اني عراقي ضايج من عراقيتي تقبلوني صديق جديد؟

[عراقي ضايج من عراقيته]

اني عراقي ضايج من عراقيتي تقبلوني صديق جديد لكم
يمكن على يدكم اتخلص من عراقيتي

[ام الهنا]

 مرحبا بيك اخي عراقي ضايج ، وكيف تريد  تتخلص من عراقيتك وانت تدخل منتدى عراقيين !!!

خليك عراقي وضايج بس لان كلنا مثلك ، دعائي لنا جميعا بالتوفيق وراحة البال .

ام الهنا

[مرسي الزناتي]

و اني مارد و ضايج من فانوسي تاخذه ؟

[hamada2]

هاي هسة يالله ضجت من عراقيتك 


الاخ تلش تلش تلش متاخر ,,


وين كنت حضرتك طول هاي المدة 

[البغدادية2]

اني عراقي ضايج من عراقيتي تقبلوني صديق جديد لكم
يمكن على يدكم اتخلص من عراقيتي

هسه أبهل المنتدى تنسى حتى اسمك مو بس عراقيتك

[hamada2]

هسه أبهل المنتدى تنسى حتى اسمك مو بس عراقيتك


 

[home front]

أهلاً بيك اخي عزيز وغالي وان شاء ألله تسهل امورك وامورنا وياك بس خليك عراقي وضوج مثل مااحنا ضايجين وربك مينسانا

[برنسيسة]

اهلا وسهلا بيك
والله كلنا ضايجين بس شنسوي
الله كريم والله يفرجها

[الامانـــــي]

السلام عليكم

اهلا وسهلا  اخونه العراقي  بين اخوانك وخواتك واسرتك الثانيه ان شاء الله تفيد وتستفيد وتتيسر الامور للجميع وكل عام وانتو بخير

بس لتضوج من عراقيتك ودوم كووول ((ارفع راسك انت عراقي ))

[فرعون مصر]

اهلا بالاخ الضايج لاتضوج هسه يجي ابو مريومه يعزمنه على ماعونين باكله دبل بالدهن الحر تاكل اصابيعك وراهه 

[assaad2011]

صديقنا العزيز الغالي ابن العراق الغالي  لاتضوج احنة كلنة مثلك تعبانين وانريدا نهج بس ترة وين متروح انته تبقى عراقي

لو بالقطب الشمالي  هم انته عراقي وراح تلكه هناك دب قطبي يسالك قبل ماياكلك انته منين اكيد راح تكله عراقي . راح يبطل ماياكلك ويكولك اخذ راحتك عيش هنا بصفة لاجئ وراح يطيك مساعدات عبارة عن خيمة وبطريق مجمد
حبيبي اهلا وسهلا بيك ترة  اني امزح وياك واكيد راح ترتاح بهذا المنتدى الجميل

[ايوه كده يوديع]

خاف الاخ يقصد ب ضايج من عراقيته    على المدام
لو بعدك مامزوج

[*iskender*]

حبيب قلبي كلنا ضايجين ونريد انهج انشاءالله رح تستفاد من هذا المنتدى الرائع
وايشي تحتاج احنا حاضرين
اخوك
اسكندر

[كوكي 2004]

اهلآ أخي ضايج ومليون مرحبا بيك بين أهلك وناسك هنا في بيتنه الثاني عنكاوا
وانشاء الله يكون هل مكان وجهه خير عليك وتخلص من ضوجتك

بس عفية لا كل شوية تكول آني ضايج لأن رح تصعد عدنه الكآبة  
اهلآ وسهلآ مرة ثانية




               أختك كوكي \ عمان

[malak.ali]

اني عراقيه وافتخر

شكد قديم هذا الشعار


اخي اهلا وسهلا بيك ويانا وان شاء الله يجي يوم من صدك نفتخر بعراقيتنا

[الريم 2000]

اهلا وسهلا بيك اخونة وانشالله متضوج مادام دخلت بيتك الثانى ------اختك زينب

[خولة بنت الأزور]

يارب ...فرج على عبــادك ...

[marwan iraq]

اهلا وسهلا بيك اخوية العزيز وانشاء الله اي شي تحتاج احنة بالخدمة 

[Abdullah2006]

اني عراقي ضايج من عراقيتي تقبلوني صديق جديد لكم
يمكن على يدكم اتخلص من عراقيتي

علساس انا دنماركي وراح تكسر خاطري وانطيك اقامه

[علي السلطاني]

هلا والله اي والله حيا الله يمكن قفلت الدومنه بالدورجهار

[мαяyαи]

اهلا وسهلا بيك اخ عراقي ضايج ان شاء الله تفيد وتستفيد من هذا المنتدى وان شاء الله ما تضوج بعد

بس ممكن نعرف ليش ضايج من عراقيتك اكيد اكو سبب ؟؟؟