بلغاريا تستقبل اللاجئين العراقيين

[نورالمصطفى]

السلام عليكم ورحمة الله وبركاته
وردت اخبار بان بلغاريا فتحت ابوابها لاستقبال اللاجئين العراقيين وهناك تسهيلات في منح الاقامات وخلال ال 6 اشهر من اقامته يستطيع اللاجئ من الحصول على الجواز البلغاري ويتم الوصول اليها عن طريق تركيا .  فياريت من الاخوان اذا احد عنده علم وينورنه بالتفاصيل 

[koka75]

اخي العزيز انا مقيم دائمي في بلغاريا وعندي لجوء هناك منذ 3 سنوات ونص ولم اسمع بهذا الخبر ولي صديق هناك صارلة سنة ونص ينتضر ولم ياخذ اللجوء ومع هذا ساسال واردلكم خبر انشالله وبالتوفيق للجميع
  اخوووكم ابو محمود

[علي النعيمي]

اخي العزيز صديقي انلزم بلغاريا جان ديطلع تهريب وقبلو قضيتة بس شاف بلغاريا مساعداتهة تعبانة فرفض الاقامة ورجع بس حرامات عالاقل لو ماخذ الاقامة وراج وطالع مرة ثانية بس بكيفة هوة شلون يفكر ماااعرف

[Fabio]

اخي اللجوء يبقى انت والقصة مالتك اذا كانت مقنعة وعندك اثباتات ماكو دولة راح ترفض اللجوء وبلعغاريا اول كانت متساهلة بس بعدين كامت تتشدد وما تقبل بس اللي عند قصة مقنعة مع اثباتات قوية ونصيحة اخوان اللي عنده قصة واثباتات لا يجي لبلغاريا خليه ينتظر مناه لمن يلكى طريق احسن الى اوربا الغربية او كندا او استراليا لا يجي لبلغاريا ويتورط انا اريد اطفر منها دولة تعبانة بكل معنى الكلمة

[ابو الحسن]

ها عمي ستار ؟
سالمين
انوب بلغاريا هسة ؟
مو كتلك تعال لماليزيا لا توطين و لااقامة
ابو الحسن

[ضاري]

تحاتي أبو الحسن ..... ستار يلوب ألله يساعده ..... يابة حبيبي ستار أصفالك على بلد وأستقر مو أحسن الك

[birj]

للرفع

[Fabio]

اخ ستار اذا ما امبصم راح تكون شغلتك هي التهريب ولا اعرف بالضبط كم تكلف ولكن ليس اقل من 3000 دولار واذا لزموك راح يرجعوك اللى بلغاريا وبما انك داخل بلغاريا بشكل غير رسمي ربما تسجن لشهور عدة

[محيسن]

عمي   اعرف  واحد صارله  20 سنه والهسه ماعنده جواز

[شيماء 1970]

للرفع

[ARMY STRONG]

اصوم اصوم و افطر على بصلايه

[محيسن]

 

[بغدادي76]

اي والله بصلاية

عيني اني ابلغاريا من 3 سنين و3 اشهر لحد الان انطوني رفض و اسبابة هية اخطاء بالترجمة او بكتابة القصة حتة مواليدي خطا وبقيت بين المحاكم و الكمب وماكو اي فايدة

اسوء شي اتفكر تجي هنا واذا تريد تجي هلة بيك بس خلي ابالك عدة شغلات
اولهة مساعدات مااااااكو
سجن اول ما تدخل الحدود بسجن شرطة وصخ وتعبان وانتة وحضك بين الاسبوعين الى 3 اشهر سجن واسمة سجن سلفن كراد
وبعدهن يكلولك راح نوديك لصوفيا وكبل وعدل على سجن ثاني اسمة بوسمنسي وما ادراك ما البوسمنسي مخلص الحجي سجن مال انواع الجرائم ومختلف الجنسيات انضف من الي قبلة بس تكوم تكفر من السجون والوقت بين ال3 اشهر الى 6 اشهر وبعد هذا كلة تطلع للكمب والي هوة عبارة عن مكان سكن مشترك وية الصراصير والحشرات اني عن نفسي ما سكنت ولا دقيقة بي لان كلتلهم اريد اسكن على حسابي ووقعوني على ورقة تبين انو هية تنازل بكل حقوقي والي هية ما يقارب عن ما قيمتة 30 دولار شهريا!!!!!! والسكن الوصخ
وذاك يوم وهذا يوم الحمد لله عايش على تعبي
بس شلون ما جان احسن من العراق
تحياتي للجميع

هاي لو بله فيزة هم ماروحلهه, عمي الله يساعدك يابطل

[ISKENDER]

اي والله بصلاية

عيني اني ابلغاريا من 3 سنين و3 اشهر لحد الان انطوني رفض و اسبابة هية اخطاء بالترجمة او بكتابة القصة حتة مواليدي خطا وبقيت بين المحاكم و الكمب وماكو اي فايدة

اسوء شي اتفكر تجي هنا واذا تريد تجي هلة بيك بس خلي ابالك عدة شغلات
اولهة مساعدات مااااااكو
سجن اول ما تدخل الحدود بسجن شرطة وصخ وتعبان وانتة وحضك بين الاسبوعين الى 3 اشهر سجن واسمة سجن سلفن كراد
وبعدهن يكلولك راح نوديك لصوفيا وكبل وعدل على سجن ثاني اسمة بوسمنسي وما ادراك ما البوسمنسي مخلص الحجي سجن مال انواع الجرائم ومختلف الجنسيات انضف من الي قبلة بس تكوم تكفر من السجون والوقت بين ال3 اشهر الى 6 اشهر وبعد هذا كلة تطلع للكمب والي هوة عبارة عن مكان سكن مشترك وية الصراصير والحشرات اني عن نفسي ما سكنت ولا دقيقة بي لان كلتلهم اريد اسكن على حسابي ووقعوني على ورقة تبين انو هية تنازل بكل حقوقي والي هية ما يقارب عن ما قيمتة 30 دولار شهريا!!!!!! والسكن الوصخ
وذاك يوم وهذا يوم الحمد لله عايش على تعبي
بس شلون ما جان احسن من العراق
تحياتي للجميع
والله يا عمي الله يساعدك ويسهل امرك انشاءالله