موقع The list project لمساعده العراقيين في اعاده التوطين في امريكا

المحرر موضوع: موقع The list project لمساعده العراقيين في اعاده التوطين في امريكا  (زيارة 5302 مرات)

0 الأعضاء و 1 ضيف يشاهدون هذا الموضوع.

غير متصل black cat

  • عضو
  • *
  • مشاركة: 21
    • مشاهدة الملف الشخصي
اخواني الاعزاء
هذا الموقع مهتم بمتابعه قضايا طالبي اللجوء لدى منظمه الاي او ام وتقديم التسهيلات الممكنه الهم
http://netroots.thelistproject.org/
وهذا الكلام من تجربتي الشخصيه
وراح اقصها الكم بالتفصيل
قدمت على اي او ام بغداد بشهر 1 2009  وسمعت من صديقه الي وصلت لامريكا سنه 2008 بس عن طريق عمان انو هذا الموقع  يسرع طلب اللجوء الى امريكا
سجلت بالموقع ويوجد بيه نبذه مختصره باللغه العربيه تكول
اذا انت عراقي  وترغب باعاده توطينك في الولايات المتحده يرجى الكتابه على العنوان التالي
refugees@thelistproject.org
ماطول عليكم بعد اسبوعين من تقديمي على الاي او ام دزيت ايميل لهذا الموقع وصلني منه اوتو ريبلاي طلب مني بعض المستمسكات اللي هيه نفسها اللي طالبتها الاي او ام مع  كتابه سبب تقديمك للجوء يعني تكتبلهم قصه انو انت ليش تريد تهاجر وليش حياتك بخطر.
واذا المعلومات ناقصه بالايميل يرجعون يطالبوك بالنواقص والحلو بالموقع مايتاخرون بالرد بسرعه يجاوبوك
بعد شهرين من تقيدمي بالضبط اي بالشهر الثالث وصلني ايميل منهم يسالوني وين صارت قضيتي ويه الاي او ام وبما انو اني بعدني جديده بالتقديم فجاوبت لحد الان مواصلني اي شي
بعد نص ساعه من جوابي وصلني ايميل من الاي او ام دازيلي بيه الكيس نمبر
بعد فتره وصلني ايميلين من مكتبين محاماه تابعين لنفس الموقع طالبين من عندي اوكل محاميين حتى يتابعون قضيتي لدى الاي او ام . والمكتبين واحد ما اله علاقه بالثاني ورافقين باللايميل عقد وكاله بين الطرفين المكتب الطرف الثاني واني الطرف الاول وموجوده بالعقود الشروط وكلها بصالحي يعني ماكو اي شي يخوف والاجور شبه رمزيه اذا حبيت ادفع فلوس الاستنساخ وهاي الاشياء البسيطه والباقي كله على حساب الموقع.بعد توقيع العقود تجيك ايميلات ثانيه بيها بالقليل عشرين سؤال عام وخاص عن اسمك وافراد العائله واذا كنت بحذب البعث ومن هاي الاسئله واذا مدمن مخدرات او محكوم وغيرها هوايه
طيعا هاي تاخذ وقت يله تجاوب عليها لان بيها اسئله يحتاج الها تفكير وتواريخ.
وره ماتكمل يبدي شغل المحامي ويه الاي او ام
يدز الهم ايميل يكوللهم شنو صار من قضيه موكلي وشنو سبب التاخير وشوكت راح يسوي المقابله وانت راح تكون سي سي بالايميلات كلها
قبل نهايه السنه وصلني ايميل من الاي اوام محدديلي بيه المقابله الاولي وره يومين حددوا المقابله الثانيه والاخيره مال المحلفين واني بعدني ممقابله اول مقابله
شفت الموضوع غريب شويه
راسلتهم كالولي ماكو اي غلط بالموضوع
وفعلا رحت سويت المقابله الثانيه لكيت نفس الاشخاص اللي بالمقابله اللاولي موجودين بالثانيه وعرفت مناحد الحضور ان هو هم يتعامل ويه هذا الموقع
بالمناسبه قبل كل مقابله يتصل بيك المحامي ويدربك على الاسئله والاجوبه اللي راح تنسال عليها وراح يحاول يستفزك بالاسئله ويلعب باعصابك حتى تكون مسيطر بالمقابه ومتوقع كلشي
وفعلا اكو هوايه ثغرات باجوبتي ساعدني اتلافاها بمقابله المحلفين
اخواني واخواتي الاعزاء اللي خلاني اكتب هذا الموضوع لان من رحت للفحص الطبي كانوا كل اللي جايين للفحص مسوين اول مقابله قبلي بشهر وبعدهم لهسه ينتظرون واني مقابله اولى واخيره  وفحص طبي وبانتظار الموافقه الامنيه
فاكيد سبب هاي السرعه بالمعامله هذا الموقع
حبيت اقدمه الكم
وانشاء الله الله يوفق الجميع
وعذرا اذا اكو اخطاء املائيه لان الانترنت كلش تعبان والموضوع طويل ومايرضى يخلص  ;)

غير متصل السفير80

  • عضو مميز جدا
  • *****
  • مشاركة: 2221
  • الجنس: ذكر
    • ياهو مسنجر - hues201@yahoo.com
    • مشاهدة الملف الشخصي
شكرا الك يسلمووووووووووووووووو

غير متصل habazbooz69

  • عضو فعال جدا
  • ***
  • مشاركة: 301
    • مشاهدة الملف الشخصي
الف شكر اخوية بلاك كات على هالموضوع الممتاز بس حبيت اسالك شكم سؤال
بالنسبة للاسئلة والاجوبة اللي بالموقع بالعربي لو بالانكليزي وهذا المحامي من يتصل بيك شيحجي وياك بالانكليزي وشلون يتصل بيك بالتلفون لو عن طريق النت
زين اذا الواحد انكليزيته ضعيفة شلون شيسوي بهالحالة ؟
واجور المحامين شكد ؟
والوكالة بعد ما تسويها واتوقع عليها شلون تدزها الهم ؟
زين احنا بمصر قدمنا عن طريق المكتب القانوني بكنيسة سانت اندروز بس الى حد الان مكملونا الطلب يعني الى حد الان مقدمنا الطلب للامم المتحدة فاذا نشتغل على هذا الموقع خوما يصير تضارب بالشغل ؟
طولت عليك بالاسئلة بس اكون ممنون لحظرتك اذا جاوبتني
والف شكر

غير متصل black cat

  • عضو
  • *
  • مشاركة: 21
    • مشاهدة الملف الشخصي
اخي الغالي habazbooz69
اولا اني اختك مو اخوك
ثانيا الاسئله والاجوبه راح تكون باللغه الانكليزيه والمحامي يشتغل بقضيتك ابلاش بدون ماتدفع سنت واحد
بس في حاله اذا انت رغبت تشكرهم على مساعدتهم الك راح تدفع اجور كلش زهيده واني لحد الان مامطالبيني باي شي
المحامي راح يدزلك ايميل يطلب منك وقت معين حتى يحجي وياك بالتليفون ويستفسر منك واكو بنيه عراقيه هيه راح تكون المترجمه اذا كانت انكليزيتك ضعيفه
بالنسبه لقضيتك بمصر بصراحه ما اكدر اجاوبك لان ما عندي اي فكره عن الموضوع بس ممكن تستفسر منهم بالايميل اللي تدزه الهم واكيد همه راح يجاوبوك
يعني تكتب قضيتك من الالف الى الياء وشوف شنو جوابهم
ممكن تكتب بالعربي بس اللي افضله ان تكون باللغه الانلكيزيه خلي احد يساعدك بالموضوع واذا شفتها صعبه اكتب بالعربي لان كالولي من قدمت طلب الهم كتبيه باي لغه عربي اوبالانكليزي ماكو مشكله
واي سؤال بعد اني حاضره واني الممنونه :)

غير متصل black cat

  • عضو
  • *
  • مشاركة: 21
    • مشاهدة الملف الشخصي
نسيت اكولك الوكاله راح يدزولكياها بالايميل موقعه من قبل المحامي والمطلوب منك ان توقعها وتسويها سكان وتدزها الهم وتحتفظ بالنسخه الاصليه وتاخذها وياك انشاء الله لامريكا

غير متصل habazbooz69

  • عضو فعال جدا
  • ***
  • مشاركة: 301
    • مشاهدة الملف الشخصي
الف شكر اختي الكريمة بلاك كات
بس حسب ما قريت بالموقع مالتهم يساعدون بس اللي مشتغلين ويا الامريكان صحيح هذا الشي لو اني مفتهم غلط ؟
وتحياتي لحظرتج

غير متصل black cat

  • عضو
  • *
  • مشاركة: 21
    • مشاهدة الملف الشخصي
اني شغلي كان ويه المنظمات الانسانيه وقبلوا يساعدوني بس هذه المنظمات تمويلها كان من قبل اليو اس ايد.



غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8412
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
 شكرا اختي على هذا الموقع وعلى حب المساعده
زين هسه اذا ردنا نستفسر عن قضيتنا وين واصله او لتسريعها ممكن نتصل بيهم وننطيهم كيس نمبر وهمه ايجاوبونا
او هاي مو شغلتهم
مع الشكر

غير متصل black cat

  • عضو
  • *
  • مشاركة: 21
    • مشاهدة الملف الشخصي
حبيبتي
من ضمن الاسئله اللي يطرحوها او يدزوها بالايميل حتى تجاوبين عليها هي:

تاريخ التقديم للاي او ام
عدد المقابلات وتاريخ كل مقابله
الكيس نمبر وباي تاريخ استلمتيه

واذا كنت مقدمه على اليو ان فنفس الاسئله السابقه راح يسالوها

وراح يتابعون القضيه بعدها

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8412
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
 حبيبتي بلاك كات
يعني هسه احنا باخر المراحل بانتضار الامنيه اذا سالناهم بهذا الوقت اكو فايده لو هم  انتضروا لما تجي الامنيه

غير متصل black cat

  • عضو
  • *
  • مشاركة: 21
    • مشاهدة الملف الشخصي
والله يا اختي العزيزه انتي حالج من حالي
اني هم منتظره الامنيه
ومن هاي الناحيه مامسويلي اي شي بس يتابعوني بين فتره وفتره بالايميلات
واذا استجدت امور اكيد راح ابلغكم بيها
واني الممنونه

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8412
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
تسلمين حبيبتي ومقصرتي
ياربي ايسهل عليج وعلينا وعلى كل المنتضرين

غير متصل ضـاع الوطن

  • مبدع قسم الهجرة
  • عضو مميز متقدم
  • *
  • مشاركة: 7312
  • الجنس: ذكر
    • مشاهدة الملف الشخصي
عاشت الايادي اخت بلاك كات بس سؤال هذا فقط للي مشتغلين ويه الامريكان او المنضمات الي مرتبطه بالامريكان
اني جنت اشتغل ويه اليونسيف اله علاقه بالموضوع

غير متصل black cat

  • عضو
  • *
  • مشاركة: 21
    • مشاهدة الملف الشخصي
اخي ضاع الوطن
هذه هيه نبذه عن الموقع نقلتها الك بالحرف:

 لازم تكون عندك تزكيه من مديرك الامريكي حتى يمشون بالقضيه مالتك بالاضافه الى اسمه الكامل ورقم تليفونه وايميله بس تره هاي كلها شكليات لان محد اتصل بمديري او راسله. واتصور اليونيسيف مشموله بهالموقع لان همه هم يتابعون قضايا اليو ان .انت راسلهم ومخسران شي اكتب اي شي بالايميل راح يجيك اوتو ريبلاي بالمستمسكات اللي رايديها منك .حتى لو بس تكتب اسمك ماكو اي مشكله. :)

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
اختي بلاك كات
هذا الموقع والمنظمة الخيرية NGO اني وكم عضو بمنتدانا (القدماء) كنا من المؤسسين بها (اقصد بالمؤسسين اي ان كيرك جونسون اتصل بينا اول ما سوى الموقع والمنظمة وقبل ما يبدي بمراجعاته للمرحوم السيناتور تيد كندي ويتوصلون لتشريع قانون الاس اي في الجديد) مثل اخواني siv2007 وحيدور ويوسف82 واخرين منذ تاسيسه في سنة 2007

المهم الموقع والمنظمة (حتى اختصر للي ديسألوج وانتي مبين جديدة عالسالفة ومتعرفين تفاصيلهه وحيثياتهه) هي لمساعدة العراقيين اللي ساعدوا الحكومة الامريكية واكثر مساعدة المفروض تكون بعد وصولهم لان هالمنظمة ما تكدر تتدخل بقرارات وزارة الامن القومي لو الخارجية بحجب فيزا اي عراقي متقدم
يعني للمترجمين مع الجيش والموضفين المباشرين مع الامريكان ومو اي واحد
يعني حضرتج جنتي تشتغلين باليو اس ايد يعني موضفة محلية بوزارة الخارجية الامريكية قابل كل الناس مثلج

موضوع هالمنظمة انطرح كلش هواي بالسنتين الاخيرة بالمنتدى وتكدرين تدورين بالارشيف واني من الناس طرحت تجربتي وياهم بالتفصيل عدة مرات واعيد باختصار انه لو مو همه جان هسه اني بامريكا من زمان

همه يبهرون الواحد (طبعا اكيد اللي مشتغل وية الامريكان واللي عنده وثائق تؤهله للتقديم عالاس اي في) بمحامينهم وهوستهم ويشلعون كلب الواحد باستمايرهم اللي متخلص واللي متؤدي الى نتيجة غير التأخير والمغثة والاذية

الشي اللي استفاديته اني والاخوان هو التعرف على موطنين امريكان متعاطفين وية اللي اشتغلوا وياهم بس ادارة المنظمة توصي الاعضاء الامريكان ان ميتخاطبون مباشرة ولا يساعدون عراقي بعده ما واصل لامريكا وانما اللي ما واصل ينشمر على المحامين المؤذين اكثر من المحلفين مال الاي او ام

ويبقة الواحد هو وشطارته وبراعته بالانكليزي حتى يكسب اصدقاء لا اكثر ولا اقل

وشكرا على حبك للمساعدة واهلا وسهلا بيك بمنتدانا

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل black cat

  • عضو
  • *
  • مشاركة: 21
    • مشاهدة الملف الشخصي
اخويه vincenzo
اني اشكرك على ردك  ومثل ماحضرتك تفضلت اني بعدني جديده بالمنتدى بس صارلي سنه دا اتعامل ويه هذا الموقع
احب اوضح لحضرتك انو اني مامقدمه على اس اي في اني قضيتي لجوء عادي حالي حال البقيه لان اني مو مترجمه ولا مشتغله ويه الجيش الامريكي ولا عندي اي اتصال مباشر بيهم
مثل ماكلت اني اشتغل ويه منظمه انسانيه وهاي المنظمه تمويلها من قبل اليو اس ايد يعني هم مو ويه اليو اس ايد يعني تحت اشرافهم ورئيس المنظمه اللي كتبلي التزكيه اللي اعتمدوها بهذا الموقع مصري الجنسيه يعني ماعنده الجنسيه الامريكيه.
اللي خلاني اكتب هذا الموضوع لان شفت هوايه من جماعتي اللي ويايه بالشغل مقدمين قبلي ولحد الان قسم منهم كيس نمبر مامحصل . وقسم سووا مقابلات قبلي باشهر وبعدهم منتظرين مقابله بالمحلفين غير اللي مكملين كلشي وصار الهم اكثر من سنه منتظرين الموافقه الامنيه وماكو رد لحد الان . وطبعا اكو اللي انرفضوا. كل اللي دا احجيلك عنهم موظفين ويايه بنفس المنظمه وقسم منهم ظروفهم اصعب من ظروفي بهوايه. برايك شنو سبب التسريع بالمعامله مالتي ( لو عدي بخت لو هذا الموقع هو السبب ) لان والحمد لله اني مو من الناس المحظوظين بهاي الدنيا  :(
الظاهر من طريقه ردك انت كلش ملجوع من عدهم الله يكون بعونك وانشاء الله يفتحها بوجهك وبوجه كل العراقيين اللي مقدمين على اللجوء واللي صامدين بالوطن
اني بس حبيت اساعد لان شفت بعيني اني وين وصلت قضيتي وغيري  بعدهم ديراوحون وكلنا بمنظمه وحده نشتغل.
ولو اني بعدني منتظره الموافقه الامنيه يعني لو قبول لو رفض الله اعلم بس كلت يمكن غيري يستفاد من هذا الموقع.
واشكرك مره ثانيه على ردك.

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
اختي العزيزة
اول شي اتمنالج موافقة امنية سريعة جدا مثل ما تتمنين لان انتي طيبة وتحبين تساعدين الاخرين وارحب بيج جدا بمنتدى الهجرة واللاجئين بعين كاوا دوت كوم لان انتي بالمكان المناسب اللي مليان ناس مثلج وهنا الكل يتنافسون بالطيبة وحب المساعدة

ثانيا
رغم بعض الخربطة اللي بكل الجهات الامريكية المتعلقة بالهجرة واللجوء بس اني كلي قناعة بأن اي قبول او رفض او تأخير لازم اكو فد اسباب موضوعية أدت اله يعني مو حظ وكوترة

تفسير هذه الاشياء بالتوقعات ميوصل الى نتيجة

بالنسبة لوضيفتج باليو اس ايد هسه افتهمت انه ما عندج باج مال خارجية مثل بعض العراقيين اللي وصلوا لهالمرحلة بس انتو ترة هم مشمولين بالاس اي في (للتفاصيل اتصلي بيه مباشرة حتى انطيج خطوط عريضة او معلومات تفصيلية) وانتو كلش يساعدوكم باللست بروجكت ويهتمون بيكم وخصوصا البنات لان اللي سوة هالمنضمة (كيرك جونسون وجماعته) جانوا يشتغلون باليو اس ايد بالعراق بسنة ال2005-2006

بس يبقى تأكدي (وهذا رأي اقدم محامي مدري المدير مالة شركة هولاند اند نايت مالة المحاماة اللي همه متفقين وياهه وكذلك رأي دانا جوي وبان وتغريد وهند اللي همه البنات اللي يشتغلون بهالشركة) انه ميكدر اي واحد يؤثر على قرارات الجهات الامنية بس طبعا كون واحدنا عنده اصدقاء امريكان هذا يعني فد شي لهالجهات

انتي مو محظوظة بس معاملتج مرتبة وما عندج اي نقطة ممكن تأخر او تؤدي للرفض وهذا مو مستحيل لان كلمن وقصته وتاريخه

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل الناسك

  • عضو مميز جدا
  • *****
  • مشاركة: 2233
  • الجنس: ذكر
  • الأخ من حزن لحزنك وفرح لفرحك
    • مشاهدة الملف الشخصي
    • البريد الالكتروني
فنسنزو يعني نريد المختصر
نراسلهم لو لا اني مقدم IOM وبطرك الIZ من شهرين
تحياتي الناسك

غير متصل Cpt_Ali

  • مبدع قسم الهجرة
  • عضو فعال جدا
  • *
  • مشاركة: 547
  • الجنس: ذكر
  • Lakewood, Colorado
    • مشاهدة الملف الشخصي
    • http://www.liveleak.com/user/IRAQI_TRANSLATOR_USMC
شكرا أختي على هذا الموضوع, اني قابلت مقابلتين بال IOM وهسه كاعد انتظر مقابلة المحلفين, اني راح اراسل هاي المنظمة هسه وادزلهم مستمسكاتي واحجيلهم قصتي وراح اشوف اذا يكدرون يساعدوني او لا.
אלוהים ברך את אמריקה וישראל


غير متصل black cat

  • عضو
  • *
  • مشاركة: 21
    • مشاهدة الملف الشخصي
اخي فنسنزو
القرار يبقى يمك انت اقرا التعليقات وشوف اللي يناسبك. اني ما اكدر اقرر بدالك

اخي Cpt_Ali
اني سويت بس مقابلتين بالاي او ام اول وحده اللي اخذوا مني المعلومات والقصه
والمقابله الثانيه والاخيره هيه مقابله المحلفين
ولحد الان ماعرف شنو السبب ليش قسم 3 مقابلات يسوون وليش اني بس اثنين.وليش البقيه الفحص مالتهم بعد المقابله الاولي وليش اني وره المقابله الاخيره
الله اعلم
اللي اكولكياه مثل ماكلته للاخ فنسنزو القرار قرارك اقرا موضوعي اذا مقتنع بيه قدم على الموقع واذا لا انت اكيد تعرف وين مصلحتك
وانشاء الله الله يوفق الجميع

غير متصل Cpt_Ali

  • مبدع قسم الهجرة
  • عضو فعال جدا
  • *
  • مشاركة: 547
  • الجنس: ذكر
  • Lakewood, Colorado
    • مشاهدة الملف الشخصي
    • http://www.liveleak.com/user/IRAQI_TRANSLATOR_USMC
أختي اني قابلت مقابلتين بنفس اليوم , وانتي همين نفسشي لانه المقابلة الاولى هيه تنطيهم معلوماتج والمقابلة الثانية هيه تحجيلهم قصتج مال تهديد.
אלוהים ברך את אמריקה וישראל


غير متصل black cat

  • عضو
  • *
  • مشاركة: 21
    • مشاهدة الملف الشخصي
لا عزيزي المقابله الاولي اخذوا بيها معلومات عني والقصه مال التهديد
والمقابله الثانيه كانت بعدها بعشر ايام وهيه مقابله المحلفين لان اديت القسم اثناء المقابله
وبيومها اخذوا البصمات مني والوزن والطول وصوره
وهاي هيه انتهت مقابلاتي كلها
وهسه انتظر الموافقه الامنيه

غير متصل Cpt_Ali

  • مبدع قسم الهجرة
  • عضو فعال جدا
  • *
  • مشاركة: 547
  • الجنس: ذكر
  • Lakewood, Colorado
    • مشاهدة الملف الشخصي
    • http://www.liveleak.com/user/IRAQI_TRANSLATOR_USMC
أختي ماطول اخذو قصتج مال تهديد فيعني سوولج مقابلتين, تره همه اثنينهن يسوها بنفس الوقت يعني يلزكون المقابلة الثانية بالاولى (2in1) , اني قابلتني موظفه اردنية ومن اخذت كل معلوماتي الشخصية كلتلي اتريد تاخذ بريك خمس دقايق وترجعلي علمود انكمل المقابلة الثانية, كتلها لا خلي انبلش بيها من هسه, فكلتلي يلة لعد احجيلي قصتك ليش طلعت من العراق.

بس الي اعرفة اني بانه بالعراق يفصلون المقابلة الاولى عن الثانية, يعني اول يوم اتروحين تنطيهم بس معلوماتج الشخصية, وراها يحددولج موعد مقابلة ثانية بغير يوم والي هيه راح تحجيلهم قصتج مال تهديد, ووراها يحددولج موعد مقابلة المحلفين.
אלוהים ברך את אמריקה וישראל


غير متصل black cat

  • عضو
  • *
  • مشاركة: 21
    • مشاهدة الملف الشخصي
والله اخي هذا اللي صار ويايه
ومن اجاني الايميل مال المحلفين كاتبيلي موعدكم مع المقابله الثانيه والاخيره
حتى اني بوكتها تفاجئت لان اللي اعرفه هنه 3 مقابلات مو اثنين
على كل اثنين ثلاثه المهم خلصن وبعد ننتظر الفرج ورحمه الله

غير متصل alaakato

  • عضو فعال جدا
  • ***
  • مشاركة: 140
  • الجنس: ذكر
    • مشاهدة الملف الشخصي
    • البريد الالكتروني
اخي العزيز مشكور على المعلومات
من ينكرني في الارض سوف انكره امام ربي في السماء

غير متصل MAGGIC

  • عضو مميز
  • ****
  • مشاركة: 1555
    • مشاهدة الملف الشخصي


اختي العزيزة black cat

اولا شكرا جزيلا على هذا الموضوع وحب المكساعدة وان شاء الله تسهل امورج وتسافرين وتستقريين

ثاتيا انتي باي دوله لان مشكله الاي او ام بالدول تشتغل بنظام مختلف بالمقابلات ولكن النتيجه النهائيه وحدة توصلج للمحلفين
مثلا بسوريا واحجي بس على الاي او ام ممكن تقابلين مقابلتين الفرق بينهم ايام او بالصدف شهر او شهرين واغلب المرات تكون المقابلتين في مقابله وحدة وهذا الي صار امامي انا قابلت وكان معي شخص مصلاوي هو وعائلته ساكنين في دير الزور او القامشلي مااذكر المهم انا قابلت الاولى ومن خلصت كالو راح نتصل بيك بعد 4 ايام اما الشخص الاخر قابل مقابله واحدة بس هيه 2 لان قالو له انت سكنك بعيد فمراح نتعبك ونرسل في طلبك مرة اخرى فقابلو مقابله وحدة بس هيه مقابلتين ومثل متفضلتي اسئله عامه واسئله عن القصه
اما الاردن يختلف ومصر ولبنان كل وحدة شكل
اخذ البصمات وليس الفحص هم يختلف كان بسوريا بهد مقابله المحلف ولكن الان قبل وكان في الاردن اثناء مقابله الاي او ام

المهم لااشكال اهم شي المحلفين والمقابله الامنيه
لهذا السؤال مثل ماقال اخونا سابقا هل هذة المنظمه تساعد في الامنيه وتسريع السفر ام تساعد في تسريع المقابلات ومقابله المحلفين
اعرف مراح تكدرين تجاوبين على نقطه الامنيه والسفر بس ممكن الي يفتهمته ان تساعد على تسريع المقابلات ومقابله الوفد

شكرا الج وبارك الله بيج

تقبلي مروري

غير متصل black cat

  • عضو
  • *
  • مشاركة: 21
    • مشاهدة الملف الشخصي
اخي العزيز MAGGIC
اني بالعراق
وقدمت على اي او ام بغداد والفتره بين المقابله الاولي والثانيه عشره ايام فقط
البصمات اخذوها مني قبل مقابله المحلفين بس بنفس اليوم
والفحص الطبي بعد مقابله المحلفين

بس مثل ماكلت بردودي السابقه اللي التقيت بيهم بالفحص الطبي كانوا مقابلين مقابله اولى قبلي بشهر ولحد الان بانتظار المقابله الثانيه

يعني الظاهر ماكو شي ثابت بسياسه الاي او ام
وبخصوص تسريع السفر والامنيه ماراح اكدر اجاوبك لان بعدني بالانتظار

وشكرا لمرورك


غير متصل GSMsystem

  • عضو فعال جدا
  • ***
  • مشاركة: 222
  • الجنس: ذكر
    • مشاهدة الملف الشخصي
    • البريد الالكتروني
والله نصيحتي لا احد يقدم وياهم .. اولا ما عدهم اي خبرة .. ومجرد مضيعة للوقت مختصر مفيد من سنة 2007 اني وياهم الا هذا الوقت بس دز ايملات واستلم ..

غير متصل black cat

  • عضو
  • *
  • مشاركة: 21
    • مشاهدة الملف الشخصي
اخويه GSMsystem
اني الموقف اللي صار ويايه انو بعد اشتراكي بشهرين اتصلوا بيه وسالوني وين مشت معاملتي ويه الاي او ام
واني بنفس الوقت جنت مقدمه على الاي او ام يعني اثنينهم بشهر واحد
لما جاوبتهم اني مواصلني اي شي
بعد نص ساعه بس وصلني ايميل من الاي او ام منطيني بيه كيس نمبر
يعني اكيد همه اللي سعوا لي بهاي الشغله
ومثل ماكلت سابقا احنا اللي صارت مقابلاتنا الاولي والثانيه خلال عشر ايام كنا مشتركين كلنا بنفس الموقع
قسم من سكنه بغداد وقسم من اربيل
يعني مجان اكو اي مضيعه وكت بالموضوع
هو مجرد ايميل تدزه وشغله الاستمارات تمليها
والاخوان احرار اللي يريد يقدم واللي مايرد محد يجبره
كلمن يعرف وين مصلحته

غير متصل مظلومه سوادي

  • مبدع قسم الهجرة
  • عضو مميز جدا
  • *
  • مشاركة: 3911
    • مشاهدة الملف الشخصي
خويي بلاك كات

هذا الموقع دمرررررررررررررررني
لان راسلتهم من اخذت عنوانهم من المنتدى ومجنت اعرف
هو بس لمساعدة المشتغلين ويه الامريكان
المهم كل يوم يدزولي رساله عالياهو دزيلنه المستمسكات انو انت جنت تشتغلين ويه الامريكان
وادزلهم اني مامشتغله ويه الامريكان ماافيدكم
ويرجعون ثاني يوم يدزولي نفس الرساله
ولحد 2010 يالله فكوا ياخه مني وبعد مااستمت منهم اي رساله
والحمد لله  >:(

غير متصل black cat

  • عضو
  • *
  • مشاركة: 21
    • مشاهدة الملف الشخصي
اختي مظلومه سوادي
يعني شاريد اكولج من اسمج مبينه قصتج   :(
الله يكون بعونج ويفتحها بوجهج انشاء الله
امين

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
خويتي ام دواس (مظلومة) ترة صاحب الموضوع بنية مو ولد   ;D ;D ;D  مثل سالفة سرى اللي اسمهه عبالك كلمات متقاطعة  ;D ;D

اختي البزونة السودة
انتي دتكولين
بعد نص ساعه بس وصلني ايميل من الاي او ام منطيني بيه كيس نمبر
يعني اكيد همه اللي سعوا لي بهاي الشغله

تره هذا مو منطق
يعني من وكعت التفاحة يم نيوتن جان استنتج انه التفاح طيب مو انه اكو جاذبية بين الكتل
ومثل ثاني:
اني ذاك اليوم استلمت الكوم ابروف ورى 8 اشهر انتضار
وصديقي العضو شبح بغداد ساعدني بملي الافورم قبل 8 اشهر
من فتحت الايميل لكيت جايني رسالتين وحدة من الNVC و وحدة من صديقي وراهه بربع ساعة رغم انه هو صارلة شهور منقطع من منتدانا وهو فد عضو كلش مهم بيه وما متصل بيه ولا اني متصل بيه هم صار فترة مو قليلة فرأسا اجا ببالي انه اله علاقة بموضوع الكوم ابروفال مالتي هههههههه
انتي اتصلوا بيج وورى نص ساعة اجاج اتصال من الاي او ام.... على اي اساس هالاستنتاج الغريب مالتج
عيني صدفة محضة

واللي يريد يتصل بيهم بكيفة
بس اني بلغت ترة حتى اللي مزلغ روحه شغل وية الامريكان (مثلي) هم دوختهم اكثر من فائدتهم
اللا اذا هسه صايرين اوادم بعد ما اعرف

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل black cat

  • عضو
  • *
  • مشاركة: 21
    • مشاهدة الملف الشخصي
اخويه vincenzo
الظاهر انت قافل عليهم وماتريد تقتنع بهالشي وهذا رايك الخاص
اني هسه رجعت جيكت الايميلات مالتهم
وراح انطيك التواريخ بالضبط
يوم 14-1-2009 اني مقدمه على الاي او ام
يوم 22-1-2009 قدمت عل اللست بروجت
يوم 17-3-2009 وصلني ايميل من اللست بروجكت يسالوني اذا استلمت كيس نمبر لو بعدني ولوين واصله معاملتي
يوم 18-3-2009 ( يعني ثاني يوم مو وره نص ساعه للامانه ) وصلني ايميل من الاي او ام منطيني الكيس نمبر
وسمعت من احد الاخوان انه همه منظمه فكر يطلبون من الشخص يتصل بيهم
هذا الشي مصار ويايه قبل كل مقابله همه يتصلون بيه بالتليفون ويسوولي مقابله يسالوني نفس الاسئله تفريبا اللي راح تنسال حتى اكون جاهزه للاسئله وفعلا هاي كلش فادتني النقطه لان جانت اكو هوايه ثغرات باجوبتي
وكل تليفون يطول مو اقل من ساعه يعني مو منظمه فكر
اللي مقدمين من قبل 2009 يعانون من مشاكل ويه هاي المنظمه بس الظاهر على كولتك ترتبوا باللاخير
وياريت من حضرتك تبطل اسلوب الاستهزاء بالحجي مثل ما كاعد احجي باحترام المفروض تتعامل بالمثل

مو لو اني غلطانه
اذا ماعاجبك الموضوع لاترد عليه ولاتكلف نفسك تقراه



غير متصل hamada2

  • نجم منتدى الهجرة و اللاجئين
  • عضو مميز جدا
  • *
  • مشاركة: 2161
  • الجنس: ذكر
  • طلبت من الادارة حذف الاكونت الخاص بي ؟ وليس حظري ؟
    • مشاهدة الملف الشخصي
شكرا اختي على الموقع
وياربي يوفقك لخدمة اخوانك واخواتك بالمنتدى

بارك الله بكل شخص يفيد الجميع
تحياتي لك