كيفية استحصال رخصة السياقة في امريكا و سر نجاحك في الاختبار ... موضوع شامل من جميع النواحي

(1/12) > >>

zozk:
السلام عليكم اخواني و خواتي بهذا المنتدى الرائع
اليوم جايبلكم كيفية استحصال رخصة السياقة في امريكا  . طبعا رخصة السياقة جدا مهمة في امريكا و السيارة تقريبا باهمية اللغة من وجهة نظري لكن اكيد الوضع يختلف من ولاية و اخرى .. عموما نجي على المفيد
حتى تستحصل رخصة السياقة لازم تمتحن فد شي اسمة (الرتن تيست ) طبعا  يتم امتحانك بقواعد السير و المرور
في حال تنجح بالامتحان اتحصل على بيرمنت اتخولك بالسياقة و لكن لازم ايكون اكو واحد عندة رخصة وياك  بالسيارة

الامتحان الرتن عربي و انكليزي لكن افضل انو الواحد يمتحن بالانكليزي اذا كانت انكليزيتة قوية لان بالعربي رح ايضيفولك تقريبا 16 سؤال عن الاشارات المرورية

نجي على الامتحان
   
الامتحان يتكون من 36 سؤال اذا تفشل بالاجابة على 6 اسئلة ترسب و اتعيد الامتحان في يوم اخر .....و هذة الحالة نادرة الحدوث
الفلم شنو مال الرتن تيست و الخيارات المتاحة
اولا هذا الشي ما بي اي درب لازم تمتحن و تقرة القواعد مال السير و المرور بس اكو مواقع بالنت اتساعدك على عبور هذا الامتحان
و هذة اهم المواقع ب
http://www.dmvcheatsheets.com/dmv/CA-California/driving-practice-test-study-guide/c/?gcid=
هذا الموقع جدا مفيد و تكدر تشتري جيت شيت من الموقع ب 10$

https://secure.testquestionsandanswers.com/sem/tqa/?9gtype=content&9gkw=driver%20test&9gad=5781579753.1&v=google&cam=tqa_content_keyword_targeted_text&ag=drivers_test&mt=content&ad=5781579753&st=driver%20test&utm_source=google&utm_medium=cpc&utm_term=driver%20test&utm_content=drivers_test&utm_campaign=tqa_content_keyword_targeted_text&9gag=1850353323
هذا الموقع تختار الولاية مالتك و اترتب امورك

http://www.dmv.ca.gov/pubs/interactive/tdrive/exam.htm
من هذا الموقع تكدر اتنزل الكتاب مال تعلم السياقة في كاليفورنيا و بي ممارسة على الامتحان  ( اختر نوع سي )

ملاحظات عامة
1 .. هذا الامتحان سهل نوعا ما و لا يحتاج الى مجهود كبير
2.. جميع العراقيين الي التقيت بيهم اجتازوا هذا الامتحان من المحاولة الاولى

بعد اجتياز هذا الامتحان راح اتخوض الامتحان التالي
Behind the wheel test 
 و هنا تسكب العبرات و اللطم يشتغل و السبب هو
طبيعة الشوارع في امريكا مختلفة 100% عن العراق و دول الجوار والي صارة فد 5 سنين و فوك دا ايسوق صعب اغير الشمرة مالتة
هذا سبب و السبب الاخر اكثر الي ايروحون للمتحان ما ماخذين فكرة على طبيعة الامتحان و الشخص الي يركب اوياك شنو الي ايريدة منك و الشي الي ايراقبة بيك اثناء السياقة
 
الفلم مال هذا الامتحان شنو
اذا انت امورك امرتبة  و عندك فلوس اتروح على مدرسة تعليم سياقة معتمدة من الحكومة و تدخل دورة و تاخذ شهادة  اتروح اتقدمهة ينطوك رخصة السياقة طبعا اكو مدارس مال سياقة من ايشوفك انت تعرف اتسوق ايرتبلك وضع و ايكلك لا تجي و ايدزلك الشهادة مالتك بالبريد و امورك تمشي ... او مرات ايكلك تعال فد اربع خمس مرات و بعد لا تجي .. يعني بس ينطيك الامور المهمة او الامور الي ايلاحظ عندك بيهة ضعف
طبعا هذا الدرب الوحيد الي ممكن انو اتطلع الرخصة بدون الاختبار .....لكن هذا النظام ماشي في بعض الولايات و البعض الاخر ترة مو ماشي انو انت اتروح لمدرسة و من اهم الولايات الي هيج كلاو ما يعبر عليهم  كاليفورنيا

طبعا احب ان انبه الي شي انو ترة اكو  ولايات رخصة السياقة مال الولايات الاخرى ما تمشي بيهة يعني لازم تمتحن سياقة  في حال انو انت انتقلت للعيش الى هذة  ولاية ا او انت راح تقيم في الولاية الجديدة اكثر من شهر ... ركز على كلامي و انتبه
طبعا حتى تتجاوز التيست راح انطيك المفيد و من الاخير ... هذا لنك ايغطي الاخطاء التي تسسب الفشل
الدرس الاول
http://www.youtube.com/watch?v=bHp6gRsmhQw&feature=related
الدرس الثاني
http://www.youtube.com/watch?v=mpR0aXP6JLo&feature=channel
الدرس الثالث
http://www.youtube.com/watch?v=w709hQoMID4&feature=channel
الدرس الرابع
http://www.youtube.com/watch?v=r_dEaHmhpvc&feature=channel
الدرس الخامس
http://www.youtube.com/watch?v=M4bXndpcxi8&feature=channel
الدرس السادس
http://www.youtube.com/watch?v=hh7By0IbBbQ&feature=channel
الدرس السابع
http://www.youtube.com/watch?v=LZS8J8zHqFo&feature=channel
الدرس الثامن
http://www.youtube.com/watch?v=juOhr3YK09s&feature=channel
الدرس التاسع
http://www.youtube.com/watch?v=2VZvmHf42-g&feature=channel
الدرس العاشر
http://www.youtube.com/watch?v=pNiS_g0NZv0&feature=channel
الدرس الحادي عشر
http://www.youtube.com/watch?v=LmtKdxE1CeU&feature=channel
الدرس الثاني عشر
http://www.youtube.com/watch?v=CQOkVU3zRZE&feature=channel
الدرس الثالث عشر
http://www.youtube.com/watch?v=umgCoorO3Rg&feature=channel
الدرس الرابع عشر
http://www.youtube.com/watch?v=XsuPzOAs_t0&feature=channel
الدرس الخامس عشر
http://www.youtube.com/watch?v=E1-zopaeIu0&feature=channel
الدرس السادس عشر
http://www.youtube.com/watch?v=PdunJHJeYiY&feature=channel
الدرس السابع عشر
http://www.youtube.com/watch?v=SBewJU82z8M&feature=channel
الدرس الثامن عشر
http://www.youtube.com/watch?v=2_4C8hGoOYw&feature=channel
الدرس التاسع عشر
http://www.youtube.com/watch?v=9D8qNNb5YsY&feature=channel

تعترب هذة اهم الفديوات الي اتساعدك في استحصال رخصة السياقة من المحاولة الاولى طبعا هذة الدروس تنطبق على ولاية كاليفورنيا ولكن هي تمثل الاساسيات الثابتة في اختبار السياقة في جميع الولايات
نصيحة الى الاخواني الي ايريدون يمتحنون الامتحان العملي مال السياقة .. ابقى صامت معظم الوقت اثناء الاختبار ... اتدرب على الشوارع التي تحيط بالمكتب الذ سوف تؤدي فية الاختبار ... حاول ان اتسوق السيارة الي راح تمتحن بيهة لان هذا الشي ضروري  حتى تتعود على السيارة و على شمرتهة ... و الاهم من كل هذا التوكل على الله

ملاحظات هامة
1... اغلب الاجئين العراقيين يستحصلون رخصة السياقة من المحاولة ال 4 او ال 5 و انت تتخيل شنو المعاناة
2..احذر ثم احذر ثم احذر من السياقة بدون رخصة السياقة لان هذا الشيئ غير قانوني و من الممكن انو تخسر حياتك في امريكا اذا لكفك اي شرطي لان بغض النظر على التكت راح ياخذك للمركز مال الشرطة الى ان اتجيب اوراق ثبوتية تثبت انو انت داخل رسمي للبلد و و و و و يعني بهذلة و اتاثر جدا على الجنسية من اتقدم و اتريد تاخذهة
3.. تعتبر رخصة السياقة احد الاوراق الثبوتية و بالضبط نفس الجنسية الاحوال المدنية  عدنا بالعراق تستعملهة في اغلب الامور  الي ايطلبون بيهة هوية
4..  معظم اصحاب العمل ايفضلون الشخص الي عندة رخصة سياقة و حتى في بعض شروط العمل يجب ان يكون عندك سجل سياقة خالي من اي مخالفة مرورية حتى ايقبلوك بالشغل و انت تكدر تتخيل شنو الفلم
و اخيرا اطلع على كتيب تعلم السياقة في الولاية الي انت مقبل عليهة او انت مقيم بيهة و ان كنت ما اتريد تشتري سيارة لان رخصة السياقة مهمة و اذا منت ما اتريد رخصة التعرف بقواعد المرور في الولاية الي انت بيهة جزء من الثقافة الشخصية
5.. اذا فشلت بالامتحان العملي للسياقة ثلاث مرات متتالية لازم اتعيد الرتن تيست مرة اخرة حتى اتقدم و تمتحن من جديد
اخواني و خواتي في هذا المنتدى الرائع اعذروني عن اي قصور و اتمنى ان الموضوع ايكون شامل و كافي حتى تاخذون رخصة السياقة من توصلون او بالولاية الي انت عايش بيهة
ربي ايوفق الجميع

أم إبراهيم:
عاشي إيديك أخي الكريم... موضوع أقل مايقال عنه إنه راااائع ومفيد جدا لكل الواصلين الجدد الى أمريكا... أمنياتي بالموفيقة

زيوس:
والله موضوع رهيب وعاشت ايدك اخي زوزك

انا هيه بالمرحلة الثانية يعني بالجزء الثاني من الامتحان وشكرا جزيلا على هذي المقاطع التعليمية

بارك الله بيك اخي وانا هواي استفدت من كلام موظفين ال dmv

** يدكو **:
مشكور اخي العزيز ........

 وشكرا على الجهد المبذول منك لخدمة الجميع


تقبل مروري وادعوك بالتوفيق

zozk:
ام ابراهيم شكرا جزيلا اختي
زيوس اخوية اني بالخدمة و ربي ايسهل عليك الامتحان و انشاء الله تتوفق و تنجح

تصفح

[0] فهرس الرسائل

[#] الصفحة التالية