امتحان GRE مشكلة

المحرر موضوع: امتحان GRE مشكلة  (زيارة 4451 مرات)

0 الأعضاء و 1 ضيف يشاهدون هذا الموضوع.

غير متصل Haidar82

  • عضو فعال جدا
  • ***
  • مشاركة: 182
  • الجنس: ذكر
  • عراقي وافتخر
امتحان GRE مشكلة
« في: 16:21 24/07/2010 »
اخوان اكو احد بيكم يعرف شي عن امتحان ال GRE يكولون كلش صعب ومحد يكدر ينجح بيه

الله يخليكم الي يعرف يكتبلنا

تحياتي
ليس كل مايتمناه المرء يدركه تجري الرياح بما لاتشتهي السفن

غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
    • البريد الالكتروني
رد: امتحان GRE مشكلة
« رد #1 في: 17:27 24/07/2010 »
في اسفل الموضوع رابطين مهمين ويحتويان على معلومات قيمه واسئله وردود مفيده



طالب مكافح


تعقيبا على موضوع الاستاذ الفاضل سلاما ياعراق، وبعد مناقشة الموضوع معه من وجهة نظر تخص الشاب العراقي وطموحاته في تحقيق احلامه الدراسية في امريكا، ارتيات ان اقوم بنشر بعض المعلومات التي تخص موضوع التقديم للدراسات العلياو التي اتمنى ان تكون مفيدة وتشعل الشرارة التي سوف تعطي للشاب العراقي المغترب شحنة معنوية من اجل تحقيق الذات والوصول الى المستوى العلمي المشهود للشباب العراقي.
اجراءات التحضير والتقديم للدراسة:
 
1. لابد من تعديل شهادة البكالوريوس في الجامعة التي ينوي الطالب الدراسة فيها او عن طريق اي منظمة من المنظمات او المؤسسات العلمية المنتشرة في جميع الولايات والتي تقوم بتقييم ومعادلة الشهادة الاجنبية الى النظام الامريكي مقابل مبالغ معينة.مثلا منطمة IERF (http://www.ierf.org) الموجودة في كاليفورنيا والتي تقوم بمعادلة الشهادات الدراسية بمبالغ تتراوح ما بين 80-120$.
2.  لابد ان يكون المتقدم حاصل على شهادة بكالوريوس من احدى الجامعات العراقية المعترف بها دوليا.
3. على المتقدم اجتياز امتحان اللغة الانكليزية (توفل) وبدرجة لاتقل عن 70-باعتبار ان لغة التدريس الرسمية في العراق هي ليست الانكليزية ولذلك لابد ان يثبت المتقدم وبجدارة مهارات اللغة الانلكيزية التي سوف تضمن مؤهلاته اللغوية كجزء من متطلبات الحصول على شهادة عليا في امريكا.
4. على المتقدم اجتياز امتحان عام يسمى (GRE) لتاكيد قدراته العلمية والذهنية والتي هي احدى المتطلبات الرئيسية لدراسة الماجستير في امريكا.
5. فيما يخص تكاليف الدراسة فان هناك برنامج يسمى (financial aid)والذي يقوم بتقديم القروض للطلاب الى حين اكمال الدراسة بكاملها.
خلاصة الكلام ان العملية ليس بالصعبة او المستحيلة وان كل ما هو مطلوب منك ان تتوجه الى احدى الجامعات في المدينة التي تسكن فيها وتطرح عليهم الموضوع بكل صراحة وان تقول لهم بانك تريد دراسة الماجستير وانا متاكد بانهم سوف يقدمون لك كل المساعدة والعون من اجل التقديم والدراسة بعون الله.
اتمنى لكل الطلاب العراقيين ان يقتدوا بهذا الطريق من اجل اكمال الدراسة والوصول الى مستويات علمية راقية سوف تكون مفيدة جدا على المستويين الشخصي والمهني.  الارادة والعزيمة تكسر كل الحواجز ولاتعرف المستحيل!
الى جميع الاخوة القراء: ساكون متواجدا خلال ايام السبت والاحد من كل اسبوع للاجابة على تساؤلات الاخوة الطلاب الذين ينون التقديم واكمال دراستهم في امريكا. اتمنى ان اكون خير عون لكم.
تحياتي 
 


CYRANO

اخوان والله انا انقبلت ببرنامج فلبرايت لدراسة الماجستير هذه السنه 2009 لمن كنت بالعراق,بس تركتها لان حصلت لجوء باوربا ويخلوك توقع على ورقة تعهد تتعهد فيها بالرجوع للعراق ففكرت ان اللجوء احسن الي وانا متزوج وعندي اطفال يعني وياي احسن ما اتركهم سنتين للدراسه,لا والانكى من ذلك انك ترجع للعراق...اويلي للحر والشرجيات والاهانة.

  التقدم لدراس الماجستير يتطلب منك شهادة البكالوريوس مترجمه ومصدقه ومختومه من وزاره الخارجيه العراقيه(وزارة شرم الشيخ) وامتحان توفل وامتحان GRE وهو اخوان كلش صعب  كتابة مقالتين هم يحددون مواضيعهن 45 و 30 دقيقه وقراءه وقطع وقواعد ورياضيات واسئلة عامة والوقت ما يسعفك يعني امتحان مو يم اختصاصك بالمرة الا اللهم انه باللغة الانكليزية. 

  وهسا انا مو بالعراق جبت نتيجة التوفل 543
 وما لحكت اجيب نتيجة الامتحان الثاني لان شلعت وعفت فولبرايت والعراق كله.   

zack13


GMAT - Graduate Management Admission Test.
للحصول على عينه من الاسئله وكراس التعليم..ادخل على الرابط:
http://www.studyguidezone.com/gmattest.htm


GRE' - Graduate Record Examination
للحصول على عينه من الاسئله وكراس التعليم..ادخل على الرابط:
http://www.studyguidezone.com/gretest.htm

(اذا تعرف تقره انكليزي..هذين الموقعين راح ايكفوك ويوفوك وزياده)
وادلل

بالنسبه لسؤالك الخاص الاشياء التي ذكرتها:
( الشهادة - نتائج الكورسين الاول والثاني - نسخة من الرسالة - إقرار من كلية الدراسات العليا بمنح الدرجة موقع من قبل لجنة المناقشة والمشرف وعميد الكلية والمقوم اللغوي للبحث وغيرها من الامور الروتينية )
ما اتصور اكو مانع او سبب راح ايخليك متجيبها وياك
جيبهم(لان اكيد راح تحتاجهم)
واكيد مترجمه(بس لتخاف اذا ملحكت اترجمهم...تكدر اتسوي هذا الشي بولايتك وحتى بمنظمة اللاجئين نفسها او الكليه نفسها)

http://www.ankawa.com/forum/index.php/topic,302365.0.html
http://www.ankawa.com/forum/index.php/topic,302365.0.html

http://www.ets.org/gre/



غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
رد: امتحان GRE مشكلة
« رد #2 في: 17:41 24/07/2010 »
اخوية العزيز حيدر راح احجيلك عن الامتحان حتى تكون عندك فكرة.اول شي انت شنو مخلص كلية يعني دارس رياضيات بالكلية لو لا؟ اذا اختصاصك هندسي او اله علاقة بالرياضيات فهاي انت ضمنت جزء الرياضيات من الامتحان هو رياضيات اساسية عبارة عن :جبر/هندسة ومجسمات/ نسبة ونسبة مئوية/ومسائل رياضية تاخذ معطياتها من المنطوق مال السؤال.

لنفرض اختصاصك مو رياضي ، راح تبدي تقرا مثل اللي ستوه ديتعلم الرياضيات بالبداية تشوفها صعبة بس من تمشي بالمادة راح تشوف شلون تصير سهلة عليك شوية شوية.اذا هسه انت بعدك ما واصل لامريكا انصحك اول شي تمتحن التويفل قبل ما تمتحن الجي ار اي لان لازم تتدرج بالصعوبة ولو هي مو مقارنة بين الامتحانن لان كل واحد شكل الجي ار اي يعتمد على التفكير التحليلي يعني مو بس تعرف معاني انكليزي وهاي هي لازم تعرف شنو علاقتها ببعض مخصر مفيد امتحن التويفل قبل الجي ار اي ومن تمتحن راح تعرف ليش.

نجي عاللغة هو بيه هواية كلمات جديدة وقسم منها الامريكان نفسهم ما يستعملوها وما يعرفوها لذلك هم همين يقرون للامتحان مو بس احنا.اكو نوعين كتب تقرا بيها للامتحان اني رأيي الخاص وانت بكيفك بعد اكو البارون  Brron's واكو كتاب الكابلان  Kaplan طبعا البارون احدث طبعا هي ال19 اما الكابلان فمفصول يعني اكو كتاب رياضيات (الطبعة السابعة) ومسائل واكو كتاب لغة (الطبعة السادسة) اوكي؟ ارجع اكوللك رأيي انه تقرا بالكابلان مو البارون تعرف ليش؟ من تشوف البارون راح تظلم الدنيا بوجهك وراح تضوج من القراية بينما الكابلان اسلوبه كلش حلو بالرد وتسلسل الصعوبة.زائدا انه بكتاب اللغة راح تشوف انه مخصصين جابتر كامل شلون تقوي لغتك وتحفظ معاني اكثر طبعا البارون مو قاصر ولكن اني دا احجي عن الاسلوب لان الكابلان كلش يسوي واهس بالقراية ما اعرف انت بأي بلد حتى اكوللك شلون تشتريه.

اكو شغلة ثانية انت الافضل ما دام تريد تمتحن الجي ار اي انه تبدي باسرع وقت عندك حتى تستغل وقتك وحتى اذا كملت دراسة وانت بالعراق امتحنه هناك لان الاكسباير مال الامتحان ورة 5 سنوات مو مثل التويفل سنتين.يعني عندك مجال بينما تجي لهنا ان شاء الله.


اي سؤال اني حاضرة ان شاء الله.

غير متصل Haidar82

  • عضو فعال جدا
  • ***
  • مشاركة: 182
  • الجنس: ذكر
  • عراقي وافتخر
رد: امتحان GRE مشكلة
« رد #3 في: 10:34 27/08/2010 »
اخوان اجاني هذا الرد من جامعة ويست فرجينيا بخصوص اللغة وامتحان GRE ممكن احد يوضحلي شيقصد بالدورة IEP وشنو المقصود بالدرجة 1100 والاجزاء الي ذكرها بامتحان GRE
تحياتي

You are being accepted for admission when the provision of passing our IEP classes and you must submit a GRE score of at least 1100 for the Quantitative and Verbal parts.  ?
ليس كل مايتمناه المرء يدركه تجري الرياح بما لاتشتهي السفن

غير متصل silver_d

  • عضو مميز
  • ****
  • مشاركة: 1057
  • الجنس: ذكر
  • ♥ الله ♥ اكبر ♥
رد: امتحان GRE مشكلة
« رد #4 في: 11:09 27/08/2010 »
لعد اشون الوااحد يعادل  الشهاده المهنيه  وهيه حاضره ومترجمه ومصدقه من الخارجيه ؟؟؟  شنو  بهالحاله الواحد  شنو يسوي  شباب ؟

تحياتي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
رد: امتحان GRE مشكلة
« رد #5 في: 16:03 28/08/2010 »
اخوية العزيز سلفر ما اعرف شغل الشهادة المهنية ان شاء الله الاخوة يساعدونا بالجواب.

اخي حيدر ال1100 يعني يريدون منك تطلع على الاقل هاي الدرجة بامتحان الجي ار اي وال1100 هي من 1600 اللي تنقسم الى 800 رياضيات و800 لغة بالنسبة للIEP ما اعرف ممكن تدزلهم ايميل وتستفسر عنها.