بنات ابـلادي


المحرر موضوع: بنات ابـلادي  (زيارة 288 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 491
    • مشاهدة الملف الشخصي
    • البريد الالكتروني
بنات ابـلادي
« في: 11:57 21/07/2017 »


بنات ابـلادي


شعر غنائي
ميسون نعيم الرومي

 
يالصوتچ اشجار اوبستان
واعيونچ نرجس حلمان
والگمر ابوجناتچ خجلان
يتوسد ورد اوريحان
لو گبلت .. لهبة بركان
ضحكاتچ نغمات الخلجان
وابشعرچ مضفوره الألوان
والشمس الشبگت لجفان
تتغنه قصيد اوأوزان
اغزيله امضمره اوبريه
قداح اوجوري البغدادية
والناس ابحسنچ مسبيه
يالبغدادية
***
كحله امن العين ايلمون
واعيونچ رطب اوزيتون
محله الديرم .. والزلف المجنون
ابحسنچ اشعار اينظمون
الليلو امن الشفه ايلظمون
خلخالچ ناي اوقانون
يالصوبچ تتلفت لعيون
بالنجمه الخمريه ايحلفون
امن الهور ابنيه اعمارتليه
والنونه .. شذره اومضويه
يالحسنچ نخله ابگمريه
فختايه احميمه اعمارتليه
الحلوه .. اعمارتليه
***
اطيور الجنه ابنات ابلادي
محله السهل اومحله الوادي
 
والنخل ابسده الليمون
يادجله اوموجه الهادي
والتين ايغازل نبگه
ابغنواته البلبل شادي
يالعشگ الأزلي الولهان
اشور اوسومر أجدادي
رمـّان امـفـَلـَّع شـِـفـْـتـَه
كظماوي امعظماوي اوكرادي
لصواني بچفوف الحلوه
والشط اشموعه اتلالي
ارصافه اوكرخه المتخاوي
امن اطيور الجنه .. ابنات ابلادي
بنات ابلادي
----------------------------------------
تـموز / 2017
ســــــــــتوكهولم