►█عندك مشكلة بموقع IOM؟تفضل هنا..تحديث وتم حل المشكلة█◄

[برنسو]

تحديث الموضوع.....

مساء الخير شباب ... السبب اللي كان يمنع نجاح عملية تغيير الباسوورد هو بسبب اغلاق الحساب في الموقع مما يحول دون تغيير الباسوورد ولكي يرجع الحساب فعال من جديد يجب ارسال رسالة الى المنظمة تطلب فيها اعادة تفعيل حسابك ... بعد اسبوع على الاكثر سترد رسالة من المنظمة تخبرك بانه تم تفعيل حسابك ... عندها يمكن تغيير الباسوورد بنجاح... وانا قمت بكل المحاولات لتغيير الباسوورد ولم تنجح سوى هذه الطريقة....فاحذوا حذوي وقوموا بنفس الخطوات... وان شاء الله ستنتهي هذه المشكلة..

وهذه نص الرسالة لمن يريد ارسالها للمنظمة لغرض تفعيل الحساب من جديد.....



I can not login to  IOM website to track the status of my case there. Where my account is locked because of the wrong register for more than 3 times within 30 minutes, according to the laws of the site, so I want to unlock my account again please.

تحياتي ..... برنسو

>>>>>>>>>>>>>>انتهى التحديث


مرحبا شباب عين عنكاوه ...  


 اخواني واخواتي الاعزاء ... اتمنالكم السفر القريب  ان شاء الله ... وتخلص معاناتكم بأقرب وقت .

لا يخفى على احد كمية الاخطاء الادارية والفنية التي يقع بها  موظفوا المنظمة, والحل الافضل برأيي ان نجتمع على كلمة سواء لنوصل صوتنا لمن يهمه الامر عسى ولعل ان تتخذ بعض الاجراءات للخلاص من تلك المشاكل المتكررة وكانت حملة الاخ رايان مثالا يُحتذى  للحملات الناجحة التي قام بها اعضاء عنكاوه.

اليوم اريد ان نضع تحت دائرة الضوء موقع المنظمة (www.jordan.iom.int/refinfo ) وما يحيط به من مشاكل تقنية زادت من استيائنا وضجرنا فكلنا يعرف مدى التأثير الذي سبيته لنا مشكلة تغيير الباسوورد والتي حالت دون معرفة الكثر من الاعضاء بآخر تحديثات قضاياهم.. وكل الرسائل التي ارسلناها الى المنظمة بخصوص هذه المشكلة كان الرد مخيب للآمال ولا يمت للواقع بأيه صلة.

فقبل اسبوعين ارسلت للمنظمة رسالة تشرح مشكلة الموقع ... فأذا بموظفيهم الفطاحل يرسلوا لي تعليمات كيفية تغيير الباسوورد ومعها رابط الفيديو التعليمي لتلك العملية.. وكأننا لا نعرف هذه الخطوات البديهية !!!

لذلك أرتايت ان نتفق على ارسال رسالة توضيحية الى المنظمة من قبل الاعضاء ... تحتوي على شرح مُفصّل عن المشكلة ونرفق معها صور  توضح ذلك او مقطع فيديو يسجل خطوات عملية تغيير الباسوورد وكيف ان الصفحة لا تستجيب .


وهذه الكليشة المقترحة للرسالة  ...

Dear all

I can not login to the IOM website to find out my case status because of password expiration. And When I change the password  according to the steps shown in the tutorial video  on the site, and  writing a new password , according to the conditions, and press "change password button" the page remain as it!
 It is  not show the final step to confirm the success of change  password  process . As shown in the picture  attached with  message.

 So please turn  this message to the  IT Department to resolve the problem in  the website server or return to the old system of  change password process  and send a new password for everyone need a new password.

So that we checke the status of the case through  IOM website.

Thank you
 

[/color]



وهذه صورة تبين نوع الخطأ في عملية تغيير الباسوورد ... من الافضل ان تُرفق مع الرسالة ...





والآن بعد الاتفاق مع المؤيدين للفكرة قمنا بأرسال الرسالة ونتمنى من كل لديه نفس المشكلة ان يقوم بارسال هذه الرسالة عسى ان يستجيبوا  لمطالبنا ويحلوا مشكلة الموقع.. وكل ما كان عدد الرسائل كبير كلما كان الامل باستجابتهم اكبر

تحياااتي للجميع

اخوكم ........ برنسو  
 

[عذاب]

اني اول المشاركين في هذه الحملة  ويا حبذ لو يكون ارسال الرسائل في ليلة واحدة يحددها صاحب الحملة حتى الموضف من يشغل الحاسبة الصبح يلكة عدد لا يستهان به من الايميلات و يا انا يالسفارة في كنب العمارة

[عذاب]

و احلى UP لاحلى برنسو

[ألن في بلاد العجائب]

أشو اني غيرت الباسوورد عادي بلا اي مشاكل

لاحظوا لازم الباسوورد يكون بي حرف كبير واحد فقط و رمز واحد فقط و رقم واحد فقط فقط فقط

[برنسو]

اني اول المشاركين في هذه الحملة  ويا حبذ لو يكون ارسال الرسائل في ليلة واحدة يحددها صاحب الحملة حتى الموضف من يشغل الحاسبة الصبح يلكة عدد لا يستهان به من الايميلات و يا انا يالسفارة في كنب العمارة

اي والله اخوية عذاب (الله يبعدك عن العذاب) يا ريت هواية اعضاء يتفقون على هاي الحملة حتى  مثل ما كلت حضرتك الصبح الموظف يدوخ دوخة ما دايخهه بحياته  

[برنسو]

أشو اني غيرت الباسوورد عادي بلا اي مشاكل

لاحظوا لازم الباسوورد يكون بي حرف كبير واحد فقط و رمز واحد فقط و رقم واحد فقط فقط فقط

اخوية الن والله عجزنه من المحاولات وبلا فايدة نفس المشكلة ... وبالنسبة لطبيعة الباسورد اكيد مثل ما تفضلت سوينه بس وداعتك ماكو فايدة.

[S.aladhami]

اني همين احااول بدوون اي فائده

[alpha]

أشو اني غيرت الباسوورد عادي بلا اي مشاكل

لاحظوا لازم الباسوورد يكون بي حرف كبير واحد فقط و رمز واحد فقط و رقم واحد فقط فقط فقط

اخوية الن والله عجزنه من المحاولات وبلا فايدة نفس المشكلة ... وبالنسبة لطبيعة الباسورد اكيد مثل ما تفضلت سوينه بس وداعتك ماكو فايدة.

نعم نعم نحن معك يابرنسوا
كلنا نواجه نفس المشكلة ولو مو حرف وحرف وحرف ورمز ماكو كل فايدة.
هسه شوكت ندز الرسالة علمود نسوي شغل؟؟؟

[عذاب]

القرار  يم ابو الانة برنسو

[برنسو]

اني همين احااول بدوون اي فائده

هلا بيك اخوية العزيز ..... ان شاء الله راح نرسل هاي الرسالة وبكلت يسوون حل او يشوفون وين المشكلة

تحياتي الك

[برنسو]

نعم نعم نحن معك يابرنسوا
كلنا نواجه نفس المشكلة ولو مو حرف وحرف وحرف ورمز ماكو كل فايدة.
هسه شوكت ندز الرسالة علمود نسوي شغل؟؟؟

عيوني ألف تدلل ان شاء الله نرسلهه قريبا .. بس حلي يجون اعضاء ويانه بعد حتى يصير العدد يسوه...

تحياتي الك

[برنسو]

القرار  يم ابو الانة برنسو

الاخ عذاب الورد ..... بس يصير عدد زين من الاعضاء نرسلهه ... تدلل

[عذاب]

UP

[برنسو]

أتوكلو عله ألله عزه وجل .. وأني وياكم ...
تره بزعنه ألباسبورد أني دازلهم يجي 7 رسائل بس هيجي حمير يكرم ألسامع ماكو ...
ماكو اي فايدة

أتوكل برنسو وحنه كنه أوياك

تحياتي

اي والله ماكو اي فايدة لذلك نريد نرسل رسالة جماعية الهم حتى يشوفون حللل....

تحياتي الك اخوية بيرن بكن ...

[اسطنبولي]

اني وياكم وهسة دزيت الرسالة  الهم والله كربم  خلي نشوف شي صير  

[اسطنبولي]

اخواني خواتي عندي حل
ليش منتصل بل iom ونطلب منهم يرجعون النظام القديم الى الموقع احسن يعني قبل الي جان اي ريد باسورد جديد يروح يخلي رقم الملف مالته وره دقيقة يجي باسورد ع اليميل مالته هذا احسن شي واحسن من ما هسة كلبنه  مشلوع بتغيير الباسورد 

[Nawfal_Alfadly]

عاشت ايدك حبي خوش موضوع والله اني بالنسبة اليه سجلت مقطع فيديو من زمان ورسلته الهم عن كيفية الموقع لايستجيب تغيير الباسوورد ودزيتهلم رسالة والتسجيل وتم العلاسة ولاجاوبوني اصلا ههههههههههههههه مسلمهم بيد الله الواحد القهار وهسه محتارين كلشي منعرف عن حالة الملف تحياتي

[برنسو]

إخوان أني جربت كل الطرق وماكو فايده وهذا دليل على إنه الخلل من عدهم , أكو بعض الأخوه يكولون الخلل من عدنه لو من المتصفح لو من النت لو إحنه نخطأ بالتبديل بس ماكو أني جربت كلشي وماكو فايده وأني أخوكم مهندس حاسبات ...

اهلا بيك مهندس روان ..... الخلل مو من يمنه ابدااا... الخلل من الموقع والصورة للي بالبموضوع تكدر تشوفهه وتشوف نوع الخطأ ...
وان شاء الله كلنه نرسللهم هاي الرسالة حتى ياخذون اجراء من يشوفون رسائل هواية تحمل نفس المضمون.

تحياتي الك

[برنسو]

اني وياكم وهسة دزيت الرسالة  الهم والله كربم  خلي نشوف شي صير  

الله كريم اخوية .... احنه هم راح نتفق نرسلهه سويه بس حتى يصير علم عند اكبر عدد ممكن من الاعضاء...

تحياتي الك ..

اخواني خواتي عندي حل
ليش منتصل بل iom ونطلب منهم يرجعون النظام القديم الى الموقع احسن يعني قبل الي جان اي ريد باسورد جديد يروح يخلي رقم الملف مالته وره دقيقة يجي باسورد ع اليميل مالته هذا احسن شي واحسن من ما هسة كلبنه  مشلوع بتغيير الباسورد 

اخوية اسطنبولي اكيد النظام القديم احسن بهواية .... خل نضيف بالرسالة انه انتو ارسلونه رقم سري جديد اذا ردنه نغير الباسوورد ...
خوش مقترح اضافة اخوية العزيز عاشت ايدك

[برنسو]

عاشت ايدك حبي خوش موضوع والله اني بالنسبة اليه سجلت مقطع فيديو من زمان ورسلته الهم عن كيفية الموقع لايستجيب تغيير الباسوورد ودزيتهلم رسالة والتسجيل وتم العلاسة ولاجاوبوني اصلا ههههههههههههههه مسلمهم بيد الله الواحد القهار وهسه محتارين كلشي منعرف عن حالة الملف تحياتي

وايدك اخوية العزيز .... اي اتوقع كلشي منهم لانه يتصورون الخلل بينه لان نكتب الباسوورد غلط لو منعرف الخطوات. لذلك من نرسله الهم فيديو وصور تبين الخطأ اللي ديصير ومن عدد هواية من الكيسات اكيد راح يراجعون الموقع ويسوون حل ...

تحياتي الك وان شاء الله يصير خيرر

[Ali leo]

برنسووووووووا الغالي

قلباً وقالباً

الى الامام زنكة زنكة
باسوورد باسوورد

واذا اتطلب اي شي مني محتاجي لدعم الحملة اني وياكم كولوا وادللوا


علي ابو اليو

[Ali leo]

شبابنا السلام عليكم

طبعا انا سويت كوبي بيست للرسالة مالتك ودزيتها الى جماعة الاي او ام ودزولي هذا الربلي

Dear Sir/Ma`am

 

Thank you for your Email,

 

Please note that your inquiry about the website has been forwarded to the concerned department.

Please feel free to contact IOM Info Center for further inquiries.

Kind Regards,
 IOM Info Center


والله كريم ننتظر ونشوف شنو

تقبلوا مروري

علي ابو اليو

[برنسو]

اخي العزيز علي ابو اليو ... تسلم على حضورك ومساندتك...

وطبعا الرد مالتهم كلش حلوووو لانه هو هذا اللي نريده يحولون طلبنه للقيم الفني المختص لانه هم الوحيدين اللي يكدرون يجيكون وين الخلل...

تحياتي الك وان شاء الله خيرررر

[برنسو]

شباب اتوكلوا على الله ودزو الرسالة اليوم وارفقوا وياهه الصورة اللي تبين نوع الخطأ ...... وان شاء الله يحولون رسالتنه على قسم الIT ويحلون المشكلة ...

اشكركم على حضورلكم وتفاعلكم ..... واتمنالكم السفر القريب



اخوكم ....... برنسو

[Ali leo]

ولو احنة برسم الخدمة اخ برنسو


علي ابو اليو

[برنسو]

هلا بيج نور ...... ان شاء الله يصير حل بس ارسلي الرسالة الله كريم


 تسلممم علاوي الورد ...... الله لا يصغرك ... وربي يوفقك ويحقق كل اللي تتمناه

[اسطنبولي]

اذا نحلت مشكلة الباسورد ويتغير يم جميع الاعضاء
اوزع جوكليت  ههههههههههههههههههههه
هوه غير تنحل المشكلة 

[برنسو]

اذا نحلت مشكلة الباسورد ويتغير يم جميع الاعضاء
اوزع جوكليت  ههههههههههههههههههههه
هوه غير تنحل المشكلة 

اسطنبولي ..... ترى راح اطالبك بالجكليت من تغلس من تنحل المشكلة 

والله ما دام بالرد مالتهم  كالو راح نحوله للقسم المختص ..فآني استبشر خيررر..

[اسطنبولي]

لالالالا ما اغلس تدلل اخوية برنسو
والله هاي كل مرة يكلون حولنه سؤالك الى الجهة المعينه وكولشي ماكو  
صار شهرين  ع هاي الشغلة  وسولفهم التعبانه  
خلي نشوف منه الى اسوبع ماكو حل اي سوو
راح اتصل بيهم يلغون حسابي موقع عمان ومن يلغو ارجع اسجل من جديد  احسن شي 
 

[برنسو]

تسلم اسطنبولي الورد ......

اي اني هم منطيهم طرح منا لاسبوع بلكت يصير حللللل..

وبالنسبة لالغاء الاشتراك يا ريت يصيررررررررررر ....... حتى كلنه نطلب هذا الشيييييييييي 

[اسطنبولي]

طبعا اني لحد هسة دز 8 ايميلات الى iom وبيهه هاي الرسالة والصورة
بس من 8 يميلات يعني كل ايميل يختلف عن الثاني
وراح اخبلهم اليوم

[برنسو]

عاشت ايدك اخوية اسطنبولي ... والله احسن ما سويت ... واني هم رسلتهه وان شاء الله خيررر


واطلب من كل عضو عنده مشكلة بتغيير الباسوورد ان يرسل هاي الرسالة ويانه واكون ممون منه والفائدة للجميع لانه اذا صار ضغط عليهم بهذا الموضوع اكيد حيتصرفون ....


تحياتي للجميع

[Ali leo]

اخ برنسو السلام عليكم

عندي اقتراح انت ليش ماتسوي حملة جديدة بموضوع جديد وبي هاي الرسالة مالتك ويكون لكل واحد عندة مشكلة يرسلها تقريبا هسه احنة صرنة اهواي غير هذا الموضوع هسه والرسالة اتكون بعد اكثر وقار ههههههههههههههه هيجي كون من يقراها الشخص المعني يدمع ويكول الله اكبر هيجي العراقيين مضلومين ويكصون من رواتبهم وينطونة .


تقبل مروري ياوردة



علي ابو اليو

[Ali leo]

يوزع ورق ابو الـــ    100$

[اسطنبولي]

اذا نحلت مشكلة الباسورد ويتغير يم جميع الاعضاء
اوزع جوكليت  ههههههههههههههههههههه
هوه غير تنحل المشكلة  

هههههههههههههههههههههههه شوف المعاناة كمنه ننطي نذور حتى مشكلة الباسوورد تنحل ...

زين أخويه إنت علموقع تنطي جكليت لعد إذا سافرت شراح تنطي ؟؟؟  

اذبح طلي
ههههههههههههههههههههههههههههههه

[برنسو]

اخ برنسو السلام عليكم

عندي اقتراح انت ليش ماتسوي حملة جديدة بموضوع جديد وبي هاي الرسالة مالتك ويكون لكل واحد عندة مشكلة يرسلها تقريبا هسه احنة صرنة اهواي غير هذا الموضوع هسه والرسالة اتكون بعد اكثر وقار ههههههههههههههه هيجي كون من يقراها الشخص المعني يدمع ويكول الله اكبر هيجي العراقيين مضلومين ويكصون من رواتبهم وينطونة .


تقبل مروري ياوردة


علي ابو اليو

وعليكم السلام هلوو علاوي .... تدلل اسويلك حملة ثانية ونعلكهه على الIOM وما نجوز منهم الا يسفرونه لو يتحملون رسائلنه يومية 

[برنسو]

عيني اسطنبوللي الطلي ميوصلنه منه شي ... ان اشوف رأي علاوي احسسسن كل واحد 100$ اشوفهه اوجه  

[alpha]

ارسلت لهم وكان هذا ردهم

Dear Sir/Madam,
 
Thank you for your email.
 
Kindly be informed that your inquiry has been forwarded to the concerned department for their assistance.

تحياتي يا غالين
 

جيد عاشت ايدك بلكي يتغير الوضع بعدtheir assistance   

[برنسو]

ارسلت لهم وكان هذا ردهم

Dear Sir/Madam,
 
Thank you for your email.
 
Kindly be informed that your inquiry has been forwarded to the concerned department for their assistance.

تحياتي يا غالين
 

عاشت ايدك اخوية بيرن بكن ..... هو هذا اللي نريده ويااااا رب نشوف حل قريب للمشكلة ...


تحياتي الك يا ورد

[سرب الطيور]

الله ينطيكم العافية اخوان والله احنا عدنا نفس المشكلة
وكلشي جربنا وميفيد واندزلهم رسائل وماكو نتيجة

الله يوفقكم  ويصيرلنا حل على ايدكم
تحياتي لكم اختكم سرب  الطيور

[Ali leo]

عيني اسطنبوللي الطلي ميوصلنه منه شي ... ان اشوف رأي علاوي احسسسن كل واحد 100$ اشوفهه اوجه  

هههههههههههههههه اذا على الطلي حتى من يوصلي السرة حتى صوف ما احصل من وراه فخليها ورق احسن حتى لو يكات قابل هههههههههههه

[اسطنبولي]

عيني اسطنبوللي الطلي ميوصلنه منه شي ... ان اشوف رأي علاوي احسسسن كل واحد 100$ اشوفهه اوجه  

لالالالا الطلي اي كفي اني اعرف اشلون اقسمه الكم  ههههههههههههههههه

[اسطنبولي]

لالالالا ما اغلس تدلل اخوية برنسو
والله هاي كل مرة يكلون حولنه سؤالك الى الجهة المعينه وكولشي ماكو  
صار شهرين  ع هاي الشغلة  وسولفهم التعبانه  
خلي نشوف منه الى اسوبع ماكو حل اي سوو
راح اتصل بيهم يلغون حسابي موقع عمان ومن يلغو ارجع اسجل من جديد  احسن شي 
 

خوش فكره  إذا سويته إنطينه خبر حتى نسويه لأن مليييييييييييييييييت من الموقع ومن المنظمة والملل بده يوصل لأمريكا همين صار عندي ملل حتى من أمريكا وبعدني بالعراق ...

والله دفره بيهم همه والموقع موملينه منهم يعني من صدك ملينه احنه بعدنه مريحين امريكا وكمنه نمل منهه 
 

[اسطنبولي]

عيني اسطنبوللي الطلي ميوصلنه منه شي ... ان اشوف رأي علاوي احسسسن كل واحد 100$ اشوفهه اوجه  

هههههههههههههههه اذا على الطلي حتى من يوصلي السرة حتى صوف ما احصل من وراه فخليها ورق احسن حتى لو يكات قابل هههههههههههه

والله بس نسافر شتريدون اسوي والله  عمي اسوي احسن عزيمه الكم  بعد 

[اسطنبولي]

طبعا دزيت الصورة واليميل الى منظمة الثولان ورجعو جاوبوني شوفو شكلو 



Dear Sir/Madam,

Thank you for your email.

For general case status inquiry, we encourage you to visit IOM website at https://www.jordan.iom.int/refinfo/ to receive an instant case status update.




يعني والله هذولي اكبر ثولان والله لا ينطيهم 

[Ali leo]

عيني اسطنبوللي الطلي ميوصلنه منه شي ... ان اشوف رأي علاوي احسسسن كل واحد 100$ اشوفهه اوجه  

هههههههههههههههه اذا على الطلي حتى من يوصلي السرة حتى صوف ما احصل من وراه فخليها ورق احسن حتى لو يكات قابل هههههههههههه

والله بس نسافر شتريدون اسوي والله  عمي اسوي احسن عزيمه الكم  بعد 



وانا هماتين وياك بعد نص علية ونص عليك بعد شيردون بس خلي تصير والله والله الا اخليها حفلات مناااااااااااا لحد ثاني يوم الصبح الساعة 6 ههههههه بس شنو كلشي ما بيها لا شرب ولا اكل ولا موسيقى ولاضحك بس نكعد واحد ايباوع على الثاني 

[اسطنبولي]

عيني اسطنبوللي الطلي ميوصلنه منه شي ... ان اشوف رأي علاوي احسسسن كل واحد 100$ اشوفهه اوجه  

هههههههههههههههه اذا على الطلي حتى من يوصلي السرة حتى صوف ما احصل من وراه فخليها ورق احسن حتى لو يكات قابل هههههههههههه

وانا هماتين وياك بعد نص علية ونص عليك بعد شيردون بس خلي تصير والله والله الا اخليها حفلات مناااااااااااا لحد ثاني يوم الصبح الساعة 6 ههههههه بس شنو كلشي ما بيها لا شرب ولا اكل ولا موسيقى ولاضحك بس نكعد واحد ايباوع على الثاني 

ههههههههههههههههههه حلوة هاي مال ما بيهه لا اكل ولا شرب ولا كولشي بس واحد اي باوع ع الثاني خشو حفله  هاي 

[Ali leo]

اي وداعتك بس واحد يظل ايباوع على الثاني يعني بين قوسين (تعريفية ) واحد ايكول للثاني انت شكد الكيس مالتك وانت منين من اي دولة مقدم وكلمن يسولف بطولات انا بعين كاوا جان هيجي موضوعي وانا هيجي جان موضوعي ههههههههههههههه

بس شنو بدون اجانب وبدون اس اي في بس اي او ام ههههههههه


تحياتي الى الاخ برنسو اليوم سولفلنة بديوانكم ههههههه



السفر للجميع

ابو اليو

[alljaaf]

السلام عليكم
اخواني الاعزاء لا تعبون نفسكم احد اولادي كان عنده سفر في الشهر السادس وفي المطار تم تاجيل سفره
لانعرف السبب وبعداسبوعان اعاد الفحص الطبي وقبل اسبوع اكمل الدوره التثقيفيه
وحال الموقع كما يلي

حالة الملف : بانتظار النتيجه
المقابله الاولى : مكتمل
مقابلة المحلفين : مكتمل
الفحص الطبي : فعال
التجييك الامني : بالانتظار
حالة السفر : غير فعال

لا تعتمدوا على الموقع

[اسطنبولي]

هوه هذا الموقع اكبر حشاش ابن حشاش
بس شنسوي شوية نصبر نفسنه بي  والله كريم 
هسة هوه لو يشتغل ارتاح اني 

[برنسو]

الله ينطيكم العافية اخوان والله احنا عدنا نفس المشكلة
وكلشي جربنا وميفيد واندزلهم رسائل وماكو نتيجة

الله يوفقكم  ويصيرلنا حل على ايدكم
تحياتي لكم اختكم سرب  الطيور

هلا بيج اختي العزيزة..... والله نفس حالتج ملينه منهم ومن ردودهم الما بيهه اي نتيجة اصلا ما فاهمين السالفة شنو....
بس اختي دزي هاي الكليشة الهم وبكلت يصير حل ...
والله يوفق الجميع ان شاء الله


تحياتي ..... برنسو

[برنسو]

اي وداعتك بس واحد يظل ايباوع على الثاني يعني بين قوسين (تعريفية ) واحد ايكول للثاني انت شكد الكيس مالتك وانت منين من اي دولة مقدم وكلمن يسولف بطولات انا بعين كاوا جان هيجي موضوعي وانا هيجي جان موضوعي ههههههههههههههه

بس شنو بدون اجانب وبدون اس اي في بس اي او ام ههههههههه


تحياتي الى الاخ برنسو اليوم سولفلنة بديوانكم ههههههه



السفر للجميع

ابو اليو

عيني علاوي شنو ما بيهه لا اكل ولا شرب يمعوود .... شوية حرك ايدك ترى سالفة السوالف وبس متصرررفلنه ابددددد  

وكل الهلا بيك عيوني علاوي  الديوان ديوانكم ..... نورتواااااااااااااا



بس علاوي سؤال خارج الخدمة " شنو يعني " ابو اليو "؟؟؟


تحياتي ...... برنسو

[برنسو]

السلام عليكم
اخواني الاعزاء لا تعبون نفسكم احد اولادي كان عنده سفر في الشهر السادس وفي المطار تم تاجيل سفره
لانعرف السبب وبعداسبوعان اعاد الفحص الطبي وقبل اسبوع اكمل الدوره التثقيفيه
وحال الموقع كما يلي

حالة الملف : بانتظار النتيجه
المقابله الاولى : مكتمل
مقابلة المحلفين : مكتمل
الفحص الطبي : فعال
التجييك الامني : بالانتظار
حالة السفر : غير فعال

لا تعتمدوا على الموقع

والله يا اخي الموقع بيه هواية سلبيات ومرات يخربط بس شنسوي هو الوسيلة الوحيدة اللي  نكدر نتابع ملفاتنه عن طريقه
 اشكرك على المرور وان شاء الله تبشرنه بموعد سفر ابنك


تحياتي .... برنسو

[برنسو]

هوه هذا الموقع اكبر حشاش ابن حشاش
بس شنسوي شوية نصبر نفسنه بي  والله كريم 
هسة هوه لو يشتغل ارتاح اني 

اي والله اخوية اسطنبولي من يشتغل نشوف اذا صارت تغييرات بملفاتنه مو مثل هسة كلشي منعرررررررررررف شيصير ميصير

[Ali leo]

بس علاوي سؤال خارج الخدمة " شنو يعني " ابو اليو "؟؟؟


هههههههههههههههه  هذااسم الدلع ابرنسو هذا جان عقيد امريكي مادري منو كايلة بهذا الاسم من الربع كلما اشوفة ايكلي ابو اليو ومشت وتغير النك نيم مالتي من ليو الى ابو اليو

[برنسو]

مساء الخير شباب ....

احب ابشركم جميعا وكل من لديه مشكلة في تغيير الباسوورد .. انه الحمد لله اليوم تمت عملية تغيير الباسوورد بنجاح .... واستطعت الدخول الى الموقع ورؤية حالة ملفي ...وهي

حالة الملف ........................... بانتظار النتجية
مقابلة1 + فحص + مقابلة 2 ...... مكتمل
التشييك الامني ..................... بالانتظار
حالة السفر ..........................غير فعّال


... اللي سويته رسلتهم رسالتين اللي مذكورات فوك ... وحدة مالت الخطأ اللي بالموقع والثانية كتلهم ملفي مغلق بسبب المحاولات الخاطئة بتسجيل الدخول فارجو اعادة تفعيل حسابي... واليوم وصلتني رسالة من المنظمة تقول بانه تم تفعيل حسابك مرة اخرى ويمكنك الدخول الآن الى الموقع.
 


تحياتي للجميع واتمنى من الاخوان والاخوات اللي لحد هسة تواجهم المشكلة ان يسوون مثل ما اني سويت حتى تنحل المشكلة يمهم ويشوفون حالة ملفهم.



تحياتي ....... برنسو