' ; أسئلة و أجوبة في الـ SIV شامل

المحرر موضوع: أسئلة و أجوبة في الـ SIV شامل  (زيارة 26400 مرات)

0 الأعضاء و 1 ضيف يشاهدون هذا الموضوع.

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
السلام عليكم

طبعاً لاحظت بالفترة الأخيرة أن الكثير من الأخوة و الأخوات الأعضاء يسألون هواية أسئلة حول برنامج الـ SIV و لاحظت همين أن هواية أجوبة لأسئلتهم و إستفساراتهم مو دقيقة ... فحبيت أن أضع أمامكم هذا الموضوع حتى يكون مفتوح لكل من عنده أي سؤال أو إستفسار بخصوص هذا البرنامج ... و ان شاء الله أجاوبكم بالجواب الشافي على كل أسئلتكم من بداية التقديم على موافقة رئيس البعثة و لغاية الوصول الى الولايات المتحدة و حتى على ما تريدون أن تعرفوه على فترة ما بعد الوصول (الحقوق و الواجبات) .. بالإضافة لشرح طريقة مليء الإستمارات ... مع أمنياتي بالتوفيق للجميع.

غير متصل koka75

  • عضو فعال جدا
  • ***
  • مشاركة: 418
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #1 في: 02:21 15/02/2010 »
شكرا لك اخي العزيز ماجلان لفتح هيجي موضوع وحبيت اكون اول من اسال وياريت يكون جوابك الي وافي اخي العزيز
  1: هل بيانات الولادة مطلوبة من ضمن الاوراق المطلوب ارسالها الي مكتب ال  nvc  ام لا فقط هوية الاحوال المدنية وشهادة الجنسية راح تكون كافية واذا جاوبتني وكلت راح تكون كافية وممطلوبه بيانات الولادة فراح اكتبلك نص من الرسالة الي اجتني من مكتب ال  nvc  والي تكول عن الاوراق المطلوبة الاتي

Applicants will need to send scanned copies of the following documents:
􀂷 Their U.S. military I.D. and or their U.S. government I.D.,
􀂷 Their civil documents (birth certificates, marriage certificates, please also include
the Iraqi national and personal identification cards (Bitaqa Shakhsiya / Hawiyya
and Bitaqa Jinsiyya) and all pages of the family book)
􀂷 Documents for any accompanying family members (i.e., spouse and/or children
under the age of 21),
􀂷 Police certificates,
􀂷 Biographical data page of their passport.

 والي نلاحض بالرسالة انه مكاتبين عبارة اما بيانات الولادة او الجنسية العراقية او شهادة الجنسية وهاي العبارة الي موجودة في موقعهم الرسمي والي الاخت سرى ذكرتني بيها بموضوعي السابقة عن بيانات الولادة فشنو الفلم رحمة علوالديك


2: هل المطلوب تزويدهم بعدم محكومية اذا جنت عايش في دولة اقل من سنة وبصورة مستمرة ام لا لكوني عشت في بلغاريا لاطول فترة مستمرة حوالي 8 اشهر
3: هل لازم ورة ماطلع صورة قيد لي وللعائلة للسجل المدني او  كتاب العائلة او صورة قيد 57 اي قصدي مهما كانت تسميته هل المفروض او لازم اوديه واترجمه من الدائرة الي صايرة يم جسر السنك والي تابعة لدائرة الاحوال المدنية ووراها اروح اصدقة بتصديقات الداخلية الي صايرة يم الملجا بزيونة مقابيل مدينة العاب بيت طبرة ووراها اصدقة من الخارجية قسم التصديقات ام يكفي ان استخرج صورة القيد واترجمه من اي مكتب ترجمة
 وشكرا لك اخي العزيز على هذا الموضوع الي اعتقد ومتاكد سيساعد الكثيرين الي بعدهم بنص الطريق مثل حالتي اني اخوووك ابو محمود

غير متصل koka75

  • عضو فعال جدا
  • ***
  • مشاركة: 418
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #2 في: 02:44 15/02/2010 »
عندي سؤال اخر اخي العزيز اكثر الفورمات الي مطلوب نترسه وندزها واكيد بيها محل ميلاد كل شخص من العائلة ولكوني لدي اثنان من اطفالي مولودين خارج العراق وكما يعرف البعض انه في حالة ولادة اي عراقي خارج العراق ففي الهوية مراح ينكتب هاذا الشخص مولود في هذه الدولة فراح ينكتب انه مولود في العراق وفي بغداد وكل حسب محافضته فسؤالي هوة شنو الي اكتبه بالفورمات من يطلبون اذكرلهم محل الولادة هل اذكرلهم الصحيح وهوة خارج العراق او هل اذكرلهم مثل مامكتوبه بالهوية وشهادة الجنسية والجواز انه الولادة داخل العراق لاني متخوف خاف يعتبروها تزوير لان في صورة القيد  او قيد 57 راح يذكرون كل التفاصيل وحتة مكان الولادة الاصلي فشسوي رحمة علوالديك وشكتب بالفورمات المطلوبة علما اني دزيت رسالة لمكتب ال  nvc  وشرحتلهم الفلم هذا وصار اكثر من اسبوع ومجاوبوني لحد الان فاني متحير شكتب بالفورمات وشكرا الك اخي العزيز
 اخوكم  ابو محمود

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #3 في: 04:18 15/02/2010 »
أخوية أبو محمود

بالنسبة لسؤالك الأول .. فراح أحجيلك على طريقتين و انت تختار اللي تناسبك ..

الطريقة الأولى:

أن تسوي اللي يريدونه منك بالضبط .. و هذا اللي سويته بمعاملتي بفترة التقديم .. و مصار عندي أي مشكله بوقتهه.
و هو أن تسوي معاملة بيانات ولادة .. و طريقتها كالتالي:

تروح الى العيادة الشعبية اللي يكون بيهه مكتب احصاء الولادات و الوفيات بالمنطقة اللي انولدت بيهه و تاخذ منهم بيان ولادة و توديه لدائرة الولادات و الوفيات اللي يصير بساحة عدن بالكاظمية و يتم تصديقة من يمهم و بعدهه توديه لمكتب الترجمه ... و هو ميحتاج تصديق من وزارة الخارجية.

تسوي معاملة طلب الحصول على صورة قيد من دائرة نفوسك و توديهه لدائرة النفوس الموجودة في السنك و تسوي معاملة صورة قيد 57 كاملة و مترجمة و توديهه مثل ما انت ذاكر لتصديقات الداخلية بزيونة و لتصديقات الخارجية.

تسوي معاملة صحة صدور عقد الزواج من المحكمة اللي صادر منهه العقد و بعدين تاخذهه الى دار العدالة قرب وزارة الداخلية (مقابيل سيد حمد الله) قرب مستشفى الجملة العصبية و همه يكولولك عوف المعاملة و تعال بعد اسبوع ... و بعدين تروح تاخذ العقد منهم كامل من كل الأختام و توديه لمكتب الترجمة و وراهه لكاتب عدل الصالحية و همين ينختم من كاتب العدل و بعدين آخر شي توديه لدائرة تصديقات الخارجية لغرض التصديق.

الجنسية و شهادة الجنسية و دفتر الخدمة العسكرية بس توديهن مكتب ترجمة و هذا هو (بدون تصديق الخارجية).

طبعاً اللي ذكرته أعلاه هو (الطريقة المثالية) و هو الشي اللي سويته بمعاملتي.

الطريقة الثانية:

مثل ما سووا عدد من أصدقائي و هو ترجمة الجناسي و شهادات الجنسية العراقية و دفتر الخدمة العسكرية بنفسهم (بدون مكتب) و كتبوا تعهد بأنهم مترجمين و مؤهلين للترجمة و اعتبروا الجناسي بديل لبيان الولادة.

تاخذ صورة قيد من دائرة النفوس و تترجمهه يم مكتب ترجمة أو بنفسك و بدون تصديق الخارجية.

تترجم عقد الزواج بنفسك و بدون تصديق الخارجية.

------------------------------------------------------------------------------------------

ما يخص الإيميل اللي دازيلكياه فهو بصراحة جديد و مجانوا يكتبون هذا الكلام بالسابق ... لكن كلامهم كلش واضح و هم مركزين على بيانات الولادة فالأفضل أن تسويهن و تدزهن.


غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #4 في: 04:25 15/02/2010 »
عندي سؤال اخر اخي العزيز اكثر الفورمات الي مطلوب نترسه وندزها واكيد بيها محل ميلاد كل شخص من العائلة ولكوني لدي اثنان من اطفالي مولودين خارج العراق وكما يعرف البعض انه في حالة ولادة اي عراقي خارج العراق ففي الهوية مراح ينكتب هاذا الشخص مولود في هذه الدولة فراح ينكتب انه مولود في العراق وفي بغداد وكل حسب محافضته فسؤالي هوة شنو الي اكتبه بالفورمات من يطلبون اذكرلهم محل الولادة هل اذكرلهم الصحيح وهوة خارج العراق او هل اذكرلهم مثل مامكتوبه بالهوية وشهادة الجنسية والجواز انه الولادة داخل العراق لاني متخوف خاف يعتبروها تزوير لان في صورة القيد  او قيد 57 راح يذكرون كل التفاصيل وحتة مكان الولادة الاصلي فشسوي رحمة علوالديك وشكتب بالفورمات المطلوبة علما اني دزيت رسالة لمكتب ال  nvc  وشرحتلهم الفلم هذا وصار اكثر من اسبوع ومجاوبوني لحد الان فاني متحير شكتب بالفورمات وشكرا الك اخي العزيز
 اخوكم  ابو محمود

عند مليء الإستمارات فالأفضل أن تكتب محل الولادة الصحيح (الأصلي) و هذا ميعتبر تزوير لأن هو الحقيقة ... و بالنسبة للجنسية فإنت تترجمهه مثل ما هي بدون تغيير محل الولادة لأن الدائرة اللي صدرت الجنسية هي من أعطى معلومات خاطئة و هذا طبعا ضمن قوانين البلد.

و ان شاء الله يجيك جواب الـ NVC و اني متأكدر رح يكولولك أن تكتب محل الولادة الأصلي لأن الأمريكان ميريدون غير المعلومات الحقيقية.

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #5 في: 05:43 15/02/2010 »
ماجلان ممكن ادخل وياك عالخط ؟؟

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #6 في: 06:28 15/02/2010 »
ماجلان ممكن ادخل وياك عالخط ؟؟

أغاتي أبو عبدالله هلا بيك ... و بدون ما تدك الباب ... تفوت كبل ... البيت بيتك

غير متصل بغدادي76

  • عضو فعال جدا
  • ***
  • مشاركة: 900
    • مشاهدة الملف الشخصي
رد: أسئلة و أجوبة في الـ SIV شامل
« رد #7 في: 09:30 15/02/2010 »
أخوية ماجلان آني من وصلني موافقة الجيف اوف مشن سويت حسب التعليمات ودزيت لنبراسكا, صار شهر وماجي الرد, بس مو هذه الموضوع, ملاحضتي عن دفتر الخدمة , ماكو بالتعليمات طلب دفتر الخدمة ! منين جبتو مال دفتر الخدمة هاي ؟

ومشكووووووووووور جدا على هذه الموضوع المفيد
قاعدة ذهبية توفر عليك آلاف الدولارات وضياع الوقت
((((إذا كنت مرتاح في العراق = لن ترتاح ابدا في امريكا)) والعكس صحيح ((إذا لم تكن مرتاح في العراق = ستجد الراحة في امريكا))

غير متصل Abo Rami

  • عضو فعال جدا
  • ***
  • مشاركة: 407
    • مشاهدة الملف الشخصي
رد: أسئلة و أجوبة في الـ SIV شامل
« رد #8 في: 09:45 15/02/2010 »
اخي KOKA
اضافةالى ماذكره الاخ ماجلان مشكورا ومن بعد اذن ماجلان اخي اني اخير ايميل اجاني من السفارة طلبوا مني اما شهادات الميلاد النسخة الاصلية او قيد 1957 النسخة الاصلية في حال عدم توفر شهادات الميلاد وفعلا ارسلتلهم صورة القيد الاصلية والمعاملة مشت واكتفوا بيه والحمدلله
تحياتي
ابو رامي

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #9 في: 10:02 15/02/2010 »
أخوية بغدادي76

انت ماطول بعد مجايك الرد من الـ NVC فأكيد متعرف أنهم رح يطلبوه منك ... لأن جماعة الـ NVC هم اللي يطلبوه بالإيميل اللي هسه يوصللك منهم عن قريب ان شاء الله و يحطون بالإيميل مرفق على شكل pdf و يذكرون بيه كل المستمسكات اللي يحتاجوهه منك أن تبعثها ... و من ضمنها دفتر الخدمة العسكرية الأصلي (نسخة ألكترونية) و الترجمة و يسموه Military Record .

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #10 في: 10:07 15/02/2010 »
أخوية أبو رامي كلامك صحيح و أتفق وياك 100% ... و آني سبق و أن ذكرت بأن بعض أصدقائي دزوا بس الجناسي و شهادات الجنسية و صور القيد و ما دزوا بيانات الولادة و مشت أمورهم و الحمد لله و أغلبهم هسه بأمريكا.

غير متصل ضوء الشمس

  • عضو فعال جدا
  • ***
  • مشاركة: 161
    • مشاهدة الملف الشخصي
رد: أسئلة و أجوبة في الـ SIV شامل
« رد #11 في: 10:27 15/02/2010 »
أخي ماجلان
ارجو ان اكون مفيد لكم بهذه المعلومه، على الشخص عند ملئ الفورمه عند سؤال مكان الولاده يذكر لهم مكان الولاده المذكور في الجواز لا في الجنسية ويرفق معها ملاحظة بورقه اصة يذكر لهم المكان الحقيقي للولاده لانه هذا سبب تعطل استلامي الفيزه انني سجلت مكان الولاده الحقيقي لكن في جوازات اولادي مكتوب انهم ولادة العراق بغداد وهم ولدو في قطر ولهذا القنصل اعطاني ورقة تأجيل لحين تصحيح مكان ولادة ابنائي واصدار جواز جي.
لهذا ليكتب لهم مكان الولاده المكتوب في الجواز اسلم وافضل ويشرح لهم قانون العراق في تحويل النفوس من اي دولة الى العراق وهذا سيكون واضح في صورة القيد التي تحدد مكان الولاده الحقيقي وارجو ان لا اكون ازعجتكم.

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #12 في: 11:50 15/02/2010 »
مشكور أخوية ضوء الشمس و طريقتك و فكرتك صحيحة و مشكور على ملاحظتك

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #13 في: 12:04 15/02/2010 »
شكرا ماجلان واريد احيي كل الي رايجين على برنامج الاس اي في وان شاء الله الموفقيه
واريد اشكرك للموضوع واهميته

!
أخوية ماجلان آني من وصلني موافقة الجيف اوف مشن سويت حسب التعليمات ودزيت لنبراسكا, صار شهر وماجي الرد, بس مو هذه الموضوع, ملاحضتي عن دفتر الخدمة , ماكو بالتعليمات طلب دفتر الخدمة ! منين جبتو مال دفتر الخدمة هاي ؟

ومشكووووووووووور جدا على هذه الموضوع المفيد

بغدادي في حاله طلبوا الدفتر من عندك ,,,, كل الي عليك تسوي التالي :

1. تفتح وورد دكيمنت و تذكر بيهه بان الدفتر ضاع لان كذا و كذا   و تكتب بيهه اسمك الكامل و كل التفاصيل المعنيه بالخدمه العسكريه مالتك   يعني الوحده و تاريخ الخدمه بيهه و المكان مال الوحده  العسكريه سابقا

2. تعيد تسميه الوورد دكيمنت و تسميهه Military Record 

3. تسوي ربلي للايميل مالتهم الي طلبو بي دفتر الخدمه (( اذا طلبوا منك )) و بالجواب تسوي اتاجمنت للوورد

4. بالايميل الي راح تدزه (( يعني بالايميل نفسه مو الاتاجمنت))تكتب ترة كذا و كذا attached ...

و ابوك الله يرحمه ,,,,

غير متصل مالايكي

  • مبدع قسم الهجرة
  • عضو مميز
  • *
  • مشاركة: 1176
  • الجنس: ذكر
    • مشاهدة الملف الشخصي
رد: أسئلة و أجوبة في الـ SIV شامل
« رد #14 في: 12:14 15/02/2010 »
السلام عليكم

بالمناسبة اني مقدم   siv من 2-11-2009    صحيح بعدني بالبداية بس ردوا الي جواب   عندك خطأ  وصححته وبعدنييييييييييييييييييين  ما اطول عليك السالفة 31-12-2009 كلولي اوراقك راحت للسفارة ببغداد  وانتظر ولحد الان ماكو  زين ليش؟ ليش ؟هذا التأخير

سألتهم كم مره وكالوا انتظر

منو واصل مثل مرحلتي اعتقد اخ ايكو  مثلي مو؟  واخ فاب كالسو


وشكرا

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #15 في: 12:30 15/02/2010 »
أخوية رامي ... من توصل أوراقك للسفارة رح يتصلون بالسوبر فايزر مالتك حتى يتأكدون من الريكمنديش اللي هو كاتبهه و أيضاً يتصلون بالشركة اللي زودتك بتأييد الخدمة و أيضاً الإجراءات الأمنية و الإدارية ... و كل هذه الأمور  هي اللي تأخر اتصالهم بيك فإنت حاول تتصل بالسوبر فايزر مالتك و تسأله إذا كان واصله أي إيميل منهم بخصوص معاملتك ... و لو هو مراح ينطيك الجواب لأن هذا الإيميل يكون سري بينه و بين السفارة فقط ... بس انت من تسأله رح تذكره أخاف ناسي يجاوبهم ... و ان شاء الله خير.

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #16 في: 12:31 15/02/2010 »
أخي ماجلان
ارجو ان اكون مفيد لكم بهذه المعلومه، على الشخص عند ملئ الفورمه عند سؤال مكان الولاده يذكر لهم مكان الولاده المذكور في الجواز لا في الجنسية ويرفق معها ملاحظة بورقه اصة يذكر لهم المكان الحقيقي للولاده لانه هذا سبب تعطل استلامي الفيزه انني سجلت مكان الولاده الحقيقي لكن في جوازات اولادي مكتوب انهم ولادة العراق بغداد وهم ولدو في قطر ولهذا القنصل اعطاني ورقة تأجيل لحين تصحيح مكان ولادة ابنائي واصدار جواز جي.
لهذا ليكتب لهم مكان الولاده المكتوب في الجواز اسلم وافضل ويشرح لهم قانون العراق في تحويل النفوس من اي دولة الى العراق وهذا سيكون واضح في صورة القيد التي تحدد مكان الولاده الحقيقي وارجو ان لا اكون ازعجتكم.


اخي كلامك صحيح بس لاتنسى انت دتتعامل ويا ناس ما يعرفون بالقوانين العراقيه وعدهم قوائم المعاملات وكيفيه تسييرها فقط
الافضل مثل ما كلت .... يمشي المعامله كليتهه عالجواز والمعلومات الي بيه .. ويدز ايميل يستفسر بيه من الان في سي على هاي الحاله
وبعدين يرفق جواب NVC  ويا الاوراق مالته وفضت راحت .

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #17 في: 12:35 15/02/2010 »
السلام عليكم

بالمناسبة اني مقدم   siv من 2-11-2009    صحيح بعدني بالبداية بس ردوا الي جواب   عندك خطأ  وصححته وبعدنييييييييييييييييييين  ما اطول عليك السالفة 31-12-2009 كلولي اوراقك راحت للسفارة ببغداد  وانتظر ولحد الان ماكو  زين ليش؟ ليش ؟هذا التأخير

سألتهم كم مره وكالوا انتظر

منو واصل مثل مرحلتي اعتقد اخ ايكو  مثلي مو؟  واخ فاب كالسو


وشكرا


اخ رامي كلام ماجلان صحيح,,,, لتوضيح الامر قليلا ,, الان معاملات SIV  تدخل تجييك امني في مرحله الجيف اوف مشن COM  مو مثل قبل بنبراسكا يالله او حتى مرات بالان في سي نفسه يالله تدخل المعامله التجييك الامني

يعني باختصار لا تفكر بالموضوع هوايه لان راح تتعب وصدكني اكيد من تتركه للموضوع وتعيش حياتك بالموجود مراح اتشوف الا وانت عندك موعد مقابله

تحياتي واحترامي

غير متصل مالايكي

  • مبدع قسم الهجرة
  • عضو مميز
  • *
  • مشاركة: 1176
  • الجنس: ذكر
    • مشاهدة الملف الشخصي
رد: أسئلة و أجوبة في الـ SIV شامل
« رد #18 في: 12:51 15/02/2010 »
[size=16p
اشكركم

همه سألوا ال البي او سي عليه وعلى الريكومينديشن   

اوك ابو عبد الله والله هم سمعت هيج اشكرك [/size]

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #19 في: 12:56 15/02/2010 »
حبي الله كريم مثل ما كتلك
عيش حياتك بالموجود واتلله كريم لاتفكر بهاي السالفه لان صدك اتعب

تحياتي وبالموفقيه

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #20 في: 12:57 15/02/2010 »
الي بعدوا

NEXT IN LINE  ;D ;D ;D ;D ;D ;D ;D

غير متصل ال رداد

  • عضو فعال جدا
  • ***
  • مشاركة: 392
  • الجنس: ذكر
  • ابو علاء
    • مشاهدة الملف الشخصي
رد: أسئلة و أجوبة في الـ SIV شامل
« رد #21 في: 13:16 15/02/2010 »
هههههههههه حياك ابو  عبدالله علا الي بعدو   والله  جنت ضايج  تحياتي للجميع اخ ماجلان شلونك اخويه
لااله الا انت سبحانك______________ اني كنت من الضالمين

غير متصل عيني بغداد

  • عضو فعال جدا
  • ***
  • مشاركة: 311
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #22 في: 14:20 15/02/2010 »

السلام عليكم

شلونك عزيزي ماجلان
السؤال جنت رايد انزله على شكل موضوع بس مادام انت فتحت هيجي سالفه خلي اسألك.

المراجعة الادارية الثانية اللي تصير بعد مقابلة السفارة , منو يكون مسؤول عنها؟ يعني هل الاوراق ترجع لNVC ؟ علمود نبدي نتصل بيهم.

تحياتي
عيني بغداد

غير متصل koka75

  • عضو فعال جدا
  • ***
  • مشاركة: 418
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #23 في: 22:11 15/02/2010 »
مشكورراخي العزيز ماجلان وجميع الاعضاء الي كتبو بهذا الموضوع وبالنسبة للاخ السائل عن موافقة رئيس البعثة انا قدمت اوراقي في شهر السابع من السنة الفائتة اي في سنة 2009 وبعد ثلاث شهور ونصق يلة اجتني الموافقة وهم نفس الحالة جان اكو تصليحات وجان اكو استفسارات منهم وجان هناك سؤال عن كتاب التزكية وجاوبتهم على كلشي وورة 3 اشهر ونص يلة حصلت الموافقة فهاي الاجرائات والتاخير الي دتسال عليه فدشي عادي وصاير ومو بس وياية وية هواية اعضاء واما بالنسبة لاخي ماجلان فاني الي راح اسويه شنو انشالله راح اسوي صورة قيد 57 واترجمه من مكتب خارجي وبدون تصديقات  وراح اترجم عقد الزواج وايضا بدون تصديقات وراح ادز فقط  هوية الاحوال المدنية وشهادة الجناسي بدون بيان ولادة ونشالله شيصير وياية هم ابلغكم بيها ونشالله تمشي الامور تحياتي للجميع ونشالله الموفقية للجميع
    اخوووكم ابو محمود

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #24 في: 00:01 16/02/2010 »

السلام عليكم

شلونك عزيزي ماجلان
السؤال جنت رايد انزله على شكل موضوع بس مادام انت فتحت هيجي سالفه خلي اسألك.

المراجعة الادارية الثانية اللي تصير بعد مقابلة السفارة , منو يكون مسؤول عنها؟ يعني هل الاوراق ترجع لNVC ؟ علمود نبدي نتصل بيهم.

تحياتي
عيني بغداد

أغاتي العزيز ... عيني بغداد ,,,

المراجعات هي نوعين:

المراجعة الإدارية: و هاي تكون في مكتب التأشيرات القومي (NVC) ... بس خلي في بالك أنه متكدر تعرف وضع معاملتك من تدخل المراجعة الإدارية و هاي الحالة يصير بيهه جمود و هي بس عبارة عن فترة إنتظار ... يعني حتى لو تدزلهم إيميل ميجاوبوك ... أو ... يردون عليك بدون ما ينطوك أي جواب.

المراجعة الأمنية: و هاي تكون في مكتب دائرة الهجرة (USCIS) التابع لوزارة الأمن القومي الأمريكي (DHS) و هم نفس الحالة .. يعني متكدر تعرف أي نتيجة حتى لو إتصلت بيهم ... و هاي المراجعة تصير لسببين:

الأول: إذا كان إسم واحد من الموجودين بالكيس من الأسماء الشائعة .. مثلاً (علي حسين محمد) فيصير تدقيق أكثر للإسم و المعاملة رح تفتر بهواية مكانات (سفارات + دوائر أمنية أمريكية) و مرة عرفت من أحد الأشخاص بأن الإسم يفتر على الدوائر الأمنية في كل الولايات الأمريكية .. لكن مع هذا لا يظل بالك لأن هاي العملية سريعة و أهون من المراجعة الإدارية.

الثاني: هو تأخر صدور السكيوريتي كليرنس ... و هاي أكثر شي تصير ويه المعاملات اللي تطلع من دائرة NVC بسرعة لأن أثناء الإجراءات الإدارية مال الـ NVC أكو إجراءات أمنية مال السكيوريتي كليرنس فمرات تخلص الإجراءات الإدارية بسرعة و تبقى الأمنية مخلصانة فيصير تأخير بعد المقابلة. و مرات تتأخر المعاملة بالـ NVC أكثر من اللازم بحيث يطلع السكيوريتي كليرنس (اللي مدة صلاحيته 6 أشهر) و يصير إكسباير !!! فمن تطلع المعاملة من الـ NVC يكون الكليرنس منتهي فلازم يعيدوه من جديد و هذا هو أسوأ شي ممكن يصير بمعاملات الـ SIV ... و أعتقد (إذا مغلطان) هذا اللي صار ويه أحد الأعضاء بالمنتدى و هو الأخ سبع صنايع.

مع كل هذا إنت لا تقلق لأن في أسوأ الحالات هي متتجاوز أكثر من 3 أشهر ... و مرات تخلص بأيام قليلة.


أغاتي أبو علاء ,,,

الحمد لله ... و أشكرك على سؤالك ... و همزين ضحكك أبو عبدالله و ان شاء الله متضوج.

غير متصل بغدادي76

  • عضو فعال جدا
  • ***
  • مشاركة: 900
    • مشاهدة الملف الشخصي
رد: أسئلة و أجوبة في الـ SIV شامل
« رد #25 في: 12:02 16/02/2010 »
أخواني ماجلان وأبو عبدالله التكساسي آني عندي الشغلة التالية :
المقدمة:
آني وره ما أستلمت موافقة الجيف اوف مشن دزيت الأحوال المدنية والجنسية العراقية مترجمات والجيف اوف مشن والجواز والركمنديشن والفرفكيشن على عنوان نبراسكا
اليوم أستلمت بريد من Department of Homeland Security
US.Citizenship and immigration Services
مكتوب بيه الرقم LIN-XX-XXX-XXXXX
بس ليحد هسه ماجايني ايميل !
الشغلة الي مسويتلي قلق :
آني من قدمت الموافقة مال جيف اوف مشن كتبت عريضة بيهه كل معلوماتي ومن ضمنهه انو آني خادم الخدمة العسكرية 4 اشهر لأن دافع بدل نقدي (وهاي حقيقة) وبس تدريب اساسي (وهاي هم حقيقة) والصنف مشاة (الحقيقة حرس جمهوري)
آني عندي دفتر الخدمة بس مامختوم تسريح ولامذكور بيه شي عن الحرس, لأن بوكتهه استلمت كتاب التسريح من الوحدة (مال الحرس الجمهوري) وتعاجزت اروح للتجنيد وبعدين صارت الحرب.

السؤال : شنو الحل المناسب ؟
مثل ماكال ابو عبدالله اكللهم الدفتر ضايع ؟ لو انطيهم الدفتر بما انو مابيه شي عن مكان تسريحي او عن الحرس؟
زين إذا نطيتهم الدفتر ولكو مابيه ختم تسريح, حيسألوني وين كتاب التسريح ؟؟ زين انطيهم كتاب  التسريح ؟ هوه آني صحيح مشاة بس حرس بس كايل بس مشاة, لو كللهم ضاع كتاب التسريح؟

فياريت لو تشاركوني بآرائكم وتفيدون اخوكم بالنصيحة , تره أخوكم فار اوربا سنتين ونص ماحصلت شي, وهسه بلكي تصير هاي.

وشكرا مرة ثانية على هذا الموضوع.
قاعدة ذهبية توفر عليك آلاف الدولارات وضياع الوقت
((((إذا كنت مرتاح في العراق = لن ترتاح ابدا في امريكا)) والعكس صحيح ((إذا لم تكن مرتاح في العراق = ستجد الراحة في امريكا))

غير متصل engineermech

  • عضو مميز
  • ****
  • مشاركة: 1291
  • لم تحن ساعة الصفر
    • مشاهدة الملف الشخصي
رد: أسئلة و أجوبة في الـ SIV شامل
« رد #26 في: 13:56 16/02/2010 »
السلام عليكم ورحمة الله وبركاته
انا الى الان لم اقدم على برنامج siv ولكني قرات شرزط التقديم انه يجب ان يمتلك من يود التقديم على هذا البرنامج توصية من المشرف امريكي الجنسية وان يكون ايميله غير شخصي
كما اعلم انه في حالة المشرف غير امريكي ممكن ان تاخذ توصية من شخص امريكي الجنسية مع توقيع الشخص الغير امريكي
سؤالي في حالة انه الشخص الغير امريكي ايميله غير شخصي وجميع الاشخاص الحاملين على الجنسية الامريكية يملكون ايميلات شخصية ما هو العمل وكيف يمكن الحصو على توثية بحيث يقبل بها رئيس البعثة الدبلوماسية
كذلك في حالة  انه الشخص الغير امريكي ايميله غير شخصي وجميع الاشخاص الحاملين على الجنسية الامريكية يملكون ايميلات غير شخصية ولكن رفضو اعطاء هذه التوصية  ما هو العمل
اكثر من مجرد نادي

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #27 في: 14:27 16/02/2010 »
اخي بغدادي
اني افتهمت سؤالك كلش زين
والخقيقه اعتذر عن الرد وانطيك السبب .. انت سالت سؤال عام ليفوك وهذا ما بيه مضره من تجاوبه بس السؤال الي هسه مخليه وهو شنو الحل
هذا راح ايصير قرار شخصي . وهاي مساله مصيريه اذا اجاوب وصار العكس راح توكع ابراسي وانت ما تريد تكره اخوك

وصلت حبي
هذا قرارك الشخصي
اني  انطيك الحلول اني وماجلان وانت تختار

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #28 في: 14:47 16/02/2010 »
السلام عليكم ورحمة الله وبركاته
انا الى الان لم اقدم على برنامج siv ولكني قرات شرزط التقديم انه يجب ان يمتلك من يود التقديم على هذا البرنامج توصية من المشرف امريكي الجنسية وان يكون ايميله غير شخصي
كما اعلم انه في حالة المشرف غير امريكي ممكن ان تاخذ توصية من شخص امريكي الجنسية مع توقيع الشخص الغير امريكي
سؤالي في حالة انه الشخص الغير امريكي ايميله غير شخصي وجميع الاشخاص الحاملين على الجنسية الامريكية يملكون ايميلات شخصية ما هو العمل وكيف يمكن الحصو على توثية بحيث يقبل بها رئيس البعثة الدبلوماسية
كذلك في حالة  انه الشخص الغير امريكي ايميله غير شخصي وجميع الاشخاص الحاملين على الجنسية الامريكية يملكون ايميلات غير شخصية ولكن رفضو اعطاء هذه التوصية  ما هو العمل

زين اغاتي الانجنيير ميك
هو منو ابن خاله المو امريكي .؟؟ وشنو علاقه الايميل برئيس البعثه ؟ زين ابو الكوم ابروفال شيريد من عندي اني وماجلان ؟؟
 تره احنه ما مسوين شي والله عمو الله يخليك واله مو احنه .............؟

صدكني مدا افتهم سؤالك

غير متصل engineermech

  • عضو مميز
  • ****
  • مشاركة: 1291
  • لم تحن ساعة الصفر
    • مشاهدة الملف الشخصي
رد: أسئلة و أجوبة في الـ SIV شامل
« رد #29 في: 15:51 16/02/2010 »
عمو انتم ما مسوين شي بس ما تقروون لهذا ما افتهمتو السؤاله ههههههههههههه
اغاتي ابو عبدالله سؤالي عن التوصية مال المشرف
الي معروف انه لازم يكون امريكي الجنسية والايميل مالته يكون مال شركة يعني مو هوتميل لو جي ميل
واذا المشرف مو امريكي الجنسية لازم يوقع المشرف مالتي اضافة الى توقيع شخص امريكي صح لو مو صح ليهسة
سؤالي اذا المشرف مثلا مالتي مو امريكي اكيد راح يوفع اضافة الى توقيع الشخص الاخر الي لازم يكون امريكي الجنسية بس المشكلة انه هذا الشخص الامركي ايميله مو شركة يعني جي ميل او هوتميل شنو الحل برائيك التوصية تمشي لو بيه مشكلة
اكثر من مجرد نادي

غير متصل ضوء الشمس

  • عضو فعال جدا
  • ***
  • مشاركة: 161
    • مشاهدة الملف الشخصي
رد: أسئلة و أجوبة في الـ SIV شامل
« رد #30 في: 21:20 16/02/2010 »
السلام عليكم اخي engineermech
اني كنت مثل حالتك بس لكوني املك ايميل شخصي للمشرف الامريكي راسلته وشرحت له الامر ومتطلبات الهجرة والحصول على الفيزه الخاصة وطلبت منه تزويدي بالتوصية على ان تحوي ايميل شركته وهو كان عسكري لهذا ايميله كان . ملتري اي عسكري ووقع بالفعل وزودني بالتوصية، فلهذا اذا تراسل المعني وتطلب منه هذا الطلب اكيد مراح ايردك اذا كان يذكرك وبالفعل كان على تماس معك واذا ما تعرف ايميله هم دور اذا اكو احد يعرفه وهم راسله وتره همه ما يردون احد احترموه وعملو معه وارجو ان اكون جوابتك.

غير متصل انسان بسيط

  • عضو فعال جدا
  • ***
  • مشاركة: 90
    • مشاهدة الملف الشخصي
رد: أسئلة و أجوبة في الـ SIV شامل
« رد #31 في: 17:27 17/02/2010 »
السلام علكيم

اشكر الاخوة وبالاخص الاخ ماجلان على هذا الموضوع اولا.

ثانيا,اذا توفرت اجوبة للاسئلة الي بالي اكون جدا ممنون:

سؤالي الاول عن عدم المحكومية هل مطلوب حاليا او لا مع العلم انا لم اسافر خارج البلد سابقا واذا كان مطلوب فشلون ابلش بيه بعد انهيار مبنى الجنايات.
سؤالي الثاني اسئل الاخوة عن الفورمات الخاصة بالتقديم وخاصة ال DS230 و ال DS234 فاذا امكن تبينولنة شلون نمليهة واذا اكو فورمة جاهزة هاي بعد احسن.

سؤالي الاخير اذا وصلت لمرحلة التاشيرة وصارلي طفل جديد فشلون راح تنفض,الكل يعرف الطفل رايدلة جواز والجواز رايدلة جنسية والجنسية رايدلهة بيان والبيان مال ولادة ميطلع الا بعد اربعة اشهر يعني شي على شي على هالحساب الشغلة تتاجل اقل شي 6 اشهر لو انتو شنو رايكم.

وسلامي لكم ولكل اعضاء المنتدى
 

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #32 في: 17:59 17/02/2010 »
السلام علكيم

اشكر الاخوة وبالاخص الاخ ماجلان على هذا الموضوع اولا.

ثانيا,اذا توفرت اجوبة للاسئلة الي بالي اكون جدا ممنون:

سؤالي الاول عن عدم المحكومية هل مطلوب حاليا او لا مع العلم انا لم اسافر خارج البلد سابقا واذا كان مطلوب فشلون ابلش بيه بعد انهيار مبنى الجنايات.
سؤالي الثاني اسئل الاخوة عن الفورمات الخاصة بالتقديم وخاصة ال DS230 و ال DS234 فاذا امكن تبينولنة شلون نمليهة واذا اكو فورمة جاهزة هاي بعد احسن.

سؤالي الاخير اذا وصلت لمرحلة التاشيرة وصارلي طفل جديد فشلون راح تنفض,الكل يعرف الطفل رايدلة جواز والجواز رايدلة جنسية والجنسية رايدلهة بيان والبيان مال ولادة ميطلع الا بعد اربعة اشهر يعني شي على شي على هالحساب الشغلة تتاجل اقل شي 6 اشهر لو انتو شنو رايكم.

وسلامي لكم ولكل اعضاء المنتدى
 

اخي العزيز
سوالك الاول (( لا ما مطلوبه العدم محكوميه منك )

سوالك الثاني
(( انت شتريد تعرفف من الاستماير بالضبط لان اذا ما تعرف انت تمليهه فاحنا اشلون راح انساعدك وهي كليتهه  معلومات مو ورقه وينطوهه للكل - يعني ما افتهمت شنو قصدك اذا اكو وحده جاهزه -

بالنسبه للطفل ينضاف عالقضيه و بالمقابله يطلعوله ترافل داكيومنت

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #33 في: 11:04 18/02/2010 »
الله يساعدهم أخوان ...

طبعاً كلش تعذروني على تأخري بالردود .. لأن والله كلش مشغول .. و البركة بأخوية أبو عبدالله لأن أبد ما مقصّر ...

أجي هسه على أسئلتكم واحد واحد ...

أخوية بغدادي76

هو صحيح القرار شخصي مثل ما ذكر الأخ أبو عبد الله ... بس صدكني محد رح يسألك على كتاب تسريح و غيره ... طبعاً إذا أتكلم عن نفسي فأكوللك بأن صنفي كان من أشد صنوف الجيش حساسية ... و بما إنك خادم عسكرية فأكيد تعرف وين يحطون خريجين كليات اللغات !؟!؟!؟ بس اللي صار وياية بأن الحرب صارت أثناء فترة خدمتي ... يعني خلصت مركز تدريب و دورة صنف و صارت الحرب ... فبصراحة شفت ماكو داعي أن أذكر صنفي و إكتفيت بالقول بأني كنت في مركز التدريب و هذا حقيقة لأن آني داومت بصنفي لمدة شهر واحد فقط و صار السقوط ... و بعدهه لا بقى تجنيد و لا هم يحزنون.

آني ما أنصحك أن تسوي مثلي و لكن حجيتلك سالفتي حتى إنت تقرر اللي تسويه. و بكل الأحوال إنت إذا كلت بأن كتاب تسريحك ضايع و تشوفهم دفتر الخدمة فهذا كلش عادي.

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #34 في: 11:32 18/02/2010 »
السلام عليكم ورحمة الله وبركاته
انا الى الان لم اقدم على برنامج siv ولكني قرات شرزط التقديم انه يجب ان يمتلك من يود التقديم على هذا البرنامج توصية من المشرف امريكي الجنسية وان يكون ايميله غير شخصي
كما اعلم انه في حالة المشرف غير امريكي ممكن ان تاخذ توصية من شخص امريكي الجنسية مع توقيع الشخص الغير امريكي
سؤالي في حالة انه الشخص الغير امريكي ايميله غير شخصي وجميع الاشخاص الحاملين على الجنسية الامريكية يملكون ايميلات شخصية ما هو العمل وكيف يمكن الحصو على توثية بحيث يقبل بها رئيس البعثة الدبلوماسية
كذلك في حالة  انه الشخص الغير امريكي ايميله غير شخصي وجميع الاشخاص الحاملين على الجنسية الامريكية يملكون ايميلات غير شخصية ولكن رفضو اعطاء هذه التوصية  ما هو العمل

أخوية العزيز آني دا أفتهم قصدك ... و هاي المسألة سببتلي هواية مشاكل في بداية تقديمي على موافقة رئيس البعثة لأن أغلب فترات عملي كانت مع شركات عراقية و بريطانية ... و صحيح أكو أمريكان لكن كلهم ما عدهم إيميل رسمي ما عدا كم واحد لكنهم مو مسؤولين عني بصورة مباشرة ... وظليت أحاول و أعالج ويه السفارة لكن بدون فائدة ... و حتى أخذت ريكمنديشن من مديري البريطاني و كان إيميله رسمي و حطيت وياه توقيع و معلومات مسؤولي الأمريكي (اللي إيميله كان شخصي) و دزيته للسفارة و هم ما وافقوا عليه !!!

يعني مختصر مفيد ... ما حصلت موافقة رئيس البعثة إلا بعد ما غيرت شغلي و اشتغلت بشركة أمريكية و حصلت على ريكمنديشن من ضابط و هو مشكور أن ذكرلي فترات عملي السابقة و صادق عليهه .

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #35 في: 11:48 18/02/2010 »
أخي .. إنسان بسيط ,,,

بالنسبة لسؤالك الأول و مثل ما ذكر أبو عبدالله فهي رسمياً (ممطلوبة) ... و لكن نصيحتي إلك أن تسويهه و تاخذهه وياك للمقابلة لتدعيم موقفك ... و هسه تشوف ان شاء الله بيوم المقابلة شلون رح يسألك القنصل عليهه !!! إنت روح لمكان الدائرة القديم و إسأل و هسه يدلوك على مكانها الجديد ... و اذا عرفته يا ريت تكول وين !!!

سؤالك الثاني: أهم شي يكون عندك برنامج أدوب أكروبات ريدر الثامن Adobe Acrobat Reader Professional 8 لأن بهذا البرنامج رح تكدر تملي الفورمات بكل سهولة.

سؤالك الثالث: اللي ذكره أبو عبدالله صحيح ... بس إذا انتوا متوقعين أن يجيكم طفل بعد المقابلة فلازم تبلغون القنصل بهذا الشي و هو رح ينطيكم التعليمات و الإجراءات بهذا الخصوص ... أما إذا الله رزقكم بالطفل قبل المقابلة (فأعتقد لكن ممتأكد) رح تحتاجون بيان ولادة و جنسية ... و هي متطول 4 أشهر يعني إذا بدفعه زينة تطلّعهه بشهر أو شهر و نص.

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #36 في: 11:58 18/02/2010 »
عمي مشتاقون حيل جدا كولش

ادري هيج اتعوف الدائره وتطفر عمي ماجلان واكو ناس واكفه بل السره ؟؟

راح المدير هسه يعاقبك واحتمال الموضوع ينقفل او يروح للدردشه
ههههههههههه

تحياتي

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #37 في: 12:10 18/02/2010 »
عمي شنسوي ؟؟؟

أكو ناس يشتغلون همه و كاعدين ببيوتهم ... و ناس يروحون لشغلهم 30 ميل روحه و 30 ميل رجعة !!!!

غير متصل عيني بغداد

  • عضو فعال جدا
  • ***
  • مشاركة: 311
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #38 في: 14:45 18/02/2010 »


شكرا عزيزي ماجلان على الرد
اني دخلت مراجعة ثانية بشهر الثامن ولحد الان ماكو شي.
حتى من اتصلنا بالسفارة كالوا منكدر نعرف شوكت تخلص المراجعة الادارية.

تحياتي
عيني بغداد

غير متصل انسان بسيط

  • عضو فعال جدا
  • ***
  • مشاركة: 90
    • مشاهدة الملف الشخصي
رد: أسئلة و أجوبة في الـ SIV شامل
« رد #39 في: 19:56 18/02/2010 »
ابو عبد الله والاخ ماجلان جزيل الشكر لكما:

بالنسبة لعدم المحكومية راح احاول اسويهة للاحتياط ولو يكولون هي تطول معاملتهة.
 بالنسبة للفورمة DS230 وDS234 اذكر مرة قريت من احد اعضاء المنتدى ذكر موضوع املاء الفورمة D157وشلون وضح بالعربي شنو الي نمليه وشنو الي نعوفة وشلون نمليه فحبيت اعرف اذا اكو مثل هالشي للبقية .

اما عن الطفل فاخي ابو عبد الله تقصد ما يحتاج اسوي جنسية وجواز للطفل اذا انولد بعد المقابلة ؟
اخي ماجلان هاي اقل شي 4 اشهر اذا المعاملة اصولية وبدون رشاوي لان بس بيان الولادة ما يوصل للنفوس الا بعد من 3 الى 4 اشهر وعندك الحساب.

اشكركم اخوتي


غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #40 في: 21:41 20/02/2010 »
الله يعينك أخوية عيني بغداد على فترة الإنتظار الطويلة هذي و يصبرك ... و ان شاء الله يتصلون بيك عن قريب لأن انت تستاهل كل خير ... بس انت ابقى بين فترة و فترة دزلهم ايميل و استفسر منهم.


اخوية نسان بسيط ... احسن شي تسويه هو التقديم للحصول على العدم محكومية ...

اتمنى عندي الوقت الكافي حتى أسوي شرح مبسط لمليء الفورمات اللي ذكرتهن ... بس صدكني ينرادلهن وقت ... و انت امليهن و سوي اللي تعرفه ... و أي فقرة توكف عندك ... بس كوللي عليهه.

أما معاملة بيان الولادة فرحمة لوالديك هو شنو بالعراق أصولي حتى تمشي بيهه بطريقة أصولية ؟؟؟ أخوية انت على أبواب سفر و وقتك ضيق ... إدفع باللتي هي أحسن و الله كريم و ان شاء الله تخلص !!!

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: أسئلة و أجوبة في الـ SIV شامل
« رد #41 في: 21:11 12/04/2010 »
رفع للاهمية

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #42 في: 08:31 14/04/2010 »
مشكورة أختي سرى على رفع الموضوع ... و لكن يبين أنه مسألة الموضوع الجديد اللي يحتوي عالسؤال التقليدي (كولولي شسوي؟) لو (ساعدوني) هي الماشية.

آني من نزلت هذا الموضوع في وقتها هو لجعلة شامل لكل الأسئلة اللي تخص برنامج SIV لأن دائماً أشوف مواضيع جديدة تحتوي على نفس السؤال من أعضاء مختلفين.

تحياتي

غير متصل sartar

  • عضو فعال
  • **
  • مشاركة: 67
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #43 في: 13:11 29/04/2010 »
السلام عليكم اخواني

شكرا على الموضوع والله كولش مفيد

اخوان واخوات اني اعتقد انلاصت عليه ..... لان دزو اسئلة للمشرف عليه وجاوبهم علمود ينطوني الجيف اوف مشن بس وطبعا دزولي سي سي بهذا الاميل ....

ورة فترة لكيت دازيلي اميل يكولولي المشرف مالتك اميله غلط لان دتدز عليه ويرجع الاميل ( طبعا الاميل مالته الخاص بالشركة والشغل ) ...
حاولت ادزله ولكيت نفس السالفة صحيح ...
بعدين دزيتله على اميله الخاص الي هو على الهوتميل .... كال اني عفت الشغل بالعراق وهسة مبطل من الشركة يكدرون يراسلوني على اميلي الخاص ..

اني هم دزيتلهم هالحجي وانطيتهم اميله الخاص ... وللمعلومة انه اميله الخاص هو كاتبه برسالة التوصية منه ...

فشنو تكولون انتو يصير لو ميصير ...

لان سألت شخص يكولي ميصير الا من امسل رسمي مو اميل شخص
واني افتر عندي الديلكو وضجت صراحة لان شلعو كلبي بس على ال HR وبالكوة حصلتها

وشكرا

غير متصل ستروبري

  • عضو فعال جدا
  • ***
  • مشاركة: 820
  • الله محبه
    • مشاهدة الملف الشخصي
رد: أسئلة و أجوبة في الـ SIV شامل
« رد #44 في: 10:58 01/05/2010 »
اخوان بس سؤال
اني عندي اي زي نمبر من بغداد واريد اقدم على الاس اي في بها الحالة حيكون نفس رقم الاي زي مال الاي او ام هو الي رح ينطونياه بلاس اي في لو غيرة يعني اكدر اكمل اس اي في ادا عندي اي زي نمبر لو كل برنامج وحد علما انو اني على برنامج الاي او ام وتا انتظر المهجومة صالي 11 شهر واني بعمان

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: أسئلة و أجوبة في الـ SIV شامل
« رد #45 في: 18:29 01/05/2010 »
اخوية ستروبري ان شاء الله الاخ ماجلان هم يجاوبك عالسؤال بس كل برنامج وحد كل واحد بيه نمبر

غير متصل iraq black hawk

  • عضو جديد
  • *
  • مشاركة: 1
  • الجنس: ذكر
  • الحزين المعذب lovr hart
    • رقم ICQ - 2147483647
    • AOL مسنجر - الصقر+الاسود
    • ياهو مسنجر - neomax_top@yahoo.com
    • مشاهدة الملف الشخصي
    • البريد الالكتروني
سؤال
« رد #46 في: 14:22 03/05/2010 »
 يولد الله يساعدكم اني محتاج مساعدتكم في موضوع اوراق ال SIV  فعندي 3 اسئلة بلكي تساعدوني بطريقة بدون خطا ارسها في اول خطوة
1- شنو الي ارسله اول خطوة في SIV وشنو الاوراق المطلوبة ؟
2- شلون احمل الاوراق الي ساحبه اسكنر على ملفات PDF يعني كله بملف واحد لو كل صورة PDF
fadi

غير متصل wesam986

  • عضو فعال جدا
  • ***
  • مشاركة: 101
  • الجنس: ذكر
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #47 في: 22:43 03/05/2010 »
السلام عليكم اخواني واخواتي بس اذا ممكن سؤال
اني دزيت اوراقي الى امريكا بيد ولد صديقي بعد ماحصلت على الابروفال بس سؤال انو هم اذا استلموا يدزولي ايميل لو يراسلون صديقي لانه اني كاتب عنوانه بال i-360 ؟؟؟
وحبيت اشكركم كلكم على المجهود الرائع والتسهيلات الخرافية ال  كلش ساعدتني والله لساني وايدي عاجزين على الشكر والكلام الحلو الي بحقكم
تحياتي

غير متصل ستروبري

  • عضو فعال جدا
  • ***
  • مشاركة: 820
  • الله محبه
    • مشاهدة الملف الشخصي
رد: أسئلة و أجوبة في الـ SIV شامل
« رد #48 في: 23:20 08/05/2010 »
اخوان اني طبعا هسة بعدني pre school يعني الحضانة يعني المرحلة الاولى siv فشوية استحملوني
 عندي سؤالين
اول شي كان اكو واحد من الاخوان مسوي نموذج ترجمة مال الجنسية وشهادة الجنسية ممكن احد يعرف الرابط مال الموضوع ينطنياه
والسؤال الثاني عندي بالجوازات تأشيرات هواية لدخول وخروج لدول عربية اذكرة لازم كله لو شسوي
وشكرا

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: أسئلة و أجوبة في الـ SIV شامل
« رد #49 في: 16:04 09/05/2010 »
ترجمة الوثائق الرسمية للاخ ستروبيري

موضوع الاخ هيكسو
http://www.ankawa.com/forum/index.php/topic,394467.0.html

موضوع الاخ ابو عبدالله التكساسي

http://www.ankawa.com/forum/index.php/topic,371727.0.html

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: أسئلة و أجوبة في الـ SIV شامل
« رد #50 في: 16:11 09/05/2010 »
بالنسبة للتأشيرات لازم تذكرها كلها وبالمقابلة بس يسألوك شنو سبب كل سفرة

غير متصل ستروبري

  • عضو فعال جدا
  • ***
  • مشاركة: 820
  • الله محبه
    • مشاهدة الملف الشخصي
رد: أسئلة و أجوبة في الـ SIV شامل
« رد #51 في: 19:00 09/05/2010 »
اللف شكر سرى والله الواحد ميعرف شلون  يشكركم

غير متصل iraq2015

  • عضو
  • *
  • مشاركة: 7
    • مشاهدة الملف الشخصي
رد: أسئلة و أجوبة في الـ SIV شامل
« رد #52 في: 19:36 20/05/2010 »
السلام عليكم
عندي استفسار
كم يستغرق استلام الكرين كارد بعد الدخول الى امريكا و هل استطيع العودة الى العراق بانتظار اصدار الكرين كارد
شكرا

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #53 في: 07:50 21/05/2010 »
السلام عليكم اخواني

شكرا على الموضوع والله كولش مفيد

اخوان واخوات اني اعتقد انلاصت عليه ..... لان دزو اسئلة للمشرف عليه وجاوبهم علمود ينطوني الجيف اوف مشن بس وطبعا دزولي سي سي بهذا الاميل ....

ورة فترة لكيت دازيلي اميل يكولولي المشرف مالتك اميله غلط لان دتدز عليه ويرجع الاميل ( طبعا الاميل مالته الخاص بالشركة والشغل ) ...
حاولت ادزله ولكيت نفس السالفة صحيح ...
بعدين دزيتله على اميله الخاص الي هو على الهوتميل .... كال اني عفت الشغل بالعراق وهسة مبطل من الشركة يكدرون يراسلوني على اميلي الخاص ..

اني هم دزيتلهم هالحجي وانطيتهم اميله الخاص ... وللمعلومة انه اميله الخاص هو كاتبه برسالة التوصية منه ...

فشنو تكولون انتو يصير لو ميصير ...

لان سألت شخص يكولي ميصير الا من امسل رسمي مو اميل شخص
واني افتر عندي الديلكو وضجت صراحة لان شلعو كلبي بس على ال HR وبالكوة حصلتها

وشكرا


الشروط كلش واضحة بهذا الخصوص و هو أن الإيميل لازم يكون رسمي ... و أنصحك أن تشوف أمريكي ثاني يسويلك ريكمنديشن ثاني أحس ما تضيّع وقتك ويه صاحبك اللي مبطل من شغلة لأن بعد ميفيدك و ممكن إذا هو يريد يساعدك أن يزكيك يم أمريكي ثاني بحيث الشخص الثاني يحط إسمه و عنوانه و رتبته و إيميله الرسمي على نفس الريكمنديشن مالتك و يذكر بأنه يصادق على المعلومات المكتوبة. و ان شاء الله تمشي الأمور.

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #54 في: 07:53 21/05/2010 »
اخوان بس سؤال
اني عندي اي زي نمبر من بغداد واريد اقدم على الاس اي في بها الحالة حيكون نفس رقم الاي زي مال الاي او ام هو الي رح ينطونياه بلاس اي في لو غيرة يعني اكدر اكمل اس اي في ادا عندي اي زي نمبر لو كل برنامج وحد علما انو اني على برنامج الاي او ام وتا انتظر المهجومة صالي 11 شهر واني بعمان

برنامج SIV يختلف إختلاف كامل عن برنامج IOM و لكل برنامج أنظمته و قوانينه و بإمكانك أن تقدم عالبرنامجين بوقت واحد و ياهو اللي يصير بالبداية روحله ... بالتوفيق ان شاء الله

اخوية ستروبري ان شاء الله الاخ ماجلان هم يجاوبك عالسؤال بس كل برنامج وحد كل واحد بيه نمبر

مشكورة أختي سرى على المساعدة و التواجد بالموضوع .. بارك الله بيج

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: سؤال
« رد #55 في: 07:59 21/05/2010 »
يولد الله يساعدكم اني محتاج مساعدتكم في موضوع اوراق ال SIV  فعندي 3 اسئلة بلكي تساعدوني بطريقة بدون خطا ارسها في اول خطوة
1- شنو الي ارسله اول خطوة في SIV وشنو الاوراق المطلوبة ؟
2- شلون احمل الاوراق الي ساحبه اسكنر على ملفات PDF يعني كله بملف واحد لو كل صورة PDF

جواب السؤال الأول

إنت بس دز إيميل على البريد الألكتروني مال البرنامج و اللي هو:

iraqsivapplication@state.gov

و كوللهم بأنك تريد تقدم عالبرنامج و تسألهم شنو المطلوب و همه هسه يدزولك إيميل بيه كل التفاصيل و المستمسكات المطلوبة منك و اللي هي:

جواز سفر
جنسية
الباجات
استمارة DS157
ريكمنديشن
تأييد خدمة أو HR Letter أو Employment Verification
بايوغرافي عن كل شخص مقدم وياك يحتوي على الأسم الكامل و اللقب و رقم الجواز و محل و تاريخ الولادة

جواب السؤال الثاني:

كل المستمسكات لازم تكون بملف pdf واحد و لازم تضغطه حتى يكون حجمه قليل لأن إذا عالي ميوصلهم

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #56 في: 08:03 21/05/2010 »
اخوان اني طبعا هسة بعدني pre school يعني الحضانة يعني المرحلة الاولى siv فشوية استحملوني
 عندي سؤالين
اول شي كان اكو واحد من الاخوان مسوي نموذج ترجمة مال الجنسية وشهادة الجنسية ممكن احد يعرف الرابط مال الموضوع ينطنياه
والسؤال الثاني عندي بالجوازات تأشيرات هواية لدخول وخروج لدول عربية اذكرة لازم كله لو شسوي
وشكرا

سؤالك الأول جاوبت عليه مشكورة الأخت سرى ... و بالنسبة لسؤالك الثاني فالمسألة عادية و لازم تذكر كل البلدان اللي رحتلها سابقا و هذا ميأثر عالمعاملة

السلام عليكم
عندي استفسار
كم يستغرق استلام الكرين كارد بعد الدخول الى امريكا و هل استطيع العودة الى العراق بانتظار اصدار الكرين كارد
شكرا

إذا داخل على برنامج SIV فيكون استلام الكرين كارد خلال أقل من شهر .. و إذا داخل كلاجيء عن طريق IOm فلازم تكمل سنة و ترفع معاملة للحصول على الكرين كارد و المعاملة تاخذ وقت ما بين 3 - 6 أشهر. و الشق الثاني من سؤالك بخصوص العودة للعراق لحين صدور الكرين كارد فبصراحة يحتاج تكتب تفاصيل أكثر حتى أكدر أجاوبك


غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: أسئلة و أجوبة في الـ SIV شامل
« رد #57 في: 19:45 21/05/2010 »
لا العفو اخوية ماجلان اني متأسفة اذا اجاوب الاخوان بمكانك بس جنت ما متواجد ذيج الفترة فكلت انطيهم جواب بينما انت تجي.

غير متصل yousef_basra

  • عضو مميز
  • ****
  • مشاركة: 1069
  • الجنس: ذكر
    • مشاهدة الملف الشخصي
رد: أسئلة و أجوبة في الـ SIV شامل
« رد #58 في: 10:06 23/05/2010 »
السلام عليكم

اخوان اجيتلكم بخبر يمكن شوية فرحكم او على الاقل يجدد الامل عند الي نايمة معاملاتهم


الخبر من مقتبس من جريدة الصباح وهو كالتالي:





 
 
  السياسية الاولى: واشنطن تختزل مدة قبول لجوء العراقيين الى الولايات المتحدة
   
 


بغداد ـ متابعة الصباح
قالت مسؤولة برنامج اللاجئين العراقيين التابع لوزارة الخارجية الأميركية سيمون غريفز إنه تم تكثيف الاجراءات للإسراع في إنجاز معاملات طلب اللجوء التي يتقدم بها العراقيون من داخل العراق وخارجه.





وأوضحت في تصريح صحفي اورده موقع “راديو سوا” الالكتروني: أنهم أدركوا “الحاجة لزيادة عدد الملاكات العاملة في بغداد تحديدا، وعليه تم رفع عدد العاملين هناك بنسبة ثلاثة أضعاف خلال العامين الماضيين.”
وأضافت غريفز: “ربما كانت الإجراءات بطيئة في الماضي، لكننا الآن نعمل من أجل ضمان التواصل مع طالبي اللجوء بأسرع وقت ممكن، مع ذلك، يجب الإشارة إلى ان عدد طالبي اللجوء ازداد في الآونة الأخيرة بنسبة تفوق قدراتنا في إجراء المقابلات بالسرعة المطلوبة، ولهذا فعلى المتقدمين بطلبات اللجوء في بغداد الانتظار بعض الوقت إلى حين توفر الفرصة لمقابلتهم.”
وبشأن المدة التي تستغرقها كل معاملة من معاملات طلب اللجوء، اشارت غريفز الى إنه “يصعب تحديد المدة التي تستغرقها كل معاملة من معاملات طلب اللجوء. فبعض المعاملات يتم إنجازها بإقل من ستة أشهر، وبعضها قد يستغرق عاما أو عامين. ولكن أفضل ما يمكن أن يقوم به طالب اللجوء هو الاستمرار بمتابعة معاملته بالاتصال مع الـ”IOM” إن كان في بغداد أو عمان أو القاهرة.”
اما فيما يخص عدد اللاجئين العراقيين الذين يتوقع قدومهم إلى الولايات المتحدة خلال هذا العام والعام الذي يليه، أوضحت غريفز أنه ليس هناك “رقم محدد، لكن مساعد وزيرة الخارجية أريك شوارتز ذكر ان هناك نية للموافقة على 17 ألف طلب لجوء هذا العام، مضيفة انها تتوقع “إنجاز عدد مماثل من طلبات اللجوء، العام المقبل.”

   
 
   
اللهم صلي على محمد وآل محمد
اللهم لا تخرجنا من الدنيا حتى ترضى عنا

غير متصل mosozo2003

  • عضو فعال جدا
  • ***
  • مشاركة: 201
  • الجنس: ذكر
  • بحفظك ربي يااحلى عراق
    • مشاهدة الملف الشخصي
رد: أسئلة و أجوبة في الـ SIV شامل
« رد #59 في: 03:07 20/07/2010 »
السلام عليكم
بالبداية اشكر الاخوة القائمين على الموضوع
واكول الف رحمة على والديكم على هيجي موضوع
اخوان اني بالبداية قدمت على برنامج الـ SIV
وراها رجعلي ايميل كالوا لازم تحصل موافقة الـ COM
المهم بعد مراسلات وياهم وصلني أيميل ان الطلب مالتي ديدققوه حاليا وبحالة حاجتهم الى وثائق او معلومات حيراسلوني
سؤالي شنو هو نوع الوثائق الي حيطلبوها مني حتى احصل موافقة COM
سؤالي الثاني اني خربطت وياهم بالعمل مالتي قبل عملي كمترجم مع الجيش الامريكي
يعني من مليت الـ DS-157 كتبت شغل لاعلى التعيين علما اني موظف وقبلها كنت اعمل مهندس بالتصنيع العسكري بس خفت اكتب هالشي لان الامريكان يتخبلون من هالشي
سؤالي الثالث اخوان من دزيت الاوراق لمركز الهجرة الي بنبراسكا كالوا احنا حولنا حالتك من حقل الى حقل ثاني وانطوني مدة حتى احصل موافقة الـ COM والمهلة خلصت صارلها فترة طويلة فبحالة حصولي على الـ COM لازم ارجع ادز الاوراق مرة ثانية او لا ؟؟؟
السؤال الرابع اني دفتر الخدمة العسكرية مالتي ضايع من 2003 فلازم شنو اسوي وشكول
واخيرا اكول مليون رحمة على والديكم
والسلام عليكم ورحمة الله وبركاته
مشكلة الوطن مابي شعب مرتاح


ومشكلة الشعب ما يكَد ر يعوفه


احبك يا وطن لو بيك ألف جلاد

وحبك لو جرح كتال ما اروفه


حبك نار بيه واشتعل بالنار

وانه أبنار حبك روحي ملهوفة

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #60 في: 04:24 20/07/2010 »
أخوية العزيز ,,, أهلا و سهلاً بيك ... بس انت هواية عندك خربطة بمعاملتك ...
 
أولاً: المعلومات لازم تكتبها مثل ما هي بدون أن تكتب شي لا على التعيين !!! و خصوصاً بإستمارات التقديم عالفيزا أو الـ COM.
ثانياً: شلون يصير تدز أوراقك لنبراسكا و إنت أصلاً بعدك مماخذ الـ COM ؟؟؟؟؟؟؟
ثالثاً: بالنسبة لشغلة دفتر أو بطاقة الخدمة العسكرية إذا ضايع فترجع الى رد الأخ أبو عبدالله للأخ بغدادي حول طريقة عمل (وورد دوكيومنت) و إرساله في حالة طلبوه منك.

المهم بعد مراسلات وياهم وصلني أيميل ان الطلب مالتي ديدققوه حاليا وبحالة حاجتهم الى وثائق او معلومات حيراسلوني
سؤالي شنو هو نوع الوثائق الي حيطلبوها مني حتى احصل موافقة COM

إذا دزولك هذا الإيميل فمعناها إنت داز كل أوراقك و هسه ديراجعوها إدارياً و عالأكثر ميحتاجون منك أي شي بعد و انت هسه بمرحلة إنتظار الـ COM و ان شاء الله متتأخر عليك.

غير متصل mosozo2004

  • عضو جديد
  • *
  • مشاركة: 1
    • مشاهدة الملف الشخصي
رد: أسئلة و أجوبة في الـ SIV شامل
« رد #61 في: 00:39 21/07/2010 »
أخوية العزيز ,,, أهلا و سهلاً بيك ... بس انت هواية عندك خربطة بمعاملتك ...
 
أولاً: المعلومات لازم تكتبها مثل ما هي بدون أن تكتب شي لا على التعيين !!! و خصوصاً بإستمارات التقديم عالفيزا أو الـ COM.
ثانياً: شلون يصير تدز أوراقك لنبراسكا و إنت أصلاً بعدك مماخذ الـ COM ؟؟؟؟؟؟؟
ثالثاً: بالنسبة لشغلة دفتر أو بطاقة الخدمة العسكرية إذا ضايع فترجع الى رد الأخ أبو عبدالله للأخ بغدادي حول طريقة عمل (وورد دوكيومنت) و إرساله في حالة طلبوه منك.

المهم بعد مراسلات وياهم وصلني أيميل ان الطلب مالتي ديدققوه حاليا وبحالة حاجتهم الى وثائق او معلومات حيراسلوني
سؤالي شنو هو نوع الوثائق الي حيطلبوها مني حتى احصل موافقة COM

إذا دزولك هذا الإيميل فمعناها إنت داز كل أوراقك و هسه ديراجعوها إدارياً و عالأكثر ميحتاجون منك أي شي بعد و انت هسه بمرحلة إنتظار الـ COM و ان شاء الله متتأخر عليك.








شكرا جزيلا لاهتمامك اخوية العزيز
اخوية اني اول مدزيت الاوراق جان ماكو اصلا الـ COM
فمن دزيت الاوراق هم الي كالوا احنا حولنا حالتك الى الحالة الجديدة
من نبراسكا
حسب هالايميل هذا
>
> You have reached the I-360 team at the Nebraska Service Center . Please recall that your petition was received on November 24, 2009. On December 15, 2009 we issued you an email informing you of a major deficiency with your case. Please see the below section in red – this is what was sent to you on December 15, 2009.)
>
> Good morning Sir. I am an Immigration Services Officer at the Nebraska Service Center . I am currently reviewing the evidence submitted with the I-360 petition you filed on November 24, 2009.
>
> It is noted that the petition is marked “K” seeking SIV classification as an Iraqi National who worked with the U.S. Armed Forces as a translator. I have changed this classification to “L”, an Iraqi National who was employed by or on behalf of the U.S. Government (this includes translators). Please allow me to explain why this change was made.
>
> The classification you initially selected (the old translator program) has a very limited number of visas allocated for FY’09. Even an approved I-360 under this program does not provide a very good chance of providing a visa to the applicant. Also, a major requirement of this program is a letter of recommendation from a General in the U.S. Armed Forces. This petition does not contain this evidence, and consequently, you would have to obtain this letter in order for the petition to be approved.
>
> The program that I have changed the petition to reflect allocates 5,000 visas per year. An approved I-360 under this program gives a much greater chance of the applicant being issued a visa. While this program does not require a letter from a General, it does require an approval letter from the Chief of Mission. The petition does not contain this letter; however, I will provide instructions on how to obtain one.
>
> USCIS is granting an additional period of time for the missing required evidence to be submitted (the Chief of Mission approval letter). I am sending the “Notice of Intent to Deny” as an attachment in order to expedite the matter. Additionally, I am attaching the “SIV Guidelines” to assist with your response. Specifically, there was one deficiency that needs to be addressed:
>
>
> The petition does not contain a signed letter granting “Chief of Mission Approval for Iraqi Special Immigrant Visa Status” from the designee of the Chief of Mission (COM). The attached “Special Immigrant Visa (SIV) Application Guide” outlines the documentation you must submit to IraqSIVapplication@state.gov to request the necessary COM approval.
>
> Please note this information was also mailed to the following address
.............................................................................................
>
> This email was sent as a courtesy copy to ensure that it was received.
>
> PLEASE INCLUDE “LIN1003751735 - NF” IN THE SUBJECT LINE OF ANY RESPONSE YOU SEND TO THIS REQUEST FOR EVIDENCE.
>
> Your response to the requested information must be received in this office by March 18, 2010. If you do not respond to this request within the time allowed, a decision will be based upon the record.
>
> After the form is completed, you may send the completed packet to either of the following addresses: USCIS/Nebraska Service Center, P. O. Box 87360 , Lincoln NE 68501-2521 or, for over night delivery services, to: USCIS/Nebraska Service Center, 850 "S" Street, Lincoln NE 68508 .
>
> In order for your I-360 to be approved, you must go through the process outlined above with the Department of State to obtain your Chief of Mission approval letter. Once you receive this letter, you can email me an electronic copy. In the meantime, please forward me any correspondence you receive from the Department of State relating to your Chief of Mission approval letter.
>
> Thank you.
>










واني من كتلك مجبت طاري التعيين مالتي لان اكو حقل بفورم DS-157
عن عملك السابق
وكتلك مليته بعمل لاعلى التعيين ومجبت طاري عملي الحالي والسابق
بس بنفس الوقت اني ولله الحمد ماكو ضدي أي مؤشر أمني لا قديم ولاجديد
وشكرا على توضيحك فقرة دفتر الخدمة العسكرية
وعندي شكم سؤال بعد عالواهس حبي
ههههههههههههههههههه
اخوية اني حاليا مبطل من الشغل خو ما حيأثر هالشي على طلبي
بس احتمال ارجع قريبا لان ديلحون عليا بالرجعة
والسؤال الثاني بفقرة السفر خارج العراق اني جاوبت ممسافر خارج العراق أبدا وهذا صحيح
بس اني احتمال نهاية الصيف اروح لسوريا
فشلون بهالحالة اخوية ؟؟؟
يعني من اسافر لسوريا شكوللهم بالمقابلة من تصير ان شاء الله ؟؟؟
وتحياتي الاخوية ألك
ورحم الله والديك

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #62 في: 03:12 21/07/2010 »
أغاتي العزيز

شنو تكول من دزيت أوراقك لنبراسكا ما كان أكو COM ؟؟؟؟؟؟؟؟؟؟؟؟؟؟؟

معاملتك وصلتهم يوم 24-11-2009 ... !!!!!!!!

أخوية آني مستلم الـ COM مالتي بشهر الثاني 2009 ... إنت أصلاً صاير عندك خربطة بين البرنامجين مالت SIV القديم و الجديد .. و بالفورم I-360 انت مختار الإختيار K و اللي هو مال البرنامج القديم و بنفس الوقت إنت مدازلهم ريكمنديشن من جنرال و هي من متطلبات ذاك البرنامج. و عمي خلف الله عليهم جماعة نبراسكا ما هاملين معاملتك و النوب مصلحيها و مغيرين الإختيار من K الى L و اللي هو لبرنامج SIV الجديد و اللي يحتاج رسالة الـ COM و اللي إنت اصلاً مدازها .. بس جماعة نبراسكا رح يحتفظون بأوراقك الى أن ترسللهم رسالة الـ COM  و هذا الشي من جانبك.

كونك حالياً تارك الشغل ميأثر على المعاملة بس المهم يكون عندك إتصال بمسؤولك اللي كتبلك الريكمنديشن.

إذا صار سفرك قبل المقابلة فعادي تذكر هذا الشي بالمقابلة بس خلي في بالك أنه هذا الشي إحتمال يسبب تأخير بإصدار فيزتك .. و ما أنصحك بهالشي.

غير متصل john0770

  • عضو
  • *
  • مشاركة: 7
    • مشاهدة الملف الشخصي
رد: أسئلة و أجوبة في الـ SIV شامل
« رد #63 في: 00:23 24/07/2010 »
مرحبة اخي العزيز ماجلان
اشكرك جزيل الشكر على تعونك ويانا
بس حبيت استفتسر على موضوع

بتاريخ 2010_4_7 اجتني الرسالة وكلولي معاملتك دزيناها البغداد وانتضر الجيف اوف مشن ابروفل
 واليوم   2010_7 _24
وكلشي ماكو واني الي اعرفة الموعد حسب ما مذكور اعتقد هو 8 اسابيع
بس هسه كلشي ماكو
ادري اني لشوكت انتضر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تحياتي السرمدية

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #64 في: 01:17 24/07/2010 »
أخوية جون ...

يعني انت داز كل أوراقك المطلوبة للبرنامج؟ زين إتصلوا بمسؤولك الأمريكي؟

إذا الجواب نعم فكل اللي عليك أن تسويه حالياً هو الإنتظار .. و ما بيهه شي إذا كل إسبوعين تدزلهم إيميل و تسألهم شكو ماكو؟

و الله كريم

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
    • مشاهدة الملف الشخصي
رد: أسئلة و أجوبة في الـ SIV شامل
« رد #65 في: 22:04 07/08/2010 »
السلام عليكم وشكرا لموضوعك الرائع اخي العزيز استلمت الكوم بروفال قبل ثلاث ايام وعندي مشكله في املاء i360 تحت فقرة c/o سؤالي هو اذا شخص ما عنده عنوان بامريكا شيسوي
قرات لبعض الاخوان انه ممكن يتفق مع مكتب الدي اج ال ما البريد وهمه يرجعولوة وصل استلام المعامله
اكو هيج شيء رجاءا افيدونا رحمكم الله
اقصد الشي هذا مسوي احد الاخوان يعني مضمون . واذا واحد ما عنده عنوان صحيح تنرفض اوراقه
جزيل الشكر
اخوكم عراقي هواي
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.
ابتلينا بقوم يظنون ان

غير متصل umany

  • عضو فعال جدا
  • ***
  • مشاركة: 121
  • الجنس: أنثى
  • من لا يعتبر وجودي مكسبا له لا اعتبر غيابه خسارة لي
    • مشاهدة الملف الشخصي
رد: أسئلة و أجوبة في الـ SIV شامل
« رد #66 في: 01:00 08/08/2010 »
الاخ عراقي هوايه

اتمنى افيدك بتجربتي
اني من مليتهه للفورم 360 ,ماكتبت اي شي بال C/O وتركته فارغ , من وصلت اوراقي لنبراسكا دزولي تاكيد وصول وطلبو مني انو ازودهم بعنوان بريد عسكري اذا خارج الولايات او بعنوان شخص بامريكا يكون هوه نقطة الاتصال ,

وهذا نص الرساله اللي دزولياها:
Hello.  I am an Immigration Services Officer at the Nebraska Service Center .  I have reviewed the evidence submitted on behalf of your I-360 USGE petition.  It appears your petition is approvable; however, your petition lists a foreign street address to be used for future correspondence.  Please note secured documents cannot be mailed to a foreign street address.

 

Therefore, could you provide me with an appropriate APO AE mailing address where all future mail can be sent?  The document can be mailed in care of a military member.   Please note the military member may wish to include their email address in case issues arise, such as this that requires further correspondence.  This military member’s address may also be used to receive official/secure correspondence from USCIS,
If you can not get an APO AE address, and you know of someone in the United States that can serve as your point of contact, please provide me with his or her address instead

يعني هيج او هيج لازم تدبرلك عنوان شخص بامريكا ...للعلم همه بس راح يدزون اوراق قبولك للهجره بالبريد اله وكل الاحوال يدزولك عالايميل رساله بهذا الخصوص ...

واتمنى وفيت بجاوبي , واسفه للاطاله
اماني

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #67 في: 01:03 08/08/2010 »
السلام عليكم وشكرا لموضوعك الرائع اخي العزيز استلمت الكوم بروفال قبل ثلاث ايام وعندي مشكله في املاء i360 تحت فقرة c/o سؤالي هو اذا شخص ما عنده عنوان بامريكا شيسوي
قرات لبعض الاخوان انه ممكن يتفق مع مكتب الدي اج ال ما البريد وهمه يرجعولوة وصل استلام المعامله
اكو هيج شيء رجاءا افيدونا رحمكم الله
اقصد الشي هذا مسوي احد الاخوان يعني مضمون . واذا واحد ما عنده عنوان صحيح تنرفض اوراقه
جزيل الشكر
اخوكم عراقي هواي

عليكم السلام أخوية العزيز

عالخير استلام الأبروفال و ان شاء الله تمشي باقي معاملتك بسرعة و بدون تأخير ... بالنسبة للـ c/o فهو لازم يكون عنوان داخل أمريكا .. أو عنوان APO عسكري خارج أمريكا (داخل وحده من القواعد العسكرية) ... إذا ما توفر عندك واحد من هاي العنوانين فممكن أن تروح على مكتب الـ DHL .. و آني و لو ما مريت بهاي الحالة لكن همين سمعت أنه ممكن تحط عنوان مكتب الـ DHL و يدزولك الرسيت و الأبروفال على عنوانهم .. و من يوصلهم يتصلون بيك و تروح تستلمه ... لكن بصراحة ممتأكد من هذا الشي لأن مكتب الهجرة ممجبور يدفع فلوس الـ DHL .. و مع هذا إنت إستفسر من المكتب و شوف إذا يصير إنت تدفع فلوس الرسالة اللي ترجعلك من مكتب الهجرة.

و رح أدور و أشوفلك جواب أضبط

غير متصل austin

  • عضو فعال
  • **
  • مشاركة: 46
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #68 في: 09:58 18/08/2010 »
السلام عليكم
عندي فد سؤال اذا امكن
بالنسبه للفورمات اني عندي طفله عمرها 6 اشهر شكتب بالحقل مال توقيع وبالحقل الي يكول بيه منو ساعدك في ملئ الفورمه طبعا دا احجي عن الفورمات الي امليهن للعائله كلها Ds 230 و Ds 234
وشكرا جزيلا

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #69 في: 10:41 18/08/2010 »
أخي العزيز .. بالنسبة للأطفال فإنت اللي لازم توقع بمكانهم ... و إذا كنت الأب فتكتب بحقل (منو ساعدك) تكتب إسمك و تذكر بأنك Father و هذا الشي بالنسبة لكل الفورمات. و حتى بالنسبة للزوجة إذا كنت إنت من ملأ الفورمة فتكتب إسمك و تكتب Husband

غير متصل عونك يارب

  • عضو فعال جدا
  • ***
  • مشاركة: 245
    • مشاهدة الملف الشخصي
رد: أسئلة و أجوبة في الـ SIV شامل
« رد #70 في: 04:12 19/08/2010 »
الى الاخ ماجلان
تحياتي ممكن اعرف اني لحد الان في مرحلة انتضار الكوم ابروفال صارلي من شهر الثالث بس اللي صار قبل اسبوع اتصلو بمسئولي المياشر يريدون تاكيد على الريكومنديشن مالتة .اللة يخليك هذا شنو معناة ويعني بعد شكد انتضر حتى يجيني الكوم يارب يسهل امري وامر الجميع

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #71 في: 07:40 19/08/2010 »
الى الاخ ماجلان
تحياتي ممكن اعرف اني لحد الان في مرحلة انتضار الكوم ابروفال صارلي من شهر الثالث بس اللي صار قبل اسبوع اتصلو بمسئولي المياشر يريدون تاكيد على الريكومنديشن مالتة .اللة يخليك هذا شنو معناة ويعني بعد شكد انتضر حتى يجيني الكوم يارب يسهل امري وامر الجميع

أهلاً و سهلاً أخي العزيز ... بالنسبة للإيميل اللي وصل لمسؤولك المباشر فهذا كلش مهم ... و لازم إنت تتصل بمسؤولك و تأكد عليه أن يجاوبهم بأقصى سرعة ... و بمجرد أن يستلمون تأكيد الريكمنديشن من مسؤولك يباشرون بالمراجعة الإدارية لملفك و ان شاء الله متاخذ وقت طويل.

غير متصل عونك يارب

  • عضو فعال جدا
  • ***
  • مشاركة: 245
    • مشاهدة الملف الشخصي
رد: أسئلة و أجوبة في الـ SIV شامل
« رد #72 في: 20:19 19/08/2010 »
مشكور اخوية ماجلان اني اتصلت بمسئولي المباشر وقبل يومين دزلهم التاكيد بس ردت اعرف برايك شكد تطول الاجراات الادارية رحمة اللة والديك

غير متصل yousef_basra

  • عضو مميز
  • ****
  • مشاركة: 1069
  • الجنس: ذكر
    • مشاهدة الملف الشخصي
رد: أسئلة و أجوبة في الـ SIV شامل
« رد #73 في: 22:42 19/08/2010 »
السلام عليكم

طبعا انا سوآلي نفس سوآل الاخ عونك يارب ولكن!!!!

1- شكد تطول فتره الكوم
2- شنو يعني اكوم موافقه لو شنو واذا موافقه يعني الاجراءات الوراه سريعه
3- بتسهيل الله اذا اجا الكوم الخطوات الوراه شكد تاخذ وقت

4- هذا السوآل للاخ عونك يارب...انت تكول من شهر الثالث شعجب هسه يللا دزو المسؤرلك؟

هذا ولكم فائق الاحترام اخوكم يوسف
اللهم صلي على محمد وآل محمد
اللهم لا تخرجنا من الدنيا حتى ترضى عنا

غير متصل عونك يارب

  • عضو فعال جدا
  • ***
  • مشاركة: 245
    • مشاهدة الملف الشخصي
رد: أسئلة و أجوبة في الـ SIV شامل
« رد #74 في: 01:12 20/08/2010 »
واللة يااخي هو هذا اللي ديصير بين ما تاخذ الكوم تطلع روح الواحد مو مثل قبل جان الكوم يجي ورا اسبوع من التقديم بس شنكول حسبي اللة

غير متصل samaraahmed

  • عضو
  • *
  • مشاركة: 27
    • مشاهدة الملف الشخصي
رد: أسئلة و أجوبة في الـ SIV شامل
« رد #75 في: 04:39 20/08/2010 »
السلام عليكم اخوان
اني حبيت اجاوب بالنسبه لموضوع الكوم ابروفال وذلك عن طريق تجربتي الشخصيه
1-كملت اوراقي بشهر 10 سنة 2009
2-بنفس الشهر تم ابلاغي من قبل مديري انه اتصلوا بيه حول موضوع الريكومنديشن
3-بشهر 11 سنة 2009 دزولي انه اوراقك كامله
4-بشهر 8 2010  الكوم ابروفال
ملاحظه الكوم ابروفال موقعه من قبل السفير بشهر 12 2009
وشكرا

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #76 في: 08:21 20/08/2010 »
السلام عليكم

طبعا انا سوآلي نفس سوآل الاخ عونك يارب ولكن!!!!

1- شكد تطول فتره الكوم
2- شنو يعني اكوم موافقه لو شنو واذا موافقه يعني الاجراءات الوراه سريعه
3- بتسهيل الله اذا اجا الكوم الخطوات الوراه شكد تاخذ وقت

4- هذا السوآل للاخ عونك يارب...انت تكول من شهر الثالث شعجب هسه يللا دزو المسؤرلك؟

هذا ولكم فائق الاحترام اخوكم يوسف

بسنة 2009 كانت موافقة رئيس البعثة (الكوم) متاخذ أكثر من شهرين الى 3 أشهر ... لكن مع بداية 2010 كامت المعاملات تتأخر لفترات توصل الى 8 أو 9 أشهر و مرات أكثر ... لكن ماكو قياس محدد للفترة و كلمن و حظه ... و طبعاً همين كلمن و مستمسكاته و طريقته بالتقديم.

فترة ما بعد الكوم .. تعتمد على سرعة إرسالك للمستمسكات سواء الى نبراسكا أو الـ NVC .. بمعاملتي طولت من الكوم لحين إستلام الفيزا بحدود 5 أشهر.

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #77 في: 08:24 20/08/2010 »
السلام عليكم اخوان
اني حبيت اجاوب بالنسبه لموضوع الكوم ابروفال وذلك عن طريق تجربتي الشخصيه
1-كملت اوراقي بشهر 10 سنة 2009
2-بنفس الشهر تم ابلاغي من قبل مديري انه اتصلوا بيه حول موضوع الريكومنديشن
3-بشهر 11 سنة 2009 دزولي انه اوراقك كامله
4-بشهر 8 2010  الكوم ابروفال
ملاحظه الكوم ابروفال موقعه من قبل السفير بشهر 12 2009
وشكرا

طبعاً إسمحلي أكولك بأنه شغلتك هاي تعتبر من الحالات النادرة و الغريبة كلش !!! يعني إنت موافقتك صادرة من العام و هسه يله دزولكياهه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

إنت كان المفروض منك تدزلهم إيميلات بين فترة و فترة و تستفسر عن معاملتك و متتركهم ... لأن فقدان المعاملات أو نسيانها من الأمور الواردة بكل مكان و حتى بالسفارة الأمريكية.

غير متصل samaraahmed

  • عضو
  • *
  • مشاركة: 27
    • مشاهدة الملف الشخصي
رد: أسئلة و أجوبة في الـ SIV شامل
« رد #78 في: 08:58 20/08/2010 »
السلام عليكم اخويه ماجلان
والله يا اخويه اني حنت ادزلهم بانتظام كل شهرين ورات كل شهر مره وجان يكولولي الكليشه المعروفه انه معاملتك كامله.......الخ
بس اني كل الي اكدر اكوله انه يجوز السبب اما ناسين الابروفال ومشمور ومدروا بيه او  التجييك لامني ولا انه ماعندي تفسير منطقي
وشكرا
صمد

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #79 في: 09:06 20/08/2010 »
لا أخوية ... التجييك الأمني ماله علاقة ... لأن موافقتك صادرة فعلياً من العام الماضي و متصدر أي موافقة بدون إنتهاء التجييك الأمني و الإداري ... بس نبقى نكول الله أعلم

غير متصل yousef_basra

  • عضو مميز
  • ****
  • مشاركة: 1069
  • الجنس: ذكر
    • مشاهدة الملف الشخصي
رد: أسئلة و أجوبة في الـ SIV شامل
« رد #80 في: 10:56 20/08/2010 »
السلام علیکم طبعا اشكر كلمن رد على اسئلتي هسه الي افتهمته منكم انتظر من شهر الى تسعة اشهر والله اعلم ولكن محد جوبني الكوم يعني فيزة لو اكو وراها خطوات ممكن تعرقل او تأخر الفيزة؟
اللهم صلي على محمد وآل محمد
اللهم لا تخرجنا من الدنيا حتى ترضى عنا

غير متصل saif_godfather

  • عضو فعال جدا
  • ***
  • مشاركة: 164
  • الجنس: ذكر
    • مشاهدة الملف الشخصي
رد: أسئلة و أجوبة في الـ SIV شامل
« رد #81 في: 13:36 20/08/2010 »
الكوم المرحله 1 من مراحل الاس اي في ووراها اكو 3 بس هيه الكوم اهم شي والوراها ينرادلها متابعه وبس
العراب

غير متصل yousef_basra

  • عضو مميز
  • ****
  • مشاركة: 1069
  • الجنس: ذكر
    • مشاهدة الملف الشخصي
رد: أسئلة و أجوبة في الـ SIV شامل
« رد #82 في: 22:31 20/08/2010 »
السلام عليكم

اشكرك اخ سف على الرد السريع ورحم الله والديك
وان شاء الله ر بي سهل امور الجميع
اللهم صلي على محمد وآل محمد
اللهم لا تخرجنا من الدنيا حتى ترضى عنا

غير متصل austin

  • عضو فعال
  • **
  • مشاركة: 46
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #83 في: 07:15 23/08/2010 »
والله هوه هذا الكوم صاير مشكله عويصه لان اني دزيت اوراقي بشهر 11/2009 وما اجتي الموافقه اله هسه يعني شهر 8/2010 علما انو اني ما عندي نقص بالاوراق والسوبر فايزر راسا جاوبهم من راسلوه بس ما اعرف شنو السالفه

غير متصل أبو سما

  • عضو
  • *
  • مشاركة: 10
    • مشاهدة الملف الشخصي
رد: أسئلة و أجوبة في الـ SIV شامل
« رد #84 في: 13:57 25/08/2010 »
[السلام عليكم ورحمة الله وبركاته

تحية طيبة الى كل الاعضاء الكرام
ارجوا من اي واحد من الاخوة الاعضاء الى يملك الاجابة الدقيقة والوافية ان يجاوبني على سؤال وهو
س/ اني قدمت على برنامج ال SIV وهسه وصلت المرحلة الثالثة مرحلة ارسال صورة القيد ودي اس 230 و234 وعقد الزواج و......الخ / طبعا اني امقدم لي ولزوجتي وبنتي ( يعني 3 نفرات )  .......هسه تكولون وين السؤال !!!!!!!  هو
اريد ان اقدم لآهلي اقصد ( الاب،الام،الاخوة،الاخوات) اشلون هل عن طريق نفس SIV وكيف بالضبط او عن طريق IOM واشلون بالضبط  علما مثل ما كلت انه اني وصلت المرحلة الثالثة ببرنامج SIV

ولكم الشكر والتقدير والله يوفقكم لخدمة الجميع
تحياتي

ابو سما
[/b]

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #85 في: 06:33 26/08/2010 »
[السلام عليكم ورحمة الله وبركاته

تحية طيبة الى كل الاعضاء الكرام
ارجوا من اي واحد من الاخوة الاعضاء الى يملك الاجابة الدقيقة والوافية ان يجاوبني على سؤال وهو
س/ اني قدمت على برنامج ال SIV وهسه وصلت المرحلة الثالثة مرحلة ارسال صورة القيد ودي اس 230 و234 وعقد الزواج و......الخ / طبعا اني امقدم لي ولزوجتي وبنتي ( يعني 3 نفرات )  .......هسه تكولون وين السؤال !!!!!!!  هو
اريد ان اقدم لآهلي اقصد ( الاب،الام،الاخوة،الاخوات) اشلون هل عن طريق نفس SIV وكيف بالضبط او عن طريق IOM واشلون بالضبط  علما مثل ما كلت انه اني وصلت المرحلة الثالثة ببرنامج SIV

ولكم الشكر والتقدير والله يوفقكم لخدمة الجميع
تحياتي

ابو سما
[/b]

منوّر أخوية أبو سما ... هاي شنو هالطلة اليوم؟ ;D ;)

حبي بالنسبة إلي و مثل ما كلتلك سابقاً ما عندي هلكد معلومات بهالخصوص .. بس أحسن شي تسويه هو تدز إيميل لجماعة الـ IOM و تستفسر منهم .. و إيميلهم هو:

ic@iom.int

تحياتي و سلامي للأهل و الأصدقاء

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
    • مشاهدة الملف الشخصي
رد: أسئلة و أجوبة في الـ SIV شامل
« رد #86 في: 20:30 27/08/2010 »
الاخت اماني والاخ ماجلان اشكركم جزيل الشكر حصلت عنوان بامريكا من صديق طيب مثل حضراتكم وما قصر واليوم دزلي الريسبت والابروفال وهسه جاي اتحضر للخطوة التاليه وارجو مساعتكم باملاء الفورمات ds230,ds234 علمن اني عندي عائله واحنه خمس اشخاص فياريت اعرف شنوا المطلوب بالفورمات وهل هي لكل شخص لو فقط لمقدم الطلب وممنون منكم ياطيبين
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.
ابتلينا بقوم يظنون ان

غير متصل austin

  • عضو فعال
  • **
  • مشاركة: 46
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #87 في: 06:46 31/08/2010 »
عندي فد سؤال للي واصلين لمرحلة nvc بالنسبة للجنسية وشهادة الجنسية بعد ان اترجمها هل تحتاج تصديق من جمعية المنترجمين ومن الخارجية لو بس اترجمها وكبل
مع الشكر

غير متصل saif_godfather

  • عضو فعال جدا
  • ***
  • مشاركة: 164
  • الجنس: ذكر
    • مشاهدة الملف الشخصي
رد: أسئلة و أجوبة في الـ SIV شامل
« رد #88 في: 15:54 31/08/2010 »
ترجم وكبل
اذا من مكتب نادر فلوز
العراب

غير متصل عونك يارب

  • عضو فعال جدا
  • ***
  • مشاركة: 245
    • مشاهدة الملف الشخصي
رد: أسئلة و أجوبة في الـ SIV شامل
« رد #89 في: 00:58 01/09/2010 »
اخي ماجلان
تحياتي بس ردت معلومة منك طلبها مني احد الاخوة اللي هو حاليا بامريكا وهو اس اي في قطعوا عنة الفود ستامب لان خلص 8 اشهر ولان هو اس اي في مو لاجئ حسب ما كالولة عندما اعترض لان هو صاحب عائلة يكول اكو قرار جديد طلع بان ال اس اي في يعامل معاملة اللاجئ وهو يريد ياخذ القرار للمسئولة عن الفود ستامب لان كالتلة اذا اكو هيجي شي جيبة خلي اشوفة  فيا اخوية ماجلان على اعتبارك خبير اس اي في بلكي اللنك مال القرار لو الموقع اللي بي مع شكري واحترامي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: أسئلة و أجوبة في الـ SIV شامل
« رد #90 في: 05:00 02/09/2010 »
اخوية العزيز عونك يارب ومن رخصة اخوية ماجلان هذا رابط الموضوع اللي بيه اللنك

http://www.ankawa.com/forum/index.php/topic,398195.0.html


راح تلكاني منزلة pdf نزلها ودزها لصديقك.

غير متصل عونك يارب

  • عضو فعال جدا
  • ***
  • مشاركة: 245
    • مشاهدة الملف الشخصي
رد: أسئلة و أجوبة في الـ SIV شامل
« رد #91 في: 21:39 02/09/2010 »
اختي العزيزة سرى
قريت البي دي اف بس هذا يخص بس المدكيد وليس الفود ستامب ممكن التوضيح مع شكري الجزيل

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
    • مشاهدة الملف الشخصي
رد: أسئلة و أجوبة في الـ SIV شامل
« رد #92 في: 04:38 03/09/2010 »
اخي العزيز مو بس الميديكيد هذا البي دي اف يخص كل المزايا (البنفتس) الخاصة باللاجئين طلع قرار بنهاية ال2009 بأنه جماعة الاس اي في ينشملون بنفس المزايا.

غير متصل muayyad

  • عضو جديد
  • *
  • مشاركة: 2
    • مشاهدة الملف الشخصي
رد: أسئلة و أجوبة في الـ SIV شامل
« رد #93 في: 16:07 04/09/2010 »
مساء الخير اخويه ماجلان عندي سؤال واريد اعرف جوابه من عندك..اني اسمي مؤيد وعندي اخ اشتغل بشركه امنيه امريكيه في بغداد من سنة 2003 الى سنة 2006 واخويه لا يريد السفر..السؤال هو هل يحق لي تقديم وثائق اخي وهي الباجات والمستمسكات وحتى اوراق الواجبات اللتي عمل بها مع الشركه الامنية..هل يحق لي تقديمها الى (siv) ومن ثم السفر الى اميركا....ومع جزيل الشكر لك..ارجو منك الاجابه وحفظك الله من كا مكروه

غير متصل sarsiv

  • عضو جديد
  • *
  • مشاركة: 1
    • مشاهدة الملف الشخصي
رد: أسئلة و أجوبة في الـ SIV شامل
« رد #94 في: 00:29 21/09/2010 »
اخوتي الاعزاء شكراً على هذا المجهود الكبير ...
بالحقيقة اني عندي سؤالين محتار بيهة ارجو مساعدتي
اني حاليا واصل للمرحلة الثالثة يعني اجاني اجاني ايميل من الـ NVC و يريدون الفورمات D230 و D234 و DS157 و عدم محكومية الى آخره

السؤال الاول اني كل شهر او شهرين اروح الى لبنان او الاردن هل يعني انه لازم اكتب كل هاي التواريخ بفورمة الـ Ds230

السؤال الثاني و المهم اني معبي فورمة DS 157 بالمرحلة الاولى و هسة من طلبوهة مني مرة ثانية كلت ليش اعبيهة مرة ثانية اني اصلاً كاتبهة (و يا ريتني مشفتهة) اكتشفت اني مخربط بتواريخ الدراسة مالتي و هسة محتار اعبي الفورمة من جديد مع التصحيح لو ادز نفس القديمة و ابلغهم

غير متصل أبو سما

  • عضو
  • *
  • مشاركة: 10
    • مشاهدة الملف الشخصي
رد: أسئلة و أجوبة في الـ SIV شامل
« رد #95 في: 10:10 05/10/2010 »
السلام عليكم
ارجو من الاخوة الاعضاء مساعدتي

 سؤالي اني وصلت المرحلة الثالثة مرحلة صورة القيد واستمارات 
DS230 /DS 234
وباقي المتطلبات ..... بس اني لحد الان مادزيت هاي المتطلبات ...تفاجئت انهم دزولي هاي الايملات  للفحص الطبي والمقابلة وامحددين لي موعد مقابلة هو 30 -11-2010 ؟؟؟
اسئلتي هي:-

1- اشلون صارت هاي الحالة هل اختصروا هاي المرحلة  الى المقابلة مباشرة ؟
2- زين هم يكلون سواء دزيت هاي المتطلبات الى ان في سي ام لا احضر معك هاي المتطلبات للمقابلة ...يعني ممكن مادز هاي الشغلات الهم واخذها مباشرة معي للمقابلة ؟
3- اريد اؤجل موعد المقابلة لوقت اخر للسنة الجاية بسبب  امور عائلية وعدم الاستعداد حاليا
4-  اشلون اكدر اؤجل المقابلة شنو اكلهم بالضبط وشنو سبب التأجيل ؟

ارجو مساعدتكم وبارك الله بكم   
ولكم الشكر والتقدير

اخوكم ابو سما

غير متصل husam2009

  • عضو فعال
  • **
  • مشاركة: 48
    • مشاهدة الملف الشخصي
ارجو من الاخوان مساعدتي
« رد #96 في: 22:48 10/10/2010 »
ارجو من الاخوان مساعدتي وخاصة الاخ العزيز ابو عبدالله ولا يهونون الاخوان...اخوان سؤالي عن ال DS-230 وبالضبط الفقرة اللي تكول Permanent Address in the United states Where you intend to live ,if known (street address including  zip code)Include the name of a person who currently lives there .شيقصد هنا ؟هل يقصد الولاية اللي ترغب العيش بها ؟زين هل يحتاج انه لازم اعرف احد يعيش بالولاية اللي سوف اختارها؟ ام لا؟ وشي ثاني اني فكرت انه اختار ولاية تكساس -مدينة اوستن او هيوستن او ال باسو ..شنو رايك يا اخي العزيز وتعذرني على الاطالة ..اني بالنسبة الي متزوج ولدي طفلتين وحاليا اعمل مترجم وانا خريج تربية لغة انكليزية ولدي مكتب انترنيت في العراق       

غير متصل husam2009

  • عضو فعال
  • **
  • مشاركة: 48
    • مشاهدة الملف الشخصي
رد: أسئلة و أجوبة في الـ SIV شامل
« رد #97 في: 22:31 12/10/2010 »
بارك الله فيك الف شكر اخوية العزيز عمار وماقصرت اخ عزيز

غير متصل المهندس_بغداد

  • عضو
  • *
  • مشاركة: 19
    • مشاهدة الملف الشخصي
رد: أسئلة و أجوبة في الـ SIV شامل
« رد #98 في: 07:18 23/10/2010 »
شونكم اصدقائي...يارب تكونو بخير

اشكركم جدا على هالموضوع الرائع والمفصل والي يجاوب على كثير من الاسئلة اليواجهه كل متقدم

سؤالي هو....

اذا كان المتقدم على ال اس اي في اعزب....وبعد الانتهاء من المقابلة او في هذه الفترة تزوج

اكو اجراء يسمح انو ياخذ زوجته معاه  او يلحقهة بلمفه التقديم حتى لو تتاخر الاجراءات


اتمنى الاجابة.....

مع اطيب التحيات

غير متصل Sunriserocket

  • عضو
  • *
  • مشاركة: 18
    • مشاهدة الملف الشخصي
رد: أسئلة و أجوبة في الـ SIV شامل
« رد #99 في: 09:35 26/10/2010 »
أخوان ....كل أوراقي كملت وعندي موعد مقابلة .....بس جوازي S  ....لحد الأن ...واني خارج العراق ...اروح للمقابلة والله كريم

غير متصل yousef_basra

  • عضو مميز
  • ****
  • مشاركة: 1069
  • الجنس: ذكر
    • مشاهدة الملف الشخصي
رد: أسئلة و أجوبة في الـ SIV شامل
« رد #100 في: 13:35 27/10/2010 »
السلام عليكم

اخوان انا صارلي 3 شهور قدمت على الاس اي في واراقي كاملة وكالولي انتظر اربع شهور للكوم .

سوآلي : اكو طريقة اعرف بيها معاملتي وين وصلت؟
يعني من غير ما ادزلهم ايميل استفسار

ثانيا: اذا ادزلهم ايميل استفسار هسه ... عادي لو بيها شئ ... يعني يجاوبوني ويكولولي معاملتي وين لو لا؟

ثالثا: حسب معلوماتكم بالنسبة للخطوة الاولى الجيف اوف مشن ليش تتأخر اربع شهو او اكثر؟ يعني خلال هاي الفترة اي اجراء يتم بيها ؟ مجرد موافقة السفير لو اجرات اداري لو امنية لو شنو؟

وشكرا

ارجو الرد من اهل الخبرة

اخوكم بالله يوسف

اتمنى التوفيق للجميع
اللهم صلي على محمد وآل محمد
اللهم لا تخرجنا من الدنيا حتى ترضى عنا

غير متصل keanu

  • عضو فعال
  • **
  • مشاركة: 31
    • مشاهدة الملف الشخصي
رد: أسئلة و أجوبة في الـ SIV شامل
« رد #101 في: 14:26 27/10/2010 »
السلام عليكم

طبعاً لاحظت بالفترة الأخيرة أن الكثير من الأخوة و الأخوات الأعضاء يسألون هواية أسئلة حول برنامج الـ SIV و لاحظت همين أن هواية أجوبة لأسئلتهم و إستفساراتهم مو دقيقة ... فحبيت أن أضع أمامكم هذا الموضوع حتى يكون مفتوح لكل من عنده أي سؤال أو إستفسار بخصوص هذا البرنامج ... و ان شاء الله أجاوبكم بالجواب الشافي على كل أسئلتكم من بداية التقديم على موافقة رئيس البعثة و لغاية الوصول الى الولايات المتحدة و حتى على ما تريدون أن تعرفوه على فترة ما بعد الوصول (الحقوق و الواجبات) .. بالإضافة لشرح طريقة مليء الإستمارات ... مع أمنياتي بالتوفيق للجميع.
السلام وعليكم شباب اني طلعتلي قابله يوم 14/11 وجوازي انغسل راح اطلع واحد جديد شتكولون اكولهم لو من اروح اودي الجديد.? اشكركم

غير متصل yousef_basra

  • عضو مميز
  • ****
  • مشاركة: 1069
  • الجنس: ذكر
    • مشاهدة الملف الشخصي
رد: أسئلة و أجوبة في الـ SIV شامل
« رد #102 في: 22:02 29/10/2010 »
السلام عليكم
اخوان بانسبة لبرنامج الاس اي في هم نحتاج ندفع رسوم للفيزة لو لا وبالنسبة للفحص الطبي هم ندفع لو لا؟

وشكرا اخوكم يوسف
اللهم صلي على محمد وآل محمد
اللهم لا تخرجنا من الدنيا حتى ترضى عنا

غير متصل umany

  • عضو فعال جدا
  • ***
  • مشاركة: 121
  • الجنس: أنثى
  • من لا يعتبر وجودي مكسبا له لا اعتبر غيابه خسارة لي
    • مشاهدة الملف الشخصي
رد: أسئلة و أجوبة في الـ SIV شامل
« رد #103 في: 10:28 31/10/2010 »

الاخ yousef_basra  / الفيزا بالنسبه لبرنامج الـSIV ببلاش بدون رسوم , اما الفحص الطبي فهو بفلوس واللي هيه :
عيادة وامار 170 دولار للعمر فوك الـ15 سنة و85 دولار لجوه الـ15 سنه

مع تحياتي
اماني

غير متصل المهندس_بغداد

  • عضو
  • *
  • مشاركة: 19
    • مشاهدة الملف الشخصي
رد: أسئلة و أجوبة في الـ SIV شامل
« رد #104 في: 23:00 31/10/2010 »
مرحــبا اخواني

ارسل هالرسالة وكلي امل بجوابك...من خلال الي شفته من مساعدة لكل الاصدقاء بهالموقع المهم..النا...

كتبت سؤالي بالموقع ..لكن لسة ماكو جواب ولان ..السرعة مهمة بحالتي  ..سمحت لنفسي ارسك السؤال ..وانشالله متقصرين...

1- الفقرة 10 و11 من الفورمة DS 230 هل ضروري ادرج عنوان شخص بامريكل لاستلام الكرين كارت..يعني اذا ماعندي..لابد ان ادبرلي واحد..علما اني لم ارسل الفورمة لل ان في سي..لان اتاخرت لظرف..لكنهم قبل شهر رسلولي ايميل بالمقابلة مع جلب كل المستمسكات والوثائق الي مارسلتها لل ان في سي

2- اذا بعد انهاء المقابلة..شخص تزوج..هل يمكنه اضافة الزوج.
3-هل يحوي الموقع على فورمة DS 230مملية ..او توضيح مبسط ممكن تزويدنا بالرابط اذا متوفر..

اشكر اخواني العزيزة...وانتظر الجواب...ايا كان

بيست وشس

غير متصل austin

  • عضو فعال
  • **
  • مشاركة: 46
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #105 في: 08:22 04/11/2010 »
اخي ابو سما اولا اسف على التاخير بالرد
نعم يضهر انه صار اختزال بالعملية اي ان تجييك دا يصير قبل ما ترسل المستمسكات بس تبقى المستمسكات الاصلية مطلوبة في يوم المقابلة و الله اعلم يمكن راح يصير التجييك بعد المقابلة يعني صتصير مرحلة التاخير بعد المقابلة وليس قبلها مثل ما جنه نسمع من الناس الي سبقونا وهاي مو بس انته صار وياك هلموضوع بس للاسف ما اعرف شخص قابل واذا عرفت اكيد راح اكتب هنا
اما عن التاجيل فما انصح بيه بس انته اعلم ابضروفك واذا انته تشوف ضرفك يستحق التاجيل فاشرحلهم بصراحه و انشاء الله راح يتفهمون

اخي العزيز يوسف بصره
الجيف اوف مشن يتاخر واني بحالتي تاخر تقريبا ثمانية اشهر بس هاذا مو قياس اكو ناس استلمو باسابيع المهم اذا كانو قد اتصلو بالاسبونسر مالتك وجاوبهم ودزولك رساله يكولون بيها المعاملة كملت فيعني بس انتضار والله كريم وانته على العموم راسلهم وكلهم وين وصلت الكيس مالتي عادي ما بيها شي

اخي مهندس بغداد
طبعا ضروري تخلي عنوان شخص يستلم الكرين كارت
اما بالنسبه للزوجه فاسف ما عندي علم

غير متصل umany

  • عضو فعال جدا
  • ***
  • مشاركة: 121
  • الجنس: أنثى
  • من لا يعتبر وجودي مكسبا له لا اعتبر غيابه خسارة لي
    • مشاهدة الملف الشخصي
رد: أسئلة و أجوبة في الـ SIV شامل
« رد #106 في: 11:03 11/11/2010 »
الاخ المهندس_بغداد

راح اجاوبك واتمنه من الاعضاء اللي عدهم خبره اكثر بهاي الفقرات بالذات يضيفون ويعلقون:

1- بالنسبه للفقره 11 تشمل الكفيل مو الا تمليهه لكن الفقره 10 المفروض تنملي بعنوان شخص بامريكا ينرسل اله الكرين كارد ...اذا تريد اتركهه فارغه لان ماعندك احد حاليا تكتب عنوانه , وانتظر علماتصير المقابله مالتك انشالله همه رأساً من يشوفونك ماكاتب شي راح يكلولك انطينه عنوان شخص بامريكا ينرسل اله الكرين كارد مالتك ...تكون بوكتهه بلكت مدبر عنوان احد هناك ( لان حرامات تضيع الوقت هسه اتدور عله عنوان شخص ,دزه هسه بس اكتب N/A وبعدين الله كريم) ...هذا رأيي الشخصي.

2- اتصور اذا شخص اتزوج بعد المقابله ما اله حق يضيف الزوجه ( هذا الحجي طبعا انته SIV ) لان تبقه مسألة ايام وتاخذ الفيزا ..واذا اتزوجت تنعاد السالفه كلهه ..وهذا ايضا رأيي الشخصي .

3- بالنسبه للفورمه 230 ماعتقد اكو فورمه جاهزه ولو هواي من الاعضاء الكرماء كالو راح يسووهه حته تسهل الشغله , بس انته تكدر تلكي بالمنتدى مواضيع كثيره عن كيفية ملأ استمارة 230 والاخوان ماقصرو بشرحهه بصوره وافيه واني من الناس اللي استفاديت هواي من هذا الشي ...واذا عندك اي شي وكفت بيه فماكو اي مشكله من تسال وراح تلكي اكثر من جواب واني من ضمنهم ...

اسفه اذا كانت اجوبتي بالفقرتين الاولانيتين ماواثقه منهم لان ماعندي خبره بيهم ...لكن حاولت افيدك باللي اكدر عليه ...

مع تحياتي
اماني

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
    • مشاهدة الملف الشخصي
رد: أسئلة و أجوبة في الـ SIV شامل
« رد #107 في: 19:28 21/11/2010 »
السلام عليكم جميعا الاخوة والاخوات مناضلي الاس اي في
في البدء اوضح بعض الامور حتى تكون الاجوبه بصورة سهلة ومفيدة ليستفاد منها كل الاخوة اللذين نفس حالتي
اخوان الاعزاء انا بانتظار مقابله نهايه هذة السنه
اكملت كل الفورمات 230و234 وتعرفون هذة الفورمات تنذكر بيه عنوان ومكان استلام الكرين كارد وانا كتب بالكومنت كلت عندي صديق بولايه كولارادو واحب اتوطن قريب عليه هسه اللي استجد بالموضوع اخت زوجتي مع زوجها سافروا على الاي او ام وهسه همه في احدى مدن نيويورك والله حتى نسيت اسمه المدينه يصير هسه اغير بالعنوان او يصير عديلي يكفلني او الكفله يكفلني لان تعرفون اقرباء واني بصراحه ارتاحيت للمدينه والمنظمه اللي يحمدون بتعامله وياهم ويرجعون ليورة والشغل متوفر بالمدينه وعلى الاختصاص
اذا يصير اغير او استفسر اكو طريقه  يعني  المن ادز استفساري اقصد  الى اي عنوان شاكر لكم سعه صدوركمفي طرح أرائكم وسدد الله خطاكم للخير  وربي الموفقيه للجميع
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.
ابتلينا بقوم يظنون ان

غير متصل كوكب

  • عضو
  • *
  • مشاركة: 20
    • مشاهدة الملف الشخصي
رد: أسئلة و أجوبة في الـ SIV شامل
« رد #108 في: 14:38 26/11/2010 »
السلام وعليكم عندي سوال بلا زحمه عليكم
 السوال 43 a ,b
كيف يتم الاجابة عنه
اشكركم مقدما

غير متصل كوكب

  • عضو
  • *
  • مشاركة: 20
    • مشاهدة الملف الشخصي
رد: أسئلة و أجوبة في الـ SIV شامل
« رد #109 في: 14:40 26/11/2010 »
السلام وعليكم عندي سوال بلا زحمه عليكم
 السوال Question 43a and b of ds-230 form
كيف يتم الاجابة عنه

غير متصل علي امون

  • عضو فعال جدا
  • ***
  • مشاركة: 465
    • مشاهدة الملف الشخصي
رد: أسئلة و أجوبة في الـ SIV شامل
« رد #110 في: 19:42 07/12/2010 »
السلام عليكم أخوتي الاعزاء
عند استفسار  ارجو ان تساعوني بي
الحقيقة اني جيت للعمان وقدمت على الاس اي في \وعلى ال يو ان \وال اي او ام \وقدمت على القرعة السنوية \
بس بقة الحج مقدمت عليه
الي اريد اعرفه
بعثت لنبراسكا بتاريخ 15\10\2010
ورد همة بعد اسبوع طلبو مني اوراق نقص
ودزيت الاوراق بعد اربع ايام ولحد الان ماكو نتيجة منهم \هل هذا شي طبيعي  انو ياخذون وقت لو تاخير \شنو الاجرائات مالتهم

ارجو النصيحة\التوفيق للجميع

علي امون

غير متصل yousef_basra

  • عضو مميز
  • ****
  • مشاركة: 1069
  • الجنس: ذكر
    • مشاهدة الملف الشخصي
رد: أسئلة و أجوبة في الـ SIV شامل
« رد #111 في: 20:54 10/12/2010 »
السلام عليكم

اخواني قدمت على الاس اي في قبل ثلاث اشهر ونصف... طبعا كما تعرفون فترة انتظار الجيف اوف مشن هي اربع شهور تقريبا

وانا لحد الان انتظر وانشاء الله الموافقة.

السوآل الاول: فحص الاي او ام  يعوض عن فحص الاس اي في؟ يعني اذا فاحص اي او ام هم يردون فحص طبي بالاس اي في؟

السوآل الثاني: شكد تتوقعون اقصى فتره ممكن يطول بيها الجيف اوف مشن؟

السوآل الثالث: اذا عندي كفيل في احدى الولايات الي ارغب استقر فيها ان شاء الله يمته انطيهم عنوانه وتفاصيل الاتصال به؟

وشكرا

اخوكم في الله يوسف
اللهم صلي على محمد وآل محمد
اللهم لا تخرجنا من الدنيا حتى ترضى عنا

غير متصل البلدوزر

  • عضو مميز
  • ****
  • مشاركة: 1222
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #112 في: 22:30 10/12/2010 »
السلام عليكم اخواني واخواتي
سؤالي الاول وين اصدق العدم محكومية وهل تحتاج تصديق الخارجية
وسؤالي الثاني صور القيد 57 هل تصديق مكتب نادر يكفي مع ترجمتهم ام يجب الترجمة في
دائرة الجنسية وتصديق من الخارجية واذا واجب فاين مكان الترجمة والتصديق بالتفصيل
وسؤالي الثالث استمارة المساعدات و234 هل ارسلها الان ام يجب انتظار جواب الا في سي
ومع الشكر مقدما للجميع
البلدوزر

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #113 في: 18:49 11/12/2010 »
أشكر كل الأخوة و الأخوات اللي وضعوا أسئلتهم و تعليقاتهم في هذا الموضوع .. و أعتذر عن عدم تواصلي معكم في الفترة السابقة لكثرة مشاغل الحياة في أمريكا و لإنقطاعي عن المنتدى للأشهر الأربعة الماضية .. و أعتذر أيضاً لكل الأخوة و الأخوات اللي أرسلولي رسائل و إستفسارات على الخاص و إن شاء الله يقدرني على الإستجابة لأسئلتهم في أقرب وقت

تحياتي

أخووووووكم ماجلان

غير متصل ABO SARAH

  • عضو فعال جدا
  • ***
  • مشاركة: 694
  • الجنس: ذكر
  • http://www.arabicized.com
    • مشاهدة الملف الشخصي
    • http://www.translatorscafe.com/cafe/profile/default.asp?UN=ahmedalmushrif
    • البريد الالكتروني
رد: أسئلة و أجوبة في الـ SIV شامل
« رد #114 في: 10:02 19/12/2010 »
السلام عليكم اخ يوسف
مو بالضرورة اربع اشهر اني انتظرت ٨ اشهر وكانت صعبة جدا  بس الصبر مفتاح الفرج وبالنسبة للفحص اتصور اكو اكسبايري للموضوع بس تكدر تسال العيادة الخارجية للفحص وتتاكد
بالتوفيق
hhtp://www.arabicized.com

غير متصل عمار عبد الكريم

  • عضو فعال
  • **
  • مشاركة: 53
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #115 في: 15:18 26/12/2010 »
السلام عليكم احبتي
اني قدمت بشهر 6 لل اس اي في - المهم بشهر تسعه كللولي راحت الموافقه لبغداد - وتحتاج الموافقة مال ال جيف اوف مشن من 90 الى 120 يوم
رجعولي ب 15 11 وكللولي انريد منك كل اوراق العقود كاملة مو بس ورقة التوقيع وهذا الطلب من المشن اببغداد
بعد ان صار ايميل عظيم 60 كيكا دزيته ب 25 11 وجاوبوني ب 1/12/2010 انه استلمنا كل شي وانتظر جواب الجيف اوف مشن بمدة شهر.
واليوم 26 بالشهر
تتوقعون شهر مضبوط لو شهر ابو ال 3 اشهر ؟

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #116 في: 22:21 26/12/2010 »
السلام عليكم احبتي
اني قدمت بشهر 6 لل اس اي في - المهم بشهر تسعه كللولي راحت الموافقه لبغداد - وتحتاج الموافقة مال ال جيف اوف مشن من 90 الى 120 يوم
رجعولي ب 15 11 وكللولي انريد منك كل اوراق العقود كاملة مو بس ورقة التوقيع وهذا الطلب من المشن اببغداد
بعد ان صار ايميل عظيم 60 كيكا دزيته ب 25 11 وجاوبوني ب 1/12/2010 انه استلمنا كل شي وانتظر جواب الجيف اوف مشن بمدة شهر.
واليوم 26 بالشهر
تتوقعون شهر مضبوط لو شهر ابو ال 3 اشهر ؟


ماكو فترة محدده و كلهه تعتمد على عدد المعاملات ... لكن اللي دا أشوفه خلال هاي الفترة أنه عدد معاملات SIV صاير كلش هواية بحيث عندي صديق ابغداد دز أوراقه للـ NVC قبل شهر و نص و هسه دزوله موعد مقابلة على شهر الثاني و هاي الشغلة جديدة مال يحددون موعد مقابلة ورة شهرين أو أكثر ... فإنت إنتظر و الله كريم بس بنفس الوقت دزلهم إيميلات بين فترة و فترة و لا تعوفهم.

تحياتي

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #117 في: 22:27 26/12/2010 »
السلام عليكم اخواني واخواتي
سؤالي الاول وين اصدق العدم محكومية وهل تحتاج تصديق الخارجية
وسؤالي الثاني صور القيد 57 هل تصديق مكتب نادر يكفي مع ترجمتهم ام يجب الترجمة في
دائرة الجنسية وتصديق من الخارجية واذا واجب فاين مكان الترجمة والتصديق بالتفصيل
وسؤالي الثالث استمارة المساعدات و234 هل ارسلها الان ام يجب انتظار جواب الا في سي
ومع الشكر مقدما للجميع


سؤالك الأول: تصديق عدم المحكومية يكون في قسم التصديقات بوزارة الخارجية بالعلاوي و نعم هي تحتاج تصديق الخارجية.

سؤالك الثاني: مكتب نادر ما عنده تصديق و يسوي فقط الترجمة مو أكثر .. و هي كلش كافية و هواية من أخوانه و أصدقائنه سووهه بهالطريقة ... و إذا تريد تسويهه رسمية من دائرة الجنسية فهمين أوكي و معاملتهه تخلص بيوم واحد و تشمل الترجمة و التصديق (تصديق الداخلية و الخارجية) و مكان دائرة الجنسية بشارع الرشيد يم جسر السنك مقابيل مرطبات كشمشة أو مشمشة ما أذكر الإسم بالضبط.

سؤالك الثالث: بالنسبة للإستمارات ترسلهه مع باقي المستمسكات للـ NVC من يدزولك الـ Correspondence و اللي يكون على شكل ملف pdf و يوصلك بالإيميل.

تحياتي

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #118 في: 22:31 26/12/2010 »
السلام عليكم

اخواني قدمت على الاس اي في قبل ثلاث اشهر ونصف... طبعا كما تعرفون فترة انتظار الجيف اوف مشن هي اربع شهور تقريبا

وانا لحد الان انتظر وانشاء الله الموافقة.

السوآل الاول: فحص الاي او ام  يعوض عن فحص الاس اي في؟ يعني اذا فاحص اي او ام هم يردون فحص طبي بالاس اي في؟

السوآل الثاني: شكد تتوقعون اقصى فتره ممكن يطول بيها الجيف اوف مشن؟

السوآل الثالث: اذا عندي كفيل في احدى الولايات الي ارغب استقر فيها ان شاء الله يمته انطيهم عنوانه وتفاصيل الاتصال به؟

وشكرا

اخوكم في الله يوسف

سؤالك الأول: فحص الـ IOM يختلف عن فحص الـ SIV و من يطلبون منك جماعة الـ SIV فحص لازم تسويه و هو يكون بفلوس مو مجاني مثل فحص الـ IOM

سؤالك الثاني: الفترة تعتمد على إكتمال أوراقك اللي دازهه و على جواب السوبر فايزر مالتك على إيميلهم لتأكيد معلوماتك و حسب قولهم الفترة متتجاوز 4 أشهر لكن أكو حالات طولت أكثر.

ممكن تكتب إسم الكفيل و عنوانه في إستمارات DS230 و DS234 و هاي الإستمارات تمليهن في مرحلة الـ NVC

بالتوفيق ان شاء الله

تحياتي

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #119 في: 22:35 26/12/2010 »
السلام عليكم أخوتي الاعزاء
عند استفسار  ارجو ان تساعوني بي
الحقيقة اني جيت للعمان وقدمت على الاس اي في \وعلى ال يو ان \وال اي او ام \وقدمت على القرعة السنوية \
بس بقة الحج مقدمت عليه
الي اريد اعرفه
بعثت لنبراسكا بتاريخ 15\10\2010
ورد همة بعد اسبوع طلبو مني اوراق نقص
ودزيت الاوراق بعد اربع ايام ولحد الان ماكو نتيجة منهم \هل هذا شي طبيعي  انو ياخذون وقت لو تاخير \شنو الاجرائات مالتهم

ارجو النصيحة\التوفيق للجميع

علي امون

ههههههههههههههه حلوة هاي مال بقى بس الحج ممقدم عليه  :D

زين انت شتقصد من تكول دزيت أوراقك لنبراسكا؟ يعني انت مستلم الجيف أو مشن أبروفال؟ يا ريت تجاوبني على هذا السؤال حتى أكدر أجاوبك على سؤالك.

تحياتي

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #120 في: 22:46 26/12/2010 »
السلام وعليكم عندي سوال بلا زحمه عليكم
 السوال Question 43a and b of ds-230 form
كيف يتم الاجابة عنه


43a تختار NO ... و تنزل تحت إختيار NO و تختار YES

43b تختار YES

تحياتي

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #121 في: 22:57 26/12/2010 »
السلام عليكم جميعا الاخوة والاخوات مناضلي الاس اي في
في البدء اوضح بعض الامور حتى تكون الاجوبه بصورة سهلة ومفيدة ليستفاد منها كل الاخوة اللذين نفس حالتي
اخوان الاعزاء انا بانتظار مقابله نهايه هذة السنه
اكملت كل الفورمات 230و234 وتعرفون هذة الفورمات تنذكر بيه عنوان ومكان استلام الكرين كارد وانا كتب بالكومنت كلت عندي صديق بولايه كولارادو واحب اتوطن قريب عليه هسه اللي استجد بالموضوع اخت زوجتي مع زوجها سافروا على الاي او ام وهسه همه في احدى مدن نيويورك والله حتى نسيت اسمه المدينه يصير هسه اغير بالعنوان او يصير عديلي يكفلني او الكفله يكفلني لان تعرفون اقرباء واني بصراحه ارتاحيت للمدينه والمنظمه اللي يحمدون بتعامله وياهم ويرجعون ليورة والشغل متوفر بالمدينه وعلى الاختصاص
اذا يصير اغير او استفسر اكو طريقه  يعني  المن ادز استفساري اقصد  الى اي عنوان شاكر لكم سعه صدوركمفي طرح أرائكم وسدد الله خطاكم للخير  وربي الموفقيه للجميع

و لو جوابي متأخر على سؤالك بس أعتقد بعدنا بيهه ... على إعتبار مقابلتك بنهاية السنة و هسه إحنا بنهاية السنة ... إنت تكدر حتى بعد المقابلة أو أثنائها تطلب تغيير الكفيل و كل اللي عليك أن تسويه هو أن تملي إستمارة DS-234 من جديد و تكتب العنوان الجديد و تكتب بخانة الـ Comments أسفل الإستمارة سبب التغيير و من تدز الإستمارة تكتبلهم بالموضوع

DS-234 / Update

بالإضافة الى رقم الكيس نمبر مالتك و إسمك و مواليدك

و بالنسبة لإستمارة الـ DS-230 فممكن هم تسوي تحديث بس ما أنصحك لأن رح يسببلك تأخير و أقترح أن تتركه بدون تحديث و الشي الوحيد اللي يصير هو أنه الكرين كارد يدزولكياه على عنوان صاحبك بكولورادو .. لكن إذا بعدك ما مقابل فممكن أن تكتب ورقة زغيرة تحتوي الإسم و العنوان الجديد و تسلمهه بيد القنصل نفسه و تكول له أريد الكرين كارد يوصلني على هذا العنوان بدلا من العنوان المكتوب بالإستمارة و هذا الشي طبيعي و ميأثر على المعاملة و آني بوقتهه سويت هذا الشي بيوم المقابلة و مشت الأمور.

غير متصل amjidbaker

  • عضو جديد
  • *
  • مشاركة: 2
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #122 في: 11:46 28/12/2010 »
السلام عليكم
عذرا لانتسابي المتأخر لهذا المنتدى الرائع
اني اقرأ الكثير من التذمر عن التاخير في المعاملات ولكن هل تعلمون بانني حصلت على ال comp في الشهر الخامس 2009 وانا مقيم في عمان وتم اكمال كافة متطلبات nvc في الشهر السابع 2009 وبقيت انتظر موعد المقابلة سنة  وثلاثة اشهر!!!! اي الى الشهر العاشر 2010 ,حيث ابلغوني بموعد المقابلة في 2 /12/2010 . وتمت المقابلة في عمان وانا الان في انتظار رحمة الله.
هل جرى على اي احد من الاعضاء السابقين والحاليين ماجرى علىّ.؟؟
وهل تستطيعون التنبأ بموعد استلام كتبة الله الكشـــــرة؟
ابو حيدر

غير متصل rmadi

  • عضو فعال جدا
  • ***
  • مشاركة: 675
    • مشاهدة الملف الشخصي
رد: أسئلة و أجوبة في الـ SIV شامل
« رد #123 في: 13:08 28/12/2010 »
الاخ ماجلان
الأخوة الاعضاء
السلام عليكم

اني مقدم إس اي في مرحلة ال ان في سي بس بعدني مدزيت الاوراق ولا مليت ال 260

تاريخ ميلاد زوجتي الصحيح هوة يوم 20 بس بالجواز الله يسلمهم كاتبيلي 2.........اني دخت بالموضوع والاخوة هم اقترحوا خطوات
سؤالي هوة مادام اني مداز جواز زوجتي لحد هاي اللحظة لأي جهة رسمية بخصوص الهجرة وكل الاوراق كانت أوراقي  اكدر ابدل الجواز بتاريخ ميلاد صحيح واحط نفس السبيلنج مال الاسم  بهاي المرحلة  الي هية ان في سي لو يعيدولي كل المعاملة؟

بارت اصحاب التجربة الي صارت عدهم هيجزحالة يساعدوني

غير متصل amjidbaker

  • عضو جديد
  • *
  • مشاركة: 2
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #124 في: 09:13 29/12/2010 »
اخي العزيز
الحل الي انته اقترحته حل صحيح ومنطقي وطالما انته في البداية خلي كلشي يصير عندك مضبوط وصحيح.
وال NVC ينتظر منك الجواب شوكت ماكان,فانته ارسل كلشي ما الا علاقة بزوجتك الهم ومن اتكمل الجواز ارسله.
والسلام ختام
مجرب مـــــــو حكيـــم

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #125 في: 10:54 29/12/2010 »
السلام عليكم
عذرا لانتسابي المتأخر لهذا المنتدى الرائع
اني اقرأ الكثير من التذمر عن التاخير في المعاملات ولكن هل تعلمون بانني حصلت على ال comp في الشهر الخامس 2009 وانا مقيم في عمان وتم اكمال كافة متطلبات nvc في الشهر السابع 2009 وبقيت انتظر موعد المقابلة سنة  وثلاثة اشهر!!!! اي الى الشهر العاشر 2010 ,حيث ابلغوني بموعد المقابلة في 2 /12/2010 . وتمت المقابلة في عمان وانا الان في انتظار رحمة الله.
هل جرى على اي احد من الاعضاء السابقين والحاليين ماجرى علىّ.؟؟
وهل تستطيعون التنبأ بموعد استلام كتبة الله الكشـــــرة؟
ابو حيدر

اخي العزيز ...

أهلاً و سهلاً بيك بالمنتدى ...

هذا حال معاملات الهجرة ... أكو ناس مشت معاملاتهم بسرعة بمرحلة الجيف اوف مشن بس تأخرت بالـ NVC مثل حضرتك ... بينما أكو ناس تأخروا بالحصول على الجيف اوف مشن و مشت باقي المعاملة بسرعة بمرحلة الـ NVC و هذا الشي اللي صار ويايه ... فهذا اللي كاتبه ربك ان شاء الله خير و مو كتبه كشره مثل ما حضرتك وصفتهه .. خليك مؤمن بحكمة ربك و بما يكتبه إلك و ان شاء الله تخلص و تسافر بأقرب وقت.

أخوك ماجلان

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #126 في: 11:04 29/12/2010 »
الاخ ماجلان
الأخوة الاعضاء
السلام عليكم

اني مقدم إس اي في مرحلة ال ان في سي بس بعدني مدزيت الاوراق ولا مليت ال 260

تاريخ ميلاد زوجتي الصحيح هوة يوم 20 بس بالجواز الله يسلمهم كاتبيلي 2.........اني دخت بالموضوع والاخوة هم اقترحوا خطوات
سؤالي هوة مادام اني مداز جواز زوجتي لحد هاي اللحظة لأي جهة رسمية بخصوص الهجرة وكل الاوراق كانت أوراقي  اكدر ابدل الجواز بتاريخ ميلاد صحيح واحط نفس السبيلنج مال الاسم  بهاي المرحلة  الي هية ان في سي لو يعيدولي كل المعاملة؟

بارت اصحاب التجربة الي صارت عدهم هيجزحالة يساعدوني

أخي العزيز ...

آني هم صار خطأ بجوازات أطفالي .. و الخطأ من موظف الجوازات (أبو الحاسبة) مو مني .. و بوقتهه رحت قابلت اللواء مدير عام الجوازات في بغداد و شرحتله القصة و شلون خطأ الموظف هذا رح يأخرني و آني على أبواب سفر (بدون ذكر السفر الى أمريكا طبعاً) و بعد أن إطّلع اللواء على الخطأ و شاف تقصير الموظف كتبلي ورقة و وقّعهه و هي عبارة عن أمر إداري بإتلاف الجوازات الحالية و إصدار غيرها على أن يتحمل الموظف رسوم الصك ... طبعاً آني وديت هاي الورقة للموظف و من شافهه بعد شوية و يبجي و هو طبعاً ضابط برتبة نقيب ... بس بوقتهه كلتله لا تهتم آني ما أخليك تخسر فلوس الصكوك و آني رح أدفعهن بس على شرط تخلص الجوازات بسرعة و بدون تأخير و يكونن مضبوطات بدون أي خطأ ... و بالفعل إستلمت الجوازات الجديدة خلال 5 أيام.

القصد من قصتي هذي هو أنه إذا انت تكدر تطلّع جواز جديد بسرعة فلا تتأخر و إبدأ من هسه بمعاملة تبديل الجواز .. و ما دام الخطأ من يمهم فالشغلة سهلة ان شاء الله.

تحياتي

غير متصل rmadi

  • عضو فعال جدا
  • ***
  • مشاركة: 675
    • مشاهدة الملف الشخصي
رد: أسئلة و أجوبة في الـ SIV شامل
« رد #127 في: 12:00 29/12/2010 »
اشكر فضلك اخي ماجلان
بس اني موضوعي مو شلون ابدل الجواز ( لان اني لكيت شخص راح يسويها للشغلة بمبلغ بسيط )اني اريد اعرف من ابدل جواز زوجتي راح تتاثر معاملة الاس اي في لو لا؟
طبعا انتة زين من يعرف  جماعة الاس اي في ميدزون اوراق عائلتهم لحد ميوصلون مرحلة nvc  اني من دزيت الاوراق لنبراسكا بال i 360 كتبت تاريخ زوجتي حسب جوازها وهذا هوة المكان الوحيد الي نذكرت بي زوجتي وتاريخ ميلادها وهسة لازم ادز الاوراق للnvc بس خايف لا يكولولي انتة كاتب ميلاد زوجتك بال i 360 غير رقم ويرجعوني مثلا اقدم من جديد او اعيد عدد المراحل وما اكمل من مرحلة ال nvc وهذا هوة مصدر قلقي؟

مع شكري الجزيل للمساعدة والاهتمام

غير متصل Abu Tubar

  • عضو فعال
  • **
  • مشاركة: 63
  • الجنس: ذكر
    • مشاهدة الملف الشخصي
    • Iraqi Gamerz Ultimate Online Gaming
رد: أسئلة و أجوبة في الـ SIV شامل
« رد #128 في: 12:26 29/12/2010 »
السلام عليكم شباب شونكم انشاء الله بخير ميري اكسماس وسنة جديدة انشاء الله خير على الجميع
اكو شغلة او ثنين دوخني بال260 الي هيه Is your Mailing Address the same as your Present Address? ؟؟
الشغلة الثانية اكو هاي مال ال ال ال ال شسمها دقيقة خلي اروح اجيكها
.
.
.
.
اي تذكرت الPetitioner is my
شخلي هنا
Self
لو منو؟؟؟

وشغلة لخ اكو خطأ متيها من البداية الي هوه عنوان السكن المنطقة نسميها اليرموك بس هيه مأمون ببطاقة السكن واني كاتب يرموك بالسجلات والفورمز مثل 360 وغيرها  شتنصحوني اغيرها بال260 وباقي المعاملات لو اعوفها يرموك؟؟؟

تحياتي الكم

غير متصل Black Angel

  • مبدع قسم الهجرة
  • عضو مميز جدا
  • *
  • مشاركة: 2616
  • الجنس: ذكر
  • الرائعون كالاحجار الثمينة لانصنعهم بل نبحث عنهم
    • مشاهدة الملف الشخصي
رد: أسئلة و أجوبة في الـ SIV شامل
« رد #129 في: 13:25 29/12/2010 »
حبي ابو طبر من رخصة اخونا ماجلان

حبي بالنسبة للعنوان يكولك هو نفسه الي استلمت عليه الرسيتات مال نبراسكا لو غيرته اذا نفسه متغير كلة YES اذا راح تغيره اكتب الجديد

اي حبي اذا دتحجي عن نفسك فانت تكون SELF لان انت دتسوي معاماتك مو احد يسوسيهة الك

بالنسبة للعنوان حبي اذا انت كاتباليرموك بمعاملاتك بقيهة اليرموك لاتغير منها شي لان همة مراح يطلبون منك اثبات بخصوص سكنك
  
 الهي لا أدري ما تحمله لي الايام لكن ثقتي بأنك معي تكفيني سبحانك ماأحلمك، وبحالي ماأعلمك، وعلى تفريج همي ماأقدرك،                                        أنت ثقتي ورجائي فاجعل حسن ظني فيك جزائي

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #130 في: 21:27 29/12/2010 »
اشكر فضلك اخي ماجلان
بس اني موضوعي مو شلون ابدل الجواز ( لان اني لكيت شخص راح يسويها للشغلة بمبلغ بسيط )اني اريد اعرف من ابدل جواز زوجتي راح تتاثر معاملة الاس اي في لو لا؟
طبعا انتة زين من يعرف  جماعة الاس اي في ميدزون اوراق عائلتهم لحد ميوصلون مرحلة nvc  اني من دزيت الاوراق لنبراسكا بال i 360 كتبت تاريخ زوجتي حسب جوازها وهذا هوة المكان الوحيد الي نذكرت بي زوجتي وتاريخ ميلادها وهسة لازم ادز الاوراق للnvc بس خايف لا يكولولي انتة كاتب ميلاد زوجتك بال i 360 غير رقم ويرجعوني مثلا اقدم من جديد او اعيد عدد المراحل وما اكمل من مرحلة ال nvc وهذا هوة مصدر قلقي؟

مع شكري الجزيل للمساعدة والاهتمام

الخطأ وارد بأي معاملة .. و بالنتيجة همه يعتمدون على نسخة الجواز اللي رح تدزهه ... لأن جماعة نبراسكا جهة أمنية مو إدارية و شغلهم يقتصر على التأكد من صحة المعلومات من الناحية الأمنية .. مثلاً: التأكد من كونكم عراقيين و غير مطلوبين لأي جهة ... فيبقى التدقيق و المراجعة الإدارية يم الـ NVC و اللي المهم توصلهم معلومات مضبوط و متطابقة مع أوراقكم الرسمية ... فبرأيي أن تستعجل بتغيير الجواز حتى تبعثه للـ NVC و هذا الشي بالتأكيد ميأثر على المعاملة و مستحيل يطلبون منك أن تعيد المعاملة من البداية.

تحياتي

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #131 في: 21:35 29/12/2010 »
السلام عليكم شباب شونكم انشاء الله بخير ميري اكسماس وسنة جديدة انشاء الله خير على الجميع
اكو شغلة او ثنين دوخني بال260 الي هيه Is your Mailing Address the same as your Present Address? ؟؟
الشغلة الثانية اكو هاي مال ال ال ال ال شسمها دقيقة خلي اروح اجيكها
.
.
.
.
اي تذكرت الPetitioner is my
شخلي هنا
Self
لو منو؟؟؟

وشغلة لخ اكو خطأ متيها من البداية الي هوه عنوان السكن المنطقة نسميها اليرموك بس هيه مأمون ببطاقة السكن واني كاتب يرموك بالسجلات والفورمز مثل 360 وغيرها  شتنصحوني اغيرها بال260 وباقي المعاملات لو اعوفها يرموك؟؟؟

تحياتي الكم

أخي العزيز ...

بالنسبة لهذا السؤال:

Is your Mailing Address the same as your Present Address

فجوابه يعتمد على العنوان اللي ذكرته بإستمارة I-360 يعني إنت إذا ذاكر غير عنوان لغرض إستلام البريد فبهالحالة ميصير تكتب YES و لكن إذا ذاكر بس عنوان سكنك فبهالحالة تكتب YES .

سؤالك الثاني:

Petitioner is my

إذا إنت صاحب الطلب الرئيسي فتكتب Self لكن إذا مقدم الطلب على سبيل المثال زوجتك فتكتب Wife

بالنسبة لسؤالك الثالث بخصوص العنوان فالأفضل أن تعوفه مثل ما هو بدون تغيير لأن أصلاً محد رح يدزلك رسائل للبيت

تحياتي

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #132 في: 21:41 29/12/2010 »
حبي ابو طبر من رخصة اخونا ماجلان

حبي بالنسبة للعنوان يكولك هو نفسه الي استلمت عليه الرسيتات مال نبراسكا لو غيرته اذا نفسه متغير كلة YES اذا راح تغيره اكتب الجديد

اي حبي اذا دتحجي عن نفسك فانت تكون SELF لان انت دتسوي معاماتك مو احد يسوسيهة الك

بالنسبة للعنوان حبي اذا انت كاتباليرموك بمعاملاتك بقيهة اليرموك لاتغير منها شي لان همة مراح يطلبون منك اثبات بخصوص سكنك

مشكور حبي على مداخلتك و جوابك للأخ .. بس أعتقد ترجمتك للسؤال بيهه إختلاف شوية لأن السؤال يكول:

هل عنوانك البريدي هو نفسه عنوان سكنك الحالي؟

فإذا كان الجواب YES معناهه يراسلوه على عنوان بيته اللي يسكن بيه بينما إذا الجواب NO فبهالحالة ممكن يذكر العنوان البريدي اللي يستلم عليه رسائلهم كأن يكون عنوان الوحده العسكرية اللي يعمل بيهه أو عنوان صديق أو قريب بأمريكا.

تحياتي

غير متصل rmadi

  • عضو فعال جدا
  • ***
  • مشاركة: 675
    • مشاهدة الملف الشخصي
رد: أسئلة و أجوبة في الـ SIV شامل
« رد #133 في: 08:34 30/12/2010 »
ممنون اخوية ماجلان

غير متصل alaamuneer

  • عضو فعال جدا
  • ***
  • مشاركة: 175
    • مشاهدة الملف الشخصي
رد: أسئلة و أجوبة في الـ SIV شامل
« رد #134 في: 11:36 30/12/2010 »

 هاية شنو صاير اشو وين الصفحات مال الموضوع مو كان 24 صفحة شنو اخاف اكو مشكله يمي

غير متصل Abu Tubar

  • عضو فعال
  • **
  • مشاركة: 63
  • الجنس: ذكر
    • مشاهدة الملف الشخصي
    • Iraqi Gamerz Ultimate Online Gaming
رد: أسئلة و أجوبة في الـ SIV شامل
« رد #135 في: 16:30 30/12/2010 »
شكرا للألكم وانشاء الله يوم الحتى ممقدم تطلعله مقابلة تحياتي فمان لاه

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #136 في: 07:59 31/12/2010 »

 هاية شنو صاير اشو وين الصفحات مال الموضوع مو كان 24 صفحة شنو اخاف اكو مشكله يمي

لا أخوية كلشي مصاير بس انت متيه و فايت بغير دربونة  ;D

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #137 في: 08:01 31/12/2010 »
شكرا للألكم وانشاء الله يوم الحتى ممقدم تطلعله مقابلة تحياتي فمان لاه

حاضرين و تتدلل ... المهم يكون انت خلصت ملي استمارة DS-260

غير متصل ivan ali

  • عضو فعال جدا
  • ***
  • مشاركة: 201
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #138 في: 18:52 03/01/2011 »

السلام عليكم اخوية ماجلان
اني مقابلتي كانت بالشهر السادس  يوم عشرين2010 ولليوم محصلت الفيزا وكلما اتصل بيهم يكلون مجرد اجرات ادارية اضافية  وهسة السبونسر مالتي قال لي اني اسمي شائع ولابد من التاكد حول اسمي  عندك علم احد مثلي مر بهاي الحالة  وشكد طول في الانتظار
وشكرا جزيلا  اخوية العزيز

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #139 في: 02:10 04/01/2011 »

السلام عليكم اخوية ماجلان
اني مقابلتي كانت بالشهر السادس  يوم عشرين2010 ولليوم محصلت الفيزا وكلما اتصل بيهم يكلون مجرد اجرات ادارية اضافية  وهسة السبونسر مالتي قال لي اني اسمي شائع ولابد من التاكد حول اسمي  عندك علم احد مثلي مر بهاي الحالة  وشكد طول في الانتظار
وشكرا جزيلا  اخوية العزيز

الله يكون بعونك على فترة الإنتظار الطويلة هذي و صدك صعبة بالذات بهاي المرحلة ... المهم أخوية الشغلة الزينة بالموضوع أنه مو بس انت مريت بهاي الحالة و أكو هواية ناس صار وياهم مثل اللي صار وياك ... و الأسباب هواية و احتمال كون إسمك من الأسماء الشائعة هو السبب الرئيسي لهذا التأخير.

أذكر أحد الأعضاء و أعتقد كان إسمه الكرادي هم صار عنده مثل هذا التأخير و لكن بالنهاية استلم الفيزا و سافر ...

حالياً أخوية ما أكدر أفيدك بأي شي لأن معاملتك منتهية و باقية بس على إصدار الفيزا .. و ممكن أن تسوي شي واحد بس و هو أن تدزلهم إيميل كل اسبوعين و تستفسر عن معاملتك.

إن شاء الله يصدرولك الفيزا بأقرب وقت ... بالتوفيق

تحياتي

غير متصل ivan ali

  • عضو فعال جدا
  • ***
  • مشاركة: 201
    • مشاهدة الملف الشخصي
    • البريد الالكتروني
رد: رد: أسئلة و أجوبة في الـ SIV شامل
« رد #140 في: 17:55 04/01/2011 »
[شكرا اخوية ماجلان ممكن سؤال ثاني  اتمنى يكون جوابة مر عليك
اجاني اتصال هاتفي من السفارة واستفسروا عن فترة هروبي من الجيش علما اني هربت من سنة 1991 ولم يكن لي بعد ذلك تسريح لاني لم اعود الى الجيش ما الضرر في ذلك على قضيتي  واتمنى الك الموفقية يارب اخوية العزيز واسف على الازعاج

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: رد: أسئلة و أجوبة في الـ SIV شامل
« رد #141 في: 18:11 04/01/2011 »
[شكرا اخوية ماجلان ممكن سؤال ثاني  اتمنى يكون جوابة مر عليك
اجاني اتصال هاتفي من السفارة واستفسروا عن فترة هروبي من الجيش علما اني هربت من سنة 1991 ولم يكن لي بعد ذلك تسريح لاني لم اعود الى الجيش ما الضرر في ذلك على قضيتي  واتمنى الك الموفقية يارب اخوية العزيز واسف على الازعاج


المفروض أنه مسألة الهروب من الخدمة العسكرية ما إله أي تأثير على معاملتك بس همه دائماً يطلبون أدق التفاصيل اللي مريت بيهه بحياتك ... و المهم عدهم أن يعرفون إنت وين قضيت فترة هروبك؟ و شلون كنت عايش؟ و هل بقيت في بيتك و منطقتك لو سافرت تهريب الى بلد ثاني؟ لأن أكيد همه يعرفون أنه الهارب من الجيش مستحيل يسافر بصورة رسمية و أكيد يسافر تهريب أو عن طريق تزوير مستمسكاته.

مسألة هروبك هي غير قانونية بذاك الزمن ... لكن بالزمن الحالي هذا الشي يعتبر من الأعمال البطولية و الشجاعة و ياما شفنا ناس مرشحين للإنتخابات ذكروا هذا الشي بحملاتهم الإنتخابية و كانوا يتباهون بكونهم كانوا هاربين أو معتقلين (سياسيين) بأبو غريب و غيره. فإنت عوفهه على الله و لا تخاف و هي ان شاء الله مسألة وقت.

تحياتي

غير متصل ivan ali

  • عضو فعال جدا
  • ***
  • مشاركة: 201
    • مشاهدة الملف الشخصي
    • البريد الالكتروني
رد: رد: أسئلة و أجوبة في الـ SIV شامل
« رد #142 في: 16:43 06/01/2011 »
شكرا اخوية ماجلان اتمنى لك ولجميع الاخوان الموفقية والنجاح

غير متصل (prince)

  • عضو فعال جدا
  • ***
  • مشاركة: 166
  • الجنس: ذكر
    • MSN مسنجر - loveprince11@ymail.com
    • AOL مسنجر - prince
    • ياهو مسنجر - prince
    • مشاهدة الملف الشخصي
رد: أسئلة و أجوبة في الـ SIV شامل
« رد #143 في: 17:03 06/01/2011 »
شباب اريد فد ستفسار بلازحمه عليكم اني مقدم عل siv حوالي صارلي 3 ولحد هسه ماكو شي

غير متصل googoo

  • مبدع قسم الهجرة
  • عضو مميز
  • *
  • مشاركة: 1630
  • واخيرا تحقق الحلم و وصلت يوم الألكم
    • مشاهدة الملف الشخصي
رد: أسئلة و أجوبة في الـ SIV شامل
« رد #144 في: 17:53 06/01/2011 »
شباب اريد فد ستفسار بلازحمه عليكم اني مقدم عل siv حوالي صارلي 3 ولحد هسه ماكو شي

3 شنو؟؟ ممكن نفتهم زين؟؟
يرجى رفع صورة التوقيع عن طريق موقع عنكاوا كوم
uploads.ankawa.com

غير متصل (prince)

  • عضو فعال جدا
  • ***
  • مشاركة: 166
  • الجنس: ذكر
    • MSN مسنجر - loveprince11@ymail.com
    • AOL مسنجر - prince
    • ياهو مسنجر - prince
    • مشاهدة الملف الشخصي
رد: أسئلة و أجوبة في الـ SIV شامل
« رد #145 في: 18:22 06/01/2011 »
اخويه العزيز اسف لئن كتابتي كانت غير مفهومه اني هسه راح افهمك صارلي 3 اشهر ونصف تقريبن يعني دزيت اوراقي في 29-9-2010 والى حد هسه ماكوشي معه العلم posمالتي جاوبهم او ماكلولي عن اي غلط بوراقي اوكلو انضر 4 اشهر واني منتضر والله كريم

غير متصل amjidbaker

  • عضو جديد
  • *
  • مشاركة: 2
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #146 في: 23:21 06/01/2011 »
اذا انت بالعربي هلكد قوي ...(تقريبن) الله يساعد الانكليزي مالتك؟؟؟؟؟؟؟؟؟؟؟

غير متصل رواسي

  • عضو جديد
  • *
  • مشاركة: 3
    • مشاهدة الملف الشخصي
رد: أسئلة و أجوبة في الـ SIV شامل
« رد #147 في: 07:37 07/01/2011 »
مرحبا

اني عندي استفسار اعتقد انه مكرر واتمنى تتحملوني.
اخويه مقدم على SIV واجته الموافقه وهسه هو لازم يترجم اوراق ويرسلها
ممكن اعرف شنو الاشياء الي لازم يترجمها ومن وين وهل تحتاج لتصديق من خارجيه او شي من هذا القبيل؟
اخوية صاحب المعامله ووالدتي واخ صغير ثاني هل لازم كلهم اتم الهم الاوراق المترجمه لو بس لصاحب المعاملة الرئيسي  والبقيه مجرد اوراقهم العاديه لا اكثر؟
من بعد هذه المرحلة شكد يحتاجون وقت حتى يوصلون لموعد السفر؟

كل الشكر لكل مهتم بالموضوع

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #148 في: 10:25 07/01/2011 »
اخويه العزيز اسف لئن كتابتي كانت غير مفهومه اني هسه راح افهمك صارلي 3 اشهر ونصف تقريبن يعني دزيت اوراقي في 29-9-2010 والى حد هسه ماكوشي معه العلم posمالتي جاوبهم او ماكلولي عن اي غلط بوراقي اوكلو انضر 4 اشهر واني منتضر والله كريم

أخوية العزيز ... إنتظر لحد ما تكمل الأربع أشهر و إذا ما وصلك منهم شي انت دزلهم إيميل و إستفسر منهم ... لأن محد من عدنا يكدر ينطيك الفترة المضبوطة للأنتظار و لأن حتى موظفين السفارة نفسهم ميعرفون.

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #149 في: 10:32 07/01/2011 »
مرحبا

اني عندي استفسار اعتقد انه مكرر واتمنى تتحملوني.
اخويه مقدم على SIV واجته الموافقه وهسه هو لازم يترجم اوراق ويرسلها
ممكن اعرف شنو الاشياء الي لازم يترجمها ومن وين وهل تحتاج لتصديق من خارجيه او شي من هذا القبيل؟
اخوية صاحب المعامله ووالدتي واخ صغير ثاني هل لازم كلهم اتم الهم الاوراق المترجمه لو بس لصاحب المعاملة الرئيسي  والبقيه مجرد اوراقهم العاديه لا اكثر؟
من بعد هذه المرحلة شكد يحتاجون وقت حتى يوصلون لموعد السفر؟

كل الشكر لكل مهتم بالموضوع

أهلا و سهلا أخي العزيز ... بعد موافقة الجيف أوف مشن لازم يدز الباكج لمركز نبراسكا ... و المستمسكات اللي لازم يدزهه هي:

- موافقة رئيس البعثة
- الفورم I-360
- رسالة التوصية (الريكمنديشن)
- رسالة الـ HR (تأييد الخدمة)
- نسخة من جواز السفر
- الجنسية مع ترجمتهه (بدون تصديق)

يجمع كل هاي المستمسكات في باكج واحد و يرسلهه عن طريق البريد سواء الـ DHL أو الـ FedEx أو البريد العسكري إذا كان بعده يشتغل بإحدى القواعد الأمريكية.

خلي في بالك ملاحظة مهمة ... أنه اللي يقدم على برنامج الـ SIV من حقه أن يشمل زوجته و أبناءه وياه بالمعاملة إذا كان متزوج و عنده أطفال ... بس مو من حقه أن يشمل أمه و أبوه و أخوته ... و لكن ممكن أن يقدملهم على برنامج IOM

تحياتي

Spouses and unmarried children, younger than 21, accompanying or following to join a principal immigrant may be accorded the same special immigrant classification as the principal visa applicant. Visas issued to derivative spouses and children do not count toward the cap of 5,000 special immigrant visas per year.
و هذا الموقع للتأكد

http://travel.state.gov/visa/immigrants/info/info_4172.html#3a

غير متصل (prince)

  • عضو فعال جدا
  • ***
  • مشاركة: 166
  • الجنس: ذكر
    • MSN مسنجر - loveprince11@ymail.com
    • AOL مسنجر - prince
    • ياهو مسنجر - prince
    • مشاهدة الملف الشخصي
رد: أسئلة و أجوبة في الـ SIV شامل
« رد #150 في: 10:41 07/01/2011 »
 :) مشكور اخويه انتضر شسوي :::::::::::: بس تعقيب لكلام اخونه اني انكليزيتي احسن منك بدون استهزاء لئن هذ موقع مو مال ستهزاء  >:(

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #151 في: 10:51 07/01/2011 »
:) مشكور اخويه انتضر شسوي :::::::::::: بس تعقيب لكلام اخونه اني انكليزيتي احسن منك بدون استهزاء لئن هذ موقع مو مال ستهزاء  >:(

مصار شي أخوية و أكيد الأخ حب يتشاقه وياك ...

و انتظر و الله كريم و ياما قبلك إحنا انتظرنا لما الله فرجهه علينا ... و ان شاء الله يفرجهه عالجميع

تحياتي

غير متصل rmadi

  • عضو فعال جدا
  • ***
  • مشاركة: 675
    • مشاهدة الملف الشخصي
رد: أسئلة و أجوبة في الـ SIV شامل
« رد #152 في: 18:34 08/01/2011 »
السلام عليكم اخوان

ممكن اعرف ليش بالايميل مال تحديد موعد المقابلة مازالوا يطلبون ال DS-230 مو ال DS-260؟
وانتو شتسون اخوان ياهو مليتو افضل؟

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #153 في: 22:00 08/01/2011 »
السلام عليكم اخوان

ممكن اعرف ليش بالايميل مال تحديد موعد المقابلة مازالوا يطلبون ال DS-230 مو ال DS-260؟
وانتو شتسون اخوان ياهو مليتو افضل؟


الفورم DS-230 أهم فورم يحتاجوه بالمقابلة و هو أول فورم يطلبه منك القنصل و يحلفك اليمين على أنه كل ما مذكور بهذا الفورم صحيح و قانوني ... و بعدهه يطلب منك التوقيع أسفل هذا الفورم ...

خلي في بالك أنه هذا الفورم هو طلب الحصول على الفيزا ... و بنفس الوقت هو طلب الحصول على الكرين كارد و السوشيال سكيورتي نمبر ... يعني بين قوسين الفورم DS-230 هو روح المعاملة كلهه.

تحياتي

غير متصل googoo

  • مبدع قسم الهجرة
  • عضو مميز
  • *
  • مشاركة: 1630
  • واخيرا تحقق الحلم و وصلت يوم الألكم
    • مشاهدة الملف الشخصي
رد: أسئلة و أجوبة في الـ SIV شامل
« رد #154 في: 10:47 10/01/2011 »
اخويه العزيز اسف لئن كتابتي كانت غير مفهومه اني هسه راح افهمك صارلي 3 اشهر ونصف تقريبن يعني دزيت اوراقي في 29-9-2010 والى حد هسه ماكوشي معه العلم posمالتي جاوبهم او ماكلولي عن اي غلط بوراقي اوكلو انضر 4 اشهر واني منتضر والله كريم

أخويه العزيز:
مادام همه دزوا ايميل للمدير مالتك اذن حاليا انت معاملتك دخلت بالخط.
هسه راح يجيكون كل اوراقك اذا مابيهه غلط ولا نقص راح يدزولك ايميل يكولون بيه اوراق كامله وحاليا بالسفارة، اما اذا اوراقك كان بيهه نقص او علامه استفهام فراح يدزولك ايميل علمود اتكمل النقص. انت تكدر خلال هاي الفترة اتدزلهم ايميل استفسار عن قضيتك وما بيهه شي.
بس لاتقلق اذا اوراقك انت متأكد منهه ماناقصه يعني انتظر منهم خبر.
يرجى رفع صورة التوقيع عن طريق موقع عنكاوا كوم
uploads.ankawa.com

غير متصل (prince)

  • عضو فعال جدا
  • ***
  • مشاركة: 166
  • الجنس: ذكر
    • MSN مسنجر - loveprince11@ymail.com
    • AOL مسنجر - prince
    • ياهو مسنجر - prince
    • مشاهدة الملف الشخصي
رد: أسئلة و أجوبة في الـ SIV شامل
« رد #155 في: 14:12 10/01/2011 »
مشكور اخويه العزيز  . دزولي اميل او كالو بيه بأن اوراقي كامله وقيد المراجعه في السفاره في بغداد  ونطوني مده الجيف 4 اشهر اوهسه اني كملت 3 اشهر ونصف يعني بلكي هاي ليام يجيني والله كريم

غير متصل omar deved

  • عضو جديد
  • *
  • مشاركة: 1
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #156 في: 00:07 03/07/2011 »
سلاام عليكم ممكن عنوان سفاره بالعراق علمود ادز معاملتي ارجوا دزو اميلي omardeved@yahoo.com

غير متصل Abu Tubar

  • عضو فعال
  • **
  • مشاركة: 63
  • الجنس: ذكر
    • مشاهدة الملف الشخصي
    • Iraqi Gamerz Ultimate Online Gaming
رد: أسئلة و أجوبة في الـ SIV شامل
« رد #157 في: 21:46 03/07/2011 »
السلام عليكم اولاً
ثانياً الماعنده علم بالموضوع لا يشوش تفكيري
ثالثا
اني قابلت يوم 25\4
وجان نقص عندي الفحص الطبي
وكلولي جدد الهويه وترجمها ودزها بالبريد
ولحد هسه مدازها يعني
هسه متوقفه شغلتي عما ادزها لو ديمشون بيها ويكفون على النقص؟؟؟
في مان لاه

غير متصل HOLLYWOOD

  • عضو فعال جدا
  • ***
  • مشاركة: 212
    • مشاهدة الملف الشخصي
رد: أسئلة و أجوبة في الـ SIV شامل
« رد #158 في: 23:06 03/07/2011 »
كمل اوراقك ودزهن شمنتظر صارلك اكثر من شهرين مقابل هسه يله تذكرت

غير متصل ARMY STRONG

  • عضو مميز جدا
  • *****
  • مشاركة: 4216
    • مشاهدة الملف الشخصي
رد: أسئلة و أجوبة في الـ SIV شامل
« رد #159 في: 23:10 03/07/2011 »
السلام عليكم اولاً
ثانياً الماعنده علم بالموضوع لا يشوش تفكيري
ثالثا
اني قابلت يوم 25\4
وجان نقص عندي الفحص الطبي
وكلولي جدد الهويه وترجمها ودزها بالبريد
ولحد هسه مدازها يعني
هسه متوقفه شغلتي عما ادزها لو ديمشون بيها ويكفون على النقص؟؟؟
في مان لاه


ولك برو هو انته مال امريكا
شمنتظر لخاطر الله دزهن
لو بدلت ماتريد تروح

اليوم آخر يوم اليه وياكم راح أروح وبالقلب ذكراكم
 وعد مني إلكم وأحلف يمين لو وكف قلبي ولا أنساكم
 

غير متصل سرى1

  • عضو مميز
  • ****
  • مشاركة: 1273
    • مشاهدة الملف الشخصي
رد: أسئلة و أجوبة في الـ SIV شامل
« رد #160 في: 23:23 03/07/2011 »
السلام عليكم اولاً
ثانياً الماعنده علم بالموضوع لا يشوش تفكيري
ثالثا
اني قابلت يوم 25\4
وجان نقص عندي الفحص الطبي
وكلولي جدد الهويه وترجمها ودزها بالبريد
ولحد هسه مدازها يعني
هسه متوقفه شغلتي عما ادزها لو ديمشون بيها ويكفون على النقص؟؟؟
في مان لاه

اخوية انت صدك تحجي؟؟؟

غير متصل ARMY STRONG

  • عضو مميز جدا
  • *****
  • مشاركة: 4216
    • مشاهدة الملف الشخصي
رد: أسئلة و أجوبة في الـ SIV شامل
« رد #161 في: 23:25 03/07/2011 »
السلام عليكم اولاً
ثانياً الماعنده علم بالموضوع لا يشوش تفكيري
ثالثا
اني قابلت يوم 25\4
وجان نقص عندي الفحص الطبي
وكلولي جدد الهويه وترجمها ودزها بالبريد
ولحد هسه مدازها يعني
هسه متوقفه شغلتي عما ادزها لو ديمشون بيها ويكفون على النقص؟؟؟
في مان لاه

اخوية انت صدك تحجي؟؟؟



اي سرى صدك
هو عنده عدم مبالاه
برو و اعرفه كلش زين >:( >:(

اليوم آخر يوم اليه وياكم راح أروح وبالقلب ذكراكم
 وعد مني إلكم وأحلف يمين لو وكف قلبي ولا أنساكم
 

غير متصل Abu Tubar

  • عضو فعال
  • **
  • مشاركة: 63
  • الجنس: ذكر
    • مشاهدة الملف الشخصي
    • Iraqi Gamerz Ultimate Online Gaming
رد: أسئلة و أجوبة في الـ SIV شامل
« رد #162 في: 23:48 03/07/2011 »
مو عدم مبالالاة بصراحة اني مالي واهس كلشي اسوي بعد اريد بس هيج اخمض واكعد بأمريكا مو زين رحت قابلت هخهخهخهخهخهخهخهخهخهخهخهخ
مشكورين على الردود منورين عميتوني شوية نوركم نصووه

غير متصل naqre86

  • عضو جديد
  • *
  • مشاركة: 1
    • مشاهدة الملف الشخصي
رد: أسئلة و أجوبة في الـ SIV شامل
« رد #163 في: 10:13 17/08/2013 »
السلام عليكم


يا شباب ممكن تساعدوني طريق التقديم واكون ممنون

اني اداود بالشرطه قبل كم يوم جاني تهديد ان اترك العمل في الشرطه واذا ما تركته يكتلوني يعني بهذا الوقت اتركه ما اتركه نفس الشغله بالحالتين انكتل واريد مساعدتكم وياي وطريقة التقديم للهجره واكون ممنون منكم

غير متصل IMMIGRANT2

  • عضو فعال جدا
  • ***
  • مشاركة: 416
    • مشاهدة الملف الشخصي
رد: أسئلة و أجوبة في الـ SIV شامل
« رد #164 في: 21:05 17/08/2013 »
اخي العزيز ..مدة فيزة الاس آي في  هي ستة أشهر وماكو شهر او ثلاث اشهر وانما هذا قانون هي ستة أشهر

غير متصل movetoo

  • عضو فعال جدا
  • ***
  • مشاركة: 125
    • مشاهدة الملف الشخصي
    • البريد الالكتروني
رد: أسئلة و أجوبة في الـ SIV شامل
« رد #165 في: 20:30 29/08/2013 »
تحية طيبة اخوان

متى يغلق SIV ??

وهل توجد نماذج لرسائل ممكن نرسله لهم مثل رسالة الطلب او رسائل التهديد ؟

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
    • مشاهدة الملف الشخصي
رد: أسئلة و أجوبة في الـ SIV شامل
« رد #166 في: 12:03 07/09/2013 »
أسف على عدم التواصل مع اعضاء المنتدى في هذا الموضوع و السبب انه صارلي اكثر من اربع سنوات من انهيت معاملة الـ SIV و من ذاك الوقت لليوم هواية امور تغيرت بمعاملات الهجرة .. و بصراحة ما اريد اكتب معلموة ممتأكد منهه .. ان شاء الله الطيبين الموجودين بالمنتدى ميقصرون.

تحياتي

غير متصل abbas10

  • عضو
  • *
  • مشاركة: 7
    • مشاهدة الملف الشخصي
رد: أسئلة و أجوبة في الـ SIV شامل
« رد #167 في: 19:36 05/12/2013 »
السلام عليكم اخوان الى اصحاب الخبره في مجال برنامج sivاني مقدم على برنامجsivقبل اكثر من 6 اشهر وقدمت كل الاوراق الخاصه بيه وجتني موافقة جيف منشن ومليت وارسلت النماذج المطلوبه مني 263 شبقه بعد الرجاء توجيهي ومااعرف هل اني بانتظار المقابله لو بعد اجراءات اخرى علما اني كملت حتى عم المحكوميه صورة القيد 57 وبيانات الولاده رجاءا اخوان اليعرف شي يكتبلي لان تعبت من الانتضار صار اكثر من3قدمت على iom وماكو نتيجه رجاءا رجاءا اخوني

Cxense Display