اعادة الضرائب للمترجمين في شركة GLS

[omar-dean]

السلام عليكم اخواني اخواتي موضوع للعاملين في شركة GLS واني منهم سمعنة علة اساس دا يرجعون التاكس الي اخذوها منة و سارعت بمراجعة الشركة و طلعت الشغلة صحيحة بس بشرطين ان يكون العامل صار الة اكثر من سنة تارك العمل او ان يكون صادرة الة فيزا يعني احنة جان يكطعون حوالي 200 دولار بل شهر فة ابشركم راح يرجعوها بعد ما تروحون و تطوهم معلوماتكم و بعد شهر تستلمون مع تحياتي

[nickazawee]

حبيبي انت هذا الكلام صحيح ومع اخترامي الك هاي مو التاكس هاي يسموها الضمان الاجتماعي ومقدارها 110000الف دينار تقريبا بالشهر ابتداءا من 1-1-2009 يحسبولك ولشوكت انت مبطل او تاريخ الريليز مالتك ثانيا لازم تكون مبطل لمده سنه او اكثر او مقيم والحمد لله اني استلمتها بدون الحاجه ان اكول الهم اني مقيم لاني عابر السنه من ترك العمل ... واذا ما عابر السنه او مقيم لازم تكون عندك سنويه سياره تكسي باسمك او عقد ايجار محل باسمك حتى يصرفوها ويسمون هاي العمليه بسحب رصيد الضمان للعاملين وي الشركات الامريكيه .... واي سؤال اني حاضر اساعدكم ..

[allami2004]

حبي صار خمس اشهر من قدمت عليه وكلشي ماكو كالوا احنه نتصل بيك بعد شهرين وماكو شي
بس الي سويته اني رحت جبت ورقه من الضمان الاجتماعي ومليته وانطيته للجي ال اس وهم هم ملو بيه شويه وكالوا روح
والله كريم
تحياتي

[omar-dean]

حبي شلونكnickazawee فهمني بل تفاصيل الله يخليك لان اطرش بل زفة مع تحياتي

[silver_d]

تحيه عطره
زين سؤال الي هنا بامريكا عايش وصارله سنه من ماخذ الرليس مالته وبامريكا سنه نحنه يشملنه بان ناخذ الضمال الاجتماعي يعني الفلوس مالتنه ؟؟ لو اشون اذا اكو عدكم اي معلومات انطونه خبر او انطونه عناوين مال امريكا حته انقوم بالاجرائات
تحياتي الكم

[sport29]

مشكور اخوي على الموضوع

وانا اطرح نفس سؤال الاخ silver وان شاء الله الاخوان يفيدونا بالمعلومات

[alhamidi]

خوش موضوع والله عاشت الايادي عليه اني دزيت ايميل الى جي ال اس قبل فترة وقالوا نفس الحجي انه لازم تجيبنا ورقة من الضمان الاجتماعي بعد فترة لا تقل عن سنة من تركك للعمل وراها احنا نتصل بيك خلال شهر الى شهر ونص ويردون ينطوني اوراق اوديها لللضمان علمود اخذ الفلوس بس ما عرفت شكد النسبة الي ترجع من الفلوس والمشكلة الاكبر انه الي او ام قالوا اذا ترجع لبغداد ينلغي الكيس مالتك
سؤالي اقدر اسوي وكالة لأحد وياخذها الي ؟

[omar-dean]

مشكورين الجميع اني  الصراحة ما اعرف الي دا يصير لان الصورة ضبابية هسة و من جانب الضمان الاجتماعي  يعني شلون انروح نستلم مناك لو شلون يراد انشوف واحد من المستلمين و الي بامريكا يكدر يطب عل وب سايد مال جي ال اس  و يسألهم
مع تحياتي

[twebbs]

السلام عليكم ورحمه الله وبركاته
حبيت اوضح فدشي انه كل واحد يكدر ياخذ الضرائب مالته سواء كان هنا بالعراق اوبامريكا  الاجراء المطلوب هو ان تاخذ ورقة ضرائب من الرعاية الاجتماعية وبكل سهولة تروح تاخذ الورقة مال الضمان من(مكتب التقاعد والضمان الاجتماعي للعمال المضمونين) تاخذ هذه الورقة لل(gls)وتكلهم اريد الضرائب عاد هم يكلولك انطينه رقم التليفون الخاص بيك وبعد 6 اسابيع  نتصل بيك ترجعنة تاخذ الورقة ومعاها كتاب مال الشركة وترجع بيها للرعاية الاجتماعية مع المستمسكات وتحصلوها انشاء الله لان صديقي سواها وبالنسبة الي بامريكا يروح واحد من افراد العائلة الي موجودة بالعراق سواء كان اب او اخ ال (gls)  يكلهم اريد التاكس مال فرضا اخوية راح ينطوكم ايميل خاص بيهم يراسلهم الشخص الي بامريكا انه هو يوكل اخوه او ابوه يستلم الضرائب مالة اخو الي بامريكا واي استفسار اني حاضر للطيبين

[nickazawee]

اخوان هذا الموضوع مبين عليه حييييييييييييييييييييل مهم ههههههه اكييد لان بيه فلوسنه وتعبنه المهم اولا الي بالخارج الايرجع ويستلم فلوسه بنفسه بدون نقاش ولا وكاله ولا اي شي ...
ثانيا المعامله اتطول يمهم بالجي ال اس حوالي 2 الى 3 اشهر تقريبا وبعدين همه يخابروك يكولولك تعال اخذ الورقه مالتك  مرفق معها تاييد من الشركه يحدد مدة العمل ونوع العمل علما انه اني مشتغل من جانت تايتن وجي ال اس وما بعدها من تعاقدات وكلها ما انذكرت بالتاييد ونذكر بيها اسم شركه امنيه اسمها داينو كورب وهيه شركه امنيه لازالت تعمل بالعراق ....
ثالثا بعد ما تستلم مكالمه من شخص امريكي يكلك تعال استلم الورقه مال ضمان مالتك تروح تستلمها وتروح بوجهك لدائرة التقاعد والضمان الاجتماعي بالوزيريه بجانب وزارة العمل والشؤون الاجتماعيه اول متدخل تكول اريد اروح للضمان الاجتماعي وهو راح يدليك المكان ومباشرتا تبدي بعمليه اسمها سحب رصيد الضمان وتطول حوال 5 ايام تقريبا او اقل وتستلم صك وراها تروح تصرفه وتصرف فلوسك مثل متريد ههههههه
رابعا شروط سحب الرصيد هيه كلتالي  اولا انت مبطل صارلك سنه او اكثر او مقيم بدوله بالخارج مو شرط امريكا يعني عندك كارت اقامه ... ثانيا في حالة انت ما مخلص سنه من ترك العمل لازم تكون عندك اسباب مقنعه للسحب الرصيد وهيه اما ان تكون عندك سنوية سياره تكسي باسمك او عقد ايجار محل مصدق تقرير طبي بانك راح تتعالج او محتاج عمليه مستعجله .....
على فكره مهما تكون خدمتك قديمه ميحسبولك الا من 1-9-2009 ولاتسالني ليش لان مكو جواب الا انهم بدوا باستقطاع الضمان بهذا التاريخ ومالهم علاقه بما سبق ....
هذا كل ما يتعلق بالموضوع وشتحتاجون اكثر اني حاضر .... تحياتي

[alibrahimy]

خوان والي بعدهم مستمرين بالعمل هم يحقلهم لو بس المبطلين

[Ali TN]

اخواني وحبابي الاعزاء ممكن هذا الايميل حتى نراسلهم؟ لان اني كاعد بامريكا والله ما انسالكم هذا الفضل لان اخوكم حيل بضائقة مالية و رحم الله والديكم مقدما

[omar-dean]

اخواني مشكورين كلش على هاي المعلومات القيمة واكيد اني و غيري نستفاد منها هواية و اطلب من كل جماعتنا المترجمين يروحون ولا تضل فلوسنة ابطن الحكومة هههههههههه  اكرر شكري للجميع احنة لازم انسوي فد كروب يلم المترجمين بل منتدى مع تحياتي

[المحترم]

مساء الخير
اخواني الاعزاء اني مقدم من زمان على سحب فلوس الضمان بس من رحت لدائرة الضمان ورة ما استلمت الفورم والاستمارة من روجر اللي بالفايننس بالجي ال اس بس من رحت للضمان كملت المعاملة طلع خطأ بالرقم الوضيفي ورجعت للجي ال اس على روجر وجيك الرقم يمة طلع صح وانطاني رقم وايميل واحد اسمة سالار وكلي اتصل بيه او دزلة ايميل حاولت ردت الكة او احجي ويا سالار ماكو نتيجة وبعدين عفتها هاي كدامي خالهة عالتلفزيون تسمع حسكم

[yasir fakhri]

تحية طيبة الى الأخوة موظفي ال GLS السابقين وأشير بالذكر الأخ صاحب الموضوع اما بالنسبة للمعلومات المتواضعة اللي عندي وهي أنه المبلغ المسترجع من دائرة الرعاية الأجتماعية اللي بالوزيرية والمستقطع أساسا من تأريخ توقيع أتفاقية ال SOFA مع الحكومة العراقية واللي أعتقد كانت بنهاية سنة 2008 واللي كان يمثل نسبة 20% من الراتب .. فأرجو من الأخوة الأعزاء أن لايذهبوا بعيدا بحساباتهم من ناحية فترة عملهم مع ال GLS أو, L3 ,أو TITAN ,عليه وجب التنبيه.كما وأضم صوتي ألى صوت الأخ OMAR-DEAN لتشكيل كروب بأسم موظفي ال GLS السابقين والحاليين ليتم تبادل أخر الأخبار ومايدور في الساحة( مالنا وماعلينا ) مع هذه الشركات
أخوكم ياسر

[lumberjack]

DEAN حبي بعدك متكعد راحه يا ول مشتاقلك عساك بخير وفلوسنا نقبض من دبش لان وزاره العمل والشؤون الاجتماعيه (جيش المهدي ) بخدمتكم الله يحرسكم ونرجع حقوقنا من ناس تريد بينا الاذى 

[omar-dean]

اول شي مشكورين اخواني الي شاركو و اني وياك اخوية ياسر , لمبرجاك مشتاق الك هواية والله اكلك ترة محدقين وهسة لو مو جيش المهدي يوكف بطريقنا لو ما اعرف منو هم اروح استلم احسن ما تبقة فلوسنا ابطنهم مو صح مشكورين الجميع

[hussein a]

حبايب كلبي عاشت ايدكم شباب على هذا الموضوع
بس اني شتغلت مع الجي ال اس 5اشهر وسولي رليس قبل 7 اشهر زين هسه يحقلي اسحب فلوس وشكد يكون المبلغ ومنين اسحب الاستماره
   
 وشكرا وربي يوفقكم

[twebbs]

اخواني وحبابي الاعزاء ممكن هذا الايميل حتى نراسلهم؟ لان اني كاعد بامريكا والله ما انسالكم هذا الفضل لان اخوكم حيل بضائقة مالية و رحم الله والديكم مقدما

   




اخوية جاوبتك على الخاص تكدر تلاحظ هذا الشي بالرسائل الخاصةمالتك تحياتي الك وبالتوفيق انشاء الله

[twebbs]

حبايب كلبي عاشت ايدكم شباب على هذا الموضوع
بس اني شتغلت مع الجي ال اس 5اشهر وسولي رليس قبل 7 اشهر زين هسه يحقلي اسحب فلوس وشكد يكون المبلغ ومنين اسحب الاستماره
   
 وشكرا وربي يوفقكم

 


  اي عادي بكل سهولة تكدراتاخذ التاكس مالتك لان هي بدأت قطوعات التاكس 1-1-2009  والمبلغ عن كل شهر 110000 والاستمارة تكدر تاخذها من دائرة الرعاية الاجتماعية من مكتب التقاعد والضمان الاجتماعي للعمال 
تقبل مروري وتحياتي لحضرتك

[iraqidude]

يعني السنين 2005,2006,2007,2008... كلهن راحاً بالهوى... حرامات آني بطلت 22-12-2008... يعني هسه ما إلي فلوس

[احمد صلاح الدين]

اخوان السلام عليكم
بلة زحمة عليكم اكو تعرفون احد مشه بهاي المعاملة و حصل فلوسة ؟؟؟؟؟؟؟؟؟
واذا تعرفون شخص حصل فلوسة فشنو ظروف مكتب الضمان الاجتماعي يعني الي يروح يعرفون بي جان مترجم لو شلون السالفة لان اذا يعرفون فهاي مو خوش شغلة والله يستر

[nickazawee]

اخوان اني احجيت الكم المفيد ومن تجربه رحت وكملت كلشي واستلمت ورجعت الي يريد اي شي راح يلكاه بالي اني كاتبه واي سؤال يلكه اجابته انشاء الله ...

[ayed333]

اخوان واللي تارك العمل قبل 1-1-2009 يحصل المبالغ عن الفترة السابقة لولا ...؟؟؟؟؟
اذا ممكن تزودونه بايميل glsحتى نستفسر منهم جزاكم اللة سفرا سريعا
اياد

[jalalkaram]

السلام عليكم الاخوة في منتدى عينكاوا اني كنت احد موظفي gls سابقا وعندما اردت اخذ مبلغ الضمان الاجتماعي من الشركة وجدت الشركة لم يحسبوا لي سنة 2009 وكذلك لسنة 2010 قد حسبوا لي نصف راتب لماذا هذا الظلم معي والخطا الفادح في حساب مبلغي واني احاول اللجوؤ الى القانون في كلا الطرفين الامريكي والعراقي علما اعضاء الضريبة لا يجيبون على رسائلي
علما ان بريدي الالكتروني هو : haamadkarm@yahoo.com
لذا اطلب مساعدت اي شخص قادر غلى حل هذه المشكلة

[g.l.s]

السلام عليكم
أخوتي الأعزاء
الوزارة عدها علم بكل تفاصيلنا من خلال الفورم والي مذكور بيه التايتل جوب مالتنا والأفندية بgls قاموا بتغيير الأسم ووضع داينا كروب بدل gls وتركوا عنوانه الوظيفي مترجم و من يوم المراجعة لليوم اني ممرتاح وعايش بقلق لأن كل تفاصيلنا عند الوزارة و الله الستار .
المهم الفترة الي دفعنه بيها الضريبة هي من 1-9-2009  وانت صاعد يعني تحسب المدة من والى تأريخ تركك للعمل .
والمبلغ الي أستلمته هو 90 ألف عن كل شهر علمآ أنه أحنه دفعنا كل شهر 150 دولار والطامة الكبرى الوزآرة الأغبياء يسموها مكافأة نهاية خدمة لا ياأغبياء و يوصون بعدم تخصيص راتب رعاية مستقبلآ للمستلم من عمت عين وزآرتكم ورعايتكم ياحرامية بس مو صوجهم !
صوج gls ألي سلمت لحايانه بيديهم والله الستار من المستقبل أنت تروح وتستلم بس أرجع وأكول الله الستار من المستقبل ؟!
عن نفسي أستلمت 6 أشهر ولم أحسب حساب ألآ بعد فوآت الأوآن من أنصدمة بالعنوآن الوظيفي بالصريح مترجم ليش يا gls ؟!!!!!
بالنهاية أحب ان اكول بكيف الواحد بس خلي يحسبها زين ليصير كمش مثلي أي أعترف كمش لأن محسبت حساب .
من وره أقل من 600 ألف بس أرجع وأكول عن نفسي لو أدري بالعنوان الوظيفي مذكور جان أكلهم طز بيهن ماريدهن .
آسف للأطالة وأرجوا أن أكون قد فدتكم .
الله يحفظنا جميعا من كل الأرهابيين .
ممنون لكم يا كروب gls

[حزين جدا]

اخوان بالنسبة لدائرة الضمان الاجتماعي ياهو اليجي يروح الها وشياخذ وياه غير الجي ال اس يدزولك فورم  تمليه وبعدين همه يحددولك موعد تجي الهم وهمه بعدين يدزوك للضمان الاجتماعي انه هذه اللي اعرفه لو انه غلطان