إلى الكـلـداني الأصل حـكـمت منـصور كاكـوز الموقـر والمتـوشح بالرداء الآثـوري بقـلم : مايكـل سـيـﭙـي / سـدني ــ 24 شـباط 2013
قـرأتُ مقالكَ عـلى الموقع http://www.ankawa.com/forum/index.php/topic,644222.0.html بعـنوان : (( سيادة البطريرك : لتكن تسميتك بطريركاً على كـنيستـنا طريقاً لحل تسميتـنا ! )) في 19/شباط /2013 ، ومقالك الآخـر بعـنـوان (( إلى موقع القـوش نت مع الـتحـية … )) في 20/شباط 2013 وتحـت إسم حـكـمت أوسـلو .... والمنـشـور عـلى الموقع
http://www.ankawa.com/forum/index.php/topic,644435.0.html والآن يسرني أن أدردش معـك :
أولاً ــ قـد تسأل لماذا وصفـتـك بالمتوشح ؟ لأنك إرتـديتَ رداءاً آثـورياً ( وليس لي أيّ غـبار عـليه بل عـليك ! ) فـقـد عـلمتُ أن لك إخـوة كـلـدانيّـين قـح والـدليل هـو الخـبر الـذي نـشرته بنـفـسك مع صورتك وكما تـقـرأ في المواقع التالية :
(1)- http://www.margaye.net/forum/index.php?topic=22584.0 ( بعـيـد عـنـكم ) .... بتأريخ 4 تشرين الأول 2012 يقـبل التعازي أولاد أخـيه السيدان ( منصور كاكـوز & إيليا كاكـوز ) في دار الأخ إيليا كاكـوز في منطقة كـمبلـفـيلـد ، إذن الأخ إ
يلـيا كاكـوز هـو أخـوك . (2)- http://www.kaldaya.net/2011/News/11/Nov22_A2_ChaldeanAustralia.html ثم في يوم الأحـد المصادف 16/10/2011 ... إجـراء إنـتخابات الهـيئة الإدارية الجـديدة للإتحاد الكـلداني الأسترالي في ﭬـكـتـوريا بطريقة الإقـتراع السري ، وبعـد فـرز الأصوات كانت نـتائج الإنـتخابات كما يلي : 1- السيد إيليا كاكـوز ....... رئيساً ! إذن
إيليا كاكـوز كـلـداني رئيس لإتحاد كـلـداني .(3)- http://c-n-c.net/ithad_keldany_3.html الهـيئة الإدارية للإتحاد الكـلـداني الأسترالي في ﭬـكـتـوريا تـقـدم شكرها لـكـل الـذين ساهـموا في إنجاح هـذا الحـفـل و هُم : 2- مكـتب ملبورن للعـقارات (السيد إيليا كاكـوز) ! إذن
إيليا كاكـوز يساهم في إنجاح حـفل كـلـداني . طـيب فـماذا دهاك يا أخي حـكـمت ! أنتم من أب واحـد وأم واحـدة .
ثانياً ــ بخـصوص مقالك الأولاني شـنو قـصـدك بكـلمة
سـورايي حـتى نحـدّد نؤيـدك لـو نعارضك ! بالنسبة لـنا نحـن الـكـلـدان نستخـدمها بمعـنى مسيحـيّـين ، فإذا كـنتَ تـقـصد ذات الشيء ، إذن شـنو الـداعي لإطلاقها عـلى مؤسستـنا الكـنـسية ــ ﭙاطـريركـية بابل عـلى الكـلـدان ــ وهي مسيحـية أصلاً ؟ أما إنْ كـنـتَ تـقـصد بها شيئاً آخـراً عـنـدئـذ لكـل حادث حـديث ، فإفـتِ بنا يا أخ وصرّح إلـنا حـتى نعـرف قـصـدك ونبلش ويّاك ولكـن ديـر بالك لا تـدخـل بـدَرابـين ضـيـﮔـة خـوفي عـليك أنْ ما تـطـلع منها ، ولا تـنـسَ أنَّ إخـوانـك إيـلـيا ومنـصور فـخـوران بكـلـدانيتهم ... والـدليل ألـولـو .
أﮔـول ، أخاف شـفـتـنا أميّـين لا نـفـقه شيئاً وتـريـد تعَـبِّـرها عـلينا ولكـنك نسيتَ أنَّ آباءنا وأجـدادنا كانـوا فعلاً أميّـين وما فاتـتهم ( فـوتة ! ) وشـفـتـنا نائمين وما تـدري بـينا إحـنا عـين مغـمَّـضة بجـفـن وعـين مفـتحة بجـفـن ثاني ، ولاحـظـتـنا ﮔاعـدين وعَـبالك ما عـنـدنا رجـلـين ، أخي إحـنا بعـنا فـقاعات هـوائية بـيوم عاصفة وصاعـدة لِلعـْـزيـر ، وخـلينا الغـربان تصبح زرازيـر وصارت الناس تسمع هـمساتـنا بـسـوﮒ الصفافـير . بس ﮔـول إللي تـريـده شـنـو ؟ ﮔـولها طـﮒ بـطـﮒ ولا تـضل تـلف وتـدور لأن الـدوران مو زين عـلى صحـتك . إحـﭽـي عالمكـشوف ، أنت تـقـترح كـلمة سـورايي ، طـيب إذا كان قـصـدك العـميق أنْ تأوّلها إلى ( سورايي ــ آسورايي ــ آثـورايي ــ آثوريـين ــ آشـوريّـين ) فـهاذي ﮔـطـنة ! ﮔـطـنة ومو بس تـطـلعـها من أذنك ، ولكـن إقـلعـها من مخـدّتـك ولا تـخـلي عـليها راسك .
أخي آني أحـﭽـي ويّاك مثـل أخـوك شـِلك بهالـقـوانة ؟ شـوفـلك فـد سالفة تـوكـِّـل خـبز ، لا وﭽـمالة ويّانا ! هـسّا لو أحـﭽـي هم يـﮔـولون حـﭽـيتْ ، يعـني حـضرتـك ما شـفـتْ إلاّ الكـلـدان وﭙـطـركهم ؟ دكـتـوراه وماجـستير وروما وﭬاتيكان وكاردينالات وجامعات وﭙـروﭙـﮔـنـدات وفـطاحـل وسـفـراء ومؤسّـسات وميزانيات وخـطط عالمية ، يا أخي ، أعـوذ بالله من الشيطان الرجـيم ... صُـدُﮒ ﮔال المثـل : يا بو بشـتْ بـيش بْـلـَـشِـتْ ! يا أخي لا تخـلينا نـطـلع من طـورنا .
أخي حـكـمت
لو ما أحـبَّـك ما أبَـﭽّـيك ، وآني أريـد خاطـرك وإنتَ حـبّاب ، ديـر بالك لا يورطـوك ، وإللي يـﮔـُـلـَّـك حـﭽاية ويـدفـعـك بـيها ! صير أذكى منهم و ﮔـُـلـَّه مثلما ﮔال عادل إمام (( روح إنتَ سَـوّيها )) والمثل عـنـدنا يـﮔـول : لا شـوقـتْ أخـلي خـنوي بْـكاكـوخ = لا تـخـلـّي يأكـلون خـرنـوب بأسـنانك ! . لكـن آني أسألك سـؤال واحـد : شـنو إللي خـطـر بـبالك ودا تسأل هـذا السؤال وبهالـوقـت ؟ هاي وحـدة ، والثانية ، ليش ما سألـتْ هـذا السؤال لغـير ﭙـطـركـنا ؟ ها حـكـمت عـلينا ؟ مو ما أريـد أعـيـد المثـل السابق حـتى لا يـﮔـولون عـني أعـيـد وأصقـل وأكـرّر ولكـن لخاطرك راح أﮔـلك غـيره : ( صحـنا عـل الخـفاش بوقـت الـصُبحـية ، طِـلع من وكـره بْـكـل ممنونية ، وضل بالهَـوا يطـير وجـناحه مَـطـْـويَّة ، وما رجع إلاّ بعـد العـصرية ) .
عـلى كـل حال ، لمّا واحـد يـﮔـولـَّـك : آني سورايا كـلـدنايا ! طـيب أنت شـراح تـفـتهم منه ؟ أرجع وأﮔـول إذا تـقـصـد مسيحي كـلـداني ( في ﭙاطـريـركـية بابل عـلى الكـلـدان ) فـهاذي سهـلة ولكـن ما نحـتاجـها ، ليش ؟ لأن مفـهـومة بْـلـَـيّاها ، من حـيث ماكـو بوذي كـلـداني بالـﭙاطـريـركـية ؟ أما إذا تـقـصد بعـد التأويل المخـفي : آثـوري كـلـداني ! فـهاي بـيها حـساب ، وحـسابها عـسير .
من جانب آخـر ، عـن الآثـوري تريـده يـﮔـول : سـورايا آثـورايا ، يعـني أثـوري آثـوري ! أشـوفها بْـلـَـيَّة طعـم . وبالتالي السرياني يصير آثـوري سـرياني ، خـو من أوّل ﮔـول كـلهم آثـورايي وتـنـتهي السالفة ، يا حـلاوة عـلى هـذا التـفـكـير والـتخـطـيط ، صـدُﮒ إنتَ ذكي . فاتك شي واحـد ، ما ﮔِـلـتـلـنا شـلون تـتـرجم سورايي إلى الإنـﮕـليزية !! هاي لا تـنساها .
أﮔـلـَّـك حـكـمت ، ليش ما تـطـلب مقابلة غـبطـته وتعـرض عـليه مشروعـك ـ وعـلى الأكـثر ما راح يخـلي بخاطرك ولا يرجـعـك فارغ ، وهـسّا تِـلـﮕـيه مـغــِّيـر إسمه رأساً وصاير ﭙاطـريـرك بابل عـلى سـورايي الكـلـدان ، وراح تشوف بعـيونك ولخاطر عـيونك إشـلون الكـلـدان يطـلعـون مظاهـرات تأيـيـد بكـل العـواصم الأجـنبـية مثـل ( مدغـشـقـر وبورما وبنـﮕـلاديش وحـتى آلاسـكا ) ويهـلهـلون ويرفـعـون رايات الإعـجاب بهـذا المقـتـرح الجـديـد الفـريـد الوحـيد المفـيـد ، واللي ما خاطر بـبال أي واحـد لا حـميـد ولا رغـيـد ولا لـُـبَـيـد ، وما تجي بـبال آثـوري ولا سرياني ولا كـلـداني شـديـد ، بعـد شـتـريـد ؟ ولكـن خـوفي من الإخـوة الآثـوريّـين أخاف يعـتـرضون وما يقـبلون ، شـلون بهاي الحالة يا حـكـمت حـديـد ؟
وبعـدين إنتَ جـبت طاري كـعـكـة ــ يـعـﮕـوب ــ لكـن ما ﮔـلـتْ بـيها سمسم ، لو كـعـكـة جـوز الهـنـد ؟ زين ليش ما تـبـدّلها بـ ــ ﭙَـرتــُـوّه ــ د خـلـتـو خـنة ، أو تخـراثا د خـلتي أسّـومة ؟ وبهاي الحالة يكـون نـزاعـك التـسمَـوي محـلول بعـون الله .
وتـﮔـول أنـك إقـتـرحـتْ هـذا المشروع كـلمة ( سـورايي ) كـقـومية بمقالك السابق ، لكـن ما ﮔِـلِـتْ وين وصـلتْ ! طيب ليش ما بـديتْ بأقـرب واحـد عـليك وعـلى هاي الـكـلمة ! يعـني بصريح العـبارة : سورايي ← آسورايي ← آثـورايي ← آشـورايي ← آشـوريّـين ! إذن يا أخي حـكـمت إبـدأ بالأقـربون لأنهم أولى بالمعـروف ، وشوف النـتـيجة وبعـدين تـدلـَّـل ، غالي والطـلب رخـيص ، ومن وراها تـﮔـدر تلعـن الإنـقـساميّـين وأبو الإنـفـصالـيّـين المتـكـلـدنين حـسب تعـبـيرك ، وأكـيد الله راح يـﭽـفـيك شـر الإنـقـسام الأوباشي ، وتـضرب ماعـون دبس وراشي وما تخـلي حـتى الحـواشي .
أما ليش ما خـلـوه مقالك ينـشر ( بكـلـدايا . نت ) فـبهاذي مقـصّـرين ويّاك الإخـوان ، لو آني بمكانك وعـلى عـنادهم ما أنشر ولا مقال إلهُـم ، ولكـن أﮔـلـَّـك آني فـتـشـتْ موقـعـك الأغـر وما شـفـتْ بـيه غـير ربعـك المتأشـورين الإلـتحاميّـين ! ولا واحـد من المتكـلـدنين الإنـقـساميّـين ؟ عـلى كـل حال آني أبعـث هـذا المقال إلى عـنـوانك الـبريـدي وراح نـشوف هـل تـنـشره يمكـم ؟ وتعـيش عـيشة سـعـيـدة .
