܀ ܐܲܪܥܵـܐ ܕܚܛܲـܝܵܬܼܵـܐ ܀


المحرر موضوع: ܀ ܐܲܪܥܵـܐ ܕܚܛܲـܝܵܬܼܵـܐ ܀  (زيارة 1281 مرات)

0 الأعضاء و 1 ضيف يشاهدون هذا الموضوع.

غير متصل عوديشو سادا

  • عضو فعال جدا
  • ***
  • مشاركة: 485
    • مشاهدة الملف الشخصي
    • البريد الالكتروني
܀ ܐܲܪܥܵـܐ ܕܚܛܲـܝܵܬܼܵـܐ ܀
« في: 13:11 05/07/2018 »
܀ ܐܲܪܥܵـܐ ܕܚܛܲـܝܵܬܼܵـܐ ܀
ܥܲܒܼܕܝܼܫܘ̇ܥ ܣܵܗ̄ܕܐ

ܓܲܘ ܩܸܢܛܪܘܼܢ ܕܚܛܝܼܬܼܵـܐ ܚܲܛܵܝܵܐ ܐܝܼܘܸܢ
ܘܒܝܼܫܬܵـܐ ܓܵܘ ܪܥܵܫܬـܝܼ
ܐܝܼܠܵܗ̇ ܥـܒܼܵـܕܵܐ ܚܲܝܠܵܬܼܵܢܵـܐ،،
ܠܵܐ ܚܙܹܐܡܘܼܢ ܓܲܘ ܦܵܬܼـܝܼ ܒـܪܝܼܪܬܵܗ̇
ܘܒܲܪܣܵܡܬـܝܼ ܫܲܦܝܼܪܬܵܐ
ܘܠܒܼܝܼܫܬـܝܼ ܒܸܠܗܵܝܵܐ ܒܢܘܼܗܪܵܐ
ܘܒـܪܲܩܵܠܵܐ ܕܚܲܒܪܵܢܝܼ ܒܚܲܢܝܼܢܘܼܬܼܵܐ
ܘܡܘܼܫܚܵܬـܝܼ ܐܵܢ̈ܝܼ ܕܡܲܠܚܡܸܢܘܼܢ
ܡܐܲܝܟܼ ܚܫܲܒܼܬܵـܐ ܠܝܘܼܬܼܪܵܢܵܐ ܕܒܲܪܢܵܫܘܼܬܼܵܐ
ܕܦܲܬܼܚܝܼ ܩـܕܵܡ ܥܲܝܢ̈ܐ ܬܲܪ̈ܥܵܢܹܐ ܕܡܲܢܝܵܚܬܵـܐ،،،
ܠܵܐ ܢܲܦܠܝܼܬܘܼܢ ܒܩܥ̄ܘܼܠܬܵـܐ ܕܚܸܙܘܵܐ ܦܲܢـܕܵܢܵܐ،،
ܓܵܘ ܚܛܝܼܬܼـܝܼ ܟܹܐ ܣܲܚܒܪܸܢ
ܒܲـܬܼܘܵܬܼܵܐ ܕܪ̈ܲܫܝܼܥܹـܐ ܘܓܲܢܵـܒܼ̈ܐ
ܘܡܓܵܒܸܝܢ ܟܬܼܵܒܼ̈ـܐ ܡܢ̄ ܒܹܝܬܼ ܐܲܪ̈ܟܹـܐ ܕܙܲܢܵܝܘܼܬܼܵܐ
ܕܡܲܣܸـܒܼܥܸܢ ܒܵܥـܘܼܬܼـܝܼ ܘܡܲܪܘܸܢ ܪܸܢܝܝܼ
ܒܫܘܼܥـܝܵܬܼܵـܐ ܕܥܲـܪ̈ܣܹـܐ ܓܲܝܵـܪܹ̈ܐ،،،
ܐܵܢܵܐ ܐܝܼـܘܸܢ ܡܲܕܪܲܫܬܵـܐ ܕܦܘܼܠܵܓܼܵܐ
ܠܹܐ ܛܲܥܢܸܢ ܫܒܼܘܼܩ ܡܼܢ ܣܲܝܦܹ̈ـܐ ܕܦܲـܬܦܲܬܵـܐ،،
ܝܵـܐ ܡܲܚܒܵܢܝܼ ܐܲܚܬܘܼܢ ܫܲܡܥܵـܢܝܼ
ܠܵܐ ܗܲܝܡܸܢܝܼܬܘܼܢ ܠܟܼܠ ܡܵܐ ܕܐܲܡـܪܸܢ
ܪܵܒܵـܐ ܐܝܼـܘܸܢ ܥܲـܡܛܵܢܵܐ ܒܚܲܒـܪܵܢܝܼ
ܓܲܘ ܚܒܲܫܬܵـܐ ܕܠܸܠܝܵܐ
ܥܲܒܼـܕܸܢ ܢܟܼܝܼܠܘܼܬܼܵـܐ ܠܪܸ̈ܥـܝܵܢܹـܐ
ܠܚܲܕ̄ܟܡܵܐ ܦܲـܪ̈ܨܘܼܦܹ̈ـܐ
ܕܟܦܝܼܫܹ̈ܐ ܝ̄ـܢܵܐ ܡܢ ܒܵܬ̄ܪ ܓܘܼܕܵܢܹ̈ـܐ
ܬܚܘܼܬܼ ܫܟـܘܼܪܵܐ ܕܐܵܘܵܢܹ̈ـܐ،
ܡܐܲܝܟܼ ܓܵܫܘ̇ܫܵܐ ܫܸܠܝܵܐ
ܒܢܝܼܚܘܼܬܼܵܐ ܚܲܕܪܸܢ ܠܡܲܪ̈ܙܵܢܹـܐ
ܕܡܲܡܛܸܢ ܐ̄ܪ̈ܵܙܹܐ ܕܒـܪܝܼܪܹ̈ܐ ܒܟܸـܣܝܘܼܬܼܵܐ
ܠܲܫܡܲܥܬܵـܐ ܕܠܵܚܘ̇ܫܹ̈ܐ ܚܲܛܦܵܢܹ̈ـܐ
ܒܲܪܩـܘܼܒܼܠ ܩܸـܢܝـܵܢـܵܐ ܐ̄ܟܘܼܡܵܐ
ܐܲܓܼܪܵܐ ܕܙܲܒـܘܼܢܹ̈ـܐ ܡܲܡܛܝܼܵـܢܹ̈ـܐ،،،
ܓܵܘ ܗܲܡܙܲܡܬـܝܼ ܣܲܛܡܸܢ ܐ̄ܢܵܫܹ̈ܐ
ܕܡܲܚܙܸܢ ܠܓܸܠܛܹ̈ܐ ܚܲܪܵܫܹ̈ܐ
ܘܥܲܝܢܝܼ ܗܵܘܝܼ ܡܸܠܝܹ̈ـܐ ܡܢ̄ ܩܲـܪ̈ܝܵـܬܼܵـܐ
ܕܠܲܝܬܠܗ̄ܘܼܢ ܬܚܘ̇ܡܹ̈ܐ
ܒܝܼ ܚܙܲܝܵܬܼܵـܐ ܣܸܡܝܹ̈ܐ ܕܒܝܼܫܹ̈ܐ ،،
ܡܐܲܝܟܼ ܫܲܒܼـܪܵܐ ܙܥܘܼܪܵܐ
ܦܲܣܥܸܢ ܒܐܘܼܪܚܵܐ ܕܒܬܼܘܼܠܵܬܼܵـܐ
ܕܦܲـܪܫܸܢ ܡܼܢ ܫܘܼܦـܪܵܐ ܕܒܢܵܬܼܵـܐ
ܘܓܵܐܢܝܼ ܟܹـܐ ܚܵܙܸܢܵܗ̇
ܡܐܲܝܟܼ ܫܵܢܘ̇ܓܼܵܐ ܡܲܠܦܵـܢܵܐ
ܠܟܼܠ ܒܲـܪܢܵܫܵܐ ܣـܢܝܼܩܵܐ ܠܫܵܢܘ̇ܓܼܘܼܬܼܵܐ
ܝܵـܗ̄ܒܸـܢ ܕܲܪܡܵܢܵܐ،،،
ܘܡܲܚܒܸܢ ܚܸܫܟܵܐ ܕܐܘܼܦـܩܵܐ ܫܸܠܝܵܐ
ܪܸܚܩܵܐ ܡܢ̄ ܓܲܪܓܲܡܬܵـܐ
ܕܦܘܼܡܹ̈ܐ ܘܠܸܫܵܢܹ̈ܐ ܦܲـܪ̈ܡܵܢܹܐ
ܘܙܲܩـܙܲܩܬܵـܐ ܕܣܸـܦـܘܵܬܼܵܐ ܦܲـܬܦـܬܵܢܹ̈ـܐ
ܠܹܐ ܒܵܥܸܢ ܩܲܢܝ̈ܐ ܕܫܘܼܒܼܗܵܪ̈ܵܢܹܐ
ܒܟܼܠ ܡܸܫܬܘܼܝܵܬܹ̈ـܐ ܠܢܲܦ̮ـܫܲܝܗ̈ܝ ܡܲܪ̈ܡܵܢܹܐ
ܓܵܘ ܣܦܲـܪ̈ܙܲܒܼܢܹـܐ ܘܡܓܲܠܹ̈ܐ ܪܲܫܡܝܼ ܫܘܼܫܲܢܹ̈ܐ
ܘܓܲܘ ܥܒܼܵـܕܲܝܗ̈ܝ ܩܵܐ ܫܪܵܪܵܐ ܩܲܛܠܵܢܹ̈ܐ
ܠܹܐ ܩܵـܪܸܢ ܦܲܬܘܵܬܹ̈ܐ ܕܣܸـܪ̈ܛܹܐ ܕܘܼܓܠܵܢܹ̈ܐ
ܡܛܠ ܐܝܼܠܲܝܗ̈ܝ ܣـܝܵܡܹ̈ܐ ܬܲܠܚܵܢܹ̈ܐ،،،
ܗܲܝܡܸܢܘܼܢ ܥܲܠܝܼ ܐܵܢܵܐ ܐܝܼـܘܸܢ ܚܛܝܼܬܼܵـܐ ܕܙܲܒܼܢܵܐ
ܩܲـܪܒܢܸܢ ܡܢ̄ ܚܸܫܟܵـܐ
ܘܪܲܚܩܸـܢ ܡܢ ܫܸܡܫܵܐ ܕܨܲܦـܪܵܐ
ܝـܵܕܥܝܼܬܘܼܢ ܠܡܵܐ،،؟
ܡܛܠ ܗ̄ܘܝܼܵܐ ܝ̄ـܘܸܢ ܕܒܼـܚܵܐ ܕܥܲܡܵܐ ܫܝܼـܕܵܢܵܐ
ܘܪ̈ܘܼܚܵܬܼܵـܐ ܕܓܵܘ ܐܲܬܼܪܝܼ ܠܹܐ ܒܵܥـܝܼ ܫܪܵܪܵܐ
ܒܕܘܼܓܠܹ̈ܐ ܟܹܐ ܒܵܢܝܼ ܠܕܲܥܬܼـܝܼـܕܼ ܠܘ̇ܓ̰ܵـܢܵܐ