Menu

المحرر موضوع: كيفية شراء سيارة وتقييم سعرها في امريكا ؟؟  (زيارة 22247 مرات)

0 الأعضاء و 1 ضيف يشاهدون هذا الموضوع.

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
ملاحظة
هنالك بعض الاضافات على الموضوع لان كل ما اتذكر شي اخوتي دا اعدل واضيفة على الموضوع للاستفادة من عندة لذالك ارجو قراءة الموضوع اكثر من مرة لملاحظة المعلومات الاضافية

وشكرا


الاخوة الاخوات

اني ما اعرف اذا هذا الموضوع سبق التطرق الة بس احب اساعد الناس اللي تجي وماعدهة خبرة بهل موضوع لان كلش ايفيد واني جربتة وصرت خبرة شكد مجنت ادور على سيارة حتة اشتريها وكيف كنت اتعامل وية البائع واتناقش وياة بالسعر

الاغلبية من يجون عبالعهم اسعار السيارات رخيصة مقارنة بالعراق ويجفت ويشتري سيارة عبالة سعرها زين وللاسف هواية اخوان متورطين

واحذر الاخوة من بعض العراقيين اللي يشتغلون ببيع السيارت لان اغلبيتهم ايجيبون سيارات Junk ومدعومة وايصلحوهة بالمكسيك بسعر رخيص وايبيعوهة براس اخوتهم العراقيين اللي ما عدهم معلومات عن كيفية شراء سيارة

احب اشاركم ابعض النصائح
1- من تشتري سيارة اسال التايتل (Title) ورقة ملكية السيارة موجود لو لا ؟ وهل هي باسم الشخص اللي ديبيعهة او لا  ؟؟ وحاول اتشوفة بعينك.

* اذا السيارة مدعومة ومصلحة راح تلكة بالتايتل داخل المربع الاحمر مكتوب salvage واذا المربع الاحمر فارغ فمعناها ما مدعومة بس هذا هم ميجزم انه كانت مدعومة ومصلحة (راجع نقطة 3)

* في حالة شراء سيارة يملكها البنك لازم اتروح وية البائع للبنك واتشوف ابعينك انه ديدفع الفلوس الباقية على السيارة لان اكيد هوة مشتريهة بالتقسيط وديدفع فلوسهة وايحول ملكية السيارة رسميا الك وينطيك البنك ورقة تاخذهة لل DMV يلة تكدر تشتريها واتسجلها باسمك (اذا كلك اني اسويها وحدي لا تقبل )

2- تسجيل معلومات السيارة اللي هية رقم البليتة Plate Number ورقم ال VIN  Vehicle Identification Number واللي تلكاه يا اما على الدشبول او من تفتح باب السيارة على البودي.

3- بعد ذالك اتروح علة موقع www.carfax.com واتحط رقم ال VIN  واذا اتريد تشتري التقرير مال سيارة في نفس الموقع  بس لازم ايكون عندك كردت كارد  حتى تكدر تشتري تقرير عن السيارة يحجيلك كل تاريخهة واذا محاب بس اتاكد جم نقطة اكو على السيارة  اذا هواية فاعرف السيارة بيهة مشاكل هواية.

*اذا سيارة مال واحد عراقي فمراح ايفيدك التقرير لان العراقي ايصلح يم عراقي وبهيج حالة مراح تلكة اي تاريخ سلبي على السيارة حتة لو كانت مدعومة ومصلحة لان المصلح هو عراقي وهذا ميدخل بالبيانات اللي يجمعهة الموقع لان مرات العراقي يتفق وية اللي صار وياة الحادث بعدم تبيلغ شركة الانشورنس ويتفقون على مبلغ بيناتهم مثل ميصير بالعراق من واحد ايدعمك تاخذة ايروح ايصلحلك سيارتك يم السمكري

4- اسال صاحب السيارة اذا اكو اي غرامات علة السيارة لان يجب ان يكون هو  المسؤول عند دفع الغرامات  وتكدر تتاكد من الغرامات من موقع DMV بوضع رقم البليتة وال VIN

5- لسكنة ولاية كالفورنيا يجب ان يزودك البائع بنتيجة فحص الانبعاثات من السيارة (Smog Check) ولازم يعبر الفحص بنجاح حتة تتسجل بال DMV وهو المسؤول عن دفع اجور الفحص وليس الشاري (لا تشتري سيارة اذا البائع مينطيك نتيجة الفحص ولازم اتكون النتيجة سارية المفعول لمدة 90 يوم)

6- شغل السيارة واشوف اظوية المحرك على Dash Board اذا اكو واحد ديشتغل او بية مشكلة اسال ليش وخاصة ضوة المحرك وضوة الاير باك
اذا ضوة الاير باك Air Bagمشتغل اعرف انه السيارة صاير بيهة حادث وليكلك اني اودي للديلر واسوي رسيتارت لان هذا  ايشكل هواية  ومن هالسوالف هاي كلهة كلاوات.

7- نزل راسك جوة السيارة وباوع السيارة اذا مزنجرة من جوة اذن هاي السيارة جاية من ولايات بيهة ثلج وامطار هواية وراح اتكون بيهة مشاكل

8- اغلب العراقيين اللي يجون ايموتون على الياباني واغلب السيارات اليابانية هية 6 سلندر يعني تصرف بانزين
اخي العزيز لازم تعرف السيارة اللي تشتريهة شكد تصرف بنزين لكل ميل بالساعة حتة بعدين لا اتكول اتورطت واشتريت سيارة تصرف بنزين هواية وترجع اتبيعهة

9- النقطة الاهم حتة تعرف شكد سعر السيارة بالسوك وشكد تصرف بانزين وشنو مواصفتهة وشنو مشاكلهة وعطلاتهة اتروح للموقع


www.edmunds.com
او
www.kbb.com


10- اسال صاحب السيارة عن نوع البنزين اللي تاخذ السيارة لان اكو 3 انواع من البنزين(الكاز) في امريكا
العادي والوسط والمحسن.

البنزين العادي اقل سعر الوسط اغلى والمحسن اغلاهم

* في حالة شرائك سيارة تاخذ بنزين محسن يفضل انه تترسهة محسن لان اذا اتحط عادي راح اياثر على المحرك وهذا يودي الى اشتعال فلاش المحرك على الداش بورد


(بالمناسبة ترة امريكا بيهة بنزين زين وبنزين زبالة ) يعني نفس وضعيتنة التعبانة مال عراق من تترس بنزين والسيارة ادك ادفانس

ارقة بنزين هو من شركة Chevron و Shell


11- اسال صاحب السيارة اذا كان عندة اوراق ثبوتية بتاريخ تصليح السيارة (Maintenance Records) (الامريكان من ايصلحون يم الفيتر مالتهم ينطيهم نسخة مطبوعة عن كل ما صار بالسيارة سواء تصليح او تبديل اجزاء)
وهذا راح ينطيك فكرة عن ماضي السيارة والعطلات اللي بيهة واغلبية الامريكان يحتفظون بهذه الاوراق اني من اشتريت سيارتي عندي اوراق التصليح من سنة الصنع مال سيارة 1999 لحد ال 2009

واول شي تسالة البائع شوكت اخر مرة بدل ال Timing Belt  وشكد جانت السيارة ماشية  مايلات بهذاك الوكت اللي تم بي تغير ال Timing Belt

هذا الشي مهم بامريكا لان الامريكان يمشون مسافات طويلة بسياراتهم

في حالى معرفة انه كان ال Timing Belt مبدل او لا راح ايساعدك حتة تتعامل بالسعر اذا مكان مبدل او لا فأذا السيارة تحتاج الى صيانة لازم اتنقص من سعر السيارة لان بس تبديل ال Timing Belt بامريكا هو 100 دولار وهذا اقل شي ويعتمد على نوع السيارة طبعا السيارات ال 6 سلندر تصليحهة اغلة من ال 4 سلندر

12- الشراء من الـ auction  مزاد السيارات.
coming soon

مثال راح اتكلم عن سيارتي واللي هية
Honda Accord 1999 EX Sedan

شلون اقيم واعرف سعر السيارة اللي انعرض علية مناسب او لا
انروح للموقع www.kbb.com

اختار صفحة ال Used Car   على اليمين
تحت Search by Category  اختار Sedan
راح يطلب منك رقم الزب كود ZIP Code  لمنطقة اللي انت ساكن بيهة  مثلا 92020
اختار نوع السيارة HONDA
اختار موديل السيارة Honda Accord
اختار سنة الصنع 1999
تختار تقيم سعر السيارة حسب طريقة الشراء
في حالى شراء سيارة من شخص معين تختار الاختيار الوسطاني Private Party Value
اختار موديل السيارة واللي هو ال Honda Accord EX Sedan 4D
ادخل معلومات السيارة للمحرك ونوع الكير وعدد المايلات اللي ماشيتهة السيارة

للهوندا

Engine 4-Cyl. 2.3L VTEC
Automatic
Mileage  141000
في حالة وجود اضافات للسيارة مثل نظام مسجل حديث او سلايد روف وو الخ... ضيف المعلومات جوة بالاختيارات

اضغط Continue
بعد مراح اتكون شايف السيارة اكيد راح اتكون مقيم وضعهة وشلون نظافتهة فتختار احد الاختيارات
وهي اكيد ياما راح اتكون Good او Fair

مثلا راح اخذ Fair
راح اتشوف سعر السيارة فوك بالتلاث حالات اللي انت على اساسها اتقيم السيارة من شفتهة بعينك

على اليسار اختار Specification  
راح من خلالهة اتشوف مواصفات السيارة وجم كالون تصرف لكل ميل

Gas Mileage 20 mpg City / 27 mpg Hwy

توضيح فيما يخص صرف البنزين اعلاه:

شنو يعني 20 mpg City و 27 mpg Hwy ؟؟؟؟؟

20 mpg City
معناهة انه في حالة السياقة داخل المدينة اللي بيهة اترفك لايت هواية السيارة راح تصرف كالون واحد لكل عشرين ميل تمشي بي السيارة (يعني احسب كل عشرين ميل مشيتة راح يخلص كالون واحد من التانكي مال سيارة)

27 mpg Hwy  
نفس القاعدة اعلاه في حالة السياقة على الطريق السريع ( الهاي وي) احسب كل سبعة وعشرين ميل تمشي راح تصرف كالون واحد

1 كالون امريكي = 3.78541178 لتر


هالي السوالف مجنة اندورهة بالعراق لان البنزين رخيص بس اهنانا بامريكا مهمة لان البنزين غالي
فلازم الاخوة اللي يشترون سيارة وايدورون اقتصاد لازم ينتبهون على صرف البنزين لكل نوع من انواع السيارات


الأنشورنس Car insurance
coming soon


اذا اتقنت البحث عن سيارة بهذهة الطريقة راح تكدر تتعامل وية البائع واطب بعينة واتناقشة واتخلي ينزل بالسعر ويكره اليوم اللي ايبيع بي سيارة

اسف على الاطالة واذا اكو احد ايحب  ايضيف معلومات حتة ايساعد اخوتة اكون ممنون

اخوكم ابو اندرو

غير متصل اهلي ياعراقين

  • عضو فعال جدا
  • ***
  • مشاركة: 376
السلام عليكم اخويا العزيز

تسلم وتعيش على هذه المعلومات القيمة , الله يحفظك ويوفقك ويفتحهه بوجهك ويديمك ذخر لاخوتك

غير متصل نورسان

  • عضو
  • *
  • مشاركة: 11
 رحم الله والديك و بارك الله فيك أخي العزيز

غير متصل طوطي

  • عضو فعال جدا
  • ***
  • مشاركة: 243
  • الجنس: أنثى
مشكوووور جداا على هذا الموضوع المفيد وانشالله دائما انتابعك مواضيعك المفيدة والله يوفقك

غير متصل show

  • عضو مميز
  • ****
  • مشاركة: 1127
  • الجنس: ذكر
  • pride man
الموضوع انذكر اكثر من مره بس مو بهذا التفصيل الدقيق

شكرا لك ابو اندرو على المعلومات الشامله

بالتوفيق للجميع



good friends are hard to find harder to leave and impossible to forget

غير متصل siv2007

  • عضو فعال جدا
  • ***
  • مشاركة: 585
  • الحمد لله والشكر
    • http://www.talksms.com/kat/000031.asp?pc=V4ZM
بارك الله فيك على مشاركتنا هذه المعلومات القيمه
http://www.talksms.com/kat/000031.asp?pc=V4ZM
لأرسال رسائل مجانيه لكل مكان في العالم

angie-dawood

  • زائر
هذا الرابط كلش مفيد وراح ينطيكم فكرة عامة وشاملة عن السيارات واسعارها
وين ما انتو جنتوا في اميركا
بس خلو ال
ZIP CODE
مال المدينة جوه عنوان السيارات المستعملة
وبعدين اختارو نوع السيارة وموديلها واي شي
وراح تاخذون فكرة ممتازة عن الموضوع

http://autos.yahoo.com/;_ylc=X3oDMTE5MGRqZDdoBF9TAzI3MTYxNDkEc2VjA2ZwLXRyb3VnaARzbGsDc3Bpcml0LWZpeGVk


angie-dawood

  • زائر
لأعطاءكم فكرة عن السيارات واسعارها والموديل تجدونها في الموقع ادناه هو في شيكاغو وصاحبها عربي هي سيارات مستعملة تجدون في اعلى الصفحة اسعار كلك على السعر

طبعا تعرفون جيدا قبل الشراء والتوقيع على الاوراق تستطيع سياقة السيارة في المنطقة المحيطة بالبناية وان تتأكد ان كل ما فيها على ما يرام وتشتغل زين من الاشارات يمنى يسرى  البريك والتدفئة والتبريد يعني لستم بحاجة الى نصيحة و تعرفون احسن مني لان قسم من السيارات المستعملة تشتريها بعدين تشوف فيها نواقص وتصليحات وتخلي فلوس اكثر من سعرها .

http://www.samsautochicago.com

انشاءالله التوفيق في حياتكم في كل شئ

غير متصل ★AbN✰BaGhDaD★

  • مبدع قسم الهجرة
  • عضو مميز جدا
  • *
  • مشاركة: 4639
  • الجنس: ذكر
  • ★☠❶☠★
شكرا للخ ابو اندرو وللاخت انجي  على المعلومات القيمة والمفيدة

تقبلوا تحياتي

لا آله الا الله وحدة لا شريك له,له الملك وله الحمد وهو على كل شيء قدير

غير متصل ★AbN✰BaGhDaD★

  • مبدع قسم الهجرة
  • عضو مميز جدا
  • *
  • مشاركة: 4639
  • الجنس: ذكر
  • ★☠❶☠★

وهذا موضوع للاخت انجي فيما يخص موضوع شراء السيارات ...
------------------------------------------------------------------------------------------

نصيحة للاخوة القادمين الجدد الى امريكا عند شراء سيارة لهم

اخوان ان انشاء اللة من توصلون لامريكا ياربي باقرب وقت
احب ان تسمعون نصيحة من اختكم الي هي انجي يعني اني
مو اول متشوفون السيارات تشتري غالي اتشوف عندك فلوس زايده
تشتري سيارة موديلها مناسب لان كل ما كان سيارة موديها حديث يزيد التامين طبعا غير الضريبة ومصاريف البانزين سيارة موديل تسعينات ونظيفة احسن اهواي الااذا اللة اموفقك ماديا
الامريكان يحبون السيارات العملية واللي ما اتكلفهم مصاريف شهرية كثيرة


 اكو اماكن للبيع سيارات مناسبه ...اسمها اكشن يوجد انواع السيارات والسعر المناسب .... الاشياء الضرورية مستمسكات السيارة ..طبعا اجازة السوق الامريكية .. والسيارات اليابانية هية المرغوبة لاقتصادها بالبانزين ولكن السيارات الامريكية ارخص.

تكملة الموضوع:
http://www.ankawa.com/forum/index.php/topic,246685.0.html
 
 
 

لا آله الا الله وحدة لا شريك له,له الملك وله الحمد وهو على كل شيء قدير

غير متصل البحار68

  • مبدع قسم الهجرة
  • عضو فعال جدا
  • *
  • مشاركة: 698
  • الجنس: ذكر
  • بأنتظار الموافقة الامنية
تسلم اخي ابو اندرو على هاي التفصيلات الرائعة ...
بس رحمة لوالديك شصار بصاحب السيارة الي اشتريت منه ؟؟ ههههههه

امنياتنا بالموفقية والنجاح الدائم


امنياتي الحلوة

غير متصل أبن خير

  • مبدع قسم الهجرة
  • عضو فعال جدا
  • *
  • مشاركة: 599
  • أبحث عن وطن

أبو أندرو والأخت أنجي وكل من ساهم في التوضيح ..

شكرا لكم وبارك الله فيكم .. تمنياتي للجميع العافية ..
تحياتي للجميع ..

أبن خير

غير متصل عراقي وكرادي

  • عضو فعال جدا
  • ***
  • مشاركة: 430
مشكور اخويه العزيز على هاي المعلومات الرائعه
اخويه العزيز ممكن تفيدنه شنو برئيك هنا سياره الي تفيدنه وسعرها شويه مناسب لان اخوك بصراحه ماعندي ذيج الخبره بسيارات علما اني عائلتي طفلين واني وزوجتي واني في بوسطن وشكرا
اخوك عراقي وكرادي

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
مشكورين الاخوة على الردود

الاخ عراقي وكردي
صدك يا خوية السيارات الزينة هية اليابانية واحنا العراقيين منحب الامريكي بس اني رايي كل السيارات زينة اذا راح تاخذهة من شخص ثقة ومحافض عليها ونصيحة لا اتشتري سيارة من عراقي الا اذا تتاكد من عدهة 100%

اذا تشتري امريكي ايفظل ايكون ماشي مايلات قليلة لان الامريكي ورة ال 100000 تبدي عطلاتة وتصليح السيارت كلش غالي بامريكا
اما بخصوص الاسعار فاني وضحت بالموضوع شلون اتقيم سعر السيارة من الموقع المذكور اعلاه

يعني من تلكة سيارة لازم تعرف شكد ماشية وشنو مواصفاتها واتروح للموقع اللي  راح ينطيك سعرهة التقريبي بالسوك وعلى اساسها راح تتعامل بالسعر

اتمنالك تلكة سيارة زينة وسعرها مناسب

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
مشكور الاخت انجي على موقع السيارت اللي بشيكاغو بس عندي سوال الج هذا ديلر (يعني معرض ) لان اشو اسعار السيارت مناسبة

احب انوه الاخوة اللي يشترون من ديلر

خلو ابالكم اخوتي سعر السيارة من الديلر اكثر بالفين دولار اضافة الى الغرامات اللي متكون مدفوعة على السيارة

هسة اتكولولي شنو يعني

اني جنت ادور سيارات مستعملة من ديلر
اخذت رقم البليتة ورقم ال VIN  ورحت لموقع ال DMV و رحت للموقع

https://mv.dmv.ca.gov/FeeCalculatorWeb/index.jsp

وحسبت مبلغ الرجستريشن

شفت السيارة ما مدفوع الرجستريشن لمدة سنتين مع اضافة الجزاءات

وهذا اللي ايصير دائما لان سيارات الديلار اتظل سنة وسنتين مدافع فلوس التجديد والرجستريشن
وايورط الشخص اللي راح يشتريهة بهذا المبلغ

فانتبهو اخوتي من تشترون من ديلار

اذا حابيت تتاكدون طبو على اية معرض شوفوا  اي سيارة واخذو رقم البليت وال VIN

وروحو للموقع

https://mv.dmv.ca.gov/FeeCalculatorWeb/usedVehicleForm.do

ودخلو معلومات اي سيارة من ديلار وشوفو الغرامات

تمنياتي بالموفقية



غير متصل George W. Bush

  • عضو فعال جدا
  • ***
  • مشاركة: 82
  • God Bless America
    • http://douglaspperkins.org/english/jobs/george_w_bush.pd.gif
الأخ ابو اندرو شكرا على المعلومات القيمة و اتمنالك الموفقية

اخوك George

غير متصل shaklawe

  • عضو فعال جدا
  • ***
  • مشاركة: 631
مشكورين عل المشاركة المفيدة جدا



تحياتي

غير متصل القرش

  • مبدع قسم الهجرة
  • عضو مميز جدا
  • *
  • مشاركة: 3312
  • الجنس: ذكر
                                    السلام عليكم

اخواني الكرام نصيحه اشتروا سياراتكم من الاكشن وهو يعني المزاد وهذه السيارات تابعه للدوله وهي تبيعها وتكون مضبوطه ومابيها مشاكل ..الاكشن ومثل ماقلت لكم مزاد للدوله واكوا ناس عدهم اجازة شراء منه وانت تتفق مع اي صاحب اجازه وتروح وياه للمزاد وتشوفون الاف السيارات واكفه وتقرر اي سياره تريد وعليه تدخل المزاد وتكدر تفحصها هناك وتشغلها وبعدين تشتريها عن طريق المزايده العلنيه وبعد الشراء تنطي جم فلس لصاحب الاجازه وطبعآ دائمآ سعرها ارخص من السوك بالفين دولار على الاقل واكوا النضيفه واكوا مدعومه وتكدر تصلحها وبكل الاحوال انت المستفيد لرخص السعر ..اخوان هذا الكلام منقول من صديق عنده اجازة شراء واني انتظر بعد كم يوم وراح اروح وياه واشوف شنو القصه وهنا كل الاصدقاء يكولولي اشتري من المزاد ..واغلب السيارات الموجوده بالمعارض هيه مناك ..يعني مثل بغداد ابو المعرض يشتريها رخيصه ويبيعها بالمعرض مالته .وهذا نموذج للمزاد بهذا الرابط وتتدللون .
http://chicago.craigslist.org/chc/ctd/1371948004.html


ابو انس
شيكاغو

غير متصل AbU.SaRa

  • عضو فعال جدا
  • ***
  • مشاركة: 606
  • Sea Of Darkness

 والله وعاشت أيدك وبارك الله بيك عالموضوع الحلو وألي راح يفيد الكل بشراء سيارة نظيفة ,مرتبة,مريحة,وما بيها أي عيوب وبسعر مناسب ............بارك الله بيك ......

        تحياتــــــــــــــــــــــــــــــــــــــــــــــــــــــــــي ;)
GOOD FRIEND’S ARE HARD TO FIND, HARDER TO LEAVE AND IMPOSSIBLE TO FORGET…

غير متصل Ross son of iraq

  • عضو فعال جدا
  • ***
  • مشاركة: 316
  • الجنس: ذكر
  • **العفو لا يزيد الناس إلا عزاً، فاعفوا يعزكم الله**
شكرا اخواني الاعزاء موضوع مهم ومفيد جدا, اني بعدني مرايح لامريكا , بس راح اخزن الصفحة هاي بالهارد عندي حتة اقراهة زين واستفاد منهة من اوصل هناك, الاخ ابو اندرو شكرا جزيلا واتمنالك الموفقية.

غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
شكرا لك اخي الكريم موضوع مهم ويحتوي على تفاصيل دقيقه
وشكرا للاخت انجي والاخ ابو انس العزيز على ما قدموه من معلومات مفيده

تمنياتي للجميع بالتوفيق

غير متصل Hotil California

  • عضو
  • *
  • مشاركة: 9
احسنت اخي ابو اندرو واذا يسمح وقت تذكرلنا النقاط المهمه بموضوع تأمين السياره و الضريبه على السياره واختلافها من موديل لاخر اكون ممنون منك

تحياتي وامنياتي

غير متصل الخالدي الاصيل

  • عضو فعال جدا
  • ***
  • مشاركة: 484
جزاكم الله الف خير على هذا الموضوع القيم ودمتم اخوه لنا
دعائي للجميع بالموفقيه
اخوكم الخالدي الاصيل

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
مشكورين الاخوة على الردود

الاخ Hotil California
انشاء الله اجاوبك على سوالك فيما يخص الانشورنس في نفس مكان الموضوع
اني اصلا دا اسوي تعديل كل فترة من اتذكر معلومات جديدة وضفت هواية اشياء وانشاء الله اضيف فقرة اتخص الانشورنس

غير متصل القرش

  • مبدع قسم الهجرة
  • عضو مميز جدا
  • *
  • مشاركة: 3312
  • الجنس: ذكر
                                  السلام عليكم

اخواني الاعزاء اني عندي تفاصيل كامله عن موضوع التأمين ..بس مااكدر انزل موضوع واتجاوز على اخي الحبيب ابو اندرو ابدآ وارجو من اخي الغالي قريبآ ان ينزل الموضوع وسوف اشارك به واتمنالكم الموفقيه .

ابو انس
شيكاغو

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
اخي العزيز نزل واخذ راحتك

اكيد اكو فائدة بمعلوماتك

لان اني راح انزل فيما اعرفة عن ولاية كالفورنيا

وانت بشيكاغو فراح اتصير هواية معلومات
اخوية لا تجاوز ولا اشي اصلا اخذ راحتك

اخوك ابو اندرو

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
عشت يا ابو اندرو يا مبدع والاعضاء اللي ضافوا واريدك انشط
احسن السيارات اللي برايي هي الامريكية ام الاربعة سلندر مالة التسعينات وكلام اخوية ابو اندرو شوية متاثر بسوالف احيائنه الصناعية بالعراق بعده من يكول وره ال 100000 مايل تزيد تصليحاتهه لان اني من خبرة عمر وية الامريكي شفتهه الاكثر متانة وعمر
ثم شبيهه السيارات المضروبة او السالفج؟؟ اصلا بالعكس الواحد يكدر يرجعهه اجدد من الجديد على ايده لان ياخذهه بفلس ونص وعلى طريقة XZIBIT وجماعته ب PIMP MY RIDE

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
اخي العزيز vincenzo

اني مفايتة علية ولا متاثر بكلام اللي كان بالعراق فيما يخص السيارات الامريكية بالعكس
اني اعرف هذا الشي كلشي زين بس خل انطيك جم معلومة اني متاكد منهة 100 %

السيارات الامريكية اللي تصدر الى الشرق الاوسط هي سيارات عالية الجودة بعكس السيارت اللي تستخدم في امريكا والسبب هو دافع تجاري للشركات الامريكية لاحتكار سوق السيارات وللاسف فشلت ومثل متشوف شلون اكبر شركات السيارات بدت اتفلس

والسبب هو نجاح عمالقة سيارات اليابان وخاصة شركة تويوتا بانتاج مرموق يشهد له المستهلك
من ناحية الجودة والمتانة والاستهلاك

هذه المعلومات مبنية على نتائج مستهلكي السيارات الامريكية واذا انت اتحب تقرا
اكو كتاب اسمة
Consumer Report
سعرة 10 دولارات تكدر اتسوي اوردر بالانترنيت

واتشوف تقييم لجميع السيارات الموجودة في امريكا
راح تنصدم من المساوئ اللي بالسيارات الامريكية
لذالك الشركات الامريكية تصنع سيارة عمرها قصير للاستخدام في امريكا والعكس بالنسبة للسيارات المصدرة للشرق الاوسط

لو تدري شكد احب الامريكي اني لان احب السيارت الواسعة والجبيرة
بس شنسوي الهل شركات اللي مترحم
تحياتي


غير متصل البحار68

  • مبدع قسم الهجرة
  • عضو فعال جدا
  • *
  • مشاركة: 698
  • الجنس: ذكر
  • بأنتظار الموافقة الامنية
أخوية العزيز ابو اندرو الورد .. حقيقة ما افتهمت المقصود يعني الامريكي الي بالداخل مو بجودة الامريكي الي نعرفه ؟؟ ومن يا ناحية ؟
زين اني اريد ان شاء الله من اجي اشتري امريكي يعني متنصح بيه وليش ما عدا شغلة البنزين .. يعني مو المفروض غراضه متوفرة وارخص من الياباني المستورد ؟

ارجو منك توضيح هاي النقطة
وتسلم حبي على الموضوع الرائع


امنياتي الحلوة

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
اخي البحار

توفر الادوات الاحتياطية مال سيارات ما الهة علاقة

بامريكا شتريد ادوات مال اي سيارة تلكة ما الها علاقة لابالياباني ولا الامريكي واصلا اغلبية الادوات هية صيني زبالة مو عبالك اصلي اهنا محد يشتري اصلي لان ينهجم بيتة

لذالك هسة من تجي هنانا راح اتشوف السيارات اليابانية المسكربة شكد اسعارها غالية والامريكية شكد رخيصة

تحياتي

اهنا مشكلة التصليح غالي وبما انه السيارت الامريكية المستخدمة في امريكا ذات انتاج سئ لذالك المستهلك ما يرغبلهة ومن جميع النواحي
مثلا شوف الصورة المرفقة ادناة
هذا نوع سيارة فان بامريكا كلش مشهورة
راح اتشوف تقييم للسيارة FORD Windstar من سنة 98 الى 2005

النقطة السودة اسوء شي
النقطة النص سودة شوية احسن من الاسؤ
النقطة الفارغة وسط
نص فراغة  ونص مخططة احسن من الوسط
كلهة مخططة توب

غير متصل القرش

  • مبدع قسم الهجرة
  • عضو مميز جدا
  • *
  • مشاركة: 3312
  • الجنس: ذكر
                                 السلام عليكم

اخواني التأمين على نوعين وماكو اي دوخه بالموضوع
وراح احجي بشكل مبسط كلش

تأمين شامل وتأمين عادي

الشامل  فل كفر..ويشمل كل السياره من الدعاميه للدعاميه وحتى السرقه ..يعني اذا دعمت سياره يصلحون الك وله واذا دعمتك قويه وتتسقط السياره ياخذوها وينطوك سعرها وعلى حسب جدول مبينه بيه الاسعار عدهم على حسب الموديل والنوع وبهاي الفتره ينطوك سياره منهم تستعملها الى ان ينطوك فلوس سيارتك ..وسعر التأمين على حسب الموديل وتكدر تسددة على اقساط ..طبعآ التأمين له علاقه بالعمر يعني الشاب سعر والشايب سعر يعني كل مايكبر عمرك يقل التأمين والي مطلع اجازه جديده هم يكون تأمينه اكثر .

والتأمين العادي . هو اذا دعمت سياره يصلحون للي دعمته بس والك لامايصلحون سيارتك واذا انسرقت معليهم بيك والاسعار نفس الشي مثل ماشرحت .
والافضل هنا تسوي فل كفر يعني شامل حتى ترتاح داعم لو مدعوم همه عليهم ولاتنسون تره تصليح سياره يهجم البيت كلش غالي ولاعبين بيها اخوانه العرب ..اقرب مثل تبديل دهن 30دولار هههههههه

واما اذا مكينه عطلت احسنلك تذب السياره وتشتري غيرها هههههههه


ابو انس
شيكاغو

غير متصل Wingo

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
  • UNHCR 2008 .........................عمّان IOM 2009
الشكر الجزيل قليل بحقك عيني أبو أندرو
الله يوفقك و ييسر أمرك
و مشكورين كل الأخوة على الإضافات
بس صراحة الموضوع دوخة فد مرة :(
لازم أقراه يادوب فد 5 مرات يالله أستوعب كل النقاط :)
تحياتي

Wingo
"اللّهم رحمتك أرجو فلا تكلني إلى نفسي و لا إلى أحد من خلقك طرفة عين و أصلح لي شأني كله لا إله إلا أنت"


غير متصل عاشق تراب العراق

  • عضو مميز
  • ****
  • مشاركة: 1561
الف شكر ابو اندرو و لكل واحد شارك بالموضوع بس هذا ينرادلة لازم اسويلة حفظ و جكارة و اكعد اقرة
لقد تعلمت في المدرسة و الجامعة ان نتعلم الدروس ثم نواجه الامتحانات ...
اما في الحياة ....
فاننا نواجه الامتحانات ثم نتعلم الدروس....

غير متصل BaghdadGhost

  • عضو مميز جدا
  • *****
  • مشاركة: 2523
  • الجنس: ذكر
ابو اندرو الورد ,,,,,,

عاشت الاياي على الموضوع الممتاز بكل معنى الكلمه ,,,,,, بارك الله بيك على هذا المجهود

غير متصل المتشرد

  • عضو فعال جدا
  • ***
  • مشاركة: 127
تسلم ايديكم شباب على المواضيع الرائعة اني حقيقة في الوقت الحالي في اعداد البحث عن سيارة لغرض ان اشتريها ، وموضوعكم هذه اجة بوكتة لانو ضدك دايخ وما اعرف شنو اشتري اني ما اريد اشتري سيارة غالية بس اني مع ابو اندرو بختيار الياباني

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
ابو انوس حبيبي انت امورك عدله وراح تطلعنه كسر
اذا اشتراكك بالاتصالات بفوك الورقة بالشهر
فطبعا تدور سيارة 2009 وتامين فول كفر
احنا ناس بسطاء
اني اذا وصلت بعد شكم سنه انشاء الله اخذلي ماليبو 82 ماروني
واحاول ما ادفع اي تامين لان هيه السياره احاول ما ادفع بيهه اكثر من 200 دولار

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم

غير متصل alugily

  • عضو فعال جدا
  • ***
  • مشاركة: 182
مشكور اخونه العزيز على مجهودك الاكثر من رائع والله اني من ناحيتي اول مااوصل ابطحلي بايسكل بي ام اكس ولا بانزين ولا انشورنس

اخوك العگيلي

غير متصل Alawi

  • عضو فعال جدا
  • ***
  • مشاركة: 269
  • الجنس: ذكر
  • المحبة هدية الرب وهي شيء ثمين
الف شكر اخوان على هالشرح القيم وبالاخص ابو اندرو....
المشكله هنانة بالسيارات التصليح حيل غالي اليوم رحت وية ولد صديق امريكي بدل باتري السيارته اخذو منه 200 دولار ...

اني ما اعرف بالسيارات شي ويجي يوم واشتري بس كون ياربي يطلعلي واحد ابن حلال اكيد مو عراقي يبيعلي وحده...


ابو ااندرو انه امفكر بالجديد.... وهنانة ابكولرادو هسة اكو ديلر صديقي امريكي ايريد ايبيعلي جديد هونداي 4 ويل درايف السعر 22 الف وبالاقساط بضمان الشغل (هاي اذا حصلت) اشو ما اعرف انه امفكر بالجديد لان اظمن انت شتكول .. خصوصا هالتشوف انو السيارات المستخدمة طلع بيهه هواي بلاوي وخصوصا اذا كان الديلر عربي او عراقي

للاسف

انتظر نصيحتك

اخوك علاوي

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
مشكورين اخوان

اخي العزيز Baghdady73

نعم يمكنك الاستعلام فقط عن الغرامات من الموظف من اتروح لل DMV بس لازم اتكون متفق وية الشخص البائع في حالة وجود غرامات اتكون من مسؤوليتة هو مو انت واني وضحت هذا الشي اعلاه


اما عن تاريخ السيارة فلا يمكنك الطريقة الوحيدة لمعرفة تاريخ السيارة مثل  ما موجود بالشرح اعلاه

علاوي الورد

ادري باتري ب 200 دولار هو والشد ؟؟؟ هذا مال تريلة لو مال سيارة؟؟؟

اخي ارقة باتري هو 100 دولار واكو انواع اب 50 و60 و 70

وتكدر انت اتشدة بيدك بالبيت
بس اني اتفق وياك التصليح حييييييييييييل غالية ونهيبة

ومثل متفظلت الجديد احسن من القديم ومشاكلة.

بس يا اخي اذا عندك امكانية اتوكل على الله لان بهيج سعر سيارة اني لو اظل 100 سنة ما اشتري بهل سعر

تحياتي

غير متصل Alawi

  • عضو فعال جدا
  • ***
  • مشاركة: 269
  • الجنس: ذكر
  • المحبة هدية الرب وهي شيء ثمين
اي عيني ابو اندرو هوة والشد بس من شفت القائمة انه صخنت..

اني ما عندي امكانية بس كلت لان اقساط وجديده .. ولا تنسة هاي اذا حصلت شغل يعني اذا مثلا اقساط 250 بالشهر بالكثير ومن الراتب يعني اني اشوفهه زين .. لا تنسة جدييييييده

وسلامي

غير متصل Haider 67

  • عضو فعال جدا
  • ***
  • مشاركة: 339
  • الجنس: ذكر
اولا شكرا جزيلا للمعلومات القيمة
بالنسبة الى التأكد من تأريخ السيارة هناك عدة مواقع ولكن هذه ليس ببلاش يعني كل سيارة تقريرها بحدود 30 دولار

كون السارة Salvage title  ليس شرط انها مضروبة ضربة قوية بل بعض الأحيان بسيطة مثل باب فقط ولكن المالك يعمل ذلك للحصول على تعويض من التأمين

شراء سيارة بالتقسيط يضيف مبلغ كبير على سعرها الأصلي ووفي حال رغب المشتري تسديد كامل المبلغ قبل نهاية الأقساط سيأخذ البائع كامل المبلغ مع الفوائد ولذلك السالفة خسرانة

بالنسبة الى موضوع Smog Check يعتمد دفع كلفته على الأتفاق بين البائع والمشتري وكلفته هنا بحدود 50 دولار اذا لا يوجد عيب بالسيارة واعلموا جيدا اي سيارة بيهة ضوء Check engine لا تنجح في Smog Check ويكون السبب 90% هو Oxygen Sensor وهو يكلف بحدود 200 دولار أو Knock Sensor وكلفته بحدود 600 دولار وهذه الأسعار بالنسبة للسيارات اليابانية

صدقوني سواء كان البائع عراقي او امريكي فهم مثل اهل المعرض جماعتنة وانتم وشطارتكم

تحياتي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
خوش معلومات عالسنسرات اخوية حيدر لان هذا جان اختصاصي بفد يوم من الايام (فحص السيارات بالسكانر وتحديد السنسر او الactuator او الجزء الميكانيكي العاطل)
وبالنسبة للي ياخذ سيارته لكراج حتى يبدلولة باتري فهذا صدك فايخ ومال واحد يقفص عليه  ;D ;D ;D
بس شنو هاي واحد يشتريله حديدة بدفترين!!!
وفوكاهه كوري مدري صيني
ليش شبيهه السيارات الامريكية مثلا وانتو بامريكا
عمي تلكالك وحدة موديل 2000 زايد ناقص سنتين بقمة النضافة بحدود ال 2000 دولار وانت وشطارتك شلون ترتبهه وترجعهه جديدة اذا اصلا محتاجه شي
واكو سيارات امريكية تخبل واربعه سلندر ومن شكلهه من بعيد تعرف بيهه منشأ مال اوادم
والله لو اموت ما اشتري سيارة من هاي الدول التلزك تلزك
ممكن ياباني بيهه مجال ولو سعرهه اغلى من الامريكي باعتقادي بدون وجه حق
بس هم شوية سياراتهم متعوب عليهه
ولو متلحك الامريكي بكلشي وكلاشي

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل البحار68

  • مبدع قسم الهجرة
  • عضو فعال جدا
  • *
  • مشاركة: 698
  • الجنس: ذكر
  • بأنتظار الموافقة الامنية
سؤال لاخوية العزيز ابو اندرو الورد ...
تدري من الضوجة كاعدين وندور بالمواقع ساعة على بيت وساعة سيارة ونحلم .. المهم عزيزي
شلون الضرايب الي تندفع على السيارات وشكد تقريبا بالسنة ومثال :

لكسس 2002 سيدان مطلوب بيها 2800 دولار شكد تكون  تقريبا ضريبتها السنوية او الشهرية ما اعرف حتى الواحد يقيس بشكل تقريبي ؟؟؟

امنياتي الحلوة

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
سؤال لاخوية العزيز ابو اندرو الورد ...
تدري من الضوجة كاعدين وندور بالمواقع ساعة على بيت وساعة سيارة ونحلم .. المهم عزيزي
شلون الضرايب الي تندفع على السيارات وشكد تقريبا بالسنة ومثال :

لكسس 2002 سيدان مطلوب بيها 2800 دولار شكد تكون  تقريبا ضريبتها السنوية او الشهرية ما اعرف حتى الواحد يقيس بشكل تقريبي ؟؟؟

امنياتي الحلوة


اخي البحار

كلنا على نفس الحطة كاعدين وماكو شي

خوب اني صاير مدمن مال منتدى اول ما اكعد افتح الحاسبة حتة قبل ما اتريك

على اي حال
اول متشتري السيارة الضريبة تعتمد على شكد نسبة التاكس بالمكان اللي انت بي وطبعا الضريبة هية مرة وحدة اول متشتري السيارة فقط بعدين سنويا راح تدفع تجديد الرجيستريشن واللي بصراحة بعد ما مار علية

هسة مثل سيارتك لكسس 2002 سيدان مطلوب بيها 2800 دولار واني يمي التاكس هو 9.75% اتصير الضريبة  273  دولار (طبعا اول مرة متدفع بس التاكس اكو هواية شغلات ايطلعولك ياهة ال DMV يعني خمط فلوس فيوصولك ياهة فد 400 دولار )

بعدين سنويا ما اعرف شلون اتصير الحسابات لان كل سنة لازم تدفع مبلغ من اتجدد الرجيستريشن  واكو اضافة للبليتة مال سيارة وهم ياخذون عليهة فلوس

وماكو شي اسمة شهريا  اذا لكيت اكثر تفاصيل راح اظيفهة علة الرد

https://mv.dmv.ca.gov/FeeCalculatorWeb/index.jsp

هذا الموقع لجماعة كالفورنيا شوف جم نوع Fees اكو وتكدر اتحط معلومات وايسويلك حسابات جربة متخسر راح ايفيدك
تحياتي

غير متصل Alawi

  • عضو فعال جدا
  • ***
  • مشاركة: 269
  • الجنس: ذكر
  • المحبة هدية الرب وهي شيء ثمين
اخواني البحار وابو اندرو
اكلكم صدك اشكد حلو من الواحد يحلم
هم اتصير هاي الاحلام حقيقة؟
ياريت ياربي لان اكبر حلم واتحقق بقت على هاي النواعم ههههههههه

يارب ايحقق اماني واحلام كل الناس وخصوصا اخوانه اللي ابهالمنتدى البديع...


تحياتي الكم
اخوكم علاوي من كولورادو

غير متصل ^Miss Violet ^

  • عضو مميز
  • ****
  • مشاركة: 1137
  • F.R.E.E.D.O.M
ابو اندرو شنو انت

وردة بنص البلدة

والله بالي مشغول بهالموضوع  ولكيتك كاتب اللي اريده

تسلم ايدك ابو اندرو عيني

صدك خوش معلومات


I am here to EXPRESS, not to IMPRESS

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
ابو اندرو شنو انت

وردة بنص البلدة

والله بالي مشغول بهالموضوع  ولكيتك كاتب اللي اريده

تسلم ايدك ابو اندرو عيني

صدك خوش معلومات

مشكور اختي العزيزة

حييييييييييل هاي شذكرج بالموضوع من شهر التاسع 2009
بس صدكي هاي المعلومات اتعلمتهة شكد مشفت ناس قفاصة واتعاملت وي شتة انواع الناس اللي اتكذب واتمشي سيارات براس العالم الفقرة اللي متعرف شي

بنفس الوقت ينراد للموضوع هواية تنقيح لان بعد هاي الفترة هم اكو هواية اشياء اكتشفتهة ان شاء الله اذا لكيت وكت احاول اضيفهة

اتمنى ايفيدج الموضوع وايفيد الاخوة

تحياتي

غير متصل AboDiana

  • مبدع قسم الهجرة
  • عضو مميز
  • *
  • مشاركة: 1399
الف شكر اخوان على هالشرح القيم وبالاخص ابو اندرو....

أخوكم أبو ديانا

غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3473
  • مدينة البوكركي .. نيو مكسيكو!!
حبيبي انتة ابو اندريو
تسلملي ياوردة على هالموضوع   ونشكرك

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
حلوة انجي هاي امنية حياتج اتنقلي

يعني من هذاك الوكت ما انقل الموضوع اشو هسة انقل يعني شمعنة  ؟؟

ثاني هذا يا لاجئ راح يفتح منتدى الفيترية مالتكم حتة يقرا هيج موضوع تتوقعين اعضاء متصفحي منتدى الهجرة واللاجئين راح يستفادون من عندة بهل مكان؟؟ لا مبين خوش ادارية ينرادلج هلهولة

لو بس اعرف شنو قصتج من يوم اللي استلمتيهة نقل مواضيع وتصفية
سامعة المثل الي ايكول شاف ما شاف ؟؟ هو احنا رجال ميفيد يحكمنا هنوب مرة

جان لازم اقدم طلب مثل اخونا غسان الاشقر بعدم نقلة الى هيج منتدى يمكن جان فاد والله اعلم ؟؟

تحياتي

كانك بقلبي

غير متصل ابو راشد

  • عضو فعال جدا
  • ***
  • مشاركة: 396
  • الجنس: ذكر
شكرا على الموضوع وبارك الله بيكم

ابو راشد
اخوكم
ابو راشـــــــــــــــــــد

غير متصل مــــان

  • عضو مميز جدا
  • *****
  • مشاركة: 4318
  • الجنس: ذكر
موضوع جدا رائع عاشت ايدك اخوية

غير متصل root

  • عضو جديد
  • *
  • مشاركة: 1
السلام عليكم
جميع التفاصيل بالموضوع اعلاه يخص السيارات الأقتصادية و محركات صغيره من فئة 4 سلندر.
لكن شلون وية السيارات الرياضية؟
يعني مثلا سيارة فورد موستانغ محرك 6 سلندر حجم المحرك 3.8 موديل 1999 مثلا ؟؟؟
ﻷن بالنسبة للشاب شيسوي بسيارة 4 سلندر و اصلا ما احب الياباني و غيرة.
مجرد حبيت احصل معلومات من عدكم و تصيرلي خلفية بالموضوع و شكرا.