الى العيد اهديها


المحرر موضوع: الى العيد اهديها  (زيارة 339 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 597
    • مشاهدة الملف الشخصي
    • البريد الالكتروني
الى العيد اهديها
« في: 09:33 18/07/2019 »

الى العيد اهديها


ميسون نعيم الرومي

أرد اسألك يالجاي يا عيد الاحباب

بعده الفـرح بالدار واتحني بالباب ؟

متغربه گال اهناك بطل ســؤالك

الغربه ذل او ضيم .. محد حچالك؟

***

ملتمـَّه كلهه الناس تســـتقبل العيــد؟

دشداشه ثوب اجديد والحنه بالإيد؟

طشوا هلچ تدرين والباقي موجوع

باوعلي هز ابايد .. وابعينه لدموع

***

هم شفت اهلنه اهناك نصبوا مراجيح؟

شـِعلـَوْ شـَـمع يا عيد عـَـلـْگــَـوْ مصابيح؟

ظلمه اوخـِليـّه الدارسـكنتهه غربان

يا دار اهلنـَه اوگال ما بيهه عنوان

***

مالك طعم يا عيد والگلب ملچوع

نذكر زمان الفات .. واتهل الدموع

بسـَّـك تحن اتنوح ! ملـّوك الاحباب

لا نفع دمع العيـن ! شـيفيد العتاب؟

***

هم تدري يا هالعيد عـِـفـْـنـَه وطنه

اوهم تدري يا هالعيد منه انطردنه

باعـونه كلنه اهناك والغصـَّه بالروح

حتى النخل والماي ع اللي جره اينوح

***

ارد انشدك يا عيد هم شفت اهلنه ؟

بعده الفرح بالجاي ؟ ذيچ المحنه ؟

ع الأهل تسأل ليش والغربه غربه

طير اوكسير اجناح ضيع ابسربه

***

ما شفنه ابد فد يوم .. الوطن يـِنـْحـَـبْ

شيب اوشباب ايتام والعازه تـِـتـْعـِـب

گال الوطن مبيوع والثمن مقبوض

تحمل هضم چم دوب والضلع مرضوض

***

تدري انت يا هالعيد سومر اهلنه

بالوطن اول ناس .. بيه انخذلنه !

گال انتِ خو تدرين .. (غربه غزونه)

بسم الله بسم الدين ! شو فرهدومه

***

جيت انت يا هالعيد .. مثل اول العام ؟

لو خبر عندك زين ! لو هالوضع دام

كال ايسي ! هيدي اهناك .. وين النفاهه!

بوگ اومرض وادموم .. مامش رفاهه

----------------------------------------------

17 / تموز / 2019

ســــــــــــــــتوكهولم






غير متصل Ehsan Abood

  • عضو
  • *
  • مشاركة: 13
  • الجنس: ذكر
    • مشاهدة الملف الشخصي
    • البريد الالكتروني
رد: الى العيد اهديها
« رد #1 في: 12:31 18/07/2019 »
اشرق الالم بين حروفك فايقض ما سهر فينا منه
بورك حرفك سيدتي ..

تحرق حرق بالروح غربة وطنا
عافووه اهله مذبوح شردو اهلنا
صار الوطن ياناس حثة بلا روح
وخسة الحكموه من عنده تفوح
بوك ونهب جابووه منذ الولادة
وطشروو بالبلدان كل اولادة
مظلوم ياهلوطن ووياك انظلمنا
لا تجي ياعيد مو كافي تعبنا
مرجوحة بين الاه والونة صرنا

احسان الياسري



فاقد الذاكرة ولكنه مهاجر ؟؟؟؟