خاص بمن يقيم في اربيل حاليا

(1/1)

ula:
السلام عليكم

انا من محافظة بغداد حاليا وقبل فتره اشترينه بيت في اربيل الي تباع بالاقساط في مجمعات سكنية
وافكر انتقل الى اربيل وزوجي مدرس حاليا اريد اعرف من الاخوة الي يعيشون باربيل سهل اذا ينقل الى اربيل كمدرس رياضه
والمعيشه  هناك بشكل عام احسن من بغداد لو ابقه ابغداد افضل احب اسمع من الي عاشو الوضع واكون شاكره للتعاون

kunda:
مرحبا..
انه حديث ذو شجون هههه عيوني اني عايش باربيل وأعتبر العيشة هنا افضل بملايين المرات من العيشة في بغداد لكن بالطبع هناك سلبيات وايجابيات وكل أنسان وكل عائلة وحسب ظروفها وامكانياتها واسلوبها ... فمن الممكن ان تنتقل عائلتين في نفس الوقت الى اربيل واحداهن تتوفق وترتاح والاخرى لا ,حسب ,
بس نصيحتي خلي تتأكدون من عملية نقل الوظيفة لانها اهم شي سابقا كانت الامور اسهل في الوقت الحال ليس لدي علم لاني لااعمل ولن اعمل في وظيفة حكومية ,,بالنسبة للمدارس يوجد  مدارس عربية واغلبها في منطقة عنكاوا لانها تحتوي على فئة كبيرة من الناطقين بالعربية ((ارقى منطقة في اربيل تقريبا)) على الاقل في نظري  :D 
بالنسبة للبيوت التي تباع حاليا بالاقساط فصدقني انه الياخذها مايخسر لان اسعارها في ارتفاع مستمر ويعتبر استثمار ناجح حتى في حالة عدم السكن فيه... أي سؤال اخر اني بالخدمة
كوندا العنكاوي

ula:
شكرا جزيلا اخي العزيز على مبادرتك صدك والله كلامي بيه شجون لان خايفه من التغيير اكيد هو شي مو سهل انو اتغير حياتك بشكل كامل بس اذا اريد اتاكد انو اني راح اغير للافضل ذكرت حضرتك سلبيات يمكن اولها اللغه اعتقد وياريت لو اتفيدني اكثر بذكر السلبيات بالنسبه للعمل اني ايضا اريد اشتغل عرفت انو الشعل مو بسهوله من اكثر من مصدر وهاي من الامور الي امخوفتني ايضا
بالنسبه للمدارس العربيه هيه حكوميه لو اهليه هاي من الامور المهمه

kunda:
هو التغيير أكيد مو سهل كيف ماكان ..وان شالله التغيير يكون للافضل بالنسبة للغة هي عامل مؤثر لكن اغلب اهل اربيل الاكراد يحجون عربي أو على الاقل يفهموها على عكس اهالي السليمانية ودهوك ..بس اذا تحبون منطقة تتكلم عربي خالص أنصحكم بعنكاوا بس عنكاوا غالية شوية  وبالنسبة للمدارس اكو اهلي واكو حكومي والتعيين بالاهلي اعتيادي اسهل بكثير من الحكومي
وبالنسبة للسلبيات أسواء شي هي شغلة الاقامة المشؤومة بالنسبة لغير الاكراد .

تصفح

[0] فهرس الرسائل