التهريب الى كندا

المحرر موضوع: التهريب الى كندا  (زيارة 6881 مرات)

0 الأعضاء و 1 ضيف يشاهدون هذا الموضوع.

غير متصل عراقي ولكن

  • عضو فعال جدا
  • ***
  • مشاركة: 200
    • مشاهدة الملف الشخصي
التهريب الى كندا
« في: 14:27 15/02/2012 »
شباب رحمه لوالديكم سامعين بهيج شي لانه صراحة اني من البارحة سمعت الخبر مدا اصدك .
البارحة اتصل صديقي من النمسا يكول اكو شخص طلع تهريب  لكندا ومن سالته يكول عن طريق البحر يروحون اول شي لبلجيكا ومن بلجيكا لبريطانيا ومن بريطانيا لكندا فسامعين بهيج كلام لانه اني صراحة ما صدكت فبلكي الي عنده معلومات او شي يفيدنه وممنون منكم شباب

غير متصل القرموطي

  • عضو فعال جدا
  • ***
  • مشاركة: 248
    • مشاهدة الملف الشخصي
رد: التهريب الى كندا
« رد #1 في: 15:25 15/02/2012 »
خليك ممصدك صديقي
كلم العاقل بما لا يعقل....
تقبل مروري

غير متصل *iskender*

  • عضو فعال جدا
  • ***
  • مشاركة: 584
    • مشاهدة الملف الشخصي
    • البريد الالكتروني
رد: التهريب الى كندا
« رد #2 في: 15:37 15/02/2012 »
لا حبي ماكو هيجي شي اكو تهريب لبلجيكا صحيح ابن عمتي طلع تهريب لبلجيكا قبل اسبوعين وصح تكدر توصل لبريطانيا بس ما توصل لكندا تهريب من بريطانيا مستحيل لان انته حقك مشايف المسافه بين بريطانيا وكندا والمحيط الاطلسي شكبره وهاي المسافه العظيمه بس اني اكولك اكو شغله تكدر توصل بيها لكندا تكدر اتحصل فيزا سياحيه لكندا لمده شهر وهاي تحصلها من السفاره الكنديه الي بعمان بس على شرط يكون عندك هويه رجال الاعمال ومن توصل لهناك تكدر تطلب اللجوء بس مال تطلع قجق لكندا هاي من سابع المستحيلات اكو تهريب لاستراليا اذا اتريد بس تبقى انته وحضك لان عندك خفر السواحل الاندنوسيه اذا لزمو واحد بعد الشمس متشوفه وعندك البحر هايج دائما يعني بيها خطوره وكل هذا وهاي الخطوره واتكلفك 10000 دولار حوالي ياخذهن القجقجي >:(
اتمنالك التوفيق

غير متصل لطمية

  • عضو
  • *
  • مشاركة: 29
    • مشاهدة الملف الشخصي
رد: التهريب الى كندا
« رد #3 في: 20:19 15/02/2012 »
اخوان اني ابلجيكا وين اكو هيج حجي اني ذبحت نفسي ادور تهريب لكندا من بلجيكا سمعت بأنه اكو تهريب سابقا منا عن طريق الطيارة وسامع اكو تهريب من اسبانيا بالبواخر لان اسبانيا يجوهة سياح من امريكا ومن كندا بالسفن المستخدمة لنقل المسافرين بعد الله اعلم ياريت احد ينورنة بمعلومة مفيدة

امل انتظار صبر

  • زائر
رد: التهريب الى كندا
« رد #4 في: 21:24 15/02/2012 »
اني هم عندي سؤال ليش جماعة اوروربا يريدون يروحون لكندا ؟ هلكد اوروبا مو زينة؟ يعني كندا احسن؟
حسب عملي كندا غالية مثل كندا  والعيشة بيها صعبة ولازم الواحد يدك شغل من الصبح الى الليل يلا يطلع عيشته وعيشة عائلته اذا متزوج والمساعدات وحدها ماتكفي بدون شغل خصوصا للي عنده عائلة 

غير متصل Aiham_

  • مبدع قسم الهجرة
  • عضو مميز جدا
  • *
  • مشاركة: 3989
  • Only the Gentle are truly strong
    • مشاهدة الملف الشخصي
رد: التهريب الى كندا
« رد #5 في: 22:06 15/02/2012 »
كندا ما تقبل اي لاجيء دخللها بصورة غير شرعية .

هذا خصم الحجي و لا تدوخون روحكم

غير متصل فزعتكم

  • عضو فعال جدا
  • ***
  • مشاركة: 106
    • مشاهدة الملف الشخصي
رد: التهريب الى كندا
« رد #6 في: 22:40 15/02/2012 »
تحيه لكل الاخوة والاخوات الي شاركو بالموضوع وتحيه للاخ اسكندر واحب اكولة شي


فيزا كندا شيب راسي من وراها وصارت عندي خبره بيها مو طبيعيه


كل دول العالم بما فيهم كندا وامريكا كلهم ينطون فيزا للعراقي لكن بشروط

مو مهم ان جنت رجل اعمال لو لا لكن اهم نقطتين توفرهم لاي سفارة انك تقدم كشف حساب بنكي مال اخر 6 شهور يبين بهذا الكشف انك عندك مالايقل عن 30 الف دولار والشغلة الثانيه تثبتلهم انك بعد ماتخلص مده الفيزا راح تطلع من كندا او من الدولة الي رايحلها

بس اهم شي تركز على سالفه كشف الحساب البنكي والمبلغ المذكور هاي طبعا على اقل تقدير وشكد مايكون المبلغ اكثر يكون احسن

لو وفرت وية اوراقك هاي شغلتين اني اضمنلك بنسبه 99% انك تحصل على الفيزا ان جانت سياحه لو دراسه لو غيرها

سالفه هوية رجل اعمال ومدري شنو هاي ماتوكل خبز لان من شروط الفيزا بأي دولة لازم توفر كشف حساب بنكي لاخر 6 شهور ومن خلال هذا الكشف لازم يبين عندك المبلغ المذكور ولما يشوفون انك عندك فلوس راح يتأكدون انك ماراح تقدم على لجوء لان معروفه كل الي يقدم على لجوء امورة تعبانه

والي يكوللكم غير هلحجي والله العظيم جذاب لان شبعت ضيم من ورة فيزا كندا لحد ماعرفت كل سوالفها وهم مانسى فضل اخوية الغالي الفريدو ( ابو احمد الورد ) الي دائما ينصحني بهذا الموضوع

ربي يحفظكم

غير متصل القرموطي

  • عضو فعال جدا
  • ***
  • مشاركة: 248
    • مشاهدة الملف الشخصي
رد: التهريب الى كندا
« رد #7 في: 00:26 16/02/2012 »
الاخ فزعتكم
تحياتي
كلامك عين الصواب
وحاليا تكدر تراسل اي جامعة او معهد سواء كندا اميركا او اوربا وتاخذ القبول , لكن القبول مو شرط هوه فيزة! بمعنى انو ضابط الهجرة ابو الفيز بالسفارة لازم يتأكد من انك تملك المال لسداد حياتك الدراسية والمعيشة والخ الخ داخل البلد المقصود. والاكثر اهمية انو شنو اليدفعك ترجع لبلدك الحبيب؟ ما من تكمل دراستك (تلزك=جونسون) بيتك مثلا اهلك عملك املاكك يعني سبب مقنع لعودتك لبلدك.
وكذلك قريت من رسالة قبول لطالب صديقي, انو حتى لو حصلت فيزة دراسية فيبقى ضابط الهجرة في المطار مخول على منحك موافقة الدخول من عدمه!.. وابشركم صاحبي وصل للكلية وعدل وكبل: معاملة مال لجوء ومحاكم ومحامين هههههههه
تقبلوا المرور

غير متصل فزعتكم

  • عضو فعال جدا
  • ***
  • مشاركة: 106
    • مشاهدة الملف الشخصي
رد: التهريب الى كندا
« رد #8 في: 01:13 16/02/2012 »
اخوية قرموطي مو هوة شي مرتبط بشي ثاني بس الي عنده مبلغ جبير بالبنك من 30 الف دولار وانته طالع موظف الجوازات راح يكول هذا متمكن ومامحتاج للجوء لان الكنديين يعرفون كلش زين الي يقدم على لجوء الانسان الفقير لكن الي عنده فلوس مو محتاج يقدم على لجوء

والكنديين بالتحديد عدهم شروط لو استوفيتها خلص ينطوك الفيزا وهمه الممنونين ولاتنسى اخوية قرموطي اريدك تركز على نقطه جدا مهمه

فيزا كندا وامريكا بالتحديد يطلبون كشف حساب مال اخر 6 شهور

يعني ماينفع واحد يحط برصيده فلوس ويروح يقدم على الفيزا كبل ينرفض حتى لو حط مليون دولار

كشف الحساب يعني اكو فلوس جاي تنزل بهذا الحساب كل شهر والسفارة الكندية تشوف الباقي من كل شهر شكد جاي يبقى وتضربه في 6

الي مافهم احاول افهمه الموضوع بشكل اوضح

مثلا انته قدمت كشف حساب مال راتبك مال اخر 6 شهور ولازم كشف حساب مال راتب او مال حساب توفير ماضي عليه 6 شهور ويشوفون شكد انصرف وشكد باقي ولازم البلنس مال كل شهر يكون باقي بيه مبلغ محترم

بالشهر الاول مثلا باقي الفين دولار
الشهر ثاني 3 الف دولار
وهكذا باقي الاشهر لكن كل مايبقى بالبلانص مبلغ زين كل مايكون احسن

لكن الي يجي يكول احط فلوس بحسابي واقدم على الفيزا هاي من سابع المستحيلات وكبل تنرفض الفيزا وكلامي بالتحديد على فيزا كندا

لان الكنديين يريدون يعرفون انك موظف وعندك مورد شهري والشركة او المؤسسه هيه تنطيك راتب حتى يعرفون مصدر الفلوس الي عندك غير هيج لو واحد حط فلوس بحسابه مليون دولار وراح يقدم للفيزا ماينطوه فيزا لو شمايصير


للاسف اكو عصابات مافيا يضحكون على بعض ناس ويكولون نحط فلوس بحسابك ونقدملك على الفيزا وبعد ماتخلص الفيزا نسحب الفلوس ونسويها الك ب 15 الف دولار وهسة تنطينا النص

يسووها بأكثر من واحد وبعدين لو رفض لو يطفرون وماتحصل شي

واكو ناس مثلا يقدم للسفارة الكندية عقد بيع وشراء على اساس انو هوة بايع بيته وهذا دليل على ان الفلوس الي عنده مال بيته

الي يفكر يسوي هيج اكوله دير بالك ستووووب خط احمر لان اذا عرفو انته بايع بيتك والفلوس الي عندك مال بيتك تحلم بعد ينطوك اي فيزا لان من شروط الفيزا مثل ماكال اخوية قرموطي لازم تخلي شي يثبت انك راح ترجع مثلا اقامة بالخليج او بيت او شقه او اي شي ملكك لكن من تبيع البيت مالتك وهمه يعرفون هذا شي معناها جاي تثبت الهم تريد تسافر حتى تطلب لجوء


اتمنى اكون شرحت بما يكفي عن موضوع الفيزا الكندية وربي يحفظكم وسلامي للاخ القرموطي ربي يطول بعمرك شيخي

غير متصل القرموطي

  • عضو فعال جدا
  • ***
  • مشاركة: 248
    • مشاهدة الملف الشخصي
رد: التهريب الى كندا
« رد #9 في: 12:52 16/02/2012 »
شكرا اخويه الطيب (فرعتكم) على التوضيح اني مو شيخ يمعود ههههه اني اصدر منكا
فعلا كلامك صائب وباين شيب راسك بموضوع الفيزة الكندية , واريد اوضح نقطة غاية بالاهمية انو تسهيل الفيزة للمواطن يجي من جملة امور اهمها امكانيته المادية او طاقته البشرية (طبيب - مهندس - يد ماهرة) وثانيها احترام المواطن بالسفارات يبلش من احترام دولته لنفسها, وماريد اكلب التعليق سياسي طبعا لكن هاذ واقع, فلو طلع سائح اماراتي منتوف من امارة ام القيوين لبلد ما فحاله من حال السائح من ابو ظبي كنتيجة (اماراتي). التصعيب بالنسبة النه يبداء من هل نقطة.

 لو كان مثلا حجم التبادل التجاري على مستوى عالي بين العراق ودولة معينة (بيها خير) رح ينعكس بالنتيجة على جملة من العلاقات بين الدولتين, مثال بسيط : عندك امريكا تحدد تعرفة الاتصال بينها وبين الدول الباقية بحسب (حجم التبادل التجاري بينهم) تسهيلا لأمور مواطني ذلك البلد والامريكان حته ينعكس على ازدهار تجاري وثقافي اكبر واكبر, فتخيل الى اين تأثر العلاقات الدولية. او مثلا حته لنروح بعيد الكل يتفق الاردن بلد فقير, بس شوف واقع العلاقات الاوربية الاردنية , الاميركية الاردنية , والدليل هوه الي دفع سردار (تاجر عراقي منعنش) انو يحمل جواز اردني, فأيش يخلي تاجر من العيار الثقيل جدا عراقي كسردار انو يحمل جواز اردني بدلا من العراقي؟
شوف مثلا المصري : لو عراقي ومصري قدمو على فيزة (يد ماهرة)  كندية او استرالية, وثنينهم نفس الكفائة بمجال التكييف والتبريد مثلا, ليش المصري يحجز ويطير, والعراقي لو يطير ميطير! السبب انو وره المصري اكو حسني (سابقا) الي جاب 5-6 مليون مصري خلاهم ياكلون كل يوم فرخة بالعراق! والعراقي ورا اشخاص إما يومية تنكب سلاح وعدل وكبل للجبهة , أو تركض ورانه بدول المهجر لأرجاعنا (قسرياً) الى بلدنا الحبيب.

ولو طولت عليك بس حبيت نتناقش نقاش مثمر لأنك متفهم كلامي والعكس صحيح, آخر شي عدنه مثل عراقي يكولو شيابنه حلو
يكلك السبع اليعبي بالسكله ركي(رقي) .. احنه السبع عدنه بهل زمان الي يفرغ من السكلة الركي
تقبل المرور اخي العزيز
شكرا
القرموطي

غير متصل فزعتكم

  • عضو فعال جدا
  • ***
  • مشاركة: 106
    • مشاهدة الملف الشخصي
رد: التهريب الى كندا
« رد #10 في: 16:18 16/02/2012 »
الله يطول بعمرك ويحفظك بجاه نبي محمد


هواي ناس مايعرفون هذا الكلام وكلامك صحيح مليون بالميه وهذا حال العراقي بكل مكان منبوذ ومحد يريده مانكدر نكول الا الحمد الله على كل حال والنا الله


غير متصل lyoo

  • عضو فعال جدا
  • ***
  • مشاركة: 978
  • ضاقت فلما استحكمت حلقاتهافرجت وكنت أظنها لا تفرج
    • مشاهدة الملف الشخصي
رد: التهريب الى كندا
« رد #11 في: 09:31 17/02/2012 »
اول مره اسمع بيها
لا اله الا الله.. محمد رسول الله
سبحان الله وبحمده .. سبحان الله العظيم
سبحان الله .. والحمد لله.. ولا  اله الا الله.. واالله كبر 
اللهم لك الحمد كما ينبغي لجلال وجهك ولعظيم سلطانك .

غير متصل hi-lee

  • عضو
  • *
  • مشاركة: 16
    • مشاهدة الملف الشخصي
رد: التهريب الى كندا
« رد #12 في: 10:04 17/02/2012 »
السلام عليكم وجمعة مباركة
انا حاليا احمل فيزا الى كندا والسنة الماضية حصلت ايضا فيزا على كندا من اول طلب لكن ما رحت لان تاخرت اقامتي بلاردن وخفت اذا اطلع ما اكدر ارجع خصوصا ان زوجي واطفالي في الاردن. وخفت اذا اقدم لجوء هناك ماحصل بوقت قصير. المهم اريد اعرفك الفيزا تحصلها لكندا الا بحالة حصولك على دعوة رسمية اضافة الى كشف حساب فيه حركة. علما اني رغم العوة الرسمية وكشف حساب جيد ما قبلوا ينطون لاطفالي فقط انا حصلت عليها وايضا في حيرة من امري اخاف اروح وشغلة اللجوء هناك تاخذ وقت طويل علما انا نتيجة محلفين حصلت عليها تعليق بتاريخ 12/9/2011 وياريت اللي يعرف عن اللجوء من داخل كندا شي يعلمني لان تعبت من الانتظار دون نتيجة. ولا تكولون بطرانة لان اني ام قبل كلشي.
تقبلوا تحياتي

غير متصل القرموطي

  • عضو فعال جدا
  • ***
  • مشاركة: 248
    • مشاهدة الملف الشخصي
رد: التهريب الى كندا
« رد #13 في: 10:59 17/02/2012 »
اهلا hi-lee
شكرا عالتعقيب.
تسهيل الفيزة للمواطن يجي من جملة امور اهمها امكانيته المادية او طاقته البشرية (طبيب - مهندس - يد ماهرة)
هاي جملة اوردتها بردي الاخير . حالتك هيه احتمال تكون من النوع الاول الي هوه كشف حساب فعال وكذلك الدعوة سواء من معرض او شركة او منظمة.. (دعوة مو كفاله), ليش محاولتي بكندا تستفسرين من محامي هجرة؟
وطبعا مو كل الحالات العدها كشف حساب ودعوة املها ضعيف باللجوء لأن اكو (رفيوجي - آيسولم) الانساني والسياسي, برأيي المحامي من كندا اضمن لحالتج لأن رح تطلعي على تفاصيل قد تكون بنظر طالب اللجوء مو مهمة وبنظر المحامي اساسية.
شكرا

غير متصل hi-lee

  • عضو
  • *
  • مشاركة: 16
    • مشاهدة الملف الشخصي
رد: التهريب الى كندا
« رد #14 في: 18:01 17/02/2012 »
شكرا جزيلا اخي على المداخلة اتصلت بمحامي من الاردن وهو في كندا كال ما ارد الا تكوني في كندا وانا في حيرة من امري والله اعلم .

غير متصل لطمية

  • عضو
  • *
  • مشاركة: 29
    • مشاهدة الملف الشخصي
رد: التهريب الى كندا
« رد #15 في: 19:35 17/02/2012 »
احد الفروقات بين اوربا وكندا انه كندا بلد به شعب لملوم من كل الاجناس واغلبيته اجانب مو اصليين فالعنصرية تكون معدومة اما اوربا فهية القارة العجوز وشعوبهة هي نفسهة من نفس الجنس فيصيرون عنصريين شلون عنصرية العشائر يمنه بالعراق نفس الشي هذا احد اسباب الي موجود في اوربا يتمنى يطلع لكندا لان العنصرية شيء مقيت مو سهل تتحمله يا اخي واعتقد اقتصاد كندا عموما احسن من اوربا هذا ينعكس على توفر فرص العمل مقابل هذا كندا بلد بعيد جدا عن العراق يعني الي يريد يرجع زيارة يبطل من يعرف شكد راح يصرف وكندا بلد
بارد بشكل مو طبيعي وما ادراك ماهو البرد القارص الي يريد يجرب وينطيني رايه تحياتي

غير متصل بشار ابن الجامعة

  • عضو فعال جدا
  • ***
  • مشاركة: 215
  • الجنس: ذكر
    • مشاهدة الملف الشخصي
رد: التهريب الى كندا
« رد #16 في: 20:23 17/02/2012 »
         السلام عليكم

اخوان ماكو هيجي شي مستحيل وتره كل شي بالعقل


  تقبلو تحياتي


اخوكم   بشار
احب ان ارى نفسي وعائلتي واهلي وجيراني واصدقائي وجميع الناس ينعمون بالصحة والعافية والامن والسلام والسعادة والرخاء

غير متصل القرموطي

  • عضو فعال جدا
  • ***
  • مشاركة: 248
    • مشاهدة الملف الشخصي
رد: التهريب الى كندا
« رد #17 في: 10:12 18/02/2012 »
السلام عليكم وجمعة مباركة
انا حاليا احمل فيزا الى كندا والسنة الماضية حصلت ايضا فيزا على كندا من اول طلب لكن ما رحت لان تاخرت اقامتي بلاردن وخفت اذا اطلع ما اكدر ارجع خصوصا ان زوجي واطفالي في الاردن. وخفت اذا اقدم لجوء هناك ماحصل بوقت قصير. المهم اريد اعرفك الفيزا تحصلها لكندا الا بحالة حصولك على دعوة رسمية اضافة الى كشف حساب فيه حركة. علما اني رغم العوة الرسمية وكشف حساب جيد ما قبلوا ينطون لاطفالي فقط انا حصلت عليها وايضا في حيرة من امري اخاف اروح وشغلة اللجوء هناك تاخذ وقت طويل علما انا نتيجة محلفين حصلت عليها تعليق بتاريخ 12/9/2011 وياريت اللي يعرف عن اللجوء من داخل كندا شي يعلمني لان تعبت من الانتظار دون نتيجة. ولا تكولون بطرانة لان اني ام قبل كلشي.
تقبلوا تحياتي
شكرا جزيلا اخي على المداخلة اتصلت بمحامي من الاردن وهو في كندا كال ما ارد الا تكوني في كندا وانا في حيرة من امري والله اعلم .

عفوا وشكري لصاحب الموضوع
 اختي حاولي تنزلي موضوع عالعام تطلبن هاتف محامي من كندا لان هاذ المحامي الاردني ايده بالمي,,, وكذلك اطلبي نصيحة الشباب الي هناك .  والله الموفق بكل الاحوال

غير متصل القرموطي

  • عضو فعال جدا
  • ***
  • مشاركة: 248
    • مشاهدة الملف الشخصي
رد: التهريب الى كندا
« رد #18 في: 10:22 18/02/2012 »
         السلام عليكم

اخوان ماكو هيجي شي مستحيل وتره كل شي بالعقل


  تقبلو تحياتي


اخوكم   بشار
اخي تحياتي الك,, غير تفهمنه شنو الي مشاله عقلك بكلامنه؟! حته نفهم ونوضحلك الصورة. تقبل المرور

غير متصل بشار ابن الجامعة

  • عضو فعال جدا
  • ***
  • مشاركة: 215
  • الجنس: ذكر
    • مشاهدة الملف الشخصي
رد: التهريب الى كندا
« رد #19 في: 10:53 18/02/2012 »
      السلام عليكم

اخويه الغالي القرموطي قصدي الي ما شاله عقلي هو طريقة التهريب عبر المحيط من خلال النقل البحري يعني لو جوي يمكن بيها مجال وهم احتمال ضعيف

 
   تقبل تحياتي اخي العزيز   


    اخوك   بشار
احب ان ارى نفسي وعائلتي واهلي وجيراني واصدقائي وجميع الناس ينعمون بالصحة والعافية والامن والسلام والسعادة والرخاء

غير متصل القرموطي

  • عضو فعال جدا
  • ***
  • مشاركة: 248
    • مشاهدة الملف الشخصي
رد: التهريب الى كندا
« رد #20 في: 11:41 18/02/2012 »
 يالطيب الغالي بشار والله حقك ,, لا عقلك يشيل هل كلام ولا احنه هم
 اكو تهريب عن طريق البحر صحيح بس نسب النجاح 1% . يعني لو قرش لو عواصف وغرق وموت احمر
 والطيران كذلك مستحيل ,, الناس عبالها كل الدول مثل اليونان , عندك ضباط هجرة استراليين يجيكون صحة الفيز الي اطير ترانزيت من ماليزيا الى استراليا! للحد من الهجرة الغير شرعية عن طريق المطارات.
 اتمنه من كل من يفكر بالهجرة الغير شرعية يفكر 10 مرات و 100 مرة قبل لا يضيع نفسه ويه المهربين (تجار البشر).
 تقبل المرور