المحرر موضوع: ♣ قصّـة من العراق ... أيّام زمـــــــان !!! ♣  (زيارة 2359 مرات)

0 الأعضاء و 1 ضيف يشاهدون هذا الموضوع.

متصل النوهدري

  • عضو مميز متقدم
  • *******
  • مشاركة: 13182
  • منتديات عنكاوا
    • مشاهدة الملف الشخصي
عبيس جندي عراقي فرار ( هارب ) من الجيش بوكت صدام ! ** أبو خليل ** عبيس جندي عراقي فرار( هارب )
من الجيش بوكت صدام والمنطقه كله تعرفه فرار ،
آنطوا عفو عام وآمّـه والناس نصحوه يلتحق أحسن
ما يعدمه صدام ، وآلتحق عبيس للجيش وراح لساحة سعد
حتى يلتحق بوحدته بالبصره . بالساحه كعد يم أم الكيمر والجاي وأكل 13 لفة و7 آستكانات لأنّ أم الكيمر حلوه !وكل ما تناوشه لفه لو جاي يلزمها من إيدها ،، أخوها يمها يبيع لبن ويراقب عبيس صار عصبي وهفّـه بتوثيه
على راسه وسبحه بدمه ونقلوه للمستشفى وآرتجاج بالمخ وره ثـلاث أيام ،  كعد عبيس وكلهم : آني وين وحجولَه القصه ، طلع من المستشفى وراسه مشدود وبدلته متروسه
دم وتلكته المنطقه كله والجهال ركضوا ﻻمه يبشرونه
عبيس متصوب ( جريح ) وامّـه تهلهل والناس تبوس بيه
ﻻنه بطل ، جيرانهم رفيق حزبي قنقينه يلح عليه شلون آنجرحت ،  كلهم : وصلت لساحة سعد ولكيت الطيارات
مسويه الجنود لحم وأخذتني الغيره من آنضرب أبو الرباعيه وجان أكعد بمكانه وأطيح نص الطيارات ،
بس خلصت عتاد وواحد من الطيارين شافني وجان ينزل
علي بطيارته وكف فوك راسي وجان ينزل الجامه مال الطياره ويهفني بتوثيه ومالكيت نفسي اﻻ بمستشفى الجمهوري ! ، قصة عبيس مثل حكومتنه وبرلمانه
وسادتنه وشيوخنا وسياسيّينا ! ..
ياهو اللّي تلزمه بَطل ومصلح ووطني وگلبه على الشعب وياهو تلزمه سجين سياسي وشهيد سياسي ومعارض سياسي .. هوه البلد شطيّح حظه غير أمثال عبيس ؟؟؟ .
~ منقــول ~