Menu

المحرر موضوع: ✸❤❤✸ومضــــــــات حـــــــــب✸❤❤✸  (زيارة 16283 مرات)

0 الأعضاء و 1 ضيف يشاهدون هذا الموضوع.

غير متصل ★AbN✰BaGhDaD★

  • مبدع قسم الهجرة
  • عضو مميز جدا
  • *
  • مشاركة: 4639
  • الجنس: ذكر
  • ★☠❶☠★
ماحب غيري احد يمشي وياك

اغار اعليك حتى من خيالي

كون اصعد وضمك فوگ النجوم

حتى الناس جوه وانته عالي




گلت اجرب نفسي بلكي انساك يوم

وارد اشوف اگدر صدك لو بس حچي

اطلعت منك من وصلت بلاية عين

اهناك يمك ثاري طاحن بالبچي

وارجعت لعيوني ادورها وارد

گلبي چلب بيك مايرضى يجي





مو جديدة النار من تشعل بروحي

دائماً طاريك يحرگني حرگ

انته يمي ودمعتي بطارف عيوني

بالله گلي شلون لمن نفترگ؟




سألوني وتهت من رادو يسالون

و انته بهويتك ياأسم شلته

جاوبت بصراحه وجنت افكر بيك

نسيت اسمي الثلاثي وجاوبت انته ؟





صرت كلشي بحياتي وبيك اشوف الناس

صرت گلب انته اليه وعايش بنبضــــــــه

وبكل شي انه اشوفك من رحت لليوم

يعني اشلون اعيش وعيوني مغمضــــــه؟؟





يا كلشي وكلاشي ويا اشكال الوان

طفل گلبي ..تعده وشاف دكانك

ظل واگف ابابك گتله اخذ شتريد

اشو رادك شلع وي لوحة اعلانك





يشوگ الشوگ يا لذّات الطيوف

تعال وشوف بية شعامل الشوگ

وحگك كل صبح ماجيب ريوگ

احط رسمك على اسمك يطلع اريوگ

واذا باليل اقرة اسمك على الماي

الصبح تلگاني ابيع مربى بالسوگ




أحبك واليحبك يغمض شلون؟؟

جريمة آنه اعتبرهه الليل انامه

لكن بالحلم لو يمي الاگيك

أظل نايم لحد يوم القيامة




إرجع خل اشوفك ولو بس لحظات

حته بشوفتك تتكحل جفوني

لأن حته الدمع لجلك تركني وراح

ومن گد ما بچيتك زعلت عيوني




شهرين آنه اصومن بس اشوفك جاي

طالت غيبتك وارد اعرف شلونك

واذا صارت صدگ وتدگ علية الباب

اصوم اربع سنين لخاطر عيونك

تحياتي
ابن :)بغداد

لا آله الا الله وحدة لا شريك له,له الملك وله الحمد وهو على كل شيء قدير

غير متصل زيد الحسيني

  • عضو فعال جدا
  • ***
  • مشاركة: 526
  • الجنس: ذكر
  • لا تندم على حب عشته حتى لو اصبح ذكرى مؤلمة..
تجنن روعة

غير متصل rmmazm

  • عضو فعال جدا
  • ***
  • مشاركة: 773
  • الولايات المتحدة
عاشت ايدك ابن يغداد الوردة

غير متصل ★AbN✰BaGhDaD★

  • مبدع قسم الهجرة
  • عضو مميز جدا
  • *
  • مشاركة: 4639
  • الجنس: ذكر
  • ★☠❶☠★
الى زيد الحسيني ..
شكرا  اخي العزيز  من ذوقك وردة


الى rmmazm...
انتة العايش اخوية  الله يسلمك  عيوني

لا آله الا الله وحدة لا شريك له,له الملك وله الحمد وهو على كل شيء قدير