استشاره من فطاحل عين كاوه الاعزاء .. يا ريت الرد السريع منكم شباب

[عمار الاعظمي]

الاسلام عليكم اخواني الاعزاء في عين كاوه :
اني مشترك وياكم بعين كاوه وقديم . وجنت بسوريا مقيم ومقدم عل يو ان وطلعلي توطين سنه 2010 شهر الواحد
وكملت كل الاجرائات ب سنه 2010 شهر الثامن . وضليت انتظر الامنيه مالتي واعيد بهل فحوصات الطبيه وارجع ليوره  
وما سافرت لحد مااااااااااااااا تخربطت الاوضاع بسوريا مع العالم اني مكمل كلشي ومنتظر بس تلفون منهم على دوره طيران
وفيزا. وبسبب الاوضاع الحاليه في سوريا رجعت لان بعد ما نكدر نعيش بيهه لان الخطر على حياتنا صار اكبر من الخطر على حياتنا
بل عراق . واني هسه حاليا في بغداد .واحمل كل الاوراق الي تثبت اني ماشي بل طريق السليم في عمليه التوطين الى امريكا
وما اعرف هسه ابغداد وين اتوجه  حتى اكمل موضوع سفري واحصل على فيزا او موعد سفر او اي حل اخر لوضعي ...
فه يا ريت يا شباب يا طيبين الي عنده فكره ينورني ويدليني عل طريق شسوي هسه اني بهاي حالتي .. ولكم جزيل الشكر والامتنان


 اخوكم عمار الاعظمي

[مصطفى الجنابي]

اخويه راسلهم ع الامييل دزلهم امييل وحجي بيه هالكلام وشوف الرد شنو ..

انتظر الشباب  رح يفيدوك اكثر مني

[عراقي هواي]

اخي العزيز
اكو مكتبين للمفوضيه الساميه لشؤون اللاجئين واحد ب شارع 52 يم مطعم صاج الريف اعتقد قريب عليه والاخر بشارع الكندي بالحارثيه راجعهم وشوف شنو جوابهم
انا حسب معلوماتي انه ملفاتكم عادي تبقى عاللجوء وماشيه فقط اذا انسألت وين ساكن لاتذكر انه رجعت لمنطقه التهديد الاولى بالعراق
تحياتي

[عمار الاعظمي]

الف شكر على ردودكم شباب واني راح احاول اجمع اراء اكصر والفرج من الله عز وجل
واشكرك اخ عراقي اني راح على مكتب الحارثيه او ال 52 وما راح اذكر موضوع السكن
لان اني اريد حل بأقرب وقت ممكن .. ومشكوووور منكم هوايه بارك الله بيكم

[ORCA]

اخويه العزيز بما انه انته مقدم من سوريا على اليون وطلعلك توطين وتحولت على امريكا فصارة معاملتك عند ال اي او ام فلازم تخبر المركز الاقليمي بعمان لانه هو المسؤال الاول على كل الملفات الي ببلدان الجوار سواء كانت بسوريا او بتركيا او بغداد وتشرحلهم حالتك شوف شلون راح يلكولك صيغة حل بكلي يكولوك تعالى الى عمان وكمل الاجراءات لانه انته على اي او ام مو اس اي في مثل اهل بغداد يعني

[عمار الاعظمي]

ماشي خويي اني باجر اتصل بيهم عل اردن وان شاء الله خير ... ولو اني جماعة نصحوني انو اطلع لتركيا
واني كذلك اتصلت عليهم بتركيا وخبروني اني يأستطاعتهم ان يكملولي الاجرائات من دون ماعيد كل شي من جديد
 الله الموفق ومشكورين عل ردود يا غالين .

[ORCA]

اخويه العزيز متاكد تركيا ماتعيد لان ااني اللي اعرف تركيا تبدي من جده وجديد اني هم مثلك وكنت بسوريا بس رحت الى عمان بس موهسه قبل كم شهر

[لاچع]

عزيزي عمار الاعظمي حظرتك متأكد الي توطينه بسوريا ويروح لتركيا يكدر يستانف الكيس من نفس مرحلته بدون ميعيد كل مراح اللجوء والتوطين من جديد؟ لان اني اعرف ولد هم جان بسوريا ودينتظر سفر لامريكا بس سافر وصارله 3 شهور بتركيا لكن للاسف الى اليوم مانقلوله ملفه من اي او ام سوريا واصلا كلما يتصل بالمركز الاقليمي بالاردن يكولوله ماكو نقل ملف !

[ORCA]

اني هذا هم اللي اعرفه بس يمكن اكوا حالات معينه كملولهم اتصور العضوه  المنتظره هيج صار ويها

[لاچع]

سؤال يا جماعه ... منو جان ملفه بال اي او ام سوريا وسافر لتركيا او للاردن او لبنان وكدر ينقل ملفه ؟

السؤال هو لجميع الاخوه الاعضاء وبالخصوص الاخ اوركا والاخت المنتظره اذا قروا سؤالي:

اخونا العزيز اوركا هل نقلولك الملف بشكل كامل ونهائي الى اي او ام الاردن ؟ يعني بعد مالك علاقه باي او ام سوريا وهسه تكدر تتابع اجرائات سفرك بشكل كامل من الاردن ؟

وكذلك نفس السؤال لاختنا العزيزيه المنتظره, شلون نقلتي ملف حظرتج لتركيا وشكد طولت الشغله ؟

مع الشكر

[عمار الاعظمي]

شباااااااااااب والله وقسم عظيم اني خابرتهم لتركيا وحجيت ويه الموضف بل عربي لان بل اتصال من تتصل ادوس رقم 8
يحولك عل موضف الي يحجي عربي وكلي يكملون ملفك منا يسحبوا من سوريا وكملون الملف ..... بس بشرط انه انته تكون طالع من سوريا
بهاي الايام يعني من الوضع خرب بسوريا كلش مو طالع قبل اربع اشهر وتريد تحويل ماكو هيجي بطه 

[steven_siv]

كلشي ميفيدك اخي بصراحة وبدون زعل لان مادام رجعت عندك فترة اقل من شهر لازم تسافر وتسجل بغير دولة بس تعال احسبها تركيا ماتستقبل اي احد ولبنان راح تروح ورة سوريا واردن صعبة قرر انت وروح

[لاچع]

شكرا عزيزي عمار الاعظمي على جوابك بخصوص تركيا وياريت تكتبلنا الرقم الي حظرتك اتصلت بيه على تركيا حتى هم نستفسر منهم بخصوص نقل الملفات.

وبالنسبه لجواب اي او ام سوريا عن نقل الملف لتركيا اليوم اخونا ابو مودي حصلهم وكان هذا هو جوابهم:

ابو مودي:
بعد عناء طويل حصلت iom ولم اسمع من الموظفة اي كلام جديد .. السفر مستمر واهم شي تلفوناتكم شغالة ..والناس من تخلص كلشي يعني الامنية يسافرون.. وما انصحكم مغادرة الحدود اذا ماعندكم مشاكل .. ماذا عن تركيا؟ تركيا فيها منظمة غير iom  ولا يوجد ضمان انه يكملون ملفكم وكل حالة شكل وربما تبدون من جديد من الصفر وكثير ناس راحت ورجعت ..وماذا عن موافقة الوفد وو؟كانما ما موجودة  وتبدءون من جديد .