ما هيه اجمل مدن الولايات المتحده المريكيه

[احمدمالك]

تخوان هذا الموضوع نبحث عن اجمل المدن الامريكيه
ان اعلم وانتم تعلمون ان كل مدن امريكا هي جميله
ولاكن نريد ان نجمع المعلومات عن المدن الجميله كي يتسنا الى الاخوان زيارة هذه المدن
كل شخص يتكلمة عن المدينه عن جمال هذه المدينه بكل الصفات وامحاسنه
 مع الشكر والتقدير

[freeman2]

اخي العزيز
ماذا تقصد بجمال المدينة ؟؟ هل هو جمالها من ناحية العمران ..ام هو جمال الطبيعة ؟ جمال المناخ والطقس ؟ جمالها بالامكانيات للمدينة ؟ الناس الذين يقطنون بها ؟؟ العروض والمساعدات من كل النواحي ؟ فرص العمل المتاحة بداخل المدينة ؟ من ناحية القانون الخاص بتلك المدينة او الولاية ؟ جمالها من ناحية معدلات الجريمة ؟

اعتقد بالنتيجة تكون لا يوجد ولاية جميلة عن الاخرى لانه من لا يعمل وهو بحاجة الى عمل لا يحس بجمال اي مدينة او لو تمر هناك عواصف او اعاصير او ..او او .... لا يشعر الشخص بالجمال

واسف للاطالة وشكرا على هذا الموضوع

اخوك
ابوهدى

[chaos]

الى الاخ العزيز احمد مالك
بالنسبة للولايات المتحدة الامريكية ولاية احلى من الخ يعني كل ولاية تختلف بالجو وبالطبيعة وبنيانها وكل شي حتى ناسها  وكل ولاية بعدال دولة بحالها الها قوانينها الخاصة وطبيعتها والى اخرة واعتيادي اذا تريد حلوة اني اكلك كاليفورنيا فينس بيج او هاواي او واشنطن العاصمة خصم الحجي وحدة احلى من الخ 

[angie-dawood]

اخي العزيز المهم هو العيشة بالولاية لا يهم جمالها ابحث عن الولاية تستطيع العمل والعيش بيها بامان هذا هو الاهم

[adelalobidi]

اعتقد ولاية كولورادو من الولايات الجميله في امريكا وولايه سياحيه بجبالها وجمال طبعتها

[ميريام المهاجره]

hello
اتصور هذا السؤال يراود أغلب الناس الذين ينتظرون الموافقات والسفر الى امريكا ودائما اتمنى الجواب الشافي لأعرف في اي ولاية احط رحالي بعد الوصول مباشرة الولاية التي تفيد المهاجر العراقي التعبان واللي يريد يرتاح من جميع نواحي الحياة ويعوض حياته اللي ضاعت وشبابه اللي انفنت ومستقبله اللي دمرت بين الحروب والخوف والدمار والأصدقاء الشباب اللي ماتوا واتعوقوا والله احيانا اجدابني الشاب مكسور الخاطر لأن صديقه راح اب مفخخه اباب المعظم وهو في المرحله الرابعه والأخيرة من كلية الهندسة  بلا لوشايب يتأسف   على صديقه اللي مثله ميخالف يلا من ريد انقهركم المهم ولاية يرتاح بيه  كافي تعب وهموم
ميريام المهاجره

[ابو الحسن]

ولو عمي انه هذا السؤال ماراودني
لان اي ولاية بيها امان واستقرار وراحة بال ومستقبل لعيالي هي جنه الله في ارضه
دنيطني هسة توطين بجزر القمر وشغلة مساعد خباز وجنسية لعيالي
الله واكبر شمحلاها
ابو الحسن

[azizaliraqi]

اجمل المدن الامريكيه هي:

الي تلكي بيها شغل وراتب يعيشك بامريكا وتكدر تدزه منه لاهلك بالعراق
وتكدر تسكن بشقه او بيت يوفرلك حياة كريمة " بس مو كريمة مختار" 

اهم شي ولايه تشتغل ومستقر ومرتاح نفسيا بيها


تحياتي

[مــــان]

يمعود عزيز العراقي ادز لاهلك

اشو اني جماعتي اهلهم يدزولهم هههههههه

يلا تكفيك تعيش

قابل شكد حينطوك هناك

ممكن العملية تكون سهلة على الي مشتري بيت

اما الي كاعد ايجار صعبة جدا جدا جدا

[azizaliraqi]

هاي شنو تحجي صدك ياسر؟ هههههههههه

حبي وداعتك التوفيق من رب العالمين تره

يجوز واحد يحصله شغل ب 30 او 40 ورقة بالشهر

يعني معقوله ماتزود منهم جم ورقه واحد يدزها لاهله؟

وحك ربك اكتل روحي بالشغل حتى ادز الهم

بس كون الله يوفقنا ونوصل لهناك

تحياتي

[مــــان]

يلا انت مبين عليك مثلي طموحاتنة  جبيررررررررررررررة وان شاء الله خير  

بس على كولتك خلي نوصل والله كريم

[مــــان]

بالمناسبة اخوية عزيز لاي ولاية رايح ان شاء الله ؟

[azizaliraqi]

اخويه ياسر

اذا الله وفقني انشالله راح احقق كل امنياتي بامريكا
وهايه مو احلام وتخيلات لككن عندي طموح وانشالله راح احقق طموحي هناك
والله اني مقسم سفرتي هناك الى اكثر من قسم
اول شي راح اروح واعوف المره والجهال بالعراق
ثانيا: اروح لنبراسكا لان عندي هواي اصدقاء امريكان هناك وعلى اساس راح يساعدوني بالنسبه لشغل
ثالثا: راح اخذ فتره من 6 شهور  الى سنه بنبراسكا , اذا شفت شغلي توب والحمدلله استقر يمهم وادز ع المره والجهال
لان ما اريدهم يتبهذلون وياي من البدايه. اريد استقر حتى اني اجيبهم بنفسي ويكعدون بسكن لايق بيهم

طبعا اذا شفت نبراسكا ماتكدر توفرلي الشي الي اني مفكر بيه من شغل
اخوك ذابه على صخر مثل ميكولون. يعني بايعها كلش ههههههههه
عندي استعداد اشتغل حتى ويه مراكب صيد السمك ومن هالنوع
المهم شغل يجيب فلوس خير من الله 
وطموحاتي فوك متصور هههههههه
وهواي سوالف ابالي . انته اخويه شنو توجهاتك ووين متوجه لياولايه؟

[مــــان]

انشاء الله اخوية عزيز تتحقق كل امنياتك يارب وتتوفق في امريكا وتعيش مرتاح

والله اني ان شاء الله طالع ويه الاهل متجهيين الى نيويورك مدينة بافلوا

وهم مثلك مع العلم اني اصغر منك بهوااااي ادرس جامعة

بس عندي طموحات هواااااي وان شاء الله الله يوفقنة ونكدر نحققها بامريكا

ومثل مكلت اخوية نشتغل اي شغل بس علمود نعيش مرتاحيين ونكدر نحقق شي بمريكا

والله يوفقنة ان شاء الله

تفائلوا بالخير تجدوه

والي عنده استعداد يشتغل ويدور ويتعب صدكني  الله سبحانة وتعالى حيوفقة  في حياتة

والي يريد شي على حاظر مراح يطول بمريكا

تحياتي