... ايجابيات وسلبيات العيش في امريكا ...

[jack_of_arabia]

السلام عليكم ... صراحة اخواني واخواتي اعضاء منتديات عنكاوا المحترمون حبيت اطرح هذا الموضوع للنقاش لكي يكون مرجع او قاعدة بيانات لكلّ الاشخاص الذين يبادر الى ذهنهم اسئلة حول العيش في امريكا من ناحية الايجاب والسلب ...

اكيد الكثير من الاعضاء لاحظ ان هناك العديد من الاشخاص الذين طرحوا هكذا مواضيع او مقاربة متخوفين او العكس من الذهاب الى امريكا لأسبابهم الشخصية ...

لذا أرجو من جميع الاعضاء طرح رأيهم وبالطريقة التي يُحب لكي نرفد المنتدى بعدة مواضيع جيدة وبنفس الوقت مفيدة لنا ولغيرنا عسى ان تعم الفائدة على الجميع وانشاء الله تكون في ميزان حسناتكم ...

صراحة بالنسبة إلي سوف اشارك ولو بمعلومات قليلة عن ايجابيات العيش في امريكا ... مع تحياتي . جاك


1- الحرية وقيمة الفرد مهما كان شأنه وممكن إنك تلتقي مديرك في السوبر ماركت بعد العمل وهو يرتدي الشورت والكاب.

2- الحرية والمرونة الاقتصادية فثمن البنزين كان يتغير كل يوماً وذلك حسب سعر النفط, وكل محطة بنزين تبيع بسعر مختلف عن المحطة الأخرى, حتى إن هناك ولايات لايوجد فيها ضريبة على المشتريات نهائيا.

3- تعيش الناس على القروض البنكية فمنها يمول الطالب دراسته الجامعية, ومنها يشتري السيارة ويسدد أقساطها على 7 سنين, ومنها يشتري المنزل الذي يسكنه ويسدد ثمنه على 25 سنة, ومن هنا نفهم عمق الأزمة التي حدثت مؤخراً.

4- الإتساع الجغرافي الهائل, والتنوع البشري الكبير, فمن اي بلد وصلت يمكن لك أن تعيش وتعمل في محيط يشبه كثيراً بلدك الاصلي ففي مدينة ديترويت هناك بلدة تسمى ديربورن يعيش فيها نسبة كبيرة من العرب فحتى واجهات المحلات تراها بالعربي وتجد فيها كل شيء يخطلر على بالك من منتوجات البلاد العربية.

5- لو اردت أن يكن وضعك المادي ممتاز , فأحسن فرصة هي أن تكون طبيباً أو محامياً.

[azal]

مشكور اخويه على هذا الموضوع ويارت كل الاخوان الاعضاء الي عايشين بامريكا يستمرون في ردودهم  الي بيها تجاربهم ومعلوماتهم حتى تزداد معرفتنا اكثر بالحياة في امريكا

ومثل ميكول المثل اسأل مجرب ولا تسأل حكيم

واشكر تعاونكم
 
والف تحيه لهذا المنتدى الراقي والمفيد
 

[شـهــرزاد]

اسلام عليكم ورحمة الله وبركاته

موضوع جميل ومهم جدا يزيد من معلوماتنا عن

 بلد يكاد ان يكون هو البلد الوحيد لتحقيق الاحلام

واتمنى من كل من لدية خبرة او  تجربة ان يطرحه

هنا للفائدة او للنقاش

وشكرا لك مره ثانية

تحياتي لك

[National]

تسلم أخي على هذا الموضوع الرائع وأتمنى من المتواجدين في اميريكا أن يطرحو مالديهم من سلبيات وايجابيات

[الحمل]

اللاسم عليكم راح ابدي وياكم بالسلبيات
البيوت قديمه والشقق ومليئه الحشرات واحيانا الفئران توجد اماكن جيده لكن اسعاراها غاليه
يمكن ان ترى في الشارع ويرى اطفالك تصرفات لا اخلاقيه عادي جدا
لن تستطيع العمل بشهادتك الا بعد جهد جهيد من الدراسه والواسطات للتعيين
التنقل من مكان لاخر جدا صعب لذى من الضروريات شراء سياره
صندوق البريد الذي في منزلك يحمل الكثير من المفاجئات غير السعيده واقصد بلات الماء والكهرء والغاز والنت
لا تستطيع ان تتفرج التلفزيون براحه مثلما تعودنا ولكن يجب ان تشتركوان تدفع بلات شهريه لهذا الغرض
من الطبيعي جدا ان يكون جيرانك من السود او المكسيك او الامريكان الذين يسهرون كل ليله مع صوت عالي جدا يحرمك من النوم وحفلات وسكر لا ينتهي
العراقيين في امريكا يتحولون الى اعداء معضمهم
الزبل تكرمون هم لازم تدفع ضرايب بي
الاكل الحلال غالي
النصب والاستغلال بالنت كلش كثير يعني تلكه عرض بالنت ايكلك دولار تشتريه يجيك القائمه مالتع 20 دولار
 الايجابيات
نضام تعليمي راقي
نضام صحي راقي يشعرك بالاطمئنان على مستقبل اطفالك
نضام مرور يعطي الحق للعوبر اي المشاه في كل الاحوال
مناضر طبيعيه خلابه
احترام للانسان كانسان
الطعام رخيص ومتوفر
الاثاث يمكن ان تحصل عليها بدون ان تدفع اي شي
الملابس ارخص من دول الجوار
حياه عمليئه بعيده عن مضاهر الزركشه الفارغه يعني تشوف الموضفه لابسه ابسط ما عدها واحيانا يجون الملابس ما مضروبه اوتي وبسيطه جداتتذكر الموضفات بالعراق عبالك رايحين حفله

[شـهــرزاد]

اسلام عليكم ورحمة الله وبركاته

ممكن سؤال اخي العزيز ( الحمل )

ممكن تذكر لنا حضرتك بأي ولاية وبأي منطقة تعيش

للفائدة لا اكثر

تحياتي لك

[azal]

مشكور اخويه( الحمل)

[طيوب 121975]

اني لاحظت شغلتين بامريكا مهمه جداا                                                                                                                                1 العراقيين كانو مو العراقيين ال يكانو بالعراق وخاصه القدماء يعني عكس كل الجاليات مرتبطين وبينهم صداقات بس العراقيين تلكاهم مندمجين ويه المكسيكان والاثيوبيين والهنود بس من يعرف انته عراقي يبتعد عنك وكل الي يربطهم المصالح فقط استغربت من هذا الشي واني صارلي  شهر                                                                                                                                2 الشغل مستحيل ان تحصل شغل بدون واسطه ومحسوبيه مثلا وياي بالمدرسه عراقيين ميعرفون لغه نه ميشتغلون ويانه مترجمين كاعدين بالبيت يعني تعتمد على  الي عنده قرايب بالمنطقه مشت اموره والي ماعنده لا عيني اموره تعبانه

[ALBERT.]

عاشت ايدك عالصراحة اخوية(الحمل)

[^Miss Violet ^]

من اروح لامريكا انشالله راح اشارك بهذا الموضوع

شكرا جزيلا على الموضوع اخي العزيز

[طيوب 121975]

اخي ريان لاصدك الحجي تره الي بالاردن وسوريا والبنان متعتبر غربه الغربه هنا بامريكا صدك غربه ومنو كالك احنه كسالى او معظم العراقيين لا حبي لا بس هوه هيج الحياة بامريكا تتوسل توسل يلا تحصل شغله مابيها حير خليها سكته عود من تجي هنا راح تصدك وتشوف بعينك الله يرحم الخده مالت سوريا يمعود

[ام مشمش]

مشكور اخي صاحب الموضوع وان شاء الله الاخوان الي بامريكا يحجولنا اكثر سلبيات وايجابيات

[سرى2]

http://www.ankawa.com/forum/index.php/topic,376104.0.html

http://www.ankawa.com/forum/index.php/topic,375210.0.html

http://www.ankawa.com/forum/index.php/topic,321204.msg4014033.html#msg4014033

هاي مواضيع مطروحة سابقا ومهمة ومفيدة اتمنى تستفيدون منها

[lionofiraq]

اني لاحظت شغلتين بامريكا مهمه جداا                                                                                                                                1 العراقيين كانو مو العراقيين ال يكانو بالعراق وخاصه القدماء يعني عكس كل الجاليات مرتبطين وبينهم صداقات بس العراقيين تلكاهم مندمجين ويه المكسيكان والاثيوبيين والهنود بس من يعرف انته عراقي يبتعد عنك وكل الي يربطهم المصالح فقط استغربت من هذا الشي واني صارلي  شهر                                                                                                                                2 الشغل مستحيل ان تحصل شغل بدون واسطه ومحسوبيه مثلا وياي بالمدرسه عراقيين ميعرفون لغه نه ميشتغلون ويانه مترجمين كاعدين بالبيت يعني تعتمد على  الي عنده قرايب بالمنطقه مشت اموره والي ماعنده لا عيني اموره تعبانه

 

اني اتفق وياك اخ طيوب ان العراقيين بالغربة غير كل الجاليات قلب على قلب و لكن بالنسبة للعمل اولا هي ارزاق و بنفس الوقت المنظمة المسؤلة عليك هي ملزمة ان تلكه شغل الك و انت بدونها نسبة حصولك على عمل تكاد اتكون صفر لذا اخوان عليكم بالعلاقة الحسنة بمنظمتكم لأن كل الشغل بيد الله و بيدها اني بالنسبة الي خريج جامعة و عندي بكلوريوس انكليزي بس ما اكدر اشتغل بشهادتي الى اعادلها و لكن المنظمة لكولي شغل نادل يعني WAITER و اني بصراحة قبلتها و كانت اول شغلة يعرضوها عليه و اني الأن تحت التجربة و من الله التوفيق و كل شيء يجي بالتسهيلات من الله  الحياة في امريكا حلوة بس لازم تعرف شلون اتسويها حلوة و بيدك اتسويها مرة فلا اتخافون الله موجود هو الرزاق

[silver_d]

تحيه عطره من سماء امريكا الكشره
اخواني الاعزاء اني راح احجيلكم السلبيات اول شي وبعدين ارجع على الايجابيات

بالنسبه للسلبيات في امريكا كصوره عامه

اني صارلي سبوعين هنا بامريكا مو اكثر وبعدني دا اكتشف الكثير من الاموور
اني اعيش في ولايه كالفورينيا اورنج كاونتي الي تعتبر ثالث مدينه بنسبه الغلاء في كالفورينيا
بالنسبه للايجارات هنا جهنم احنه ماجرين شقه اني واقربائي اب 900 دولار وهذا السعر العقد مال السنه الي فاتت
بس اكو جوارينه اجوي اجرو همه مصريين على العقد والتسعيره الجديده اب 1200 دولار وبانسبه للايجار فقط واما الكهرباء تلحكها فد 50 دولار انكول اقل شي هاي صارت 950 دولار
وبالنسبه للنقل هنا غالي يعني اذا انته المكان الي اتريد اتروحله 3 باصات
هاي 4 دولارات ونص بس الروحه والرجعه 4 ونص هاي 9 دولارات باليووم وممسوي شي انته وبالنسبه تشتري ببسي من المشين هنا اب دولار
وبالنسبه للحالات السلبيه هنا يعني المجتمع مو مال واحد يجيب عائلته ويعيش هنا اكيد راح تفتهمون شنو قصدي
وبالنسبه اذا ناوي تشتريلك سياره هاي اقل سياره اب 8000 دولار يعني تمشي ومتوكفك بالطريق
على الهاي وي
وبالنسبه للتلفونات غاليه يعني اني اول شي اشتريت تلفون سبرنت وخدمتها زينه بالشهر البل مالتها 80 دولار ويا الانشورنس وثاني يووم رجعته لان شفت ميزانيتي متسمح واشتريت تلفون شويه الخدمه مو زينه اسمها ميترو ادفع بالشهر 40 دولار
والبلات متعرف من وين تجيك يعني بعدني مطاب امريكا ومكايل يا الله اجالي بل اب 1500 دولار مال طياره فمجبوور ادفعه شويه شويه الحد ما اكمله
وهاي السلبيات وامريكا متستاهل هالتعب صدكوني
وبالنسبه للايجابيات
بالنسبه للتعليم توب وبالنسبه للصحه تووب وبعد ميخلص الامديكال انشورنس اقل اسعاف بس للمستشفى هاي 500 دولار وبعدين يجيلك البل الي لازم تدفعه مال مستشفى
وبالنسبه للنضافه ماكو منها وبالنسبه للنضام ماكو منه وبالنسبه اكو هوايه اموور ايجابيه

وهسه نحجي على النذاله مال جماعتنه نحنه العراقيين
بالنسبه النه احنه العراقيين ابد مو واحد ايده ويا الثاني
واني طرحت هالشي ابموضوعي
قبل سبوع
يعني تتصورون عراقي واني اعرف هوه عراقي هوه صاحب بنزين خانه
دا احجي وياه عربي
جاوبني كلمه وحده عربي وبعدين كالي اني ما احب العراقيين حته لو اني عراقي بالانكليزي جان ديحجي ويايه
لو اتشووف كل عراقي
الترابط الاجتماعي ماكو بيناتهم ابد
المهم هاي امريكا
زبل في زبل
تحياتي

[azal]

صباح الخير على العراق واهله الطيبين


اني اتفق تماما مع الاخ ionofiraq  صراحه انيلحد الان ممسافره بس هذا الي اسمعه من الناس الي عايشه هناك  واقراه بالمنتدى يعني تقريبا كلهم نفس الكلام

اخويه سلفر شلونك يعني  انت مصارلك اسبوعين وهيج دتعاني بعد شهرين شيصير بيك يعني
 
كولشي  (غالي وسلبي ومتريد العوائل تجي وتعيش بامريكا وعراقيين وصفتهم( بالنذاله))

حته الصحه شويه مدحتها وبعدين تندمت

معرفنا ايجابيات غير بس( التعليم ,والنظافه وهوايه امور ايجابيه)

شلون راح تعيش هناك ؟ وشنو مشروعك وطموحك للمستقبل؟

يعني صراحه انت خليت معنوياتي تحت الصفر .




اشكرك واتمنالك التوفيق

[eboo]

والله اخواني ترى كل واحد وضرفه يعني منكدر انكول هذا وهذا بس اني اريد اكول الكم كلمه وحده وهذا الموضوع هم تركوه لان محد راح يجاوب على العموم يعني مثلآ سلفر حيل تعبان من امريكا غيره لا فيا اخوتي كلتلكم راح اكول كلمه وحده الي يريد يجي خلي يجي ويشوف بعينه ويجرب كل انسان واله ضرف خاص بيه ورزق خاص بيه من رب العباد يعني مو شرط كله نفس الشي اكو ناس مرتاحه والله هنا واكو ناس اتكول لا ممرتاحين كلمن حسب ضرفه يا اخوتي وهل موضوع سدوه لان ما بيه فايده غير بس حركان الاعصاب اواحد يرفع منوياتك والاخ يهبطه تعالو الامريكا وشوفو وعيشو يعني اكو واحد يسلم لحيته بيد والله كالولي سمعت اذا متشوف مراح تكدر تعرف الحقيقه تقبلو تحياتي واسف لو كلامي جرح واحد من الاخوان

[شـهــرزاد]

اسلام عليكم ورحمة الله وبركاته

انا متفقة قليلاً مع كلام الاخ ( eboo  ) ومقتنه بأن

من الغير ممكن ان نرسم صورة واضحة للأمريكا على
 
تجارب الاخرين لان هذا الموضوع بيد الله عز وجل

لكن مايمنع ان احنا نستفيد من تجارب الاخرين ونتجنب السلبيات الي مروا بيها

تحياتي للجميع

[مُغترب]

وعليكم السلام

مع خالص احترامي لتجارب الجميع

الافضل ان يجرب كل شخص تجربته بنفسه لان العزائم والقابليات والافكار والامكانيات تختلف

وهذا لايمنع ان تقرأ تجارب الاحبة الكرام ونطلب النصح منهم

بالعكس

احيانا من يتواجد بالعراق يستطيع ان ينصح ويساعد من هو في امريكا

والعكس صحيح ايضا

اسال الله ان يوفق الجميع لكل خير ويفرج عن كل متضايق ومهموم  وان يربط على قلوب المحتارين

تحياتي لكل الاحبة الكرام

اخوكم حسين محمد

[الرسام1973]

مشكور اخويه الحمل على هذا الكلام الجدي والمفيد


اخوكم ابو علاوي

[asmar22]

اخي العزيز  شكرا جزيلا على الموضوع

[أبو زيوني]

أخوان شنو السالفة أشو سويتوها ضلمة ومليوصة السالفة


آني بعد 20 يوم أسافر شنو هسه شسوي



يمكن راح أعوفها للسالفة

[silver_d]

اخوان كل واحد وضروفه
وانشالله الموفقيه للجميع شباب  واتمنه انو الكل تستقر وانشالله امريكا اتكون خير عليكم وعلينه
اخواني الي ميجي مراح يعرف فأني نصيحتي  تعالو والي  جيته قريبه وشوفو وانشالله تعجبكم لان كل واتحد ورائيه
واني رائي بامريكا هيجي

والموفقيه للجميع
تحياتي  سلفر

[lionofiraq]

اخوان افهموني العمل في امريكا ترة يوفرلك صمان صحي و تامين على الحياة بس قسم من الأعمال و من الراتب انت تعرف شلون اتسوي ميزانيتك و بعدين ترة مو كل العراقيين موخوش علكيفكم ترة لو خليت قلبت اخوان و بعدين بالنسبة للعوائل اكو  هنا كومة عوائل و عايشين و الله اني عندي خالتي العرض واحد متزوجة و عايشة من السبعينات بامريكا و عنده 3 اولاد و الله العظيم اولاده عدهم اخلاق  متتصورون شولن عالية و شلون مؤدبين و حبابين و يعرفون الأسلام و دينهم بدون عنصرية فيا احوان تعالوا و عيشوا و اكوا هنا عوائل عراقية كومة و انت ممجبور ان تختلط تعالوا شوفوا العالم و الناس شلون عايشين هنا اتخطط للمستقبل منا ل 20 سنة و ربك يوفق و الحمد لله اني خريج جامعة اداب انكليزي و اشتغلت نادل و حتى امسح الكاع همين عمي كولوا يا الله

[ســـرى]

وشوفوا هذا الموضوع

 http://www.ankawa.com/forum/index.php/topic,282122.msg3726071.html#msg3726071

وهذا ايضا

http://www.ankawa.com/forum/index.php/topic,228482.0.html

تقبلوا تحياتي

[(بغدادي)]

تحيه عطره من سماء امريكا الكشره
اخواني الاعزاء اني راح احجيلكم السلبيات اول شي وبعدين ارجع على الايجابيات

بالنسبه للسلبيات في امريكا كصوره عامه

اني صارلي سبوعين هنا بامريكا مو اكثر وبعدني دا اكتشف الكثير من الاموور
اني اعيش في ولايه كالفورينيا اورنج كاونتي الي تعتبر ثالث مدينه بنسبه الغلاء في كالفورينيا
بالنسبه للايجارات هنا جهنم احنه ماجرين شقه اني واقربائي اب 900 دولار وهذا السعر العقد مال السنه الي فاتت
بس اكو جوارينه اجوي اجرو همه مصريين على العقد والتسعيره الجديده اب 1200 دولار وبانسبه للايجار فقط واما الكهرباء تلحكها فد 50 دولار انكول اقل شي هاي صارت 950 دولار
وبالنسبه للنقل هنا غالي يعني اذا انته المكان الي اتريد اتروحله 3 باصات
هاي 4 دولارات ونص بس الروحه والرجعه 4 ونص هاي 9 دولارات باليووم وممسوي شي انته وبالنسبه تشتري ببسي من المشين هنا اب دولار
وبالنسبه للحالات السلبيه هنا يعني المجتمع مو مال واحد يجيب عائلته ويعيش هنا اكيد راح تفتهمون شنو قصدي
وبالنسبه اذا ناوي تشتريلك سياره هاي اقل سياره اب 8000 دولار يعني تمشي ومتوكفك بالطريق
على الهاي وي
وبالنسبه للتلفونات غاليه يعني اني اول شي اشتريت تلفون سبرنت وخدمتها زينه بالشهر البل مالتها 80 دولار ويا الانشورنس وثاني يووم رجعته لان شفت ميزانيتي متسمح واشتريت تلفون شويه الخدمه مو زينه اسمها ميترو ادفع بالشهر 40 دولار
والبلات متعرف من وين تجيك يعني بعدني مطاب امريكا ومكايل يا الله اجالي بل اب 1500 دولار مال طياره فمجبوور ادفعه شويه شويه الحد ما اكمله
وهاي السلبيات وامريكا متستاهل هالتعب صدكوني
وبالنسبه للايجابيات
بالنسبه للتعليم توب وبالنسبه للصحه تووب وبعد ميخلص الامديكال انشورنس اقل اسعاف بس للمستشفى هاي 500 دولار وبعدين يجيلك البل الي لازم تدفعه مال مستشفى
وبالنسبه للنضافه ماكو منها وبالنسبه للنضام ماكو منه وبالنسبه اكو هوايه اموور ايجابيه

وهسه نحجي على النذاله مال جماعتنه نحنه العراقيين
بالنسبه النه احنه العراقيين ابد مو واحد ايده ويا الثاني
واني طرحت هالشي ابموضوعي
قبل سبوع
يعني تتصورون عراقي واني اعرف هوه عراقي هوه صاحب بنزين خانه
دا احجي وياه عربي
جاوبني كلمه وحده عربي وبعدين كالي اني ما احب العراقيين حته لو اني عراقي بالانكليزي جان ديحجي ويايه
لو اتشووف كل عراقي
الترابط الاجتماعي ماكو بيناتهم ابد
المهم هاي امريكا
زبل في زبل
تحياتي

الاخ العزيز سلفر راح اعلق على كلامك وانشاءالله تتقبل تعليقي لان الغرض هو الفائدة العامة ولو اني ما اشارك بمواضيع مفتوحة النهايات كل واحد ايعبر عن رايه بيهة بس تعليقي بيه حقائق وليس وجهات نظر:

- بالنسبة للايجارات فكلامك جدا صحيح وهذا معروف عن كاليفورنيا بغلاء ايجاراتها ولكن سان دييغو تعتبر ارخص من اورانج كاونتي نسبيا يعني ايجار شقة غرفة نوم وصالة تقريبا ب 850 مع المي بالكهون او بجولا فيستا..
- بالنسبة للنقل فما اعرف الجماعة اللي رحتلهم ما عدهم معلومات بس لو سال ابو الباص اكو كارت اسمه day pass هذا بخمس دولارات ويمشيك يوم كامل تستعمل بيه كل الباصات حتى الترولي واذا تدخل على صفحة الكريكسليست الخاصة بالتيكيت راح اتشوف السعر الحكومي للبطاقة الشهري 72 دولار ويبيعوهة بخمسين دولار وحتى اقل وتمشيك شهر رايح جاي..
- 8000 دولار لسيارة ما توكف على الفري واي!!!! اخي العزيز تروح للجنك يارد تاخذ سيارة امريكي اربعة سليندر بالف وخمسمية ماشية اقل من 100000 وياهة كل الاوراق والسموغ وينطيك حتى كرنتي على الشغلات المصلحة وهاي من تجربة شخصية والسيارة صدكني كل يوم من الصبح للعصر تفتر..
- بالنسبة للتلفونات اتروح لل t-mobile تكولهم اريد اشتراك بدون عقد وارخص شي راح ينطيك 500 minutes plan تدفع عليه 34 دولار بالشهر مع الضريبة وتخابر بيه كل يوم ورة التسعة للصبح ابلاش والويك اندز والعطل وداخل الشبكة ابلاش وفوكاهة 500 دقيقة وصدكني ما راح تخلصهة بشهر لان اني صارلي وياهم 6 اشهر وماكو شهر خلصتهن وكل يوم اتصل داخل امريكا..

الظاهر الجماعة اللي يمك يا دينطوك معلومات خاطئة يا اصلا ما عدهم علم بهالتفاصيل ولو منزل موضوع عن هالامور جان فدناك بالمعلومات..اني مشاركتي مو دا اريد اغير رايك عن الوضع لان لكل شخص ظروفه واهدافه اللي اجه من اجلهة ولكن حبيت اصحح معلومات ممكن الكثيرين ممكن يستفادون منهة واتمنالك الموفقية..

بغدادي

[شـهــرزاد]

تسلم يداك اخي العزيز (بغدادي)

على هذة المعلومات المفيدة القيمة

تقبل تحياتي

[azal]

[/b]مرحبا

اخويه lionofiraq الله يكون بعونك وان شاء الله ترزق بعمل احسن من هذا وتتوفق اخويه
ومشكور على رأيك وفعلا هوايه اكو عوائل بامريكا محافظه على عاداتها وتقاليدها وعرفها


اخويه بغدادي اني اشكرك على هاي المعلومات المفيده حول طريقه التعامل مع الاشياء الجديده بامريكا الي احنا منعرفها لان مموجوده بالعراق وياريت الاخوان يستفادون منها (اني عن نفسي راح اكتب هاي المعلومات يمكن يوم من الايام تفيدني)
ش
اخويه ابو زيوني (go ahead ) والله يوفقك وان شاء الله الخير كدامك (ودربك خضر)

اخواني

(((تفائلوا بالخير تجدوه)))


اشكركم تقبلوا مروري اختكم ازل

[jack_of_arabia]

السلام عليكم ... بداية أحب اشكر كلّ من لمشاركتهم في الموضوع ...

azal , شـهــرزاد , National , الحمل , طيوب 121975 , FOB KALSO , Ryan1984 ,
ام مشمش , سرى2 , lionofiraq , silver_d , ســـرى , eboo , مُغترب , الرسام1973 , asmar22 , أبو زيوني , (بغدادي) ,  Miss Violet ...


أخواني وأخواتي الأعزاء في منتدى عنكاوا العزيز أحب انوه أن الفكرة من طرح الموضوع كانت لتبين ما هي ايجابيات وسلبيات العيش في أمريكا كلّ شخص من وجهة نظره ...

لذلك أرجو من جميع الأعضاء الانتباه أن كل تعليق يتم طرحه في هذا الموضوع هو يمثل وجهة نظر صاحبه والعاقل من اعتبر  بغيره ...

صراحة بالنسبة إلي التقيت بكثير من الأشخاص الذين عاشوا في أمريكا ومن خلالي عملي معهم استنتجت الأتي :

1-لاحظت عدة أشخاص عاشوا في أمريكا لمدة لا تقل عن عشرة سنوات وهم لا يتكلمون الانكليزية بل مجرد عبارات الترحيب وبعض مفردات الشارع ومع ذلك الكثير منهم قد كوّن نفسه وأصبح لديه بيت ومبلغ مادي محترم هنا في العراق من خلال عملهم في أمريكا ...

2-لاحظت عدة أشخاص يتكلمون الانكليزية بصورة جيدة من خلال اندماجهم في المجتمع الأمريكي ولكنهم في نفس الوقت لا يستطيعون الكتابة أو استخدام الحاسوب ولكنهم نجحوا في تحقيق شيء ...

3-لاحظت عدة أشخاص من خلال وجودهم في أمريكا قد نجحوا في أمريكا ومعهم شهادات محترمة واثبتوا وجودهم ...

لذا أخواني وأخواتي الأعزاء إذا رأيت تعليق لا يتناسب مع وجهة نظرك هذا لا يعني  أن وجهة النظر المقابلة صحيحة أو العكس ...تحياتي . جاك       

[TOMMY735]

لك بغدادي شنو انتة وررررررررررررررررررررررررررررد
حجيك شوية سوالي واهس بعدين خل اكللكم سالفة
اني بيتنة بالسيدية
البارحة تاجر بيت بصفنة 200 متر بمليون دينار يعني ما يقارب 800 دولار هاي عدا البيل مال المولدة يعني معقولة كاليفورنيا والسيدية سوة
فاني عن نفسي اشوف الايجارات معقولة مو رخيصة يعني بس زين يعني.....
اما بالنسبة للسيارات فاحنة هسة عدنة سيارات الجنك يارد سعر الوحدة اربعين ورقة لان رقم ابيض ههههههههه
وسيارة صينية شيري تلعب ستين نفس 10000 دولار اذا تطب بازدحام لازم تطفي التبريد بسرعة وتفك الشبابيج
عمي
خلاصة الكلام
امريكا احسن
باي

[كيني جي]

ا

لسلام عليكم

طبعا الحياه بامريكا عمليه بشكل يعني مو مال كعده وسكته لازم جد ومثابره

ما تكدر تشتغل بشهادتك لان مامعترف بيها. بس احسن من الدول العربيه

اخوان والله ماكو احلى من العراق بس بلدنا مع الاسف صار بيد الحراميه واللي ماخلو للعراقي اي قيمه.

 وبالنسبه للعراقيين الاغلبيه مو الكل متفقين بشي واحد الكذب والغيبه والنميمه والحقد واحد على الثاني

الله يفكهم من هذا المرض
 

[Torture Killer]

السلام عليكم

طبعا اني بعدني ما رايح وشغلتي طويلة كلش يالله اروح بس حبيت اسأل الجماعة الي هناك هاي الاسئلة

1- تطفى الكهرباء؟؟؟؟
2- الرئيس او الحاكم يلزك بالكرسي ويومية خطابات؟؟؟؟
3- عصابات السود يزرعون عبوات على الشارع؟؟؟؟
4- الشرطة ياخذون رشاوي؟؟؟؟
5- الجيش يقلص عليك بالسيطرات و يقلل من احترامك كدام الناس؟؟؟؟
6- تفتر سنتين وماكو شغل ؟؟؟
7- اذا تريد تتعين بالدولة لازم اتجيب تزكية من حزب؟؟؟
8- الامريكان هم يروحون مشي كل اسبوعين لتكساس زيارة ويسدون الشوارع (اني شيعي حتى لا تكولون طائفي)؟؟؟؟
9- اكو منع تجول؟؟؟؟
10- شكد تشغيل المولدة مال الشارع وبيش الامبير ؟؟؟
11- تلزم سرا على البانزين؟؟؟


وبعد هواية اسئلة بس خل اذكرها واذا امريكا هاي حالها ابقى بالعراق احسن لان احنه مو هيج

[owenh79]

هاي للجميع....... يمعودين شنو القصة اشو واحد يرفع و الخ يكبس.يعني اني هسه يالله جاي اكمل اوراقي حته اقدم على SIV و سلفر خوفني.بس عموما مشكورين على هذه المعلومات , و اعتقد الايجابيات اكثر من السلبيات.شكرا الكم مرة ثانية و ربي يوفقك الجميع.امنين

[moonlightiq]

عاشت ايدك Torture Killer

صدك الواحد وخصوصآ للمهاجرين من العراق يفكر بأجوبة لأسئلتك اذا جان حاير بالسفر لو لا

[woody3]

مقدمة:- طبعا اظن انه معظم متصفحي هذا الموقع يطب هنا علمود يريد يعرف الايجابيات مال العيش في امريكا ومهما سمع من سلبيات فمراح يقتنع بيها كسبب يمنعه من المجيء اولا لانه راح يقارنه بالسلبيات الموجودة في العراق فراح يشوفه صغيرة امام التحديات الي هناك وثانيا راح يكول كل واحد وظرفه الخاص بي وكل واحد تختلف اموره عن الشخص الاخر. نجي هسة على الايجابيات والسلبيات:- الايجابيات كلش هواي لا تعد ولا تحصى امريكا حلوة وامينة ونظيفة وخدمات و...... وتطول القائمة .
طبعا اكو سلبيات صغار لكن كلها نابعة من اختلاف الثقافة وعدم المعرفة بالقوانين ومن الممكن تحملها)  لكن اكو سلبيتين مهمتين وهما شغل شبه معدوم واذا توفر يكون بارت تايم ومابي لا ضمان صحي ولا تقاعد ولا امتيازات اما الاخرى فالضمان الصحي اذا خلص فهاي الله الي كاتبه عليك لان هنا  حوالي اجور الفحص 300 الاشعة ب 220تحليل الادرار ب 40 دولار و تحليل زرع الادرار 250 و السونار 5956 الاسعاف 1300 واخوان الي ميلكة شغل فراح يشوف عبالك انه كهرباء ماكو والشوارع مسدودة والمي مكطوع والعبوات مزروعة بالشارع.

[ابو علاوي]

الـــــــــــــسلام عليكم موضوع جدا مفيد ولو مرات ايهبط العزيمة المستوى الصفر ومــــــــــــــــــرات ايسوي العزيمة مئة بالمئة اخوان اني بالنسبة الي روحتي لمريكة بالدرجــــــــــــــــة الاولى والاخيرة على مود الاولاد التلاثة الي همة اكبر واحد بيهم عمرة خمس سنوات اريــــــــــــــــــد مستقبل الهم واني وزوجتي قررنة انضحي ابشهايدنة ووضايفنا بالعراق وصدقـــــــــــــــوني مستواي المعيشي بالعراق يمكن ما احلم اعيشة في امريكة نفسهة ولاكن فاقـــــــــــــــــــــد الامان وخايف من المجهول وخايف على الاولاد اربع وعشرين ساعة حتة ساعات نومي صارت قليلة والله المستعان على كل الامور والي عند ة عاءلة انصح يطلع من العراق مهما ايكون مستقبل اولادة  الدراسي يكون مشرق خصوص اذا يحس اولادة بيهم بصيص ذكاء وشكرا لكم هاي وجهة نضري من نواحي البقاء بالعراق لو الهجرة الى اي دولة اوربية او امريكية وشكرا لكم