كل من يريد فيزا شنكن وتحديدا جماعة عمان وبغداد لا غير

المحرر موضوع: كل من يريد فيزا شنكن وتحديدا جماعة عمان وبغداد لا غير  (زيارة 6634 مرات)

0 الأعضاء و 1 ضيف يشاهدون هذا الموضوع.

غير متصل متغرب وضايج

  • عضو فعال
  • **
  • مشاركة: 48
  • الجنس: ذكر
    • مشاهدة الملف الشخصي
السلام عليكم
اخواني اني كلش من متابعي هذا المنتدى اني قررت اليوم اسوي هاي الجمعيه واعرض خدماتي للر يريد فيزا شنكن بشكل رسمي ميه بلميه وراح افصل كلشي وراح اكرر فقط جماعه عمان او بغداد
جماعه عمان لا يسال لا يحاول اي واحد ماعندع اقامه فقط للى عدهم اقامات
جماعه بغداد الكل مشمول
لكن العمر هو من مواليد 83 فاكبر هذوله سعر و83 واصغر سعر اخر
الاكبر فيحصل على فيزا تجاريه
اما الاصغر فيحصل على السياحيه
اما الاسعار علمود منتعب بلحجي
التجاريه 15000 دولار
السياحيه 17000 دولار
والفلوس لا تسلم الا بعد استلام الفيزا من السفاره وبنفسك مو بعد شويه واحد يسال يكلي تهريب وتزوير وقشمروا ابن خالتي اول العام اني ما احب اسئله من هل نوع وما احب واحد يسال بطريقه امنيه لانه كلبي خلصان الى يستفاد من هذا الايميل يدز مسج على الخاص واحجي وياه 
تقبلوا تحياتي
The Iraq Will Stay Free For Ever

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
اخي انت لوتي لو دتستلوت

اهنا بعمان اي محامي يدبرلكياها ب 5000 دولار للمقيم هيه مال دروب
روح العب بعيد بابا

غير متصل متغرب وضايج

  • عضو فعال
  • **
  • مشاركة: 48
  • الجنس: ذكر
    • مشاهدة الملف الشخصي
اذا انته صدك تحجي اني زلمه وانته زلمه اني ادفع 5000 وكدام عين كاوه كله وطلعلي وحده لصديقي بيها شي ؟
The Iraq Will Stay Free For Ever

غير متصل انتظار

  • عضو فعال جدا
  • ***
  • مشاركة: 106
    • مشاهدة الملف الشخصي
السلام عليكم
المهندس زياد اذا ممكن سؤال يعني اي محامي لو محامين خاصين ياريت توضح مع الشكر

غير متصل salih alassifi

  • عضو فعال جدا
  • ***
  • مشاركة: 787
  • الجنس: ذكر
  • برشلونة حبي وحياتي
    • مشاهدة الملف الشخصي
زين حبي ما اهي الشنكن يعني فيزا لوين ؟؟

غير متصل IMMIGRANT2

  • عضو فعال جدا
  • ***
  • مشاركة: 416
    • مشاهدة الملف الشخصي
اخي الفيزه هنا بالعراق ب80 ورقه بس ومظمونه وتدفع هنا نص ومن توصل للدوله الي تريدها تدفع نص عن طريق شخص تأمن بي انته وصاحب الوكاله.....هههههههههههههههه

غير متصل SARA CALIFORNIA

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
زين حبي ما اهي الشنكن يعني فيزا لوين ؟؟
لاوربا اخي.....

غير متصل ألن في بلاد العجائب

  • مبدع قسم الهجرة
  • عضو مميز متقدم
  • *
  • مشاركة: 5037
  • Lives in North Pole
    • مشاهدة الملف الشخصي
السلام عليكم
اخواني اني كلش من متابعي هذا المنتدى اني قررت اليوم اسوي هاي الجمعيه واعرض خدماتي للر يريد فيزا شنكن بشكل رسمي ميه بلميه وراح افصل كلشي وراح اكرر فقط جماعه عمان او بغداد
جماعه عمان لا يسال لا يحاول اي واحد ماعندع اقامه فقط للى عدهم اقامات
جماعه بغداد الكل مشمول
لكن العمر هو من مواليد 83 فاكبر هذوله سعر و83 واصغر سعر اخر
الاكبر فيحصل على فيزا تجاريه
اما الاصغر فيحصل على السياحيه
اما الاسعار علمود منتعب بلحجي
التجاريه 15000 دولار
السياحيه 17000 دولار
والفلوس لا تسلم الا بعد استلام الفيزا من السفاره وبنفسك مو بعد شويه واحد يسال يكلي تهريب وتزوير وقشمروا ابن خالتي اول العام اني ما احب اسئله من هل نوع وما احب واحد يسال بطريقه امنيه لانه كلبي خلصان الى يستفاد من هذا الايميل يدز مسج على الخاص واحجي وياه 
تقبلوا تحياتي

كولش عاليه الاسعار حبيبي


انا اقدم المعلومه الصحيحه لكل الاشخاص بعيدا عن التمييز الديني و العرقي و اللون و الطائفي .......

غير متصل SARA CALIFORNIA

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
يعني الاطفال اغلى فيزتهم؟؟؟ :o

غير متصل متغرب وضايج

  • عضو فعال
  • **
  • مشاركة: 48
  • الجنس: ذكر
    • مشاهدة الملف الشخصي
بالنسبه الى الاخ الن ليش انته تعرف واحد يسوي ارخص اذا كان في عمان او العراق ولا تكلي ابن خاله صديقي طلع وماعرف منو انته تعرف واحد سوال واضح اذا تعرف ياريت تكتبلي اكون ممنون الك
انا بالنسبه الى الاخت ساره نعم الاطفال اغلى ؟
The Iraq Will Stay Free For Ever

غير متصل غزوان الاعظمي

  • عضو فعال جدا
  • ***
  • مشاركة: 543
  • الجنس: ذكر
  • رغم أنهم أحبوهم إلا أنهم قتلوهم ..
    • مشاهدة الملف الشخصي
هاي الاسعار صحيحه طلعو اقاربي من بغداد بهذا السعر صحيح

بس سالفه المواليد ماكو لان واحد منهم 1986 و ثنين كبار

تحياتي
دار للبيــع ....

إسم الدار
♥♥ الجنة ♥♥
عدد أبوابها
♥♥ ثمانية ♥♥
مفتاحها
♥♥ لاإله إلاالله ♥♥
الموقع
♥♥ الفردوس الأعلى ♥♥
نوع البناء
♥♥ لبنة من ذهب ولبنة من فضة ♥♥
المساحة
♥♥ كعرض السماء والأرض ♥♥
الثمن
♥♥ ألا تشرك بالله ♥♥
موعد الإستلام
♥♥ يوم القيامة ♥♥
خاص
♥♥ للمتقين ♥♥[

غير متصل فـلـونـا

  • عضو فعال جدا
  • ***
  • مشاركة: 869
    • مشاهدة الملف الشخصي
زين بس عندي سؤال...
عود ليش مواليد 83 يعني شبيها هذي السنة شي مميز مفتهمت؟؟

زين هسة مواليد 83 وية الكبار لو وية الصغار؟؟

غير متصل متغرب وضايج

  • عضو فعال
  • **
  • مشاركة: 48
  • الجنس: ذكر
    • مشاهدة الملف الشخصي
عيني فلونا تره كلامي واضح لحد 83 يعتبر كبير 84 يعتبر صغير
بس لا انتي 83 اما اذا انتي 87 هم اعتبرج جبيره هههههههه
The Iraq Will Stay Free For Ever

غير متصل AmirAliraqi

  • عضو فعال جدا
  • ***
  • مشاركة: 76
  • الجنس: ذكر
  • ♥..•.¸¸•´¯`•.¸¸.ஐ
    • مشاهدة الملف الشخصي
كلام مغترب و ضايج صحيح و هي هاي الاسعار , بلنسبة لأخويه المهندس زياد اعرف واحد مريض يريد يعالج بأروبا اذا هي صدك 5000 دولار شوفلنه المحامي تكسب بيها أجر ,  ;D

بلنسبة للاشخاص اللي يدورون هجره و لجوء متفيدهم هاي السالفه , يعني حتي لو يطلع و يبقي هناك لو يمزق الجواز لو يطلب لجوء لان هسه صايره شبه مستحيل اللجوء في احدي دول اروبا و مثل مدشوفون ديرجعون بطالبي اللجوء ...

بس اذا واحد عنده سالفه هناك يروح يخلصهه و يخلي اباله يرجع , علاج , سياحه , عمل أو امور أخري



...لا يستطيع المرء أن يكون متأكدا من أنه هنالك شيء يعيش من أجله, إلا اذا كان مستعدا للموت في سبيله...
▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓
               ★           الله                   ★           اكبـر           ★
▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓

غير متصل رسلان 2

  • عضو فعال جدا
  • ***
  • مشاركة: 80
    • مشاهدة الملف الشخصي
اخواني الكرام
صلو علئ النبي  وستهدو بلرحمن
يمعودين الدنيا خلصان
اذكرو الله

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
تحية للاخوان شلع

احبابي اي محامي ممكن يستخرجها للشنكن بعمان وبالسعر الذكرته بس بشرط حاصل على اقامة دائمية في عمان ( وديعه) بالبنك اكو مكتب استشارات هجرة لكندا معروف ذولة مختصين بهاي السوالف مال الهجرة نفسهم يدبرولك شنكن لاسبانيا او رومانيا او النمسا لان اسهل الدول ذني ومكانه بالدوار الاول في عمان واذا غيرهم اي محامي عنده ارتباط بشركات هنا بعمان وكلهم يدبروها
ومو بس المحامي حتى شركات السفر والسياحة لباريس وايطاليا بس ممشكلتها دكلك بيها تبصيم يعني دوخة ودبلن وتنلاص امورنا
واني بخدمة المرضى والزلم الخشنه  ;D ;D ;D ;D ;D ;D ;D ;D

غير متصل uae123

  • عضو فعال جدا
  • ***
  • مشاركة: 550
    • مشاهدة الملف الشخصي
شكد حلو هنا بالامارات ما عندنا هيجي سوالف تفدم كشف حسابك بالبنك شافوك عندك فلوس محترم بالبنك قبلوك ما عندك فلوس بالبنك رفضوك وسعر الفيزا تقريبا 150 دولار او اقل وهاي كل القصه  ورئسا للسفاره ماكو شي بره السفاره

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
عزيزي وبالاردن هم نفس الشي وبتركيا نفس الحالة ليش بس الامارات

غير متصل غزوان الاعظمي

  • عضو فعال جدا
  • ***
  • مشاركة: 543
  • الجنس: ذكر
  • رغم أنهم أحبوهم إلا أنهم قتلوهم ..
    • مشاهدة الملف الشخصي
شباب هاي الفيزا الي تحجون عليها الرخيصه يبصموك عليها يعني مراح تكدر تطلب لجووء

بس الي يحجي عليها مغترب و ضايج مراح تبصم يعني من توصل الاتحاد الاوربي تشك جوازك و تكرمون باقرب منهول .. و مناك تطفر وين ما يعجبك .. بس هسه الاتحاد الاوربي ما ينطي لجوء اعتقد بس بلجيكا

لان حسب ما ذكرت في موضوع ثاني ابن عمي طلع صار اسبوعين و هسه في بلجيكا .. طبعاً عمتي في فرنسا و خالي في سويسرا و عمي في انكلترا و ابن خالتي في السويد و عمتي الثانيه في بلجيكا .. كلهم كلوله لا تجي لان ماكو لجوء بالدوله مالتنه بس عمتي الي في بلجيكا كلتله تعال تره فاتحين لجوء و طفر الولد و قابل اول مقابله يوم 7\4 يعني قبل 5 ايام و البارحه جنت دا اسولف ويا بس ما سألته تفاصيل .. و اعيد و اكرر ابن عمي جان يمي بعمان مقدم على iom  و ظاج من الانتضار و رجع لبغداد  طول شهر و طفر فيزا ليطاليا و مناك لبلجيكا و بنفس السعر الي ذكره مغترب...

تحياتي
دار للبيــع ....

إسم الدار
♥♥ الجنة ♥♥
عدد أبوابها
♥♥ ثمانية ♥♥
مفتاحها
♥♥ لاإله إلاالله ♥♥
الموقع
♥♥ الفردوس الأعلى ♥♥
نوع البناء
♥♥ لبنة من ذهب ولبنة من فضة ♥♥
المساحة
♥♥ كعرض السماء والأرض ♥♥
الثمن
♥♥ ألا تشرك بالله ♥♥
موعد الإستلام
♥♥ يوم القيامة ♥♥
خاص
♥♥ للمتقين ♥♥[

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3029
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
هاي فيزة بدون تبصيم احسن من فيزة تبصيم وسعرهة صح غالي بس تظمن اللجوء اخوية الدول الفاتحة بلجيكا فنلندا النروج للمترجمين وسياسي النمسا عالادلة وسنوية وتجدد في حال ظروف البلد تعببانة اما اذا مو تعبانة فسنوية ويرجعوك اذا تحسن الوضع الامني هولندا شبة معدوم اللجوء بيهة نسبة الرفض 90 بالمية اسبانيا موجود بس الراتب طايح حظة ايطاليا بس اقامة ينطون وتديح بالشارع بلغاريا راتب طايح حظة والاقامة حسب حالة القصة وضع اقتصادي سيء جدا ماكو شغل السويد لايوجد كل 100 يقبلون واحد وبالدفرات دانمارك لايوجد بريطاني صعب جدا سويسرا تاخذ لجوء بس بصعوية والراتب يادوب يكفي

غير متصل متغرب وضايج

  • عضو فعال
  • **
  • مشاركة: 48
  • الجنس: ذكر
    • مشاهدة الملف الشخصي
السلام عليكم
اخواني اخواتي الاعزاء اني من كتبت الموضوع ما احتاج واحد يكلي تبصم او لا  ولا وين راح ينطوك لجوء اساس الموضوع لليريد الفيزا وحددت السعر ولا اريد واحد يعرض اسعاره اذا اتحب اخ زياد افتح صفحه وكتب بيها معلوماتك الحلوه واني كتبتلك ياريت ادليني وعمي كدام الشباب والله انطيك هديه بس دليني
اما الاخ الى يكول اني عصبي يا اخي اذا اني هيج وشوف الردود مو شيبت على العموم اني كاتبه للفائده لا اكثر
اما اخي غزوان وامير وكل الطيبين اشكركم على المعلومات الحلوه
اشكر كل الاخوه الي شاركو باحترام
تقبلو تحياتي
The Iraq Will Stay Free For Ever

غير متصل NEVER FORGET

  • عضو فعال
  • **
  • مشاركة: 40
    • مشاهدة الملف الشخصي
الف هلا واحد يرفع  والثاني يكبس
اخوان انتو ليش هالجدال اللي مابي اي فائدة تريد تفيدون القراء واعضاء المنتدى
بشغلة الفيزة
اكتبو ارقام المكاتب والاشخاص اللي يسوون الفيزة
واختصروا كل هالجدال والكلام
واحد لوتي والثاني يريد يفتح ساحة ويتعارك
الف هلا باللاجئين

غير متصل owenh79

  • عضو فعال جدا
  • ***
  • مشاركة: 108
    • مشاهدة الملف الشخصي
والله يابه كلامك ذهب اخوية  Never Forget.

بالنسبة للاخ متغرب وضايج ,اذا كان يقصد فيزة شنغن بدون بصمة, فكلامه صح.

بالنسبة للاخ مهندس زياد و uae , اذا تقصدون فيزة و بيها بصمة, هم صح.

بس حبيت استفسر من الاخ uae 123 اني هماتين عندي اقامة بالامارات ,ممكن توضحلي بالتفصيل اذا امكن اشلون اكدر احصل فيزة ب 150$؟ و سؤال ثاني, تكدر تحصل فيزة للكندا او استراليا من الامارات؟

بالنسبة للاخ علي النعيمي,انته متاكد النرويج و سويسرا و السويد دتنطي لجوء؟ انته وين حاليا باوربا لو بالعراق؟

 ان شاء الله كلنا اخوان و رجاءا اخواني و اخواتي الاعزاء حاولوا تجنبون المشادات الكلامية ,ترة الاعتقالات عشوائية,هههه, لا ترة اتشاقة وياكم بس حبيت الطف الاجواء و خصوصا بين الاخوان متغرب وضايج و مهندس زياد.

تحياتي..............

غير متصل NEVER FORGET

  • عضو فعال
  • **
  • مشاركة: 40
    • مشاهدة الملف الشخصي
اخي صالح العسافي انته مو من محبي نادي برشلونة
وين منسم خارج نطاق التغطية وتسأل هذي الشنكن شنو فيزة او غير شي
مو انته اول واحد لازم تعرفها لان تفكر تشوف مباراة الكتلوني برشلونة باسبانيا
لو بس اسمك بالحصاد ومنجلك مكسور

غير متصل NEVER FORGET

  • عضو فعال
  • **
  • مشاركة: 40
    • مشاهدة الملف الشخصي
انته الذهب اخي  owenh 79 
والله الكل اخوان بس مترهم واحد يقسم للثاني

واخوية العسافي اني اتشاقه وياك انته برشلوني غالي

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3029
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
اخي اون تعتمد على قوة الادلة بس ماانصحك بالسويد نهائيا واذا كنت مشتغل وية الامريكان نسبة القبول 90 بالمية سويسرا تنطي بس تاخذ وقت طويل جدا واحسنهن حاليا بلجيكا والنروج فكر بهاي الدولتين النروج للمترجمين تنطي حاليا وية الي مشتغل وية الامريكان قوة الادلة هية الي تساعدك

غير متصل علاء العزاوي

  • عضو جديد
  • *
  • مشاركة: 4
    • مشاهدة الملف الشخصي
شكرا مغترب وشكرا المهندس على هذه المعلومات بس اذا ممكن ارقام تلفون او عناوين المكاتب او طريقه للاتصال بالمغترب لمعلومات اكثر

غير متصل salih alassifi

  • عضو فعال جدا
  • ***
  • مشاركة: 787
  • الجنس: ذكر
  • برشلونة حبي وحياتي
    • مشاهدة الملف الشخصي
انته الذهب اخي  owenh 79 
والله الكل اخوان بس مترهم واحد يقسم للثاني

واخوية العسافي اني اتشاقه وياك انته برشلوني غالي
هههههههههههه لا حبيبي الغالي الف هلا بيك بس اسف هسه يله قريت ردك اني بعمان دانتضر الامنية مال امركيا ال iom وجنت مفكر من اورح لامريكا واجنس وراهه اقتح جمبر بالكامب نو  ;D ;D

غير متصل ARMY STRONG

  • عضو مميز جدا
  • *****
  • مشاركة: 4216
    • مشاهدة الملف الشخصي
صارلي 5 ايام احوص اريد اشارك بهذا الموضوع بس تدرون ;D جنت مسافر ;D

اكلك حبي تره ماكو هيج اسعر بغداد
اني اخذتها ب 13000$
و اكو ب 12000$

ARMY STRONG
بلاك لست عتيك ;D

اليوم آخر يوم اليه وياكم راح أروح وبالقلب ذكراكم
 وعد مني إلكم وأحلف يمين لو وكف قلبي ولا أنساكم
 

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
اخ متغرب وضايج

اني ذكرت الجواب على سؤالك مال انطيني وانطيتك عناوين
بعدين حبي انت مو مضروب بوري بالسويد وتريد اطلع ضوجتك علينه هههههههههههههههههههه ;D ;D ;D ;D ;D اني مقيم بعمان واعرف هذا شي صارلي سنتين او اكثر ودروب التقفيص خل يولن

تحياتي

غير متصل ARMY STRONG

  • عضو مميز جدا
  • *****
  • مشاركة: 4216
    • مشاهدة الملف الشخصي
كم واحد فيز من الاخ لحد الان ::)
يعني ضرب سوكنا اللاخ تره مايصير هيج >:(

ARMY STRONG
بلاك لست عتيك ;D

اليوم آخر يوم اليه وياكم راح أروح وبالقلب ذكراكم
 وعد مني إلكم وأحلف يمين لو وكف قلبي ولا أنساكم
 

غير متصل matrix iraq

  • عضو فعال جدا
  • ***
  • مشاركة: 322
  • الجنس: ذكر
  • انا مهاجر بلا وطن
    • ياهو مسنجر - matrix
    • مشاهدة الملف الشخصي
شباب عدي فيزة 13500 $ جو السوك  مال تعزيلة  ;D ;D ;D

وياهة طفلين هدية  ;) ;) ;)

و فري شبنك

و ضمان خمس سنوات وخدمات ما بعد البيع  ;D ;D ;D


تحياتي
ابو عذاب الوردة


يا صاحب الهم ان الهم منفرج ... ابشر بخير فان الفارج الله
أذا بليت فثق بالله وارضى به... ان الذي يكشف الهم هوة الله

غير متصل ARMY STRONG

  • عضو مميز جدا
  • *****
  • مشاركة: 4216
    • مشاهدة الملف الشخصي
ها ها ها على كيفكم يمعودين :o :o

الي عنده شنغن يبيعها و يطفر  ;D بدون ما يسوي مشاكل
هو هذا السوك ربح و خساره و المنافسه مشروعه ::)


عندي شنغن ب 3000 هل من شراي ;D

اليوم آخر يوم اليه وياكم راح أروح وبالقلب ذكراكم
 وعد مني إلكم وأحلف يمين لو وكف قلبي ولا أنساكم
 

غير متصل matrix iraq

  • عضو فعال جدا
  • ***
  • مشاركة: 322
  • الجنس: ذكر
  • انا مهاجر بلا وطن
    • ياهو مسنجر - matrix
    • مشاهدة الملف الشخصي
لالالالا متسوة تتعاركون  >:( >:( >:(

وانته مغترب اشوية وخر الچنبر مالتك بعيد عن المهندس زياد  >:( >:( >:(


تحياتي
ابو عذاب الوردة


يا صاحب الهم ان الهم منفرج ... ابشر بخير فان الفارج الله
أذا بليت فثق بالله وارضى به... ان الذي يكشف الهم هوة الله

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
كدامكم شباب هو البدا واني لاجاي اتعارك ولا هم يحزنون بس الحبيب الظاهر بعدة متاثر بالبوري مال الرجوع القسري  ;D ;D :D :D :D :D ومديشوف ردودي ههههههههههه حقه الله يعينه

وميدري جملتها علية ب 7000 والله شاهد

غير متصل AmirAliraqi

  • عضو فعال جدا
  • ***
  • مشاركة: 76
  • الجنس: ذكر
  • ♥..•.¸¸•´¯`•.¸¸.ஐ
    • مشاهدة الملف الشخصي
المهندس زياد  هسه انت عليش حارك دمك ؟ قسريا و بوري و مدري شنو ؟ هههه

انت جاي تقييم حالة الولد؟ هو جاي كاتب موضوع و يكدر يساعد علي حصول فيزا شنكن بهلكد سعر و اكو ناس محتاجه هاي الفيزه و مو كل العراقيين هنا دور لجوء , اكو عالم متمكنه و تريد تطلع سياحه أو علاج أو امور أخري ..

و اني كتلك عندي مريض يريد يطلع علاج و كلت اعرف محامي وينه متكلي؟؟؟؟؟؟؟؟؟ لتكولي روح دور مكاتب و مدري شنو , وينه هو هذه ابو 5000 دولار؟ دزلي اسم المحامي و رقمه علي الخاص ...

تحياتي الكم
...لا يستطيع المرء أن يكون متأكدا من أنه هنالك شيء يعيش من أجله, إلا اذا كان مستعدا للموت في سبيله...
▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓
               ★           الله                   ★           اكبـر           ★
▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓

غير متصل AmirAliraqi

  • عضو فعال جدا
  • ***
  • مشاركة: 76
  • الجنس: ذكر
  • ♥..•.¸¸•´¯`•.¸¸.ஐ
    • مشاهدة الملف الشخصي
ولله عمي لا محترك دمي ولا شي مجرد بس داشوف موضوع الولد مابي شي هاي اولا

ثانيا اشكرك علي اسم المحامي و الرقم و ان شاءالله نتواصل ويا و اخبركم بلتفاصيل

ثالثا مثل ما ذكرت مو كل العراقيين في عمان تريد لجوء اكو ناس مستقرين و مرتبطين بأعمال في الاردن ...

و اتمني منكم عدم التجاوز و كتابة الفاظ غير لائقه ...

تحياتي الكم و اشكرك مرة ثانية علي الرقم
...لا يستطيع المرء أن يكون متأكدا من أنه هنالك شيء يعيش من أجله, إلا اذا كان مستعدا للموت في سبيله...
▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓
               ★           الله                   ★           اكبـر           ★
▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓

غير متصل متغرب وضايج

  • عضو فعال
  • **
  • مشاركة: 48
  • الجنس: ذكر
    • مشاهدة الملف الشخصي
مساء الخير جميعا
اخواني اكو احد اتصل على المحامي اشو اني اتصلت بي يكول اني ماعرف بهاي الشغله والى كاللكم على الموضوع واحد نصاب ؟ ارجو من الى اتصلو عليه يبلغونا
The Iraq Will Stay Free For Ever

غير متصل AmirAliraqi

  • عضو فعال جدا
  • ***
  • مشاركة: 76
  • الجنس: ذكر
  • ♥..•.¸¸•´¯`•.¸¸.ஐ
    • مشاهدة الملف الشخصي
مرحبااا جميعااا

اتصلت قبل كم يوم من عند الجماعه اللي كتلكم محتاجين شنكن و من شفت سعر الاخ المهندس زياد 5000 دولار و خبرت الجماعه كالو اتصل و استفسر عن الشرط و المده و باقي المسائل ...

و الاخ المهندس زياد انطاني رقم المحامي و بعد ما اتصلنه بلمحامي كال يا اخي ماكو هيج شي و اني مو شغلتي اطلع فيزا شنكن و من وين جبت رقمي ؟ و انت شسمك ؟ و مدري شنو

كتله يابه اسف , المهم تفشلنه كدام الجماعه هههههه

الله يسامحك المهندس زياد , و جماعه مخابرين الرجال قبلي ,

المهندس زياد حبي امسح رقمه الزلمه لا تغلبنه شو مالك ؟؟؟

تحياتي الكم , بس حبيت اخبركم بلسالفه

أخوكم أمير
...لا يستطيع المرء أن يكون متأكدا من أنه هنالك شيء يعيش من أجله, إلا اذا كان مستعدا للموت في سبيله...
▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓
               ★           الله                   ★           اكبـر           ★
▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓

غير متصل غزوان الاعظمي

  • عضو فعال جدا
  • ***
  • مشاركة: 543
  • الجنس: ذكر
  • رغم أنهم أحبوهم إلا أنهم قتلوهم ..
    • مشاهدة الملف الشخصي
عمي الله نطانه عقل لو اكو ب 5000 جان العراق كله طلع .. هيه تتراوح من 13000 الى 16000


تحياتي للجميع
دار للبيــع ....

إسم الدار
♥♥ الجنة ♥♥
عدد أبوابها
♥♥ ثمانية ♥♥
مفتاحها
♥♥ لاإله إلاالله ♥♥
الموقع
♥♥ الفردوس الأعلى ♥♥
نوع البناء
♥♥ لبنة من ذهب ولبنة من فضة ♥♥
المساحة
♥♥ كعرض السماء والأرض ♥♥
الثمن
♥♥ ألا تشرك بالله ♥♥
موعد الإستلام
♥♥ يوم القيامة ♥♥
خاص
♥♥ للمتقين ♥♥[

غير متصل المهندس زياد

  • عضو فعال جدا
  • ***
  • مشاركة: 96
    • مشاهدة الملف الشخصي
اكلك اخي بس اريد اسالك سؤال

انت وكرايبك بعمان صدك لو كلاوات؟؟؟؟؟

اخي هذا المحامي اني من انطي رقمة تتوقع شنو غشيم لو ما ادري وممتاكد من كلامي؟؟؟؟

زين وين عنوانه اذا انت صدك متصل بيه ؟؟؟؟

مع التحية

غير متصل bhabhan

  • مبدع قسم الهجرة
  • عضو مميز
  • *
  • مشاركة: 1273
  • الجنس: ذكر
  • ربي انت ثقتي ورجائي
    • MSN مسنجر - bhabhan_gmc@hotmail.com
    • ياهو مسنجر - bhabhan_gmc@yahoo.com
    • مشاهدة الملف الشخصي
هسه لو تفيدون الناس بصورة صحيحه لو تعزلون لانو بعدكم مافتحتوا تتعاركون وتتناوشون بالطابوك عبالك مو حجي واللي يكول ب 5000 دولار عمي اني اشتري مال 16 نفر بيهم اربع جهال ومني زيادة 500 دولار على كل واحد حتى لو تبصيم قابل واني بعمان واللي يريد يبيع يراسلني على الخاص انطيه رقمي ونتصل بببعض ونتفق بس الجذاب الله يذبه بالنار هههههههههههه
والله مكاعد اتشاقه وحتى لو تبصيم قابلينننننننننننننننننننننننننننننننننننننننننننننننننن يله وينك

غير متصل AmirAliraqi

  • عضو فعال جدا
  • ***
  • مشاركة: 76
  • الجنس: ذكر
  • ♥..•.¸¸•´¯`•.¸¸.ஐ
    • مشاهدة الملف الشخصي
اي خويه بعمان لعد وين بكربلا؟

و لا كلاوات ولا شفقات هو نفس الرقم
اسمه : محمود ابراهيم العنزاوي
موبايل 0798296030

و شنو وين عنوانه ؟ كتلك اتصلت بي الرجال كال اني مو شغلتي هاي , قابل يكولي مو شغلتي و ينطيني عنوان عليش؟

تحياتي الكم

أمير
...لا يستطيع المرء أن يكون متأكدا من أنه هنالك شيء يعيش من أجله, إلا اذا كان مستعدا للموت في سبيله...
▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓
               ★           الله                   ★           اكبـر           ★
▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓

غير متصل alsarraf

  • عضو
  • *
  • مشاركة: 28
    • مشاهدة الملف الشخصي
    • البريد الالكتروني
السلام عليكم..
شباب فد سؤال عيني اريد اسال عن الفيزا شنغن اخذت معلومات تكفي من هذا الموقع بس اريد اكثر..
هسة اكو السفارة الفرنسية تنطي فيزا شنغن وبيها تبصيم لني عادي اريد اروح زيارة وارجع للعراق..وعندي مستمسكات عادي هوية تجارية صنف ممتاز وعندي كشف حساب بنكي مال ثلاث اشهر وعندي كتاب من شركة مقاولات اداوم بيها وعندي تامين صحي وعندي حجز طيارة مبدئي يعني تقريبا كلها عندي من مستمسكات بس اريد اعرف غير السفارة الفرنسية تنطي علمود نجرب وتحياتي لكل تعليق قيم من حظرتكم تحياتي.

غير متصل عمدة فرجينيا

  • مبدع قسم الهجرة
  • عضو مميز جدا
  • *
  • مشاركة: 2186
    • مشاهدة الملف الشخصي
شباب هسة انتو شكو امدوخين روحكم اكو طريقة ارخص واحسن بس ينرادلهة شوية صبر
طلعوا هوية غرفة تجارة بغداد واعتقد ماتكلف غير 350$ وبعدين اتكدرون اتحصلون فيزا لاي دولة اوربية وبسعرهة يعني مو هاي الارقام العالية مالتكم واني دا احجي هذا الشي عن تجربة



اختكم
الملاك الحائر

غير متصل نــــــــــوار تيتــــــو

  • عضو مميز جدا
  • *****
  • مشاركة: 2069
  • الجنس: ذكر
  • بحبـــــــــــــــــك يا يســـــــــــوع
    • مشاهدة الملف الشخصي
 ::) ::) ::) ::)  ::) ::) ::) ::) ::) ::) ::) ::) ::) ::) ::) ::) ::) ::)


كلش هوايه  ::) ::) ::) ::) ::) ::) ::) ::) ::) ::)   اخويه تنطيني  وحده بلتقصيد

غير متصل عمدة فرجينيا

  • مبدع قسم الهجرة
  • عضو مميز جدا
  • *
  • مشاركة: 2186
    • مشاهدة الملف الشخصي
شباب هسة انتو شكو امدوخين روحكم اكو طريقة ارخص واحسن بس ينرادلهة شوية صبر
طلعوا هوية غرفة تجارة بغداد واعتقد ماتكلف غير 350$ وبعدين اتكدرون اتحصلون فيزا لاي دولة اوربية وبسعرهة يعني مو هاي الارقام العالية مالتكم واني دا احجي هذا الشي عن تجربة



اختكم
الملاك الحائر


عزيزي بدون بصم فيزة سياحة شركات خو مو كل نفر يجي يبصم


حبي الي يريد الفيزا لغرض اللجوء ميفيده ياخذ الفيزا من اي سفارة لانه لازم بصم !!!!!!!

غير متصل alsarraf

  • عضو
  • *
  • مشاركة: 28
    • مشاهدة الملف الشخصي
    • البريد الالكتروني
شكرا اختي على الرد..
بس اكو ملاحظة صغيرة غرفة تجارة بغداد لازم لو اولى لو ممتازة وهذني يكلف الاولى 10 اوراق والممتازة 11 ورقة بس كلامج صحيح تطلع عن طريق غرفة تجارة بغداد وبقية غرف التجارية مال محافظات..والفرنسية هسة تنطي على هذا الضوء بس تبصيم واني مااهتم تبصيم لو لا اني اريد اروح زيارة والله بس هسة حجزت موعدة بالسفارة الفرنسية والله كريم..

غير متصل ابو ايمن المياحي

  • مبدع قسم الهجرة
  • عضو مميز
  • *
  • مشاركة: 1268
  • الجنس: ذكر
  • ان غدا لناضره لقريب
    • مشاهدة الملف الشخصي
up.........................
وصل الولايات المتحدة الامريكية

غير متصل *iskender*

  • عضو فعال جدا
  • ***
  • مشاركة: 584
    • مشاهدة الملف الشخصي
    • البريد الالكتروني
حبي غاليه والله حتى لو عندي ما اشتريها هع  :D

غير متصل عمدة فرجينيا

  • مبدع قسم الهجرة
  • عضو مميز جدا
  • *
  • مشاركة: 2186
    • مشاهدة الملف الشخصي
شكرا اختي على الرد..
بس اكو ملاحظة صغيرة غرفة تجارة بغداد لازم لو اولى لو ممتازة وهذني يكلف الاولى 10 اوراق والممتازة 11 ورقة بس كلامج صحيح تطلع عن طريق غرفة تجارة بغداد وبقية غرف التجارية مال محافظات..والفرنسية هسة تنطي على هذا الضوء بس تبصيم واني مااهتم تبصيم لو لا اني اريد اروح زيارة والله بس هسة حجزت موعدة بالسفارة الفرنسية والله كريم..

عيوني اني دا احجيلكم عن تجربة خالتي طلعت هوية غرفة تجارة بغداد ب350$ واخذت فيزا لليونان عن طريق شركة سياحية وكلفتهة 14 ورقة وهسة هية هناك سياحة وترجع وتكدر تاخذ قطار وتروح لاي دولة اخرى


اختكم
الملاك الحائر

غير متصل joe D.C

  • عضو فعال
  • **
  • مشاركة: 48
    • مشاهدة الملف الشخصي

طبعا الرد الاخير على الموضوع عجبني.طريقه ذكيه.بس اذ واحد يطلع بهل الطريقه سياحه. راح اتأثر على المعامله مالته؟؟؟سواء كان هجره او لجوء الامريكا؟
تحياتي

غير متصل alsarraf

  • عضو
  • *
  • مشاركة: 28
    • مشاهدة الملف الشخصي
    • البريد الالكتروني
عيني الملاك الحائر اني عبالي غير اليونان تكدر تدخل لان اليونان اذا تريد دولة اوربيا لازم تهريب مناك مو صح لو اني غلطان؟هذا الي اعرفة اني!!

غير متصل Edy Simon

  • اداري
  • عضو مميز جدا
  • ***
  • مشاركة: 4183
    • مشاهدة الملف الشخصي
    • البريد الالكتروني
اعزائي الكرام
تحية طيبة
اود ان ارد على هذا الموضوع وارجو من المشاركين ان لايصيرو عصبية لانه هذا المنتدى هو منتدى الهجرة والاجئيين او اغلب المشاركين اللي يدخلوه يتوقعون ان يلقون المساعدة او بصورة مجانية او اغلب المشاركيين ديقومون بهذا الواجب لمساعدة المحتاجيين او مو يدخلون يشوفون الدنيا مكلوبة لانه همومهم اهوايا ترى او الله يكثر من امثالهم الخيرين.ـ
بالنسبة للمشارك المغترب او هم فوكاتها ضايج قدم صفقة تجارية او يريد يساعد بيها  المشتركيين الراغبيين بالحصول على فيزة شينغن الى اوربا, او طبعا هذي اسعاره اذا غالية او رخيصة هذا الراغب على الفيزة  هو يقرر ذلك, اذا صرفه يتصل بيه او يتفاهم وياه بلكي يكدر اشويا يبحبحها او الله يوفقه بالصفقة.
اتصور انه حسب رأئي انه هذي الصفحة غير ملائمة لعمل الدعاية لهذي الصفقة التجارية, حيث يمكنه ان يطلب من صفحة عينكاوة ان تنشر له اعلان لاجل ترويج اعماله كما فعلو كثير من العراقيين او اذا اتحبون تكدرون تتأكدون من هذا الكلام على الاعلانات في صفحة عينكاوة الرئيسية.ـ
اعزائي بالنسبة الى المشارك اللي عرض رائيه بانه المبلغ كلش غالية هذا شي ثاني يكدر هم يعرض سعره الرخيص او المشارك يقرر شنو الاصرف الى, مع العلم الفيزة الاصولية هي ارخص بهواية او كما ذكرت احدى الاخوات ا ويمكن واحد يقدم عليها من جميع انحاء العالم او اني سويت ابنفسي فيزة سياحية الى معارفي الى المانيا او كلفتهم شي بسيط.ـ
اعزائي اتصور ماكو داعي للعصبية او تراشق الاهانات بين المشاركين في هذا المنتدى او تعرفون الانسان اللى كاعد ابيت من زجاج مالازم يكوم يشمر بالاحجار, او هذا المنتدى الى سمعة طبية داخلية او خارجية فارجو من المشتركين الحفاظ على هذي السمعة لانه سمعة المنتدى هي سمعة المشتركين بيه........ـ
بالنسبة الى السائل شنو هي شنغن : هي فيزة مشتركة بين الدول الاوربية حيث اجتمعو عدة دول اوربية في مدينة شنغن او قررو ان يرفعو الحظر عن تبادل سكان هذي الدول الزيارات بدون اللجوء لأخذ الفيزة اي مثل ما واحد يتنقل من بيت الى بيت ثاني بدون رقابة او تفتيش او طلب الأذن.ـ
بالنسبة الى الاطفال اذا الشخص اكمل سن الرشد اي الثامنة عشر ما يعتبر طفل في اوربا ويعامل مثل الكبار.ـ
بالنسبة الى المشارك السيد امير العراقي انه بالنسبة الى المرضى اللي يريدون ان يتعالجون على نفقتهم الخاصة يكدرون ان يتصلوا في شركة في الاردن في مبني فندق شيراتون اتصور لانه قبل مدة جتي عراقية للمعالجة او اخذت الفيزة منهم او طبعا باجور معينة بس العفو لاتسألني اشكد لانه ما سئلتهاو هذا ويمكن ان يتصل واحد بالمنظمات الانسانية في الاردن لاجل معالجة المريض في او ربا او اني شخصيا ساعدة عدة مرضى او اتصلو بجمعية الاطباء الرعاقية الالمانية او راح رئيسها البروفسور زياد فهمي او انهى امور سفرهم الى المانيا لذا ممكن ان اتحاول ان تسئل عن هذا الطريق اذا امكن.
او اني اؤيد اقتراح نيفر فوركيت لا اتسون المنتدى ساحة مصارعة او ملاكمة  اذا عدكم شي اكتبو على الصفحة او طلبو من المحتاجين الاتصال بيكم على الخاص او تعرفون هما جادين او لاء ابكلامهم  او تكدرون تتصلون بيناتكم على الجاد او سولفو بناتكم او اتعاركو او اتصالحو او خلو المنتدى ابراحته او ابوكم الله يرحمهـ .ـ
عزيزي ارمي انتا ليش اتحوص مو هذي مو عوايدك ولا اوربا غيرتك, اكيد عندك الحق انه من اخذت الفيزة جان سعرها منخفض او تعرف العرض او الطلب يلعب دور بالوقت الحاضر اكو اقبال شديد على الفيزة لانه الحمد الله اغلب الدول العربية اتحررت او الباقي في طريقها للتحرر او هجرة ابنائها الى الدول الاوربية اجبيرة او ثانيا ترى الناس مو مثلك او مثلي يساعدون لوجه الله لانه اغلبهم يطبقون النظام خطوة ابكروة او انشاء تتوفق في امرك او لا اتحوص بعد لانه منو ابو باجر الدنيا ماتسوى واحد يحوص بيها تحياتي الك.
هذا واكرر اعتذاري اذا جرحت شعور احد المشاركين لانه ما متقصد بيه واتمني ان يسود جو السلام في هذا المنتدة لاجل مساعدة الراغبين الدخول عليه للاستفادة وتقبلو تحياتي.ـ
جوشي البغدادي استشاري اللاجئيين والمهاجرين المانياـ

غير متصل عمدة فرجينيا

  • مبدع قسم الهجرة
  • عضو مميز جدا
  • *
  • مشاركة: 2186
    • مشاهدة الملف الشخصي
عيني الملاك الحائر اني عبالي غير اليونان تكدر تدخل لان اليونان اذا تريد دولة اوربيا لازم تهريب مناك مو صح لو اني غلطان؟هذا الي اعرفة اني!!



والله ياخوية ما اعرف ماعندي معلومات بهذا الخصوص بس الي كتلكم عليه عن تجربة وهسة خالتي باليونان يعني قابل ماتكدر تاخذ قطار وتروح لالمانيا او اي دولة اوربية اخرى وماكلفتهة السفرة كلهة غير 17 لو 18 ورقة


اختكم
الملاك الحائر

غير متصل alsarraf

  • عضو
  • *
  • مشاركة: 28
    • مشاهدة الملف الشخصي
    • البريد الالكتروني
اي صح كلامج عيني بس ما تكدر تدخل المانيا من اليونان لان بيها تشديد لازم تطلع تهريب عيوني..
وهاي ال17 او 18 ورقة صحيح كلامج..بس هسة الفرنسية مطلعة فيزا بس بشروط عيني..
بس اكولج ماتعرفين شنو نوع الاسئلة الي سئلوها بالمقابلة السفارة؟
وشكرا على الرد.

غير متصل عمدة فرجينيا

  • مبدع قسم الهجرة
  • عضو مميز جدا
  • *
  • مشاركة: 2186
    • مشاهدة الملف الشخصي
لا راحت سفارة ولاهم يحزنون انطت فلوس السفرة وكبل لليونان

غير متصل alsarraf

  • عضو
  • *
  • مشاركة: 28
    • مشاهدة الملف الشخصي
    • البريد الالكتروني
 اي عيني هاي مجرد سفرة عادية حالها حال تركيا ليش اكو واحد يروح لليونان ويريد يروح للمانيا بالقطار ما يروح لسفارة هاي وين صايرة..المهم موفقة..

غير متصل Edy Simon

  • اداري
  • عضو مميز جدا
  • ***
  • مشاركة: 4183
    • مشاهدة الملف الشخصي
    • البريد الالكتروني
الى الاخت ملاك الحائر
تحية طيبة
الجواب على كلامج انه السيدة خالتج راحت الى اليونان او ماتكدر ان اتروح الى اليونان,(اكدر اجاوبج لاء ما تكدر تجي الى المانيا لاتهريب ولا بدون تهريب).
السبب انه اليونان دولة اوروبية او الاتحاد الاوربي عنده اتفاقية يسموها اتفاقية دبلن او تنص هذي الاتفاقية اذا شخص دخل دولة من الاتحاد الاوربي او راد يروح الى دولة اوروبية اخرى ويقدم اللجوء ,الدولة اتكوم اترجعه الى المكان او الدولة الاوربية التي قدم منها او بهذي الحالة خالتج اذا دخلت المانيا راح اترجعها السلطات الالمانية الى اليونان, او طبعا اكو حالات نادرة بالاخص بالنسبة الى اليونان اذا اتحبين تعرفين التفاصيل يمكن تتصلين ويا على الخاص يمكن اشرحلج ياها  لانه طويلة اذا حبيتي كبل ما توصل خالتج الى المانيا .
والسلام
جوسي البغدادي استشاري اللاجئيين والمهاجرين المانيا

غير متصل عمدة فرجينيا

  • مبدع قسم الهجرة
  • عضو مميز جدا
  • *
  • مشاركة: 2186
    • مشاهدة الملف الشخصي
الى الاخت ملاك الحائر
تحية طيبة
الجواب على كلامج انه السيدة خالتج راحت الى اليونان او ماتكدر ان اتروح الى اليونان,(اكدر اجاوبج لاء ما تكدر تجي الى المانيا لاتهريب ولا بدون تهريب).
السبب انه اليونان دولة اوروبية او الاتحاد الاوربي عنده اتفاقية يسموها اتفاقية دبلن او تنص هذي الاتفاقية اذا شخص دخل دولة من الاتحاد الاوربي او راد يروح الى دولة اوروبية اخرى ويقدم اللجوء ,الدولة اتكوم اترجعه الى المكان او الدولة الاوربية التي قدم منها او بهذي الحالة خالتج اذا دخلت المانيا راح اترجعها السلطات الالمانية الى اليونان, او طبعا اكو حالات نادرة بالاخص بالنسبة الى اليونان اذا اتحبين تعرفين التفاصيل يمكن تتصلين ويا على الخاص يمكن اشرحلج ياها  لانه طويلة اذا حبيتي كبل ما توصل خالتج الى المانيا .
والسلام
جوسي البغدادي استشاري اللاجئيين والمهاجرين المانيا


اخوية جوسي اشكرك عالنصيحة خالتي راحت سياحة وترجع ما مفكرة بالهجرة بس اني كلت انطيكم الفكرة احتمال اتفيد لان صديقتهة عدهة ابنية بالمانية كالتلهم اذا تريدون تجون ادز زوجي يجيكم بالقطار ياخذكم وبعد ما اعرف



اختكم
الملاك الحائر


غير متصل Edy Simon

  • اداري
  • عضو مميز جدا
  • ***
  • مشاركة: 4183
    • مشاهدة الملف الشخصي
    • البريد الالكتروني
عزيزتي الاخت الحائرة
تحية طيبة
العفو احنا دنحجي على الاشخاص اللي يريدون يقدمون لجوء او وصلو الى اليونان.
او بالنسبة الى خالتج جايا سياحة او عدها فيزة شينغن تكدر تفتر او ربا كلها بدون مشكلة او ماكو داعي يجي واحد ياخذها من المانيا تكدر تاخذ القطار او بالطريق تنزل بالدول اللي توصل للالمانيا او تتونس بيها او تكدر توصل المانيا او حتى توصل الى السويد بهذي الفيزة وارجو المعذرة افتهمتج غلط تحياتي
جوسي البغدادي المانيا

Cxense Display