كل من لديه أقارب درجة أولى..الهجرة لأمريكا صايره سريعة كلش كلش!!!

[ZIAD-ABO ALHASAN]

أخواني وأخواتي
عندي ولد صديق الله سبحانه وتعالى متفضل عليه ماديا وهو شاب متزوج وعايش سعيد بالعراق مع عائلته الصغيرة وأهله وعدهم أملاك ومعامل ووو والله يزيدهم ويزيد أمة محمد(ص)...
الرجل ما مفكر أبدا بترك العراق ... وكلمن وقناعاته... وهوه بالمناسبة مسافر برحلات عمل خلال السنوات القليلة الماضية الى هولندا وألمانيا وكثير من الدول العربية ...
نرجع لسالفتنه ... آني غادرت العراق قبل حوالي 7 أشهر مع عائلتي وقدمت مباشرة عالآي أو أم بعمان وعندي موعد مقابلة محلف ببداية شهر آب أن شاء الله تعالى (ربي يفرجهه عالكل) ومنذ مغادرتي للأردن وآني متواصل وياه هاتفيا وعالنت بأعتباره جيران العمر .. في بداية هذا العام 2010 طرح فد موضوع ويايه بالتلفون وسألني رأي وآني شجعته .. عنده أخت زوجته عايشة بأمريكا من زمان وقرر أن يتصل بيهه ويستفسر منهه عن أمكانية مساعدة أختهه (اللي هيه زوجته) للهجرة لأمريكا !!
ما أطول عليكم السالقة ... جيب الليف ودي الليف...أخت مرته وكلتله محامية أمريكية مختصة بقضايا اللجوء والهجرة وبعثلهه كل الوثائق المطلوبة مع دفعه نقدية من أصل المبلغ المتفق عليه...
صارله الموضوع 5 أشهر تقريبا .... !!!! ويايه لو لا ؟؟؟
رباط السالفة .... خابرني اليوم بالليل !!!
تدرون شكللي ؟؟ ما مصدك الشغلة !!! كاللي ولك صارت الشغلة صدك !! وأتصلت المحامية بأخت زوجتي وطلبت منهه تحضر باقي المبلغ وفوكاه هدية $500 لأن الموافقة راح تستلمهه هذا الأسبوع !!!!!!!!!!!!!!!!!!!!!!!!!!!!!!!!!
شوفو جم علامة تعجب خليتلكم ....
طبعا أعزائي هذا الموضوع ما راح يفيد كل أعضاء المنتدى .. ولكن ... أعتقد وقد أكون مخطئ...بأن الأجراءات أصبحت أسرع من السابق والله أعلم.......
في أمان الله

[Robin Hood]

السلام عليكم اخوية زياد عاشت ايدك على هل الخبر وكلامك صحيح لان اغلب الناس الي عندة اقارب بي امريكا ومن الدرجة الاولى اخ او اخت ام واب والى الخ......اصير بسرعة لان موجود الكفيل الي هوة عايش ومقيم بمريكا ولو حتى عندة كرين كارت يكدر يسحبهم

ان مع العسر يسرا

robin - cairo

[عكعك التطوى]

اخويه شكرا على المعلومات

ولكن الرجال كان يكدر يقدم مباشرتا على ال iom  بدون ان يدفع فلوس ضمن البند السادس من المشمولين
بالتقديم المباشر


الأفراد العراقيون الذين هم  الأزواج/ الزوجات و الأبناء/ البنات و الاباء / الأمهات و الاخوان/ الأخوات
لمواطن امريكى أو الافراد الذين هم أزواج /زوجات أو أبناء غير متزوجين /بنات غير متزوجات لأجنبى
حاصل على اقامة دائمة فى الولايات المتحدة , و بحكم إنهم او سيصبحون المستفدين من معاملات
تأشيرة الهجرة الموافق عليها I-130  و المبنية على صلة القرابة الأسرية

تحياتي

[ام مريم 2]

اخواني الاعزاء
تحية طيبة

لي مدة وانا متابعة مواضيعكم القيمة وردودكم المفيدة للجميع , وقد اسنوقفني هذا الموضوع وخصوصا ان جميع افراد عائلتي في الولايات المتحدة (وصلوها كلاجئين) .....
المشكلة معي ومع زوجي واولادي هي ضيق الحال وعدم تمكني من السفر والبقاء خارج العراق للنقديم على الاي او ام , كما سالنا في بغداد عن النقديم وابلغونا ان التقديم فقط لمن عمل مع الامريكان

فأذا امكن تزويدي بعنوان هكذا محاميين , عسى الله ان يجعل على ايديكم الفرج لي ولاسرتي

مع الشكر

ام مريم

[القانوني]

اخوان شكرا على هذا الموضوع يارب يكون في ميزان حسناتكم بس اريد اعرف شنو التقديم على الاي او ام هذا للي عنده اقارب من الدرجة الاولى في امريكا لان اني اختي بامريكا واريد اعرف اذا هذا الامر اكدر اسوي لولا؟؟؟؟؟؟؟؟؟؟؟؟؟؟؟ بارك الله بيكم

[ninwanastar]

اني ايضا عندي اخ متجنس امريكي هل يحقلي اقدم عل iom ؟؟؟؟؟
اني مقرر اسافر ل عمان اقدم عل UN ؟
شتنصحوني افضل اقدم UN لو IOM

[أبن خير]

شكرا للجميع وياريت الأخت الغالية أنجي تدلو بدلوها .. تحياتي

أبن خير

[الاصيل222]

اخوان عندي سؤال
لازم الشخض اللي عايش في امريكا يكون متجنس لو لا.؟؟؟؟
يعني بالكرين كارد عادي....


وشكرا على الموضوع

[** يدكو **]

مشكور على المعلومه بارك الله بيك بالتوفيق

[mys]

السلام عليكم
 الاخوه الاعزاء احب ان اوضح لكم بخصوص لم الشمل بالنسبة للي عندهم اقارب من الدرجة الاولى ويحملون الجنسية الامريكية وهم مشمولين البرنامج ا-130 ويكون على نوعين الذين يشملون بهذا البرنامج فتكون اجراء معاملاتهم كلاجئين ويكون ظمن برنامج اللاجئين التابع الى منظمه الهجرةالدولية iom وتجري عليه ظوابط المنظمة وي ستغرق لاكثر من سنه ويستفيد منه طالب اللجوءمن مساعدات واجور الطيران والنوع الثاني هو استحصال تاشيرة الدخول الفيزا وتكون مقابل ثمن حيث ان سعر اصدار كل فيزة اربعمائة دولار ولكل شخص ناهيك عن اجور الطيران وغيرها وتمتد اجرائاتها لاكثر من ستة اشهر وفي الحالتين تكون اجراءات المباشرة للبرنامجين على ضوء المعلومات المتوفرة عن الاقارب الموجودين في امريكا ودرجة الكفاءة المالية والضمانات التي تقدم للجهات المختصة هناك  هذا ما احببت ان اوضحه للاخوة واعتقد ان الاخت انجي لديها الكثير لتضيفه  تقبلوا تحياتي

[kunda]

أني قصتي مشابهة لقصة هذا الاخ عدا شغلة وحدة انه هو طاك والله مفضل عليه ماديا واني على كد حالي اللهم لاحسد يعني بس هذا الفرق الوحيد وانه اهلي كلهم بامريكا ..فياريت لو احد الاخوان يفهمني هل يقدرون يسولي شي مع العلم انه ماعدهم جنسية فقط كرين كارت وهمه دائما يكولولي شوف اذا اكو طريقة نقدر نسحبك بيها ..بس المشكلة اني مااعرف غير اس اي في واي او ام وهذولة اتعلمتهم عن طريق الصدفة وللاسف متأخر جدا يعني اني يحقلي اقدم من 2007 بس اني ماعرفت ولاسمعت بهالشي غير ب 2010 والبرنامجين شكلهم واقفين او ماشين بسرعة السلحفاة فياريت احد يتفضل علية ويفهمني شسوي

[mys]

الاخ العزيز
لغرض معرفة التفاصيل اسئل الاخت انجي وتزودك باسم ومحامي الهجرة الموجود في ميسغان وبالامكان الاتصال به من قبل اهلك وهو يدلهم على الطريق  وتقبل تحياتي

[علي حقي]

 

[angie-dawood]

تفضلوا اخوانا هذا رقم وايميل المحامي الهجرة هو يساعدكم بالاجابة على كل استفساراتكم


اسم المحامي
مصابي حامد هو عربي
ايميله
mosabihamed@gotmail.com
تلفونه
1313 هذا مفتاح
هاتف
6577186

[ســـرى]

اخواني بصورة عامة اللي عنده كرين كارد يسحب زوجته وابناءه (تحت سن ال21 وغير متزوجين) كمهاجرين .

اللي عنده الجنسية يسحب زوجته/ابناءه جميعا/والده /والدته/اخوته واخواته ويكونون بدرجات مفضلين بالتسلسل كمهاجرين.

[ســـرى]

ونسيت اذكر انه اللي عنده جنسية طبعا اولاده يستحقون الجنسية كذلك تلقائيا.

[عكعك التطوى]

باستطاعة المواطنين ألأميركيين أن يتقدموا بطلب الهجرة للأهل:-

الأزواج/ الزوجات و الأبناء/ البنات و الاباء / الأمهات و الاخوان/ الأخوات لمواطن امريكى , سيصبحون المستفدين من معاملات تأشيرة الهجرة الموافق عليها( I-130) و المبنية على صلة القرابة الأسرية.

  بخصوص الأشخاص الذين تم ذكرهم اعلاه , على أقاربهم من المواطنين الأمريكيين يقوموا بتقديم طلب الى مكتب الهجره والجنسيه ( (USCISعن طريق ملء استماره(I-130)  للمستفيد من قرابه المواطن الامريكي والتي يمكن الحصول عليها عن طريق هذا الرابط

 http://www.uscis.gov/files/form/i-130.pdf

بعد تقديم الاستمارة I-130 تقوم دائرة الهجرة بالاجراءات اللازمة لمعالجة طلب التقديم بعد ذلك سوف يستلم مقدم الطلب من USCIS رقم للمعاملة وبعد اشهر من المعالجه والتحقق من العلاقه سيستلم صاحب الطلب اشعار I-797 والذي هو عباره عن موافقه للطلب واحاله الملف الى المركزالوطني للفيزا NVC التابع لوزارة الخارجية بعدها ويمكن متابعه المعامله من خلال رقم المعامله على الموقع ادناه

https://egov.uscis.gov/cris/caseStatusSearchDisplay.do

بعدها سترسل وزارة الخارجية لمقدم الطلب عن طريق البريد رسالة مرفقة باستمارة تعلمه فيها بإمكانية شمول طلبه ببرنامج الاولوية الثانية P2  وتطلب منه ملىء الاستمارة (وهي معلومات عن القريب المستفيد من المعاملة وعنوانه وطريقة الاتصال به) واعاده ارسالها الى الوزارة مجدداً .
بعدها تقوم وزارة الخارجية  عن طريق مركز متابعة الاجئين  Refugee Processing Center باخطار مكتب منظمه الهجره الدوليه IOM في الدوله التي يتواجد بها المستفيد لتقوم هذه المنظمه بالاتصال باقرباء مقدم الطلب لعمل الترتيبات والمقابلات اللازمة وعلى ان تثبت انك غير قادر على العوده لبلدك العراق بسبب تعرضك الى التهديد او الخوف من القتل وغيرها.


بعض الاخوه سالو عن المده اقول حالها حال اجراءات ال iom

تحياتي عكعك

[عكعك التطوى]

اخواني بصورة عامة اللي عنده كرين كارد يسحب زوجته وابناءه (تحت سن ال21 وغير متزوجين) كمهاجرين .

اللي عنده الجنسية يسحب زوجته/ابناءه جميعا/والده /والدته/اخوته واخواته ويكونون بدرجات مفضلين بالتسلسل كمهاجرين.

اذا الشخص من حاملي الكرين كارد فانه يستطيع ترويج معاملة سحب للزوجة او الزوج
و الابناء والبنات (غير المتزوجين) بغض النظر عن العمر

[angie-dawood]

أخواني وأخواتي
عندي ولد صديق الله سبحانه وتعالى متفضل عليه ماديا وهو شاب متزوج وعايش سعيد بالعراق مع عائلته الصغيرة وأهله وعدهم أملاك ومعامل ووو والله يزيدهم ويزيد أمة محمد(ص)...
الرجل ما مفكر أبدا بترك العراق ... وكلمن وقناعاته... وهوه بالمناسبة مسافر برحلات عمل خلال السنوات القليلة الماضية الى هولندا وألمانيا وكثير من الدول العربية ...
نرجع لسالفتنه ... آني غادرت العراق قبل حوالي 7 أشهر مع عائلتي وقدمت مباشرة عالآي أو أم بعمان وعندي موعد مقابلة محلف ببداية شهر آب أن شاء الله تعالى (ربي يفرجهه عالكل) ومنذ مغادرتي للأردن وآني متواصل وياه هاتفيا وعالنت بأعتباره جيران العمر .. في بداية هذا العام 2010 طرح فد موضوع ويايه بالتلفون وسألني رأي وآني شجعته .. عنده أخت زوجته عايشة بأمريكا من زمان وقرر أن يتصل بيهه ويستفسر منهه عن أمكانية مساعدة أختهه (اللي هيه زوجته) للهجرة لأمريكا !!
ما أطول عليكم السالقة ... جيب الليف ودي الليف...أخت مرته وكلتله محامية أمريكية مختصة بقضايا اللجوء والهجرة وبعثلهه كل الوثائق المطلوبة مع دفعه نقدية من أصل المبلغ المتفق عليه...
صارله الموضوع 5 أشهر تقريبا .... !!!! ويايه لو لا ؟؟؟
رباط السالفة .... خابرني اليوم بالليل !!!
تدرون شكللي ؟؟ ما مصدك الشغلة !!! كاللي ولك صارت الشغلة صدك !! وأتصلت المحامية بأخت زوجتي وطلبت منهه تحضر باقي المبلغ وفوكاه هدية $500 لأن الموافقة راح تستلمهه هذا الأسبوع !!!!!!!!!!!!!!!!!!!!!!!!!!!!!!!!!
شوفو جم علامة تعجب خليتلكم ....
طبعا أعزائي هذا الموضوع ما راح يفيد كل أعضاء المنتدى .. ولكن ... أعتقد وقد أكون مخطئ...بأن الأجراءات أصبحت أسرع من السابق والله أعلم.......
في أمان الله

اخي العزيز قبل فترة نزلت موضوع وكلت كلمن عنده اخ لو اخت لو اب ام عدهم الجنسية الامريكية يكدرون يسون معاملة
السحب بشرط يكون الشخص اما بالعراق او مصر او عمان والمعاملة تاخذ وقت بين 6 اشهر الى سنة
وهذا تلفون الكاتب عدل الي يعمل هاي المعاملة وهو الي سواها لاغلب العراقيين هنا ومعاملة السحب اذا اجيت لامريكا تعتبر لاجئ وعندك حقوق كاي لاجئ
وهذا الرقم تكدرون تسالون عن الي كتبته

اسمه الشخص مسعود بطي
رقم تلفونه
مفتاح 1313  هاتف 8921264
فاكس مفتاح الفاكس 1313 هاتف 8922963
اتصلوا بيهم واحسبوا فارق الوقت دوامهم هو يبدي من ساعة 11 صباحا الى 4  عصرا

[عكعك التطوى]

اخواني بصورة عامة اللي عنده كرين كارد يسحب زوجته وابناءه (تحت سن ال21 وغير متزوجين) كمهاجرين .

اللي عنده الجنسية يسحب زوجته/ابناءه جميعا/والده /والدته/اخوته واخواته ويكونون بدرجات مفضلين بالتسلسل كمهاجرين.

اذا كان الشخص يحمل الجنسيه الامريكيه  فأن الزوجة او الزوج والاب والام والابناء (غير المتزوجين)
 الاقل من (21) سنة ، يستطيع سحبهم مباشرة ولكن بعد انتظار مده الموافقه الامنيه للفيزه اما الابناء المتزوجين
واولادهم القصر فمده السحب تاخذ فتره طويله

[الحطاب الروسي]

كلام كلش جميل وانشالله الله يفرجهه عالكل
والاحسن ان شويه نختار كلام احسن من الله
يزيدهم ويزيد امة محمد لان هذا المنتدى مو بس
لامة محمد يعني اشمل الكل بالدعاء هنا

الحطاب الروسي

[بنت الغربية]

تفضلوا اخوانا هذا رقم وايميل المحامي الهجرة هو يساعدكم بالاجابة على كل استفساراتكم


اسم المحامي
مصابي حامد هو عربي
ايميله
mosabihamed@gotmail.com
تلفونه
1313 هذا مفتاح
هاتف
6577186

اختي انجي حابة اسالج هذا المحامي باي ولاية موجودة لان اختي وزوجها مواطنيين امريكان وحابين يسوولي لم شمل واريد اعرف شكد تطول هذه المعاملة اذا ماكو زحمة عليج حبيبتي يحفظج ربي

[angie-dawood]

هو بمشكن حبي اختج باي ولاية هي !

[بنت الغربية]

شكرا اخت انجي على تفاعلج السريع مع قضايانا بارك الله فيك

[ZIAD-ABO ALHASAN]

أخي الحطاب الروسي
أسف جدا ولكن صدقني هو سهو غير مقصود
وللتصحيح أقول ....
اللهم زد وبارك وأرزق أمة محمد وعيسى وموسى (ع) أجمعين
بل وأزيد بالدعاء فأقول ...
يارب العزة والجلال...
يامن حميت محمد بخيط العنكبوت ...
يامن حفظت موسى بالتابوت ...
يامن نجيت يونس من بطن الحوت ...
اللهم أسألك بجاه كل أنبيائك ورسلك ...
أن تجيب عبدك أذا دعاك
أكرر أعتذاري واتمنى قبوله من حضرتك والآخرين .... وشكرا جزيلا لأنك نبهتني

زياد - أبو الحسن

[بنت الخزرج]

اخواني بس حابه توضيح
اشو الناس تحجي شكل والمعلومات اللي دا اشوفهه بعين كاوه الحلو الورده غير شكل
مثلا اكو مريه تكول حصلت هجره لاميركا وبسرعه طلعت لانه ابنهه عنده فقط كرين كارد وقدمت من يغداد وقابلوهه واطوهه الفيزا وراح تسافر
ماكو هيجي سهوله عبالك رايحه لباب الشرجي
هل اكيد هذي المره حجيهه صحيح؟؟؟؟؟
اكو هيجي شي؟؟؟؟؟؟؟؟
حتى كلنا نسوي مثلهه

[ســـرى]

اختي بنت الخزرج مستحييل ابنها عنده فقط الكرين كارد ويقدملها على (هجرة) وحدة من احتمالين لو هو مقدملها على فيزا زيارة وناوين مناك يقدملها على لجوء من داخل امريكا لو هو مواطن امريكي وفقط بهاي الحالة ممكن يكون قدملها على هجرة عزيزتي وهذا الكلام الرسمي ومن موقع دائرة الهجرة الامريكية.

[alisalam2010]

بارك الله بالاخ عكعك والاخت انجي والاخت سرى على مساعدتكم لنا جميعا
ربنا يوفق الجميع

[بنت الخزرج]

اكيد اخت سرى مثل ما تفضلتي
والناس ميحجون تفاصيل او ميريدون يعلمون غيرهم
هذا جدا وارد
اني بس حبيت ااكد الموضوع
والف شكر للجميع

[ســـرى]

هاي ترجمة سريعة للفقرة اللي راح اخليها في رد اخر

المقيم الدائم (حامل الكرين كارد) من حقه تقديم معاملة هجرة للاقارب المذكورين ادناه:
اولا:الزوج/الزوجة
ثانيا: الابن/الابن تحت سن ال21 سنة (غير المتزوج)
ثالثا: الابن/الابنة غير المتزوجين في اي عمر.

[ســـرى]

Family of Green Card Holders (Permanent Residents)


As a green card holder (permanent resident), you may petition for certain family members to immigrate to the United States as permanent residents.

You May Petition For The Following Family Members:

Spouse (husband or wife)
Unmarried children under 21
Unmarried son or daughter of any age

[yasooo]

السلام عليكم

اني اخويه راح لأميركا عن طريق اليو ان ومصارله تقريبا شهر يعني ما عنده بس سوشل سكيورتي نمبر
بشنو يكدر يساعدني حتى اروح هناك

علما اني مرفوض من اميركا شهر 8 - 2009 وساكن بعمان

[الحطاب الروسي]

لا حبيبي اني مو قصدي ازعلك والله
واني ما زعلان نهائيا بس والله احنا
نحس عبالك غرباء من تصير هيج سالفه
وانت تعرف كلش زين علاقاتنا شنو ابغداد
اخوه ويمكن اكثر من الاخوه
مع اعتزازي بيك وبكل الاعضاء

الحطاب الروسي

[yasooo]

السلام عليكم

اني اخويه راح لأميركا عن طريق اليو ان ومصارله تقريبا شهر يعني ما عنده بس سوشل سكيورتي نمبر
بشنو يكدر يساعدني حتى اروح هناك يعني يكدر هسه يقدمها ال i-130 لو اله يحصل كرين كارد

علما اني مرفوض من اميركا شهر 8 - 2009 وساكن بعمان

رجاءا اخوان اللي عنده معلومات يفيدني

[angie-dawood]

السلام عليكم

اني اخويه راح لأميركا عن طريق اليو ان ومصارله تقريبا شهر يعني ما عنده بس سوشل سكيورتي نمبر
بشنو يكدر يساعدني حتى اروح هناك

علما اني مرفوض من اميركا شهر 8 - 2009 وساكن بعمان

اخي كلشي ما يكدر يسوي لانه ماعنده كرين كارت اي معاملة لم الشمل ماتصير بالوايت كارت لازم الكرين كارت
وانت حسب كلامك عندك رفض من الامريكية شي واحد يكدر يسويه انه يشوف محامي بامريكا يكون محامي الهجرة واللاجوء يكدر يفتح فايلك وتسوي استئناف وانت تكون كفيله هذا الشي الي تكدر تسويه فقط