ماهي شروط اللجوء الى المانيا؟

[ايوشة]

مرحبا شباب شلونكم
اني اية مقيمة بسوريا وكنت اريد استفسر عن التوطين.. اني صارلي سنتين بسوريا ومقدمة توطين وقبل 10 ايام اتصل بية شخص من المفوضية وقال انتوا ملفكم رح يروح للتوطين، وقال امريكا والمانيا مفتوحين .. رحت ورة 10 ايام للمقابلة الاولى ، قابلت بنية رشحتلي امريكا وكندا .. واتفاجأت انه ماكو المانيا .. كتلها اني اريد المانيا كالت المانيا بيها شروط منها انه يكون عندي قريب من الدرجة الاولى بالمانيا مع انه الي اتصل بية ما قال اي شي عن الموضوع و هو يعرف انه اني ما عندي احد بالمانيا.. اني ردت منكم جواب لان المشكلة انه امريكا متفيدنا نهائيا لان ابوية رجال جبير واخوية مريض يعني اني لوحدي ما اكدر اعيلهم بامريكا .. يعني كنت اتمنى المانيا .. قلت يمكن احد منكم يجاوبني .. مع اني سمعت انه المانيا رح تسحب اكبر عدد من العراقيين اللاجئين بسوريا .. يا ريت لو احد يجاوبني يعني معقول البنية الي بالمفوضية على القصد ما عرضت علية المانيا؟؟ يعني معقولة المانيا شروطها صعبة لهاي الدرجة ؟؟ قالت لازم يكون عندي لغة المانية ويكون عندي قريب بالمانيا اما اب او ام او اخ او اخت.. اني بصراحة اتسغربت لان ماكو احد يتقن اللغة الالمانية..مع العلم انه اني قابلت البارحة ..
وشكرا

[عكعك التطوى]

مرحبا اختي  واهلا وسهلا بك

اختي التوطين كان فقط على امريكا وكندا واستراليا سابقا وخلال هذه الايام انفتح التوطين على المانيا حسب مسمعنا من الاخوه الاعضاء واحتمال ان يكون مشروط ببعض الظوابط وبعدد معين

الشغله الثانيه اختي انه نحن لاجئين والموفوضيه هي وحدها التي تختار بلد اللجوء لان اي بلد راح يكون امن لنا وليس لنا ان نختار البلد الذي نريد لانها لا تعتبر رحله سياحيه ونطلب ما نريد وشكرا

وتحياتي لكي

[lenatelecom]

اختي العزيزة اذا كان عندك اخ مريض اطلبي كندا لانها تهتم بالمريض اهتمام عالي
وان شاءالله خير
تحيات اخوك

[holya]

اختي اني ما عندي معلومات عن موضوع المقابلات في سوريا لكن احب ااكد انه في حالة ما صارت واجيتي امريكا فان والدك واخيك راح ياخذون رواتب تقاعد لسنين طويلة يمكن طول العمر ورواتبهم ثنيناتهم راح تكفي ايجاركم ويزيد وطبعا يعتمد على الولاية..
اتمنالك الموفقية

هوليا

[ورد]

 والله حاولي على المانيا وكندا واخر احتمال خليه امريكا ماطول بعدج ببداية الطربق والله الي يسهل انشاءالله.....

[جرح الزمن]

اكيد هاذا الشيء ليس انتا تختارة حتى لو انك طلبت سوف يقدمون ملفك على المانيا بس المانيا الها شروط  اعتقد راح تلقاها في المواضيع والعدد محصور 2500 لاجيء فقط

[ملاك صالح]

اختي الكريمة بخصوص ان يكون الج مقرب درجة اولى صحيح  لكن ان تتقني اللغة ما سامع بهاي لان انا صديقي قال من المانيا اكو هكذا كلام  وهو رايد يسحب امه ال المانيا ومن الله التوفيق للجميع

[Hedo Hedo]

اختي الكريمة هذه بعض المعلومات عن قبول الاجئين العراقيين الى المانيا... اضغطي على الرابط في الاسفل 

http://www.integration-in-deutschland.de/cln_092/nn_282950/SharedDocs/Anlagen/DE/Integration/Downloads/Sonstiges/aufnahme-irak-fluechtlinge-arabisch,templateId=raw,property=publicationFile.pdf/aufnahme-irak-fluechtlinge-arabisch.pdf



                                                                                          'HEDO HEDO