لم شمل الزوج أو الزوجة بموجب الأستمارة (I-730)

المحرر موضوع: لم شمل الزوج أو الزوجة بموجب الأستمارة (I-730)  (زيارة 11265 مرات)

0 الأعضاء و 1 ضيف يشاهدون هذا الموضوع.

غير متصل abu dasani

  • عضو
  • *
  • مشاركة: 25
الأخوة والخوات في المنتدى:
 
الأخوة والأخوات في المنتدى:

أرجو من أصحاب معاملات لم الشمل (الزوج أو الزوجة) بموجب الأستمارة (I-730) وأعني لم الشمل بعد تقديم اللجوء في داخل الولايات المتحدة الأمريكية وطلب لم شمل الطرف الأخر (Follow to join Asylee or Refugee)  ، أرجو منهم الدخول وبيان تجربته  وخبرته بهذا الموضوع ، وبيان الفترة الزمنية مابين المقابلة في السفارة  ومرحلة البروسيسنك (administrative processing)  والسفر.

أرجو من أصحاب الخبرة والتجربة الدخول والمساعدة لتعم الفائدة للجميع 

تقبلوا مروري ولكم فائق الشكر والتقدير

أخوكم أبو داساني


غير متصل abu dasani

  • عضو
  • *
  • مشاركة: 25
الأخوة والخوات في النتدى:

للمرة الثانية اتمنى من اللذين لديهم خبره أو تجربة ان يرفدونا باي معلومه تساعد في هذا الموضوع

أرجو من أصحاب المعرفة أو التجربة الدخول وابداء الرأي والمساعدة

تقبلوا مروري ولكم فائق التقدير .

أخوكم أبو داساني

غير متصل hmode_123

  • عضو
  • *
  • مشاركة: 18
السلام عليكم
مرحبا
اول نقطه عقد الزواج  مصدق من السفاره الامريكيا
انا تقديم لم شمل من امريكا زوجي قدم شهر التاسع
وطلعت الموافقه شهر الثاني
سويت مقابله بالسفاره 15/4/2012
وسويت فحص طبي 27/5/2012
وسلمت الفحص يوم 6/6/2012
وهسه منتظره رد من السفاره
واي استفسار اني موجوده ارد على حضرتك

غير متصل abu dasani

  • عضو
  • *
  • مشاركة: 25
 الأخت (hamode_123)

أشكر لك مداخلتك ومشاركتك بالموضوع ، سؤالي لك :

1. هل لم الشمل الخاصة بك بموجب الأستمارة (I-730) ؟
2.هل تعني بحصول الموافقة أي موافقة دائرة الهجرة (USCIS) ؟
3. هل تم الأتصال بك لأجراء الفحص الطبي بعد مقابلتك بالسفارة ؟
4. بالنسبة لي تم اجراء الفحص الطبي وارساله للسفارة قبل تحديد موعد المقابلة
5. بالنسبة لي فقد أجريت المقابلة بالشهر الثامن 2011 وانا بالأنتظار منذ ذلك التأريح

أرجو الدخول والأجابة ولكم مني جزيل الشكر والأمتنان

أخوكم أبو داساني


غير متصل hmode_123

  • عضو
  • *
  • مشاركة: 18
الأخت (hamode_123)

أشكر لك مداخلتك ومشاركتك بالموضوع ، سؤالي لك :

أرجو الدخول والأجابة ولكم مني جزيل الشكر والأمتنان

أخوكم أبو داساني


نورت اخي

1. هل لم الشمل الخاصة بك بموجب الأستمارة (I-730) ؟
نعم الاستمارة (I-730)
2.هل تعني بحصول الموافقة أي موافقة دائرة الهجرة (USCIS) ؟
نعم اخي من الولايات المتحده الامريكيه
3. هل تم الأتصال بك لأجراء الفحص الطبي بعد مقابلتك بالسفارة ؟
نعم اخي بعد المقابله تم اتصالي بي من السفاره ولقد تم تسليمي ظرف لاجراء الفحص الطبي
4. بالنسبة لي تم اجراء الفحص الطبي وارساله للسفارة قبل تحديد موعد المقابلة
لاتعليق صراحه لان لا علم لدي ؟
5. بالنسبة لي فقد أجريت المقابلة بالشهر الثامن 2011 وانا بالأنتظار منذ ذلك التأريح
موافقات حضرتك من امريكا كامله؟ انا موافقاتي كامله من امريكا


غير متصل nena.coco

  • عضو فعال
  • **
  • مشاركة: 70
اخي المحترم انا اكملت معاملتي سنة كاملة عملت الفحوصات والمقابلة العام الماضي وصلت الشهر الثاني ولكن لدي قريبتي عملت معاملة لزوجها والان اكمل اكثر من سنة وكلما تتصل بهم يقولون هو في انتضار الامنية فحسب علمي ربما لانه رجل فالتحقيق يكون اكثر ولكن صدقني لي ثقة ان كل واحد وحظه وانشاءالله تحقق امانيكم

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8412
  • الجنس: أنثى
  • لا تقيسوا محبتكم بحجم حروفي ..
اخي العزيز
عدنا الاخت ريحانه بالمنتدى ايضا ماشيه بمعاملة لم الشمل على I-730
وبالنسبه لسريان المعامله بعد التقديم والحصول على موافقة ال USCIA على الطلب
 تمشي المعامله بنفس خطوات لم الشمل على الاستماره I-130 الخاصه بالرفيوجي
وتبقى موضوع الموافقات الامنيه الي تتحكم بالفتره الزمنيه
ولذلك متكدر تتكهن بطول او قصر الفتره

غير متصل abu dasani

  • عضو
  • *
  • مشاركة: 25
أشكر مرور الأخوة والأخوات الكرام ، ولدي بعض الملاحظات والأسئلة التالية:

الأخت (Hamode_123) : اشكر مداخلتك ، بالنسبة لي لقد أكملت كافة الموافقات المطلوبة من أمريكا وللعلم فان تحديد موعد المقابلة يتم   
                                تبعا لأستكمال الموافقة الخاصة بدائرة الهجرة ، ولكن تبقى باقي الأجراءات الأمنية التي قد تطول وتقصر تبعا لكل حالة.
                       
الأخ أو الأخت (nena.coco) : أشكر مداخلتك ومرورك الكريم ، ماذا تعني بالضبط بان المعاملة استغرقت سنة كاملة ، هل تعني بالسنة منذ تأريخ
                                   تقديم المعاملة أو من تأريخ اجراء المقابلة بالسفارة ، وعند منحك الفيزا هل كانت من نوع فيزا (V-92 أو V-93) ، وهل 
                                   أجريت الفحص الطبي بعد المقابلة أو قبلها ؟ أسف للأطالة وأرجو اجابتي وتقبل مني كل التقدير والأمتنان.

الأخت العزيزة ريم عبد: أشكر مداخلتك ومرورك الكريم ان ماتفضلت به هو الواقع ،و حسب معلوماتك هل الأخت ريحانة قد أكملت معاملتها
                            واستلمت الفيزا وكم المدة الزمنية من تاريخ اجراء المقابلة ولغاية استلامها الفيزا؟ وهل هناك حالات أخرى في المنتدى ،
                           أشكر مرورك مع التقدير

أشكر مرور جميع الأخوة والأخوات الكرام وأتمنى أن نبقى على تواصل لتعم الفائدة للجميع

أخوكم أبو داساني 

غير متصل الشراع

  • عضو فعال جدا
  • ***
  • مشاركة: 180

غير متصل كاسـ الحنون ـبر

  • عضو فعال جدا
  • ***
  • مشاركة: 523
  • الجنس: ذكر
السلام عليكم اخواني الاعزاء اخوكم تره دايخ وفد مره محتار اتمنى تساعدوني واكون مممنون الكم
اني زوجتي بامريكا قدمتلي على استمارة I-130 من شهر 9 /2011
ولحد الان ماكو اي جواب واني دادخل على اهذا  http://travel.state.gov/visa/bulletin/bulletin_1360.html
مال نشونال فيزا سنتر بس الموضوع حسب الموقع يبين انه الموضوع كلش يطول يعني سنتين واكثر لحين وصول موعد الفيزا مالتي
واني لحد الان لا السفاره خابرتني ولا سويت اي شي منتضر همه يخابروني
فهموني فدوه اروحلكم هسه اني شسوي
وهل صحيح اللي اني ماشي بي لو لازم اروح للسفاره واسال
الموقع مال نشونال فيزا سنتر يبين انه الموعد مال فيز اللي ديشتغلون بيها هسه مال اللي مقدمين شهر 2/2010
مع العلم اني اجتني موافقة دائرة الهجره من شهر 11/2011
محتاجلكم كلش شباب وشكرا الكم

غير متصل الشراع

  • عضو فعال جدا
  • ***
  • مشاركة: 180
اخوي كاسر

1- زوجتك متى قدمت المعاملة

2- زوجتك لاجئة

3- كم سنة الها زوجنك بامريكيا

4- زواجكم تم قبل ما تتوطن زوحنك بامريكيا

5- اجاكم موافقة uscis  nvc
.

انت معاملة  i130   ولا i730

غير متصل مروه فائق

  • عضو فعال جدا
  • ***
  • مشاركة: 153
والله يااخوية شكلك اني زوجي مقدم الي من امريكا لم شمل من سنه 2009 ومكملة كلشي من سنه 2010 والى الان كل مراسلهم يكولولي بالمعالجة الادارية علما باني حتى الفحص الطبي عدته شهر الثاني 2012

غير متصل كاسـ الحنون ـبر

  • عضو فعال جدا
  • ***
  • مشاركة: 523
  • الجنس: ذكر
اخوي كاسر
مليون مرحبا بيك اخويه الغالي الشراع

1- زوجتك متى قدمت المعاملة
قدمتها بشهر 9/2011

2- زوجتك لاجئة
هيه دخلت لاجئة واخذت الكرين كارد

3- كم سنة الها زوجنك بامريكيا
صارلها سنتين ونص

4- زواجكم تم قبل ما تتوطن زوحنك بامريكيا
لا بعد ماتوطنت واخذت الكرين كارد

5- اجاكم موافقة uscis  nvc
نعم اجتنه من شهر ال 11/2011

انت معاملة  i130   ولا i730
معاملتي I130 لان مجنه نعرف بال I730
اشكرك اخويه الغالي على اهتمامك ممنون منك
ياريت بس اريد اعرف الخطوات اللي المفروض نسويها
لان كل ما اسال يكولون لازم تجيك الفيزا اول يلا تكدر تتحرك صحيح هذا الحجي لو لا
وممنون

غير متصل كاسـ الحنون ـبر

  • عضو فعال جدا
  • ***
  • مشاركة: 523
  • الجنس: ذكر
والله يااخوية شكلك اني زوجي مقدم الي من امريكا لم شمل من سنه 2009 ومكملة كلشي من سنه 2010 والى الان كل مراسلهم يكولولي بالمعالجة الادارية علما باني حتى الفحص الطبي عدته شهر الثاني 2012

خيتي مروه تسلمين على ردج
ياريت تكوليلي الخطوات اللي سويتوها
حته اعرف شسوي
لان كل ما اسال يكولولي انتضر يطلع رقم الفيزا واني سرايه يوصل بعد سنتين اقل شي
او سنتين ونص
واكون ممنون منج حتى لو برساله خاصه ولو داتعبج ويايه ويارب الموفقيه
لان اني لهسه لا مقابل سفاره ولا مسوي فحص طبي ولا مسوي اي شي
بس اجتني الموافقه من دائره الهجره علما اني على الكيس رقم I130 وليس I730

غير متصل مروه فائق

  • عضو فعال جدا
  • ***
  • مشاركة: 153
الله يسلمك اخوية
والله اني مااعرف تفاصيل قدم الي زوجي مناك وبصراحه المعامله جانت اجراءتها جدا سريعة بالبداية قابلت بـiom وعادي اخذت جميع المستمسكات وعقد زواج ورقة عدم محكومية وصور وشهادات تخرج طبعا مترجمة قانونيا وبنفس شهر سويت فحص طبي وبعدها بشهر سويت مقابله محلفين بالسفاره وسحبوا جواز وهذا الحجي شهر العاشر 2010 ومن ذاك الوكت ماجاني غير ايميل اعاده الفحص الطبي
واي شي تحتاجه تدلل

غير متصل ابو عزوز القيسي

  • عضو فعال جدا
  • ***
  • مشاركة: 245
  • الجنس: ذكر
  • أن تندم على ما فعلت،خيرآ أن تتحسر على ما لم تفعل
اخي (abu dasani) اخواني واخواتي الاعزاء اني راح اطرح قضيتي الكم بتواريخ القبول المقابلات للفائدة العامة.

اني زوجتي سافرت كلاجئة من تركيا طبعآ و بعد 12 يوم من سفرها نزلي لجوء .

1:- زوجتي قدمت معاملة الى منظمة الهجرة في /14/11/2011.
2:-قبول الملف في منظمة الهجرة بتاريخ 30/1/2012.
3:-تم الموافقة على الملف من قبل الNVC في 6/3/2012
4:-تم ارسال الملف الى السفارة الامريكية في انقرة تركيا في 8/3/2012
طبعآ اني لاجئ في تركيا لذا المقابلة تكون في الICMC يعني بمكان المحلف في باقي الدول المجاورة والعراق
5:-تمت مقابلة محلف الامن القومي في 26/4/2012 وفي هاي المقابلة سئلته عن ملفي الثاني ملف اللجوء قال لي اني كدامي حاليآ ملفين 1ملف اللجوء و2 ملف لم الشمل كال اني راح امشي ملف لم الشمل لئن اسرع والاسئلة اقل من مقابلة اللجوء /قال الاختلاف الوحيد ان لمن توصل لهناك اللاجئ العادي راح يستلم الوايت كارت I-94 وانته راح تستلمV-93 كال.. هذا طبعآ جواب على سؤالك اخي الي مقدم على فيزا I-730 مثل قضيتي يتحول فيما بعد الى V-93/ اني حاليآ اكملت الفحص الطبي والدورة التثقيفية قبل كم يوم ومنتظر طيران بأذن الله يوم ال الكم .

طبعآ حاولت اختصر قدر الامكان اخواني اسف على الاطالة و أي استفسار اني حاضر تحياتي للجميع.

ابو عزوز القيسي

غير متصل الشراع

  • عضو فعال جدا
  • ***
  • مشاركة: 180
اخوي ابو عزوز  عملت الفحص الطبي قبل المقابلة ولا بعدها  وشنو كانت الاسئلة بالمقابلة

غير متصل كاسـ الحنون ـبر

  • عضو فعال جدا
  • ***
  • مشاركة: 523
  • الجنس: ذكر
اخوان اني زوجتي مقدمتلي على  الفورم I-130
واجتها ورقه مال انه تريدين تكملين كأمكريشن  لو تريدين تحوليها كرفجي
وهيه ضيعت الورقه  هسه شنسوي
اكمل كأمكريشن اسرع لو اتصل عليهم اخليهم يدزون الورقه مره ثانيه واحول كرفجي واتحول على الاي او ام اسرع؟
علما اني بمصر

غير متصل المهاجر التائه

  • عضو فعال جدا
  • ***
  • مشاركة: 373
  • الجنس: ذكر

غير متصل ابو عزوز القيسي

  • عضو فعال جدا
  • ***
  • مشاركة: 245
  • الجنس: ذكر
  • أن تندم على ما فعلت،خيرآ أن تتحسر على ما لم تفعل
 الى كاسـ الحنون ـبر

اخي اذا حضرتك كنت لاجئ فبالتأكيد امشي بمعاملة الرفيوجي لئن راح تحصل على كل حقوقك كلاجئ كاملة
اما اذا مشيت معاملة لم شمل عادية فانت الي راح تتحمل كل تكاليفك وما الك اي مساعدات

بس هذا كله يعتمد على حالتك انته اذا كنت لاجئ وعندك استيطان معاملة رفيوجي واذا ما كان عندك لجوء واستيطان فمالك غير خيار معاملة لم شمل.


غير متصل m.a.m

  • عضو فعال جدا
  • ***
  • مشاركة: 627
عندي سؤال اخي ابو عزوز  أي معاملة اسرع الهجرة أم اللجوء وبالنسبة للهجرة اني سامعة لازم شغل ثابت بأمريكا ورصيد بالبنك فشنو رأيك واذا عندك معلومات عن البرنامجين (الهجرة واللجوء) واكو فرق بينهم وشكرا جزيلا اخي والله يفرجهه عليك وع الجميع




                اختك ام حنين

غير متصل ابو عزوز القيسي

  • عضو فعال جدا
  • ***
  • مشاركة: 245
  • الجنس: ذكر
  • أن تندم على ما فعلت،خيرآ أن تتحسر على ما لم تفعل
اختي العزيزة انتي قصدج اذا كان احد الازواج في الولايات المتحدة والاخر في بلد ثاني ..

اختي اذا كانت الحالة كالمذكور يعني احد الازواج في امريكا والثاني لاجئ في بلد ثاني فبدون شك قضية لم الشمل الخاصة باللاجئين اسرع وبالنسبة يجب ان يكون عنده دخل ثابت الخ لا لئن ميحتاج فقط لازم يكتمل النصاب يعني واحد واصل لامركيا والثاني لاجئ حينها يكدر يقدمله على فيزا لم الشمل الي هو i-730 .

وحتى تطمئنين اني زوجتي بمجرد ما وصلت لامريكا قدمتلي على لم شمل في على الفيزا I-730 ولم تكن تعمل حينها.

واني بالخدمه .


غير متصل m.a.m

  • عضو فعال جدا
  • ***
  • مشاركة: 627
تسلم اخي ابو عزوز وبارك الله بيك والله طمننتي والله يجازيك بالخير ...والنعم هذا من اصلك الطيب وشكرا جزيلا على ردك



          اختك ام حنين

غير متصل ابو عزوز القيسي

  • عضو فعال جدا
  • ***
  • مشاركة: 245
  • الجنس: ذكر
  • أن تندم على ما فعلت،خيرآ أن تتحسر على ما لم تفعل
اني الي اشكرج على هذا الكلام الحلو تدللين ام حنين واي استفسار اني حاضر تحياتي للجميع.

غير متصل كاسـ الحنون ـبر

  • عضو فعال جدا
  • ***
  • مشاركة: 523
  • الجنس: ذكر
الى كاسـ الحنون ـبر

اخي اذا حضرتك كنت لاجئ فبالتأكيد امشي بمعاملة الرفيوجي لئن راح تحصل على كل حقوقك كلاجئ كاملة
اما اذا مشيت معاملة لم شمل عادية فانت الي راح تتحمل كل تكاليفك وما الك اي مساعدات

بس هذا كله يعتمد على حالتك انته اذا كنت لاجئ وعندك استيطان معاملة رفيوجي واذا ما كان عندك لجوء واستيطان فمالك غير خيار معاملة لم شمل.



السلام عليكم
اشكرك اخي الغالي ابو عزوز
بس حضرتك مفهمت سؤالي واستفساري
وصلت لزوجتي الورقه مال الرفجي وصارت ضروف وضاعت الورقه قبل لاتمليها وترجعها
المن اراسل اي جهه حته يدزولياها مره ثانيه
وبالنسبه للرفجي اني اصلا لاجئ في مصر  صارلي من 2006
والف شكر لحضرتك

غير متصل مرجانه

  • عضو فعال جدا
  • ***
  • مشاركة: 163
 مساء الخير ...
تاريخ التقديم شهر شباط 2011
تاريخ الابروفال شهر اذار 2011
تاريخ الفحص شهر نيسان 2011
تاريخ المقابله شهر حزيران 2011
 وماكو اي خبر لحد هسه ... مع العلم زوجي لاجيء (asylee) ... تمنياتي بالموفقيه للجميع

غير متصل shwin

  • عضو جديد
  • *
  • مشاركة: 2
تحية خاصةلك واتمنى لك الصحة والعافية.
واذاتستطيع ان تزودني بالمعلومة اوملاحظة عن موضوعي واكون شاكرا لك.وموضوعي هو لم الشمل حسب فورم I-730 لللاجئين وهو  :اني قدمت باملاء فورم I -730 لافراد عائلتي الموجودين بالعراق وذلك بواسطة منظمة مساعدة اللاجئين الذي استقبلوني في بداية مجيئي لهنا(امريكا)لان قالو لي قدم من الان قبل مايعبر اولادك 21من عمر .وارسلت كل المستندات الى دائرة USCIS وهذا قبل سنتين وبعد ذلك بمدة دزولي من USCISرسائل لكل افراد من عائلتي وكل واحد على حدا وموافقتهم على مجئيهم وقالو امبرفد ويبدي المراحل الاخرى في خارج امريكا اي بالسفارة بالعراقوبالفعل قبل سنة خابروا عائلتي بموعدالمقابلةواحضار المستمسكات والصور الخ.وقابلوا كل افراد العائلةحسب موعد المقرر من ضمنهم زوجتي وقدموا القسم والطبع اصابع والاوراق واخذو الجوازات من عندهم وقالو لهم معاملتكم ينتهي بعد ستة اشهر .بعد شهرين من المقابلة    خابروني من احدى منظمات لمساعدة اللاجئين هنا في مدينتي وقالو لي ان كيس عائلتك عندنا ونحن نساعدهم في حين وصولهم ولكن قالو لي نحن لا نعرف وقت وصولهم وقدمو لي اوراق وانا وقعت عليهم وهذا الحدث قبل سنة وانا انتظر لحد الان .وراسلت مرتين السفارة وسالتهم عن الكيس فجوبني بان still under administrative processing.once it is complete and your case processed to finish we will inform you about that immediately .سوالي مامعنى هذا ؟وهل يعني لحد الان ما موافقين عليهم او اكو مشكلة ؟وهما قالو ينتهي المعاملة خلال6 اشهر بعد المقابلة والان سار اكثر من سنة!والجوازات عندهم ايضا! ومن مدير المنظمة يكولي اكيد راح يجون ومن السفارة يحجون غير حجي !وهل يقابلو ن مرة اخرى ؟يعني هل بوجد مقابلة ثانية ولحد الان ما انطوهم موعد الفحص ايضا .فانا محيرني هذا الاختلافات وقلق جدا .وهل برايكم موضوع مجيئهم اكيدة او يوجد مشكلة بالموضوع . اذا عندكم معلومات مثل هذه الحالة وكم يستغرق . واكون شاكرا لكم . اخوكم شوان من امريكا

غير متصل ابو عزوز القيسي

  • عضو فعال جدا
  • ***
  • مشاركة: 245
  • الجنس: ذكر
  • أن تندم على ما فعلت،خيرآ أن تتحسر على ما لم تفعل
مرحبا اخ SHWIN .

بالنسبة لقضيتك والرد الي جايك هو عادي جدآ ما منه اي خوف الكيس تحت البروسس يعني هاي اجرائات عادية كلنا مرينا بيها وبالنسبة للمقابلة في تريكا نقابل مقابلتين لئن لاجئين بالنسبة للعراق ما عندي معلومات بس اعتقد مقابلة وحدة وبالنسبة للمدة الي كالولك عليها لا تاخذها على محمل الجد لئن اني هم كالولي 6 اشهر وصار سنه ولحد هسة منتظر.

اتمنى اكون ساعدتك تمنياتي لك بالموفقية

غير متصل OK H.K

  • عضو فعال جدا
  • ***
  • مشاركة: 722
( وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ )

غير متصل alaa_iom

  • عضو فعال
  • **
  • مشاركة: 64

غير متصل silent dream

  • عضو
  • *
  • مشاركة: 21
ممكن اعرف يا طريقة اسرع I-130 لو I-730 وشنو الفرق بين الطريقتين

غير متصل SNAKE

  • عضو فعال جدا
  • ***
  • مشاركة: 105
السلام عليكم شباب رمضان كريم عليكم وان شاء الله دوام الصحة والعافية
شباب سؤال بالنسبة لشخص داخل لامريكا اس اي في ورايد يزوج من بغداد شنو المعاملة الي لازم نبلش بية ممكن شرح توضيحي الله يخليكم وجزاكم الله الف خير

غير متصل shwin

  • عضو جديد
  • *
  • مشاركة: 2
مرحبا اخ SHWIN .

بالنسبة لقضيتك والرد الي جايك هو عادي جدآ ما منه اي خوف الكيس تحت البروسس يعني هاي اجرائات عادية كلنا مرينا بيها وبالنسبة للمقابلة في تريكا نقابل مقابلتين لئن لاجئين بالنسبة للعراق ما عندي معلومات بس اعتقد مقابلة وحدة وبالنسبة للمدة الي كالولك عليها لا تاخذها على محمل الجد لئن اني هم كالولي 6 اشهر وصار سنه ولحد هسة منتظر.

اتمنى اكون ساعدتك تمنياتي لك بالموفقية
اشكرك اخ ابو عزوز على مساعدتك لي بالجواب واقدرها .بس ردت ان اعرف هل اكو حالات مثل كيسي وردت جواب من امنتدى اكثر وخصوصا العوائل الي بهم  مرت بموضوع لم الشمل .واشكر الكل

غير متصل كاسـ الحنون ـبر

  • عضو فعال جدا
  • ***
  • مشاركة: 523
  • الجنس: ذكر
السلام عليكم شلونكم شباب اتمنى الكل بخير
واسف لان صارلي هوايه مداخل
طبعا اني شارحلكم حالتي سابقا
ارسلت لل NVC طلب اعاده ارسال
اوراق تحويلي كوافد الى الولايات المتحده كلاجئ وليس كمهاجر
ارسلوها بعد يومين
ملتها زوجتي من هناك والحمد لله بعد شهرين تقريبا اتصلو بيه من الاي او ام انه وصلت اوراقي
وقابلت مقابله اولى وثانيه ومنتضر مقابلة المحلفين
الحمد لله رب العالمين اتمنى للجميع القبول السريع
وانصح اي واحد خارج العراق ومسجل على اليو ان  يحول كرفوجي لان اسرع

غير متصل Mark_usa

  • نجم منتدى الهجرة و اللاجئين
  • عضو فعال جدا
  • *
  • مشاركة: 160
  • الجنس: ذكر

هذا رابط لموضوع مفصل عن لم الشمل ممكن يفيدك،

http://www.ankawa.com/forum/index.php/topic,323496.msg4028978.html#msg4028978




غير متصل foxy222

  • عضو
  • *
  • مشاركة: 8
مرحبا اخوان ...
سؤال الله يخليكم اني وصلت قبل شهر للولايات المتحدة كلاجئة واريد اقدم لزوجي على استمارة ال i-730 بس هو دخل وراية بفترة لاميركا بفيزة سياحة ورجع للعراق.
سؤالي هل اقدمه على استمارة ال i-730 منا وهو بالعراق ؟؟؟؟
لو
يجي بفيزة السياحة مرة اللخ واقدمه وهو هنا بالولايات المتحدة؟؟؟
يا طريقة اصح واسرع؟؟؟؟
ومشكوريين مقدما

غير متصل راميال

  • عضو فعال جدا
  • ***
  • مشاركة: 149
اخواني الاعزاء انا اعيش في دولة اوربية ومرفوض هنا وزوجتي خرجت عن طريق اليو ان الى امريكا مع اطفالي وعند وصولها قدمت لي على لم شمل وفعلا راسلتني السفارة الامريكية التي في بلدي وطلبت مني معلومات وبعدها انقطعت ورجعت مرة ثانية وطلبت ايضا معلومات .......وانا على هذا الحال سنة وشهرين من شهر الخامس العام الماضي وقبل 3 اشهر

 قبل 3 اشهر اتصلت زوجتي بوزارة الهجرة في امريكا وقالو لها الاوراق خرجت منا قبل يومين واحنه موافقين عليه وذهبت الى الفيزا والتاشيرات اتصلو بعد 90 يوم و قامت زوجتي بلاتصال بدائرة الفيزة والجوازات قالو لها نحن بعثنا الاوراق الى السفارة  اتصلت انا في السفارة قالو ليشغلات ادارية انا صارلي سنة ونص همة يكولولي شغلات ادارية اكو امل لو لا واذا وافقو وزارة الهجرة يعني اوكي لو اهم شي الفيزا والتاشيرات ولكم كل الحترام .

زوجتي قدمت لي عن طريق استمارة i-730

لم اقابل في السفارة كل المعلومات كانت عن طريق الرسائل

لم اعمل الفحص الطبيلحد الان
الاسئلة التي طرحت من السفارة من الالف الى الياء

غير متصل foxy222

  • عضو
  • *
  • مشاركة: 8
السلام عليكم اخوان،،

محد يكدر يفيدني رجاءاً !!!!!!!!!!!!!!

غير متصل راميال

  • عضو فعال جدا
  • ***
  • مشاركة: 149

غير متصل كاسـ الحنون ـبر

  • عضو فعال جدا
  • ***
  • مشاركة: 523
  • الجنس: ذكر
مرحبا اخوان ...
سؤال الله يخليكم اني وصلت قبل شهر للولايات المتحدة كلاجئة واريد اقدم لزوجي على استمارة ال i-730 بس هو دخل وراية بفترة لاميركا بفيزة سياحة ورجع للعراق.
سؤالي هل اقدمه على استمارة ال i-730 منا وهو بالعراق ؟؟؟؟
لو
يجي بفيزة السياحة مرة اللخ واقدمه وهو هنا بالولايات المتحدة؟؟؟
يا طريقة اصح واسرع؟؟؟؟
ومشكوريين مقدما
اول شي انتي تقديم مباشر قدمتي لو شنو على اليو ان شلون وصلتي الامريكا
دزيله فيزا وخلي محامي يمشي بالقضيه من يوصل من يمكم  اسرع واحسن اني اشوف.
ووره ميوصل قدمي هماتي على الاستماره 730
يعني بالحالتين انتي مستفاده بس يوصل اول يلا تقدمين

غير متصل كاسـ الحنون ـبر

  • عضو فعال جدا
  • ***
  • مشاركة: 523
  • الجنس: ذكر
اخواني الاعزاء انا اعيش في دولة اوربية ومرفوض هنا وزوجتي خرجت عن طريق اليو ان الى امريكا مع اطفالي وعند وصولها قدمت لي على لم شمل وفعلا راسلتني السفارة الامريكية التي في بلدي وطلبت مني معلومات وبعدها انقطعت ورجعت مرة ثانية وطلبت ايضا معلومات .......وانا على هذا الحال سنة وشهرين من شهر الخامس العام الماضي وقبل 3 اشهر

 قبل 3 اشهر اتصلت زوجتي بوزارة الهجرة في امريكا وقالو لها الاوراق خرجت منا قبل يومين واحنه موافقين عليه وذهبت الى الفيزا والتاشيرات اتصلو بعد 90 يوم و قامت زوجتي بلاتصال بدائرة الفيزة والجوازات قالو لها نحن بعثنا الاوراق الى السفارة  اتصلت انا في السفارة قالو ليشغلات ادارية انا صارلي سنة ونص همة يكولولي شغلات ادارية اكو امل لو لا واذا وافقو وزارة الهجرة يعني اوكي لو اهم شي الفيزا والتاشيرات ولكم كل الحترام .

زوجتي قدمت لي عن طريق استمارة i-730

لم اقابل في السفارة كل المعلومات كانت عن طريق الرسائل

لم اعمل الفحص الطبيلحد الان
الاسئلة التي طرحت من السفارة من الالف الى الياء

اخويه بالنسبه للسفاره اني ماعرف بيها شي لان اني حولت على الاي او ام تقديم مباشر باعتباري مقدم على اليو ان
وهاي للعراقيين فقط اسمها استماره P-2 ولكون الاستماره مالتي I-130 يعني مو مثل مالتك و
لان عرفت انه عن طريق السفاره الموضوع يتأخر  هوايه بالنسبه اليه حولت على الاي او ام
بالنسبه للفيزا مالتك مسألة وقت ليس اكثر وان شاء الله اكو امل وقريب
لان هيه الفيزا متوافق عليها اصلا من البدايه وتحياتي الك

غير متصل foxy222

  • عضو
  • *
  • مشاركة: 8
شكرا اخوية كاسبر عى هاي المعلومة اعتقد راح اقدملة منا من يوصل

مشكور مرة ثانية

غير متصل كاسـ الحنون ـبر

  • عضو فعال جدا
  • ***
  • مشاركة: 523
  • الجنس: ذكر
شكرا اخوية كاسبر عى هاي المعلومة اعتقد راح اقدملة منا من يوصل

مشكور مرة ثانية
العفو خيتي تدللين ويارب السفر العاجل لزوج حضرتج
وتخلصون من هالمعاناة لان اني نفس المعاناة داعيشها حاليا
بس اني ماكدر اسافر لان بمصر وطالب لجوء يعني استحاله انقبل كفيزه سياحه
الله كريم يارب الموفقيه للجميع