المحرر موضوع: سندريلا العراقية  (زيارة 1113 مرات)

0 الأعضاء و 1 ضيف يشاهدون هذا الموضوع.

غير متصل ديراني

  • عضو مميز متقدم
  • *******
  • مشاركة: 8927
  • الجنس: ذكر
  • ايتها البتول مريم اني اسلم ذاتي لرأفتك
    • ياهو مسنجر - shpera_1980
    • مشاهدة الملف الشخصي
    • البريد الالكتروني
سندريلا العراقية
« في: 01:15 22/11/2009 »

 
سندريلا
كان ياما كان في عتيك الزمان (من جان الرسيفر ب 5 دنانير ونص و من جان البعير همر و من جان الصمون ينباع فل)
جان اكو بنيه اسمها سندرلا خوش بنيه و علمودها غنة حسام الاغنية مال العكربة,,,المهم جان عدها مرت اب كلش خبيثة و جانت تشتغل وية الامريكان مترجمة و ابوها جان خطية يبيع قوايش مبردات حجم 1100 اب عكد النصارى و احيانا يبيع شخاط فلّ خوش ازلمة جان مال اول ... و جانو الكل سايكين على سندرلا خطية روحي سوي الجوزة مال مولد فصلت ,,,روحي اوكفي سرة عال غاز,,, روحي السهام العبيدي اشتري شحاطات ال خواتج (اللي همة جانو 3 خوات بس من غير اب هم خبيثات للهامة ),,,روحي شلعي الشتايكر مال السطح و رجعية مرة لخ,,,روحي جيبي لفات فلافل مشي,,روحي بدلي الدهن مال المولدة الاقصى كامت أتفحّط ...و هاي خطية جانت كلش حبااابة و تروح ولا تفتح حلكها (بس من جواها جان التقسيم مشتغل) المهم,,,,,الى أن يوم من الايام جانت دا اصعد مي اب جليكان ابو ال 20 (المي ضعيف و الماطور ما ايصعد لان ماكوكهرباء) لكت بالطرمة فانوس بس شنوو مزنجر و عتيك عبالك جان ابدوائر الدولة و اتحوسم جتي علية فركتة و جرررب كام يطلع دخان سندرلللا انرعصت و ازبهّلت و رجعت خطوتين للخلف بسبب المفاجأة حتة اصطمت بالدنكة(مع انه ما جان اكو دنكة) و كالت :هاي شنو العالم حتة هنا ايحركون زبل و تايرات؟؟؟شنو هال دخان هذا؟الدخان شوية شوية اتحول الى جني لابس دريس مال برشلونة و بوتين اديداس وسوار ذهب و حاط معطر free for men و كللها:-
-شبيك لبيك عبدك بين ايديك انا الجني رامي من العرصات شتريدين اسويلج بس عال سريع لأان ماما دكتلي مسكول لازم ارجع
-عمو جني اريد وطني 24 ساعة ممكن؟
-ولج بابة هوة اني ساحب واير 5 امبير من مولد للفانوس اشون اجيبلج الج وطني 24 ساعة؟ شنو جني لو وزير الكهرباء؟
-زين عمو عمو اريد قنينة مال غاز متروسة لأن امعوزين و كلش .....
-ولج عمو شنو هال حجي؟ ولج انتي شكد فكرية.. اكو واحد يطلب من جني قنينة مال غاز؟ شايفتني رابط الفانوس عال حصان؟
-عمو عمو لعد اشتكدر اتسويلي؟
-باعي عمو انتي بعدج اصغيرة و محرومة و الامير راح ايسوي حفلة و ادري عائلتج راح اتروح شنو رايج لو اخليج اتروحين و تتونسين؟ احتمال اتطلعين اب صاية و صرماية لأن الشرقية هم دا اتصور هناك حفلة طاكة بابة.
- زين اشلون اروح عمو؟نفرات لو كيا؟
-بابة معليج هسة غمضي عينج.... سندرلا غمضت عينها (و من الغريب يا جماعة انه اول ما غمضت عينها ما كامت اتشوف و هذا الشي محد لكالة تفسير لي هسة)و جررررب شافت سندرللا نفسها لابسة تنورة كصيرة و بدي و حذاء مفتوح يعني طلعت حااتة اللا مش ممكن (الجني زرك السهام العبيدي و طرق عال سريع ورقة و نص و جابلهيا لأن طلع لوكي مال حاتات عتيك)
و كللها الحلفة اقصد الحفلة تخلص بال 8 و نص علمود منع التجول و كل هاي الهدوم راح توكع و الحذاء و الميك اب و كلشي راح يختفي اذا عبرت ال 8 و نص و احتمال تنلعسين بالطريق
-حاضر عمو شكرااااااااااااااااااااااا(هاي شكرا الطويلة مال الزعاطيط)
وصلت سندرللا البيت الامير جان امسوي حفلة لان طلع 77 بالسادس حيروح اهلية احتمال او طب بيطري بعد ما اعرف و الحفلة جان بيها نجود و سمراء و ساجدة عبيد(كلة هجع و عالكة) و سهام السبتي هم جانت موجودة و الامير شاد الرباط علة راسة و امقندل و صاير طلي و ردح لليافوخ و فجأة الامير صاد سندرللا و عجبتة و كابلها جتف ساعتين و ساندرللا نست روحها و نست الكراب و السراوات و البهذلة و نزلت ردح الى ان صارت 8 و نص ......اللهّّّّ!!!!! انلاصت اتذكرت الوصية مال رامي الجني و كالت لازم اشطح و ركضتلك عال سريع جنها برزلة هس توها امجفتة و الامير وراها:
-وج تعاااي شبيج اتخبلتي؟مو دا احاجيج ؟؟؟ وين امولية ؟؟؟ فضيلة(هلكد ما سكران نسة اسمها)المهم ركضت سندرللا و جررب وكع الحذاء مالتها بلا ما تدري جان الامير ايشيل الحذاء و لزمة و ضل صافن عال عالم اللي انتبهو عال لقطة و كامو ايباوعون علية الامير بقة شايل الحذاء و مصدوم و صورة سندرللا الحلوة اببالة,,, الحفلة اتوقفت طبعا و العالم سكتت من المفاجأة


 
 
جان ايباوع الامير عال العالم ....صنطة.......و كال للناس :


 
 
 
الشركة العامة للصناعات الجلدية: فخر الصناعة الوطنية العراقيه خبرة و تميز في مجال المصنوعات الجلدية من الأحذية و الحقائب بأرقى المواد الاولية الفرع الرئيسي :الكرادة قرب جسر ابو الطابقين
ليس العظيم أن تصنع ألف صديق في عام واحد ولكن أن تصنع صديقا لألف عام

غير متصل عاشقة هيثم يوسف

  • عضو فعال جدا
  • ***
  • مشاركة: 534
  • الجنس: أنثى
    • مشاهدة الملف الشخصي
رد: سندريلا العراقية
« رد #1 في: 03:33 22/11/2009 »
ههههههههههههههههههههههههههههاي دودو صرت اروع حشاش بالمنتدى راح انسوي مسابقة ومنافسة وياك اني ومرمر هههههههههههه طالع توب كلوب وموتتني ضحك لووووووووووووول وبانتظار مزيدك ورفعت الراية اني ما اجيب مواضيع حلوة ومضحكة مثلك بانتظار مزيدك دودو مو تنسى

تحيتي

عاشقة هيثومي

غير متصل ديراني

  • عضو مميز متقدم
  • *******
  • مشاركة: 8927
  • الجنس: ذكر
  • ايتها البتول مريم اني اسلم ذاتي لرأفتك
    • ياهو مسنجر - shpera_1980
    • مشاهدة الملف الشخصي
    • البريد الالكتروني
رد: سندريلا العراقية
« رد #2 في: 07:31 22/11/2009 »


ههههههههههههههه

موتج ضحك شنو قرقوز كدامج

منورة الموضوع يا حشاشة
ليس العظيم أن تصنع ألف صديق في عام واحد ولكن أن تصنع صديقا لألف عام

غير متصل همسة حب

  • عضو مميز متقدم
  • *******
  • مشاركة: 10845
    • مشاهدة الملف الشخصي
    • البريد الالكتروني
رد: سندريلا العراقية
« رد #3 في: 10:27 22/11/2009 »
هههههههههههههه عااااااااااشت الاياااااااااااااادي يااااااااااااااااوردة

غير متصل ديراني

  • عضو مميز متقدم
  • *******
  • مشاركة: 8927
  • الجنس: ذكر
  • ايتها البتول مريم اني اسلم ذاتي لرأفتك
    • ياهو مسنجر - shpera_1980
    • مشاهدة الملف الشخصي
    • البريد الالكتروني
رد: سندريلا العراقية
« رد #4 في: 15:49 22/11/2009 »


يسلمو للمرور الحلو
ليس العظيم أن تصنع ألف صديق في عام واحد ولكن أن تصنع صديقا لألف عام

غير متصل مـ ـريـ ـومـ ـة

  • عضو مميز متقدم
  • *******
  • مشاركة: 5599
  • الجنس: أنثى
  • حلــــوة ويحلالــي الدلــــع
    • مشاهدة الملف الشخصي
رد: سندريلا العراقية
« رد #5 في: 14:04 23/11/2009 »
هههههههههههه تحشيش حلوو يسلمووووووووو ديراني



غير متصل ديراني

  • عضو مميز متقدم
  • *******
  • مشاركة: 8927
  • الجنس: ذكر
  • ايتها البتول مريم اني اسلم ذاتي لرأفتك
    • ياهو مسنجر - shpera_1980
    • مشاهدة الملف الشخصي
    • البريد الالكتروني
رد: سندريلا العراقية
« رد #6 في: 00:43 24/11/2009 »
يسلمو للمرور الحلو مريم
ليس العظيم أن تصنع ألف صديق في عام واحد ولكن أن تصنع صديقا لألف عام

غير متصل angel_f

  • عضو مميز متقدم
  • *******
  • مشاركة: 7329
  • الجنس: أنثى
  • *(الله محبة)*
    • مشاهدة الملف الشخصي
رد: سندريلا العراقية
« رد #7 في: 22:57 24/11/2009 »
يسلمو على الموضوع الطريف..
تحياتي Angel_F.

غير متصل ديراني

  • عضو مميز متقدم
  • *******
  • مشاركة: 8927
  • الجنس: ذكر
  • ايتها البتول مريم اني اسلم ذاتي لرأفتك
    • ياهو مسنجر - shpera_1980
    • مشاهدة الملف الشخصي
    • البريد الالكتروني
رد: سندريلا العراقية
« رد #8 في: 06:00 25/11/2009 »


يسلمو للمرور الحلو
ليس العظيم أن تصنع ألف صديق في عام واحد ولكن أن تصنع صديقا لألف عام