ما هي عيوب امريكا وميزات امريكا للاجئ العراقي (فردا او عائلة)

المحرر موضوع: ما هي عيوب امريكا وميزات امريكا للاجئ العراقي (فردا او عائلة)  (زيارة 15455 مرات)

0 الأعضاء و 1 ضيف يشاهدون هذا الموضوع.

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
مرحبا للجميع

حبيت من خلال هذا العنوان ابين الامور الايجابيه والسلبية للاجئ العراقي الجاي لامريكا ان كان فردا او عائله

الصراحة الموضوع شيق ولازم نتساعد ابيناتنا ونوضح كل الامور حتى الي مرايح بعده (مثلي اني) يعرف ويخطط ويحسبها صح حتى لا يشعر انه تورط او واكع ابمشكله وخاصة صاحب العائلة (المتعكل مثلي اني)

امريكا اخواني بلد يعتبر البلد الاكبر والاول من حيث حجم الاقتصاد بالعالم ومن اكول حجم الاقتصاد يعني المداولة المالية في هذا البلد وحجم الاستثمارات وليس حجم التبادل التجاري ...
سابقا امريكا تسمى ( Land of chances) بس حاليا ما اعتقد هذا الشي لان الازمة العالمية لعبت بيها لعب ودمرت الاقتصاد دمار شديد حيث ان حجم الخزانة المالية للولايات المتحدة 16 ترليون دولار اما حجم العجز المحلي الاقتصادي 14 ترليون دولار حجم الدين العام (ما يسمى بعجز الميزانية ) 1.400ترليون واربعمائة مليار دولار هذا قلص من فرص توفير العمالة وخله الاقتصاد راكد بنسبة 100% هاي السلبية الاولى ( عدم توفر فرص العمل بشكل جدي وان توفرت فبنصف الاجور السابقة) يعني مثلا
سابقا عمال المطعم (Boy) يتقاضى بالساعة 17 دولار في مطعم متوسط حاليا 10 دولار او اقل
طبعا هاي الاسعار دا انطيها من معارف اصدقاء واقرباء الي في مشيغان وايوا وشيكاغو وفلوريدا تحديدا من ناس اعرفهم جدا

السلبية الثانية نظام التامين الصحي الموجود في امريكا حيث انه لا يوجد تأمين صحي شامل كما هو معمول به في كندا واستراليا واوربا يعني حظ حظنا يستلك اذا راجعنا مستشفى لو طبيب خاصة الاسنان
دتاكل بالحلال ومعيش روحك بس اكو شي اهم لشوكت؟؟؟؟؟تشتغل مطعم لو تغسل اماعين؟؟؟؟؟؟؟ولشوكت تمسح وتكنس؟؟؟؟؟هذا السؤال والا اي فرص تتكلم عنها يعني حتى اليريد يكمل دراسته او يعادلها ع
المعونات غير مستمرة وانما تكون حسب الولاية مختلفة باختلاف الولاية يعني لو 6 شهور لو سنه لو 2 لو خمسة واحنا وحظنا وين ما يصفى بينا الوكت
هاي السلبيات يا اخوان ترى مو شي هين وانما كارثة خاصة للعنده عائله ويريد يعيش مرتاح للبقى من حياته بعد عناء العراق وضيمه والامور التعبانة الشافها بالعراق
اما اني كنت اقرا كلام بعض الشباب والاخوان اليكلي انو امريكا ارض الفرص وشكو بيها الواحد يشتغل ابمطعم يا سيدي محد كلك انو الشغل المطاعم عيب لو حرام لا بالعكس الشغل شرف وين متروح مدام انت  عايش بالحلال بس تبقى المشكلة الى متى

اني متاكدكثير من الموجودين راح ينتقدوني على كلامي هذا بس صدكوني اني دا انقل الي هواية ناس هسه بامريكا عايشته وعوائل ومعاناتها والقصد من ورا هذا هو التنبيه حتى لا احد يلوم ويكول محد كالنه بس خل ينتقدون لان اني مذاكر الايجابيات بعدني

الايجابيات يا سادة

انو اليطلع لامريكا سواء IOM او غيرها ضمن نفسه انو هو راح يحصل على الاقامة الدائمة في امريكا او (الكرين كارد)ومن ثم وراها ب 5 سنين الجنسية ان شا الله اذا الله سهل على الجميع وماكو شي اسمه تجديد سنوي وماكو شي اسمه ما ممكن احصل اقامة مثل ما هو موجود بالسويد وبعض الدول الاوربية ولا اكو شي اسمه ترحيل قسري واذا ملكه شغل يكدر بكل سهولة يحصل على الكرين كارد ورا سنه ونص او اقل ويطلع على كندا والشغل هناك متلتل وخاصة للمهندسين واليعرفون انظمة الدزاين والاوتوكاد ويرجع كل 6 شهور يجدد وهكذا لحين ما الله يسهل عليه او حتى يكدر يطلع لاوربا طبعا بدون فيزا ولا شنكن لان اوربا متنطي فيزا لامريكا وانما بالمطار راسا وبلا فيزا
الايجابية الثانية خيارات الدراسة اكثر في امريكا من اي مكان اخر بالعالم يعني لو اسويلك مقارنه بسيطة مثلا ولاية كاليفورنيا بيها جامعات عددها بكد عدد جامعات ايسلندا والنروج مجتمعة ولكسمبورغ ولخنشتاين وايرلندا تخيلو شكد فرص متاحة للدراسة والاهم من هذا انو عام 2010 الجامعات الاولى بالعالم ال23 هيه امريكية
الحياة ارخص من اوربا وكندا في امريكا وخاصة الملابس

هذي نبذة بسيطة عن الي كدرت المه واحصلة من كل معارفي وكرايبي وبالمناسبة هذا ميعكس وجهة نظري الشخصية اني الي اؤمن بيه دائما هو انو وين مرحت لازم نسعى واليكول اوربا بيه دلال هذا بطران وميعرف شي مع احترامي لان خلي ابالك انو اوربا وكندا تنطيك رواتب حد الكفاف يعني بلجيكا مثلا ينطون 750 يورو للعائلة ايجار 550 يورو والباقي عيشة يعني كفاف والحياة باوربا غالية صح الاقتصاد الاوربي انشط بهواي من امريكا واقوى خاصة بال 11 سنة الاخيرة بس هذا الواقع  فلا تتخيل انو الراتب الراح تاخذة في كندا او اوربا او استراليا مدى الحياة يخليك مترف لا عزيزي الحياة والواقع هناك غير شكل بس اهون من امريكا بشوية وهم مو كل اوربا الدول الاسكندنافية فقط وبلجيكا وهولندا والمانيا
واكو دول مثل ايطاليا اسبانيا فرنسا تنطيك من 6 شهور الى 8 مو اكثر وراها دكلك روح انت وربك يا موسى هذا الواقع
طولت عليكم واسف للازعاج وشكرا جزيلا للاخوان بالمنتدى وارجو ان اكون فدتكم يا رب ومقصرت

غير متصل يوزارسيف

  • عضو فعال جدا
  • ***
  • مشاركة: 703
  • الجنس: ذكر
  • متى تكتحل عيون الطيبين برؤيا يوسف آخر الزمان؟؟
    • مشاهدة الملف الشخصي
    • البريد الالكتروني
موضوع شيق بالفعل اخي الكريم واحييك على الطرح الجميل والواعي يا بش مهندس زياد..الحقيقة عندي اخي في ولاية جورجيا راح يقبط سنة بعد اقل من شهر هناك ، واقعا" اخوية رغم كونه مهندس مدني فأنه اول ما وجد عمل هو مدرس لغة انكليزية لبعض المهاجرين في منظمة ما هناك ، والراتب صحيح متواضع لكن يمشي الحال ، وهو يقول ان الحياة ليست سهلة لكن على كل حال ما زال حتى اللحظة يشجعني على المجيء والاسراع بالسفر الى امريكا وانا اعتبر هذه تجربة ايجابية وان كانت قصيرة ، وهي عامل مشجع وربما بالمستقبل يتمكن من معادلة الشهادة وهو الاهم حتى يستطيع المنافسة في المجتمع الامريكي .
 ننتظر ردود الاخوة في امريكا فاهل مكة ادرى بشعابها كما يقولون...وشكرا".
متى تكتحل عيون الطيبين برؤيا يوسف آخر الزمان؟؟

غير متصل stoon

  • عضو فعال
  • **
  • مشاركة: 48
    • مشاهدة الملف الشخصي
ورده وأذا أذا أكو بعد معلومة فيدنا يرحمكم ألله

غير متصل شمعة

  • عضو مميز
  • ****
  • مشاركة: 1545
    • مشاهدة الملف الشخصي
اخي العزيز

هذا الموضوع سبق وان تم طرحه مئات المرات خلال السنتين الماضيتين هنا في المنتدى وتباينت واختلفت فيه وجهات النظر التي وصلت بين الاخوه والاخوات الاعضاء الى ( عركات تعجبك ;D) ... فهناك من يرى امريكا جنة الله على الارض وهناك من يراها جحيم الله على الارض ...  وكل شخص يراها من وجهة نظر معينه لذلك لا يمكن الاخذ والقياس والاعتماد على راي واحد ومحدد ... وكل عراقي من اللاجئين الموجودين في امريكا يرى الحياة في امريكا وسلبياتها وحسناتها من وجهة نظر معينة طبقا وانطباقا لتجربته الشخصيه ..

وبعض العراقيين  لا يزالون يعانون وبعضهم الاخر يقولون انهم مرتاحين وبعضهم الثالث ترك امريكا وما فيها وعاد الى العراق ...

واعود واقول التقدير في هذا الموضوع نسبي وكلا حسب وجهة نظره ....  وابشرك  موضوعك تاليها راح ينحذف لان اكيد نهايته ( عركه محترمه  ;D) ...

شمعه

غير متصل لابيلاشوشو

  • عضو فعال جدا
  • ***
  • مشاركة: 98
    • مشاهدة الملف الشخصي
    • البريد الالكتروني
اخي العزيز

هذا الموضوع سبق وان تم طرحه مئات المرات خلال السنتين الماضيتين هنا في المنتدى وتباينت واختلفت فيه وجهات النظر التي وصلت بين الاخوه والاخوات الاعضاء الى ( عركات تعجبك ;D) ... فهناك من يرى امريكا جنة الله على الارض وهناك من يراها جحيم الله على الارض ...  وكل شخص يراها من وجهة نظر معينه لذلك لا يمكن الاخذ والقياس والاعتماد على راي واحد ومحدد ... وكل عراقي من اللاجئين الموجودين في امريكا يرى الحياة في امريكا وسلبياتها وحسناتها من وجهة نظر معينة طبقا وانطباقا لتجربته الشخصيه ..

وبعض العراقيين  لا يزالون يعانون وبعضهم الاخر يقولون انهم مرتاحين وبعضهم الثالث ترك امريكا وما فيها وعاد الى العراق ...

واعود واقول التقدير في هذا الموضوع نسبي وكلا حسب وجهة نظره ....  وابشرك  موضوعك تاليها راح ينحذف لان اكيد نهايته ( عركه محترمه  ;D) ...

شمعه
 
والله كلام شمعة عالراس هسة راح تصير عركة مابين مؤيد وضد امريكا اني عن نفسي تحول ملفي للامريكا واتمنى هسة اسافر لامريكا قبل باجر وخالتي بامريكا وتحديدا بولاية نيويورك صارلها سنة بالضبط ومرتاحة وزوجها ديشتغل وامورهم ماشية بس تبقى الشغلة تختلف من ولاية لولاية ثانية.

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
اشكر كلمن شارك بردوده وجميع اخواني بالمنتدى

اخوان اني كل ما في الامر ما اريد عركات هههههههههههههه الله يبعدنا عن العركات اني القصد طبعا من كل هذا مو المقارنة وشنو الزين وشنو المو زين لا طبعا اني اريد اوضح ماهي الايجابيات وماهي السلبيات اليريد هسه يسافر لامريكا ومستعجل لان كرايبه بنيويورك حقه طبعا لان مل من كعدة الدول الفاشلة مثل سوريا وغيرها والاردن والامارات ويريد يعيش ويشوف دنيا واوادم حقه وكل الحق لانه اني هم مثله ومو شرط امريكا الله وكيلك حتى لو سان مارينو اقبل بس خلي ابالك استاذ انو مو كل الطلعو راحو لنيويورك وعاشو ولكو شغل خاصة انو نيويورك اغلى المدن ويه فرجينيا واشنطن كليفورنيا جدا غالية اني صديقي SIV اكثر من هذا حتى شغل مدبروله مثلا وهذا نموذج اخر من نوع اخر .
فالقصد اخوان هو للمعرفة والعلم بالامور وحقائقها حتى لحد يروح ينصدم مثل مصارت بهوااااااية ناس ونلوم روحنا والوكت اليمشي والثانية التروح مترجع هذا القصد مو للمقارنه ابدا وشكر جزيل للجميع

غير متصل لابيلاشوشو

  • عضو فعال جدا
  • ***
  • مشاركة: 98
    • مشاهدة الملف الشخصي
    • البريد الالكتروني
السلام عليكم

المهندس زياد شوي شوي علينا مو هيج اعصابك انته لما طرحت موضوعك لازم تتوقع انه اكو اراء سلبية وايجابية المفروض يتسع صدرك النا اكثر من هيج
 اولا اني مو استاذ اني استاذة ههههه يعني اني بنية  مو ولد

ثانيا اني عايشة بتركيا ومااعتقد ان تركيا دولة فاشلة (مجرد رأي)

 ثالثاً  ان شاءالله تعالى اذا رب العالمين سهل النا وسافرنا لامريكا فاعرف انه امريكا صعبة ولازم الواحد  يشتغل ومن كل هالامور اللي نعرفها على الاقل راح اكدر احصل على عمل لاني خريجة جامعة بغداد 2004 وجنت ببغداد كل ماريد احصل على تعيين لازم يكون عندي واسطة(اسفة  اني خرجت عن الموضوع)  تعرفون بعد ماساة الحصول على وظيفة بالعراق.

رابعا الحمدلله والشكر اني وزوجي متقنين اللغة الانكليزية وخصوصا انه اختصاصي لغة انكليزية ان شاءالله هذ ا الشي يساعدنا بامريكا  ولازم نخلي عدنا امل اللي خلقنا ماينسانا واعرف هواي ناس بامريكا طلعو ب2005 و 2006 كل مااحجي وياهم يكولولي الحياة صعبة اكوللهم زين ارجعو يجاوبوني لا مانكدر بعد بنينا حياتنا وتعودنا عالعيشة بامريكا .

خلاصة الكلام يااخي العزيز لحد الان بالنسبة الي ماشفت واحد رجع من امريكا وبالنفس الوقت احنة مخليين ببالنا السيئات قبل الايجابيات وربك ماينسه عبده وشكرا على طرحك لهذا  الموضوع  واكرر شوي شوي علينا هههههه

واسفة على الاطالة  .

غير متصل شوفرليت

  • عضو فعال جدا
  • ***
  • مشاركة: 227
  • الجنس: ذكر
  • الدنيا رحلة والانسان مسافر والعمرقطار والحياةمحطات
    • مشاهدة الملف الشخصي
    • البريد الالكتروني
كلامكم ذهب وعلى الراس شكرا للموظوع الجيد حقيقة نحتاج نسمع تجارب الاخوة الاعضاء في امريكا حدثونا يا اخوان تكلمو لنا عن تجاربكم ووجهات نظركم شكرا
الدنيا رحلة والانسان مسافر والعمر قطار والحياة محطات

غير متصل الرسام1973

  • عضو مميز جدا
  • *****
  • مشاركة: 3180
  • الجنس: ذكر
  • وسام احلى توقيع من الاخت انجي
    • مشاهدة الملف الشخصي
اخواني الله أيخليكم نريد منكم استعراض اكثر واكثر للذين في امريكا لان التجربه الواقعيه تغني اكثر عن السمع ...بارك الله بيك اخي زياد على طرحك  الموضوع ...
وفقنا الله لما فيه خير الصالح العام ..
يرجى رفع صورة التوقيع عن طريق موقع عنكاوا كوم
uploads.ankawa.com

غير متصل repentant

  • عضو فعال جدا
  • ***
  • مشاركة: 731
    • مشاهدة الملف الشخصي
انا لو رجعت للوراء احبذ استراليا بتعرف ليش لانه انا طلعت من العراق والعراق ما مريح وكنت انشد الامان النفسي والمادي هون في اميركا كل شي حلو لو في عندك فلوس يعني لو عندك مدخل رزق بالعراق انصحك تجي على اميركا واهللك يبعثوا الك كل شهر او بين فترة واخرى بس فيها قوانين معقدة شوي ان شاء الله نسلم منها
انا جيت من العراق اس اي في ولو كنت بتركيا حقيقي كنت انتظر الوفد الاسترالي
امريكا بدها واحد مصحصح جسميا ونفسيا انيا عندي مشاكل صحية اولها ضعيف البنية وظهري مو ازين واتخيل
شكرا

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
يسعد صباحكم جميعا وصباح مبارك على كل العراقيين والاخوة الكرام بالمنتدى

اشكركم جزيل الشكر على هذي الاراء القيمة واريد اتاسف للاخت لابلاشوشو لا توقعتها ولد اكرر اسفي واعتذاري خطأ غير مقصود مدام

اختي العزيزة اني مثل حالج ترى هم بعدني بعمان الاردن حاليا يعني ممسافر وهذا الموضوع سويته للفائدة العامة اكرر للفائدة العامة واني مثل مذكرت السلبيات ذكرت الايجابيات ايضا لان الكل خل يخلي في باله انو ماكو مكان كامل 100% احنا معايشين بجنة الفردوس كل مكان اكو سلبيات واكو ايجابيات وحتى اكون صريح اكثر اني هذا الموضوع فتحت نقاشه البارحة لان لي صديق هو وعائلته في امريكا حاليا سافر من 8 شهور قبل لا يسافر شكو صورة ورديه خالها اباله وانو راح يكون مليونير في ليلة وضحاها يعني صورة خيالية تماما وياما نصحتة وكتله الواقع غير شي البارحة خابرني يكلي راح ارجع لعمان هذا السبب دفعني ان اكون ناصحا لنفسي اولا وللاخوة وان تكون كل الصورة واضحة للاخوان حتى لا يصير موقفنا مثل صديقي وعائلته هذا السبب لا غير والا انا اختي العزيزة مهندس مدني جامعة بغداد 2005 وزوجتي طبيبة ومن عنيت الخارج وسميتهم بالاوادم اني قصدت مقارنة بالدول العربية حتى لا يظل على خاطرج مني وطبعا اختي العزيزة اذا الواحد استقر في امريكا ترى صعبة يغيرها بغير مكان حتى لو كانت حياته صعبة والله يفرجها على الجميع
يا سيدتي الفاضلة احنا العراقيين مسالة اللجؤ والهجرة هيه واجب شرعي علينا وذلك لقوله تعالى
(الم تكن ار ض الله واسعة فتهاجروا فيها) وقوله (قل سيحوا في الارض واسعوا في مناكبها وكلول من رزقه واليه النشور)

مع خالص التحية والتقدير لكل الاخوة الكرام

غير متصل أبو بشير

  • عضو فعال جدا
  • ***
  • مشاركة: 194
    • مشاهدة الملف الشخصي

اميركا البلد الذي لن تحنيه الملمات لان اقتصاد العالم باجمعة مرتبط باميركا اما الاحتياطي النقدي الاميركي فيشكل 38% من نسبة النقد الموجود في العالم !!!! الازمة الحالية ضربت كل الدول وليست اميركا وحدها ولكن اميركا دولة تمشي على خطط وسياسات وحسابات وبصدد معالجة الامور ولكن تحتاج وقت . اخوان اللي يريد يعيش عالمساعدات تره ماكو احسن من اميركا واللي يريد يشتغل ايضا اميركا هي الافضل رغم الازمة الحالية .

تحياتي
ابوبشير

غير متصل TROY

  • عضو فعال جدا
  • ***
  • مشاركة: 239
    • مشاهدة الملف الشخصي
    • البريد الالكتروني
السلام عليكم جميعا احب اشكر اخوية المهندس علة هذا الموضوع الهام
بس احب اوضح انو اكثرية السافروا يعرفون التاثير الاقتصادي الامريكي بس احنة بالعراق تاثرنة اكثر من الاقتصاد الامريكي بسبب التعينات اني متخرج من 2006 ولحد هسة ما متعين يعني شاسوي ابقة بالعراق خل اروح لامريكا وكلشي اشتغل واني راضي بي من هسة
اسف علة الاطالة

غير متصل ابن الحلة

  • عضو فعال جدا
  • ***
  • مشاركة: 247
    • مشاهدة الملف الشخصي
السلام عليكم
اخوية العزيز مشكور على الطرح المهم والموضوعي
بس احب اكلك شي اللي يريد شي يعوف شي ، اني من الناس صارلي 8 سنوات متخرج مهندس وماحصلت تعيين وخلال هذي السنوات تنقلت بين الشركات الامريكية واشتغلت باختصاصي وما مستعد حتى لو احصل تعيين ان اشتغل بالعراق لان مجتمعنا من المستحيل ان تعيش بيه اذا متبيع ضميرك.
النقطة الثانية هي سعي الجميع للحصول على الجنسية الامريكية وهو انجاز عظيم واسمع ما يقول الشاعر احمد مطر في هذا الخصوص:
"غاية المواطن العربي ان يقضي في امريكا خمس سنوات لكي يحصل على الجنسية الامريكية بحيث اذا عاد الى الوطن العربي يعامل كانسان له كينونة وشخصية وكرامة وليس كمواطن عربي"
اتصوور هذا النص يكفي رغم كل الصعوبات

تحياتي للجميع

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
تحية طيبة اخي ابن الحلة

كلامك صحيح تماما واحييك عليه واني اشد المؤيدين لطرحك تماما ومو بس الجنسية الامريكية اخي العزيز والله لو كانت من اي دولة غير عربيه تكون انسان تشعر بانسانيتك فعلا كلام صحيح وادله عندي كثيرة على صحة كلامك من خلال اقربائي الساكنين في امريكا والدنمارك والسويد وكندا يا اخي يخافون منهم ومن يشوفوهم هيبة ودخلو عليهم هههههه مشكر جدا لمداخلتك

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
    • مشاهدة الملف الشخصي
مرحبا شباب اني انقل الكم تجربة اخي صارلة بامريكا 4 سنوات وعن بعض تجارب الناس اصدقاء عن طريق الانترنت طبعا الحياه بامريكا تختلف عن العراق بعاداتها وتقاليدها ومراح تلكي ناس بلشارع وكهاوي مثل العراق هناك الحياه عبارة عن شغل والناس تنتقل بلسيارات يعني مراح تلكي شارع مثل الرشيد وباب الشرجي متروس ناس وعالم الحياه بامريكا مو صعبة الى درجة المستحيل لابلعكس هي صح صعبة لااكن الانسان الناجح يكدر يخلق الة مستقبل بلد الفرص مثل امريكا لاكن اول شي لازم اضحي وتشتغل باي شغلة واصعب شغلة لحد متلكي شغلة تريحك وتفيدك اخويا حجالي عن امريكا وحياته الصعبة وكتلة شتنصحني ابقى بلعراق لو اجي كال لابلعكس تعال لامريكا وجرب حياتك طبعا السكن والاجور يختلف حسب كل ولاية الاجور من 7$بلساعة وانتة صاعد لحد 35$ طبعا اكو جدول رواتب بلمنتدى تكدر تقراه والسكن يكلف تقريبا بين 400$ وانتة صاعد الاكل للشخص الواحد يكلفة250$ تبقى الماء ووالكهرباء والغاز وكيبل التلفزيون يكلفن تقريبا 250$ بامريكا ياخذون ضريبة تصاعدية على الراتب يعني مو مثل العراق ماكو ظريبة راتب مثلا اذا راتبك يصير 3000$ مينطوك اياه كامل ياخذون منه نسبة تصاعدية من راتبك يستقطعون منه بس بنسب تصاعدية حسب مبلغ الراتب النقل يكلفك تقريبا 200$طبعا اذا نفترض اشتغلت باقل اجر الي هو 7$بلساعة واشتغلت 10ساعات بليوم يعني يوميتك70$ وشهريتك 2100$ ونطرح من عدهن السكن والاكل والنقل والمتفرقات والظريبةتصير تقريبا 1200$ تبقالك 900$صافي اعتقد خير من الله بلنسبة لاقل اجر عدهم وتكدر خلال الزمن تشوف شغل ثاني باجر اعلى راح يخليك ترتاح اكثر بعد لحد ماتبني حياتك بشكل صحيح طبعا بامريكا تكدر تخطط ل100 سنة واكثر لان كل شي بيه مستقر اما العراق فانته باي لحظة حياتك وشغلك وفلوسك بخطر زائد اصلا هو ماكو تعين ولاشغل بي خير ولا عندك حرية شخصية ولا اجتماعية وايجابيات الحياه بامريكا هوووواي وسلبيات العراق هوووواي اذا اسوي مفاظلة يحتاجلي كتاب كامل واعتذر علاطاله

غير متصل ابو علاوي

  • عضو فعال جدا
  • ***
  • مشاركة: 504
  • الجنس: ذكر
    • مشاهدة الملف الشخصي
    • البريد الالكتروني
السلا م عليكم اخوية الغالي والله هيج مواضيع اصيردسمة واتلمنة كولنة الي انريد انغير الواقع المرير 360 درجة طبعا هاي نضرتي للخروج من المستنقع العراقي وكلي الم وحسرة على ما مر بية اثناء معيشتي وكل ما اباوع على اولادي الثلاث الي همة ولد اثنان و وبنية اتوقع لهم مستقبل مشرق اذا راحو لمريكة  ابعالم  اقر**** انـــــــــــــــــــــه الدين للفرد والوطن  للجميع **** والي اقصدة انه الانسان من يحصل على جنسيت الارض الي يعيش بيهة اصبح هذا هو وطنة المعترف بيه عكس بالعراق احنة عراقين بدون وطن لان الجنسية عدنة بالعراق اصبحت بلاء على حاملهة وارجو ان لا اتعرض للانتقادات واخرج عن صلب الموضوع
اخي العزيز  لـدي اخ يعيش في كلفورنية ابولايت سكرمنتو منطقة طبعا خضراء بيهة امطار بيهة ثلوج وبيهة جو حار يعني جوهة مقارب الجو العراق بس بردهة ابرد بعد من جونة صور الي يبعثهة الي كولهة تلمع واكيد راح اتقول يعني يختار اماكن حلوة وخضرة ايطك صور بيهة بس اكثر الاماكن الي ياخذ بيهة صور قريبة على  مكان سكنة طلع من العراق عن طريق siv عام 2008 والحمد الله في الوقت الحاضر هو ناوي يزوج 8 اشهر هو بالبداية عايش على المساعدات الحد ما قرر يشتغل والحمد الله امورة مايشية وهسة راح يزوج  واستقر  وهو الي يشجعني على التقديم واجيب عائلتي وهاجر الى امريكة واكيد بالبداية واجه هواي مصاعب لاكن بعدين اتغلب عليهن والحمد الله العجيب من سافر لحد الان وقتنا الحاضر ما طلب افلوس من عدنة رغم ما ان حالتنة المادية بالعراق زينة مكتفين والحمد الله وفلوسة موجودة يم والدتي يعني حتة  من يطلب افلوس مو من اجيوبنة من افلوسة الشخصية  انا اتعجب من اقرة ردود وارجع اسئلة دائما ايقول انا اخوك قابل اريد اضحك عليك امريكة زينـــــــــــــــــــة للي يشتغل ويخطط ويختلط مع المجتمع  واهم شي الانســــــــــان ايكون عندة تخطيط يا اخوان اوصيكم انشاء الله من ترحون خلو امام عيونكم تخطيط المستقبلكم لانكم انتقلتو  من مرحلة ما بيهة مستقبل الى مرحلة بيهة مستقبل لان حياتنة بالدول النامية او النايمة بدون مستقبل وانشاء الله المستقبل الزاهر الكم والى اولادكم تحياتي لصاحب الموضوع
العفاف زينة الفقر والشكر زينة الغنى

غير متصل ام تسنيم1

  • عضو فعال جدا
  • ***
  • مشاركة: 630
    • مشاهدة الملف الشخصي
اخى العزيز           وما نيل المطالب  باتمنى ولكن تؤخذ لدنيا غلابا              طريق الالف ميل يبدى بخطوه    يعنى علا الاقل رح تبدى  تمشي والطريق مفتوح  الى توصل فد يوم  حسب تعبك      مو تضل تراوح بمكانك بالعراق 

غير متصل repentant

  • عضو فعال جدا
  • ***
  • مشاركة: 731
    • مشاهدة الملف الشخصي
ممكن سوال
في ولايتي تكساس طردوا موجرين من الشقة لانهم ما دفعوا ايجار وكثرة المشردين بس ممكن اعرف انا لو ما حصلت شغل مين بدوا يدفعلي الايجار يعني يا ريت والله يعرف احد في اوستن يقدر يدفعلي الايجار اي كنيسة اي منظمة والله يا ريت لانه امريكا كلش كلش حلوة لو انك تشتغل وعندك فلوس

غير متصل samytransl

  • عضو
  • *
  • مشاركة: 22
    • مشاهدة الملف الشخصي
السلام عليكم
اكو اغنية لكاظم الساهر تكول (اكرهها واشتهي وصلها ) هذا الكلام بالضبط ينطبق على امريكا .....امريكا هي السهل الممتنع ارض الفرصة وبلد الضياع بنفس الوقت.....وبدون فلسفة اريد اكول انه الامور صعبة بامريكا حاليا من ناحية العمل يعني الفرص محدوده ولازم عندك مميزات وخبرة وواسطه وحظ حتى تحصل عمل بس مع هذا امريكا هي البلد الواعد بالفرص يعني هنا دائما اكو امل بالغد ودائما اكو شي ممكن انه تسويه حتة تعوض وتمشي .....هنا الامل موجود وباسوا الحالات اكو تفاؤل وهذا هو الفرق الجوهري بين امريكا والعراق.....
سلام

غير متصل راهب الحب

  • عضو مميز
  • ****
  • مشاركة: 1547
  • الجنس: ذكر
  • †من لا يحِب لم يعرف اللــه .. لأن اللــه محبّــة †
    • مشاهدة الملف الشخصي
حبيبي الغالي المهندس زيودي الوردة ::
أحجيلك تجربتنا ..
بعد إسبوعين نكّمل أول سنة بأمريكا ..
أكو شغلة مهمة تغيب عن اكثر الناس وما تنذكر وهي طبيعة الإنسان نفسه أكو ناس اتذكر من جنت بسوريا .. رجعت للعراق لإنهُ ما تعرف تُكعد عالگاع جديات وبلا شقى ومتعودين على نمط حياة وعيشة خاصة بيهم  ...
يعني طبيعة الإنسان نفسه تلعب فد دور كلش مهم ...  يعنـــي
يعني اكو ناس تاخذ وگت لحد ما تتأقلم او تنصدم بتغير الواقع الإجتماعي والثقافي وووو ... وتبدأ بالإستسلام لواقعها  وتبدي تساير إمورها وتأخذ مكانها بالمجتمع الجديد وأكو ناس تريد تبقى عالمُساعدات اكثر فترة ممُكنة وهما ناسين بإنه الكردت  مالهم يبقى صفر وما يگدرون يشترون گشّاية بإسمهــُم بعدين ..
أحجيلك عني أني واهلي ...
من جنا ببغــداد وبقينا خمس سنين و3 شهور بسوريا ووصلنا إهنا نفس الحياة نعيشها ....
نسكن إيجـار ما عدنا املاك ونشتغل ونعيش وهذا واقع حالنـا .. نشتغل آني وإخوتي راتبنا على تقاعد الوالد والحمدُلله
بس إذا تكولي الأفضل منو .. اكولك العائلة بالتأكيد لإنه الأيد الوحدة ما تصفگ ... وإذا اكو اكثر من شاب او شابة بالعائلة معناها اكثر من راتب ومعناها مستقبل أفضل بفترة أقل من الفرد الواحد ...
يا اخي يكفي من تشتغل وتدفع تكسات ويقوى الكردت مالتك تگدر تشتري كل امريكا بالتقسيط المريح payment .. بس أكيد لازم تحسب كلشي قبل ما تخطو على أي قرار مو بس تشتري وتوصل لنفسك إلى درجة ما تگدر تسدّد بعـد واكيد إنته مُلِم بالهالموضوع كلش زين .
ونصيحة من اخوك  الصغير الجبير بكيفك ..
إقتدي بتجارب الناجحين بأمريكا إللي الله وفقهّم وإسمع شلون وصلوا للي وصلوله بغض النظر عن أيامهم او الفرق بين الماضي والحاضر  أو الازمة المالية الحالية وتأكد وإسأل بيها أمريكا تأثرت اكثر من مرة بمثل هيج أزمات وطلعت منها وبعدها رقم 1 بالعالم رغم كل الظروف ...
تمنياتي إلك بالتوفيق وخلي أملك جبير ولا تيأس والله يفتحها بوجهك من اوسع أبوابـهُ ... آميــن يــا رّب ... †






                                   أخـوكـُم / وسـام بهنـام داؤد الخابــوري
                                             لاس فيغــاس / نيفـادا
† إذا كـُنت لا تحـِب أخـاك الـذي تـراهُ ؟؟ فكيـف َتحـِب اللـه الـذي لا تراهُ !! ... †

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
صباح الخير على الكل ويارب الجميع بخير

اشكر كل اخوتي  على ردودهم الجميلة والمشجعة والمفيدة جدا بنفس الوقت واشكرك اخ وسام جدا على الكلام الجميل والمشجع والمفيد وطبعا انت اخ كبير وعزيز والله لا يصغرك العفو وفعلا كلامك منطقي انو الانسان اذا يريد يوصل يشوف الناجحين وكذلك الفاشلين للحذر من الامور السلبية المروا بيها والتعلم والاستفادة منها شكرا جزيلا الك ويا رب يوفق الجميع

غير متصل koka75

  • عضو فعال جدا
  • ***
  • مشاركة: 418
    • مشاهدة الملف الشخصي
    • البريد الالكتروني
 
  اخواني واخواتي الاعزاء جميعا اني وصلت الى امريكا ولاية نيويورك مدينة الباني قبل خمس شهور وعندما كنت بالعراق واقرة هيجي مواضيع انتقدهم طبعا وماتقبلها ولكن من وصلت الى هنا وشفت الوضع بعيني تغيرت هواية امور وكما يلي
    الشغل صحيح صعب بامريكا ولكن ليس مستحيل -- يجب عدم التذمر من العمل الموجود كدامك يعني مو واحد يحصل  عمل مزين ويكول ماشتغل لو انتضر الى ان احصل احسن منه لا فلازم يطبق المثل الي يكول عصفور باليد حيرا من عشرة على الشجرة يعني شتحصل شغل اشتغل وحاول ادور على احسن منه -- والي ماعنده صبر لو تحمل فامريكا متفيدة لان يرادلها صبر وتحمل الى ان تستقر امورك ويبقة الحض يلعب دورة في امور هواية يعني الولاية والمدينة الي راح توصل الها الها تاثير جبير على حياتك واستقرارك لان  كل ولاية وكل مدينة تختلف فيها فرص العمل وتختلف فيها المساعدات  واني اقولها وللاسف الشديد لو الكة شغلة بالعراق بيها فائدة يعني اطلعلي مصرفي ومصرف اطفالي ونكون مرتاحين ونكدر كل 6 اشه نجي لامريكا زيارة وجدد الكرين كارت جان رجعت للعراق واشتغلت -- صح الحياة صعبة بالعراق وعايش بخطورة وعدم استقرار بس الجميع يعرف العراق بيه شغل وبيه فلوس بس مابيه امان يعني اذا رهمت اعتبر نفسي رايح عقد عمل الى العراق يعني مابيها شي واحد يلمله كم فلس ويكدر يبدي بيها اهنا بشغل لنفسة يعني ميشتغل عند احد ونصيحة للي عندة فلوس بالعراق ويكدر يوصل لهنا الى امركا فهوة راح يكدر يعيش ملك اهنا اذا فتحله شغلة لحسابة لان الشغل الحر في امريكا مربح جدا ولايوجد به خصارة طبعا للي يعرف شلون يشتغل ونشالله وصلت الفكرة ونشالله الموفقية للجميع
 اووكم ابو محمود

غير متصل TROY

  • عضو فعال جدا
  • ***
  • مشاركة: 239
    • مشاهدة الملف الشخصي
    • البريد الالكتروني
واللة عاشت ايدك اخوية بريزن ابريك (استراحة السجن)ههههههه خوش معلومات عندك عن الحياة هناك وفدتنة واللة من تفاصيلة ,يعني كسر بجمع زينة الحياة هناك علة هذا الحجي والحمد للة شخبار سكوفيلد تحياتي الك اخوية





مرحبا شباب اني انقل الكم تجربة اخي صارلة بامريكا 4 سنوات وعن بعض تجارب الناس اصدقاء عن طريق الانترنت طبعا الحياه بامريكا تختلف عن العراق بعاداتها وتقاليدها ومراح تلكي ناس بلشارع وكهاوي مثل العراق هناك الحياه عبارة عن شغل والناس تنتقل بلسيارات يعني مراح تلكي شارع مثل الرشيد وباب الشرجي متروس ناس وعالم الحياه بامريكا مو صعبة الى درجة المستحيل لابلعكس هي صح صعبة لااكن الانسان الناجح يكدر يخلق الة مستقبل بلد الفرص مثل امريكا لاكن اول شي لازم اضحي وتشتغل باي شغلة واصعب شغلة لحد متلكي شغلة تريحك وتفيدك اخويا حجالي عن امريكا وحياته الصعبة وكتلة شتنصحني ابقى بلعراق لو اجي كال لابلعكس تعال لامريكا وجرب حياتك طبعا السكن والاجور يختلف حسب كل ولاية الاجور من 7$بلساعة وانتة صاعد لحد 35$ طبعا اكو جدول رواتب بلمنتدى تكدر تقراه والسكن يكلف تقريبا بين 400$ وانتة صاعد الاكل للشخص الواحد يكلفة250$ تبقى الماء ووالكهرباء والغاز وكيبل التلفزيون يكلفن تقريبا 250$ بامريكا ياخذون ضريبة تصاعدية على الراتب يعني مو مثل العراق ماكو ظريبة راتب مثلا اذا راتبك يصير 3000$ مينطوك اياه كامل ياخذون منه نسبة تصاعدية من راتبك يستقطعون منه بس بنسب تصاعدية حسب مبلغ الراتب النقل يكلفك تقريبا 200$طبعا اذا نفترض اشتغلت باقل اجر الي هو 7$بلساعة واشتغلت 10ساعات بليوم يعني يوميتك70$ وشهريتك 2100$ ونطرح من عدهن السكن والاكل والنقل والمتفرقات والظريبةتصير تقريبا 1200$ تبقالك 900$صافي اعتقد خير من الله بلنسبة لاقل اجر عدهم وتكدر خلال الزمن تشوف شغل ثاني باجر اعلى راح يخليك ترتاح اكثر بعد لحد ماتبني حياتك بشكل صحيح طبعا بامريكا تكدر تخطط ل100 سنة واكثر لان كل شي بيه مستقر اما العراق فانته باي لحظة حياتك وشغلك وفلوسك بخطر زائد اصلا هو ماكو تعين ولاشغل بي خير ولا عندك حرية شخصية ولا اجتماعية وايجابيات الحياه بامريكا هوووواي وسلبيات العراق هوووواي اذا اسوي مفاظلة يحتاجلي كتاب كامل واعتذر علاطاله

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
اني اتفق وياك اخ بريز علي انو الاخ بريزن بريك معلوماته جدا مفيدة وحلوة كلش بس حبيت اساله اله وكل الموجودين شنو الظروف الي ممكن تكون في مشيكان؟؟؟؟ يعني اريد اجابة من احد الاخوة بنفس طريقة الاخ برزن بريك يوضحنا شنو الاشغال الممكنة وشكد كل شغلة وساعتها حتى تعم الفائدة للكل وتكون عدنا صورة واضحة يعني مثلا اذا مطعم شكد اذا كاز ستيشن شكد اذا شغلة اخرى من هذا القبيل وحبيت ايضا ان اسال الي يستخدم نظام الاوتوكاد باحتراف(يعني 2D& 3D)
 الثنائي الابعاد والثلاثي يلكى شغل لو لا بهذا المجال؟؟؟؟؟وشكد ممكن يكون الاجر بالساعة اذا عدكم تصور او فكرة ياريت تفيدونه بيها مع الشكر الجزيل

غير متصل مدام كوري

  • عضو فعال جدا
  • ***
  • مشاركة: 165
    • مشاهدة الملف الشخصي
السلام عليكم استاذ زياد اني اشكرك على طرح هذا الموضوع
بصراحه اني وزوجي عدنه نفس الراي بانه ماكو مكان بالدنيا كامل100%
يعني اكو شي سلبي واكو ايجابي
بس الايجابي في امريكا اكثر من العراق
طبعا اني مدرسه وزوجي مهندس كهرباءواحنه اثنينه موظفين :-\ :-\
وهم احنا مثلك عدنا مشكله ويه الشغل شراح يكون ??? ??? ???
وانت تعرف صعبه الواحد يشتغل مو باختصاصه  :'(
والمشكله يعني هل نكدر نشتغل ونعادل بنفس الوقت
وخصوصا اذا كان عنك اطفال وتريد اتعيشهم مرتاحين
مع احترامي لكل الاخوه ولكل راي مطروح

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
شكرا على الردود

اريد اطلب من الجميع الي الله سهل عليهم وسافرو لامريكا يفيدونا بالمعلومات المهمة عن ما يلي بالنسبة لولايتي مشيغان وايوا

1- شكد فترة المعونات (الكاش مني + فود ستامب) وهل يمدد فيها لفترة ثانية؟
2- شكد قيمة المعونات (كاش مني +فود ستامب) للفرد الواحد اذا كان اعزب او للفرد الواحد اذا عائله والطفل وهل انو المولود في امريكا يختلف عن المولود قبل المجئ الى امريكا بالنسبة للمعونات والفود ستامب
3- بالنسبة للولايات الامريكيه جميعها هل الفود ستامب يمدد لفترة ثانية والكاش مني كذلك لو لا؟
4- هل اذا توفر الكفيل في امريكا تقطع المعونات ؟؟؟او تأثر بشي لو لا ؟

مع الشكر الجزيل

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
ها يمعودين شو محد اسعفنا منتظر جوابكم على احر من الجمر

غير متصل طه القيسي

  • مبدع قسم الهجرة
  • عضو فعال جدا
  • *
  • مشاركة: 402
  • my live with out me
    • مشاهدة الملف الشخصي
    • البريد الالكتروني
في البداية السلام على الصابرين,, السلام عليكم جيمعا ... اخواني الاعزاء انا في البداية احب ان اشكر صاحب الموضوع  شكرا جزيلا لانه طرح موضوعا جديرا بالنقاش من ما سواه... المهم اخاوني الاعزاء
 
 امريكا كثر الحديث عنها  .. امريكا هي بلد الفرص  السانحة امريكا هي البلاد التي شعبها  يعملون ولايتكلمون.. امريكا..
 هي البلاد الوحيدة لكي تحقق احلامك بها .. امريكا تقدر خلال وقت معين ان تكون لنفسك  مستقبلا  كما كنت تحلم به من قبل .. دول المهجر او العراق ...

 انا  لست في امريكا لكنني قد سمعت تجارب الكثير من اشخاص ذهبوا قبلي ومنهم رجع  الي دول المهجر او العراق . ومنهم  بنى لنفسه ماكان يحلم ان  يبنيه ...
 قد تختلف الاراء.. لكن الاختلاف في الرأي لا يفسد من الود قضية ..   هناك بعض الاشخاص الذين في مخيلتهم انهم سوف يذهبون في ارض يلاقون اشجارها تحمل الدولارات ... او توزع في الشارع .. او .. او ... ومنهم من يتخيل انه سوف تحقق كلشي  لكن  بدون عمل ... الامريكان لديهم مثل يقول( اذا اردت ان تكون فعالا في حياتك .. تحلى بالموقف الذي يقول .. انا اقدر ان افعل ذلك)
(I CAN DI IT).

قبل اي بناء يجب ان نعرف ماهي المواد الاساسية او المقومات المطلوبة  للنجاح في امريكا ... وهي كالتالي
1- اللغه
2- الاصرار
3-التقليل من الاحلام
4- الواقعيه
5- الحرص
6-المهنه
7- القناعه
8- الصبر
9- التحمل
.
كل شي في هذه الدنيا يحتاج الى الصبر .. حتى ان رب العالمين بنى السماء والارض في ستة ايام..
 كل شي في البداية صعب.. لكن   الصعاب تهون بالمثابرة
 لا تيأس من الفشل  لان الفشل  هي اول تجربة تقود الى النجاح

 انا اسف للاطاله لكن  يجب ان يعرف الشخص ماذا يريد ان يفعل  هناك .. عندما تطأ قدمه  ارض امريكا ..
وان يقلل من الاحلام.. وان يتخيل اصعب الضروف واتعسها ..
 
لكن امريكا كبيرة جدا وصعبه.. ويجب ان يعمل الشخص قبل ان يذهب  فورمات  للذاكرة
واذا اردت  ان  تنجح في حياتك دع الماضي ورائك وفكر في القادم

واسئل الله ان اكون قد وفقت في طرح  رأيي .. وان اخطأت فاعذرووني وان لم اخطأ فهذا من فضل ربي ..

والسلام عليكم ورحمة الله وبركاته

 اخوكم الصابر من سوريا

غير متصل kunda

  • اداري
  • عضو مميز جدا
  • ***
  • مشاركة: 4285
    • مشاهدة الملف الشخصي
عيوني استاد زياد المنتدى مليان مواضيع قديمة على هالامور بس ينرادلها شوية الواحد يتعب نفسة الجماعة القدماء الله يوفقهم ماخلو شي ما شرحوه حتى أجازة السياقة وما يتفرع منها

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
Kunda اشكرك على ردك الطيب ومساعدتك يا اصيل انت والاخ القيسي من السوريا والله يفرج علينا جميعا يارب بفرج عاجل قريب

غير متصل فضل الله

  • عضو فعال
  • **
  • مشاركة: 49
    • مشاهدة الملف الشخصي
شكرا اخي مهندس زياد على هذه المعلومات

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
اخ فضل الله تحية طيبة الك ومشكور اخي واحنا بخدمة الجميع ونعمل دائما بمدأ فيد واستفيد

غير متصل علي حقي

  • عضو فعال جدا
  • ***
  • مشاركة: 326
  • الجنس: ذكر
  • أرحمو من في الارض يرحمكم من في السماء لا تتكبرو
    • مشاهدة الملف الشخصي
اولآ شكرآ استاذ المهندس ثانيآ الناس كلمن يحجي شكل وحسب الي يصرفلة اشو ناس اتكول امريكة زينة وناس اتكول امريكة مو زينة وناس اتكول كندة زينة وناس اتكول كندة موزينة وكل واحد يحجي على الي يصرفلة ياريت لو احد ايخاف الله وعندا ضمير ويحجينة الصدك كله بدون زيادة او نقصان وين ماكان امريكا كندة ملينة من الاشاعات والكذب ملينة وتعرفون احنا العراقيين انسوي الحباية كباية واحدنا اذا حصل لفة فلافل ايكول اهو حصلة فد شي باهر عضيم يعني احنا هم سادة التعضيم فيا اخوان ياريت لو اتكلمونا افد شي واقعي صحيح وشكرآ جزيلآ
[/b]
أنا أنسان مسالم ومضلوم واعانيت الكثير احب الخير للجميع ولا أحد يحب الخير لي احب الاختلاط والعيش معا كل الاديان والجنسيات

غير متصل مغترب بلا وطن

  • مبدع قسم الهجرة
  • عضو مميز
  • *
  • مشاركة: 1727
    • مشاهدة الملف الشخصي
    • البريد الالكتروني
السلام عليكم

الردود هواي واني سبق ان علقت على موضوع مماثل واني وجهة نضري الحالية لاميركا هية عبارة عن نقاش بسيط بيني وبين طبيب نرويجي عمره 65 سنه ودرس بكاليفورنيا ولازال لهاي اللحظة يروح ويرجع الى كاليفورنيا , النقاش صار من جان يسويلي الفحوصات الطبية للسفر الى اميركا في مدينه بيركن النرويجية وسئلني وكال:

 
He: So you want to travel to the united states
Me:Yes Sir i would like to
He: It is the land of opportunities
Me: Not any more , last time i checked
He: STILL IT IS , the opportunities on the streets , IF YOU CAN FIND IT.

تكدر تستنتج الي تحب تستنجة , بعدني منطي لاميركا فرصة سنة و4 اشهر  حتى تحطني علا الطريق الي اريده والا اعود الى
بلد الفايكنك وهية النرويج.

تحياتي
 

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
اخ علي حقي تحية طيبة

طبعا كلامك صحيح واني هذا الشي الي اريده انو كلمن يبين وجهة نظره وبالتالي اليبين وجهة نظره راح يخوض في تجربته الشخصية وبالتالي راح نستفيد احنا من هاي التجارب ايا كانت تجارب ناجحة او لا المهم نعرف نستفيد ليش نجحت ولي لا وشنو الاسباب للحالتين حتى نحذر منها هذا هو الغرض وشكرا على مداخلتك الطيبة يا طيب

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
اخي مغترب بلا وطن شكرا على مداخلتك الطيبة

ربما صحيح كلام الدكتور وكلام حضرتك بس انت بالنروج والاعرفة انو النروج اغنى دول العالم واعلاها اجرا  فياريت توضحنا الوضع بالنروج والاجور حاليا ومثل ميكولون اهل النروج ادرى بشعابها ههههههه

سلامي الك اخي العزيز

غير متصل sparky

  • مبدع قسم الهجرة
  • عضو مميز جدا
  • *
  • مشاركة: 2183
  • الجنس: ذكر
  • || الدين النصيحه ||
    • مشاهدة الملف الشخصي
    • --الدين النصيحه --




Questions in English –
It is actually ment for those who might have proper good answers or even for certain people who are already settled over there ( in USA ) who might pass My humble questions to their Immigration Officer who is handling their settling case in USA .

Salam Alikom Dear Iraqi Brothers & Sisters
Greetings and good day to you all,
Actually this is the first time for me to write something on this good website of yours and my questions to all who probably knows , I am in need of their guidance which will assist me a lot to decide on my future ( off course it subject to approval to immigrate to USA), hence will appreciate a lot if can revert back to me on the under mentioned queries which is summarized as follows :-
1) What are the differences between people who submitted their Refugee application to the IOM as  normal  Refugees/Asylum Seekers to USA and those who had submitted their applications to the USRAP Program to immigrate to USA and what are their actual eligibilities for both programs               ( Normal Refugee & USRAP Refugees program ) ?
2)  What are the fees for attending Medical College/University, or how much do we have to pay for each Semester?
3)  I have a good post/work life down here and if for any reason that I do not intend to give it away or may be loose it , the question is this , if I decided to settle at USA then am I able to leave USA after   1- 1.5 months of my arrival there and fly back to my work here in Dubai after leaving my family members behind ( USA ) avoiding the hustle of locating a job in a place where the majority nowadays are jobless & seeking for a job to make a living ( off course baring in mind that I should not leave USA for more than 6 months in a time otherwise the Visa will no longer be valid and also self & family members might loose their chance to get the Green Card after one year residence) .
4)  I had conducted the 2nd interview at Jordan April 2010 and I was supposed to have the Jury interview at Jordan-Amman on 20th August 2010 but for some reasons IOM Amman decided that my case has been transferred to Turkey and I have been waiting ever since to this 3rd interview which is supposed to be with the USCIS  Jury, can anyone tell me how long does it take to hear any news about it also on whether the interview will be conducted here at United Arab Emirates – Dubai or Turkey

My Warmest Regards
Your sincere Pal – SPARKY -




السلام عليكم ايها الطيبين العراقيين المهجرين الشاكين امورهم وامور بلدهم لله وفي كل مكان

لدي الاسئله التاليه وساكون شاكرا لسعة قلبكم وتحملكم لاسالتي التي يقترن بها مصير عائلتي الكبيره يحفظنا الله وعوائلكم جميعا فان تواجد من يستطيع الاجابه فليفعل وان لم يستطع ليترك لغيره المجال بذلك وجزاكم الله الف خير مقدما :-
•   ا)  فحبيت اعرف ماهو الفرق بين الذي يقدم كلاجئ عادي والذي عمل مثلا مع الصحافه او الذين يحق لهم التقديم لبرنامج التوطين بامريكا المسمى يو اس راب   
 USRAPوقدمت لبرنامج  لانني عملت في مجال الصحافه وللاسف هددت لعملي
•   ب) كم هي تكاليف الدراسه لكلية الطب او كم تكلف السنه الدراسيه الواحده بالنسبه للذين يوافقوا عليه التوطين بامريكا وكذلك تكاليف الدراسه للمدارس الثانويه الصف الرابع العلمي كمثل لما اذكره
•   ج) طبعا انني اريد ان احسبها زين قبل ان اخطي وساكون ممنون منكم لو اجبتم على اسالتي حتى نحسبها قبل مانتورط ومثلما نسمع من كثيرين الذين عانوا من قلة التخطيط اللي معظمنا كعراقيين نفتقده حالنا حال البطاقة التموينيه اللي بقدرة قادر كنا ولانزال نعتمد عليها ولله الحمد والشكر دوما ومن دون شك. المهم في حالة وافقوا عليه للتوطين بامريكا باذن الله طبعا فهل يحق لي انا مثلا ولوحدي بعد وصولي لامريكا من ان اترك عائلتي هناك بامريكا بعد شهر او شهر ونص لارجع لشغلي المتواجد هنا في دبي والاستمرار بعملي بدل ماراح اتبهذل بالبحث عن سبوبة للرزق في مكان فيه بطالة كثيره وازمة اقتصاديه عالميه وخلال ستة شهور ارجع لامريكا حتى لااخالف قانون الهجره اللي لازم اتواجد لفترة لاتزيد عن ستة شهور خارج امريكا حالها حال معظم قوانين الهجره بالعالم .
•   د)هل هناك يعرف مواعيد تواجد او كيف يعرف مواعيد تواجد هيئة المحلفين في دولة الامارات او تركيا حتى نصبر نفسنا بالامل لانهاء شئ نتمنى ان ينتهي بما هو خير لنا وللجميع التوفيق ودمتم سلمين غانمين اللهم امين بجاه رب العالمين
 
•   – تحيات اخوكم الشايب– سباركي -   

•   ملاحظه : لقد كتبت اسالتي ورسالتي المتواضعه هذه باللغه الانكليزيه ليتمكن من هم من الاخوه المستقرين بامريكا ان يوصلوها لمسؤول التوطين المسؤول عنهم بامريكا ليتمكنوا من الحصول على الاجابه الصحيحه لاسالتي ولايحتاجوا لترجمة اسالتي ويتعبون انفسهم بذلك ودمتم سالمين غانمين
-- لو تجري جري الوحوش غير رزقك ماتحوش --
-- واحدنا مثل عود البخور ..يحترق ومايطلع منه غير بس ريحة المسك والعنبر --

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
اخي سباركي تحية طيبه

شكرا على اجاباتك ومشاركتك بس اخي اريد اوضحلك شي الك وللاخوة احنا العراقيين شمجلبين بالهندسة والطب انت من توصل لامريكا ان شا الله كل الافاق راح تنفتح كدامك بس احنا العراقيين مالنا جارة بالنا وعقلنا بعده معشق على سوالف التعليم العراقية التعبانة الفاشلة اريد ولدي كلهم اطباء لو مهندسين اخي العزيز انت لو تدرس علم اجتماع ساعتك مثل ساعة الطبيب والمهندس بعدين من هسه خل اكلك او ابشرك اي شعادة من العراق نكعها واشرب ميها تحياتي

غير متصل Firas_msc

  • عضو فعال جدا
  • ***
  • مشاركة: 190
  • الجنس: ذكر
    • مشاهدة الملف الشخصي
    • البريد الالكتروني
السلام عليكم

المهندس زياد شوي شوي علينا مو هيج اعصابك انته لما طرحت موضوعك لازم تتوقع انه اكو اراء سلبية وايجابية المفروض يتسع صدرك النا اكثر من هيج
 اولا اني مو استاذ اني استاذة ههههه يعني اني بنية  مو ولد

ثانيا اني عايشة بتركيا ومااعتقد ان تركيا دولة فاشلة (مجرد رأي)

 ثالثاً  ان شاءالله تعالى اذا رب العالمين سهل النا وسافرنا لامريكا فاعرف انه امريكا صعبة ولازم الواحد  يشتغل ومن كل هالامور اللي نعرفها على الاقل راح اكدر احصل على عمل لاني خريجة جامعة بغداد 2004 وجنت ببغداد كل ماريد احصل على تعيين لازم يكون عندي واسطة(اسفة  اني خرجت عن الموضوع)  تعرفون بعد ماساة الحصول على وظيفة بالعراق.
 زين واذا اكولج ... اذا اكو شي تعيس بالعراق فهو التعيين .. اني تعينت  .. وانهزمت من التعيين وهسه صارت عندي عقده كل ما واحد يكول اني موظف احتصر من يمي

رابعا الحمدلله والشكر اني وزوجي متقنين اللغة الانكليزية وخصوصا انه اختصاصي لغة انكليزية ان شاءالله هذ ا الشي يساعدنا بامريكا  ولازم نخلي عدنا امل اللي خلقنا ماينسانا واعرف هواي ناس بامريكا طلعو ب2005 و 2006 كل مااحجي وياهم يكولولي الحياة صعبة اكوللهم زين ارجعو يجاوبوني لا مانكدر بعد بنينا حياتنا وتعودنا عالعيشة بامريكا .

خلاصة الكلام يااخي العزيز لحد الان بالنسبة الي ماشفت واحد رجع من امريكا وبالنفس الوقت احنة مخليين ببالنا السيئات قبل الايجابيات وربك ماينسه عبده وشكرا على طرحك لهذا  الموضوع  واكرر شوي شوي علينا هههههه

واسفة على الاطالة  .
Dont Try to Fix me i'am Not Broken