طالبي اللجوء العراقيين في فنلندا

المحرر موضوع: طالبي اللجوء العراقيين في فنلندا  (زيارة 33232 مرات)

0 الأعضاء و 3 ضيوف يشاهدون هذا الموضوع.

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
تعرف على احدث الارقام والاحصاءات التي تخص طالبي اللجوء العراقيين في فنلندا


ترجمة واعداد الدكتور سليم عن مصادر رسمية

اقدم لكم اخواني معلومات كاملة عن اعداد طالبي اللجوء العراقيين في فنلندا 2011 وعن عدد الحاصلين على الاقامة وكذلك اعداد المرفوضين من موقع دائرة الهجرة الفنلندية وكما هو واضح لديكم من الملف المرفق مع المقال(باللغة الفنلندية) ومن ملفات اخرى تم الاطلاع عليها.
ترجمة واعداد الدكتور سليم عن مصادر رسمية :: ................. تحميل الملف

اولا- عدد طالبي اللجوء العراقيين لسنة 2011 هو 588


ثانيا- عدد طالبي اللجوء من جميع الجنسيات 3086


يعني ان نسبة العراقيين نحو 20% ويمثلون المرتبة الاولى من مجموع اللاجئين في فنلندا


ثالثا- تم دراسة 740 ملف خلال سنة 2011 (اي ان هناك ملفات تعود لسنة 2010)لم تحسم حينها


رابعا- حصل 396 عراقي على حق الاقامة او نتيجة ايجابيه من مجموع الملفات التي تم دراستها وكما يلي تفصيلها


أ- 40 عراقي تم الاعتراف بهم كلاجئين واعطائهم الاقامة الدائمية


ب- 341 عراقي تم منحهم الحمايه الثانوية وهي الاقامة الموقتة


ج- 15 عراقي تم منحهم الاقامة لاسباب اخرى


خامسا- 274 عراقي تم اعطائهم الرفض وكما يلي تفصيله


أ-168 حالة بسبب وجود بصمة في دولة اخرى او مايسمى الدبلن


ب-106 تم اعطائهم الرفض او نتيجة سلبية


سادسا- هناك 67 حالة تعتبر ساقطة بسبب عدم استمرار تواجد اصحابها في فنلندا او سفرهم قبل ان يحسم امرهم او ربما تراجعوا عن طلب اللجوء


تعليق مهم
--------- لو تم حذف عدد حالات الدبلن وعدد الحالات الساقطة فان العدد المتبقي سيكون 505 فقط
وهذا يعني ان مايزيد عن 75% من طالبي اللجوء العراقيين قد تم منحهم الاقامة في فنلندا سنة 2011 وهذا الرقم هو بلاشك قد يكون اعلى النسب في كل الدول الاوروبية


لاتنسونا من صالح دعواتكم
واتمنى ان اكون قد قدمت لكم معلومات مفيدة لمن يرغب بطلب اللجوء في فنلندا
اخوكم الدكتور سليم



معلومات عامة عن طالبي اللجوء في فنلندا
----------------------------



طالب اللجوء هو الشخص الذي يطلب الحماية وحق الإقامة من دولة أجنبية نظراً لوقوعه ضحية الإضطهاد في بلده. وقد يكون سبب الإضطهاد مثلاً الدين أو الأصل العرقي أو الجنسية أو العقيدة السياسية أو بسبب أنه ينتسب إلى أحدى المجموعات الإجتماعية المعينة.


يتم عمل طلب اللجوء لدى ضابط تفتيش الجوازات أو ضابط الشرطة كتابياً. ويجب أن يترك الطلب فور الوصول إلى فنلندا أو مباشرة بعد ذلك. ومن المهم جداً أن يذكر طالب اللجوء سبب طلبه بدقة.


إذا قمت بطلب اللجوء في فنلندا، فستعطى أولاً حق الإقامة في فنلندا طوال فترة النظر بطلبك. ولا يحق لك خلال تلك الفترة السفر للخارج، وإلا فستسقط قضيتك وتعتبر منتهية وغير سارية المفعول. وخلال تلك الفترة تقوم الجهات المسؤلة بترتيب إقامتك في أحد مراكز الإستقبال الموجودة في مختلف أنحاء فنلندا. وإذا اضطررت للسفر بعيداً عن محلّة مركز الإستقبال الذي تقيم به ولمدة طويلة، فيجب عليك إعلام المسؤولين الذين ينظرون بطلبك عن ذلك.


تقرر دائرة الهجرة في منح اللجوء.


يمنح طالب اللجوء درجة لاجيء في حالة أن يستوفي بالشروط اللازمة للاجيء . يمكن للسلطات الفنلندية في بعض الحالات إعطاء طالب اللجوء فقط حق الإقامة لضرورة الحماية بدلاً من وضع اللاجئ الرسمي, على سبيل المثال في حالة عدم إستطاعته العودة إلى بلده بسبب نزاع مسلح.


في حالة أن يكون قرار طلب اللجوء سلبياً, يرد طالب اللجوء إلى البلد التي غادر منها. قرار دبلن معناه أن طالب اللجوء يرد إلى بلد آخر عضو في الإتحاد الأوروبي. يمكن لطالب الجوء إستئناف القرار السلبي لدى محكمة هلسنكي الإدارية للإستئناف وبعد ذلك طلب إذن تمييز من المحكمة الإدارية العليا للإستئناف.

غير متصل شكوماكو

  • عضو فعال جدا
  • ***
  • مشاركة: 746
    • مشاهدة الملف الشخصي
بارك الله بك دكتور واسال الله عزوجل ان يسهل امورك كلها ويسدد بخطاك نحو الافضل دائما وقد كنت بحق رائعا في ايضاحاتك..شكرا لك ولكل الناس الطيبيين.

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
عزيزي الاخ شكو ماكو
شكرا على كلمات الشيقة والطيبة, او  اكيد الدكتور راح ينسعد  من يقرا تعليقك على بحثة...
او مثل ما ذكرت اني دائماً في مقالاتي انه فنلندا بالرغم من برودتها فهي افضل بلد للجوء العراقيين او اتمنى ان تكون واحد منهم بأذن الله..

تحياتي
جوسي البغدادي المانيا

غير متصل abo shams

  • مبدع قسم الهجرة
  • عضو مميز
  • *
  • مشاركة: 1828
    • مشاهدة الملف الشخصي
الله يبارك بيك على هاي المعلومات ...
ان شاء الله الموفقيه للجميع .. لكن فلندا حسب ما اسمع من ناس كثيرين انه بااارده جدا و العراقيين بيه مو كثير بسبب جوه

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
الله يبارك بيك على هاي المعلومات ...
ان شاء الله الموفقيه للجميع .. لكن فلندا حسب ما اسمع من ناس كثيرين انه بااارده جدا و العراقيين بيه مو كثير بسبب جوه


عزيزي abo shams

شكرا على كلماتك الشيقة ولا شكراً على الواجب...
بالحقيقة اذا الواحد يريد ان يتخلص من عذاب لازم يضحي ابشي ثاني, ترى والله ماكو واحد مات من البرد بس على كولت المثل بالعراق يكولون متنا من الحر, او متنا من التراب او الغبار, او متنا من المخخات....
او اذا واحد اشويا باردة خلي ياخذ ويا منقلة عراقية او قبوط ثخين او الخسب موجود بيها ابكثرة, او من يحس بالبرد يشعل المنقلة والبرد يختفي او بعد مدة اتشوف انه اتعود على البرد, مثل ما نحنا اتعلمنا...
الاحجاية بيناتنا البرد واحد يكدر يتحمله او يلبس جم بطانيا, بس الحر اشلون يعني ينزع اهدومه او يمشي بدون اهدوم, او اكو كهرباء او يكدر واحد يدفا بالمنقلة الكهربائية....
اتمني الك سفر سريع والسلام

جوسي البغدادي المانيا

غير متصل نداوي79

  • عضو فعال جدا
  • ***
  • مشاركة: 565
    • مشاهدة الملف الشخصي
شكرا اللك اخي صاحب الموضوع  بس حبيت اعرف لمن يحصلون لجوء اواقامة دائمية شنو المساعدات اللي يحصلوها وهل الدراسة مجانية بالنسبة اذا واحد عنده اطفال وشنو نوعية المساعدات وشكم شهر بس ارجو التوضيح وايضا التامين الصحي وشكرا

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
شكرا اللك اخي صاحب الموضوع  بس حبيت اعرف لمن يحصلون لجوء اواقامة دائمية شنو المساعدات اللي يحصلوها وهل الدراسة مجانية بالنسبة اذا واحد عنده اطفال وشنو نوعية المساعدات وشكم شهر بس ارجو التوضيح وايضا التامين الصحي وشكرا

عزيزتي الاخت نداوي المحترمة
تحية عراقية طيبة وبعد

1 من واحد يحصل على اللجوء, يحصل على مساعدة من الدولة لاجل المعيشة اليومية اضافة الى انه يدفعوله ايجار البيت او مع المصاريف الجانبية ماعدى الكهرباء, لازم واحد يدفعه من مصروف الاكل, بلاضافة انه المساعدة في الدول الاسكندانافية اعلى من الدول الاوربية......
2 اكيد بالبداية اللاجيئ يمنع مستند لاجل ان يتعلم اللغة الفنلندية على احساب الدولة, او اذا الشخص برع او اتعلم اللغة بسرعة او يحب ان يدرس عدهم يكدر يحجي ويا المسؤول ملاته في البلدية او اكيد اذا عنده شهادة دراسية يكدر يعادلها , او اذا ما عنده شهادة يكدر ان يتعلم حرفة على احساب الدولة...
3اذا واحد عنده اطفال من يصير عمرهم 3 سنوات يدخلهوم في رياض الاطفال او اكيد على احساب الدولة....
4 المساعدات تبقى الة ان واحد يتعلم اللغة او يكون قادر ان يفتش شغل او يحصل افلوس, بعد ذلك تقطع مساعدات الدولة منه, او اذا كان دخله ضعيف ممكن ان يستلم من الدولة اجرة البيت الى حين ما يرتفع دخله....
6 بالنسبة للتامين الصحي يكون اللاجيئ مؤمن عنده تقديمه طلب اللجوء, او من يحصل اللجوء يحصل على بطاقة التأمين الصحي يكدر يروح الى اي طبيب او ينطي البطاقة التامين او يعالج مجاناً

اتصور اكدرت ان اجيب على اسئلتج, او اذكر من واحد يجي الى فنلندا خلي يجيب قبوط ثخين او منقلة للتدفئة لانه الخشب متوفر..
تحياتي

جوسي البغدادي

غير متصل الريم 2000

  • مبدع قسم الهجرة
  • عضو مميز متقدم
  • *
  • مشاركة: 5943
    • مشاهدة الملف الشخصي
تسلم اخونة جوسي على الجهود المبذولة وربي يوفقك بكل عمل صالح لاخوانك العراقيين من الافادة بلمعلومات القيمة ---بلتوفيق ---تقبل مروري

غير متصل gustavo

  • عضو مميز
  • ****
  • مشاركة: 1342
  • الجنس: ذكر
    • مشاهدة الملف الشخصي
شكرا اخوية الغالي .
معلومات حلوة ومفيدة بنفس الوقت .
عاشت ايديك ياورده .
بس هل الحجي كله كون توصل العم قجق. مو ؟
ممنون .



no pain no gain

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
عزيزتي الاخت ريومة الفاضلة

عفوا او هذا واجب لانه تعب العراقيين الطيبين راحة, لاشكراً على الواجب
شكراً على مرورج نورتي الموضوع
تحياتي

جوسي البغدادي المانيا

غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3416
    • مشاهدة الملف الشخصي
    • البريد الالكتروني
عاشت ايدك عالمعلومات

بالنسبة لفلندا هل هي داخله ضمن برنامج اليو ان للتوطين ؟؟؟؟؟؟؟

غير متصل عمر خطاب

  • عضو فعال جدا
  • ***
  • مشاركة: 248
    • مشاهدة الملف الشخصي
الله يبارك بيك ويكثر من امثالك
ياعراقي يا اصيل
مواضيعك دائما متجددة وتخدم كل الاخوان والاخوات
والله يسهل امرك دائما بعملك وبطريقك وبيتك
لانك دائما تحاول تسهيل الطريق لكل المنتظرين والعالقين
الله يحميك دوما

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
عاشت ايدك عالمعلومات

بالنسبة لفلندا هل هي داخله ضمن برنامج اليو ان للتوطين ؟؟؟؟؟؟؟[/colo


عزيزي شنايزر
حسب علمي انه بين فترة او اخرى , اليو ان يرسلون توطين الى فنلندا, عاد انته او حظك قدم او اذا ماحصلت شوفلك شنغن بدون بصمة او ازرك الى فنلندا.....
اتمنى الك الموفقية  تحياتي
جوسي البغدادي المانيا

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
اولاً عفو الاخ العزيز عمر خطاب
على كلماتك الرقيقة وطيبة اصالتك, او هذا الشي اللي دا اسوي هو واجب لاجل مساعدة ابناء شعبي الطيبين,
لاشكر على الواجب.....

بالنسبة الى الاخ شنايزر
هذا جواب الى سؤالك عثرت عليه من مثادر فنلندية
تقبلو تحياتي
جوسي البغدادي

اللاجئون
تستقبل فنلندا كل عام لاجئي حصة. ويتم إختيار لاجئي الحصة من ضمن الأشخاص المصنفين رسمياً كلاجئين أي لهم وضع اللاجئين المعطى من قبل منظمة مكتب شئون اللاجئين UNHCRالتابع للأمم المتحدة. البرلمان الفنلندي يقر كل عام عدد لاجئي الحصة.ـ
ويمكنك الحصول على المزيد من المعلومات من صفحات دائرة الهجرة(Maahanmuuttovirasto) عن لاجئي الحصة في فنلندا باللغات الفنلندية والسويدية والإنجليزية.ـ
وتوجد في صفحات جمعية إعانة اللاجئين الفنلندية(Suomen Pakolaisapu)معلومات كثيرة عن اللاجئين.ـ

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
مولانا ستار الخزاعي

شفت بالتقرير انه نسبة الرفض ضئيلة او حاول ان ما تخلي مستمسك عليك انه اجيت من دولة اوربية موقعة معاهدة دبلن, اذكر انه كما راح اذكلك في النهاية, او اذا حصلت على رفض يمكن ان تستأنفه او الله كريم..
تحياتي
جوسي البغدادي

اذكر كما يلي:ـ

كل الذي عليك ان تقول هو انك عبرت الى تركيا عن طريق مهرب وبمبلغ 15 الف دولار ومن هناك بقيت اسبوع باسطنبول وبعدها أخذك المهرب وركبت شاحنه ولا تعلم من هو المهرب او شكله او أي شي عنه ولا عن نوع الشاحنة او رقمها او شكلها او شكل صاحب الشاحنه كي لا تقع في اي غلط، وانته لاتعلم من اين ذهبت سوى انك ركبت بالشاحنه وكانت مغلقة عليكم و يجب ان تذكر بأنه كان معك في الرحلة عدد من الرجال لاتعرفهم ولا تعرف جنسياتهم، وبقيت الشاحنة تسير لمدة يوم وبعدها توقفت باليل ونزلتم لقضاء حاجاتكم، وبعد يوم من التوقف سارت بكم الشاحنه الى منطقة كلها غابات وكانت في الليل حيث هناك شاحنة اخرى متوقفة وتم تبديلكم وانزالكم وركبتم الشاحنة الاخرى وبقيت تسير بكم بعد عدة توقفات ولساعات طويلة من التوقف اي لمدة 7 ـ 8ايام استمرت رحلتكم ووصلتم الى هذه البلدة

غير متصل مهجر قديم

  • عضو فعال جدا
  • ***
  • مشاركة: 101
    • مشاهدة الملف الشخصي
    • البريد الالكتروني
سؤال
انا بسوريا
لقيت فيزة شنغن ب9500 دولار
تصدر من سفارة ابطايا او اسبانيا
بدون بصمة
ولكن اخبرني انو لازم تسافر اول شي لهذول الدول وتبصم المطار
لو حصلت وبصمت بالمطار هل اقدر احصل على اللجوء بفنلندة

او لازم مناك اطلع ترانزيت لفلندة واطلب اللجوء

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
سؤال
انا بسوريا
لقيت فيزة شنغن ب9500 دولار
تصدر من سفارة ابطايا او اسبانيا
بدون بصمة
ولكن اخبرني انو لازم تسافر اول شي لهذول الدول وتبصم المطار
لو حصلت وبصمت بالمطار هل اقدر احصل على اللجوء بفنلندة

او لازم مناك اطلع ترانزيت لفلندة واطلب اللجوء


عزيزي السائل
مو كل دول الشنغن يبصمون بالمطار, اكو دول مثل ايطاليا او بولونيا من تدخلها مايبصمون بالمطار, حسب ما اعرف بس حاول ان تسأل بالسفارة انه ايطاليا تبصم او لاء, فاذا كان بيها تبصيم بالمطار هذا مو من صالحك, لانه من توصل فنلندا يعرفون جاي منايطاليا لهذا السبب يرجعوك الها...
اذا وصلت اليونان مو مشكلة اذا بصمت, لانه دول شنغن مايعترفون بيها اي يمشي اللجوء مالتك
تحياتي
جوسي  البغدادي المانيا

غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3416
    • مشاهدة الملف الشخصي
    • البريد الالكتروني
عاشت ايدك عالمعلومات

بالنسبة لفلندا هل هي داخله ضمن برنامج اليو ان للتوطين ؟؟؟؟؟؟؟[/colo


عزيزي شنايزر
حسب علمي انه بين فترة او اخرى , اليو ان يرسلون توطين الى فنلندا, عاد انته او حظك قدم او اذا ماحصلت شوفلك شنغن بدون بصمة او ازرك الى فنلندا.....
اتمنى الك الموفقية  تحياتي
جوسي البغدادي المانيا


شكرا حبي جوسي عالمعلومات عاشت ايدك

غير متصل الامانـــــي

  • مبدع قسم الهجرة
  • عضو مميز متقدم
  • *
  • مشاركة: 8871
  • الجنس: أنثى
    • مشاهدة الملف الشخصي
السلام عليكم
شكرا اخونه جوسي البغدادي والله جمايلك  لا تعد ودوم انت  متواصل لمنفعه اخوانك وخواتك ربي يكتبلك الاجر الكامل
زين ممكن سؤال  شلون نكدر نروح لليونان  هل من تركيا مثل مايكولون تهريب لو  فيزه قانونيه
لان باحد ردودك تكول اذا قدمت من اليونان ميعترفون دول الشنكن ببصمتك هناك
ومن نريد نطلع من اليونان  اي دوله شنكن اقرب وهل طلعتنه عن طريق مهرب لو من اليونان نقدم فيزه شنكن ههههه يصير لو من كيفي احجي ههههه

تحياتي ومشكور مقدما

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
السلام عليكم
شكرا اخونه جوسي البغدادي والله جمايلك  لا تعد ودوم انت  متواصل لمنفعه اخوانك وخواتك ربي يكتبلك الاجر الكامل
زين ممكن سؤال  شلون نكدر نروح لليونان  هل من تركيا مثل مايكولون تهريب لو  فيزه قانونيه
لان باحد ردودك تكول اذا قدمت من اليونان ميعترفون دول الشنكن ببصمتك هناك
ومن نريد نطلع من اليونان  اي دوله شنكن اقرب وهل طلعتنه عن طريق مهرب لو من اليونان نقدم فيزه شنكن ههههه يصير لو من كيفي احجي ههههه

تحياتي ومشكور مقدما


عزيزتي الاخت الاماني الكريمة

عفوا هذا واجب او شكراً على طيبة اخراقج او كلامتج الشيقة...
عزيزتي اذا انتي وصلتي الى تركيا او خاصة الى استنطبول او كراجات اهناك مثل كراجات علاوي الحلة ابغداد, او اتشوفين جماعات اهوايا ادور عليج حتى اتوصلج الى اليونان, طبعاً اكو هم اهوايا عراقيين يشتغلون ابهذي العملية او ديري بالج منهم او اذا تكدرين تسألين عراقيين ابتركيا اذا يعرفون احد امطلع عراقيين او شخص ثقة, او لاتنسين لازم تتعاملين وياهم التسليم عند الوصول او لا تنطي الجواز مالتج, او من توصلين اليونان بعد الله كريم تكدرين تتحركين ابكيفج لانه اكو كهوة مال عراقيين في اثينا او بيها اهوايا يوصلوج الى جميع اوربا....
بالنسبة الى البصمة في اليونان اذا اخذوها منج مو مشكلة في دول شنغن لانه بصمة اليونان مايعترفون بيها في دول الموقعة على معاهدة دبلن , يعني مو مشكلة تكدرين اتقدمين اباي بلد على لجوء, او انصح ان اتروحين الى فنلنلدا لانه الافضل للعراقيين باعطاء اللجوء بالوقت الحاضر.....
او اني حاضر الى اي سؤال كان والسلام

جوسي البغدادي استشاري اللاجئيين والمهاجرين المانيا

غير متصل علي ياسين

  • عضو فعال جدا
  • ***
  • مشاركة: 406
    • مشاهدة الملف الشخصي
    • البريد الالكتروني
حبيبي جوسي البغدادي  فعلا ماكو كلمات شكر اتكفي هذا جهدك
حبيبي اذا حصلت فيزة رسمية الى اليونان اكدر اوصل لفيلندا بدون تهريب وبهذلة لان معي زوجتة وبنتي عمرها سنتين

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
حبيبي جوسي البغدادي  فعلا ماكو كلمات شكر اتكفي هذا جهدك
حبيبي اذا حصلت فيزة رسمية الى اليونان اكدر اوصل لفيلندا بدون تهريب وبهذلة لان معي زوجتة وبنتي عمرها سنتين


عزيزي ابو الحسناء علي ياسين

عفواً هذا من ذوقك او طيبة كلبك او اني ممنون من الطيبين ابناء بلدي, او  هذا واجب او لاشكر على الواجب....

عزيزي انتو من توصلون الى اليونان يعني دخلتو اوربا, او من اهناك تكدرون تتحركون مثل ما اتريدون , او اذا خصبوكم اليونيين ان يبصموكم مو مشكلة لانه بصمة اليونان غير معترف بيها, يعني ما اتعيقك ان اتقدم لجوء في الدول الاوربية, او تكدرون ان اتسافرون الى جميع انحاء اوربا اذا كنتو حاملين فيزة شنغن بدون بصمة او بالقطار او بالباص او بالسيارة, اذا كان عندك معارف في اوربا او تكدر توزصل الى فنلندا او كبل ما اتقدم اللجوء تتلف كل المستمسكات اللي تثبت كنت في اوربا او اتقدم لجوء في فنلندا...
اتمني الك والعائلو الكريمة الموفقية او مستقبل زاهر للعزيزة بنتكم والسلام...

جوسي البغدادي استشاري اللاجئيين والمهاجرين المانيا

غير متصل الامانـــــي

  • مبدع قسم الهجرة
  • عضو مميز متقدم
  • *
  • مشاركة: 8871
  • الجنس: أنثى
    • مشاهدة الملف الشخصي
السلام عليكم
والله ممنونه منك اخونه جوسي البغدادي وربي يكثر من امثالك وفعلا  اجوبتك  افادت الكثير من تساؤلاتي ربي يحفظك بنعمه العافيه والايمان
وفكره اليونان  يمكن خووش فكره هههه  بس تقصد  الفيزه اللي نحصلها  هل هي من المكاتب ايضا لو من السفاره اليونانيه
وما اعرف شنو اجراءات الحصول عليها اذا من السفاره  تعرف بعض من شروطها او هل هناك موقع بحوزتك يوضح بعض الامور
وجدا  اشكرك وربي يبارك بيك ويوفقك بجاه نوره تعالى
تحياتي

غير متصل علي ياسين

  • عضو فعال جدا
  • ***
  • مشاركة: 406
    • مشاهدة الملف الشخصي
    • البريد الالكتروني
تسلم وتعيش حبيبي
وبخصوص فيزة اليونان....اني في لبنان واكو سفرات سياحية لليونان دا احاول انضم لواحدة منها

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
اخي العزيز ابو الحسناء

هذي خوش فكرة او هذا الموسم هم خوش موسم في اوربا بيه احتفالات الكرنفال او وقت سياحي, والحمد الله عدنا الجو ربيع في اوربا او ماعدنا ثلوج نازلة او كل الثلوج دزيناها الى الشرق الاوسط او امريكا...
تكدرون اتصيرون سواح او تفلتون من المجموعة او اتواصلون الى فنلندا او الباقي على الله...
تحياتي او اني بالخدمة لباقي الاسئلة والسلام

اخوك
جوسي البغدادي المانيا

غير متصل Dark...Angel

  • مبدع قسم الهجرة
  • عضو مميز
  • *
  • مشاركة: 1205
  • الجنس: ذكر
    • مشاهدة الملف الشخصي
    • البريد الالكتروني
اخي العزيز جوسي:

بصراحة تقرير رائع وانت كلعادة عودتنا على كل ماهو مبدع مميز
تحياتي لك  ابو ديانا الغالي وان شاء الله الفرج للجميع

تحياتي.

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني
اخي العزيز جوسي:

بصراحة تقرير رائع وانت كلعادة عودتنا على كل ماهو مبدع مميز
تحياتي لك  ابو ديانا الغالي وان شاء الله الفرج للجميع

تحياتي.



تسلم ياملاك الغامق الورد

لاشكرا على الواج, او هذا واجبنا ان نخدم ابناء شعبنا الطيبين او الاصلاء او تعبكم راحة....
الله يبارك بيكم او يعجل موعد سفركم يارب

اخوكم
ابو ديانا المانيا

غير متصل gm.mg81

  • عضو جديد
  • *
  • مشاركة: 3
    • مشاهدة الملف الشخصي
السلام عليكم
عندي سؤال مهم ارجو الرد عليه بأسرع وقت ممكن
كنت في تركيا العام السابق انا وعائلتي وقدمت على اللجوء الى امريكا عن طريق اليو أن وسويت ثلاث مقابلات وبالمقابله الأخيرة اخذوا بصماتنة وطلت النه الموافقة الى امريكا ولكن رجعت الى العراق لأسباب خاصة يعني مكملت الأجراءات الباقية وهسه اريد اقدم على فيزة شنكن ومناك اروح الى فلندا اطلع لجوء يصير لو لا؟؟؟؟ لانه اليو أن أخذوا بصماتي واني حاليا صارلي 6 اشهر من رجعت من تركيا

غير متصل ابو هفال

  • مبدع قسم الهجرة
  • عضو مميز
  • *
  • مشاركة: 1442
  • الجنس: ذكر
    • AOL مسنجر - الســـــرمــــدي
    • ياهو مسنجر - الســــــــــرمـ
    • مشاهدة الملف الشخصي
    • http://nihadtuz.forumarabia.com
سلام عليك

اخي الادراي بغدادي
 

اذا امكن مساعد

واحد صاحب عائلة متكونة من 6 اشخاص اشلون يكدر يروح الى فلندا بطريقة قانونية واهناك يطلب اللجوء
الـــــســـرمـــــــــــــدي
أعمـــــــــــــــــــــــــــــــــــــل بصمـــــــــــــــــــــــــت ودعـــــــــــــــــ عملـــــــــــــــــــــــــك يتكلــــــــــــــــــــــــــــــم


غير متصل yasir fakhri

  • نجم منتدى الهجرة و اللاجئين
  • عضو مميز جدا
  • *
  • مشاركة: 3243
  • الجنس: ذكر
  • تجني المرؤات على أهلها أضعاف ماتجني الجنايات
    • مشاهدة الملف الشخصي
الاخ العزيز والمشرف الاداري القدير جوسي البغدادي
سنوات طويلة في المنتدى ولم نر منك غير خيرة المواضيع
وهذا الموضوع هو احدها بالتاكيد
ولولا اني مقيم حاليا في اميركا لذهبت الى فنلندا وقدمت على اللجوء فيها
ممنونين منك ومن مواضيعك مرة ثانية
ونشكر من خلال شخصك الكريم الدكتور سليم لتقديمه هذه المعلومات القيمة جدا
تحياتي وتمنياتي لك بوافر الصحة وتمام العافية
كما نطلب منك اخي العزيز ان تتواصل معنا في طرح هكذا مواضيع خصوصا عن اللجوء في دول الشينكن والدول الاسكندنافية
اخوك ياسر
بسم الله الرحمن الرحيم ((وَمَنْ خَفَّتْ مَوَازِينُهُ فَأُولَٰئِكَ الَّذِينَ خَسِرُوا أَنْفُسَهُمْ فِي جَهَنَّمَ خَالِدُونَ)) صدق الله العلي العظيم
 المؤمنون103

غير متصل need justice 1

  • مبدع قسم الهجرة
  • عضو مميز جدا
  • *
  • مشاركة: 2566
  • الجنس: ذكر
  • عادي لو خسرتك قبلك اهواي
    • مشاهدة الملف الشخصي
    • البريد الالكتروني
بارك الله بيك اخ جوسي وعاشت ايدك على هاي المعلومات القيمة
الله يحفظكم
[/size]



https://www.facebook.com/photo.php?v=10151456140344561&set=vb.219759359750&type=2&theater


طلبت البعد في وقتٍ أبيك تكـون بـه يمنـاي
بعد ماجارت ايامـي علـي وحـارت ايدينـي
ولايخفاك صكات الزمـان وماحصـل ويـاي
ولو مافي يدك حاجة وجـودك كـان يكفينـي

غير متصل نزار البابلي

  • عضو فعال جدا
  • ***
  • مشاركة: 146
    • مشاهدة الملف الشخصي
الاخ جوسي البغدادي تحياتي الك .
 أرجوا الاجابة عن سؤلاتي . هل استطيع دخول فلنداعن طريق روسيا ؟ ام ان الحدود مغلقع باحكام ؟

ثانيا ان حصلت على فيزا شنكن الى بولونيا هل صحيح ان بولونيا لا تاخذ البصمات ؟

كان عندي شنغن الى بلجيكا قبل عامين هل سيؤثر ذلك على تقديم اللجوء في فلندا ؟

غير متصل سمير1966

  • عضو فعال جدا
  • ***
  • مشاركة: 137
    • مشاهدة الملف الشخصي
    • البريد الالكتروني
شكرا لك اخي صاحب موضوع
انا لي خاله في فلندا سوف يرسل لي دعوه زيارته
انا وعائلتي استطيع من اوصل ان اطلب اللجوء في فلندا
وما نسبة قبوليي
وشكرا

غير متصل زرنيخ

  • عضو فعال
  • **
  • مشاركة: 32
    • مشاهدة الملف الشخصي
انا ايضا  تكلمت مع احدى المكاتب للحصول على فيزا شنغن  وقال  سوف ندبر لك فيزا الى بولندا  بسعر 12000 دولار
وسؤالي هو هل استطيع الخروج من بولندا والوصول  من هناك الى  فلندا  وهل  يوجد في مطار بولندا  بصمة لأن صاحب المحل أكد انه لايوجد بصمة
لكني غير مطمئن  واخاف يبصموني هناك وتكون كارثة ببقائي في بولندا
ارجو الرد  لو سمحتم

غير متصل Gray wolf

  • مبدع قسم الهجرة
  • عضو مميز
  • *
  • مشاركة: 1068
  • الجنس: ذكر
  • سأضرب في طول البلاد وعرضها ... أنال مرادي أو أموت
    • مشاهدة الملف الشخصي
نتمنى من الاخ الاداري تزويدنا بتفاصيل اكثر عن كيفية الوصول الى فنلندا سواء كان من خلال فيزة رسمية الى اليونان او من خلال تهريب عن طريق روسيا لان بصراحة سالفة ال iomدجت تقريبا!!!!
وتقبلــــــــــــــــــــــــــــــــــــــو فائـــــــــــــــــــــــــــــــــق التقديـــــــــــــــــــــــــــــــــــــر والاحتــــــــــــــــــــــــــــرام

غير متصل نزار البابلي

  • عضو فعال جدا
  • ***
  • مشاركة: 146
    • مشاهدة الملف الشخصي
أخر الاخبار الي وردتني عن فلندا وعندي هناك صديق سواها وعبر الى فلندا عن طريق جماعة ميريد يكولي شلون بس ديركز على الفلوس اكثر واخاف من هيجي شي لان صاحبي مو ثقه يعني .

عموما الي سمعته وردني من اكثر من مصدر ان اللجوء مفتوح حاليا للعراقيين ولكم شهر فقط فأحنه نريد نفلت قبل لا ينسد اللجوء ولتنلاص عليه وعلى الخلفوني .
لأان اليوم تكلمت مو شرطة وشفت مقاطع فيديوا عن عملية قتلهم بالكاتم وهم بثكناتهم بالله تخيليت روحي انه اصر ضحيه من هاي الصحاياي المساكين لأن دولة ماكو قانون غائب ونروح بالرجلين , فوكاها IOM تتمضيك علينه وطول بالاجراءات .

أخوان افترح ان كان بينه ثلاث اربعه يحبون يتجهون الى فلندا فخلي نتواصل حتى نتمكن كلنه كجماعة نوصل الى فلندا , وتذكروا اللجوء مفتوح كم شهر وتروح هذه الفرصه .

الاخ الي سال عن بولونيا اخويه تكدر تحصل الفيزة بنص السعر اذا عندك اي صديق عراقي مجنس بولوني لو بولوني يكدر يدز الك دعوه , اما اذا وصلت الى بولونيا بالطريق متاح امامك بالسفينه الى فلندا , أخونه الالماني نرجوا منك النصحية بأسرع وقت لأننا مقبلون على مدبرون

غير متصل nbeel

  • عضو
  • *
  • مشاركة: 18
    • مشاهدة الملف الشخصي
موضوع جدا مهم ارجو تواصل به وشكرا لكم جميعا
up

غير متصل زرنيخ

  • عضو فعال
  • **
  • مشاركة: 32
    • مشاهدة الملف الشخصي
موضوع جدا مهم ارجو تواصل به وشكرا لكم جميعا
up

نعم  up  الا  ان  نصل  لنتيجة

غير متصل ابومروان

  • عضو فعال جدا
  • ***
  • مشاركة: 257
    • مشاهدة الملف الشخصي
الف شكر لصاحب الموضوع وهذا احله up هو وجهاله وتحياتي

غير متصل زرنيخ

  • عضو فعال
  • **
  • مشاركة: 32
    • مشاهدة الملف الشخصي

غير متصل أبو توفي

  • تركيا
  • مبدع قسم الهجرة
  • عضو فعال جدا
  • *
  • مشاركة: 873
  • الجنس: ذكر
  • [url=http://uploads.ankawa.com/][img]http://upload
    • ياهو مسنجر - zozo_ayad2012@yahoo.com
    • مشاهدة الملف الشخصي
الاخ جوسي البغدادي السلام عليكم مشكور على موضعك الرائع بخصوص اللجوء الى فلندا لدي سؤال عندي أحد أقربائي ساكن في المانيا وقال لي أنه يستطيع أن يدخلني الى المانيا عن طريق شخص يأخذني من مطار أربيل بمبلغ 11000$ دولار وهناك أقدم على اللجوء فبماذا تنصحني في مثل هذا الموضوع وكيف أستطيع أن ارتب الامر دون التعرض للخداع علما أنني قليل الخبرة في موضوع الشنغن وهل هو مزور أم لا علما أن الاتفاق لم أسلم درهم واحد الا بعد وصولي الى أقربائي وكيف أستطيع الدخول الى المانيا دون أخذ البصمه في حالة وصولي الى هولندا أو بلجيكا او ايطاليا وهو يستلمني من أحد هذه الدول مع شكري الجزيل

غير متصل الله...محبة

  • مبدع قسم الهجرة
  • عضو فعال جدا
  • *
  • مشاركة: 907
  • الجنس: ذكر
  • "الرب راعيّ فلا يعوزني شيء"
    • مشاهدة الملف الشخصي
عاشت ايدك ابو ديانا الغالي... مشتاقين يا وردة

غير متصل زرنيخ

  • عضو فعال
  • **
  • مشاركة: 32
    • مشاهدة الملف الشخصي
up
 :'(

غير متصل هذا عراقي

  • عضو مميز
  • ****
  • مشاركة: 1080
    • مشاهدة الملف الشخصي
    • البريد الالكتروني
up اخوان شنو الاخبار هسة اللجوء بفلندا ورد لان الحجي كلة ب2012 هسة شنو الاوضاع

غير متصل حسين غنيم

  • عضو
  • *
  • مشاركة: 13
    • مشاهدة الملف الشخصي
    • البريد الالكتروني

غير متصل سيد الوفاء

  • عضو فعال جدا
  • ***
  • مشاركة: 176
    • مشاهدة الملف الشخصي
السلام عليكم
يا جماعتي الخير
ممكن احد يشرح موضوع اللجوء الى فلندا بالتفصيل وما هي افضل الطرق المتروفرة حاليا
في حالة الحصول فيزا شنكن اي من الدول التي لم تجبر حامل الفيزا على البصمات وما هي افضل الدولة التي منها يؤدي الطريق الى فلندا
ماهي الاجراءات الحالية للمهاجر الغير شرعي في فلندا , كيف تكون العملية بالتدريج وماهي افضل القصص المؤثرة التي يمكن منها الحصول على الاقامة
هل ان المترجمين العراقيين يكون لهم فرصة في موضوع الهجرة في فلندا من حيث الوضع الامني المءساوي الذي يمر به البلد حاليا
اتمنى ان نحصل على الجواب الشافي
شكرا وتحياتي

غير متصل lamoure

  • عضو فعال جدا
  • ***
  • مشاركة: 90
    • مشاهدة الملف الشخصي
UP!

غير متصل عاشق البدر2013

  • عضو
  • *
  • مشاركة: 10
    • مشاهدة الملف الشخصي

رسائل: 8


مشاهدة الملف الشخصى البريد رسالة شخصية (متصل)
   
   
رد: منو يعرف ايميل iom بغداد ؟؟؟؟؟؟؟؟؟؟؟؟؟؟!!!!!!!!!!!!!
« رد #11 في: اليوم في 13:21 »
   رد مع الاقتباس تعديل الرسالة حذف رسالة
السلام عليكم بلا زحمة سؤال رحمة للوالديكم كل واحد عنده معلومات عن موضوعي خلي يتفضل علية ويكتب رجاءءءء اني امقدم على iom من 2010 والمقابله الاول 2013 ما اعرف ليش هيج اخروني المهم شغلتهم طويله والوضع تعبان بغداد حيل وهما ما عدهم احساس بينا وبكل الي امقدمين بالقطارة يطلعون بتقسيط يسفرون الناس وانتو تعرفون بيهم شكد خلكهم طويل سؤالي هو (اني نويت اروح الى اوربا ورتبتب اموري تقريبا بس هل اذا اخفي في اوربا عنهم بان اني مقدم على iom تطلع باوربا بان اني امسوي معامله الى امريكا لو لا شتكولون الى اصحاب الخبرة اني لان اريد احجي غير قصة الهم ب اوربا واني حجيت غير قصة الى iomوما اريد اطلع كذاب كدام الطريفين الامريكي واوربي انصحوني رجاء

غير متصل عزاوي عزاوي 2

  • عضو
  • *
  • مشاركة: 13
    • مشاهدة الملف الشخصي
    • البريد الالكتروني
السلام عليكم اخواني اني نويت اسافر انشالله لاوربا بس بعدني في وضعية ترتيب اموري يعني مو خلصت كلشي وباقي بس السفر فاريد استفسر عن بعض الاشياء هسة داسمع من العالم من الواحد يروح ويسلم نفسة ديطلب اللجوء ويبدي يحجي قصتة يعني يكولك لازم قصة قوية لازم قصة قوية وتجي تكوللهم يابة مثلا اتهددت يكولك لا متاكل زين اني موظف وخطفوني لا متاكل زين الكهوة اللي اكعد بيهة اتفجرت هم متاكل لازم شي الك يمسك هسة اكثر من هاي الاشياء اللي دتصير يعني والله دخت ومداعرف حتى اخطي خطوة بهالموضوع انو شنو اللي الواحد يحجي خاف تالي يحجي حجي هالمرة ديكحلهة يعميهة اخواني الله يخليكم اني اول مرة داعيش هاي التجربة ولا عندي تجارب  سابقة ولا مقدم على اي مكان ولا هم يحزنون بس والله ضاكت الدنية بية اهنا من كلشي والوضعية تعبانة كلش اريد اجوبة اهل الخبرة بشنو ينصحوني رحمة الوالديكم .

غير متصل عزاوي عزاوي 2

  • عضو
  • *
  • مشاركة: 13
    • مشاهدة الملف الشخصي
    • البريد الالكتروني
اخوان رحمة الوالديكم اريد من اهل الخبرة الجواب لان والله مداعرف ارتب اموري يكولون همينة لتكول انو انت موظف والله هم متعرف العالم دتحجي عن دراية لو عالسمع بس لذلك اني جيت  للمنتدى وحاب اطرح اسألتي  وراجي منكم اتساعدوني علما انو اني انشالله ناوي اطلع تهريب

غير متصل أريد أسافر بأسرع وقت

  • عضو فعال جدا
  • ***
  • مشاركة: 202
    • مشاهدة الملف الشخصي
اكو واحد ممكن يفيدنا بشلون ممكن نوصل لفنلندا؟؟؟

غير متصل ayad owda

  • عضو جديد
  • *
  • مشاركة: 1
    • مشاهدة الملف الشخصي
    • البريد الالكتروني
السلام عليكم ...
لمن يملك معلومات عن مكتب في بغداد يستطيع منه الحصول على فيزة شنكن بدون بصمه مراسلتي او الكتابه لي باسم المكتب وعنوانه واكون شاكراً له الكل يعرف الوضع في العراق وربي يسهل امر كل من يسهل امر شخص ...

غير متصل أريد أسافر بأسرع وقت

  • عضو فعال جدا
  • ***
  • مشاركة: 202
    • مشاهدة الملف الشخصي
السلام عليكم ...
لمن يملك معلومات عن مكتب في بغداد يستطيع منه الحصول على فيزة شنكن بدون بصمه مراسلتي او الكتابه لي باسم المكتب وعنوانه واكون شاكراً له الكل يعرف الوضع في العراق وربي يسهل امر كل من يسهل امر شخص ...

UP

غير متصل y3soob

  • عضو فعال جدا
  • ***
  • مشاركة: 763
    • مشاهدة الملف الشخصي
السلام عليكم اخواني جميعا

ارجو مساعدتكم لموضوع يخص صديق قريب وجزاكم الله خيرا:
انا كنت اعمل في احدى الدوائر التابعه لهيئة النزاهة وقد تعرضت لكثير من الظغوطات واخرها تهديد بالقتل لاكثر من مره لاسباب تخص كشف والتحقيق عن الفساد الاداري وكذلك مضايقات وتهديدات طائفية فخرجت من العراق عام 2010 وحصلت على اقامة في سلطنة عمان و الوضع في عمان غير مستقر و خصوصا بعد قرار التعمين اي حصر عدد الوظائف  للوافدين و منح الفرصة لاصحاب البلد اضافة الى قلة الرواتب او تاخير صرف الرواتب لعدة شهور , قدمت على فيزة شنكن من السفارة الايطالية في عمان وحصلت على الفيزة بعد اسبوع ولمدة ثلاثة اشهر ونوع (C) ولكن اني بصمت في السفارة اما زوجتي فلم تظهر البصمة واضحه بسبب مشاكل في البشرة.
سؤالي الان هل توثر البصمة في حالة سفري وطلب اللجوء ام لا و كيف يكون طريق الدخول الافضل والى اي دولة حاليا ز
اني راح ارجع للعراق قريبا و ابقه في بغداد لمدة شهرين او شهر ونص بعدين اسافر من بغداد او تركيا .
اخواني ارجو نصيحه لله منكم والرد باقرب وكت وبارك الله بيكم.

غير متصل Mustafa8

  • عضو
  • *
  • مشاركة: 18
    • مشاهدة الملف الشخصي
    • البريد الالكتروني
لسلام عليكم اخوان
منو عندة تجربة وية فيزة الشنغن ؟ التبصيم شلون يكون كل الاصابع لو اصبع واحد و شنو الفرق ؟
لان قدمت على فيزة عن طريق مكتب بروسيا و المكتب هذا مطلع فيزة قبل لواحد من جماعتي و الولد بنفسة رايح للسفارة و اخذوا منة بصمة اصبع واحد , هل هي هاي بصمة الدبلن ؟ يعني تبين بالجوء لو مجرد بصمة امنية ؟
مكدرت اعرف من صاحبي لان راح هو ونسة بس , يعني ضل 10 ايام و رجع لروسيا
الي عدهم خبرة بلكي يفيدوني و شكرا مقدما

غير متصل alhasany

  • عضو جديد
  • *
  • مشاركة: 1
    • مشاهدة الملف الشخصي
    • البريد الالكتروني
سلام عليكم اخوان الي يريد ان يحصل على فيزه اوربا وبدون بصمه ارجو مراسلتي على الاميل alhasany2006a@yahoo.comواسعار معقوله

غير متصل Mustafa47

  • عضو
  • *
  • مشاركة: 9
    • مشاهدة الملف الشخصي
    • البريد الالكتروني

السلام عليكم اخوان , ارجو الرد على سؤالي و شكرا مقدما
اجيت للسويد بفيزا شنكن , البارحة وصلت , اني كان هدفي اني اروح من السويد لفنلندا بباخرة , بس سمعت انه بفنلندا موقفين اللجوء للعراقين , و السويد متنطي للعراقيين , هل هذا الخبر صحيح انه فنلندا موقفة اللجوء للعراقين , اتمنى الرد يا شباب , و شكرا مقدمة و التوفيق للجميع ان شاء الله

غير متصل Bashar Mouhammed

  • عضو
  • *
  • مشاركة: 6
    • مشاهدة الملف الشخصي
    • البريد الالكتروني
اخوية مصطفى شلون حصلت فيزا لفنلندا وشكد سعرها
وصدك فنلندا مدا تنطي لجوء للعراقيين

غير متصل Bashar Mouhammed

  • عضو
  • *
  • مشاركة: 6
    • مشاهدة الملف الشخصي
    • البريد الالكتروني
السلام عليكم
اني شاب عراقي عمري 25 سنة من بغداد مهندس اريد اطلب اللجوء الى فنلندا عندي كم سؤال
1- هل فنلندا تقبل اللجوء بالنسبة للعراقيين وهل اذا كانت تقبل هل الا بقضية ام بدون قضية
2- ما هي افضل طريقة للقدوم الى فنلندا وتقديم اللجوء
3-كم هو الراتب للاجئ قبل وبعد الاقامة
4-هل يمكنني ان ادخل كلية الصيدلة في فنلندا وهل دراسة كلية الصيدلة على حساب حكومة فنلندا وهل تنصحني بان اقول انني مهندس ام لا وهل اذا قلت انني مهندس هل يؤثر على دخولي كلية الصيدلة في فنلندا
5-كم هي مدة دراسة اللغة الفنلندية لكي اتمكن من دخول كلية الصيدلة
6- ما هي افضل مدينة واسرعها من اجل تقديم اللجوء فيها
7- هل يكفي راتب اللاجئ للمعيشة في فنلندا
8- قبل فترة قدمت على فيزة شنكن من السفارة الفرنسية في بغداد ولكن تم الرفض يوم التقديم 4 ديسمبر 2013 ويوم الرفض 27 ديسمبر 2013 واخذوا بصماتي للعشرة اصابع على جهاز واخذوا لي صورة وعند الرفض وجدت على جواز سفري ختم باللون الازرق موضوعا عليه تاريخ تقديمي على الفيزا سؤالي متى تسقط بصماتي من اليوروداك ويمكنني محاولة اللجوء
9-ايهما احسن المانيا ام فنلندا من ناحية الراتب والعمل و الجنسية والدراسة اسف على الاطالة

غير متصل كارهه الدنيا

  • عضو
  • *
  • مشاركة: 17
    • مشاهدة الملف الشخصي
صح هذا الخبرر اي احد بفنلندا خلي ياكدة او يكلنا الوضع شنو دينطون لو لا ليش نخلي العالم تروح وتتورط       http://www.yaqen.net/Portal/news.php?action=view&id=1724

متصل ★★★ AIRBORNE ★★★

  • عضو فعال جدا
  • ***
  • مشاركة: 273
  • Always on front lines Sacrifice is my point
    • مشاهدة الملف الشخصي
A man will continue acting like a child until his mother's death, then he will age in a sudden

غير متصل عبدالله المسافر

  • عضو فعال جدا
  • ***
  • مشاركة: 79
    • مشاهدة الملف الشخصي
    • البريد الالكتروني
أخوان شنو هي اوضاع اللاجئين العراقيين حالياً بفنلندا ؟
و هل تطي لجوء ؟
اوضاع المعيشة و راتب اللاجئ كم و هل هو مناسب ؟
سمعت ان فنلندا تطي لجوء للعراقيين بس اكو اخبار انتشرت انه لاتعطي فهل هذا صحيح اخواني الاعزاء ؟

غير متصل حيدر العراقي

  • عضو جديد
  • *
  • مشاركة: 2
  • منتديات عنكاوا
    • مشاهدة الملف الشخصي
السلام عليكم 

كيف أصل الى فلندا وانا الأن في بغداد متزوج وعندي 5 اطفال وشكرا

غير متصل فتى المدينة

  • عضو فعال جدا
  • ***
  • مشاركة: 234
  • غالبا ما يضيع المال .. بحثاً عن المال
    • مشاهدة الملف الشخصي
السلام عليكم
 والله اريد اطلع الفنلندا طكت روحي من ورى وضع العراق او مشاكل iom  اخوان اذا اكو واحد يعرف  طريق الوصول الى فنلندا ليبخل علينه بالجواب؟..
جزاكم الله اف خير

غير متصل جمال الناصري

  • عضو
  • *
  • مشاركة: 5
  • منتديات عنكاوا
    • مشاهدة الملف الشخصي
    • البريد الالكتروني
يا جماعة ممكن رد بخصوص الموضوع  مال فلندا واذا اكو شكم واحد يريد يسافر وبعده بغداد خلونه نشلع شلعه وحده حته واحد يشيل ثاني خلونه متواصلينه احنه الشالعين :'( :'( :'(

غير متصل axtrom

  • عضو
  • *
  • مشاركة: 13
    • مشاهدة الملف الشخصي
السلام عليكم ...ياريت اخوان نتواصل اذا اكو تخطيط للسفر الى فلندا ممكن

غير متصل تفرج

  • عضو فعال جدا
  • ***
  • مشاركة: 135
  • منتديات عنكاوا
    • مشاهدة الملف الشخصي
ياريت احد الاخوان المتواجدين دائما هنا يتزل موضوع جديد عن فلندا لان هذا الموضوع مدا يصعد وية المواضيع الجديدة

غير متصل Edy Simon

  • اداري منتدى الهجرة واللاجئين
  • عضو مميز جدا
  • *****
  • مشاركة: 4050
    • مشاهدة الملف الشخصي
    • البريد الالكتروني

مواضيع الحياة العامة في بلاد المهجر (اوروبا)

للمواضيع التي تخص الهجرة للدول الاوروبية

مشرفين: Sound of Soul, Edy Simon, ĈAŃDŶ, kunda, ** يدكو **

اعزائي الكرام
تحية طيبة وبعد,
ارجو من الذين لديهم اهتمام بمواضيع اوربا وبالاخص فنلندا,
الرجاء الانتقال  الى قسم اوربا لمشاعدة و الحصول على اكبر عدد ممكن من المعلومات
المتوفرة بالقسم ويمكنهم توجيه اسئلتكم ايضاً؟
وسوف نقوم بالجواب عليها على قدر المستطاع وشكراً!
تقبلو تحياتي
جوسي البغدادي استشاري الللاجئين والمهاجرين المانيا

Cxense Display