عنوان شركة FedEx البريد السريع في العراق

[maitham70]

السلام عليكم اخواني الاعزاء
اليوم جايبلكم عنوان البريد السريع يمكن احد الاخوان يحتاجه في المستقبل هذا بريد سريع وسعره مناسب
يعني دزيت ظرف داخله ورقتين الى امريكا اخذو مني 40 الف دينار عراقي

العنوان للفائده
فندق الحمراء / شارع الجادرية / تلفون عراقنا / 07901585297
أيميل المكتب / station.hamra@falcongroup.bz

طبعا المكتب بنفس استعلامات فندق الحمراء

[BaghdadGhost]

اخي ميثم ,,,,, اخي ماجلان ,,,,,

تسلمون على المعلومات و بارك الله بيكم ,,,,,,,

[القرش]

                                     السلام عليكم

 شكرآ منك اخويه على هذه المعلومه .

 ابو انس

[maitham70]

اخواني شكرا جزيلا على ردودكم

اخي ماجلان شكرا على المعلومة الجديدة حياك الله اخوية العزيز

[show]

شكرا لكم على المعلومات المفيده

بالتوفيق للجميع

[الشمرية]

مشكور اخي العزيز عالمعلومة وبالتوفيق ان شاء الله

[vincenzo]

اكلك صديقي ماجلان
اذا بصفه لعد ليش ياخذون بال دي اج ال 70 دولار بينما ميثم يكول 40 الف بس!!!!
شنو على راسهم ريشة ياخذون ضعف
هاي مثل سالفة مكتب الترجمه الخمس نجوم اذا تذكرهه

اتذكر فد مرة شبح كلي اكو سالفة ثالثة غير هذولة الثنين بلكي تطلع بعد ارخص
مثل ما تعرفون اني اخوكم ابو فليس الواقعي ههههههههههه

[الذكي]

اي هذا البريد يعتبر كلش سريع هنانة بامريكا يعني اذا دز حاجة بالبريد اليوم توصل باجر الصبح لابعد ولاية بامريكا والة كثير مكاتب متوزعة بامريكا وين متروح اكو هذا المكتب

[vincenzo]

اي صديقي ماجلان...اني شلون انسى الشعبة الخامسة مال عين كاوا اللي انشمرت بيهه فوك العشرين يوم وهمزين ما فوتوني للمثرامة هههههههههههههه
المهم صديقي انت تدري هذا الاربعين دولار شكبرهه عندي
اني من المعدان الطكوا ههههههههههه
والطيارات مالتهم قابل راح اشتريهه!!!! لو اشاركهم بيهه
ماطول تطير ومتوكع وتروح معاملتي مدري بيا محيط
شعلية بيهه شكبرهه لو شلون شكلهه
هنه كم ورقة ويوصلن لنبراسكا ياعيني
هسه منو اررررررررررخص شي ؟؟؟ اذا اكو بعد ارخص من فدكس

[عبسي]

اخواني dhl عدهم ايضا خدمة التامين على البضاعة هنا بالاردن وتزيد على قيمة النقل حوالي 20 دينار فد يوم انهديت بيهم كتلهم اذا ال 20 هية تامينات لعد ال 40 دينار شنو كالو هاي بس خدمة توصيل كتلهم واذا ضاعت يمة؟ كالو معلينا ممكن تضيع او تتلف ؟كتلهم لعد يابة شنو فرقكم عن سايق التريلة خوب يوصلها اسرع وهم يا توصل يا متوصل مثلكم

[vincenzo]

ليش تكلبوهه شقه اخوان
اني متشاقي وياكم كبل؟؟؟ ههههههههههه
صدك صدك منو الارخص
لان اني عندي شعور الاوتوريبلاي الجاي لو وياه الكوم ابروفال يلهث لو الرفض يركض
وانتو متحبون اخوكم ينطرح زوج

[Solid Snake]

Thaaanks

[maitham70]

حبايب شكرا جزيلا على الردود ونقاشكم الاجمل والاروع

بس تدرون اني الطرد الي دزيته يومين ماطالع من بغداد بسبب الظروف الجويه

وهسه جاي اتابعه وين وصل اول باول لان مكتوب على الوصل الي استلمته كود نمبر ادخل على الموقع الرئيسي مال الشركة واكتب الكود راح يطلعلي الطرد وين واصل حتى موعد التسليم هم مكتوب يعني يوصل الى امريكا فلوريدا 7/7/2009 الساعه العاشرة والنصف يسلم للشخص المعني

هاي ماادري صدك لو مثل ربعنه قبل من كان عدنه بريد كله صلخ وكذب كانوا يدزلي مجلات مال بناء اجسام الجماعه يقفصون عليه يابه ليش هذا الطرد مفتوح اسباب امنيه