يا ذكريات الزمـن الجميل

[angie-dawood]

ذكريات الزمـن الجميل
وعلى أحلى عراقيـين



للغوالي لكل عضو من اعضاء منتدى عنكاوه  وكل مغترب ببلاد الغربه
المهم خمطلكم جم صورة تذكركم بالايام الخوالي
ايام ما آعتقد احد يكدر ينساهه
يله شوفوا

أيــام الشته ما تنسي .وخصوصاً من نكون مگرفعين من البرد وملتفين بالبطانيه وكلها گاعده على الزوليه
وأحلى فقره من نحط الكتلي على الصوبه
ومن يجي فلم السهره تحمي الكستانه وعلى غفله تنفجر عليك ((سعاااااااااااده))






ليش والصـمون الحار أبو الكَاع وأول ما يجي تسوي لفه مال موز نوتيلا  الله

والگمع مالته ..مستطيل مدعبل متلگي مثله





والخبز أول ميجي بس يعجبك تكرزه
وتحط جبن ونعناع ايباااااااااااااااا
مو خبز تكول فوستوق





وين أكو أحله من يوم الاحد وريوگ يوم
الاحد
والعائلة كولها ملتمه والميز كله گيمر والخواشيگ هناك وهنا
وتبدي العركه منو ياخذ القطعه الأكبر
وكالعاده لو تنتهي بعركه لو كل واحد ينكتل ويگعد عاقل





الكبــاب والشماطه طوي أقصد الطماطه شوي
وويه البوصل واللفه تغدي بخته من الحراره وأهم شي الكمع الله





ونجي على العيــد
وكليجه أم التمر بالسمسم
والله العيد من غير الكليجه مو عيد
بالمناسبه دااكل كليجه هسه وجااي
بس غصيت..هع ماعرف شنو السبب؟
والله والله تمنيت ادزهه الكم




وأحلى شي بالعيد فقره الغده ((بعد العيديات موباشرة))
القووووووووووووووووووووووزي الحااااار
وتفتح الجيس تطلعلك البوخه وتدوخ وتباوع منا منا وتبدي تثرد وعلى غفلله تجي الوالده وتگرصك شلون گرصه ويطلع العيد من خشمك




ووره الغده ماكو أحلى من استكان الجاي أبو الهيل
يعدل الدماااااااااااااااااغ





وفي أيام الصيف الموشمسه والكهرباء مطفيه
وأبو المولده مخلص كاز
وگلبك محروگ على الكبد
ماكو أطيب من الرگي ينزل على گلبك مثل الثلج
بررررررررررررررررررررررررر




واللبلبي وما أدراك ما اللبلبي
احلى لحظات من تكون ميت من الجوع وهستوك طالع من المدرسه وشفت ابو لبلبي وكتل عليه مثل الذبان بحيث بودك تسوي تفجير انتحاري
وشوف الكاسه الي تنگط ورد





وأكيد ما ننسه بت عم اللبلبي خاله فاصوليه بللحم
ويه التمن
بودك تذب زروگ بالماعون




الاعظميه والگريــــعات ..وما أدراك ما الاعظميه وما الگريــــعات



علم من أعلام بغداد (الله )
أحلى هوه وأحلى سمچ


أيــام الشباب الزيزفوني
أيام الأبتدائيه جانت سفراتنه كولها لو للريحانه لو برج بغداد
ومن نروح برج بغداد عبالك برج أيفـل ممصدگيــن




ليــل بغداد .. أجمل لوحة

الي يشوفها يگول لا فيگاس براس السنه اي والله
ومثل ما يگول السياب
الشمس أجمل في بلادي من سواها ..والظلام حتى الظلام أجمل
فهو يحتضن العراق




.
أحلى ما في الذكريات انها في العراق
ودعونا نرى ذكرياتكم وأحلى لحظاتكم


لحد يبچي لخاطري والله احس بيكم راح تبجون  


تحياتي لكم

منقول

[myacob]

؛؛؛؛اخـــــت انجـــــــي؛؛؛؛
دائمـــا تتمـــيزي بالمواضيـــع الرائعــــة
برقـــة الكلمـــات التــــي تنثرينهــــا
سطـــور مـــن ذهـــب اهنيـــك علـــى هـــذا الاختيـــار
استمـــري هكـــذا ياروعــــة ؛؛؛؛؛؛؛
حتــــى تكونــــي نجــــمة فــــي سمــــاء
ابدعــــت فــــي طرحـــــك المميــــز
كلمـــــات فــــي منتهـــى الجمــــال
سلمــــت يداك علــــى هـــذا الأبـــداع
اشكـــرك علـــى النقـــل المميـــز الرائـــع والجميـــل
تقبـــلي اجمـــل وارق تحيــــه منـــــي
؛؛؛؛ميخــــائيــــــل؛؛؛؛

[мαяyαи]

هاية شنو حبيبتي انجي شسويتي بينا 

صدك ايام ما تنسي ذكرتينا بأيام الهنا وهاية اول صورة بالضبط مثل صوبتنا بالعراق ههههه

واحلى شي اني عجبني الكاهي والكيمر الله هسة بعمان بدل الكيمر الصبح يجيبون حمص ودائما اتخيل انه هي كيمر 

تسملين حبي انجي عالموضوع الحلو ولو هو يقهر بس بيه ذكريات جميلة لكل العراقيين 

[كاتلوني الى الابد]

تسلمين اخت انجي على هلموضوع الجميل والذي يثير ذكرياتنا الجميلة
اختي العزيزة دمرتيني بالقوزي وذكريات الاعظمية وانا ابنها

[Sound of Soul]

انجي شهيتينا هذا الصموووون الحارررررررررررر
صدك هنا اكو صمون بس مو مثل اللي ببغداااااااااااااااد
الله يا انجي خليتي شريط الذكريات يمر ببالي كانه كان
فلم خيالي مر بعمري وانتهى شوكت ما ادري؟ 
عاشت ايدك حبيبتي
تحياتي

[العقيد]

الله اخت انجي انا من صدك جعت هسه شاكل
اروح للكببجي لو اروح اجيب قوزي لو ابو الجاي
بس احسن شي اكابل طلتالاعظمية واكعد ابجي

تسلمين موضوع جدا اعجبني

[شموسه123]

انجي حبيبتي شذكرتينه خصوصا الاعظميه اويلي حبي مبدعه دومج

[بغداد بقلبي]

عاشت ايديكي انجي على الصور بالفعل ايام بتجنن وذكريات جميله ودايما الانسان يحتاج الذكريات الجميله للاحساس بالامان عند فقدانه

[angie-dawood]

؛؛؛؛اخـــــت انجـــــــي؛؛؛؛
دائمـــا تتمـــيزي بالمواضيـــع الرائعــــة
برقـــة الكلمـــات التــــي تنثرينهــــا
سطـــور مـــن ذهـــب اهنيـــك علـــى هـــذا الاختيـــار
استمـــري هكـــذا ياروعــــة ؛؛؛؛؛؛؛
حتــــى تكونــــي نجــــمة فــــي سمــــاء
ابدعــــت فــــي طرحـــــك المميــــز
كلمـــــات فــــي منتهـــى الجمــــال
سلمــــت يداك علــــى هـــذا الأبـــداع
اشكـــرك علـــى النقـــل المميـــز الرائـــع والجميـــل
تقبـــلي اجمـــل وارق تحيــــه منـــــي
؛؛؛؛ميخــــائيــــــل؛؛؛؛

اسعدني مرورك الجميل الذي زين صفحتي  اخي ميخائيل

لك خالص ودي

[❤❤ RoLa ❤❤]

تسلميـــــــــن حبيبتي انجـــــــــــي الوووووردة
والله ايااام حلووووووووووووووووووة

والله شهيتيني هههههه


عااااااشت ايدج قلب

تحياتي رولااااا

[angie-dawood]

هاية شنو حبيبتي انجي شسويتي بينا  

صدك ايام ما تنسي ذكرتينا بأيام الهنا وهاية اول صورة بالضبط مثل صوبتنا بالعراق ههههه

واحلى شي اني عجبني الكاهي والكيمر الله هسة بعمان بدل الكيمر الصبح يجيبون حمص ودائما اتخيل انه هي كيمر  

تسملين حبي انجي عالموضوع الحلو ولو هو يقهر بس بيه ذكريات جميلة لكل العراقيين  

مرورك الاحلى حبي فعلا ذكريات جميلة  تبقى على بالنا وين ما نروح  انشاءلله السلام والامان ببلدنا الحبيب

[angie-dawood]

تسلمين اخت انجي على هلموضوع الجميل والذي يثير ذكرياتنا الجميلة
اختي العزيزة دمرتيني بالقوزي وذكريات الاعظمية وانا ابنها

اسعدني مرورك اخي الغالي وابن الاعظمية وبالنسبة للقوزي  فعلا  شكد ما ناكل هنا اكل رغم هم من محلات عربية ونفسها الوالدة تطبخه  بس المكان مو نفس المكان الي جان يلمنا  كلنا عائلة وحده ابيت واحد يكون الاكل اكثر بيه طعم واكثر تكون حلوه المناسبة هنا ياخي ما تحس بطعم العيد ولا اي مناسبة مدام مو كل اهلك يمك صعب جدا الاهل يتفرقون كل واحد بدولة  بس نسمع اخبارهم من خلال الاتصال  بيهم وهم نكول الف حمدالله والشكر على اي حال احسن ما كانوا باقين بالعراق وبالنا اكثر مشغول عليهم حمدالله والشكر

شرفت صفحتي بمورك الكريم اخي كاتلوني

[angie-dawood]

انجي شهيتينا هذا الصموووون الحارررررررررررر
صدك هنا اكو صمون بس مو مثل اللي ببغداااااااااااااااد
الله يا انجي خليتي شريط الذكريات يمر ببالي كانه كان
فلم خيالي مر بعمري وانتهى شوكت ما ادري؟ 
عاشت ايدك حبيبتي
تحياتي

نعم حبي اكو هنا صمون وكل الي موجود بالصورة بس وي منو تاكلين وتشتهين الاكل والاهل كل واحد بدولة حتى ما نحس بطعم الاكل ولا عندك نفس تاكلين  بدون لمت الاهل وكعدات الاخوات وسوالفهم نظل نتحصر للايام الي راح وماممكن ترجع 

[echo 9]

السلام عليكم
عاشت ايدج اخت انجي
ولو انا لهسه بعدني بالعراق وما جاي احس بغربة واشتياق للي موجود بالصور مثل اللي متغرب بس صدكوني مع وجودي بالعراق بس اشعر بان الكعدات الحلوة واللمة ماعادت موجودة مثل قبل وحتى ان وجدت فهي فاقدة للحميمية الكانت تجمعنا قبل اي والله
هسه حياتنا لا طعم بيها ولا ذوق ابدا .
علواه على ايام قبل واللمة الحلوة للعائلة العراقية .
تسلمين اخت انجي ومشكورة على هالمجهود

[angie-dawood]

الله اخت انجي انا من صدك جعت هسه شاكل
اروح للكببجي لو اروح اجيب قوزي لو ابو الجاي
بس احسن شي اكابل طلتالاعظمية واكعد ابجي

تسلمين موضوع جدا اعجبني

نورت صفحتي اخي العقيد

[angie-dawood]

انجي حبيبتي شذكرتينه خصوصا الاعظميه اويلي حبي مبدعه دومج

منوره حبي شموسة  ماعرف شنو اجه ببالي وجمالة  بحياتي مشايفتها الاعظمية حبي الموضوع منقول بس سويت شوي تغير بيه كلت خلي نرجع ايام العراق وخصوصا صورة الصوبة الي جان عدنا منها بالعراق منور قلبي

[angie-dawood]

عاشت ايديكي انجي على الصور بالفعل ايام بتجنن وذكريات جميله ودايما الانسان يحتاج الذكريات الجميله للاحساس بالامان عند فقدانه

وانت العايش اخويه نورت الموضوع

[angie-dawood]

تسلميـــــــــن حبيبتي انجـــــــــــي الوووووردة
والله ايااام حلووووووووووووووووووة

والله شهيتيني هههههه


عااااااشت ايدج قلب

تحياتي رولااااا

وانتي السالمة حبي رولا1 منوره 

[angie-dawood]

السلام عليكم
عاشت ايدج اخت انجي
ولو انا لهسه بعدني بالعراق وما جاي احس بغربة واشتياق للي موجود بالصور مثل اللي متغرب بس صدكوني مع وجودي بالعراق بس اشعر بان الكعدات الحلوة واللمة ماعادت موجودة مثل قبل وحتى ان وجدت فهي فاقدة للحميمية الكانت تجمعنا قبل اي والله
هسه حياتنا لا طعم بيها ولا ذوق ابدا .
علواه على ايام قبل واللمة الحلوة للعائلة العراقية .
تسلمين اخت انجي ومشكورة على هالمجهود

اهلا  ابو خالد  انشاءلله عن قريب نسمع خبر موعد سفرك وترتاح وتستقر منور اخي

[ملكة الورد]

الملكة انجي الله عليج صدك ذكرتيني بايام زمان احلى ايام صدك ما تنسي ابد من جان العراق بخير بس نسيتي سمج مسكوف وتمر البصرة  شكرا الج احلى انجي

ملكة الورد

[غــــــــزل]

شنوووووووووووووووو يعني بعد ماترجع هاي الايام 


الله يخليكم خلينة ولو ع امل بسيط بأنوووووووووو ممكن ترجع هاي

الايام والذكريات الحلووووووووووة

مشكورة دلب انجي 

تحياتي

غزل

[angie-dawood]

الملكة انجي الله عليج صدك ذكرتيني بايام زمان احلى ايام صدك ما تنسي ابد من جان العراق بخير بس نسيتي سمج مسكوف وتمر البصرة  شكرا الج احلى انجي

ملكة الورد

منوره حبي وهاي سمك مسكوف وتمر عراقي  تدللي نسيت اخليهم ذكرتيني بيهم  ايام ما ممكن ترجع ويرجع بلدنا مثل قبل الله كريم مرورك اسعدني حبي

[angie-dawood]

شنوووووووووووووووو يعني بعد ماترجع هاي الايام 


الله يخليكم خلينة ولو ع امل بسيط بأنوووووووووو ممكن ترجع هاي

الايام والذكريات الحلووووووووووة

مشكورة دلب انجي 

تحياتي

غزل

هلو غزالتي منوره حبي انشاءلله ترجع ماكو شي بعيد يم رب العالمين  كل بداية لا بد الها نهاية والله كريم

[أبن زيونة]

هلوووووووووووووو أنجي عيني ورا كل هالصور التعذيبيه وتگولين احس بيكم راح تبجون  دمرتينه يمعوده كل هالصور وهالذكريات الحلوة يابه غير أيام رجعتينه عليها والي العلم عنده الله مراح ترجع ولا راح نشوفها أو نحس بيها مثل قبل حتى لو رجعت
وهمين مع الأسف ويا حيف ووسفه عليك يا عراق والله العظيم غصتك راح تظل بالقلب بس شنگول شنحجي الله ينتقم من الي كان السبب

المهم عاشت ايدج أنجي على الصورة والذكريات ولو ادمرنه شوية بس تبقى عدنه ذكريات حلوة بهاي الصورة لأن بكل صورة النه ذكرى واني كل هالصور عايش بيها وشايفها والأغلبية اكيد مثلي بس الرگي بالصيف ورا الغدا لو العشا يابووووووووووووو والحمص من العربانه بالشتى ياااااااااابه وكلشي سبحان الله اله نكهة بالعراق غير شكل
والحمد لله على كلشي

سلامي وتحياتي

[/b]

[kfc_w2002]

رغمممم غدر الزمان الذي بعثرنا لازالت هناك ذكريات تجمعنا وحبنا لعراقنا يحيينا ولحن الوفاء الذي بدمنا يغنينا
الغاليه انجي موضوع رائع كروعتك اثار فينا مشاعر الحب والحنين ولانك تحملينها وتتأصلين باصلك الطيب تسعين دوما لتوطيدها في نفوس الاخرين حياك الله وباركك ياطيبه
تحياتي وامتناني