مقابلين اس اي في 2011 شهر الثاني

[smart4iraq]

اووووووووووووووووووووف والله تعبنه وملينه شراح نسوي عدنه فحص طبي وماكو شي انطوانه اقتراح يا شباب حتى نسوي فدشي نشوف شنو سالفة ملفاتنه وشكد بقينه احنه جماعة اس اي في النايمه علينه طابوكة

[smart4iraq]

شنو هاي الكل مستلم الفيزا ومرتاح وبقيت بس اني

اويلي عليه

[VANDAMME]

اني هم وياك اخويه هم قابلت بشهر الثاني وبعدني حتى مامسوي اقصد مادزولي اعيد الفحص الطبي صار حوالي سنه وخمسه اشهر من يوم المقابله طبعا 2011 صدك نامت علينا طابوكه



الله كريم حبي بلكت الايام المقبله احسن اخوك فاندام

[الحياة فرص]

نفس الحالة سنة وخمس اشهر وحبيبي VANDAMME لاعبالك احنا احسن منك صح عدنا الفحص بس بعدنا مكانك راوح ولاخطوة مشينا وكل ما ندز ميجاوبون واذا جاوبوك يكولولك مراجعة ادارية والله لازم نتلاحك روحنا ونسوي شي لان والله كلشي تأخرنا على الاقل خلي نحصل جواب صدك كافي مغذيات وهالشهر وشهر الجاي ياريت احد من الاخوة او الخوات عندة مقترح لان وضعنا موطبيعي 

[bob2011]

السلام عليكم :

اخوان اني هم جاني فحص طبي ودزيته بعد مؤتمر القمة مباشر ولحد الان انتظر وكل ما اسال يكولوي تحت المراجعة الادارية يعني بين قوسين ماعتقد اكو شي جديد والغريب بالموضوع انه البارحة اثنين من اصدقائي واحد متزوج وعنده طفله وعنده جاهلة بالطريق مرته حامل شهر السادس استلم فيزة البارحة كبالي والولد مقابل شهر الواحد 2012 والاخر هم مقابل بهاي السنة وطلعت الفيزة مالته مادري شلون دتمشي الامور اعتقد نامة علينه طابوكه بس نكول الله كريم ويسهل علينه

[البلدوزر]

يعني اني بالسابع خلي ايس

[smart4iraq]

تعبنه وملينه المن نروح والمن نسال

[VANDAMME]

شلون بينه يبوي يبوي يبوي  الحكونه هل من طريقه راح نموت ملينا

[مروكي]

شباب البرنامج رح ينغلق بشهر التاسع هاي اخر سنه لل اس اي في ومكتوب طبعا هذا الحجي بموقعهم ف انشالله خلال الاشهر القادمه رح تبين النتيجه وانشالله الكل مسافرين تحياتي !

[iraqi siv]

بسم الله الرحمن الرحيم

اني قابلت ب 27 شهر الثاني 2011اجني اعادة فحص ب25 شهرالثاني 2012

بعد اسبوعين اجاتني الفيزا  سافرت يوم 22 شهر الثالث 2012قبل موعد القمة العربية

وهسة اني بامريكا... وحصلت على الكرين كارد بعد 27 يوم من وصولي

الله يسهل للجميع اخواني الي بالانتضار.................على فكرة كل الي كان وياي بنفس الرحلة مقابل شهر الواحد والثاني

والله على ما اقول شهيد...

[smart4iraq]

ههههههههههههههههههه والله مليت حبيبي اني هم يوم 27 شهر الثاني انتو شنو منو جان وياك بلكت اتذكرك

[iraqi siv]

ههههههههههههههههههه والله مليت حبيبي اني هم يوم 27 شهر الثاني انتو شنو منو جان وياك بلكت اتذكرك

اذا تذكر جان ولد اصغير شايل ظرف مال DHL و الكل استغرب علية كالوا شنو هذا هم مترجم طلع امه محتركة وطالعة من طرف الامريكان للعلاج

وطالبة لجوء و مسوية معاملة لابنها لم شمل....قابلتنة صينية وجان موجود على شباك الامريكان ضباط واحد رائد و واحد مقدم عدهم شغل بالسفارة....

قابل واحد قبلي جان مسافر للسعودية سئلتة القنصل الصينية شنو اسوي بالسعودية كاللها سياحة كمت اضحك اني.....واكو ولد اسمة مصطفى حالق نمرة 2...مشتغل بالموصل وية المرينز

يقلد على الكل كل ما دخل واحد يكول....اهلا وسهلا الاخ مترجم

اخذت اوراقنا العراقية من الشباك قبل المقابلة الي خالة رسمات تويتي على اظافرها

هههههههههههههههههههههه تذكرتني شنو القصة..

[VANDAMME]

اشكر الاخ عراقي اس اي في على رفع المعنويات ...... والله كريم

[الحياة فرص]

هههههههههههههههههههههههههههههههههههههه اني هم يوم 27-2 وهذا اني الي رايح للسعودية بس مكلتلها سياحة كلتلها سويت الحج ههههههههههههههه بس ماعرف شلون انت سمعتها سياحة بشرفك شلون واحد يروح سياحة للسعودية هههههههههههههه يلة عادي 

[mosozo2003]

السلام عليكم اني هم مقابلتي جانت يوم 6 شهر 2 ....2011 ولحد هسة ماكو شي لا اعادة فحص ولاهم يحزنون ومخليها على الله وربي يسهلها عالجميع يارب

[iraqi siv]

هههههههههههههههههههههههههههههههههههههه اني هم يوم 27-2 وهذا اني الي رايح للسعودية بس مكلتلها سياحة كلتلها سويت الحج ههههههههههههههه بس ماعرف شلون انت سمعتها سياحة بشرفك شلون واحد يروح سياحة للسعودية هههههههههههههه يلة عادي 

بشرني ابو السعودية انت وين هسة بالعراق بامريكا اخوي العزيز

[الحياة فرص]

لا حبيبي بعدني بالعراق العظيم