كلية الهندسه جامعة بغداد

[ابو روزا]

مرحبا اخواني وخواتي الآعزاء عندي استفسار حول الدراسه اني خريج هندسه مدني بغداد يعني بامريكا شلون راح اعادل شهادتي لو اكمل دراسه لو شلون والتكاليف عليه لوشلون  -------تحياتي

[سوسن كليانه]

اخي او اختي كاتب الموضوع,,,بعد ماتوصل امريكا وبمرور سنه على اقامتك تكدر اتعدل شهادتك وراح يسولك امتحان وعلى هذا الاساس هما راح يقررون او يقيمون  ان اتعدل شهادتك او اتكمل الدراسه ,,,واكيد بعد سنه المصاريف هما يتكفلون بيها اما اذا قبل سنه حبيت اتعدل الشهاده او اتكمل راح اتكون على حسابك ,,,هذه المعلومات في مقاطعه مودستو  ولايه كالفورنيا بصراحه ماعرف بالنسبه لباقي الولايات,,,وبالموفقيه وتحياتي

[سوسن كليانه]

اخي ماجلان اكيد هذه لكل اللاجئيين والدراسه مالها علاقه بالكرين كارت ولااتصدك الكرين كارت راح تسلمه بعد اشهر  اني مقدمه من شهر الواحد ومع العلم اني قدمه بعد مروري سنه اهنا ولحد الان مامستلمه اي شي وقبل كم يوم يلا وصلتنا ارواق نمليها ورحنا للمنظمه وسلمناها الهم,,,وكالو شهر الثامن راح توصلنا اوراق وبعدها انروح انسوي طبع اصابع يعني تقريبا الكرين كارت يطول سنه على تقدميه,,,واني صارلي سنه ونص في امريكا,,,ولاشكر عالواجب ياخواني الاعزاء

[Majid Radhaa]

اخواني الاعزاء
انا راح اتكلم عن حالتي و انا في ولاية فلوريدا. ممكن انه تعادل شهادتك من اول يوم توصل الى هنا او حتى اذا انت موجود خارج اميركا. توجد شركة من بين عدة شركات لكن انا اذكر هذه لاني تعاملت معهم و هي تقوم بمعادلة الشهادات بطريقة كورس الى كورس (course by course ) باختصار اجور المعادلة 130 دولار امريكي لشهادة الهندسة و مطلوب النسخة الاصلية للشهادة بالدرجات مع اوراق طلب المعادلة اللي تحصل عليها من موقع الشركة و الوقت اللازم لاتمام المعادلة هو 15 الى 20 يوم. لمزيد من المعلومات هذا موقع الشركة:
www.jsiilny.com
كنت اود لو اقدر انزل لكم نسخة من نتيجة المعادلة اللي حصلت عليها حتى تقراون ملاحظة مهمة تكتبها الشركة الا وهي انه قي راي الشركة ان الشهادة معادلة للشهادة الامريكية لكن لكل معهد او جامعة تحديد هل يحتاج الموما اليه مزيد من الدراسة ام لا و هذا نقل للنص:
this evaluation is of an advisory nature. Each institution will decide which of the about mentioned courses will transfer. This evaluation is a statement solely of education equivalence; only qualified authorities can determine whether in individual educated board can be licensed in the united states
وهذه مو بس لجامعة بغداد لانني قدمت شهادتين واحدة من جامعة بغداد و هي ماجستير هندسة و الثانية دكتوراه هندسة من الجامعة التكنولوجيه و الاثنين معادلتين للشهادات الامريكية لكن مثل ما قلت بالنسبة لاكمال الدراسة قد تحتاج الى دراسة بعض الكورسات و هذه تعتمد على الجامعة اللي راح تقدم عليها مثل ما شرحت في اعلاه مع تمنياتي للجميع بالموفقية.

[Majid Radhaa]

اخواني ارجو المعذرة كتبت اسم الموقع غلط و الصحيح هو:
www.jsilny.com
اعتذر مرة اخرى عن الخطا الغير مقصود

[ابو روزا]

ممنون منج اخت سوسن الرائعه وشكرا لكل الاخوه على التوضيح القيم ودمتم ذخرا للعراق العظيم

[سارة 2000]

والله عاشت ايدكم على هذا الموضوع القيم لان صدك اهم شي
بس ما فتهمت هاي مال هسة الشهادة تعتبر متعادلة بس كل مؤسسة اتقرر شكل يعني شلون ممكن مؤسسات او شركات ترفض تعينك لانك معادل الشهادة مو شهادتك من عدهم ارجو التوضيح اكثر
سارة

[Majid Radhaa]

العزيزة سارة
كان المقصود بعبارة لكل جامعة او معهد متطلبات و لا تلتزم بمعادلة الشهادة هو انه لكل معهد او جهة علمية ظوابط في كيفية احتساب الساعات و مفردات المناهج المقررة و هو ما معمول به عندنا في العراق و المعروف بالمقاصة العلمية لذلك فان ما قلته يعني ان مثل هذه الجهات غير ملزمة بقبول المعادلة و عليه قد تطلب هذه الحهات دراسة بعض الكورسات الاضافية لغرض الاعتراف بدرجة البكالوريوس ، الماجستير او حتى الدكتوراه و من ثم السماح للمتقدم باكمال دراسته عندهم لنيل درجة اعلى و ما قلته لا علاقة له بالعمل

[سارة 2000]

الف شكر اخوية ماجد تعبناك ويانة
سارة

[ابو روزا]

والله يابه اليسأل اهنا يلكه الجواب بسرعه وصدق واخلاص بوركتم جميعا

[العفرس]

فعلا موضوع مهم .. بس ياريت الاخوة المهندسين المدني الي مشتغلين بامريكا يكولولنا شلون اشتغلوا يعني هل لازم معادلة شهادة لو مثلا ممكن واحد يدخل دورة يحصل بيها شهادة ببرنامج معين يفيده بالشغل لو هيج بس على الخبره؟؟؟
وشنو نوع برامج  التصميم الماشيه هناك والمفيده ؟؟ ياريت احد يشرحلنا تجربته بهالموضوع مع الشكر

[National]

يابه والله الجماعه هنا ابدا ميقصرون ومشكورين على هذا التوضيح وياريت الأخوه المهندسين اللي تخصصاتهم كهرباء مدني ميكانيك الخ واللي هسه يشتغلون بالولايات المتحده يشرحونه شنو سوو واشلون عادلو شهاداتهم وحصلو على وظائف هندسيه بأختصاصاتهم
وهل شهادات الخبره اللي حصلنه عليهه من الشركات الامريكيه بالعراق تمشي داخل امريكا
وتحياتي الكم جميعا نرجو من لديه معلومات بهذا الخصوص أن يساعدنه وأكيد راح اتساعدونه اذا عدكم معلومات وتحياتي

[violin]

مرحبا اخوية national  هذا الموضوع قديم .

اذا حاب تستفسر عن معادلة شهادة الهندسة تكدر تدخل على هذا الرابط .انشاءالله رح يفيدك.


http://www.ankawa.com/forum/index.php/topic,380395.0.html

وتدلل اخوية...

[snoopy]

اخواني المهندسين ماكو مهندس اول ميجي يعادل و يشتغل باختصاصه هذا وهم اعزائي

هنا ميعتمدون على شهادة او معادلة هاي بالنسبة للعمل اقصد يعتمدون على الخبرة مالتك و الهستوري مال العمل مالك و الي يجب ان يكون في داخل امريكا او مع شركات امريكية خارج امريكا يعني لازم يتحققون من تاريخك الوظيفي و خبرتك و مرات يطلبون منك degree من امريكا طبعا

اما عن المعادلة فهي لا تقدم و لا تأخر مجرد انت اذا اريد تدرس في كلية او جامعه راح يطلبون منك تعادلها و هم يقررون شكد تاخذ كورسات حتى تبدي تدرس عدهم و بعد ما تخلص دراسة من عدهم راح تشتغل (هاي اذا لكيت شغل) ك entry level حالك حال اي امريكي هستوه متخرج يعني دراستك الي بالعراق او خبرتك بالعمل بالعراق ما راح تفيدك بأي شي و هذا واقع حال من الي شفته بنفسي كمهندس كومبيوتر او ببقية المهندسين الي شفتهم هنا و انا صارلي سنة بامريكا

snoopy

[National]

أخواني الأعزاء violin & Snoopy أني ممنون جدا الكم على هذا التوضيح وما قصرتو

[windy]

اخوانا المهندسين احمدوا الله كثيرا ....اكو عدكم امل بمعادلة شهاداتكم ........اسهل بهواي من المجموعة الطبية ...... ومن الله التوفيق 

[heart_0f_baghdad]

بس بلا زحمه المجموعه الطبيه اصعب يعني؟ زين اني خريج صيدله شلون اول ما اوصل هناك يعني اذب بالشط الخمس السنين اللي قريتها؟

[ايفيل]

السلام عليكم شباب ممكن سؤال ...
اني خريج كلية الهندسة قسم الهندسة المدنية ومعدلي (64,49)يعني اقل من المقرر بنصف درجة تقريبا وصار لي متعين سنتين بدوائر الدولة وحبيت اسال عن وضعي في حال قدمت على دراسة الماجستير او الدبلوم العالي

[ســـرى]

اخونا ايفيل انت دتسأل عن الدراسات بالعراق؟

[kunda]

upكلش