منتدى الهجرة واللجوء > دردشة منتدى الهجرة واللاجئين

❤➳➳➳➳➳♐ ومضات غزل ❤➳➳➳➳➳♐

(1/3) > >>

★AbN✰BaGhDaD★:
أحبك واليحبك يغمض شلون؟؟
جريمة آنه اعتبرهه الليل انامه
لكن بالحلم لو يمي الاگيك
أظل نايم لحد يوم القيامة



صرت هيكل عظم مابية بس الروح
وحته الروح الك بس ترجع احرگهه
عايش عالجگارة ومملي كلي جروح
ومن دمعة عيوني گمت اورثهه



إرجع خل اشوفك ولو بس لحظات
حته بشوفتك تتكحل جفوني
لأن حته الدمع لجلك تركني وراح
ومن كد ما بچيتك زعلت عيوني



شهرين آنه اصومن بس اشوفك جاي
طالت غيبتك وارد اعرف شلونك
وذا صارت صدگ وتدك علية الباب
اصوم اربع سنين لخاطر عيونك



أحبك من بعيد وهيچ أحس مرتاح
ومخلي الگلب يحچي اعله لاهيته
لأن طبع الگمر كلش حلو امن بعيد
لكن لو قريب تقل جماليته



تمنيتك ولو بالحلم تنشاف
لكن للأسف يومية سهران
ومن خيط الفجر يهديلي النوم
من فگري الاگي الحلم خلصان



روحي بيك مو لان جذاب
لانك بالفعل فد جزء مني
لذلك انا احسك ما احسن بيك
الفرق كلش چبير وانت تفهمني



تبعد عني ليش وتدري بالروح
تعبانه وبعد ما تحمل هموم
يل ما تدري عگبك صاحبك صار
مثل حال العلم من غير النجوم



نحله أتهجــّرت منحلهــه بي عبوات
تــِـدَوّر منحل أو تفتر عله أوصافــــــك
لگــت منحل عسل بشفافــك ألحـلوات
بعد شتريد إجتــّي أوسكنت إشفافـــك

angie-2:
على حسن الامل وعلى حسه نعيش احباب
وعلى شاطي بحر هادي اسطر به معاناتي
بديت وخاطري بكلمة ادونها بسطر فكتاب
تخفف بالصدر ضيقه وتصبح اسعد اوقاتي
وورده رائعه هيه ويبهر حسنها الجذاب
يخلي فالقلم روعه وتسكن وسط ابياتي
الا ياصاحبي عذرا اذا زاد الزعل بعتاب
لكني ما قويت اترك حروفي تغص ابياتي
سؤالي مر بك ينشد عن جمله اعجاب
ياليتك بس تجاوبني وتصدق في محاكاتي
ورود الشعر تبكيني وزهري يطلب الاصحاب
يااوفى رفقه بعمري ولو طالت مسافاتي
رياحين وزهر عطرك معاها الفل العناب
تحلق في سما فكري تسكن في مساحاتي
مساحة فكري الصافي واحساسي لها طلاب
مساحه من بحر واشواق تغادر في كتاباتي
وود الشعر في يديني تشرع للحزن ابواب
يجي يمنه يسره ويغادر ساعه وياتي
ترى ابراجي مساكنها قصيد للحزن سرداب
ويسكن داخل اعماقي ويحكي عن هواياتي
وعاش الحزن في شعري ولا اظنه تعب او ذاب
ولا اظنه نسى وصيه من وصياتي
لو اتغادر ايا حزني ترى الهامي بعد ماغاب
يبي مني غزل واشواق ويبحر في عتاباتي

يسلمو ابن بغداد رائع دومك مبدع   ،،،،

rmmazm:
كلام رائع اخي ابن بغداد الحبيبة

tiger-ALtlkefy:
عاشت ايدك اخويه ابن بغداد الحبيبة

★AbN✰BaGhDaD★:
angie-2❦
شكرا  لكي   انجي  على  هذه  القصيدة   الرائعة   8)
تحياتي  للجميع

تصفح

[0] فهرس الرسائل

[#] الصفحة التالية

الذهاب الى النسخة الكاملة