر في شهر ال 26-8 بس ياخواني ورة ساعة من انطوني الموعد لغوه كالولي امنايات اخو زوجي مجاية مع انهو احنا نفس رقم القضية بس التيو يختلف فيا اخواني اريد اعرف هل قضيتي بيها مشاكل لو هذا حضي وحض اطفالي تحياتي للجميع واذا عدكم معلومة تفيدني ارجوكم ردو
|
|
|
|
|
عكعك التطوى
نجم منتدى الهجرة و اللاجئين
عضو مميز متقدم
غير متصل
رسائل: 7265
|
|
« رد #35 في: 16:34 10/07/2009 » |
|
اختي ما دام اخو زوجك بالكيس مالكم فهذا يعني مدكدرون تسافرون الا باستكمال جميع الموافقات الامنيه للكل ولكن اختي استغربت من حاله ذكرتيها انه اخو زوجك له نفس رقم الكيس هل اخو زوجك قاصر؟ لان اذا ليس قاصر لازم عنده رقم كيس اخر يختلف عن كيسكم وبهذه الحاله يمكن ان طلبون من icmc بتغير الرببط بين كيساتكم الى ضعيف حتى تكدرون تسافرون وهو من تطلع الامنيه مالته يلحك بيكم
تحياتي
|
|
|
|
ENG.MEDO
عضو فعال جدا
غير متصل
الجنس:
رسائل: 390
Advice is ever in want
|
|
« رد #36 في: 19:45 10/07/2009 » |
|
اخويه العزيز عكعك
الكيس مال اخت ام روز منفصل لانه في منظمة التوطين ال ICMC هيه تمتلك كيس نمبر ويسمى بال TU
واخو زوجها يمتلك رقم مختلف زين ليش يتاجل السفر بخصوصها لانه اني قبل ايام كنت في الاي سي ام سي وسمعت كثير من العوائل نص انقبلوا وطاروا ونص انرفضوا نفس العائله ؟؟
|
لا داعى للخوف من صوت الرصاص .. فالرصاصة التى تقتلك لن تسمع صوتها
|
|
|
عكعك التطوى
نجم منتدى الهجرة و اللاجئين
عضو مميز متقدم
غير متصل
رسائل: 7265
|
|
« رد #37 في: 20:22 10/07/2009 » |
|
اخويه العزيز عكعك
الكيس مال اخت ام روز منفصل لانه في منظمة التوطين ال ICMC هيه تمتلك كيس نمبر ويسمى بال TU
واخو زوجها يمتلك رقم مختلف زين ليش يتاجل السفر بخصوصها لانه اني قبل ايام كنت في الاي سي ام سي وسمعت كثير من العوائل نص انقبلوا وطاروا ونص انرفضوا نفس العائله ؟؟
اي اخويه كلامك صحيح لان ممعقوله اخو زوجها اذا كان فوك 21 سنه وياهم بنفس رقم الكيس بس على هذا الكلام ممكن تطلب من icmc ان تغير الربط بين الكيسات الى ضعيف
اخويه ENG.MEDO عادي كل كيس يعامل معامله خاصه به على حده بغض النظر عن بقيه كيسات افراد العائله وهذا ينطبق على العائله المتكونه من عده كيسات |
|
|
|
|
ابو ايمن
|
|
« رد #38 في: 22:27 17/10/2009 » |
|
السلام عليكم شباب اني عندي سوال واتمنه من اي واحد عده جواب ليبخل عليه الله عليكم
اني جنت مترجم بالعراق لمده ثلاث سنوات وهسه اريد اروح لتركيا واقدم عاليو ان بس اكو شغله اني عدي مشكله ويه الشركه مال المترجمين اسمهه تايتن وسوو عله منع بالشركه يعني بعد ما اكدر ارجع اشتغل وياهم يعني بلاك ليست سوالي خوما تاثر بالمعامله مال الهجرة جاوبوني الله يخليكم
|
|
|
|
|
|
ابو ايمن
|
|
« رد #39 في: 23:42 17/10/2009 » |
|
شلونكم شباب ترة اخوكم واكع بضيق وبس الله يدري بي واريد اطلع من العراق ترة رح اموت والله وسالتكم سوال ومحد رد عليه الله عليكم جاوبوني اني جنت اشتغل ويه قوات التحالف بصفه مترجم وبعد مرور 3 سنوات صارت مشكله بيني وبين الشركه الي اسمهه تايتن مال المترجمين وخلوني بالبلاك ليست يعني دكولي منع بالشركه بس اريد اسالكم هل هذا المنع ياثر عله امور التقديم للهجرة عن طريق تركيا فهموني الله يخليكم
|
|
|
|
|
|
الذكي
|
|
« رد #40 في: 06:15 18/10/2009 » |
|
حبيبي الغالي اذا انت راح تقدم علة اساس انه انت مترجم او حتى اذا قدمت بصفتك شخص عادي مهدد فراح يعرفون من بصماتك لانه انت منطي بصماتك لتايتن والوحدة اللي كنت تشتغل بيها فاكيد راح يعرفون شنو قصتك اذا كانت شغلة خطيرة راح تنرفض واذا مو خطيرة بس مشكلة عادية فمراح يحجون وياك وتمشي الامور بس اني انصحك كللهم من البداية هيجي صار وياك لانه يو ان تركيا كلش نحسين واول وتالي راح يعرفون من ياخذون بصماتك فكون صريح وياهم احسن مع الشكر
|
|
|
|
|
|
ابو ايمن
|
|
« رد #41 في: 10:59 18/10/2009 » |
|
اني اشكرك اخي الذكي عالرد وممنون منك هوايه وشكرا عالنصيحه بس عندي سوال اخر شنو احسن اروح اقدم وحدي لو ويه زوجتي وابني الي عمرة سنه ونص وشنو الاحسن واني كلش ممنون
|
|
|
|
|
|
الذكي
|
|
« رد #42 في: 18:15 18/10/2009 » |
|
حبيبي الغالي روح قدم وية زوجتك وابنك احسن لانه من تطلع بوحدك تصير شغلتك صعبة حتى تسحبهم يعني مو صعبة بس تاخذ وقت الاحسن الك اخذ زوجتك وابنك وياك حتى تبين انه انتو كلكم مهددين وتكدرون ترجعون للعراق
|
|
|
|
|
|
ابو ايمن
|
|
« رد #43 في: 00:53 20/10/2009 » |
|
السلام عليكم شباب ممكن احد يجاوبني عله سوالي واكون ممنون اله كلش
سوالي هوة شكد المبلغ التقريبي الي احتاجه من اروح لتركيه اقدم لليو ان واني ويايه زوجتي وابني يعني فلوس الاجار والتامين والمعيشه كلهه شي عله شي شكد تقريبا الله عليكم جاوبوني حته ما اتورط ترة اخوكم كلشي ما اعرف عن تركيا وهاي السوالف انتضر الرد من اي واحد يكدر يجاوبني
|
|
|
|
|
|
osiraq
|
|
« رد #44 في: 21:23 25/10/2009 » |
|
اني كنت مقدم على اليون ان في مصر و بعدين اغلقت الكيز و رجعت للعراق هل هذا يأثر على التقديم بتركيا و ايضا ان اشتغلت فتره مترجم و بعدين حطوني بلاك لست بس شغلتي مو خطرة شي عادي بس منع من العمل في الشركة هل هذا يأثر على تقديمي لل يو ان في تركيا
و من يسألوني هل قدمت بدولة اخرى اكللهم اي لو لا و اذا كتلهم لاء هل راح يعرفون و تنلاص عليه
و هل اذكر عملي مع القوات الامريكيه لو لا
علما عندي اوراق تهديد و اعتداء
ارجوا الاجابة الله يخليكم و شكرا جزيلا مقدما
|
OSIRAQ
|
|
|
|
ابو ايمن
|
|
« رد #45 في: 22:56 25/10/2009 » |
|
osiraq حبي حسب ما افتهمت من الاعضاء المحترمين انو اذا اي واحد مقدم عاليو ان باي دوله ميكدر يقدم بتركيا وام اريد احبط مشاعرك بس رح يكلولك الى العراق در وحته لو مكلتلهم فرح ايعرفون لان كل اليو ان متصلين بسستم واحد فهذا الي اعرفه واحتمال 99 بالميه يرجعوك فلتروح وتخر فلوس ولتعب نفسك بس اذا تريد تجرب وعندك فد شدة زايده فروح وجرب حضك ولتزعل مني بس ترة ما على الرسول الى البلاغ المبين وضلت يمك اخوك ابو ايمن
|
|
|
|
|
|
أ.ج.ت
|
|
« رد #46 في: 23:07 25/10/2009 » |
|
ابو ايمن حبببي تركيا غالية وبالنسبة للايجار حسب المحافظة بس مااصور اكو اقل من 400 ليرة وتحسب حساب الاقامة 350 ليرة للشخص البالغ كل 6 اشهر وتقريبا تحتاج 1000 ليرة بالشهر حتى تعيش مرتاح من ضمنها الايجار واي سؤال اني حاضر .
|
احمد طاهر
|
|
|
|
osiraq
|
|
« رد #47 في: 13:33 26/10/2009 » |
|
ابو ايمن حبيبي مو اني بنفسي سألت UN مصر كتلهم اذا ردت اقدم على UN بأي دولة يصير كالولي يصير و راح تكون كيز جديد تقديم جديد معليه بالقديم بعد مسالة ما يصير اقدم شون و اني اعرف ناس مقدمين على سوريا لو الاردن و حولو على تركيا و ماليزيا و حتى الهند اما اني ردت استفسر منك و اني شاكر الك ردك
اخوك OSIRAQ
|
OSIRAQ
|
|
|
|
ابو ايمن
|
|
« رد #48 في: 21:59 27/10/2009 » |
|
osiraq حبي اريد اكلك شي بس لتزعل احنه العراقيين من واحد ينصح واحد عباله ديغدرة واني نصحتك واعتبرتك اخ الي ترة اذا تروح لل u n بتركيه يرجعوك حسب ما اعرفه اني واني مجرد نصحتك ولتاخذ نصيحتي ميه بالميه بس انته اسمع مني ومن غيري ودور بالمنتدى ورح تعرف انو حجيي صدك واني اعتذر منك اذا ضوجتك بس هاي الحقيقه ولنزعل مني اخوك ابو ايمن
|
|
|
|
|
engineer33
عضو جديد
غير متصل
رسائل: 1
|
|
« رد #49 في: 15:51 28/10/2009 » |
|
سلام عليكم
عندي مجموعة اسئلة شباب ويا ريت واحد يرد عليا
اني سمعت انو اكو هناك بتركيا 3 مقابلات زين اول سوال راح اسال بيه هو منين انجيب ورقة التهديد الي راح انقدمها
والثاني انو يكولون لازم الواحد يجيبله كفيل يكون امريكي الجنسية ويكفله
زين اذا الواحد ما عنده كفيل شلووون ؟
وارجوو من الذين عندهم خبرة بهاي الامور المزيد من التوضيح وشكرااا
|
|
|
|
|
|
أ.ج.ت
|
|
« رد #50 في: 16:14 28/10/2009 » |
|
اخوية انجنير موشرط يكون عندك كفيل بس بهاي الحالة همة يحددون الولاية الي تروحها وبالنسبة للسؤال عن ورقة التهديد فتعذرني مااعرف الجواب
|
احمد طاهر
|
|
|
|
osiraq
|
|
« رد #51 في: 16:42 28/10/2009 » |
|
لا ابو ايمن حبي لا زعلت و لا شي و بارك الله بيك و صدكني اني ما اقصد شي بس اني سألت ناس مختصين و يعرفون و الهم خبرة كالوا الي مقدم على اليو ان و سد الكيز مالتة يكدر يقدم مرة اخرى و تحياتي الك
|
OSIRAQ
|
|
|
ابو نمره
عضو جديد
غير متصل
رسائل: 4
|
|
« رد #52 في: 10:09 03/12/2009 » |
|
السلام عليكم
شباب اريد رئيكم اني اريد اروح الى تركيا واقابل الامم المتحده واطلب لجوء اروح بس اني لو اخذ زوجتي وبتي اخاف يتبهذلون ويايه وبرئكم شكيد ياله احصل على الجوء وعلما انه بتي مريضه وتعاني من الشلل وشكيد اتكلف المعبشه هناك والايجار جابوني يرحمكم الله
|
|
|
|
|
|
mark_kirkuki
|
|
« رد #53 في: 23:44 03/12/2009 » |
|
اخي العزيز ابو نمره
احسن الك تاخذ بنتك وزوجتك وياك لتركيا
اولا راح يصير اي علاج اي دواء او اي دكتور بلاش لبنتك الله يحفظها الك
ثانيا معاملاتكم راح تصير سريعة يعني انشاء الله 10 تشهر وطير لامريكا
المعيشة والمصرف راح تحتاجلك فد 10000$ لسنة بس مو باسطنبول يعني محافظات
اجار بين 200$-400$ ال200 لشقة (صوبة فحم حجري)ما بيها تدفئة مركزية والي يسمو دوار فحم او دوار غاز
المواد الغذائية رخصية بس الافضل تحصلك فيزة من القنصلية او السفارة وتجي برا تجيب وياك كونية تمن وفد 15 كيلو جاي لان جايهم مينشرب
جيب وياك حليب شكر راشي دبس اي شي معلب لحم دجاج لحم بقر جبن المثلثات او كرفت
لازم كل 6 اشهر تدفع غرامات مال الاقامة والي هي 150$ لل6 اشهر وحسب الدولار صاعد نازل
كهرباء و ماء غالية هنا
انسى شي اسمة نفط
|
|
|
|
|
ابو نمره
عضو جديد
غير متصل
رسائل: 4
|
|
« رد #54 في: 11:49 04/12/2009 » |
|
السلام عليكم
اخي العزيز اشكرك على تعاونك معي
ممكن اعرف شنو المستمسكات المطلوبه التي اجلبها معي و التقرير الطبي مال بنت هم اجيبه
شنو الي اكوله للامم المتحده يعني هم لازم كول فد قصه لو شنو
|
|
|
|
|
ابو نمره
عضو جديد
غير متصل
رسائل: 4
|
|
« رد #55 في: 12:29 04/12/2009 » |
|
السلام عليكم
اخويه عندي سؤال اخير يرحم والديك
عمتي ام زوجتي اتريد اتروح ويايه هيه وابنه الى من غير اب لان ابو زوجتي متوفي وهذا الطفل من الزوج الثاني شنو رئيك انته
والطفل عمره 6 سنوات.
عندل سؤال :ابويه حاليا في بغداد ايكل بابا من اتروح اطيك هوياتي لان ابويه جان يشتغل في جهاز المخابرات السابق الباجات مالته يمه ايريد ينطينياها ايكول بلكت اتفيدك. شنو رئك بهذا الموضوع
|
|
|
|
|
|
ابو ايمن
|
|
« رد #56 في: 21:31 09/01/2010 » |
|
السلام عليكم شباب واعذروني من التقصير لان صارلي فترة منقطع عنكم وهسه رجعت الكم واني حاضر لاي استفسار منكم اخوكم ابو ايمن
|
|
|
|
|
IRAQI LEONARDO
عضو جديد
غير متصل
الجنس:
رسائل: 2
|
|
« رد #57 في: 18:50 13/01/2010 » |
|
شباب اني مقدم على السفر والتقديم لل UN في تركيا واني من سكان الموصل ومسيحي.
زين شنو هي الشغلات (الحجج) الي احتاجها حتى اقنع المنظمة بيها وشنو هي الاثباتات الي اكدر اقدمها الهم.
تكدرون تساعدوني بأمثلة.
ممنون الكم جدا.
|
IRAQI LEONARDO
|
|
|
|
arasjj
|
|
« رد #58 في: 16:03 19/02/2010 » |
|
زوجتى وابني شهر الرابع 2010 يروحون تركيا اخت زوجتي مخطوفة في الموصل شي سوون عشان يوقبلون قبول في اليو ان شنو المستمسكات الي يريدو من عندة بس جواب سريع ممنون الكم
|
|
|
|
|
papulaamene
عضو جديد
غير متصل
رسائل: 1
|
|
« رد #59 في: 17:31 22/02/2010 » |
|
مرحبا صديقاتى أريد تساعدنى فى موضوع الهجرة\
عائلتى يتكون 2 أخت وأم وحالتى غير مستقرة فى عراق أريد أسافر الى تركيا ....... أنقرة حتى أجهز
مستلزمات مقابلة فى مقر الأمم المتحدة فى أنقرة رجاء ساعدونى :
1- ماهي مستلزمات لازمة للأجراء مقابلة من مقر الأمم المتحدة فى أنقرةأو منظمة.
2- وين عنوان مقر الأمم المتحدة فى أنقرة رجا ء دزيلى عنوان مكان أشكركم .
3- اريد أعرف أسعار أيجار وحالة معيشة أقتصاديا إذا عشتى بشكل جيد لثلاثة أفراد كم كلفة أيجار وأكل
أشكرم جزاكم الله بالخير
|
|
|
|
|
|
سيف العباسي
|
|
« رد #60 في: 14:20 20/05/2010 » |
|
مرحبا شباب اني اريد اقدم على هجره من عمان اني وزوجتي واخوي وزوجته واخوي مشتغل ب شركه بريطانيا هل انو الكيس مالتنه ايصير كيس واحد لو كيسين ؟ ارجو الرد
|
|
|
|
|
|
سيف العباسي
|
|
« رد #61 في: 14:21 20/05/2010 » |
|
مرحبا شباب اني اريد اقدم على هجره من عمان اني وزوجتي واخوي وزوجته واخوي مشتغل ب شركه بريطانيا هل انو الكيس مالتنه ايصير كيس واحد لو كيسين ؟ ارجو الرد
|
|
|
|
|
ades
عضو جديد
غير متصل
رسائل: 1
|
|
« رد #62 في: 12:44 24/05/2010 » |
|
ســـــلام عليكم شباب عندي سؤال لحضراتكم اتمنى تجاوبوني علي اذا اروح اني وعائلتي واقدم ووالدي يرجع لبغداد يصير هيج شي ترهم؟ لان اني امكانية ما عندي ابقه لسنه اهناك؟؟ اشلون يصيرله فد ترتيب؟
أو أروح وحدي يعني ميصير وية العائله ؟
|
|
|
|
|
abduljabar
عضو جديد
غير متصل
رسائل: 1
|
|
« رد #63 في: 21:52 19/08/2010 » |
|
مساء الخير شباب اريد اعرف بالنسبة للأقامة في تركيا بعد التقديم على الهجرة في الun شلون نطلع الأقامة؟ ولكم جزيل الشكر  |
|
|
|
|
|
muayed temo
|
|
« رد #64 في: 02:35 21/08/2010 » |
|
السلام عليكم اخوان ارجو التفضل وقراءة كلامي واتمنى المساعدة والجواب اني سافرت الى دول كثيرة منها السودان لبنان سوريا اوكرانيا والهند وايضا امريكا في امريكا اعطوني كنسل وبصموني واريد هسه اروح لتركيا اقدم هل اكو مشكله في التبصيم علما اني كنت مع الوفد ياريت احد يساعدني وبالنسبة للجواز هو من فئه جي هل اغير االجواز الى اي والي اعرفه انو اكو اشكال باجواز الجديد مع تركيا لان بي اللغة الكردية ياريت تساعوني اخوان
|
|
|
|
|
muayed temo
|
|
« رد #65 في: 02:50 21/08/2010 » |
|
مرحبا صديقاتى أريد تساعدنى فى موضوع الهجرة\
عائلتى يتكون 2 أخت وأم وحالتى غير مستقرة فى عراق أريد أسافر الى تركيا ....... أنقرة حتى أجهز
مستلزمات مقابلة فى مقر الأمم المتحدة فى أنقرة رجاء ساعدونى :
1- ماهي مستلزمات لازمة للأجراء مقابلة من مقر الأمم المتحدة فى أنقرةأو منظمة.
2- وين عنوان مقر الأمم المتحدة فى أنقرة رجا ء دزيلى عنوان مكان أشكركم .
3- اريد أعرف أسعار أيجار وحالة معيشة أقتصاديا إذا عشتى بشكل جيد لثلاثة أفراد كم كلفة أيجار وأكل
أشكرم جزاكم الله بالخير
هذا كلام الاخ مارك مشكورا احسن الك تاخذ بنتك وزوجتك وياك لتركيا اولا راح يصير اي علاج اي دواء او اي دكتور بلاش لبنتك الله يحفظها الك ثانيا معاملاتكم راح تصير سريعة يعني انشاء الله 10 تشهر وطير لامريكا المعيشة والمصرف راح تحتاجلك فد 10000$ لسنة بس مو باسطنبول يعني محافظات اجار بين 200$-400$ ال200 لشقة (صوبة فحم حجري)ما بيها تدفئة مركزية والي يسمو دوار فحم او دوار غاز المواد الغذائية رخصية بس الافضل تحصلك فيزة من القنصلية او السفارة وتجي برا تجيب وياك كونية تمن وفد 15 كيلو جاي لان جايهم مينشرب جيب وياك حليب شكر راشي دبس اي شي معلب لحم دجاج لحم بقر جبن المثلثات او كرفت لازم كل 6 اشهر تدفع غرامات مال الاقامة والي هي 150$ لل6 اشهر وحسب الدولار صاعد نازل كهرباء و ماء غالية هنا انسى شي اسمة نفط |
|
|
|
eng_thair
عضو جديد
غير متصل
رسائل: 1
|
|
« رد #66 في: 00:28 23/08/2010 » |
|
سلام عليكم ورحمة الله وبركاته
عندي سوال ويا ريت من الاستاذة الافاضل يجاوبون عليه
الي اصله كردي ومن الموصل هل ال يو ان تاخذ هذا السبب بالرفض مثلا تكله روح ال اقليم كردستان اذا انت مهدد واذا هذا الشخص ما يكدر يروح للاقليم وما يعرف يتكلم اللغة الكردية لانه متربي بالموصل هل يرفضوه ؟؟؟؟؟؟؟؟؟؟؟؟؟؟
|
|
|
|
|
|
مهاوش
|
|
« رد #67 في: 13:17 14/11/2010 » |
|
انا مقدم بتركيا من 2009 والى الان ما استلمت قبول ياريت الي مثل حالتي يكلي
|
|
|
|
|
|
أكاكي
|
|
« رد #68 في: 21:48 14/11/2010 » |
|
السلام عليكم
الأخ مهاوش المحترم
المده القانونيه القصوى لظهور نتيجة الأنتظار سنه وشهر تحسب من أخر أعادة مقابله ألك في أنقره
أتمنى لك التوفيق
|
|
|
|
|
AHMED.IRAQ
عضو جديد
غير متصل
رسائل: 1
|
|
« رد #69 في: 04:23 08/06/2011 » |
|
سلام عليكم شلونكم اخواني ممكن تساعدوني اني اريد اجي لتركيا بس ما اعرف كلشي لان صارلي 6 سنين بسوريا واريد اقدم عل يو ان شسوي ؟؟؟؟؟ وشكرا جزيلا الكم
|
|
|
|
|
liqaa saieed
عضو جديد
غير متصل
رسائل: 2
|
|
« رد #70 في: 15:40 18/07/2011 » |
|
مرحبا اخواني واخواتي . انا قدمت لجوء عن طريق ال يو ان بتركيا و100 % راح ينطوني لجوء لامريكا لان عندي اسباب قوية جدا. انا استاذة بالجامعة وتعرضت للتهديد والضرب واثبتت ذلك. سؤالي عندما اذهب لامريكا راح ينطوني عمل لو بس مساعدات علما ان عندي طفل معوق؟ مع الشكر.
|
|
|
|
|
|
ام راما
|
|
« رد #71 في: 19:20 18/07/2011 » |
|
مرجبا اخوان
اخوان اريد افتهم يعني هسة اني صارلي 6 سنوات ابسوريا ومقبولة توطين من 2008 وهسة عندي اعادة مقابلة ويا الوفد بس اريد اروح تركيا بسبب الاوضاع الي عرفتا ان ملفي ميتحول طيب عند التسجيل الجديد شنو حيكون وضعي اني جاية من سوريا حيرفضوني يعني الي فايت كم يوم السوريا ايحققون ويا ة طيب اني وضعي شنو ..... ارجو من الاخوان افادتي باجاباتهم
|
url=http://uploads.ankawa.com/]  [/url] |
|
|
محمد روتانا
عضو جديد
غير متصل
رسائل: 1
|
|
« رد #72 في: 21:00 03/12/2012 » |
|
السلام عليكم
تحية طيبة من القلب الى القلب اهديها لكم جميعا ً
اخوتي واخواتي
انا لازلت في العراق وسوف اذهب الى تركيا قريبا جدا
اود معرفة بعض الاجابات منكم ونصائحكم ... ٍسأكون شاكراً لجنابكم الكريم
انا عائلتي خطفوا في 27/1/2007 المصادف يوم السبت ولدي كتاب من مركز الشرطة بالقضية
وزجتي كذلك اخيها قتل في الاحداث سنة 2006 . واود التقديم على منظمة الامم المتحدة (UN)
في تركيا ولكنني متوتراً حول بعض الاجابات
1- لدي اخوة 2 واخوات 2 احداهن متزوجة اذا سألني احدهم في المقابلة .. ماهي الاجابة ستكون ؟؟؟
2- انا عملت مع شركة الترجمة ولدية اوراق الفحص الطبي الخاصة بالشركة . واوراق الطيران من محافظة الى اخرى
وتوصية من مقدم في الجيش الامريكي .. مرفق معها بعض الصورة علماً ان الصور تشير الى نفس المكتوب داخل التوصية
سؤالي هو هل اذكر القضيتين لاحصل على سرعة في القضية .. ام اترك قضية العمل مع قوات التحالف واذكر خطف عائلتي
علما انني عملت مع الشركة بعدما خطفت عائلتي ..؟؟؟؟ماذا سيكون الجواب هنا ؟؟
سأكون شاكراً لكم لو حصلت على الاجابة بأقرب وقت وان كان لديكم حساب على مواقع التواصل الاخرى
Facebook ,, yahoo ,, G mail ,, Skype ,, Tango
ارجو من صاحب الاجابة ذكرها حتى يتسنى لي التواصل مع حضرتكم
اخوكم
محمد
|
|
|
|
|
|
الكاتب
