هل يوجد اشخاص siv عبرو السنة او ما اجالهم ايميل اعادة فحص

[DREAM_TRAVEL]

شباب اني هسه قريت هاي الموضيع الحلوة مبرررررروك لكل اعضاؤ عنكاوا وياربي تفرج للجميع شباب بس سؤال
هاي اميلات الفحص معناها فيزا لو شي روتني كل واحد عبر سنة يجي  موعد فحص طبي جديد اكو ناس عابره سنة او مجايها اعادة فحص ارجو توضيح

[DREAM_TRAVEL]

شباب اشو محد علق على موضوع بس اريد افتهم اكو ناس عابره السنة بعد المقابلة او مدزولهم  اعادة فحص طبي او هاي الاميلات جاي يدزوها مال اعادة فحص طبي هل هيه معناتها الفيزا او انتهاء الامينة

[SIV NASSA]

معناها الفيزا

[DREAM_TRAVEL]

شكرا  ااخويه على  الاجابة او ياربي يو الفيزا تطلعنه او  الفيزا للجميع

[SIV NASSA]

امين انشالله للجميع

[سامي75]

سنه وخمس شهور مضت على مقابلتي يدون لا فيزا ولا إيميل اعادة الفحص الطبي.............الله كريم

[محارب]

الله كريم ان شالله الاخبار تبشر بخير

[gustavo]

ماطول اكو حركة بالسفر فانشالله خير بالايام القادمة ..
تحياتي للجميع.

[جاسم كراده]

 نعم.... اني صار سنـــــــــــــــــــــــــــــــــــة و ثلاثة اشهر والى هذا اليوم ماكو اي خبر....      وان شاءالله الفرج القريب للجميع

[iraqi 64]

اخوكم جديد في هذا المنتدى الرائع الذي يمدنا بالامل بعد ان تمكن منا الياس، اخوان اني صار لي سنة واربعة شهور ويابسة كلشي ماكو ،بس سوال بدون زحمة لقد سحبت جوازاتنا انا وعائلتي هل هذه الخطوة تؤثر على قضيتي مع الشكر الجزيل

[ابو ايمن المياحي]

للرفع

[Kin]

اعادة الفحص الطبي معناه الكليرنس مال المتقدم للفيزا طلع و باقي بس طبع الفيزا من تدزلهم الفحص رأسا يطبعون الفيزا بالجواز... اني صارلي سنة وشهر تقريبا انتظر و ماكو شي...

[iraqi 64]

اخوان محد مجاوبني ليش اذا سحبت الجوازات من السفارة فهل يؤثر على الكيس مع الشكر الجزيل ,اكرر اني اجريت الفحص الطبي مع افراد عائلتي قبل سنة واربعة شهور .

[ABO SARAH]

السلام عليكم
اخ alwan 64 لا ميأثر لان اكو واحد من الاعضاء طلعت فيزته ودزولة ايميل كالوله جيب جوازك اتصو الاخ اسمه عالشحن دور علية واسأله اتاكد.

تحياتي الك
ابو سارة

[مرسي الزناتي]

اني لحد الان لا اعاده فحص و لا حتى مسدكول من السفاره

[iraqi 64]

الاخ العزيز ABO SARAH اشكرك على جوابك لسؤالي وارجوا من الله ان يوفقك وسلامي للجميع

[jone lewis]

]السلام عليكم اولا"
طبعا اني مشترك جديد وما جنت اعرف انو اكو هيج منتدى جميل متوفرة في كل هذه المعلومات المهم ما اطيل عليكم...
اني اليوم سجلت بلموقع وما أعرف شلون ادز السؤال فكتبت سؤالي في الرد على موضوع .فأرجو عدم المؤخذة...

المهم.....
سؤلي هو:-
اني قابلت في شهر الثالث 2011 وهسة اجاني الفحص الطبي يوم 16\3\2012...و رحت وسويت الفحص الطبي قبل 14 يوم فهسة اني شنو وضعي ارجو الجواب في اسرع وقت ممكن ...
مع التقدير...

[superhamoshy]

]السلام عليكم اولا"
طبعا اني مشترك جديد وما جنت اعرف انو اكو هيج منتدى جميل متوفرة في كل هذه المعلومات المهم ما اطيل عليكم...
اني اليوم سجلت بلموقع وما أعرف شلون ادز السؤال فكتبت سؤالي في الرد على موضوع .فأرجو عدم المؤخذة...

المهم.....
سؤلي هو:-
اني قابلت في شهر الثالث 2011 وهسة اجاني الفحص الطبي يوم 16\3\2012...و رحت وسويت الفحص الطبي قبل 14 يوم فهسة اني شنو وضعي ارجو الجواب في اسرع وقت ممكن ...
مع التقدير...

حبي الجماعه لمن  تستلم الفحص مالك و ره كم يوم راح يدزولك  الفيزه الف مبروم يوم النه انشالله

[Striker]

اخوان نصيحة,

من ترسـلون الفحص الطبي بالـ DHL, حـاول اتجيّك الوصل مالتك و رقمة على موقعهم الإلكتروني. اتخيلوا اني مسوي فحص طبي يوم 10 بالشهر, و اليوم يـــــــــــــــــــــــلة استلمتة السفارة.

Saturday, April 14, 2012

Scheduled for delivery as agreed    BAGHDAD - IRAQ   15:00   

Monday, April 16, 2012
Delivered - Signed for by : RIMON    BAGHDAD - IRAQ   10:37

مثل مدتشوفون, يوم عشـرة بالشهر يصـادف يوم الثلاثـأء. ورة  اربعتيام يللللللللللة خلوا الطرد بجدول التوصيل. وراهـا بيومين يللللللللللة وصل الطرد للسـفارة.

يعني حتى بهـاي تأخير  .... بس شنسوي, يكلك كل تأخيرة و بيهة خيرة . يــــارب سهلهة علينة و على الجميع.

[jone lewis]

مساء الخير ****
اخوان شلون اكدر اعرف انو الفحص الطبي مالتي وصل لو لا؟؟؟؟؟؟
علما انو اني صار خمسة عشر يوم من فحصت؟؟؟
مع الشكر والتقدير وانشاء الله يارب يسهل عليكم كلكم يارب....

[Lord of Pain]

السلام عليكم
اني صارلي مقابل سنة واربعة شهور و 18 يوم ولحد الان ماكو اعادة فحص ولا اي شي وصلني وكلما ارسل استفسار للسفارة ماكو اي جواب

[لويس_17]

حبيبي Lord of Pain  انشاء الله ياربي تطلعلك الفيزا او يجيك اميل  اعادة فحص  او ربي يسهل امورك  اني عدة الفحص الطبي دزلي اميل السفارة او راح اقبط شهر من خلصت الفحص او لحد الان ماكو الفيزا يعني هواي  من الي عادو طلعتلهم الفيزا او بقينه احنى معلكين منكول شي بس الله كريم او انشاء الله الفرج قريب
تحياتي