Menu

المحرر موضوع: للمهندسين العراقيين في الولايات المتحدة  (زيارة 29700 مرات)

0 الأعضاء و 1 ضيف يشاهدون هذا الموضوع.

غير متصل انسان بسيط

  • عضو فعال جدا
  • ***
  • مشاركة: 90
السلام عليكم

اخواني اخواتي اني صحيح عضو جديد بس اني متابع المنتدى منذ اشهر.
حبيت ابدي مشاركاتي وياكم بموضوع يخص المهندسين الي ناويين يقيمون بالولايات المتحدة ويعادلون شهادتهم اني ما اعرف انو هي هذي المعادلة لو ذيج تختلف بس الي عرفته من صديق الي عراقي هناك لما سئلته عن هذا الموضوع بالمناسبة اني مهندس مدني ومقدم على ال اس اي في قبل اشهر, فكال انو هم يعترفون بشهاداتنا (العراقية طبعا) بس تكدر تكافئهة بان تاخذ (ليسانس) الي هو مجرد امتحان بكل مواد الهندسة وكلما والقسم مالته كان يكون مدني او ميكانيك او...,كل الي عليك لازم تستعد للامتحان الي يستغرق 8 ساعات اربعة صباحية واربعة مسائية وعدد الاسئلة 180 سؤال ويشمل كل المواد بعدها اذا عبرت فانت امك دعيالك على كولت اخوانة المصريين وتكدر تشتغل بشهادتك الي يحب يشوف هذا الرابط عن هذا الامتحان ..

مع تحياتي الكم جميعا.

http://www.ncees.org/Exams/Study_materials.php?exam=FE&product=1R


غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2465
  • الجنس: ذكر
  • من اكتب افتهمني شدا اكول. او مشكلتك اذا ما تفتم
خير الناس من نفع الناس
بارك الله بيك اخي الغالي والله يرزقك

angie-dawood

  • زائر
Help me find a business suit that fits
« رد #2 في: 20:05 20/01/2010 »
francisco costa celebra su 10mo aniversario como dise
 calvin klein 365
 , calvin klein boxer briefs
 ,   calvin klein boxer briefs
 
Eugenia Volodina, twenty four hours, is financed with creating a the Euro model invasian, claiming site from really first Brazilians.from the College of recent Jersey, Kai hit New york and landed on to the fashion high quality.Some are likely to even little hot.Calvin Klein often moved right out the Hill Vly, and nobody knew exactly where he had gone.This exactly how of great help to your system as shop at break for that this ruthlessly minimum industry.Swedish actors take around the globe one ad campaign at a time.Your co-workers regularly defense themselves as well as step remote desktop help when passing co-workers in one hallway.
 calvin klein underwear sale
 , calvin klein womens underwear
 ,   calvin klein one
 
Given the topic market size rrn which LULU elements its giving out assortment and growing in the world economic is due to, one is able to wonder if many experts have able onto encapsulate itself about their downticks even although activity.suffice it to say that I never believe struggle helps get you prepared motherhood.Le hasard fait qu'il possأ¨de une maison أ  Vindefontaine أ  55 km pour Cherbourg.Adolf, Adi to his spouse and children, grew up down medieval countrie where energy, machinery and various other manufacturing necessary surely readily registered.So I was sleeping based out of two- or that you four-hour transitions, and I was really drowsy and wanted a positive change.This will be a scent that's recognizable by men and women and could be worn all-around the temporary.They recieve an alphabetical tend to be function and the site has different categories for men, women, and children.
 calvin klein x underwear
 , calvin klein womens underwear

غير متصل عراقي1995

  • عضو فعال جدا
  • ***
  • مشاركة: 136
مشكور اخي الكريم
بس رحمة لوالديك اني خريج 1995 وكلشي ما اذكر غير الايف ايكس والايف واي
هههههههههههههههه (يعني مو لهلدرجة ) لكن فعلا ناسي اهواي شغلات
سؤالي هو اذا واحد فشل بالامتحان ايصير ايعيده ؟ لو هو امتحان واحد فقط؟
ارجو الاجابة وبارك الله بك
تحياتي لك

غير متصل salah-eng

  • عضو فعال جدا
  • ***
  • مشاركة: 273
الله يبارك بيك اخي وعاشت ايدك وموضوعك جدا مفيد ويارب جميع الاخوان يستفادون منه
ويارب الموفقية وتسهيل الامر للجميع


اخوك مهندس صلاح

غير متصل eng.a7med

  • عضو فعال جدا
  • ***
  • مشاركة: 269
شكرا على الموضوع و اهلا و سهلا بيك ابيتك الثاني عينكاوا

غير متصل toofy

  • عضو فعال جدا
  • ***
  • مشاركة: 616
  • toofy
مشكور اخي وبارك الله بيك عالمعلومات
تحياتي toofy

غير متصل لوس أنجلس

  • عضو فعال
  • **
  • مشاركة: 40
اشكرك اخي على الموضوع
بس اني مهندس واصدقائي كلهم الي طلعوا لامريكا انطوني غير طريق
بانه تقدم شهاتك للجامعه بامريكا ويشووفون شنو الدروس الي مماخذه بالنسبه لدراستهم حسب اختصاصك طبعا وتاخذه لهاي الدروس بنفس الجامعه
وهيج تتعادل
وهوايه صارت وياهم وعادلوا
بس مو منطقي ترجع تمتحن امتحان شامل
هذا بس سمعت موجود للاطباء بانه اكو 3 امتحانات شامله ولهذا معروف بان دراسه الطب اصعب بامريكا
واني مثلا صارلي 5 سنين متخرج مستحيل اكدر اذكر دروس صف اول وثاني وحته رابع

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
كلام صاحب الموضوع صحيح مليون بالمية ومابيه نقاش لانه هو هذا الحل الاسهل والاحسن وكل من يكول اكو غير طريق لمعادلة الشهادة خلي يجي يناقشني وهاي الطرق مال تدز  شهادتك لشركة مال معادلة ويعادلوها بفلوس ترة كلها كلاوات والشركات متعترف بيها اصلا واذا اجتازيت هذا الامتحان راح تنفتح بوجهك هواية طرق وتصير سهلة بعدين وتحياتي الك انسان بسيط لانه

غير متصل لوس أنجلس

  • عضو فعال
  • **
  • مشاركة: 40
خويه اول شي عليكم السلام
بس شنو هاي مال كلام ما بيه نقاش
وخل يجي يناقشني
وليش صاير عصبي اصلا؟؟؟؟
محد كلك اني متاكد من معلوماتي بس كتلك ناس اصدقائي وصارت وياهم وحجولي
وبعدين هنا موضوع مطروح كل واحد خل يفيدنه بالي يعرفه باسلوب راقي ويحترم راي المقابل
اني بالنسبه الله ممستعد اجي ادرس حوالي 50 ماده علمود امتحن شامل ؟؟هذا مستحيل
ويردالي 3 سنين اقرا
احنه خريجين هندسه بس الرياضيات اخدناه رياضات متقدمه يرداله كم شهر يالله تضبطه
الي سمعته وارجع اكول الي سمتعه علمود لضوج
بانه تقدم شهاتك لجامعه مو لشركه مثل ما انت كلت
وتشوف شنو مماخذ دروس عدهم وتكمل عليه يعني يعترفون بالعراقيه
وتكدر وراه تكمل ماستر لو تحب
وهذا نفس الحجي كالولناه بالبو ان
وطبعا نعرف بانه الشهاده راح تضل عراقيه ومتعادله(يعني مو امريكيه) فاذا واحد يريد يطور نفسه يكدر يكمل ماستر
تحياتي لكل

غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
     السلام عليكم شباب ممكن سؤال

اني خريج ترجمة لغة انجليزية يعني اذا الله سهلي و رحت و قدمت على دراسات هل استطيع ان احصل على منحة دراسية و هل يطلبون مني معادلة شهادة لو شنو السالفة ؟؟؟؟؟؟؟؟؟؟؟؟ فهموني الله يخليكم

غير متصل انسان بسيط

  • عضو فعال جدا
  • ***
  • مشاركة: 90
شكرا لمروركم جميعا

بالنسبة لهذا الامتحان هو احدى وسائل المعادلة كما اعتقد واكو غير وسائل,الي افتهمته من صديقي انو ياخذون 300 دولار فقط لاداء الامتحان اما المواد المشمولة فموجودة بالاتاج الجوة ,وللمعلومة الامتحان يجرى مرتين بالسنة بالرابع والعاشر وكل التفاصيل موجودة باللنك او الرابط الفوك

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
عيني لوس انجلوس وانت ليش صاير عصبي انت موجود بامريكا حتى دتعاند انت دتمشي علة كلام اصدقاءك عود لمن تجي لامريكا تعال شوف ياهو الكلام الاصح بس مو صوجك صوج اللي ينصح ويدليكم علة الطريق الصحيح جاي دارسلي بس رياضيات وميتذكر ولا كلمة من اللي درستة وتريد تصير مهندس بامريكا والله عجيبة غريبة منو كلك امريكا تشغل او تعترف بمهندسين نص ردان

غير متصل لوس أنجلس

  • عضو فعال
  • **
  • مشاركة: 40
خويه اني عصبي
لو انتي متعرفون تتناقشون
كل واحد صاير خبير بمكانه
اني كتلك اكو هيج طريقه للمعادله وسامعه بيه
وخويه الي مسمي روحك ذكي(ما شاء الله)احنه خريجي تكنلوجيا صباحي
ولو انت مهندس راح تعرف بان كلش صعب تمتحن مواد 4 سنين وخاصه اقسام مثل كهرباء ومكائن
اكو فرق بين الفروع همين
وماكو شي مستحيل بس يرداله قرايه وتفرغ
وانش ءالله نجي ونعادل اهم شي لضوج
كلشي بيد الله
تحياتي الكم

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
اخوية العزيز لوس انجلس الحمد لله اني خريج هم تكنولوجية وهم صباحي وعندي ماستر ومتخرج قبل السقوط يعني مو (بعد السقوط )وثانيا حبيبي خاصة شهادة الهندسة حتى لو تدرس ماستر بامريكا لازم تمتحن هذا الامتحان اللي جنابك خايف منة والا ميعطوك رخصة تشتغل بيها لانه بمجرد انه تجتاز هذا الامتحان يعني صرت مؤهل انه تشتغل بشهادتك اي النقابة تسمحلك تشتغل وبعدين اذا تحب تاخذ ماستر بعد تبقة بكيفك بس حتى لو اخذت ماستر راح يكولولك امتحن الرخصة حتى تشتغل وهاي الشركات اللي دتحجون عليها ترة متاكل يعني واذا عادلوا شهادتك تعال جيبلي واحد يخليك تشتغل بدون متاخذ الرخصة وتمتحن الامتحان البعبع حبيبي اني افرحلك من تجي وتعادل شهادتك بس اللي ارجو منك ومن الجميع انه ليصير عناد علة فد شي وانتو خارج امريكا وبعدين الاعضاء يفتحون مواضيع ويكولون ليش الاعضاء بامريكا مينقلون الصورة الحقيقية هناكة مو دننقلها اشو دتنقلب ضدنا مرات هم ارجع واكول كلام ابو اندرو هم صحيح اكو كلمة حجاها قبل كم يوم بوقتها صرت عصبي علة كلام ابو اندرو بس بعدين كلت والله حجية ذهب

غير متصل toofy

  • عضو فعال جدا
  • ***
  • مشاركة: 616
  • toofy
موضوع جدا راقي وبي معلومات مفيده من الجميع لان اكيد كل واحد يحاول يجمع معلومات حول معادلة الشهاده من مصادر مختلفه وكل ولايه وجامعه لها قوانينها لان اني بصراحه ايضا سامع من معارفي بالطريقتين المذكوره في النقاش 
فحبيت اشكر الجميع عالمعلومات القيمة وبالاخص صاحب الموضوع اللي نزل الموضوع لغرض الفائده وليس لاثارة نزاعات بين الاعضاء
تحياتي toofy

غير متصل Majid Radhaa

  • عضو فعال جدا
  • ***
  • مشاركة: 194
اخواني الاعزاء
اولا جزيل الشكر لصاحب الموضوع لما يحمله من نوايا طيبة في خدمة اخوانه. ثانيا، كل ما قيل صحيج لكن عندي تصحيح لبعض المعلومات و هي من تجربة شخصية و ليست عن طريق السماع.
1- الامتحان الذي ذكره الاخ انسان بسيط هو اول خطوة للحصول على اجازة المهندس الاستشاري PE , و من ضمن متطلباته هو معادلة الشهادة من قبل شركة معروفة وبالنسبة لي طالبتني الشركة التي تقوم بالمعادلة بالنسخ الاصلية للشهادة (ام الدرجات) مع نسخة من المنهج الذي تم دراسته على ان يتم ارسال كل شيء من قبل الكلية التي تخرجت منها و ليس من قبلي شخصيا.
2- كلفة الامتحان في فلوريدا الولاية التي اقيم فيها هو 30 (ثلاثون) دولار و ليس 300. و ربما تتغير الرسوم بين ولاية و اخرى و لكن لبس بهذا الفرق مع اعتزازي و احترامي لما كتب.
3- المعادلة عن طريق الجامعات هي لمن يرغب باكمال دراسته العليا و هم يطلبون المنهج الدراسي للمقارنة و تحديد ما تحتاجه لكي تكو ن مستعدا لاكمال الدراسة.
4- معادلة الشهادة من قبل الشركات كافي للتقديم الى عمل داخل الولايات المتحدة و اهم ما يهم الشركات او اصحاب الاعمال هو الخبرة في سوق العمل الامريكية و التي ستعلمك و تعرفك على قوانين العمل و كيفية التعامل مع من ستكون رئيسا لهم اي ادارة العمل بكلمة اخرى.
ارجو ان كانت هذه المعلومات مفيدة لكم واعتذر عن الاطالة. تمنياتي للجميع بالتوفيق.

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
الاخ ماجد رضا صحيح كلامك انه معادلة الشهادة من قبل الشركات بس محد يسمحلك تشتغل اذا ميكون عندك علة الاقل( fe) اللي هو اقل من pe وميهمهم شكد عندك خبرة اذا ماعندك رخصة تشتغل بيها مع تحياتي

غير متصل Majid Radhaa

  • عضو فعال جدا
  • ***
  • مشاركة: 194
الاخ العزيز الذكي
هل انت متأكد من معلوماتك؟ لانه انا اعرف اكثر من شخص اشتغلوا بالشهادة العراقية فقط بعد المعادلة وما اريد ابالغ و اقول انه تم تشغيلهم مهندسين من اول يوم بس اكيد هم الان يمارسون عمل مهندس بدون الحصول على اجازة FE بس اكيد الحصول على هذه الاجازة راح تسهل و تزيل الكثير من الصعوبات في الحصول على عمل. حالها حال اي شغلة اخرى من تكون عندك شهادة امريكية او اجازة ممارسة مهنة تفتح لك الكثير من الابواب. تحياتي لك و اتمنى انه تطول بالك مع الاخرين لانه الهدوء و النقاش الهادئ من شيم المهندس الناجح. لا تزعل علينا لانه احنا اخوة.
تحياتي مرة اخرى  و تمناياتي بالموفقية

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
طبعا اخي العزيز ماجد رضا اني متاكد من كلامي وهاي صارللي سنة ونص بامريكا اشو محد شغلني حتى لو مساعد مهندس احنا مدنحجي علة المعارف اذا كان عدهم شركات وشغلوا كرايبهم يمهم كمهندسين اني دا احجي علة تقديم للشركات الهندسية واللي ماعندك عرف بيها محد يشغلك بدون رخصة هاي دا احجي للمهندسين المدنيين  لانه مسؤلية ولوما متاكد ما احجي هذا الكلام حبيبي اني شهادتي معادلة يعني معادلة للامريكية ودا اشتغل عامل بمصنع هل من المعقول انه عندي شهادة معادلة وما اشتغل بيها وليش اشتغل كعامل كان اشتغلت مهندس احسن اللي صح لو لا

غير متصل Majid Radhaa

  • عضو فعال جدا
  • ***
  • مشاركة: 194
اخي العزيز
تسلم على ردك و انا اعتز بصراحتك وكلامك صحيح عن المهندسين المدنيين لانه انتم اعرف مني بالمواضيع اللي تخص الهندسة المدنية لانه اللي اعرفه انه هناك موضوعين مهمين تدرس فس الجامعات الامريكية و لا تدرس عندنا ويعتبرها الامريكان نقص في الشهادة (صحح لي المعلومات لغرض الفائدة العامة) وهي wood structure and steel structure لانه اللي اعرفه انه بالعراق بس يتم دراسة concrete structure  لذلك و هم حسب معلوماتي انه يتوجب دراسة كورسين او اكثر لغرض اكمال هذا النقص و لو هي مكلفة و مو سهلة بهاي الظروف بس هي واحدة من الطرق اللي اتبعها احد الاصدقاء عندما اتى الى الولايات المتحدة قبل سنين و حاليا هو يمتلك مكتب استشاري.
انشاء الله تتوفق و تحصل شغل بشهادتك و انت خير مثال للانسان المكافح و مو عيب اي عمل تقوم به اذا كان عمل شريف.
تحياتي لك

غير متصل لوس أنجلس

  • عضو فعال
  • **
  • مشاركة: 40
لا خويه اني ليش اعاند وعلى كولتك مو بامريكا اني وانت اكيد اعرف مني
بس اسلوبك من تكول لحد يناقش---وحضره جنابك__ومهندس نص ردن ----الخ
اتفاجئت من  اسلوبك بالرد وعلى شغله متسوة

اشكرك على العموم على معلوماتك
واحنه بكل  الاحوال نفوت للموقع علمود نتعلم ونعرف هيج امور
كل واحد يعرف شي يكوله واذا غلط يتصلح محد بينه نبي

اشكرك هوايه اخونه مجيد على اسلوبك ومعلوماتك
شويه انطيتنه امل نشتغل بشهادتنه

تحياتي للجميع

غير متصل لوس أنجلس

  • عضو فعال
  • **
  • مشاركة: 40
اخ ذكي انت خريج مدني من هاااااي من مناصري الامتحان
شعدكم انتوا هي ملزمتين هههههه
اخي اني مكائن ومعدات (فرع عام) ههههه جنه نسمي قسم المدني نادي العلويه

ياريت اخوتنه المهندسين المدنين ميضوجون ولو متعودين على هل الحجي

غير متصل Engineer79

  • عضو
  • *
  • مشاركة: 21
hi ineed ask about peo in canada please any informtion about this  thank you very much

غير متصل sami949

  • عضو فعال جدا
  • ***
  • مشاركة: 283
الاخوه الكرام
بالنسبه لكبار السن مثلي هل يجوز لهم
الامتحان او المعادله؟ وهل هنالك عمر  محدد
بموجبهه يتم التعيين بالشركات بعد عمليه المعادله او الامتحان
المشار اليها انفا؟ ارجو من الاخوه المشاركين بالموضوع وبضمنهم
صاحب الموضوع الاجابه    مع فائق تحياتي
اخوكم   سامي من مصر

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
زين اخوية احنا المدني عدنا بس ملزمتين زين انتو المتخرجين ورة السقوط شكان عدكم يمكن دراستكم كانت كلة باللابتوب عمي هسة شلونك انت اللي يسمعك مكائن ومعدات يكول مكطعها المكائن كلها يومية مجفت 10 مكائن عمي جماعتكم ميعرفون الفرق بين النت والبرغي شنو خليها سكتة عمي

غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
      السلام عليكم شباب ممكن سؤال

اني خريج ترجمة لغة انجليزية يعني اذا الله سهلي و رحت و قدمت على دراسات هل استطيع ان احصل على منحة دراسية و هل يطلبون مني معادلة شهادة لو شنو السالفة ؟؟؟؟؟؟؟؟؟؟؟؟ فهموني الله يخليكم   

   


ارجوا الأجابة من فضلكم هاي ثاني مرة اطلب منكم و اتمنى ان متفشلوني

غير متصل toofy

  • عضو فعال جدا
  • ***
  • مشاركة: 616
  • toofy
اخويه العزيز طيف .....ما عاش اللي يفشلك  ;)
ولو اني ما اعرف بالنسبة لاختصاصك بس لكيت موضوعين بالارشيف اعتقد تفيدك تتطلع عليها لان بيها معلومات كثيره عن معادلة الشهادة او اكمال الدراسه بغض النظر عن الاختصاص وان شاء الله تلكى الجواب لتساؤلاتك واعذرني من التقصير


http://www.ankawa.com/forum/index.php/topic,266984.0.html

http://www.ankawa.com/forum/index.php/topic,281251.0.html
اخوك toofy

غير متصل عراقي1995

  • عضو فعال جدا
  • ***
  • مشاركة: 136
ههههههههههههههههههههههههههههههههههه
هههههههههههههههههههههههههههههههه
هم رجعنا للسوالف العتك مال قسمي صعب وقسمك سهل
ههههههههههههههههه
اخوي الذكي اني هم مدني ومتخرج قبل السقوط
لكن للامانة المدني اسهل ( او اقل صعوبة ) من بقية الاقسام
كانوا يسمونا الادبي ههههههههه لان كنا نأخذ انشاء المباني بالثاني وكان بالعربي
لكن فقط للتوضيح
المدني بالعراق درسنا ستييل وكان درس مستمر على طول السنة
لكن تصاميم خشب ما ماخذيها لان محد يبني خشب بالعراق
على العموم الاختلاف بالراي لايفسد بالود قضية
والله يسهلها على الجميع ويعادولن شهاداتهم سواء كانوا مهندسين او غريهم
تحياتي للجميع وشكرا لصاحب الموضوع

غير متصل لوس أنجلس

  • عضو فعال
  • **
  • مشاركة: 40
هههههههههههههههه لا وداعتك اني خريج 2005
واول سنيتن للسقوط جانت وضعيه الجامعات كله احسن من قبل السقوط
بس هسه يجوز اي صارت غير شكل

اشكرك خويه عراقي 95 على صراحتك بس جامعه بغداد اهون الموضوع  بس التكنلوجيا بالذات المكائن معروف شكد صعب ماكو داعي احجي اني والمدني هههههههههه تلكيهم بالاندر والسنتر اذا خونه ذكي يذكرهم وتاليه يطلعون اوائل ما شاء الله اذكياء مو هم

غير متصل ENG.MEDO

  • عضو فعال جدا
  • ***
  • مشاركة: 373
  • الجنس: ذكر
  • Advice is ever in want
الف شكر الى صاحب الموضوع والاخوان كافة على الردود
والصحيح انه هذا الامتحان PE فقط للمهندسين المدني وتعتبر رخصة العمل في امريكا وكلام الاخ الذكي صحيح مية بالمية
باقي اختصاصات الهندسة ميحتاج هذا الامتحان
باعتبار المهندس المدني عليه مسؤوليات تخص سلامة الانسان في المباني وهذا الامتحان مشابه الى امتحان الاطباء ولكن اقل بكثر وحسب اعتقادي وحسب ما قريت عنه وشفت الاسئل مالته انه صعوبته بسرعة الجواب لانه هو امتحان open book
يعني مثل ما جنه نمتحن ستيل وندخل الكود ويانه وعباره عن اختيارات فالحل الرياضي قليل جدا وبي اسئل تعتمد على الخبر بالعمل ونحتاج نقره عن المباني الخشبيه لانه ابد مقارين عنه
واكو كتاب ينباع بامريكا اسمه Professional Engineer Exam Reference
واعتقد سعره ب 175$

وانشاء الله راح اقدم على الامتحان اللي بشهر العاشر واجرب حضي وابلغكم

تيحاتي للجميع
لا داعى للخوف من صوت الرصاص .. فالرصاصة التى تقتلك لن تسمع صوتها

غير متصل لوس أنجلس

  • عضو فعال
  • **
  • مشاركة: 40
مشكور خويه على هل التوضيح المهم
انشاء الله كل الموفقيه بالامتحان
وبشرنه انشاء الله بنجاحك
تحياتي الك

غير متصل انسان بسيط

  • عضو فعال جدا
  • ***
  • مشاركة: 90
الاخوان لوس انجلس و الذكي ماكو اي اختلاف ان شاء الله بيناتكم ,ان شاء الله اخوة دوم.                                       
الاخ مهندس 79 بالنسبة للامتحان بكندا موجود التفاصيل باللنك نفسه لان هذا الامتحان مو بس بداخل الولايات المتحدة بل بكندا وبمصر واعتقد باليابان.                                                                                                         
الاخ سامي ما كو عمر محدد للامتحان بس اعتقد ومثل ما مذكور باللنك اكو سنوات خبرة مطلوبة تكدر تفتح اللنك وتتاكد بنفسك.                                                                                                                                 
مهندس ميدو لا ما اتفق وياك الامتحان صحيح للمهندسين والمساحين بس المهندسين بكل اصنافهم الكهربائي والميكانيك والكيمياوي ومهندسي البيئة واكيد المدني وياهم.بس شوية شباب تعبو نفسكم شوية وقلبوا بهذا الرابط راح تلكون كل الاجوبة ولكل اسئلتكم                                                                                                                                   
سلامي وشكري لكل من مر وساهم بالموضوع واشكر الاخوة على المعلومات القيمة وان كان لديكم المزيد فأسعفونا والله يباركم بيكم لخدمة الجميع.                                                                                                                       

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
اصدقائي الذكي ولوس انجلس
انتو محضوضين لتواجد الدكتور ماجد وياكم بالموضوع وانه وضحلكم الصورة
بالمناسبة ما اعرف اذا هو يقبل او لا اذا وضحتلكم انه هو كان استاذكم في يوم ما
نصيحتي لكل المهندسين (وخصوصا اللي ما متزوجين او مو امورهم المادية كلش داجة....يعني وسط مثلي) ان يفكرون بالمرحلة الدراسية القادمة...يعني هسه اني مثلا قدمت قبل كم يوم على دكتوراه باحدى الجامعات الامريكية القوية ودا انتضر رد الشركة اللي دتعادللي شهادتي البكلوريوس والماجستير وانشاء الله امتحن GRE قريب وعندي توفل قديم درجة كلش عالية بس يمكن لازم هم اعيده وهذا كلله واني بعدني باول خطوة بالاس اي في وبالعراق وما اعرف راح انقبل بالهجرة لو لا (ولو اني شخصيا ما اكدر اشوف اي سبب ممكن انرفض على اساسه)
فالملخص انه فعلا اكو مهندسين نص ردن من خريجي الكليات الاهلية وحتى الحكومية و وين ميروح خابص نفسه واني مهندس وبالك عنه
فاللي صدك مهندس وجان متفوق خلي يفكر بالدراسة العليا بامريكا لان هم شهادة اكيد امريكية ومقبولة بكل انحاء العالم مو بس بامريكا وهم بهالاثناء هو حاط الجنسية بجيبه
صحيح احتمال اذا اول شي الواحد يسويه بعد وصوله الى امريكا هو الدراسة فراح تكون عيشته عيشة الكفاف وراح كوه يدبرهه ماديا على الاغلب بس هذا استثمار راح يعوضه اول ما يكمل دراسة واحسبوهه حساب عرب....يعني اذا انت مهندس وما قررت تدرس بامريكا (لان مثلا تدري بنفسك ما تدبرهه...او لان محد كايلك مثل كلامي هذا) فراح تبدي بentry-level jobs من هاي ام ال7 لو 8 دولارات بالساعة والسنوات تفوت وانت كلشي ما مسوي

اشكر صاحب الموضوع وكل المشاركين

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل لوس أنجلس

  • عضو فعال
  • **
  • مشاركة: 40
والله اخي كلامك صحيح
هذا هدف كل واحد يروح لامريكا
بس كلشي بيد ربك وتره الدراسه بالعراق مجانت سهله (والاغلبيه يكولون الدراسه بامريكا اقل تعقيدا من العراق) فاذا واحد لكه شغل مناسب انشاء الله نكدر نكمل ما بيه شي
وانشاء الله تتوفق وتطلعلك هجرة وتصير دكتور
نشكرك على نصيحتك

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
حبيبي الغالي فكنزوا هو شكال الاستاذ ماجد هو كال اكو شباب ديشتغلون بامريكا كمهندسين من اول يوم وبدون رخصة واني اتحداه حتى لو كان استاذي انه اكو هيجي شي بامريكا بس اني اكلك تصير لو كان ابو الشركة من احد المعارف اي تصير هاية بس غير شي مستحبل بدون رخصة اما للي كالة عن الخشب والستيل فاحنا دارسين الستيل بس الخشب مدارسيه  هاي معلينا بيها بس اني اكلك ومتاكد منة انه بدون رخصة يكولك شهادتك متاكل حبيبي وبعد اني كلت اللي عندي واللي ميقتنع بكيفة من يجي لامريكا هو ينجاز اني نقلت الصورة الحقيقية هنانة مع الشكر

غير متصل snoopy

  • عضو فعال جدا
  • ***
  • مشاركة: 262
الأخوان المهندسين

بامريكا لتفكرون تشتغلون بشهاداتكم لأن مستحيل لازم تدرسون من جديد و حتى من تدرسون راح تشتغلون باختصاصاتكم ك entry level يعني حالك حال اي امريكي هستوه متخرج

و داعتكم ميفيد لا معادلة شهادة و لا جي ار اي و لا هم يحزنون

انا مهندس حاسبات و برمجيات خريج 2005 و صارلي سنة بامريكا حتى سكيورتي محد يشغلني
هالنوب يشغلوني مهندس هههههههههه و هم ههههههه صدك اليدري يدري و الي ما يدري شلون

snoopy

غير متصل رضا محمد

  • عضو
  • *
  • مشاركة: 21
  • الجنس: ذكر
أخواني الأعزاء

أني هم هم مهندس و دايخ بهاي الشغلة من وصلت لأمريكا و محد يردلي جواب
اني اللي عرفته انه من الأفضل الحصول على FE و لجميع اختصاصات الهندسة
Chemical
Civil
Electrical
Environmental
Industrial
Mechanica
و هو امتحان Close Book
و حسب الرابط http://www.ncees.org/Exams/FE_exam.php

و بعدها يتم التقديم على PE
بعد اربع سنوات خبرة للأختصاصات التالية
Agricultural
Architectural
Chemical
Civil: Construction
Civil: Geotechnical
Civil: Structural
Civil: Transportation
Civil: Water Resources and Environmental
Control Systems
Electrical and Computer: Computer
Electrical and Computer: Electrical and Electronics
Electrical and Computer: Power
Environmental
Fire Protection
Industrial
Mechanical: HVAC and Refrigeration
Mechanical: Mechanical Systems and Materials
Mechanical: Thermal and Fluids Systems
Metallurgical and Materials
Mining and Mineral Processing
Naval Architecture and Marine
Nuclear
Petroleum
Structural I (through October 2010)
Structural II (through October 2010)

و حسب الرابط http://www.ncees.org/Exams/PE_exam.php

و هو امتحان Open Book
 
و بعدها يتم التقديم على رخصة العمل من الولاية

بس اريد أسال هل يجب معادلة الشهادة قبل عمل هذه الأمتحانات
و سمعت اكو امتحان اخر و هو  Engineer-in-Training (EIT) exam
و اتضح هو نفسه FE


غير متصل AbU.SaRa

  • عضو فعال جدا
  • ***
  • مشاركة: 606
  • Sea Of Darkness

 عاشت أيدك أخوية وبارك الله بيك عالموضوع..........
GOOD FRIEND’S ARE HARD TO FIND, HARDER TO LEAVE AND IMPOSSIBLE TO FORGET…

غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
شكرا توفي

غير متصل proph1

  • عضو فعال جدا
  • ***
  • مشاركة: 368
  • الجنس: ذكر
  • الرب راعي فلا يعوزني شيء


عاشت ايديكم اخوان على هذا الموضوع
وشكر خاص للاخ صاحب الموضوع  "انسان بسيط "

والله يبارك بيك وبكل الاخوان المشاركين


خلق الله اذنين واحدة تسمع الرأي والاخرى تسمع الرأي الاخر وعقل الانسان كائن بين الاذنين يزن كلاً من الرأيين

غير متصل لوس أنجلس

  • عضو فعال
  • **
  • مشاركة: 40
مشكورين اخوان على الردود
صدك عرفنا شغلات مجنه نعرفه
هسه صار لازم امتحان GRE  وتوفل وراهه FE وبعدين PE
ههههههههههه سهله انشاء الله
من هسه اخوان كل واحد يشتريله بطل زاهي مال غسل مواعين وينسى الهندسه

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
صديقي الذكي
اشكرك على تشكيكك بكلام الدكتور ماجد حتى يرجع هو ويجاوبك بالتفصيل واحنا المستفادين
بس يجوز هو ديحجي عن ولايته وانته عن منطقتك والامور نسبية
بس كللي بلا زحمة عليك انت امتحنت شي لو بعدك دتستعد؟؟
وهم انصحك بالاستمرار بالدراسة

صديقي سنوبي
شنو اللي مانعك تمشي على اللي اني كلته بردي الاول وتكمل ماجستير حتى تصير شهادتك اصلا من امريكا ؟؟؟
ليش انت رايح لنهاية العالم علمود شنو ؟؟؟ غير حتى تدرس !!!!

صديقي رضا محمد
اعتقد لازم تعادل قبل لا تمتحن حسب رد الاستاذ ماجد ويفضل تسويهه قبل لا تسافر

صديقي لوس انجلس
هاية نصيحتك مالة البطل الزاهي كلش خوش نصيحة....بس فقط للمهندسين النص ردن حسب تعبير الاخ الذكي من هذولة اللي ينجح شلون ما كان بالكلية ويتخرج صفر باليد ح...ان


بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل جوني جاك

  • عضو فعال جدا
  • ***
  • مشاركة: 659
  • الجنس: ذكر
  • مابقى عقل براسي ( هذا هو حالي )
والله يا اخوان مع احترامي الى كل الاراء بس اني عندي وجهة نظر تختلف
1- ما كو شهادة ما معترف بيها لان الامريكان اهم شي عدهم الخبرة
2-  قوانين ومتطلبات العمل لدى الامريكان تختلف عن باقي البلدان ( داخل امريكا ) لان عدهم متطلبات الانتاج ( المقصود بها هي شروط الجودة لاي شيء) في بلدهم صارمة لذا من الصعب على اي شخص لايعيش في امريكا معرفتها
3- اكو شي عدهم كلش مهم بالنسبة للعمل انو يسالوك انت شمشتغل بامريكا ولازم داخل امريكا حتى يعرف المتقدم للعمل يعرف القوانين الامريكية الخاصة بالعمل (مثلا لدينا في مجال الهندسة انك تجلب للعمل مادة لاستخدامها سيراميك مثلا يجب ان تكون من منشا معتمد ومفحوصة اما في العراق مثلا لا يطلب هذا الشيء منك ) اي مدى معرفتك بامريكا من الداخل
4- ان المهندسن الامريكان لم يدرسوا شيء في علم الغيب اي ان دراستهم مشابهة الى دراستنا ( من ناحية المادة العلمية والاساسيات ) وهذا الكلام ناجم من احتكاكي بهم بحكم عملي معهم
مع العلم انه في بعض المرات حصلت نقاشات علمية معهم ( وهم اكثر مني خبرة واكبر مني ) وقد تبين ان وجهة نظري من الناحية العلمية هي الصحيحة وهذا دليل على عدم دراستهم شي غير معروف لدينا
ويا اعزائي العيب ليس في المواد التي ندرسها بل العيب في الطريقة التي يدرسونا بها
وشكرا

جوني جاك
()

منتظر الموافقة الامنية منذ السادس 2009

غير متصل أم روان

  • عضو جديد
  • *
  • مشاركة: 4
  • الجنس: أنثى
السلام عليكم..
اني عضوة جديدة ومعجبة جداً بثقافتكم ونقاشكم البناء ان شاء الله
اخوية مهندس كهرباء قديييييييييييييم من 1997 بس نابغة احححححم طبعا مو لان اخوية بس يفتهم خريج جامعة بغداد من جانت الزفة ركض يعني تعرفون التدريس شلون جان موو؟؟ وعنده خبره طويلة
هو يريد يروح بس ديخاف على اطفاله من الانحراف
اللي موجودين بامريكا رجاءا ممكن تكولولي شلونة الوضع من ناحية الاخلاق...
وممكن سؤال ولو مالة علاقة بالهندسة..
شنو اخبار علوم بايولوجي؟؟ الهم امل لو لا؟ ??? جامعة بغداد صباحي
رجاءاص المساعدة
عبير بغداد

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
صديقي جوني جاك
اني اتفق وياك بمعضم اللي تفضلت بيه وخصوصا بالنقطة الرابعة الاخيرة
بس بالنسبة للصعوبات اللي اثرتهه بنقاطك التلاثة الاولى احب اضربلك مثل من منتدانا لعضو لازال موجود وعنده ردود بهالموضوع (غير اعضاء كثيرين انقطعوا عن المنتدى من فترات طويلة لانشغالهم بالدراسة والعمل بامريكا) وهذا العضو هو الدكتور Majid Radha اللي عنده بكلوريوس وماجستير ودكتوراه بالهندسة وكلهم من العراق وصارله سنه وشوية بفلوريدا وهسه ديدرس بكلية....يعني لاجئ ورجع لعمله السابق بالتدريس الجامعي بعد ان عادل شهايده بشركة ذكرهه هو باكثر من مشاركة اله بمواضيع سابقة
فأذا واحد ما دبر المعادلة او امتحانات معينه الرجاء ان ما يهبط معنويات اخوانه الكفوئين والمتفوقين تره الشغله كلش سهله
واللي يعرف نفسه مهندس صدك مو تلزيك فخلي يروح والهوا بضهره

احتراماتي للجميع

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل snoopy

  • عضو فعال جدا
  • ***
  • مشاركة: 262
صديقي فنجنزو

رحت اقدم على الماستر بجامعة ميزوري طبعا قبلوني بدون معادلة شهادة و لا اي شي بس مجرد شافو شهادتي المترجمة و سئلوني كم سؤال من قبيل هاي المادة بيا صف تاخذوها كلولي اي انت مؤهل للماستر بس؟!!!
15 الف دولار التكلفة

انا اشتغل بارت تايم و عندي عائلة و يا دوب مكفي الايجار زين منين اجيب 15 الف منين اصرف و يمته اجيب وقت للماستر لأن الماستر بتكنولوجيا المعلومات مو هين

انا هسه قررت اخذ سنتين اسوشييت من كوميونتي كولج بال سسكو نتووركنك تفيدني اكثر من الماستر

هنا اهم شي عدهم الخبرة بالعمل قبل ال DEGREE و لازم المكانات الي مشتغل بيها داخل امريكا حتى يتصلون بيها و يأكدون تاريخك الوضيفي

غير متصل ROCK

  • عضو فعال جدا
  • ***
  • مشاركة: 449
والله حيرتونه .. اخوان ياريت لو الموضوع يصير على شكل نقاط ...اشو كل واحد كاعد عبالك يتعارك وية الثاني خوب هذا الذكي نازل بالعالم دك رزايل تكول بروفيسور بالطاقة النووية .. وهو حالة من حالنا شهادته من بغداد وقبل السقوط والدراسة كلها كلك ..عمي على كيفك وية العالم

اخواني هسه الي عنده شهادة بالعراق ويريد يعادل شهادته بأميريكا خلي يفيدنا بالخطوات .. واتصور النظام يختلف من ولاية لولاية ... اني قريت بالمنتدى موضوع لاحد الاخوان يكول قبل لا تفكر تاخذ شهادة الجامعة مالتك تذكر تاخذ وياك شهادة الاعدادية ولازم تكون مصدقة .. ثنين لازم الشخص يكون عنده ملخص بالمواد الي درسها لمدة اربع سنوات ..يعني روؤس اقلام للمواد الي ماخذها وعدد الساعات ..

اذا كلامي غلط صححولي .. وياريت واحد صاحب تجربة يبين خطوات التقديم

غير متصل Aram2003

  • نجم منتدى الهجرة و اللاجئين
  • عضو فعال جدا
  • *
  • مشاركة: 182
اخواني المهندسين الموضوع خرجت من موضوعيته رجاءا جان الموضوع جميل فلتتحسسون من بعضكم نريد نناقش ونفيد الجميع ونريد معلومات اكثر من اخواننا الي سبقونا بالولايات المتحدة وارجومن الادارة حجب المواضيع  التي توتر بين الاخوان ولتنسون الكل اخوان واخوات
اخواننا
الي ديدرس حاليا في كلية هل الدراسة سهلة ام صعبة وماهي المواضيع الي لازم يدرسها
ماهوالمواضيع الي يدرسوها جماعة الكهرباء بشكل خاص
ذكر قسم من الاخوان ان التجربة هو مقياس ايجاد العمل الهندسي
احب اسالكم اخوتي
هل ان الشركات تحدد الاعمارالمخول للعمل بها؟
هل هنا ك مهندسون لاجئون يعملون حاليا وقد نجحوا في الشركات الامريكية؟
وهل استفادوا من تجاربهم في مجال الهندسة خاصة جماعة الكهرباء الذين عملوا في الشركات الامريكية في العراق ؟وكم هو متوسط سعر ساعة العمل اي كم في الساعة؟انا عندي اصدقاء ذو خبرة يعملون في العراق في الشركات خاصة في الشمال حوالي سعر الساعة اكثر من 10دولارات فما هو نصيحتكم لهؤلاء هل يقدمونى للهجرة ام لا
هنا في العراق حيث لا يوجد قانون الضمان الاجتماعي ولم يصدق البرلمان العراقي لحد الان على قانون الاستثمار وبالتالي المهندس معرض للطرد باية وقت خاصة في الشركات التي تعمل في وسط االعراق والتعيين في الدوائر الحكومية اصبحت عن طريق دفع الرشاوي
فكيف حال المهندس العامل في الولايات المتحدة؟
هل معرض لهضم حقوقه مثلما موجود عندنا في العراق
وسؤالي الاهم بماذا تنصحون اخوتكم المهندسون الموجودين حاليا في العراق؟
واعطيكم الموقع التالي ارجو ان تفيدكم
www.thinkjobs.com
ارجو ان تستمروا بنقاشاتكم في هذا الموضوع ونبقي الموضوع مفتوح لجميع المهندسين
واذاكركم دائما خل نحمد ربنا عدنا شهادة ونترحم على والدينا لان وصلونا هالمستوى
تحياتي للجميع
اخوكم ارام من السليمانية

غير متصل لوس أنجلس

  • عضو فعال
  • **
  • مشاركة: 40
 
 شكرا للاخ vincenzo لان عده بمووضوع الدكتوراه كلش مواقع مفيده مال GRE وتعلم انكليزي وحجي مفيد وباسلوب راقي
http://www.studyguidezone.com/
هذا الموقع الاخ ذاكره كلش مفيد للي يريد يتعرف على GRE
تنزل كتاب عباره عن 77 صفحه اني قريته كامل خلال يومين وما بيه شي
واكو موقع لنماذج امتحان ببدايه الكتاب
تحياتي للجميع

غير متصل بغدادي صابر

  • عضو فعال
  • **
  • مشاركة: 73
  • الجنس: ذكر
سلام عليكم أخواني الزملاء المهندسين، أخوكم مهندس ميكانيك أستشاري خريج عام 1984 يعني عتيق ودا أنتظر بس الموافقة الآمنية بعمان ،  وأحب أشاركم الموضوع, بالنسبة لآمتحان ال GREوالتوفل مطلوب للي يكمل دراسات عليا أو أيريد شهادة أسيوشيتد يعني دبلوم بأي أختصاص هندسي وتكدر تمتحن بعمان عن طريق المركز الآمريكي ( أمديست) مقابل ثمن شوف الرابط وأدخل على دولة الآردن(www.amideast.org وأرفق فايل pdf يمكن تستفادون منة وأكو أمتحان عام وأكو أمتحان فيزياء اللي هو أفضل للمهندسين لآن العام بية موضوع اللغة واللوجك أكثر ومتستفاد منة، وأذا تريد تشتغل بأختصاص هندسى للخبرة كبداية تكدر تاخذ كورسات من الكليات أو المعاهد المختصة اللي تنطيك أجازة ممارسة مهنة فنية مثل مواضيع الطاقة المتجددة الي تدخل بكل الآختصاصات الهندسية (كهرباء وميكانيك،مدني ،علوم ,,,ألخ) ورا ما تنجح بالكورسات تقدم على الآجازه  Cirtificate ,وتكدر تشتغل وتمارس أختصاصك الهندسى وتكسب خبرة جديدة و شوفو هذه الروابطwww.aeecenter.org/certification  كمثال لتحصل على مثل هاي الآجازةwww.nachi.org / www.natex.org /  www.ashrae.org /  www.aeecenter.org/certification / www.nemionline.org/certification/ وغيرها كثير أرجو أن أفدناكم بهذا الموضوع وشكرآ  

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
صديقي سنوبي
بهالحالة (اذا حتى 15 الف ما عندك تدفعهه لشهادة امريكية عليا...وعادي كلمن وضروفه) فاما تكتفي بشهادة المعهد اللي دتكول عليهه
او تتعب نفسك شوية وتراجع جماعة الfinancial aid بالجامعة اللي قدمت عليهه وشوف شلون يساعدوك بالحصول على منحة او قرض او ما يعرف بالfellow-ship وهو التعبير المناضر للscholar-ship بالنسبة للدراسات الاولية وبالنسبة للماجستير فكل اللي اعرفه انه الحصول على هذه الfellow-ship هو هواي اصعب من الحصول عليه للدكتوراه اللي تهمني اكثر شخصيا
والسبب حسب ما افتهمت انه اكو كلش هواي ناس عدهم بكلوريوس بينما قليلين اللي عدهم ماجستير ويريدون يكملون دكتوراه (وبالنسبة النا احنا العراقيين اللي عدنا ماجستير فماكو النا جارة احسن من ان نفكر بالدكتوراه)
وسبب ثاني انه معظم اللي يقدمون عالدكتوراه اصلا يشغلوهم بالجامعات اللي يدرسون بيهه كمساعد بروفيسور للبحث او كمحاضر او مساعد محاضر يقوم بتدريس ال juniors او طلاب اول سنتين مثلا او وضائف كثيرة بينما ابو البكلوريوس ميحتاجوه هواية

مع ذلك هذه الاسباب المفروض ما تمنعك من البحث والتحقق من الموضوع واذا كلش ان تخطط ان تلملك هالمبلغ بفد كم سنه حتى تكمل دراسة لان ما يفيدك غير شي برأيي اللا اذا انت واثق انه متدبرهه او انت كوة كملت البكلوريوس
بالمناسبة اني ما سامع بكلية عراقية حكومية معروفة عدهه قسم اسمه برامجيات وتقنية معلومات...فهذا لو علوم (مو هندسة) لو من هاية السوالف مال كلية اهلية مدري مسائي مدري شنو !!!

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Majid Radhaa

  • عضو فعال جدا
  • ***
  • مشاركة: 194
لسلام عليكم اخوتي الاعزاء

النقاش الودي مع اختلاف الاراء لا يفسد للود قضية، كلام حلو و ارجو ان نلتزم بي كلنا لانه معظم الداخلين على هذا الموضوع هم من حملة الشهادات و المثقفين. اخي الذكي ماكو داعي للتحدي كان من الممكن ان اسمي لك اللي اعرفهم بس المشكلة انه لازم اخذ موافقة اصحاب العلاقة حتى انطيك الاسماء بس اقول لك صديق لي يعمل الان في هيوستن تكساس و هو خريج الجامعة التكنولوجيا يحمل درجة ماجستير من نفس الجامعة و هو يعمل في شركة بتروكيمياويات امريكية و ليس له احد من المعارف يعمل فيها و تم قبوله للعمل استنادا لما يحمله من خبرة و طبعا هو يعمل كمهندس و ليس بشهادته العليا وهو دعاني للتقديم للعمل في هذه المدينة على اعتبار انها غنية بهذه الشركات (بالمناسبة قدم اكثر من 200 طلب عمل و تمت مقابلته 5 مرات و استمر بالمحاولات لمدة 8 اشهر الى ان حصل على فرصة العمل هذه). مثال اخر هو لشخصين يعيشون هنا في جاكسونفييل بس للامانة هم من المهاجرين القدامى و ليسوا من اللاجئين احدهم مهندس مساحة و الاخر مهندس مدني. مهندس المساحة بدون اي دراسة اشتغل بشركة امريكية و ظل مستمر بعمله لعاية 2002 لانه لم تحصل الموافقات الامنية على دخوله للمواقع العسكرية بعد هجمات 11 ايلول و بعدها استقال. اما المهندس المدني فحصل على العمل بعد اكمال دراسة حوالي سنتين و اشتغل بشركة امريكية لحين حصوله على درجة PE  بعدها فتح له مكتب خاص به للاستشارات و التصاميم و التنفيذ.
بالنسبة للعمل بالشهادة العراقية ممكن لكن الاهم مثل ما ذكر احد الاخوان هو الخبرة في سوق العمل الامريكي و ليس بالضرورة ان تكون خبرتك بالعمل هو مهندس لانه راح نرجع الى نفس النقطة و هي مهاجر جديد منو راح يشغله؟ اهم شيء هنا انه تقبل باي عمل في البداية مساعد فورمان و ليس فورمان او مساعد مهندس ومن ثم تتدرج بالعمل الى ان يصير عندك مثل ما يسموه هنا (credit)
و بالطبع اذا يقدر ان يحصل على اجازة ممارسة مهنة من برنامج مهني(vocational training )  مثلا للعمل ككهربائي  او ميكانيكي او حتى مقاول اعمال هاي راح تساعد في بناء الكردت.
بس نرجع و نقول هل ممكن العمل كمهندسين؟ الجواب نعم. هل يتم هذا بعد اول اسبوع او شهر من وصولنا؟ الجواب لا. الامر يحتاج الى صبر و جهد. السؤال الاخر نكدر نكمل دراسة يعني شهادتنا معترف بيها ؟ الجواب نعم لكن اكو متطلبات لازم الواحد يكملها منها اساسية مثل اللي حكى عنها اخونا فنسنكزو و متطلبات اخرى و هي تختلف من جامعة الى اخرى و منها كلفة الدراسة وهاي تعرفها من تراسل الجامعة اللي تريد تدرس بيها. يمعودين لعد لو تباوعون علة جماعة المجموعة الطبية مثل ما يقول ابو المثل يدق حدادي فد 3 - 4 سنين يلا يقدر يقول انا طبيب او صيدلي. على الاقل وضعية المهندسين افضل اللي يشوف مصيبة غيره تهون عليه مصيبته و مثل اخر اللي يشوف الموت يرضى بالسخونة وهنا القصد اقبل باي عمل لانه طريق الالف ميل يبدأ بخطوة. تمام لو لا.
اعتذر عن الاطالة مع تمنياتي للجميع بالتوفيق.
اخوكم ماجد 

غير متصل snoopy

  • عضو فعال جدا
  • ***
  • مشاركة: 262
اخوية فنجنزو
انا خريج كلية الهندسة قسم الحاسبات و البرامجيات الجامعة المستنصرية دراسة صباحية
خريج 2005
دخلت الهندسة مع انه معدلي 93 بس ما كان بوقتهه عندي الخمس درجات مال صديق صبحة
و تخرجت 2005 الخامس على دفعتي بمعدل جيد

و عندي خبرة اربع سنين بالشبكات وي الامريكان

يعني لا اهلية و لا مسائي و لا هم يحزنون بس اخوية ابو العائلة صعبة عليه الدراسة انت الظاهر سنكل و متدري بمسؤوليات العائلة

عموما اتوقع انه اخذ الاسوشييت وياهه السرتفكيت مال سسكو افضل من ماكو

غير متصل Aram2003

  • نجم منتدى الهجرة و اللاجئين
  • عضو فعال جدا
  • *
  • مشاركة: 182
الاخ ماجد المحترم وبقية المهندسين
افهم من مداخلتك1.انه بامكان العمل كمهندس اعتمادا على الخبرة وليس بالضرورة معادلة الشهادة ولكن اهم شي الخبرة في السوق الامريكية داخل امريكا
2-في حال معادلة الشهادة هناك طريقان الاولى عن طريق الشركات والثانية عن طريق الدراسة في الجامعة
3-ولكن السؤال الاهم في حال الدراسة هل الدراسة صعبة مثلما كان ايامنا بالجامعة التكنولوجية في التسعينات؟
وهل الجامعة الي انت قدمت الها هي الي تقدر السنين الواجب دراستها؟
هل هناك اعمار محددة تحدده الشركات للمتقدم للوظيفة؟
وكم هو راتب الذي بعمل كمهندس فس امريكا
علما اني مهندس كهرباء
مع كل الشكر والنقدير لجميع المشاركين

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
صديقي سنوبي
اني جدا اسف لاني فهمت غلط لقلة معلوماتب باستحداث الاقسام بالفترة الاخيرة بالجامعات وانت اكثر واحد يعرف ضروفة حسب المثل اليكول ميحك جلدك غير اضفر اصبعك  ;D ;D
اني كان قصدي اشجعك وانت بكيفك بعد وفعلا اني سنكل وصعب عليه اقدر ضروف اللي عنده هواي اطفال ولو برأيي النضري (والمثالي) هو انه كونك صاحب عائلة فالمفروض تتعب نفسك اكثر ومتتكاسل وتشد حيلك وتوفق بين الشغل واكمال الدراسة

زميلي بيرج
لفتة جدا لطيفة كونك ابديت اعجابك بهالموضوع وطرحت مسألة تثبيته رغم انه لا احد من المشاركين طلب هذا الشي من الادارة
بارك الله بيك وزادك قوة وكثر من امثالك

استاذنا ماجد شكرا على المجهود والمعلومات

شباب (وخصوصا استاذ ماجد وصديقي صاحب الموضوع)
اتمنى من الجميع ابداء الرأي بالخطة اللي اني سولفتهه بردي الاول او اضافة استفتاء من قبل الاخ صاحب الموضوع
مثلا :
هل تعتقد ان الافضل للمهندس (بكلوريوس او ماجستير) ان يحاول يعادل شهادته او يمتحن امتحانات تؤهله للحصول على عمل بأسرع ما يمكن كمهندس بقطاع انتاجي (وليس اكاديمي او تعليمي)

لو الافضل انه الواحد كبل يجيت بالدراسة اللي اعلى من شهادته اول ما يوصل (طبعا بعد اجراء الاختبارات اللازمة والمستمسكات المطلوبة وعلى فرض اهلية المعني لاكمال الدراسة) ويحاول يحصل شغل اكاديمي كمدرس بمعهد لو جامعة افضل


اكيد معضمكم تعرفون القاعدة اللي تكول انه اكو مجالين متكدر اي ازمة اقتصادية تتحرش بيهم اللي هم التعليم والصحة فاني فكرت من زمان بالخيار الثاني وخصوصا انه بعد الشهادة اللاحقة راح اصلا يكدر الواحد يحصل حتى اعمال مو بالتعليم وانما بكل انواع الشركات وحتى بالحكومة لان صار عنده شهادة امريكية مؤصلة وكريدت لان بقى خوش فترة بامريكا واكيد كان يعمل part-time اثناء الدراسة

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
حبيبي الغالي استاذ ماجد يعني مثلا اجة واحد من العراق وهو مهندس وعندة خبرة علة الاقل خمس سنين وتجي هنانة لامريكا وتروح لشركة هندسية وتريد تشتغل معقولة راح يشغلون هذا الواحد يعني يمنا بولاية لوريغون كلش واكفة السالفة زين اذا انت لاجئ جديد من تجيب الخبرة بسوق العمل الامريكية هسة اني صارلي دا اشتغل بمصنع هو طبعا كلة ميكانيك ما الة علاقة بالمدني بالبداية من شوفلتهم الشهادة مالتي وداعتك كاموا يضحكون يكولولي شعندك خبرات هنانة بامريكا وشهادتك ممعادلة وماعندك لايسنس بقيت اشتغل عامل ليهسة بهذا المصنع زين اني صارت عندي كردت لمدة سنة بامريكا يعني باجر عكبة اروح اقدم لشركة هندسية باختصاصي تتصور واحد يشغلني راح يكولولي جيبلنة خبرة بمجال اختصاصك بالمدني زين اني بالبداية لحد ماحصلت هذا الشغل طلعت روحي لحد ماحصلتة تعرف اجينا بنص الازمة الازمة الاقتصادية وعندي عائلة كنت مجبور اخذ هذا الشغل اني هاي كمثال عن نفسي دا احجيلك الشهادة العراقية معترف بيها صح بس ينرادلها معادلة ولازم تاخذ لايسنس حتى تكدر تشتغل اما بالنسبة للتدريسي يمكن لو كان عندي خبرة بالتدريس مثل حضرتك كان شفتلي مجال وخشيت بهذا المجال بس ماعندي وهم كان عادلتها الشهادة مالتي بهاي الشركات اللي نعرفها وكان اشتغلت تدري المشكلة وين المشكلة كلها بالاقتصاد الاقتصاد تعبان لو ما الاقتصاد كان كدر الواحد يشتغل باختصاصة وبالشهادة العراقية لانه هسة الشركات ممجبورة تشغل واحد اولا عراقي وثانيا شهادتة عراقية وماعندة لايسنس وينطوه 40 دولار بالساعة في حين المهندسين الامريكان متوفرين ولغتهم احسن واهل البلد وعدهم كردت هذولة جماعتك واصدقائك جايين من زمان يعني الاقتصاد كان ممتاز يعني اكو فرصة عمل متوفرة لتصور اكو واحد بكدي حاول يقدم علة شركات هندسية وكان المتطلبات مالتهم نريد رخصة وخلي اي واحد يجرب يسوي بحث عمل بمجال هندسي وخلي يشوف شنو المتطلبات مالتهم اول شي هي لازم يكون عندك fe هاي اقل شي ومرات حتى هاية ميعترفون بيها يريدون pe اللي هية اعلة منها وارجع واكول اللي عندة عائلة نسبة النجاح عندة 50% من اللي ماعندة عائلة وصديقي فكنزوا يكول اللي عندة عائلة لازم يجاهد اكثر حبيبي انت شايف مسؤلية العائلة بامريكا من تجي وادعي من رب العالمين تتزوج وعود اتذكرني ذاك الوكت والله متلحك تحك اذانك هههة وعود بعدين اخذ الدكتوراه ماتلك من تتزوج لتزعل فكنزوا بس صدك دعيتلك تزوج حتى تشوف المسؤلية شنو هية واخيرا اشكر اخونا الدكتور ماجد علة توضيحة بس صدك اللي حجيتة هسة اني صحيح 100 % وماكو اي تحريف بس الاخوان عبالهم اني دا ابالغ بالموضوع واكو غير طرق تعوض هاي الطرق اللي ذكرتها مع الشكر

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
صديقي الذكي...وانشاء الله دوم ذكي
انت دتكول بردك الاخير انه الشركة الهندسية كاموا يضحكون واحد الاسباب انه شهادتك ما معادلهه !!!
تكدر تكللي شنو اللي معطلك عن المعادلة ؟؟؟؟؟؟؟؟؟؟؟؟؟؟؟

هاي وحدة
وثانيا ولو احتمال نطلع عن موضوعنه شوية ونفوت بسوالف شخصية بس تكدر تكللي منو اللي جبرك بوكت اللي قررت تتزوج وكللك تعال ذكي اللا تتزوج اليوم وتخلف هم ؟؟؟؟؟؟؟؟؟
اخي قابل اني مو طبيعي لو راهب بس غير حاسب حساباتي بالثاو
ماكو احلى من الزواج  ;D ;D ;D عسل
بس تدري قبل فترة تناقشت وية والدي بهالموضوع واني عمري مو زغير وهو فد انسان مثقف بشكل غريب بالنسبة لمجتمعنه فكاللي اذا الك نية بالدكتوراه فدير بالك تورط نفسك بالزواج لان اي شي قبله تسويه بساعة راح يرادلك 10 ساعات حتى تسوي نفس الشي بعد الزواج
فاعتقد قرار الزواج هو مسألة سيطرة عالنفس مو اكثر
وموضوعنا ترة ميشمل تأثير عدد الاطفال على معادلة الشهادة
وانشاء الله اول ما ابدي بالكورسات اتصل بيك اذا الله انطانا عمر

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
تدري شنو صديقي فكنزوا اني قصدت علة كلام الاخ ماجد لمن كال اصدقائة اشتغلوا بشركات هندسية بشهاداتهم العراقية طبعا الشركة يضحكون لانه اولا مو اختصاصهم اني شهادتي وكلولي اذا تريد تشتغل بشهادتك لازم تمتحن الللايسنس وتعادلها فاني الحمد لله عادتلتها شهادتي وبالبداية كانت اكو معرقلات بالمعادلة وشرحتلكياها من حجينة علة الخاص بس الحمد لله انحلت بس بقة موضوع الامتحان واني هسة ممستعد لانه تعرف اللي يشتغل فول تايم مو مثل الكاعد بالبيت فمنين تجيب وقت وتقرة بس هو هذا الامتحان هو الحل الامثل لكل المشاكل بس وكل واحد وضروفة وثانيا مسالة الزواج فاني متزوج حتى قبل ما اطلع من العراق واجي لدول الجوار وبعدين امريكا وهاي شي بايد ربك ما اكدر لا اني ولا انت تتحكم بيه واتصور حتى اذا امتحنت اني هذا الامتحان ونجحت وصرت مؤهل للشغل فالشركة اللي دا اشتغل بيها مراح اصلا يقبلون بية كمهندس لانه مراح افيدهم همة ميكانيك واني مدني المهم اني دا اقصد علة كلام الاخ ماجد انه زمن اصدقائة مو مثل هذا الزمن اكو الاف المهندسين الامريكان ماليين الشوارع وهمة اهل البلد ميجون يشغلون عراقي وبشهادتة المعادلة ويجون ينطوه راتب مال مهندس امريكي هسة تكولي يمكن لتشتغل براتب مهندس اشتغل باقل شوية واني حاولت بيها بس يكولك قانون ميصير اذا اشغلك مهندس لازم انطيك راتب مهندس وانت ماعندك خبرة بمجال عملك بامريكا فتعذرني ما اكدر اهيرك يعني اوضفك المهم والله اني اتمنالك كل الموفقية انشاء الله وتبدي كورساتك عمي افرحلك اني تكمل دكتوراه وحتى مابعد الدكتوراه مثل مسوة ابن عمكم الجبير طبعا تعرفة كلش زين اخذ مابعد الدكتوراه وهو كلشي ميفتهم علة الاقل انت اولة منة وكفوء احسن منة مع تحياتي الك

غير متصل ROCK

  • عضو فعال جدا
  • ***
  • مشاركة: 449
اخي الذكي ..
صراحة وبعد الي قريته من ردودك .. اني اعتذر عن اي تجاوز غير مقصود .. انته فعلا انسان تعبان على نفسك ومثال يقتدى بيك .. ياربي اتمنالك الموفقية .. وربك يفتحها بوجهك وين ما تروح بس عندي طلب يمك

ياريت لو تبين النا العراقيل الي واجهتها من حاولت تعادل الشهادة مالتك والي حجيتها بالخاص للاخ فكنزوا .. خلي الموضوع عام حتى العالم تستفيد منه ..

تحياتي واتمنى تقبل اعتذاري مرة ثانية .. بس هم على كيفك وية العالم .. ;D ;D

اخوك رووك

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
اشكرك اخي العزيز عالتوضيحات
وتعبتك وياية
واني هواي تعلمت منك واستفاديت من النقاش وياك
واللي افتهمته انه انت معادل شهادتك بشركة معادلة بس عندك شوية تشاؤم لان صارلك فترة طويلة تقدم على شغل باختصاصك وبشهادتك (او شوية اقل) بس ما حصلت لحد الان
فاتمنالك ان تمتحن احد الامتحانين اللي هواي انذكروا هنا وفي مواضيع سابقة كثيرة حتى بعد متبقى عند ال employers اي حجة و وياهه او بدونهه ان تحصل شغل انسب الك ولمستواك من العمل اللي دتقوم بيه حاليا
واني بصراحة جدا معجب بيك لان انت بطل وما كلت امريكا مو زينة او لحد يروحلهه رغم اللي انت بيه وعملك اللي ما عاجبك ترة اختبار من ربك ولازم تصبر عليه وتسعى شكد متكدر حتى تغير هالواقع واني ادري بيك سبع وميرادلك تشجيع مني او من غيري

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل مهندس ضياء الشم

  • عضو فعال
  • **
  • مشاركة: 53
السلام عليكم ورحمة الله وبركاته
شكر خاص لصاحب الموضوع
 وللاستاذ الدكتور ماجد رضا واتمنى نقتدي بالدكتور وباسلوبه الراقي
وشكر لجميع الاخوان المشاركين بالموضوع الذين ارفدونا بمعلوماتهم القيمة

طبعا اخواني انا خريج كلية الهندسة القسم المدني قبل السقوط وصباحي وبصراحه استغربت من اسلوب بعض الاخوان خريج قبل السقوط وبعد السقوط ومهندس نص اردان وما اعرف شنو بعد
رجاءا اخواني المهندسين تره ماكو داعي لهاي الالفاظ الي تقلل من شان المهندسين وخلو ببالكم ان هذا الموضوع يقراه الكثيرين ومن مختلف الاختصاصات والشي الي متاكد منه من خلال تجربتي العمليه انو نضرة الناس للمهندسين تره والله مو شويه  فماكو داعي نقلل شاننا بايدينا
وحبيت اسال احد الاخوان شبي المهندس الخريج مسائي؟؟؟؟  اشو نفس الاسالة الي كنا نمتحن بيهه كانو هم ايضا يمتحنو بيها وجالسين معانا بنفس الكراسي بالامتحانات النهائيه

اما الاخ الذكي انا والله مقدر جدا وضعك ومو سهله مهندس وتعبان على نفسك وتشتغل بشغله  عاديه والشغل طبعا شرف بس تحز بالنفس جدا  وواضح من اسلوبك بالكلام انك جدا متاذي بس يا  عزيزي اتمنى لو يكون طرحك باسلوب اقل حدية حتى يتقبلها الاخرين وبنفس الوقت نستفاد من خبرتك

شكرا جزيلا اخواني الاعزاء
واشد على يد الاخ بيرج بتثبيت الموضوع

اخوكم ضياء

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
صديقي ضياء راح اجاوبك بأختصار
نتيجة خبرتي بالتدريس الجامعي بكليات الهندسة الحكومية والاهلية ولفترة مو قصيرة شفت بعيني ومحد كاللي انه تدريس الهندسة (بكل اقسامهه) ونوع الطلبة اللي ينقبلون بيهه بانحدار مستمر من السبعينات بالقرن الماضي لليوم واقوى هبطة بالمستوى العام صارت ببداية ووسط التسعينات
حاليا اني من كل 50 طالب عندي تقريبا اعتبر واحد منهم راح يصير مهندس من صدك والباقي حاملين لشهادة الهندسة بس من يصير عالمحك بدول متقدمة مثلا راح يفشلنا ويطلع هببياض
وهذا واقع مو تجني واني متأكد انه استاذ ماجد يشاطرني الرأي مع فارق محتمل بالتفاصيل
اخي الدراسة مهزلة ومو كل واحد ينجح بالامتحانات يعني نجح لان اساس تدريسك وتقييمك وضروف البلد كلهه فوضى في فوضى
بس هذا مينفي وجود طلبة نوابغ ومجاهدين حقيقيين صاروا مهندسين مبدعين بس مع الاسف نسبتهم ضئيلة وما عاجبتني

بالمناسبة الكلام اعلاه يشمل حتى الدراسات العليا
يعني تصور انه طالب مدري شلون طلع معدل 65 بالبكلوريوس وبزمن صدومي جان عضو فلكة لو هسه مدري بيا حزب لو كرايب العميد لو الوزير ينقبل ماجستير واول ما يلغمطهه للماجستير ويخلص يصير استاذ ويلبس قاط ورباط ويشيل سبحه ههههههههه
لو حتى 65 ما يدبرهه يروح لماليزيا لو للهند اذا عنده جم فلس وهم كلاوات ويرجع استاذ كلهه تاخذله تحية بس جيبلياه دا اسأله علميا يطلع كلشي ماكو وشتسأله يفرهه على انه هذا مو اختصاصي مثل من تسأل طفل على تهجي كلمة يكلك والله "داران" صعبة وما واصليلهه بالقراءة
فلاتزعل من كلام البعض
اما التقسيم بالتسميات مثل المسائي والصباحي فاني اتفق وياك لان اكو مرات يطلع احد طلاب المسائي احسن من كل طلاب الصباحي بس هاي نادرة جدا لان ذولة بالاعدادية كانوا شطار وعدهم معدلات تثبت هذا الشئ فصعب يجي واحد دافع فلوس ويعبرهم
لان لو هيجي بيه زود كان بينه بالثانوية
مو لو مومو

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Engineer82

  • عضو فعال
  • **
  • مشاركة: 69
سلام عليكم اخوان
بالنسبه للمهندسين اني اشوف بانه 99 بالميه من طلاب الهندسه هم اذكياء لان (خاصه الجامعات الكحوميه والصباحي بالذات) طلعوا معدلات مو قليله بالسادس وفرقهم عن الطبيه كم درجه اذا مو كم عشر ومعروف للكل بانه الهندسه بالجامعه اصعب ويرداله ذكاء اكثر لان ما بيه كلمه درخ
فليش كل 50 مهندس واحد بيه خير ؟؟؟؟زين الطبيه شنو نوابغ كلهم ؟؟؟هم دروح شوف المستشفيات كلهم اطباء ميعرفون يضربون ابرة
بس المشكله هي بانه اسلوب التدرس بالعراق فاشل يخلون الطالب طول الوكت يركض على مختبرات وشغلات يعرفون كلش زين بانه كلاوات وواحد راح ينقل علخ
محد يعرف يخليك اتحب الماده (ومعروف على الدراسه برة بانه اول شي يخلوك تحب الماده)
وثاني نقطه وهي اختيار الفرع
اذا تحب حاسبات طول عمرك يخلوك مكائن واذا تحب كيماوي ونفط يخلوك معماري وهكذا هذا نظام العراق
كلنه رحنه فروع منحبه لان محد يكدر يختار كله علمعدل
فالطالب اذا ميفوت محاضره او محب الماده وما اطور بيه لان ميحب اختصاصه ومو معناه غبي او مو طموح بالعكس اتشوفه من يتخرج ينجح باشياء اخرى
والدليل اصدقاء الي خريجين فروع كيماوي ومواد صاروا هسه مدراء شركات ويشتغلون بغير اختصاص وكملوا ماستر بفروع غير فروعهم فدائما الجامعه مو مقياس مرات تشوف اوائل بس ضلوا مثل ما هم ورة التخرج
يجوز ماعنده حظ كافي او شخصيته(الي يمكن هي اهم شي ) ما ساعدته او ظروفه بالحياه (يعني مو كلشي الدرجات)
والمسائي هذا لازم واحد يحترمهم كلش لان ديمتحون نفس امتحان الصباحي بس الفرق بانه مطلع معدل بالسادس يمكن مكدر يدرس لظرف ما او كله هي حظ الشغله
فالبتالي كلمن خلص هندسه هو شخص ذكي بس الباقي يعتمد على طموحه طبعا ومقدار تعبه وعلى الحظ لان كلشي بالحياه قسمه ونصيب محد يكدر يكول على فلان فاشل لا محد يعرف وضع الخ وظروف الخ
تمباتي للكل بالتوفيق

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
حبيبي ابو ال 82 اني دا احجي عن تجربة ومن اللي دا اشوفة ومن المقارنة مع المهندسين الامريكان مثلا اللي جنت اشتغل وياهم مو حجي عواطف
ورجاءا ساهمو بالموضوع مساهمات بناءة ولا تبعدونا عن جوهر الموضوع اللي هو حول الاشياء اللي تكدرون تسووهه بعد وصولكم لامريكا

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Engineer82

  • عضو فعال
  • **
  • مشاركة: 69
يا حبيبي اني همين مهندس وا احجيلك تجربتي وتجربه اصدقائي وحياه عشته
فهذا دليل مالي علاقه بتجارب غيري
اشكركم على الموضوع وياريت نعرف من الاخوان (الي هم بالخارج خصوصا) شكد ميكدرون على تفاصيل الدراسه
مو جايين نصنف هذا مسائي وهذا صباحي وهذا شاطر وهذا بردن وهذا كيمونه
مشكوررررررررررررررين اعزائي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
انت "همين" تعرف بس جماعتك واني دا اكلك مخرج اجيال ولعقود
عالعموم كل الهلا بيك بمنتدانا

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
حبيبي روك مصار شي مجرد سوء فهم وعادي لامحبة الا مابعد جدال علة كل المعرقلات كانت انه الجامعة التكنولوجية والمسؤلين الشرفاء اللي بيها اخروها معاملتي ومدزوا كتاب صحة صدور للشركة مال معادلة الا بعد ستة اشهر طبعا اللي ديسوي المعادلة مالتي كلي انت محضوظ اكو ناس معاملاتهم نايمة قبل سنتين كتلة اللي يدري يدري واللي ميدري خلي ميدري احسن عمي قبل متجون لامريكا نسقوا وية احد الموضفين بالجامعة حتى لمن شركة المعادلة تدز كتاب للجامعة يسويها الكم والا متصير لانه ميريدون اصحاب الشهادات تطلع برة وثانيا اخي فكنزوا وصديقي لويش دا اكول امريكا زينة لو مو زينة قابل راح اغير شي من الواقع عبرت محيطات اني تدري علة كولتك صدومي هسة لو يكوم من القبر هم ما ارجع خلينا عمي نعيش عوائلنا وكاعدين وساكتين وندرس صرنة مهندسين امريكان صرنا مصرنا خلينا علة الانتري لفل والله كريم وبيك خير وتدلل اي سؤال اني حاضر سويتلي وهس مازال استفاديت مني

غير متصل Engineer82

  • عضو فعال
  • **
  • مشاركة: 69
اخي الذكي ياريت انت والي بامريكا يحجولنه
على اول خطوة الواحد يسويه من يوصل شنو؟؟
بالنسبه للجاي الجديد
طبعا ورة ما يستقر
شلون تصير المعادله؟؟؟ نقدم لجامعه لو شركات معادله؟؟
وزين من عادلت دفعت فلوس شكد؟؟وتفرق من جامعه لجامعه؟
وطلبو منك توفل او جي ار اي؟؟وهل درست دروس اضافيه؟؟؟
وشكد اخذت وقت المعادله
بغض النظر عن موضوع صحه الصدور لان هاي مسأله نسبيه

زين من نعادل نكدر نكمل ماستر وراه؟؟؟وهل يفيدك بالشغل راسا لو اخذت ماستر
 لو همين يكولوك امتحن رخصه؟؟

لو نكمل دبلوم احسن؟؟
اسف دوختك بس ياريت تكدر تفيدنه

غير متصل عبسي

  • مبدع قسم الهجرة
  • عضو فعال جدا
  • *
  • مشاركة: 673
اخوان ممكن سوال بلا زحمة
اكو مشكلة انتو ذكرتوها وتشمل كل الاختصاصات الا وهي من تريد تعادل شهادتك او تكمل دراستك تحتاج صحة صدور من كليتك ومثل ما كلتو المعاملات تنام بالكليات
سوالي هل اكو معقبين محترفين لهاي المعاملات حاليا في بغداد يعني يكدر يتابع الكتاب وين وصل ويدبر شلون ما يخليه ينام بالكلية؟؟؟؟؟؟؟؟؟؟؟


عبسي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
صديقي عبسي الكندي
هاية هم تنحل بالطليان  ;D ;D ;D ;D ;D ;D ;D ;D

اني حاير اوصي اصدقائي اللي ديشتغلون مدرسين بالجامعة مالتي اللي احتمال تشتغل عدهم الغيرة والحقد ويكومون يخبثون لو الموضفين مال تسجيل الدراسات اللي هم من كد ما اني مراجعهم سابقا صرنا اصدقاء وتلفونات وابو فلان وام فلانة وهم ما اكدر اعتمد عليهم لان ما مجربهم بهيجي شغلة

عن X  عن Y  عن ابيه عن ابن خالته قال...
اعتمدو على اهلكم وكرايبكم واصدقائكم اللي باقين بالعراق ومو صعبه عليهم مراجعة الجامعة علمودكم وميتعاجزون واهم شي يوصلولهم لفد واسطة موضف لو مسؤول بالجامعة المعنية لان ما اعتقد اكو اي معقبين
لان قبل فترة معضم الجامعات اللي ببغداد بدأوا يمنعون السيارات مال الطلاب تدخل للحرم الجامعي وحتى الموضفين والاساتذة اللي ما شايل هوية حتى اذا سيارته بيهه باج حديث لاقتراب الانتخابات هههههههههه
فهواي ناس احترمو نفسهم وكاموا يروحون ويجون كحف حتى يتجنبون المذله يم هالاطفال اللي مسوينهم امن بباب الجامعات
فشنو حال المستطرق اللي يلعب دور المعقب  ??? ??? ???
كلش صعبة عالمواطن العادي يدخل لداخل الجامعة اذا عنده مراجعة واذا صارت فلازم يروح مشي مو بسيارته وينطي هويته او جنسيته بالباب ويسألوه عن سبب مراجعته
قابل هي دائرة تجنيد مال كبل لو جوازات مال هسه

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
حبيبي engineer 82 اول خطوة من تجي لامريكا طبعا من ورة متستقر اذا تحب تدرس ماستر تروح للجامعة وتشوف متطلبناتهم شنو اكيد راح يكولون جي ار اي وتوفل وبعدين يمكن ال gpa مالتك مو كافي يكولولك ادرس كم كورس حتى ال gpa مالتك يصعد وياهلك تدرس ماستر لانه عدهم gpa خاص بيهم اقل شي لازم يكون 3 المهم ويدزوك علة شركة معادلة وهمة يطلبون من الجامعة مالتك صحة صدور من الجامعة مالتك بس طبعا الجامعة الامريكية تخليك تدرس عادي وتحضر محاضرات وتمتحن بعد ما تحسن ال gpa مالتك وبعدين مينطوك الشهادة مالتك الة اذا انت جايب صحة الصدور قصدي الجامعة دازة صحة صدور الهم يعني عدهم ثقة بالواحد ومن تخلص ماستر نرجع للامتحان لازم تمتحنة همينة بعد متخلص ماستر اكو طريق اخر تروح لشركة مال معادلة ونفس الخطوات ويعادلون شهادتك بعد متجي صحة الصدور الهم بس هاي مابيها gpa الا اذا كانت درجاتك كلش سحك بحيث ال gpa مالتك كلش واطئ بهاي الحالة ميعادلوها يكولولك لازم تدرس ويعادلوها وتصير مهندس بكالوريوس ولازم هم تمتحن الامتحان وتصير مؤهل انه تشتغل وهاي هية ماكو غير هاي الطرق

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
عاااااااااشت ايدك صديقي الذكي
لخصتهه كلهه
بس عندي فد ملاحظة تكمل المعلومات مالتك وتسهلهه
وهي
ال GPA اي معدل التخرج من الشهادة السابقة والمشروح في موضوع الدكتوراه من قبل اخوية تايكر التلكيفي على هالرابط
http://www.ankawa.com/forum/index.php/topic,281251.0.html
نقلا من ويكيبيديا

مو اللا يكون فوك فد threshold مالة قبول لان اني كنت جدا متشائم من هالسالفة بس بعدين البروفيسور اللي بالجامعة الامريكية اللي اني مقدم عليهه واللي ديساعدني بالتقديم كللي انه هو راح يشرح للجنة مالة القبول شلون الوضع مخربط بالعراق وانه المعدل مو شرط يعكس قابلية الطالب اللي جاي من العراق
بس هو اكيد مفيد اذا درجة عالية
واللي اني كلته ترى يعتمد على علاقات المتقدم للدراسات وعلى جهده بتوضيح الوضع عندنا لهم عند التقديم

نقطة ثانية جدا مهمة هي النشر
نصيحة لاي واحد يريد يقدم دراسات بامريكا ترة همه يقدسون اللي ناشر papers او اوراق او مقالات علمية بدوريات معروفة باختصاصه

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Engineer82

  • عضو فعال
  • **
  • مشاركة: 69
مشكور اخ ذكي على الرد
بس يمكن هاي الشغله لازم تصير ورة ما نحصل على كرين كارت !! علمود نكدر ننقدم على ماستر او معادله بجامعه؟؟
يعني متطلباته بين قوسين( كرين كارت +توفل +جي ار اي + فلوس الدراسه) !!

واخي vincenzo عاشت ايدك على موضوع دكتوراه قريته كله وموضوع حيدور على خطه امريكا
وانت كاتب عن اهميه كتاب Barrons.How.to.Prepare.for.TOEFL.Essay
فسويت سيرج عليه ونزل عندي 271 صفحه ما اعرف اذا هو كامل هيج
هذا اللنك للي يريد يستفاد منه   
http://www.megaupload.com/?d=NYLYD9WD

غير متصل عبسي

  • مبدع قسم الهجرة
  • عضو فعال جدا
  • *
  • مشاركة: 673
زين فيكنزو حبي انتة ليش ما تقدم اوراقك لشركة معادلة باميركا وانت بالعراق حتى تتابع بايدك واستنادا الى مثلك الشهير (ما حك جلدك مثل اظفرك)


عبسي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
والله يا خوية يا عبسي اني سويتهه بس تاخذ وقت وبعد ما كملت واول ما تكمل انزل تفاصيلهه
طبعا اللي دفع فلوس الشركة صديقة امريكية طيبة وبنت اوادم من نيو جيرسي وهي اللي حاط عنوانهه بكل معاملتي بس خايف لا انرفض بالكوم ابروفال اللي مضوجك واللي صار اطول من فلم الرزالة

صديقي 82 اكو كتاب لاخ يعتمدوه بالدورات مالة التوفل بس اني ما مكلبه بصراحة بس اشو كلهه تسولف بيه اسمه Longman بس اسم الكتاب بالضبط ما اعرفه
واني بارون كلش عجبني وبعدني لهسه ما ضابطة كلش يعني ينراد تقراه اكثر من مرة واكو هسه كتاب سوري هم مثل طاهر البياتي نسيت اسمه كلش راقي غلافه احمر وكلش متوفر بالمتنبي مثلا للي ببغداد

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Engineer82

  • عضو فعال
  • **
  • مشاركة: 69
اخواني وهذا كتاب عن GRE
لنفس المؤلف
http://www.esnips.com/doc/577e6068-415c-45f9-ab95-2a9620163f73/Barrons-How-to-Prepare-for-the-GRE-12th-Edition

عباره عن 669 صفحه
للي يريد يطلع عليه
موفقين

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
عاشت ايدك على روابط التحميل وردة
بس دير بالك ترة اكو جي ار اي عام بيه لغة ورياضيات اساسية
بينما اكوGRE الل specific subject مثل الهندسة والفيزياء ... الخ
وبعض الجامعات الراقية هم تطلبه

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 688
  • الرب راعي فلا يعوزني شئ
حبيبي الغالي enginer 82 الكرين كارد ما الة علاقة بالتقديم علة الدراسات العليا ولا بالمعادلة للشهادة ومتاكد من هذا الكلام هنانة بولاية اوريغون اكدر اخذ مساعدات مالية حتى بالوايت كارد ومن اول يوم من وصولي امريكا اكدر اخذ مساعدات مالية الكرين كارد ما الة علاقة بكلشي هاي بس الكرين كارد يطلبوا بولاية كاليفورنيا ومتكدر حتى تدرس لغة الا بعد متحصل علة كرين كارد هاي بس بكاليفورنيا لانه اقتصادها تعبان مع الشكر

غير متصل National

  • مبدع قسم الهجرة
  • عضو فعال جدا
  • *
  • مشاركة: 375
أعزائي وعزيزاتي السلام عليكم
اني عندي سؤال وامدوخني بلكي اتساعدوني بيه
اني شهادتي امترجمهه وعندي شهادات خبره من شركات امريكيه مشهوره اشتغلت بالعراق مثلWashington goup, GRD,etc. وانشاء الله عن قريب السفر مالتي للولايات المتحده وعن طريق برنامجSIV لكن مشكلتي أسمي بالجواز بعض الاحرف طابعيهه تختلف عن الاسم الموجود بالشهادات مالتي بس اللفظ نفس اللفظ ينلفض هل هاي المسأله اتسبب لي مشاكل طبعا اني راح اروح للجامعه واغير الاسم مثل ماموجود بالجواز لكن اشلون بشهادات الخبره من الشركات الامريكيه علما انه هاي الشركات مقراتهم بواشنطن وولايات اخرى وشتنصحوني اجيب وياي وثائق لغرض معادلة الشهاده والعمل وتقبلو خالص تحياتي
أخوكم NATIONAL
لـِنكُنْ آروَاحْ رَاقِـيَـة
نَتسـامْى عَنْ سَفـاسِفَ الأمُـورْ وَعـَنْ كُـلْ مَـايَخِدشُ نـَقائِنـا
نًحترِمْ ذآتنـَا وَنـَحتـِرمْ الغَـيْر .. عِنـدَمـْا نتـَحدثْ نتحَـدثْ بِعُمـْق
نـَطلبْ بـأدبْ .. وَنشُكر بـِذوَقْ .. وَنـَعتذِرْ بِـصدقْ
نتـَرفـْع عَـن التفَاهـَاتـْ والقِيـلَ والقـَالْ

غير متصل جوني جاك

  • عضو فعال جدا
  • ***
  • مشاركة: 659
  • الجنس: ذكر
  • مابقى عقل براسي ( هذا هو حالي )
زين اخوان اني اريد اسال كم سؤال
اكو قروض او منح يكدر الواحد يستفاد منها؟
وتختلف من السنكل للي عندة عائلة؟
وشكد تغطي من مصاريف الدراسة اذا للماجستير او اذا للمعادلة مال البكالوريوس؟
وشكرا

جوني جاك
()

منتظر الموافقة الامنية منذ السادس 2009

غير متصل جوني جاك

  • عضو فعال جدا
  • ***
  • مشاركة: 659
  • الجنس: ذكر
  • مابقى عقل براسي ( هذا هو حالي )
يرفع للفائدة والله يوفق كل من ساهم في هذا الموضوع

جوني جاك
()

منتظر الموافقة الامنية منذ السادس 2009

غير متصل National

  • مبدع قسم الهجرة
  • عضو فعال جدا
  • *
  • مشاركة: 375
اني عندي سؤال أعلاه وامدوخني بلكي اتساعدوني بيه ولكن لاجواب  !!!!!!!!!!
لـِنكُنْ آروَاحْ رَاقِـيَـة
نَتسـامْى عَنْ سَفـاسِفَ الأمُـورْ وَعـَنْ كُـلْ مَـايَخِدشُ نـَقائِنـا
نًحترِمْ ذآتنـَا وَنـَحتـِرمْ الغَـيْر .. عِنـدَمـْا نتـَحدثْ نتحَـدثْ بِعُمـْق
نـَطلبْ بـأدبْ .. وَنشُكر بـِذوَقْ .. وَنـَعتذِرْ بِـصدقْ
نتـَرفـْع عَـن التفَاهـَاتـْ والقِيـلَ والقـَالْ

غير متصل Mark_usa

  • نجم منتدى الهجرة و اللاجئين
  • عضو فعال جدا
  • *
  • مشاركة: 160
  • الجنس: ذكر
تحية طيبة للجميع،

اني طالب ماجستير في اختصاص هندسي في احدى الجامعات الامريكية،
احب ان اشارك ولو ان الموضوع قديم، لكن اعذروني لاني ادخل الموقع بفترات متقطعة اغلب الاحيان،

راح اشارك بنقاط لأحاول ان أفيد بما اعرف وباختصار لتسهيل الفكرة ولتقليل مدة الكتابة لاقل مايمكن،

1. النقطة الاولى طبعاً هي معادلة الشهادة العراقية، هناك في ارشيف المنتدى عدة مراكز،من اكثرها شيوعاً هي wes، ece وغيرها ، وانا افضل الاولى (تقع في ملواكي/ ويسكانسن) لانها اسرع نسبياً من الثانية ولا تتطلب سوشيل سيكيوريتي عند التقديم لذلك يمكن استغلالها للمهاجرين الجدد لمعدلة وثائقهم www.ece.org راجع الموقع للمزيد من التفاصيل.

2. بالنسبة الى التوفيل والجي ار اي فارشيف الموقع مليء بمئات المواضيع واللينكات التي تغني عدا عشرات الكتب والبرامج الدراسية للغة الانكليزية والدورات المتاحة في الكليات، راجع الارشيف للتتعرف عليها.

2. بالنسبة الى شهادة المهندس المحترف او المجاز PE، فيمكن للراغبين التقديم عليها، لكني لا اجد انها ضرورية جداً في البداية، فهي تعطيك ميزة التصديق على التصاميم والتوقيع على المعاملات الهندسية وهي بنفسها تتطلب خبرة مسبقة وان تكون قد عملت مع شركة او باشراف مهندس مجاز يمتلك نفس هذه الشهادة لبضع سنوات لذلك اجد ان الحصول على الخبرة العملية من خلال محاولة ايجاد عمل في الاختصاص ان امكن  او الحصول على شهادة اكاديمية امريكية مقدماً  وباعتقادي ان هذا اولى من القفز والتقديم على هذه الاجازة واذا عندة احد قول اخر فليفيدنا ايضاً.

3. بالنسبة الى نفقات الدراسة العليا فهي تختلف حسب الجامعة لكنها بمعدل 500 دولار +/- للكريدت الواحد (:ساعة دراسية في الاسبوع/سيمستر). عموماً دراسة الماجستير تتطلب 32 كريدت كورسات او كورسات واطروحة.

4. التمويل: هناك عدة طرق للتمويل كاش من جيبك اذا عندك، قرض دراسي، منحة دراسية (اذا انشملت بيها)، سكولارشب ، فلوشب، انترشب، اسستانت شب، انتيرنشب. راجع موقع الجامعة التي ترغب بها لمعرفة تفاصيل كل منحة وامكانية شمولك بها تجدها مشروحة هناك بتفاصيلها وشروط لايسعني طباعتها كلها هنا.

النقطة المهمة والمعلومة الجديدة الجديرة بالذكر هنا: هي برنامج جديد اطلقه الرئيس اوباما وهي منحة دراسية قيمتها خمسة الاف دولار تدفع للاشخاص الذي ليس لديهم عمل ويرغبون بتطوير امكانياتهم المعرفية عن طريق تكملة دراستهم او الدخول بأي برنامج دراسية لمدة اقصاها سنتان، وانا في طور التعرف على المزيد في هذا البرنامج وهو متواجد في ميشكان والمفروض انه متوفر في ولايات اخرى،

فاذن يمكن استغلال هذا البرنامج للدخول في اي برنامج سواء في الكوميونيتي كولج في برنامج مهني معين (سيكيو مثلا) او لتكملة الماجستير الخ، راجع دائرة العمل في الولاية التي تقطنها لمعرفة المزيد عن هذا البرنامج وتفاصيله.


متمنياً للجميع التوفيق
 

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
اخوية مارك
عاشت ايدك
ممكن على فرغاتك تحجيلنه شكد احتمالات ان واحدنة ينرفض اذا قدم على دراسات وحضر كل الاشياء اللي انت كلت عليهه؟؟

وممكن بس تنطينة راس الشليلة حول الحصول على قرض او منحة للدراسات العليا او وحدة من هذني اللي ينتهن بSHIP  ;D ;D

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Mark_usa

  • نجم منتدى الهجرة و اللاجئين
  • عضو فعال جدا
  • *
  • مشاركة: 160
  • الجنس: ذكر
شكراً فينجينزو،

ماعندي ارقام لاحتماليات الرفض في الدراسة في جامعة معينة ، بس هو يعتمد ببساطة على شروط البرنامج والجامعة الي انت مقدم عليه، اني ما اعرف انت شنو تريد تكمل ووين، لكن حتى اذا كان هناك رفض في مكان ما تكدر تحاول تطلب قبول مشروط (وهو قبول مبني على اساس انو انت لازم تنجح بدروسهم بدرجة عالية حتى ينطوك الشهادة).
لكن دائماً راح تكلى اكو جامعة اخرى مو قاصرة تقبلك.

التمويل عن طريق المنح الحكومية او قرض الدراسة يكون بالتقديم اون لاين على موقع موحد في وزارة التعليم الامريكية http://www.fafsa.ed.gov ، تحتاج ان تملك رقم سوشل لتدخل في البرنامج.

اذا كان هناك اي منح محلية اخرى تتعامل بها الجامعة التي تريدها اتصل بقسم الفانانشان ايد في جامعتك.

بالنسبة الى هذني الي ينتهن بالشب: يعتمدون على فاكتر رئيسي هو التنافس على GPA للمتقدمين في مقابل عدد المواقع المتوفرة.

تحياتي

غير متصل megalove

  • عضو فعال جدا
  • ***
  • مشاركة: 256
الأخ الدكتو ماجد رضا
شكرا جزيلا على ردودك على أستفسارات الاخوة الأعضاء بخصوص فرص عمل المهندسين ولكني و أن كنت مهندسا للأتصالات أود السؤال عن مناخ ولاية فلوريد من ناحية درجة الحرارة - مستوى الرطوبة- و هل تمر فيها اعاصير أرجو أجابتك الكريمة بحكم اقامتك اكثر من سنة في هذه الولاية- و ارجو (اذا مبيهه زحمة عليك) ان تخبرني عن أفضل مدينة في فلوريدا من ناحية توفر فرص العمل- وسؤال أخير وشخصي و لكم الخيار في الأجابة و هو لماذا أخترت هذه الولاية التي يسكنها اكثر من 17 مليون نسمة ؟
مع تحيات أخوكم   Megalove

غير متصل raadmteer

  • عضو فعال جدا
  • ***
  • مشاركة: 241
  • بدأ عمرنه بالتأميم وخلص بالتحرير والحمد لله
    • http://img512.imageshack.us/f/ridha17xt5.jpg/
اخواني الاعزاء

اني عادلت شهادة الهندسه من خلال وزارة التعليم العالي والبحث العلمي الاماراتيه وانطوني شهادة معادله. هل هاي المعادله تاكل بأمريكا؟؟
سؤال ثاني، اني قدمت مفردات شهادتي الى جامعه امريكيه بسنة 2007 من خلال شركة وساطه وبالفعل دزولي شهادة من هاي الجامعه مختومه ومصدقه من قبل وزارة الخارجيه الامريكيه وكذلك السفارة الاماراتيه في واشنطن وهذا طبعا مقابل مبلغ 4000 دولار امريكي .
ارجو ان تبينو لي ان كانت احدى الشهادتين المذكورتين اعلاه تاكل بأمريكا لو لا؟؟

وشكرا للجميع
اهم شي العزه والكرامه

غير متصل raadmteer

  • عضو فعال جدا
  • ***
  • مشاركة: 241
  • بدأ عمرنه بالتأميم وخلص بالتحرير والحمد لله
    • http://img512.imageshack.us/f/ridha17xt5.jpg/
ها اخوتي اشو ماكو جواب؟؟
شويه همتكم عمي
اهم شي العزه والكرامه

غير متصل tubee_goodguy

  • عضو
  • *
  • مشاركة: 11
مرحبآ اخوان شكرآ على الموضوع الجميل اني قريت كل التعليقات بيها الي يهبط المعنويات وبيها الي يرفع المعنويات اني بالنسبة الي خريج هذا العام اختصاص هندسة ميكانيك واريد ادرس ماستر بامريكا وهسه بديت احضر للتوفل ووراها للجي ار اي على اعتبار انه هي من الشروط الاساسية للقبول....اني اكثر شي خايف منه هو انه اني ما عندة ثقة بالدراسة الي درستها بالعراق خصوصآ خلال ال2006 وال2007 والسبب مو مني انما الضروف الي جانت بذاك الوكت والاساتذة الي درسوني كلهم ما عدهم اي خبرة وقسم بيهم حتى ما فاهمين المواد وهسه الدراسة بالعراق صارت كلش كلش تعبانة وصدكوني مو السبب الطلاب انما المنهج وطريقة التدريس والكوادر التعبانة الي كاعدة تدرس فأني الي مخوفني اخاف اروح هناك وما انجح بالدراسة لأن الاساس مالتي تعبان مع العلم اني الاول على قسمي بجامعة النهرين بس مع ذلك اكو مواد هواية احس نفسي ما فهمتهن بشكل جيد وقسم منها مواد مهمة بالهندسة الميكانيكية فسؤالي للاخوة واتمنى احد يجاوبني عليه هل هذا الشي فعلآ راح ياثر عليه في حال درست هناك اكو احد عندة تجربة هناك ودرس ماجستير ومشه حالة...اني خايف مثلآ اكو امتحانات شاملة او لغرض المعادلة تسبق القبول واني اذا امتحن امتحان شامل بالي درستة فمليون بالميه ما انجح او ممكن انقبل ماجستير وادفع فلوس وبعدين ما انجح اكو هيجي شي؟؟؟؟؟اكو حل هل يا ترى الجامعة راح تراعي هذا الشي ويدعموني ويساعدوني انه اعوض هذه النقوصات اتمنى احد يجاوبني خصوصآ اذا عندة تجربة اني كلش متردد وخايف.....

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اخوية رعد شنو اسم المؤسسة اللي عادلتلك الشهادة بوقتها او الويبسايت مالتهم؟

اخوية تيوبي اي تقديم عادة للماجستير ما يطلبون منك امتحان للمعادلة بس اكيد تويفل وGRE هم يشوفون المفردات اللي انت اخذتها واذا اكو مواد تحتاج تاخذها فقط تسجل في كورسات في نفس الكلية وتدرسها اضافة الى مواد الماجستير فلا تقلق.

غير متصل raadmteer

  • عضو فعال جدا
  • ***
  • مشاركة: 241
  • بدأ عمرنه بالتأميم وخلص بالتحرير والحمد لله
    • http://img512.imageshack.us/f/ridha17xt5.jpg/
اختي سرى
المؤسسه هيه jeorge washington international university  ومقرهم الرئيسي بفلوريدا

واني بصراحه ما ادري ليش ما حصلت جواب على اسئلتي!!! معظم المكتوب مع اعتزازي بيه وبكاتبيه هو مسائل ليست جوهريه والتساؤل اللي طرحته ممكن يكون متنفس للي رايح لامريكا وممكن الواحد يرتب نفسه مسبقا اذا هيجي شهادات مجديه.

ارجوا ان لا يزعل احد مني فلا يوجد شي في ما قلته شخصي او موجه ضد احد.
اهم شي العزه والكرامه

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اخوية العزيز اللي ذكرتلي اسمها هسه هاي مو مؤسسة للمعادلة وانما جامعة وهم مايسوون معادلة لاحد فقط يجوز حسبولك درجتك وفقا لمعاييرهم بالنسبة للمعادلة اكو مؤسسات اللي تعادل الشهادة ومن اشهرها مؤسسة WES وهذولة تبقة درجاتك ونسخ من وثائقك يمه وكلما تحتاج نسخة منها (اي المعادلة) تدزلهم طلب بالايميل او اي وسيلة اتصال اخرى وتكوللهم انه يدزون نسخة من معادلتك لجامعة معينة وهم يرسلوها بالبريد اتمنى تكون الفكرة واضحة يمك الان.

غير متصل has75

  • عضو
  • *
  • مشاركة: 16
السلام عليكم أخواني وأخواتي .... مرحبا أخت سرى وأنجي كل عام وأنتم بخير
متابعة لرد الأخت سرى ذكرت شئ عن الWES Organization for credentials equivalency أني حصلت معادلة من هذه المنظمة سنة 2008  عن طريق WES canada , سؤالي للأخت سرى أو أنجي هل من الممكن هذه المعادلة تكون مفيدة في أمريكا مع العلم أنه هي نفس المؤسسة ومقرها الرئيس في أمريكا ؟

طبعا أجراء معادلة الشهادة هو أنه أرسلت نسخة من شهادة الدرجات لدراستي وهي الهندسة الكهربائية من الجامعة التكنولوجية سنة 1998 وقامت المؤسسة بمفاتحة وزارة التعليم العالي العراقية لغرض التأكد من صحة صدور الوثيقة و من ثم وزارة التعليم ترسلها الى الجامعة قسم التسجيل ثم القسم . و كانت المعادلة التي حصلتها هي على أساس document by document وكان جوابهم هو
 Canadian Equivalency summary : Bachelor's degree in Electrical Engneering from recognized university

و عندي سؤال ثاني لكل من لديه معلومات عن ال (PMP certification (Project management professional وهذه شهادة تمنح من المعهد الدولي لأدارة المشاريع والذي مقره في أمريكا  www.pmi.org
من لديه معلومات عن فرص المتوفرة لحاملي هذه الرخصة في ممارسة مهنة أدارة المشاريع وخصوصا للمهندسين الذين لم يمتحنوا ال PE هل من اللممكن تكون معادلة لل  PE ؟ ....شكرا للأفادة

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
صديقي هاس ممكن تكولي شكد طولت المعادلة مالتك من ارسال الوثائق المطلوبة الى wes الى استلام النتيجة؟؟

لان شو صارت بيهه مراسلة تعليم عالي والعراق؟؟

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل has75

  • عضو
  • *
  • مشاركة: 16
أخوية  vincenzo ...  طولت بحدود 60 يوم و أرسلولي المعادلة .. أرسلت نسخة ملونة من شهادة الدرجات عن طريق ال أرامكس... بالمعدل طول من شهرين الى 12 شهر (طبعا التأخير أذا صار من جهة التعليم العالي بالعراق .. لأنه الكلية مباشرة أتجاوب و متاخذ أكثر من عشرة أيام مجرد ما تستلم مخاطبة التعليم العالي)، طبعا كل المراسلات تصير عن طريق معتمد بريد و ما ممكن أجراءها باليد مابين التعليم العالي و الكلية .. هذه بالنسبة لتجربتي عندي أصدقاء طولت المعادلة عدهم بحدود12   شهر لما أستلموه المعادلة من WES .

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
ولذلك اني ابد ما انصح بهالشركة
لان WES بالويب سايت مالتهم يكولولك خلال اسبوع!!!
بس همه يتصلون بالعراق وهاي الشغلة معناهه مضيعة هواي وكت
بينما اكو شركات تطلب هواي طلبات من المتقدم للمعادلة بس ما تراسل العراق واعتقد هيجي هواي اسرع

اقصد بالطلبات:
الوثائق المصدقة بالخارجية
والجداريات المصدقة بالخارجية
والمنهاج Syllabus

بالمناسبة الشركة اللي استعملهه "سلاما للعراق" عادلت شهادة زوجته بعشر دقائق بعد توفر المستمسكات المطلوبة
بس المشكلة راح اسمهه عن بالي ولو هو حرفين

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
زين اخوية احنا المدني عدنا بس ملزمتين زين انتو المتخرجين ورة السقوط شكان عدكم يمكن دراستكم كانت كلة باللابتوب عمي هسة شلونك انت اللي يسمعك مكائن ومعدات يكول مكطعها المكائن كلها يومية مجفت 10 مكائن عمي جماعتكم ميعرفون الفرق بين النت والبرغي شنو خليها سكتة عمي
حلوة مال النت والبرغي هههههههههه قويه
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.
ابتلينا بقوم يظنون ان

غير متصل Abu Ziad

  • عضو فعال جدا
  • ***
  • مشاركة: 150
أخي العزيز هاس .... مشكور جدا عن دقةالمعلومات وتفصيلها بخصوص ال WES أتمنى من الأخوان يستفيدون منها لأنه جدا مهمة معادلة الشهادة في أمريكا وخصوصا من هيئات تكون مرخصة و معتمدة هنا...

بخصوص سؤالك عن شهادة أو رخصة مزاولة مهنة أدارة المشاريع PMP فهي من الشهادات المهمة و المحترمة في أمريكا وخصوصا صارت من متطلبات سوق العمل ومكافئة PE  , أذا متابع فرص العمل هنا راح تلاحظ أنه دائما يركزون على أن يكون المتقدم أما حاصل على ال PMP أو ال PE ، ومعدل الأجر السنوي لحامل هذه الرخصة هنا في أمريكا يترواح من 75000 دولار الى ال 125000دولار سنويا. فأنا من أشد المهتمين والمتحمسين لنيل هذه الرخصة بس شوية صعبة ويرادلها مستوى تعليم عالي بحيث الأمريكان نفسهم يواجهون صعوبة بيها و كلفتها عالية أهنا و ما ممكن الواحد ينجح من أول أمتحان بيها و كل ما تعيد الأمتحان لازم تدفع 300 دولار بس أول مرة تدفع 555 دولار، و الك حق بس 3 مرات تعيده خلال سنة و تنحسب من تاريخ موافقتهم على أداء الأمتحان ، و أذا ماعبرتها تنتظر سنة يلا ترجع تحاول مرة ثانية.

أرجو أن أكون قد جاوبت بشكل واضح عن سؤالك ...

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
مليون هله بيك زميلنه ابو زياد الوردة
يعني قصدك انه البي ام بي بعد اصعب من البي اي؟؟ لو نفس الصعوبة؟؟
وهم يرادلهه تشتغل باختصاصك مدري شكم سنة ؟؟؟ لو الشهادة العليا تفيد؟؟

مشكور عالمعلومات

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اخوية هاس الويس اللي بكندا هي فرع من ويس امريكا والعكس صحيح لانه بموقع ويس الاصلي اكو عنوان جماعة كندا وممكن تدزلهم اسفسار ويجاوبوك.

بالنسبة لاتصال ويس بالجامعة هم ما اتصلوا بيهم هو الاتصال كله عن طريق المتقدم (انت) بس اللي ما افتهمته التعليم العالي شنو علاقتهم بويس؟؟؟ احنا ما صار ويانا هيج بس الجامعة تختملك ويوقعون.

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
هسه سولفت وية خالتي زوجة سلاما للعراق بالتلفون وشرحتلي
لا تروحون لWES وانما الثانية اللي هي بنفس القوة والشهرة بامريكا وانما متحتاج تراسل بغداد اذا عندك وثيقة وجدارية مصدقة من الخارجية من حكومة ما بعد التحرير (يعني القزو برأي جماعة صدومي اللعين) واللي هي ECE
فلا يراد ختم ولا اسطمبة من بغداد ولا دي اج ال مدري بشكم ورقة (دولار) ولا منية واحد ببغداد حاقد عليك باعتبارك انت طكوك بامريكا ويضل يلعب باعصابك وانما كلهه من امريكا لامريكا
اتمنى هالمعلومة تفيد اخواننه ومينضربون بوري اختنا سرى

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل مازولا

  • عضو فعال جدا
  • ***
  • مشاركة: 222
السلام عليكم اخواني ... حبيت اعلق على موضوع الـ PMP ... اخواني هاي الشهادة هيه شهادة ادارة مشاريع ... مو شهاده هندسيه صافيه ... تنطيك معلومات عن كيفيه ادارة المشاريع ... مو لازم اللي يدرسهه يكون مهندس ... و مو لازم مشاريع هندسيه ... لكن اي شي يعني (مثل ما تعريف المشروع) اي شي في حياتك له بدايه و نهايه و يحتاج الى تخطيط يسمى مشروع PROJECT ... اني هسه دا ادرس لغرض الحصول على هذه الشهاده و هيه عبارة عن كورسات الواحد يكدر ياخذهه عن طريق مكتب او حتى عن طريق الانترنت ... بس لازم من مكان معترف بيه من معهد ادارة الاعمال PMI Project Management Institute لان بيهه وحدات دراسيه لكل فصل الواحد يقراه ... و لازم يخلص على الاقل 35 وحده دراسيه من المواضيع اللي مجموعها بحدود 50 ساعة ... بعد ان تخلص و تجمع الوحدات الدراسيه المطلوبه تقدم على طلب امتحان ... راح يطلبون منك معلومات عن عملك و عن عدد الساعات اللي انت عملت فيها في ادارة المشاريع ... و بعدين تدفع اجور الامتحان اللي هيه 550 دولار للامتحان اون لاين او 400 دولار للامتحان على الاوراق في احد المراكز التابعه لهم ... و لك الحق لمده سنه من تاريخ تقديمك للامتحان ان تمتحن ...

هاي الشهاده مهمه ... لكن اني اعتقد شهاده الـ PE اهم من عدهه ... على كل هذا رايي الخاص يعني مو لازم يكون صحيح ... و بالنسبه لدراسه الـ PMP ... هيه فقط تختص بموضوع ادارة المشاريع ... و المواضيع المطلوبه للدراسه موجوده و مكرره في عديد من الكتب لهذا من الممكن ان الواحد يقرا كتابين بصوره جيده و يتدرب على الامتحان و يتوكل ... و اكو شي بالنسبة للامتحان ... درجه النجاح 80 من 100 ... يعني لازم تكون ضابطهه ضبط العقال حتى تنجح ...

بس اخوان ... اكو شغله ... تره في امريكا مو الشهاده هيه اللي تخليك تشتغل ... هيه تساعدك ان تشتغل و هذا بيهه فرق كبير ... هنا تشوف الشركات بيهه هوايه ناس ما عدهم شهادات عاليه لكن ماخذين مناصب عاليه ... هنا اهم شي الخبرة اللي عندك ... يعني اكو مدير مشروع عدنا ما عنده شهادة و لا هوه مهندس ... هوه كان نجار قالب و شافو خوش ولد و زين و يحب يتعلم و عنده كفاءة فاخذو يعطوه مناصب اكبر شويه شويه الى ان صار هسه مدير مشروع ... و حتى الشغلات الهندسيه ... اذا تشوفون المؤهلات المطلوبه في عروض العمل تلكون على الاغلب كاتبين يا اما شهادة بكلوريوس (مثلا) مع خبرة معينه يا اما خبرة بدون شهاده لكن لمده اطول طبعا من حالة ابو الشهاده ...

الموضوع طويل و كبير و الواحد نوبات من يكتب اكو في باله سالفه و اثناء الكتابه تضيع هاي السالفه و ما يتذكرهه ... على كل ... اذا تريدون تعرفون اكثر  ادخلو على موقع الـ PMI و شوفو شنو هيه هاي الشهاده و شنو المتطلبات ...

مع تحياتي ... اخوكم مازولا

غير متصل aboryan

  • عضو فعال جدا
  • ***
  • مشاركة: 116
اخوان اني ام رايان حاليا اتكلم مو ابو رايان بس للتوضيح

اني مهندسة مدني خريجة 2001 قدمت معادلة شهادتي عن طريق ece وشفتها هواي احسن من ال wes لان الاولى تطلب شهاداتك الاصلية المصدقة من الخارجية وخلص ماتحتاج اي تعقيب او رجوع للعراق ولا كال ولا كلت ومن يعادلوهه يدزولك اياها بضرف مع اوراق المعادلة وكله متطول اذا اوراقك كاملة اقل من شهر اني ب2 اسبوع كملت ودزوها بخت ههههه
المهم هنا عندك خيارين تكمل
الاول تكمل بكلية والي هيه اقل من الجامعة وراح يطلبون منك بعد معادلة الشهادة اختبار لغة سهل مو صعب يقيموك وينطوك الدروس الي تفيدك وتكمل وياهم بس بشهادة اقل من البكالوريوس اهنا رحت للACI اميريكان كونكريت انستتيوت وسالتهم كالولي عندك بكالوريوس حرامات تضيعيه روحي اخذي ماستر بجامعة وفعلا رحت الى وين يونيفيرستي بمشيكان ديترويت وبيها قسم خاص هندسي ومنها المدني وقابلت ادفايزر وسوالي البحر طحينة ونصحني بالماستر ايظا كلي حرامات عندك بكالوريوس ليش تعيديها وبس رادو الشهادات الاصلية يعني حتى لو ما معادلة مو مشكلة بس معادلة افضل حتى النسخة العربي اذا اكو بعد احسن وبس رادو مني توفل او ايليتس الخ من اختبارات اللغة للانترنشينل ستودانتس وهاي كلهه تعتمد على الجامعة وطلباتهه
هسه اني بمرحلة التوفل والله كريم دا اشوفة صعب لان عندي طفل ومريض
هنا صحيح الخبرة مطلوبة بس الدراسه اتصور كالو تنطيك بال2 الى 3 سنين خبرة بحساباتهم واذا انته مشتغل بشركة امريكية بالعراق هم تضيفلك سنين خبرة والله اعلم ويقال انه الدراسة هنا اسهل من العراق وخصوصا انه اكو بارت تايم مو فل تايم يعني ممكن تخلص ب4 سنين بمكان سنتين اذا تشتغل او عندك عائلة الخ
وبالنسبة للمنحة الدراسية مثل ما تفظلو بعض الاخوة وذكروا فايننشل ايد بس خلو ببالكم من تكون عندك بكالوريوس راح تصير لون يعني قرض مو منحة شوية تقديمها اصعب يترجع القرضر على اقل من مهلك ورا التخرج من تشتغل يبدون يطالبوك بيه هذا حجي الادفايزر الي قابلته بالجامعة بعدني مامبلشة بيه لان هسه على التوفل وبعدين اشوف وراهه ...واني صارت بيه محد نصحني حتى المنضمة كالو روحي على فافسا وقدمي وظليت انتضر وماكو رد ومن رحت سالت جاوبت الموضفة ماطول عندك شهادة بكالوريوس فقدمي على قرض  وراحت عليه هسه لان التقديم ياخذ وقت وراح اشوف على الصيف لازم من هسه احجز لان طلبات هوايه
الصدق اني ماقدمت على شغل لحد الان لان ضرف ابني متسمح اعوفة هسة وزوجي يدرس حاليا ايضا حتى يعادل الشهادة
بس اخوان الي ارجو منكم لاتعقدون الامور لان من كاعهه معقدة خصوصا ويه الاقتصاد التعبان
تعقيب على الشغل كلشي اكو مو لازم رخصة وتعتمد على انته شراح تشتغل بالضبط احيانا ورا مايعينوك يدزوك على الكليات الي ذكرتها بالبداية ويجبروك تاخذ كورسات مال اختصاص معين ينطوك بيها شهادة سرتيفيكيت فقط هاي تخص شغل الشركات
بصراحة ماعندي فكرة عن PE وغيره الي ذكروهه الاخوان شكرا لان لفتو نظري الهه ولو اني جدا احترمت راي احد الاخوة من كال اشتغلو مساعد مهندس او الخ وبعدين اخذ رخصة وافتح مكتبك الخاص بصراحة اني كل طموحي على كدي انه احصل شغل بشركة او مكتب وهاي هية تمشي مثل ما مشت بالعراق بابا احنة ابطال خو مو مثلهم عظمهم راخي الطلاب الامريكان هههه
بس هي الفرصة حتى تجي ينرادلهه هلهولة ودفعة وتسهيل من الله
الله يسهله علينا وعليكم ان شاء الله هوة غير طريق الالف ميل يبدي بخطوة بس العمر دايركض
عندي تعقيب على احد الاخوة الي كان دا يحجي على ابو العائلة
عزيزي الي عندة عائلة حتى لو طفل واحد يشوف الله وعباده تدري شكد صعب تبدي ببلد كله غير شكل النضام ومحد يعترف بيك وجماله عندك عائلة ومسؤلية واطفال وصرف وطبيب وفلتان وعلان ومسواك
من كنت بوحدي اني وزوجي كنا ناكل الصخر بس يجي الطفل الله يخلي النه ويخلي اطفالكم كلشي الك يصير اله حتى الوقت والراحة هم اله
جنت ارسم خريطة بالاوتوكاد واني مغمظة هسه من افتح الكاد يجي يسده ابني علية ويريد يلعب متكلي شلون تدبر مو سهله عيوني

شكرا اخوان وهاي تجربتي الشخصة واتمنى اكون فدكم بشي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
اختي ام ريان
اني هم جدا مؤيد لرأيج مالة ECE بس عندي فد سؤال
من تكملين الخمس خطوات مالتهم اونلاين يطلبون رقم وكل معلومات الكريدت كارد...هل هذا الشي امين انه الواحد يدزه الهم بريد؟؟
وشغلة اللخ...همه يريدون الوثايق اصليات لو نسخ ؟ لان لو الاصليات (على ان يرجعونهه بعدين حسب ما افتهمت) فالجداريات مو مال ينطبكن ويرادلهن ضرف جبير...شنو رأيج؟؟

طبعا اني هم كل الجامعات اللي قدمتلهه عالدكتوراه لحد الان وهي جامعات معروفة عالساحل الشرقي وطاكة ما رادو اي معادلة ولا حتى جدارية
فبرأيج المعادلة مو تضييع وقت وفلوس للمهندسين؟؟؟

سؤال اخير
اللي افتهمته انه انتي دتقدمين على ماجستير...معقولة ما طلبوا منج GRE ؟؟؟
لان اني معدلي بالبكلوريوس جان GPA=3.5 واكو جامعات من يشوفون هيجي معدل عالي ما يطلبون جي ار اي حسب ما سمعت سابقا بس هسه يا جامعة اقدم عليهه يطلبوه

اشكرج وتحياتي لابو ريان والعائلة

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل has75

  • عضو
  • *
  • مشاركة: 16
أختي سرى بالنسبة لحالتي أني بعثتلهم نسخة من وثيقة الدرجات اللي بالأنكليزي و العربي (نسخة ملونة) .. ,هما قاموا بكل المراسلات مع الجهات العراقية المعنية..
بالنسبة للمرسلات الدولية تكون فقط عن طريق قسم التصديقات و المعادلات بوزارة التعليم العالي و بدوره هو يراسل الجامعات العراقية .
 بالنسبة لي تأكدت من هذا الموضوع لأنه عند أجراءات الأنتماء بنقابة المهندسن الأردنية كذلك طلبوا مني صحة صدور الوثيقة و كان قد تم عن طريق وزارة التعليم العالي الأردنية و اللي هي خاطبت وزارة التعليم العالي بالعراق و عند مراجعة أحد أقربائي بالعراق لغرض التأكد من وصول المعاملة من الأردن ، أخبروه أنه قبل فترة هم أجاهم طلب من WES على نفس الشخص اللي هو أني طلبوه منهم صحة صدور للوثيقة.. هذا بالنسبة اللي صار معي فما أعرف يجوز صار تغيير بالأجراءات..

بالنسبة للأخ أبو زيد أني أشكرك على المعلومات و كذلك الأخ مازولا ، أني حصلت على شهادة ال PMP قبل شهر عن طريق دورة بال أمديسيت هنا في عمان مدة الدورة 14 يوم 48 ساعة ، و الأمتحان كان بنفس مقر ال أمديسيت بالأردن عن طريق Prometric center ، الموجود بالأردن فقط أمتحان ال CBT (بالكومبيوتر) مدة الأمتحان 4 ساعات ، 200 سؤال ، طبعا closed book ، درجة النجاح 62% أي الاجابة على 106 سؤال من 175 سؤال اللي تدخل بحساب الدرجة و 25 سؤال يتم الأجابة عليها بس ما تدخل بأحتساب الدرجة النهائية . صعوبة الأمتحان تكمن في أنه يعتمد على فهم الفكرة و الأستدلال المنطقي ولابد أنه يكون الشخص ممارس لمهنة أدارة المشاريع سابقا، طبعا الأمتحان يكون حسب منهج محدد بال PMBOk (project management Body of Knowledge) و هذا الكتاب يعطى في أول يوم للدورة أو شراءه أونلاين من موقع www.pmi.org

 أني حاضر لأي مساعدة أو توضيح



غير متصل aboryan

  • عضو فعال جدا
  • ***
  • مشاركة: 116
اخي فينجز اذا اني مغلطانة باسمك اعتذر
 بالنسبة لمعادلة الشهادة يعني شلون مجان اني انصح بيها لان همه بيناتهم واحد يفتهم على الاخ وهمه اصلا راح يحسبولك الكري سكور اقصد الكردت بالنسبة الهم  وراح انزلك ملحق من الجامعة الي اني قدمت عليها بس يخص التقديم مال هندسة مدني وغيرهه الله اعلم
ويعني كله ميكلف 180$ دولار مو مبلغ خرافي تحصل بيه على معادلة منهم
يعني اني كتلك بالموقع مالهم ياكدون انه ممكن تقدملهم شهاداتك وهمه يقيموك بالجامعة بس يعني شهادة منهم تعزز موقفك مو؟

بالنسبة للمعلومات الي تطلبهه الشركة مال معادلة يعني انطيتهم كلشي وعلى الله خليته
اما الشهادات مامطلوب الجداريه فقط النسخ الاصلية المصدقة من الخارجية والمختومة من الجامعة والخ مطلوب الشهادة الي بيها الدرجات والشهادة الي مبيها درجات الي نسميها الوثيقة راح تدزها بسيرتيفايد ميل يعني مسجل وهذا من يندز ينطوك موقع تراقب الضرف وين راح وين وصل وبيه عنوانك اذا  ميوصل الهم يرجع على عنوانك واني الحمد الله كنت جايبة ويايه نسختين من كلشي فخليته على الله وكلت حتى لو ضيعوهه فعندي نسخ كاملة من كلشي احتياط

اما موضوع الدرجة حتى اني سالت الادفايزر بوكتها وكتلة اذا اني ماعندي جيد بالبكالوريوس شنو موقفني وكتلك سوا البحر طحينة وكال احنة نعرف ضروف كل بلد شلونة ونقدر اختلاف الدرجات والتقييم من جامعة الى اخرى وسهلهه بوجهي كلش كالي بس روحي امتحني توفل وجيبي ب 230 اعتقد بالكومبيوتر تيست او 550 بالبيسك تيست او 79 بال هي بي تيست او 6.5 بالايليتس وتعالي جيبي شهاداتك وتعالي والله اني ماواصله لهل مرحلة لان انتضر التوفل وبعدين الله كريم
ملاحظة احد الاخوة ذكر تكلف دراسة الهندسة ماستر بال15 الف لل32 كردت اور تقريبا وهذا صح اني نفس المبلغ خمنولي واذا يتحصل القرض فممكن يتسدد بعد العمل

ان شاء الله اكون وفيت اخي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
اختي راح اعيدلج الاسألة من جديد
لان الظاهر ما افتهمتي علية

1.هل ارسال معلومات الكردت كارد او الديبت كارد الذي هو كارد البنك اكين بالبريد؟؟؟ لان هاي المعلومات ما تندز بالبريد وما تنطي لاي جهة

2. معقولة ما طلبوا منج GRE ؟؟ لان اي دراسة عليا بامريكي لازم الواحد يسوي هذا الامتحان

3. لبجدارية من اهم الاشياء اللي تطلبهه ECE ....اكيد ما طلبوهه منج؟؟؟

4. هية 135 مو 180 دولار...بس ترة هاية هم مبلغ كوة يتطلع هنا بامريكا للفقرة....فبما انه معظم الجامعات هيه تسوي معادلة وية فلوس التقديم عالدراسات admission fees ... فبعد عليمن دنعادل؟؟؟ شنو رأيج؟؟

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل aboryan

  • عضو فعال جدا
  • ***
  • مشاركة: 116
عزيزي لو قاري المرفق كان افتهمت عليه اكثر وهذا مقطع منه:-
GRE Scores are not
required for M.S. Admission. Also, Letters of Recommendation which
are submitted with the online University application are optional,
however they may be required by the CEE Department in certain
circumstances.
يعني مرادو مني كري لان مقدمة ماستر

بالنسبة لحساب البنك مامطلوب بصراحة اني كل المعلومات المليتها تخص الدراسه وين كانت ومنين تخرجت واخرى شخصية عنوان واسم والخ وهذا الي صارو ياية بس اعتقد سؤالك عن الدفع للمبلغ الكلي اني تم عن طريق شي اسمه منى اوردر تروح لاي اسواق تنطيه المبلغ ويسويلك مني اوردر مثل شيك همه يصرفوه من يمهم اما شلون تدفع بالكردت او اليبت كارت فاتصور لازم تنطي رقم سري حتى تدفع وهاي اسالك ابو رايان بيها هههه والاامن طبعا المني اوردر مثل ما احنة سوينه دزيته بنفس الضرف الي بيه الشهادات
وبالنسبة للشهادات دزيت الوثيقة الي بدون درجات وبيها درجة التخرج والتسلسل ودزيت الاخرى الي بيها الدرجات طبعا بالانكليزي ومثل مكتلك مصدقة وختومة وكلشي اصلية
ورجعلي ضرف بيه الشهادات وبيهالترجمه مالتهم الي يعترفون بيها اني مهندسة مكافيءة الخ وبيها حسبولي معدلي من الكردت اورس الي اخذوها وعادلوهه من الدروس مع الساعات الي عدنة بالعراق
اي جدارية محد طلب راح تنطلب منك بالكلية يجوز ما متاكدة واني كلشي عندي حاضر من يجي التقديم الحمد الله
مثل مكتلك اي امتحان عدا التوفل ماطلبو مني حتى بلساني سالته وكلت اني ناسية هواي من الدروس لان 10 سنين صارلي من تخرجت وخصوصا الرياضيات كالي انتى شهاتك هندسة ومامطالبة والي مطلوب راح تاخذينة بالكورسات مال ماستر
اخي ااكد عليك اقرا اللنك الي دزيته حتى تفهم اكثر وصدقني من تجي هنا وتراجع للجامعة بنفسك اسهل من ما انتة بعدك متعرف شنو القصة بالمناسبة هاي الجامعة معروفة ومعترف بيها واعتقد هي بالمرتبة الخامسة هنا اوهشكل مامتاكدة وهاي مدعومة من الحكومة
راح انطيك اللنك مالهه حتى انته تدخل وتشوف المعلومات الي تفيدك
والله اني جاوبتك بس انته مفتهمتني حقك هاي الامور غريبة علينة كلنة ولوما زوجي واني نروح نسال جان صرنة اطرش بالزفة لان محد يعرف ويدلي احد على شي هنا انته ولي امرك وبس
وهذا اللنك بيه المطلوب من الطالب الانترناشينال بالضبط اخي ادخل واقره العلم نور ههههه
http://gradadmissions.wayne.edu/intl_students.php

والله يجوز اني الطلبوة مني مو صحيح او اكو اشياء اخرى مذكروها الي صدق ما اعرف الله اعلم بس اني هذا الي صار وياية بالضبط واي معلومة جديدة غير هذا اكيد راح اضيفهه من تستجد

اكيد احب اسمع اذا اكو اي معلومات اخرى اني غافلة عنهه
لكم الشكر

غير متصل aboryan

  • عضو فعال جدا
  • ***
  • مشاركة: 116
ملاحظة بالنسبة للمبلغ لمعادلة الشهادة في ECE صحيح 135 دولار بس اني اختاريت السريع ب12 يوم وانظافت 45 دولار وصارت عليه ب180 دولار

فقط للتوضيح
شكرا

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
اختي ام ريان بصراحة ما اعرف شلون اشكرج على هالمعلومات الحلوة ولو مو الية بس يمكن كلش تفيد غيري لان اني اخوج ماجستير الكترون ودا اقدم عالدكتوراه وصارلي كم شهر بامريكا وعندي كرين كارد

اللي فادني من ردودج وخصوصا الاخير هو التالي:

1. شغلة ال money order اللي اني بصراحة هواي اسمع بيهه بس ما مجربهه واشكرج جدا على هالمعلومة للي يريد يأمن ولو الكريدت او الديبت كارد هواية اسرع واسهل ومن دفو البيت الواحد يدفعلهم

2. انه بعض الكليات وخصوصا بالماجستير ما يطلبون جي ار اي وهاي من الزينات لربعنه جماعة البكلوريوس لان هذا الامتحان مو سهل وخصوصا جزء الانكليزي مالته وزائدا هو مو باقل من 220 دولار يعني حتى اغلى من التوفل (170) والمعادلة باي سي اي (150 بدون استعجال)

بالنسبة للتوفل احب افيدج انه من ارقى الكتب اللي تقرينهه بالبيت وبراحتج وما تحتاجين اي دورة او مدرسة وتفولين بيه هو Longman  وهم جيكي Kaplan  على هالروابط واشتريهه مستعمل بفلس ونص من امازون بس اهم شي حصلي نسخة وية السيدي
http://www.amazon.com/s/ref=nb_sb_noss?url=search-alias%3Dstripbooks&field-keywords=longman+toefl&x=0&y=0

http://www.amazon.com/s/ref=nb_sb_noss?url=search-alias%3Dstripbooks&field-keywords=longman+toefl&x=0&y=0#/ref=nb_sb_noss?url=search-alias%3Dstripbooks&field-keywords=kaplan+toefl&rh=n%3A283155%2Ck%3Akaplan+toefl

بس فد ملاحظة زغيرونة
هاي الجامعة اللي انتو دتروحولهه ترة اصلا مو بالتصنيف الامريكي للجامعات وما الهه اي مرتبة  وكاتبين يمهه N/A فديرو بالكم تضيعون وكتكم اذا مو تجيكون ترتيب الجامعة على جامعات امريكا هنا
http://colleges.usnews.rankingsandreviews.com/best-colleges/national-universities-rankings/order+college_sort_name/page+11

من هاي ميطلبون جي ار اي

ترة اللي ما الهم ترتيب واسم صعب كلش تلكون شغل بعد الماجستير من تتخرجون منهم

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اتفق وية فنجنزو بمسألة الجي ار اي اعرف ناس ممكن ما يطلبوه منهم ببعض الجامعات وحتى الراقية منها بس ذولة اللي مراح يبقون بامريكا مثل الطلاب السعوديين اني افضل انه تقدمين على جامعة معترف بيها لانه من تقدمين على شغل يباوعون على جامعتج مو بس الخبرة وانطيج مثل الاختصاصات العلمية مثلا الطب اكو جامعات صحيح تخرج اطباء بس ما يلكون تعيين اذا هم من جامعة x بينما اذا من جامعة y المعروفة بمجال الطب فذولة يقبلوهم رأسا لانه يعرفون مستوى التدريس.تحياتي الج اختي الكريمة وموفقة.

غير متصل samnajy

  • عضو فعال
  • **
  • مشاركة: 48
السلام عليكم ...
اخوان اني مهندس مدني خريج 1997/ جامعة بغداد و عندي عدة اسئلة مختصرة وارجو من عنده المعلومة المفيدة ان يفيدني ويفيد اعضاء المنتدى بيها

1- هل ان المعدل الذي حصلت عليه يؤثر على قبولي في الجامعات الامريكية ؟ لان معدلي (مقبول فقط) يعني قليل جدا وذلك بسبب تاجيلي لعدة مواد دراسية الى الدور الثاني بغير عذر رسمي او دور ثاني مما ادى الى ان تكون النتيجة النهائية لتلك المواد 50% فقط وهذا اثر وبشكل كبير على معدلي النهائي بسبب الضروف القاسية للحصار انذاك وخاصة لطلية المحافظات اللي انا واحد منهم.

2- في حالة ان يكون المعدل له تاثير على القبول ...فهل هنالك طريقة ممكن اعدل فيها درجاتي؟ كدورات تدريبية او دراسات من نوع معين ؟ علما انني اسكن في الامارات حاليا ولدي خبرة جيدة جدا بالطرق وخدمات البنية التحتية وانوي التقديم على دراسات عليا بهذا الاختصاص.

3- الله يرحم والديكم شنو هو ال  GPA  وال GRE وهل هي مطلوبة بالنسبة لبكالوريوس الهندسة المدنية ؟

شكرا لكم واعتذر على الاطالة

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اخي سام الGPA هو الgrade point average يعني مختصر مفيد المعدل وهذا لخريجي البكالوريوس يعني درجتك بالتقييم من خلال مؤسسة معادلة لانه هم يحسبوها ومن 4 يعني مو من 100

الGRE هذا امتحان للتقديم عالدراسات العليا بيه لغة ورياضيات فقط ومطلوب بالجامعات الامريكية للتقديم عالماستر او الدكتوراه ويعتمد عالجامعة شكد تريد منك درجة بيه وهو من 1600 800 رياضيات و800 لغة.

غير متصل samnajy

  • عضو فعال
  • **
  • مشاركة: 48
اشكرك اختي سرى على جوابك السريع

يعني اذا معدلي بالخمسينات مثلا فهل هذا معناه انه GPA  يساوي 2 من 4 ؟
وهل وهذه الدرجة تجمع مع شي اخر لتعطي ناتج نهائي لغرض التقييم؟ والا كيف يتم حساب الدرجة النهائية اللي على اساسها يتم تقييم الشهادة؟.

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
تقريبا بس مو اكيد المهم هو التقييم يتم عن طريق المؤسسة ويكتبولك بنهايتها انه الGPA مالتك يساوي (X) وما تنجمع وية اي درجة ثانية فقط درجاتك اللي اخذتها وموجودة بالوثيقة.

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
حبيبي سامناجي
اني اجاوبك لان نفس اسألتك جانت ثاولتني ثول قبل كم سنة رغم انه اني معدلاتي بالثمانينات بكلوريوس وماجستير ومن رخصة طبيبتنه سراوي لان الطب بعيد كلش عن شغلتنه احنه المهندسين
اولا صديقي احنه العراقيين ينرادلنه غسيل ادمغة من ناحية النظام مال الجامعات الفاكس العدنة
عيني...هنا ما الهم علاقة بيك شمسوي سابقا وخصوصا انه انت جاي من منطقة حرب مليون سنة مكاون فاصلا اني هنا اي واحد يشوفني هنا ويعرف اني عندي شهادة عليا من العراق يفك حلكة سبع امتار ويكول "وااااااااااااااااااااااو شلون دبرتهه"

تعرف شنو المهم عدهم هنا حتى يقبلوك؟؟
 اولا اذا انت مليونير وتكدر تدفع كل فلوسهم فيكيفون وعسى ما تبقة بالجامعة الف سنة لان بفلوسك (وماكو حرس جامعي يمنعوك من الدخول يمتى ما يعجبك لو يفتشوك وياخذون السنوية لا تكون مفخفخ  ;D ;D ;D )

ثانيا اذا انت انسان بسيط مثلنه وما عندك مبالغ جبيرة تغطي الدراسة بس انت واثق انه تكدر تدبرهه وتنافس وتتفوق على كل طلابهم اللي همه امريكان ويابانيين وهنود وكلشي وكلاشي وتكدر تثبت هالشي من خلال ال essay اللي تقدمة بالتقديم ودرجاتك بالتوفل والجي ار اي وتفوقك باول كم سمستر فراح تحصل انوع القروض اللي لازم توفيهه بعدين بس شكد ما انت شاطر تحصل هم منح ما توفيهه بس حتى تدفع تكاليفهم

اما معدلك بالعراق فهم مهم بس هو صدكني اخر شي يباوعولة (هاي من كل اليجون جدد لامريكا بشهايدهم اللي هي من الخارج بس بصورة خاصة من المناطق اللي الله غاضب عليهه مثل العراق)

لا تشيل هم وتوكل على الله اذا انت متأكد وتعرف نفسك انه راح تدبرهه مو بالنجاح وانما بالتفوق
واني عندي ثقة بهالشي لان انت محافظات ومكافح وحصلت هندسة ورحت لبغداد ودرست وتخرجت وهذا كلله بزمن العفالقة والحصار والحروب

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اني اتفق وية فنشنزو بهالموضوع خلي عندك ثقة بنفسك وتوكل على الله واعرف شلون تجذب انتباههم الك بتفوقك وتسوي علاقات تفيدك بالمستقبل.

غير متصل samnajy

  • عضو فعال
  • **
  • مشاركة: 48
اشكركم اخواني فنشنزو وسرى على ردكم السريع وان شاء الله تكون بميزان حسناتكم

ممكن تتحملوني ؟ لان عندي اسئلة كثير وسؤال يجر سؤال...
1- امتحان التوفل او الايلت يصير امتحنه هنانه بالامارات ؟ طالما اني بعدني عالبر مثل ما يكولون حتى امتحن واخلص من خطوه مهمة.
2-هل  ان PMP الها اي فائدة بالتقديم على دراسة الماجستير ؟ لانه اني رح ادخل دوره قريبا جدا  بيها.
3- وين احسن شي من الناحية الاقتصادية وسلاسة الدراسة تفضلون الواحد يروح بالنسبة لامريكا ؟ لان ماشاء الله صاروا عدنا معارف عراقيين بكل مكان بامريكا وممكن الواحد يختار اي منطقة يريدها بامريكا. اكو ناس نصحوني باوهايو وناس نصحوني بميشيكن بس هذولة الناس مع تقديري الكبير الهم مو ذوي اختصاص يعني ما عدهم معلومات شاملة عن الجامعات مثلكم.

شكرا الكم يا طيبين

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
1. اهم نصيحة نسيت ما كلتلكياهه هي انه شكد ما عندك وقت تدرس للتوفل وللجي ار اي (ولو ما اعرف انت دتجي لامريكا كلاجئ لو اس اي في....ولا تسألني شنو هذني اذا ما تعرفهن لان اصلا ماكو داعي تعرفهن اذا انت ما مشتغل وية الحكومة الامريكية بمحاربة الارهاب) بس مال تمتحن وين فأكيد تكدر باي مكان بالعالم لان اكو الاف المراكز وبالذات بدبي وبابو ضبي اكو مركزين مهمه وحتى ببغداد هم اكو بفندق بابل بالامديست بس مع ذلك اني انصحك تاجل الامتحان الى ان تجي هنا (اذا اصلا الك جية)

2. هاية شهادة بروفشنال اقرة عليهه ببداية الموضوع وما الهه علاقة بالشهايد الاكاديمية ولا تنسى الترجية الي لازم تبقيهه باذانك وهي انه اي شي يجي من الخارج مو سهل يعترفون بيه هنا بامريكا if ever

3. هذا سؤالك شو جنه مدري شلونة!!!!!!!!
حبيبي انت هسه دتعال بالاول و NASA can wait
قصدي بعدين روح للولاية البيهه الجامعة اللي تريد تدرس بيهه it's not a big deal
ثم تعال اكلك
حتى اختار الجامعات اللي دا اقدم عليهه صارلي سنة ابحث وادور وثالث كتاب قريته قبل فترة واتصلت وقابلت واتعرفت على عشرات الناس الاكاديميين هنا (اساتذة وطلاب) وهم بعدني حاير
فهذا موسؤال ينسأل هنا وتريدنه احنا نجاوبك
ولا تنسى مثلي المفضل"ما يحك جلدك مثل اضفر اصبعك"
اتمنى ما تعتبر جوابي على سؤالك الاخير any offensive وتحاول تكون more realistic باسألتك المستقبلية

و

تدلل

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Abu Ziad

  • عضو فعال جدا
  • ***
  • مشاركة: 150
عزيزي سامنجاي .... ألله يوفقك ونوللك اللي بمرادك و تحقق طموحك بالنسبة لموضوع الشهادات أني رأي أنه أي شهادة تحصلها هي تكون مفيدة و تزيد رصيدك من الخبرة والمعرفة ..بالنسبة لموضوع أمتحانك للتوفل و ال جي أر أي من دبي فهاي فكرةجدا ممتازة لأنها راح توفر وقت و خصوصا عندما تصل لأمريكا قد ميكون عندك مجال للدراسة و خصوصا في أول الأيام..أما بالنسبة للأعتراف بأمريكا أو لا فأكيد يتم الأعتراف بها لأن أصلا الأمتحان يتم عن طريق  Prometric center و هو جهة رسمية و مرخصة من الحكومة الأمريكية و غالبا يكون موجود بالأمديست سنتر في دول الشرق الأوسط..
بالنسبة لشهادة ال PMP هي رخصة مزاولة مهنة في أدارة المشاريع مثل ال PE (رخصة مزاولة المهنة للمهندسين) ، وهذه الرخصة مهمة جدا بسوق العمل و تحتاجها سواء كملت ماجستير أو دكتوراه .
بالنسبة لل PMP  يمكن أمتحانها عنطريق البرميترك سنتر أما ال PE يجب أمتحانها عندما تكون في أمريكا وكندا فقط (خلال ال 2010 أصبح بالأمكان أمتحانها في مصر و اليابان فقط خارج أمريكا وكندا).
للمعلومات أكثر عن الPMP عدنا زميلنا هنا في المنتدى has75 حصل على هذه الشهادة و ممكن يكدر يفيدك أكثر..

و شكرا

غير متصل samnajy

  • عضو فعال
  • **
  • مشاركة: 48
السلام عليكم
حبيبي فينشنزو
 اني دا اسال عن الجامعات من هسه لانه بصراحة ما عندي الظهر اللي يتحمل بهذله لذلك دا افكر من هسه واخطط حتى اروح عالمكان المناسب لان التاخير في امريكا في البحث عن المكان المناسب معناها مصرف كبير وخاصة للي يجي جديد لامريكا وما يعرف منين يدخل ومنين يطلع وخاصة ايضا اللي عندة عائلة واطفال (مثل حالتي).
اخي العزيز ابو زياد
اشكرك جزيل الشكر على  هذه المعلومات القيمة.


غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
ارجع واكلك لا تمتحن اي شي خارج امريكا واني احجيلك عن تجربة واختلف وية صديقي ابو زياد لان حتى برومترك خارج امريكا وامديست هم موضفينهه محليين بذيج الدول وسمعتهه مو حلوة بالجامعات الامريكية واكو ناس خلوهم يعيدون الامتحان هنا فليش تصير عليك الكروة كروتين
ممكن تقرا وتذبح روحك قراية قبل لا توصل امريكا بس الامتحان سويه هنانة وهو مجرد كم ساعة من وقتك

ثانيا
جان المفروض تصفن بحجايتي مالة حك الجلد
محد يعرف اختصاصك الدقيق واهتماماتك البحثية وكل حيثيات اختيارك انت وعائلتك ليا منطقة تسكنون بيهه غيرك انت
فاذا يعجبك ابدي من هسه ابحث بموضوع اختيار يا مكان يعجبك عن طريق الاتصال بناس بذيج الاماكن ومراجعت المواقع الرسمية بالانترنت لذيج الولايات والجامعات

هذا المنتدى خوش مصدر بس يرادلك هواي تصرف وقت تدور وتقرة فلا تتعاجز
اني صارلي سنين بهالمنتدى واستفاديت فوائد عضيمة واتعرفت شخصيا على ناس رائعين

بس هم ما كتلي انت اس اي في لو لاجئ؟؟؟؟؟؟؟؟؟

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Black Angel

  • مبدع قسم الهجرة
  • عضو مميز جدا
  • *
  • مشاركة: 2616
  • الجنس: ذكر
  • الرائعون كالاحجار الثمينة لانصنعهم بل نبحث عنهم
السلام عليكم ورحمة الله وبركاته

اخي العزيز حسب الفترة السابقة الي قضيتها في البحث في هذا الموضوع والي هي فترة متواضعة مقارنة بتجارب زبحوث الاخوان البقية
اول تحدد هل انت فعلا تريد تشتغل وتطور نفسك في مجال تخصصك مثل ماشرحولك الاخوة السابقين بالنسبة للعمل اكو امور معين واجازات لازم تحصل عليها حتى تبدي تمارس عملك الاخوة يفيدوك بهذا الجانب اكثر
اما عن مسالة الدراسة فاول شي هو راح يقيمون معدل ضمن معادلة خطية همة واضعيهة اعتمادا على موادك وعدد وحداتها بالاضافة الى امور اخرى راح تطلع محصلتها ال GPA  الي وضحولك الاخوة شنو المقصود بيه يبدا من 0 وينتهي ب 4
من تحاول ان تقدم للدراسات حاول تنتبه الى امور معينة منها ال GPA عادة يطلبون 3 فمافوق للتقديم لدراسة الماجستير و 3.5 للتقديم لدراسة الدكتوراة مباشرة بعد البكلوريوس دون المرور بالماجستير علما انه من الممكن احياينا ان تتغاضى الجامعة ( القسم ) عن هذا المعدل وفي احيانا اخرى يطلبون منك تحسين ال GPA عن طريق اخذ مواد تسمى مواد فئة 500 او 600 والمخصصة للدراسات
حتى تعدل معدل ال GPA علما انه هذه المواد غير محسوبة كمواد دراسات فقط لتعديل ال GPA
اذا عندك مجال انه تمتحن التوفل ممكن ان تمتحنه وتخلي بالك همة يطلبون عادة 550 لدراسات الهندسة بس هذا مو ضروري حتى التوفل نفسه مرات يغضون النظر عنه عندما يسوي القسم مقابلة وياك ويشوف لبقاتك بالتحدث باللغة الانكليزية
اما ال GRE فهذا الش يالمهم عندهم حاول تطلع نتيجة جيدة او جيدة جدا بجانب الرياضيات لانه مهم جدا عندهم وممكن ان يكون بداية خير الك وتنطي صورة جيدة عنك كدام القسم والمشرف على حالتك خصوصا وانهالجزء المتعلق باللغة في هذا الامتحان مو سهل بالنسبة لل PMP لازم تعرف انت راح تاخذها كدورة لو راح تدرس ادارة افهي تبقى عندك وتضاف الى وحداتك مو مثل الدورة تبقى اخختيارك للجامعة شي مهم وحساس اختار جامعة معروفة بتخصصك بس لاتكون جامعة خاصة حتى تقل المصاريف عليك
حاول تتطلع على الجامعات الي قريبة من المنطقة الي راح تسكن بيهة تشوف نوع البرامج الموجودة وطبيعتها وحاول من تختار تختار الامور الي مابينها اختلاف مثل دراسات عن بعد او الدراسات العليا باستعمال البحوث فقط حاول تختار النظام العالمي الي معترف بيه بالعراق وبلندن وبامريكا والي يسموه المكس ورك Mix









  
 الهي لا أدري ما تحمله لي الايام لكن ثقتي بأنك معي تكفيني سبحانك ماأحلمك، وبحالي ماأعلمك، وعلى تفريج همي ماأقدرك،                                        أنت ثقتي ورجائي فاجعل حسن ظني فيك جزائي

غير متصل Black Angel

  • مبدع قسم الهجرة
  • عضو مميز جدا
  • *
  • مشاركة: 2616
  • الجنس: ذكر
  • الرائعون كالاحجار الثمينة لانصنعهم بل نبحث عنهم
من اطلعت على البرامج والكورسات الي متوفرة راح تكون فكرة لاباس بيه عن الجامعات وممكن ان تقدم الى 6 او اكثر جامعات قريبة منك حتى ترفع نسب القبول عندك لازم  تعرف بصورة عامة الماجستير اذا تحصله لازم تحصل بين 30-36 وحدة بعد البكالوريوس اما الدكتوراه فلازم تحصل بين 96-108 وحدة بعد الدكتوراه يعني بين ال 3-5 سنين بس لاتنسى كل انسان وطاقاته وتنظيمه فهذا هو الامر العام يبقى حضرتك تحدد الولاية الي تسكن بيها ومن ثم الجامعات الي ترغبها والتقديم بعد ان رب العالمين يسهلك وتوصل بالسلامة وهذا الشي الي اني صار فترة اسويه من تحديد الولاية ومن ثم الاطلاع على الجامعات المتوافرة وبرامجها
اما بالنسبة لمعادلة الشهادة فنعم اكو منظمات تقوم بهذا العمل مثل  wes بس رايي خلي بالك انه الجامعة راح تسوي التقييم الخاص بيها وهي الي راح تحدد ويكون الكلام الفصل والقرار الاخير الهة

اتمنى معلوماتي البسيطو كدرت تجاوب على سوالك ولو بشكل مبسط علما انه الاخوة فوق ماشاء الله كفوا ووفا ان شاء الله واذا اكو اي شي مكن ان اساعدك بيه ان شاء الله مااقصر مادام الله يكمنا
  
 الهي لا أدري ما تحمله لي الايام لكن ثقتي بأنك معي تكفيني سبحانك ماأحلمك، وبحالي ماأعلمك، وعلى تفريج همي ماأقدرك،                                        أنت ثقتي ورجائي فاجعل حسن ظني فيك جزائي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
بالنسبة للتويفل انت تكدر تمتحن من هسه بس شلو تضمن انه تقدم على كلية قبل ما تخلص السنتين مال الامتحان ويصير اكسباير بس نصيحتي انه تقرا وتقرا هواية واذا تريد ممكن تمتحن التويفل علمود تمر بالتجربةوتكدر تعيده مرة ثانية باي وقت بالسنة مو مثل الGRE تظل الدرجة لازكة باسمك 5 سنوات وممكن تمتحن مرة ثانية جي ار اي بس راح تبقى الدرجتين وياك وين ما تروح لمدة 5 سنوات فالافضل انه تضبط دراسة التويفل اذا لغتك تحتاجلها تقوية وبعديت تفكر بالجي ار اي.

غير متصل samnajy

  • عضو فعال
  • **
  • مشاركة: 48
اخ فنشنزو ...انا لاجيء مو (اس اي في)..... اني اوافقك الراي بانه ما حك جلدك مثل ضفرك بس اريد استفاد من تجارب الاخرين
واشكرك علىكل المعلومات اللي قدمتها الي.

اخت سرى كلامك صحيح 100% الواحد يدرس توفل ويطور نفسه ويمتحن (ما خسران شي) ورح ادور عن اي مصادر عن جي ار اي ايضا بلكي تفيدني.
وشكر الجميع على هذا النصائح القيمة

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
حبيبي الملاك الاسود ترة ماكو شي اسمه مقابلة ولباقة وهاي السوالف الكتبتهه كلهه
لان مثلا MIT العام وكل سنة يقدمولهه الاف واذا يريدون يقابلوهم كلهم يرادلهم سبع سنين
مو لو مومو؟؟

فهنا بامريكا ماكو شي اسمه مقابلة لغرض القبول وانما بعد ما تنقبل
ويستعيضون عن هالشي باختراع اسمه:
essay of goals
or
personal statement

تكتبه وتدزه وهمه يقررون وضعيتك

و
تدلل

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل sniper1980

  • عضو فعال جدا
  • ***
  • مشاركة: 158
أخواني المهندسين الاعزاء السلام عليكم

انا اخوكم مهندس مدني خريج 2003 اشتغلت بعدة شركات اهلية عراقية واجنبية وحتى في دوائر الدولة انقبلت ببرنامج الهجرة لامريكا وانا حاليا بولاية نورث كارولاينا  وصراحة ضحيت بكل شي عندي بالعراق حتى اجي لامريكا مو علمود الكهرباء ولا البيئة النظيفة ولا الناس المحترمة لان انا مو احسن من اخواني لو اهلي اللي ضلوا هناك والله الحافظ ...المهم ..هدفي هو ان اكمل الدراسات العليا هنا وهي فرصة ما كنت احلم بيهة صراحة وفعلا حاولت وبحثت وترددت على اكثر من جامعة بولايتي وخارج ولايتي بس للاسف كانت النتيجة جدا محبطة لان متطلبات الدراسة للماجستير او الدكتوراه هي مو مستحيلة بس تاخذ وكت وتوفيق من الله سبحانه وتعالى فوكفت عن التكملة وقررت ان ادرس بالكوميونيتي كوليج حتى استغل وجودي هنا بامريكا واخذلي سنتين وبعدين ربك يحلهة علما انا هسة اشتغل بمعمل مال تغليف الفلاش ميموري والاس دي رام وبعد جد واجتهاد بكوني عامل بسيط واثباتي بجدارتي بالشهادة اللي قدمتهة الهم وهم كانو يراقبوني عن كثب تمت ترقيتي الى مفتش سيطرة نوعية وهاي خطوة جيدة ببداية تاريخي الوظيفي بامريكا  وهذا الشي ما راح ييمنعني من ان أستأنف محاولتي للدراسة ..فاللي اريد اكوله الواحد لازم يدرس هنا بامريكا ولا يظل دائما  عامل بسيط يجييله بكد مايصرف او اقل احيانا.....أسف على الاطالة واشكركم على المناقشة الحلوة والمفيدة جدا ومن الله التوفيق

غير متصل Black Angel

  • مبدع قسم الهجرة
  • عضو مميز جدا
  • *
  • مشاركة: 2616
  • الجنس: ذكر
  • الرائعون كالاحجار الثمينة لانصنعهم بل نبحث عنهم
سيد vincenzo
 
شكرا جزيلا على مرورك والتعليق على الي كتبته حتى تكون على بينة جامعة ال MIT من الجامعات المعروفة لذلك يكون حديين جدا في التعامل مع الطلبات وهذا نفسه الي صار في جامع شيكاغو لان مقبلوا يتنازلوون عن GPA اقل من 3 وامتحان التوفل
بينما جامعة ايلينوي وهي جامعة حكومية قبلت GPA بدرجة 2.58 على ان تاخذ ماديتن او 3 من اجل تحسين المعدل العام دون ان تحسب كمواد دراسات عليا للكريدتوهذا كلة صار بعد مقابلة مع الطالب - والي حضرتك نكرت هذا الشي - الغوا امتحان التوفل وطالبوا بال GRE لذلك اخي العزيز اكون ممنون منك جدا اذا حاولت ان تتاكد قبل متنفي المعلومات
لان كل جامعة الهة خصوصيتها بس رغم ذلك هم مرنين اذا كان طلبك ضمن حدود المرونة ويحاولون يدلوك على اكثر من طريق لتحديد هذا الشي
  
 الهي لا أدري ما تحمله لي الايام لكن ثقتي بأنك معي تكفيني سبحانك ماأحلمك، وبحالي ماأعلمك، وعلى تفريج همي ماأقدرك،                                        أنت ثقتي ورجائي فاجعل حسن ظني فيك جزائي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
والله يا اخي اني اشكرك عالمعلومات والتجارب الحلوة اللي دتذكرهه حضرتك
واحنا هنا هو هذا هدفنه (حجاية منا وسالفة منا وتجربة مناك تتكون خوش خبرة بالدراسات العليا هنا بامريكا)
بس اني متأكد من كون معظم اذا مو كل الجامعات الخاصة والحكومية هنا ما بيهه مقابلة اللا ما ندر ومو اول ما تقدم يدزون عليك على مقابلة
وبالمناسبة دا الاحظ انه هذا الشي عام بامريكا
اقصد انه حتى من تقدم على شغل هواي مرات يختبروك بامتحان عبالك بكلوريا وبدون ان تلتقي بابو الشغل اللي يختبرك بالحجي والسوالف interview
واعتقد هاية طريقة علمية اكثر لان لو عالمقابلات والسوالف فجان اني من الناس افرهم فر بالحجي  ;D ;D

اشكرك اخوية مرة ثانية عاللي ذكرته
بس ما عرفت هسه انت بيا منطقة بامريكا؟؟ وعلى يا جامعات ويا تخصص ويا مستوى دتقدم (ماجستير لو دكتوراه) ؟؟؟

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
احب اضيف فقرة تعقيبا على موضوع المقابلات هو القبول الاولي من الاوراق اللي انت تقدمها ومن يقتنعون بالستيتمنت والمؤهلات مالتك وحتى قسم قبل الGRE يريدون يشوفوك حتى ياخذون القرار الاخير على قبولك بالجامعة (وحتى الوظيفة) تقبلوا تحياتي.

غير متصل انسان بسيط

  • عضو فعال جدا
  • ***
  • مشاركة: 90
السلام عليكم جميعا

منذ فترة وانا لم ادخل منتداكم الموقر,ذلك بسبب ظروف يعلمها من هو في امريكا,اسكن الان في مدينة لين في ولاية ماسجيوسيتس منذ اربعة اشهر,احببت برفد الموضوع ببعض ما علمته من امور الا اني وجدت الاخوة والاخوات قد ملئوه بالكثير من المعلومات المفيدة وللجميع دون اسثناء سواء كان مهندسا او غيره.

الموضوع هو اني خاطبت الجهة المسؤلة على تقييمات الاعتماد للمهندسين والمساحين المختصين وبعدما اوضحت لهم ماهيتي وكيف لي ان احصل عمل باختصاصي وهل ان هناك اجازة ضرورية يجب الحصول عليها لاجل العمل  فاجابوا كما يلي

In order to apply, there are several steps.


You will first need evaluation of your degree.  All degrees obtained outside of the United States must be evaluated by CES which is a division of NCEES.  The website is www.NCEES.org.  This is a necessary step to determine whether the degree is equivalent to an ABET accredited degree which will also establish how much qualifying engineering experience will be required to obtain EIT certification and to sit for the PE exam

There are two types of accreditation for Colleges and Universities: institutional and specialized. Institutional accreditation evaluates overall institutional quality. One form of institutional accreditation is regional accreditation of colleges and universities.  Specialized accreditation examines specific programs of study, rather than an institution as a whole. This type of accreditation is granted to specific programs at specific levels. Architecture, nursing, law, medicine, and engineering programs are often evaluated through specialized accreditation.

For most USA colleges and universities undergraduate programs are accredited by ABET.  If the undergraduate program is ABET accredited at a college or university, the master's program will not be ABET accredited.  If the master's degree program is ABET accredited, then the college or university will not have ABET accredited undergraduate programs. 

If applicants who have obtained their undergraduate degree outside of the USA have completed a Master's program at a college or university in the United States applicants should check with the school to determine whether or not the Master's degree program is accredited by ABET as there are not many ABET accredited Master's degree programs.

Take and pass the Fundamentals Examination.  All applicants are required to take and pass the fundamentals examination unless the applicant has 20 or more years of qualifying engineering experience.  After taking and passing the exam, if the evaluated degree was found to be NON ABET equivalent, then 4 years of qualifying engineering experience must be submitted in order to obtain EIT certification.  Half of the qualifying engineering experience must be obtained in the United States.
If the evaluated degree was found to be equivalent to ABET accreditation, then EIT certification will be granted upon passing the fundamentals examination. 
Please be advised that applicants may take and pass the fundamentals examination before the evaluation of the degree is complete.

To apply to sit for the PE Exam.  Please see the PCS website for all of the eligibility requirements to sit for the Professional Engineer Examination  The website is www.pcshq.com.  Once  you are there, click on applicant information, then under Massachusetts, select Professional Engineer by examination.  You will see Eligibility requirements there.


I hope this helps.



Sincerely,
Susan Coco
Board of Professional Engineers and Professional Land Surveyors
Division of Professional Licensure
1000 Washington Street, Suite 710
Boston, MA  02118-6100

Tel (617) 727-1948
Fax (617) 727-1627
http://www.mass.gov/dpl



غير متصل انسان بسيط

  • عضو فعال جدا
  • ***
  • مشاركة: 90
بالعربي اولا علي معادلة الشهادة وبالنسبة لهذه الولاية فطلبوا معهدNCEES وبعدما يعادلوا الشهادة ينظروا الى اذا ما كانت مكافئة الى ABET وهي معيار لدرجة كفاءة الكلية والجامعة بالمناسبة ال ABET ليس بشرط ينالوه بالكلية او الجامعة وانما احيانا بالاعدادية. كذلك متكلم على الي عدهم ماجستير,وايضا تدخل امتحان ال FE وبعدما تجتازة اذا كانت شهادتك مكافئ لل ABET فعليها والا لازم تكون عندك خبرة نصف هذه الخبرة في الولايات المتحدة مما يعني ليس بشرط ان يكون عندك لايسنز حتى تعمل كمهندس مثل ما قال احد الاخوة ,بعدها تقدر تاخذ ال PE والذي يخولك انت تكون مهندس استشاري مختص.

الزبدة مو ضروري تاخذ FE و ال PE ولكن ان تاخذها يعزز من فرص عملك خاصة ونحن نمر بهذه الازمة الاقتصادية ,بصراحة عملت اوبلكيشن لاكثر من وظيفة منها ما طلب ان اكون حامل لل PE .

بالمناسبة لي موضوع ثاني على اهم المعاهد المعترف بها لمعادلة الشهادات قريبا

مع تحياتي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
مية هله بالبسيط الوردة
والله انت تاج عالراس وذهب مصفى
اني قريب عليك بشمال نيو جيرسي
وانشاء الله نتبادل مسنجر لو سكايب لو ارقام تلفون ونتخابر لان اني هم عندي هواي معلومات صارت لان صارلي شهرين من وصلت
فبلكي نتناقش اني وياك وننزل الخلاصة والزبدة هنا بهالموضوع اللي بلكي يصير مرجع لكل المهندسين العراقيين بكل الولايات الامريكية

عاشت ايدك عالمعلومات الجديدة
خلي اقراهه زين واستوعبهه وارجع اكتب عنهه

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
صديقي الانسان
تأييدا لكلامك حول عدم ضرورة بعض الامتحانات كبداية للمهاجر في امريكا انه عندي موعد هالاسبوع انشاء الله حتى التقي ببعض اهم اصدقائي بهالمنتدى وبنفس الوقت حتى التقي بفد صديقة امريكية مربية فاضلة وسياسية فدا احجي وياهه بالتلفون واني ادري انه حالتهم المادية زينة ويمكن شوية فوك الوسط فذكرتني بانه زوجهه مهندس (طبعا همه ناس كبار بالعمر) ومعيشهم احسن عيشة طول عمرة وهو عنده مجرد بكلوريوس و FE وراح التقي بيه وهواي اتناقش وياه عن الطريقة او الطرق الافضل النه بامريكا

بالمناسبة عندي معلومات قوية ومفصلة حول الFE معضمهه اخذتهه من اتصال هاتفي مطول مع اخونا الجبير د.ماجد بفلوريدا لان هو سوا الامتحان قبل فترة بسيطة ومن التعرف على بعض المهندسين هنا يمي بنيو جيرسي بس بلكي باجر لان هسه صارت الساعة يمي بالثنتين الفجر و وراية غبشة للشغل

بس الزبدة هي انه الامتحان اسهل من شغلة ال USMLE مالة الاطباء بس ابدا مو سهل وانشاء الله برد لاحق (بلكي باجر) افصل نقاط الصعوبة والازعاجات اللي بيه وانشاء الله راح احاول امتحنة باقرب فرصة (اللي هي ممكن خلال سنة من بعد النية) بعد تذليل الصعوبات المؤدية اله

واخيرا راح اعيد العبارة اللي هواي من اخوانه واخواتنه هنا يذكروهه بين فترة وفترة وبطريقة او اخرى وهي
يا ريتنا اجينا لامريكا واحنا فد عشر سنين ازغر

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل انسان بسيط

  • عضو فعال جدا
  • ***
  • مشاركة: 90
اهلا فنجنزو

اشكرك على هذا الاطراء واهلا بيك في اميريكا ولو شوية متاخرة وان شاء الله نتواصل بالطريقة الي تحبهة,وان شاء الله المعلومات الي عندك والي عندي تخلي الاخوة والاخوات يستفادون من هذا الموضوع في حياتهم القادمة.

مثل ما ذكر اللنك اعلاه فامتحان ال FE او يسموه مرات ال EIT  يعني مهندس تحت التدريب هو واحد من امتحانين يجب اجتيازهم للحصول على رخصة مهندس مختص اكرر مختص والامتحان الثاني هو ال PE والي اكيد يكون اصعب بس المشكلة انه ميعتمدون على غير معهدهم حتى يعادل الشهادة وهاي تكلف 400 دولار مثلما مذكور بالجهة الي تقوم بالامتحان والمعادلة من قبلها والي همة NCEES او ال National Council of Examiners for Engineering and Surveying كذلك يحتاجون المنهاج الدراسي واعتقد الشهادة من جهة الاصدار.

شي ثاني حبيت اذكره انه هذا الامتحان مغلق عدا هاند بوك يوزعوه داخل قاعة الامتحان خاص بال FE وموجود بسعر 170 دولار اعتقد ويوصل اقل من 50 دولار للكتاب المستعمل ولا يوجد في المكتبات.

بس ان شاء الله عن قريب كل واحد يريد يحمل هذا الهاند بوك فاباستطاعته ذلك ,فما عليك الا ان تضبط هذا الكتاب الي بيه جداول ومعادلات وجارتات تخص كل اقسام الهندسة وموادها وتعادل شهادتك وتقدم على الامتحان الي يجرى مرتين بالسنة .


سلامي

غير متصل has75

  • عضو
  • *
  • مشاركة: 16
أخي أنسان بسيط The FE handbook reference can download it from www.ncees.org free of charge>
أنا نزلتها عندي و حاولت أبعثها بس حجم الملف 4.4 ميجا بس اللي يريدها ممكن أبعثلهيا على الأيميل الخاص بيه.

تحياتي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
حبيبي هاس مو بلاش وانما ب13 دولار و95 سنت

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل انسان بسيط

  • عضو فعال جدا
  • ***
  • مشاركة: 90
عفوا الظاهر صار لبس بالموضوع الهاندبوك الي احجي عليه يوزعوه بقاعة الامتحان هوpublic_fe_reference_handbook والي موجود بالموقع مالتهم وسعره مثلما كال فينجنزو بس صدك فينجنزو اكدر اكلك انه تكدر تحمل هذا الهاندبوك مجانا واني حملته بالبداية واني اكلك شلون هذا هدية الك اذا موعندك هو اصلا ولكل المهندسين لان كثير مينتبهون على هذا الشي وهم يتصفحون موقع ال FE

ادخل بهالموقع http://www.ncees.org/Exams/Study_materials/Download_FE_Supplied-Reference_Handbook.php

راح تلكه حقل يكلك ادخل ايميلك وسويلة سمبت الايميل,راح توصل رسالة لايميلك بيه باسورد تاخذ الباسورد وتضغط على اللنك الرافقيه بالايميل وتخلي الباسورد بالحقل الثاني وتسوي سمبت بعدها راح يبدا تحميل الهاندبوك الي هو بي دي اف من 266 صفحة وبلاش,ويتدللون.

بس اني اتكلم على كتاب ثاني مو الدليل بيه اسئلة واجوبة وامثلة ومعادلات اضافية هذا عاد متكدر تحصلة الا اذا تشترية جديد او مستعمل.

سلامي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
اخوية البسيط بلكي بس تنطينه اسمه بالضبط هذاك كتاب الpreparation اذا عندك حتى يجوز واحد من عدنه يدبره وينزل الطريقة

زائدا اكو طريقة هسه العة لتبادل الكتب بامريكا ببلاش راح انزل عليهه موضوع منفصل احسن وانزل راب اله هنا

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل انسان بسيط

  • عضو فعال جدا
  • ***
  • مشاركة: 90
اسم الكتاب FE Review & Practice Package
 
اكو مواقع حلوة بصراحة لل FE منها تدخل تدرس اون لاين لمدة 132 ساعة ويكون معك المحاضر والمشتركين لشرح وتبادل المواضيع المهمة لامتحان ال FE طبعا اشتراكه 850 دولار هواية بس بصراحة راح تسوي ريفريش لدماغك وترجع كانه توك متخرج وهذا اللنك
http://www.eitexperts.com/under.htm

ومنها موقع اخر يعطيك فيديو و دي في دي لشرح كل اقسام الامتحان ولمدة 31 ساعة مع اكثر من 700 صفحة من الملاحظات والمحاضرات على شكل بي دي اف وهاي كلهةب 23 دولار وهذا اللنك

http://feexam.org/index.html

واكو مدرسة ال PE او SCHOOL OF PE هي مدرسة تاخذ بيه محاضرات لمدة سبعين ساعة لامتحان ال FE وبيه مختصين يقدمون محاضرات على ال FE وفقط الشي الي يركز عليه الامتحان وايضا برسم مقداره 800 دولار وهذا اللنك

http://www.schoolofpe.com/feeit/

ومنها ما يعطيك اسئلة على شكل كويز وهم باشتراك

http://www.eitexam.com/QuickTest/Quiz11.asp
او هذا بالاحرى

 http://www.eitexam.com/default.htm


غير متصل انسان بسيط

  • عضو فعال جدا
  • ***
  • مشاركة: 90
اولا احب من كل الاخوة والاخوات ان لا يبخل علينة باي معلومة تعزز هذا الموضوع بس تكون المعلومة دقيقة.

ثانيا ذكرت بموضوع ثاني هذا اللنك المهم الي هو نفسه مذكور قبل كم يوم بموضوعنا على موضوع كتب وحاضرات تخص امتحاني ال FE وال PE ومركزين بهذي المحاضرات على اهم مواضيع الامتحان وشرح لامثلة بالتفصيل وباللغة الانكليزية واللنك هو

http://engineeringregistration.tamu.edu/downloads/index.htm

فمواد امتحان ال FE  هي الكيمياء ,دوائر كهربائية,داينمك, اقتصاد واحصاء هندسي,ميكانيك موائع,رياضيات,علم المواد,ستاتيك,مقاومة المواد,ثيرموداينمك وكومبيوتر والبرامجيات.

اما ال PE فهى تصاميم الكونكريت وهندسة البيئة ,هيدروليك,هيدرولوجي,تربة,ستاتيك,نظرية الانتقال,ستركجر ومقاومة مواد,ستاتيك,تصاميح الحديد والخشب وميكانيك موائع.

وكلهة مذكورة بالمحاضرات.ذكرته بهالموضوع حتى يكون متكامل واي معلومات من الاخوة اكون ممنون.

غير متصل انسان بسيط

  • عضو فعال جدا
  • ***
  • مشاركة: 90
نسولف اليوم على امتحان ال GRE وهو ثلاث اقسام Math-Verbal-Writing مثلما فهمت ,ال MATH ويتعامل باقسام الرياضيات عدا التكامل والتفاضل(نظرية العدد والأعداد الصحيحة,الكسور والكسور العشرية,النسبة المئوية,النسبة والتناسب,الجذور,المجموعات ,الانحراف المعياري,الاحتمالات ...).

ال VERBAL وتعتمد على ما اعتقد 3000 كلمة في ال GRE .
وال WRITING وهي كتابة الانشاء.

اللنك ادناه هو لتحميل كتاب مهم واسمه  GRE Barron's

http://hotfile.com/dl/28090734/78cd240/barron_s_gre_17th_ed.rar.htm

طبعا كالمعتاد هذا الكتاب غالي بس اليوم نقدمه الكم وما يغلى عليكم (للامانة منقول).

غير متصل samnajy

  • عضو فعال
  • **
  • مشاركة: 48
اخي العزيز انسان بسيط

حاولت انزل الملف من هذا اللنك بس اعتقد ما يشتغل

بس اني كدرت بالبحت في الانترنت ان احصل على  الطبعة الثانية عشر .....هل فيها اختلاف كبير عن الطبعة 17 او 19 ؟

اتطلعت على GRE 12 EDITION وجدت ان الاسئلة العلمية والرياضيات خاصة بسيطة جدا ولكن اسئلة اللغة الانكليزية صعبة صعبة صعبة جدا

غير متصل انسان بسيط

  • عضو فعال جدا
  • ***
  • مشاركة: 90
amnajy
 شلون ما نزل عندك ,شوف اولا دوس على اللنك انوب دوس  على اختيار ريكولير داونلود راح يشتغل عداد يمك انتظر وبعدين راك يكلك اضغط هنا للتحميل او كليك هير تو داونلود وراح يبدا التحميل

غير متصل Abu Ziad

  • عضو فعال جدا
  • ***
  • مشاركة: 150
مشكور حبي أنسان بسيط على هذا الكتاب أني نزلتها عندي... بس بخصوص ال PE اللي أنت نزلتها بس مال الهندسة المدنية . الظاهر اللي منزل الموقع مهندس مدني  ;) . أنريدنا واحد مهندس كهرباء !!!.
ال FE ماكومشكلة بيه لأنه لكل الأختصاصات هو واحد...

غير متصل انسان بسيط

  • عضو فعال جدا
  • ***
  • مشاركة: 90
من الكتب المستخدمة  لامتحان ال gre  وهو الكتاب في اللنك ادناه وهو عباره عن 5000 كلمة تساعد على اجتياز الجزء الخاص باللغة الانكليزية والتوفل كذلك وطبعا بيه معنى الكلمة باللغة الانكليزية.

وهذا اللنك

http://www.ziddu.com/download/11155639/5000_TOEFL_Wordsusefuldrive.rar.html


احب الجماعة الي امتحنوا ال GRE يشاركونا بالموضوع والي وحدة منهم الاخت سرى.

غير متصل samnajy

  • عضو فعال
  • **
  • مشاركة: 48
كتاب ال 5000 كلمة نزل بسهولة ولكن GRE 17th EDITION  لم ينزل

هل ممكن رفعه على نفس الموقع الذي رفعت عليه كتاب ال 5000 كلمة ؟

وشكرا الك

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اخواني الاعزاء هم الكلمات اللي يخلوها بالكتب تعتبر الاكثر تكرارا بالامتحان لكن لاتعتقدون انه بس هاي المطلوبة كلما تقرون كتاب عن الgre راح تشوفون بعد كلمات جديدة ومراح تخلص.نصيحتي بالنسبة للغة هو التكرار ودائما حاولوا تسوون فد صيغة تتذكرون بيها الكلمات وارجع واكرر اللي ما ممتحن تويفل لا يفكر بالgre بالوقت الحالي امتحنوا التويفل بالاول.

بالنسبة للرياضيات المهندسين راح يشوفوه زلاطة فعلا سهل ولكن خلوا في بالكم هو وقت محسوب عليكم بالامتحان فالمهم تقرون الكتاب والجزء الخاص باستراتيجية الاجابة هاي اهم من الدراسة نفسها.

البارون زين بس يخرع اول ما تبدي تقرا بيه واسلوبه ممل كتب الكابلان بصورة عامة احسن لانه طريقتهم حلوة بالشرح.

اللغة اهم ما بيها هو التكرار ثم التكرار والا الدراسة لمرة واحدة غير كافية مطلقا.بس  للي ما عنده وقت هذا غير حالة.

غير متصل samnajy

  • عضو فعال
  • **
  • مشاركة: 48
شكرا الك اخت سرى  على هذه المعلومات القيمة
وبالفعل .... الجزء الخاص بالستراتيجية مفيد جدا

غير متصل انسان بسيط

  • عضو فعال جدا
  • ***
  • مشاركة: 90
زين شتكولين بهاي النسخة من كابلان اخت سرى؟؟؟


http://www.ziddu.com/download/11155990/KaplanGREverbalworkbookusefuldrive.rar.html

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
زينة اخي انسان بسيط بس تمارين المعاني والمعاكسات قليلة كلش اضافة الى انه الجوز الاخير وهو الvocabulary builder مو الكل راح يكدر يقراه ولاتنسى هم هذا الطبعة الثالثة اللي هسه موجود هو الطبعة السابعة ويمكن اكو تحديث بعد بيها المهم للي ما يكدرون يحصلون الكابلان بالعراق (لانه ما يجيبوه) هاي النسخة مفيدة اضافة الى تمارين البارون والاعادة اهم شي.

غير متصل samnajy

  • عضو فعال
  • **
  • مشاركة: 48
اخواني الاعزاء هم الكلمات اللي يخلوها بالكتب تعتبر الاكثر تكرارا بالامتحان لكن لاتعتقدون انه بس هاي المطلوبة كلما تقرون كتاب عن الgre راح تشوفون بعد كلمات جديدة ومراح تخلص.نصيحتي بالنسبة للغة هو التكرار ودائما حاولوا تسوون فد صيغة تتذكرون بيها الكلمات وارجع واكرر اللي ما ممتحن تويفل لا يفكر بالgre بالوقت الحالي امتحنوا التويفل بالاول.

بالنسبة للرياضيات المهندسين راح يشوفوه زلاطة فعلا سهل ولكن خلوا في بالكم هو وقت محسوب عليكم بالامتحان فالمهم تقرون الكتاب والجزء الخاص باستراتيجية الاجابة هاي اهم من الدراسة نفسها.

البارون زين بس يخرع اول ما تبدي تقرا بيه واسلوبه ممل كتب الكابلان بصورة عامة احسن لانه طريقتهم حلوة بالشرح.

اللغة اهم ما بيها هو التكرار ثم التكرار والا الدراسة لمرة واحدة غير كافية مطلقا.بس  للي ما عنده وقت هذا غير حالة.

بس ممكن تكوليلي اخت سرى اسم كتاب الكابلان كامل ؟
انه اكو كابلان للرياضيات (MATH) وكابلان للطب  و VERBAL  و PREMIER  يعني هل انه لازم اقرأ هذولة كلهم ولا هناك كتاب واحد يشملهم كلهم

طولي بالك علي لانه اسئلتي كثيرة هههههه
شكرا الك اخت سرى على كل هذه المعلومات القيمة

غير متصل Abu Ziad

  • عضو فعال جدا
  • ***
  • مشاركة: 150
صحيح أختي سرى الواحد يمتحن توفل و ال جي أر أي يجي بعدين .... وكتب ال جي أر أي موجودة و متوفرة بكل مكان.

غير متصل احلى مهندسة

  • عضو فعال جدا
  • ***
  • مشاركة: 320
  • الجنس: أنثى
والمسائي هذا لازم واحد يحترمهم كلش لان ديمتحون نفس امتحان الصباحي بس الفرق بانه مطلع معدل بالسادس يمكن مكدر يدرس لظرف ما او كله هي حظ الشغله
فالبتالي كلمن خلص هندسه هو شخص ذكي بس الباقي يعتمد على طموحه طبعا ومقدار تعبه وعلى الحظ لان كلشي بالحياه قسمه ونصيب محد يكدر يكول على فلان فاشل لا محد يعرف وضع الخ وظروف الخ

فعلا اي فرق ماكو بين المسائي والصباحي حتى نفس الاساتذة, واحب اطلب من الاعضاء انه محلو بحقنا احنا كمهندسين ونعتبر ناس مثقفة و واصلة مرحلة تعليم عالية انه نخلي فرق يعني نكول مسائي وصباحي وقبل السقوط وبعد السقوط او قديمين لانه كل واحد بينا تعب لما حصل شهادة الهندسة والكل يعرف انه الدراسة صعبة مو سهلة.
بالنسبة الي اني مخلصة هندسة مسائي بس الحمدلله والشكر هذا الشي ابدا ما اثر على شغلي والحمدلله الشكر صارلي خمس سنين متخرجة بس عندي خبرة عالية ولزمت مشاريع عدة ونجحت واستمريت, وبعدين مثل مكال الاخ انجنير انه كلمن وحظة وطريقة تخطيطة للمستقبل لانه صعوبات الحياة احيانا تكون اقوى من اذكى شخص وتخلي يمر بظروف صعبة جدا
تحاتي للكل واتمنى الموفقية للكل واسفة على الاطالة
اذا اردت شيئا بشدة دعه... ان عاد فهو لك وان لم يعد.... فهو لم يكن ملكك منذ البداية

غير متصل ايسراحمد

  • عضو فعال جدا
  • ***
  • مشاركة: 166
السلام عليكم لكل الاخوان المتواجدون وشكرا جزيلا على هاي المعلومات ....رحمة الوالديكم شو صارت الامتحانات كلش هواية وانلاصت علينه السالفه  ??? ??? ??? بالنسبة الي اريد اعادل الشهادة (هندسة كهرباء / تكنالوجيا) لاغراض العمل .... ممكن بس احد يكتب اسهل الطرق (ان وجد) و بالنقاط .... لان والله دخنه ... مع كامل شكري وتقديري ;D

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اخواني امتحان الجي ار اي مو خاص بالهندسة هذا لكافة الاختصاصات اللي يريدون يكملون دراسات عليا (عدا جماعة الادارة والاقتصاد او ادارة الاعمال يمتحنون GMAT مو GRE) ارجو انه تكون الفكرة واضحة هسه.

اخي الكريم ايسر اني بالخدمة ومن رخصة اخوية انسان بسيط ومشكور لانه فسحلي المجال بالتوضيح، الكتب الكافية برأيي لدراسة الجي ار اي هم كتابين مال كابلان للدراسة الاولى والبارون استفيدوا من تمارينه للمراجعة.

هذا الربط لاسم الكتب من موقع الامازون

Kaplan GRE Exam Math Workbook

هذا للرياضيات

وللغة مثله بس اسمه بمكان الماث يصير فيربال.

الPREMIUM اولا كلش غالي وثانيا هذا مال واحد عنده وقت هواية وبرأيي الكتب اللي ذكرتها بالبداية كافية وهذا الرابط مال الامازون بس حتى يكون عدكم فكرة

http://www.amazon.com/Kaplan-GRE-2011-Strategies-Practice/dp/1419549901

واكو جوة بالصفحة الاشياء اللي ممكن تفيد وية الكتاب مثل البوكس الصغير موجود بيه فلاش كاردز للكلمات المهمة هذا يفيدكم بالمراجعة

تحياتي اتمنى الاستفادة والموفقية للجميع.

غير متصل مغترب بلا وطن

  • مبدع قسم الهجرة
  • عضو مميز
  • *
  • مشاركة: 1728
السلام عليكم جميعا واعتذر منكم لان ما كدرت اقره كل تعليقاتكم والموضوع جميل

اني من الواصلين مؤخرا الى ولاية كاليفورنيا وعرفت انو اسهل طريق حتى تكون مهندس مدني معترف بيك امريكيا هو ان تاخذ امتحان
FE  وهو مختصر Engineer in Training  وهذا الامتحان شامل وطولة 8 ساعات وتكلفته 100 دولار ومكان الامتحان بالعاصمة سكرامنتو ولازم تقدم خبره 3 سنوات حتى تكدر تدخل هذا الامتحان للمهندس العراقي ,) يعني ما يحتاج تعادل وتدفع فلوس وتدوخ روحك بس امتحن وهذا هو ) وهذا كلامي مو سامعة من احد , اني اتصلت بنفسي مجلس المهندسين ب سكرامنتو كاليفورنيا وهمة كالولي هذا الكلام , وتكدرون تتصلون بنفسكم وتشوفون بالموقع مالتهم http://www.pels.ca.gov/

بالمناسبة الامتحان مرتين بالسنة , مرة بشهر ابريل ومرة بشهر اكتوبر ونهاية التقديم هو 21 جانيوري 2011

نصيحة اخرى , اذا ناسي المواد وتريد تعبر هذا الامتحان ف اكو كتاب شامل تقراه مخصص لعبور هذا الامتحان من تأليف Michael R. Lindeburg واسم الكتاب هو Engineer in Training Reference Manual  تكدر تشتريه من موقع امازون  هو والحلول للمسائل الرياضية , واذا تكمل هذا الكتاب راح تضمن 90 بالمية من النجاح

اتمنى الموفقية للجميع
اخوكم من بيركلي كاليفورنيا

غير متصل ايسراحمد

  • عضو فعال جدا
  • ***
  • مشاركة: 166
السلام عليكم ... شلونكم اخوان طبعا اني اشكركم على مواضيعكم وردودكم ... سؤالي هل ان تعديل الشهادة لاغراض العمل عن طريق WES معمول بيها لولا يعني اكدر راسا اشتغل بيها ؟؟؟؟؟
لو لازم ادخل امتحان FE  او PE يله اصير مهندس معترف بيه ؟؟؟؟
مع الشكر.

غير متصل simsim85

  • عضو فعال
  • **
  • مشاركة: 34
السلام عليكم....
تحية تقدير و احترام لكل زملائي و اخوتي بهذا المنتدى النافع و المفيد....
الصراحة...اني صار كم يوم مكابل الحاسبة و كاعد بس اقرة مواضيع الهجرة و المهاجرين...و دحاول الم اكبر قدر من المعلومات
حتى اكون عندي فكرة بالديصير اهناك و اكون مهيأ نفسي و استفاد من تجاربكم حتى اختصر الوقت علية...

هسة خل ابديلكم فد شي بسيط عن نفسي حتى اسمع نصائحكم...
اني مهندس مدني خريج جامعة بغداد سنة 2007...اشتغلت بعد التخرج باختصاصي لفتره قليلة بين شركات اهلية و منظمات الى ان قررت اشتغل كمترجم للقوات الامريكية طبعا السبب الاول و الرئيسي ...الهجرة ثم الهجرة...واني معاملتي ماشية و مقابلتي بالسفارة قريبا جدا....
طبعا اني دخلت الكلية سنة 2003 ( سنة الحرب) و اتخرجت (2007) سنة الطائفية...
يعني دراستني صارت بأسوأ اربع سنين مر بيهة العراق...فخصم الحجي دراستنا جانت مو قوية و احنة جنّة نسخت هواية و نجحنا شلون مجان...بس هم اكو ناس اتعس مني...من ناحية الدراسة اقصد
اللغة الانكليزية مالتي زينة الحمدلله....

هسة دشوف من خلال الحجي ال شفته....التالي

1- مو كل الجامعات تريد توفل....مو كل الجامعات تريد GRE
2- مو كل الجامعات تعتمد على WES او ECE بس تعتمد على معادلتهة الخاصة
3- ابدي اقره و اتحضر لل FE و اكرس كل جهدي و وقتي...لو اكرس جهدي و وقتي للماستر؟؟؟
4- زين...اني امتحن جي ار اي و فرضا نجحت بي و جبت بي خوش درجة...التوفل اله لازم؟
5- اكو جامعات تريد توفل...بس متريد جي ار اي؟؟
6- كتاب ال FE...هل الهاند بوك ال نزللة استاذ انسان بسيط..كافي ان اقراه و ادخل للامتحان؟؟
7- الكل اعتمدت على ويس ماكو احد اعتمد على اي سي اي؟؟
8- السؤال المهم...و ارجع اكرره....انت لو جنت بمكاني..عمرك 26 سنة و واصل لامريكا و عندك شهادة بكالوريوس...خبرة ضعيفة بالمدني...لغة قوية....شراح تسوي؟؟....

يا ريت لو تجاوبوني بالتفصيل الممل...و الكم مني جزيل الشكر و الاحترام و التقدير....ما عندي مانع و اكون ممنون ليوم الدين
اذا خلليت جوابك CC على ايملي iraqicivilengineer@yahoo.com

ممنون للاخوة و الخوات...


غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
1- مو كل الجامعات تريد توفل....مو كل الجامعات تريد  GRE

كل الجامعات تريد تويفل الا اذا جانت تعيسة او عندك شي ثاني يخليهم يستغنون عن التويفل.

مو كل الجامعات تريد جي ار اي (هذا بس للماستر) صحيح بس ترة هاي مو جامعات قوية ومحد يعينك اذا تتخرج منها.

2- مو كل الجامعات تعتمد على WES او ECE بس تعتمد على معادلتهة الخاصة

اي وتعتمد عالجامعة واكو جامعات تلكه عالموقع سياستها موجودة بالنسبة للمعادلة للoverseas


3- ابدي اقره و اتحضر لل FE و اكرس كل جهدي و وقتي...لو اكرس جهدي و وقتي للماستر؟؟؟

هذا بكيفك واخذ رأي المهندسين ايضا انت تريد تكمل بطريق الهندسة العملي لو تريد الماستر وتشوف الطريق الاكاديمي واحتمال الشركات.

4- زين...اني امتحن جي ار اي و فرضا نجحت بي و جبت بي خوش درجة...التوفل اله لازم؟

هم حسب الجامعة وما انصحك تمتحن جي ار اي قبل التويفل مهما تكون زين بالانكليزي لانه شتان بين الامتحانين بالصعوبة.


5- اكو جامعات تريد توفل...بس متريد جي ار اي؟؟

كلتلك هاي جامعات مو شي.وللسعوديين بنظام الابتعاث مالتهم ممكن يعفوهم من الجي ار اي


6- كتاب ال FE...هل الهاند بوك ال نزللة استاذ انسان بسيط..كافي ان اقراه و ادخل للامتحان؟؟

هاي انسان بسيط يجاوبك عليها


7- الكل اعتمدت على ويس ماكو احد اعتمد على اي سي اي؟؟

لا اكو حتى غير ويس وغير اي سي اي fis مثلا بس هم تعتمد عالجامعة بس ماكو احد يكوللك ما اريد wes.


8- السؤال المهم...و ارجع اكرره....انت لو جنت بمكاني..عمرك 26 سنة و واصل لامريكا و عندك شهادة بكالوريوس...خبرة ضعيفة بالمدني...لغة قوية....شراح تسوي؟؟....

هاي المهندسين يفيدوك بيها بس اذا لغتك زينة اعتقد هذا يفيدك هواية.

غير متصل simsim85

  • عضو فعال
  • **
  • مشاركة: 34
شكرا د. سرى
ممنون الج
الفكرة وصلت
بس بقة اسمع اراء الاساتذه...بسيط و فزنجو و ماجد
و الموجودين الكرام بالاسئلة المتبقية

غير متصل انسان بسيط

  • عضو فعال جدا
  • ***
  • مشاركة: 90
شكرا لسرى على الاجوبة.

سمسم جواب 3 واعتمادا على سؤالك الثامن فانصح تاخذ ال FE وال PE ولو كلش صعب وانت تكول ما عندك خبرة وانت بكيفك بعد لان ال FE يسوي ريفريش لمواد الي درستهة بلكلية. اما الماستر فمو هين. وبكيفك شي راجع الك.

رقم 6 الهاند بوك وكتابين بهالموضوع في نهاية الصفحة الاولى هن الكفاية ومعتمدة.

غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
سؤال الى اختي سرى و الى كل من يعرف الجواب لا تبخلون على اخوكم الا و هو......

ماهي افضل طبعة ممكن ان اشتريها لمصدر للتوفل و الجي ار اي حتى اتحضر الى تلك الأمتحانات من اجل تكملة الماستر؟

و ممنون لكم اخوتي و اخواتي الكرام اني اعرف انه مشاركاتي قليلة بس اعذروني لأن مشاغل الحياة مرات اتلهي الواحد و اني بنفس الوقت مستمر مع هذا المنتدى بيتي و بيت كل عراقي غيور.

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
سؤال الى اختي سرى و الى كل من يعرف الجواب لا تبخلون على اخوكم الا و هو......

ماهي افضل طبعة ممكن ان اشتريها لمصدر للتوفل و الجي ار اي حتى اتحضر الى تلك الأمتحانات من اجل تكملة الماستر؟

و ممنون لكم اخوتي و اخواتي الكرام اني اعرف انه مشاركاتي قليلة بس اعذروني لأن مشاغل الحياة مرات اتلهي الواحد و اني بنفس الوقت مستمر مع هذا المنتدى بيتي و بيت كل عراقي غيور.


الجي ار اي اخر شي كان موجود قبل كم شهر هو الطبعة السابعة لكتاب اللغة كابلان والطبعة السادسة لكتاب الرياضيات كابلان

البارون هسه الطبعة ال19 هي اخر شي اعرفه بس ممكن تنزل الطبعة 12 ببلاش من اي موقع وهو يفيدك للتمارين فقط واقرا عالكابلان.

التويفل اكيد اكو للكابلان وهسه اشوفلك اخر طبعة شنو واكوللك بس البارون هم مفيد.


غير متصل لورنس السفاح

  • مبدع قسم الهجرة
  • عضو مميز متقدم
  • *
  • مشاركة: 6213
  • الجنس: ذكر
  • لورنس العرب2
اخوية انسان بسيط
بعيدا عن الموضوع
حبيت اعقب ع ردك اللي هو تعقيب ع رد الاخت زهرة الصبار بخصوص مساحة المنطقة الخضراء
كان هذا رد
((للاخت الي ذكرت انه مساحة السفارة 600 هكتار؟؟؟؟؟؟؟
ليش هي بغداد شكد مساحتهة,الهكتار 10000 متر مربع مثلما تكولين ضرب 600 يطلع ست ملايين متر مربع وهي كل بغداد 5 مليون متر مربع تقريبا.
لا الصحيح مساحة السفارة 42 هكتار,وبكل الاحوال كلشششش هواية,واكيد عندهم غرض والله اليستر))


ممكن تفهمني شلون مساحة بغداد 5 مليون م2؟؟؟
اخي الهكتار = 10000 م2 وليس كم2
وانت اذا ع كلامك كل بغداد 5 مليون م2 تعرف شكد تعادل من تحولها لل كم 2؟؟
تقسمها ع (1000)تربيع مو ع الف فقط ,, لان الوحدات اهنانة مساحة مو طول ,, يعني = 5 كم2 فقط ؟؟
انت تقبلها بغداد مساحتها 5 كم مربع ؟؟
يعني اذا فرضنا بغداد مربعة فطولها  2,236  كم وعرضها  2,236 كم ؟
للعلم فقط ,, بغداد مساحتها 660 كم مربع = 660000000 متر مربع يعني 66000 هكتار
يعني من كالت الاخت زهرة مساحة المنطقة الخضراء 600 هكتار  يعني اقل من 1% يعني كلامها صحيح100% ;D ;D
تقبل تحياتي



           انا من نظر الاعمى الى اهدافي        واسمعت صياحتي من به صمم

غير متصل انسان بسيط

  • عضو فعال جدا
  • ***
  • مشاركة: 90
حبيبي لورنس

اولا المفروض ترد على كلامي في الموضوع نفسه والي اذكر كان لاخونة بيتس مو بهالموضوع.

ثانيا لو تقرا الي نسختهة انت كان عرفت انو مثل ما اني خطئت انت هم خطئت لان اني ذاكر الهكتار 10000 متر مربع وليس كم مربع مثلما تكول اقرا النسخ مالتك واتاكد.

ثالثا الحجي على مساحة السفارة الامريكية وهو42 هكتار يعني مو مثلما ذكرت انه حجي الاخت صحيح والاخت عرفت بهالشي وصححت الكلام.

اما عن مساحة بغداد فهاي انت محكوك بيه لان مساحته 600 مليون متر مربع.

واشكرك على المداخلة

اخوك ابو دعاء

غير متصل لورنس السفاح

  • مبدع قسم الهجرة
  • عضو مميز متقدم
  • *
  • مشاركة: 6213
  • الجنس: ذكر
  • لورنس العرب2
حبيبي لورنس

هلو حبيبي

اولا المفروض ترد على كلامي في الموضوع نفسه والي اذكر كان لاخونة بيتس مو بهالموضوع.

للاسف حاولت لكن الموضوع كان مقفول

ثانيا لو تقرا الي نسختهة انت كان عرفت انو مثل ما اني خطئت انت هم خطئت لان اني ذاكر الهكتار 10000 متر مربع وليس كم مربع مثلما تكول اقرا النسخ مالتك واتاكد.

انت صحيح كاتبها م2 لكن تطبيقك الها وكانها كم 2 وهذا اللي خلاك تكول ان الخضراء 42 هكتار وبغداد 5 مليون م2 ,,فاني كنت اقصد فهمك للهكتار بحكم تطبيقك لما يساويه وليس كتابتك حبيبي
وهذا كان واضح بمثالك اغلخطا للاسف عن مساحة بغداد


ثالثا الحجي على مساحة السفارة الامريكية وهو42 هكتار يعني مو مثلما ذكرت انه حجي الاخت صحيح والاخت عرفت بهالشي وصححت الكلام.


يعني للاسف لحد الان وبعدك مصر ع نفس الخطأ ؟؟ يعني بعدك تكول الخضراء 42 هكتار ؟؟
اوكي
42 هكتار = 420000 م2   =  0,42 كم2   انت تقبل هذا الرقم ؟؟
للعلم مساحة الخضراء توصل 10 كم 2   يعني اكبر حتى من 600 هكتار اللي كالت عليها الاخت


اما عن مساحة بغداد فهاي انت محكوك بيه لان مساحته 600 مليون متر مربع.

واشكرك على المداخلة
العفو حبيبي ابو دعاء ,, وصدكني اني فقط غايتي تصحيح الخظأ مو اكثر
وامكن اني هاي اول مرة نتشاوف بموضوع فارجوك ان تتقبل الفكرة من باب التوضيح
للجميع مو اكثر حبيبي


اخوك ابو دعاء

تحياتي لك


           انا من نظر الاعمى الى اهدافي        واسمعت صياحتي من به صمم

غير متصل انسان بسيط

  • عضو فعال جدا
  • ***
  • مشاركة: 90
هي المشكلة انه الموضوع مغلق فلذلك مدا تتفتهمني ,اكو رد محذوف وللذلك انت متعرف على شنو نحجي احنا ما حجينة على المنطقة الخضراء . و42 هكتار مساحة السفارة وهاي مذكورة بكل مكان وما اريد اخوض اكثر بالموضوع لان خاف موضوعي هم ينحذف. يجوز الادارة تكلك.

واشكرك حبيبي لورنس بلعكس اني اقبل اي تصحيح اذا لزم الامر.

وكل عام وانت والاهل بالف خير

غير متصل انسان بسيط

  • عضو فعال جدا
  • ***
  • مشاركة: 90
اليوم راح انزل ملف بي دي اف عبارة عن  100 كلمة تتردد كثيرا في امتحان ال gre للغة وابامتحان التوفل ,الملف بالملحق

غير متصل لورنس السفاح

  • مبدع قسم الهجرة
  • عضو مميز متقدم
  • *
  • مشاركة: 6213
  • الجنس: ذكر
  • لورنس العرب2
اوكي اخوية انسان بسيط
وانت بالف الف خير
تقبل تحياتي


           انا من نظر الاعمى الى اهدافي        واسمعت صياحتي من به صمم

غير متصل samnajy

  • عضو فعال
  • **
  • مشاركة: 48
اختي سرى
انا دور على كتب الكابلان و الباررون ولكيتها في دبي ولكن هناك كتب كثيييييرة وبمواضيع كثيرة جدا في علوم الحياة والفيزياء والكيمياء وتختلف عن ال جي ار اي اللي نزلته من النت.... بصراحة دخت وما كدرت اقرر اي كناب منهم ممكن يكون مفيد...علما انني ابحث عن كتاب يفيدني في معادلة شهادة الهندسة المدنية لغرض اكمال دراسة الماجستير ....وشكرا

غير متصل simsim85

  • عضو فعال
  • **
  • مشاركة: 34
Hello Every 1
All the new versions of (barron) books have the title (TOEFL IBT) is there any difference between IBT and (CBT) because I have 11th edition which is (How to prepare for TOEFL) and the new edition is (How to prepare for TOEFL IBT)????

So please let me know if there are any differences between them...or the TOEFL organization change their ways in testing???


and my other question about GRE....what is the suitable book for Civil Engineering (only) ???

thank you 

غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
شكرا سرى بس ممكن اتكملين الجميل و ادزيلي اللنك الي اكدر اشتري منه كتاب مع قرص ليزري لكل من التوفل و الجي ار اي اني تقريبا شفت كم طبعة و خصوصا للتوفل بس اني بصراحة اخاف من هذه المواقع لا تطلع مو حقيقية و الواحد يشتري و يتورط

 و كل كتاب كم صفحة يطلع تقريبا؟

علما انه اني خريج اداب انكليزي هل TOEFL IBT يفيدني لو غيره؟ 







سؤال الى اختي سرى و الى كل من يعرف الجواب لا تبخلون على اخوكم الا و هو......

ماهي افضل طبعة ممكن ان اشتريها لمصدر للتوفل و الجي ار اي حتى اتحضر الى تلك الأمتحانات من اجل تكملة الماستر؟

و ممنون لكم اخوتي و اخواتي الكرام اني اعرف انه مشاركاتي قليلة بس اعذروني لأن مشاغل الحياة مرات اتلهي الواحد و اني بنفس الوقت مستمر مع هذا المنتدى بيتي و بيت كل عراقي غيور.


الجي ار اي اخر شي كان موجود قبل كم شهر هو الطبعة السابعة لكتاب اللغة كابلان والطبعة السادسة لكتاب الرياضيات كابلان

البارون هسه الطبعة ال19 هي اخر شي اعرفه بس ممكن تنزل الطبعة 12 ببلاش من اي موقع وهو يفيدك للتمارين فقط واقرا عالكابلان.

التويفل اكيد اكو للكابلان وهسه اشوفلك اخر طبعة شنو واكوللك بس البارون هم مفيد.



غير متصل amerzedan

  • عضو فعال
  • **
  • مشاركة: 39
أخواني الأعزاء

ألموضوع مهم للمهندسين و جميل و لكن اخذ بعدا اخر . انا مهندس مدني و اسكن في ولاية زاشنطن منذ اكثر من عام. و قابلت اشخاصا عديدين و اتصلت بمواقع عديدة حتى صار الموضوع واضح بالنسبة لي.
اولا يجب الفصل بين امتحان FE , PE و امتحان GRE and TOEFL  لأأن امتحان FE عبارة عن امتحان لغرض الحصول على رخصة ممارسة المهنة من الولاية و تكاليفه 400 دولار لغرض المعادلة للشهادة ويجب معادلتها حصريا من NCEES  و ذلك بأرسال نسخة من الدرجات و الشهادة و المنهاج الدراسي من الجامعة مباشرة اليهم (و هذه العقبة الأولى يعني يحتاج ان يكون لك احد المعارف او الأصدقاء لمتابعة الموضوع من الجامعة). النقطة الثانية يجب اجتياز امتحان FE و تكلفته 125 دولار ثم العمل اربعة سنوات و التقديم على امتحان PE للحصول على رخصة عمل مهندس استشارى او مصمم.

و اذا اكو اي استفسار فأنا حاضر

غير متصل hussam2010

  • عضو فعال جدا
  • ***
  • مشاركة: 273
  • الجنس: ذكر
السلام عليكم اخوان موضوع مفيد جدا لكل المهندسين
عندى كم سؤال ياريت تساعدونى بيه لان الصراحة دايخ ومااعرف وين اتوجه

زوجتى مهندسه معماريه عدها خبرة ست سنوات شنو الى لازم تسويه حتى تكدر تشتغل باختصاصها
رحت للجامعه طلبو منها امتحان توفل حتى يعادلون الشهادة زين اذا امتحنت التوفل تكدر راسا تقدم ماستر وتكدر تاخذ منحة وشلون تاخذ منحة وشكد تطول
الشى الثانى تكدر تمتحن امتحان ممارسة المهنه قبل التوفل لو لازم التوفل والاخ الى نزل رابط موقع الى يسجل بيه حتى يحصل على رخصة شامل كل الولايات لو بس كاليفورنيا لان انى بولايه يوتا
وشكرا لسعه صدركم

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
شكرا سرى بس ممكن اتكملين الجميل و ادزيلي اللنك الي اكدر اشتري منه كتاب مع قرص ليزري لكل من التوفل و الجي ار اي اني تقريبا شفت كم طبعة و خصوصا للتوفل بس اني بصراحة اخاف من هذه المواقع لا تطلع مو حقيقية و الواحد يشتري و يتورط

 و كل كتاب كم صفحة يطلع تقريبا؟

علما انه اني خريج اداب انكليزي هل TOEFL IBT يفيدني لو غيره؟ 







سؤال الى اختي سرى و الى كل من يعرف الجواب لا تبخلون على اخوكم الا و هو......

ماهي افضل طبعة ممكن ان اشتريها لمصدر للتوفل و الجي ار اي حتى اتحضر الى تلك الأمتحانات من اجل تكملة الماستر؟

و ممنون لكم اخوتي و اخواتي الكرام اني اعرف انه مشاركاتي قليلة بس اعذروني لأن مشاغل الحياة مرات اتلهي الواحد و اني بنفس الوقت مستمر مع هذا المنتدى بيتي و بيت كل عراقي غيور.


الجي ار اي اخر شي كان موجود قبل كم شهر هو الطبعة السابعة لكتاب اللغة كابلان والطبعة السادسة لكتاب الرياضيات كابلان

البارون هسه الطبعة ال19 هي اخر شي اعرفه بس ممكن تنزل الطبعة 12 ببلاش من اي موقع وهو يفيدك للتمارين فقط واقرا عالكابلان.

التويفل اكيد اكو للكابلان وهسه اشوفلك اخر طبعة شنو واكوللك بس البارون هم مفيد.




حجزت المكان حتى ارد عليك باجر ان شاء الله بس خليني اشوف المواقع وارجعلك خبر وعادة انت من تشتري من الامازون الاصلي مثلا يكون عندك اكاونت ومن تدخل بالصفحة يكوللك اهلا lionofiraq

الرابط للجي ار اي موجود برد الي سابق بس التويفل اشوف وارجعلك.

غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
شكرا سرى و اني همين البارحة فتت على موقع الأمزون من الجوجل و اشتريت التوفل لكابلان بس الطبعة الثانية عبارة عن كتاب ويا قرص ليزري راح يجيني وية الطلب  و سعرة 25 دولار بس اني همين شفت كم كتاب لكابلان بخصوص الجي ار اي.

شنو نصيحتج هل اشتري و اكو الطبع 19 و اكو عدة طبعات و اني افضل اني اخذ كتاب للجي ار اي شامل لكل المواضيع؟

و شكرا سرى

غير متصل simsim85

  • عضو فعال
  • **
  • مشاركة: 34
اخت سرى
ارجو الرد على استفساري

مع الشكر

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
Hello Every 1
All the new versions of (barron) books have the title (TOEFL IBT) is there any difference between IBT and (CBT) because I have 11th edition which is (How to prepare for TOEFL) and the new edition is (How to prepare for TOEFL IBT)????

So please let me know if there are any differences between them...or the TOEFL organization change their ways in testing???


and my other question about GRE....what is the suitable book for Civil Engineering (only) ???

thank you 

اخوية سمسم التويفل تمتحن البروفيشينال اذا انت بالعراق والتحضير للتويفل يكون على كتاب البارون لانه ما اعرف الكابلان شلونه..رغم اني اشوف كتب الكابلان اسهل للدراسة ومو معقدة...

نجي على الجي ار اي اخي العزيز هذا امتحان للي يريد يقدم ماستر بصورة عامة مو بس للهندسة بس اذا دتسأل على امتحان الرخصة هاي اخونا انسان بسيط يفيدك بيها.

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
شكرا سرى و اني همين البارحة فتت على موقع الأمزون من الجوجل و اشتريت التوفل لكابلان بس الطبعة الثانية عبارة عن كتاب ويا قرص ليزري راح يجيني وية الطلب  و سعرة 25 دولار بس اني همين شفت كم كتاب لكابلان بخصوص الجي ار اي.

شنو نصيحتج هل اشتري و اكو الطبع 19 و اكو عدة طبعات و اني افضل اني اخذ كتاب للجي ار اي شامل لكل المواضيع؟

و شكرا سرى


هلو اخوية اسد الطبعة ال19 اني تكلمت عنها هذا كتاب البارون للجي ار اي مو كتاب الكابلان للتويفل اوكي ؟؟

هسه اوضحلك الطبعات اللي اعرفها حتى تكون الصورة واضحة:

كابلان للجي ار اي كتابين رياضيات طبعة 7 ولغة طبعة 6

البارون للجي ار اي اخر شي اعرفه هو الطبعة 19 وممكن تحميل طبعة 12 من عدة مواقع.

انت على ياهو تريد تدرس؟

غير متصل samnajy

  • عضو فعال
  • **
  • مشاركة: 48
العفو اختي سرى ولو طولنا الاسئلة عليك بس هذا لطمعنا بكرم اخلاقك ....

انتي شنو رايك اي واحد بيهم الافضل بالنسبه للمهندسين المدنيين كابلان ولا بارون ؟

غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
لعد سرى اني راح ادرس على بارون الطبعة 19 عليش اسويها مراحل و اشتري كتابين ولحد للغة و الثاني للرياضيات بس اني اصلا ادبي فهل تتصورين ممكن ادرب زين على الرياضيات و اطلع من حقها؟


و اني اصلا اشتريت مصدر مال توفل الخاص بكابلان هو قرص و كتاب بس على اساس يجيني اليوم بس لحد الأن موصل.

كم يوم تتصورين يطول الطلب يلة يوصل للبيت؟ و شكرا

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
العفو اختي سرى ولو طولنا الاسئلة عليك بس هذا لطمعنا بكرم اخلاقك ....

انتي شنو رايك اي واحد بيهم الافضل بالنسبه للمهندسين المدنيين كابلان ولا بارون ؟

اخوية سام مالها علاقة حضرتك مهندس او طبيب بالدراسة للجي ار اي بس اللي يفيدك انه انت بالرياضيات ما راح تطول لانه مارة عليك قبل كم سنة مو مثل ناس من الاعدادية ما مروا على رياضيات بعد اني لو تريد رأيي تقرا على كتاب واحد واني افضل كابلان.بس من تكمل لازم تعيد التمارين بغير كتاب لانه راح تحفظ التمارين اللي بكابلان فلافضل انه تقرا على كابلان ونزل طبعة 12 بارون ببلاش من النت وراجع عليها بس تمارين لغة ورياضيات.

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
لعد سرى اني راح ادرس على بارون الطبعة 19 عليش اسويها مراحل و اشتري كتابين ولحد للغة و الثاني للرياضيات بس اني اصلا ادبي فهل تتصورين ممكن ادرب زين على الرياضيات و اطلع من حقها؟


و اني اصلا اشتريت مصدر مال توفل الخاص بكابلان هو قرص و كتاب بس على اساس يجيني اليوم بس لحد الأن موصل.

كم يوم تتصورين يطول الطلب يلة يوصل للبيت؟ و شكرا


اخوية اسد انت براحتك بس راح يتعبك البارون على العموم كل واحد يشوف ياهو اللي يريحه بالدراسة اكثر اني شفت اسلوب كابلان ابسط وخصوصا بالرياضيات وبعدين هم الكتابين مال كابلان يعادلون حجم الكتاب مال بارون فنفس الشي وانت اختار.بس هم لازم تراجع على غير كتاب علمود تتمرن على اكسرسايز اكثر.

وصول الشحنة يعتمد عالموقع اللي انت طلبته شوف هم شكاتبيلك بالاوردر مثلا اذا بامازون؟ وعندك نمبر تسويله تراكننغ وتشوفه وين وصل.موفق ان شاء الله

اني حاضرة لاي سؤال يخص الجي ار اي.

غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
اخوان شنو رائيكم بالماستر اون لاين

اكو كم جامعة يخابرون عليه و استفسرت منهم كالوا لا نحتاج توفل و لا جي ار اي

بس هل هم معترف بيهم بالعالم لو لا؟

و اذا خلصت هل اكدر احصل شغل من الشهادة؟ و شكرا لك من يجيبني على سؤالي

غير متصل hussam2010

  • عضو فعال جدا
  • ***
  • مشاركة: 273
  • الجنس: ذكر
السلام عليكم اخوان موضوع مفيد جدا لكل المهندسين
عندى كم سؤال ياريت تساعدونى بيه لان الصراحة دايخ ومااعرف وين اتوجه

زوجتى مهندسه معماريه عدها خبرة ست سنوات شنو الى لازم تسويه حتى تكدر تشتغل باختصاصها
رحت للجامعه طلبو منها امتحان توفل حتى يعادلون الشهادة زين اذا امتحنت التوفل تكدر راسا تقدم ماستر وتكدر تاخذ منحة وشلون تاخذ منحة وشكد تطول
الشى الثانى تكدر تمتحن امتحان ممارسة المهنه قبل التوفل لو لازم التوفل والاخ الى نزل رابط موقع الى يسجل بيه حتى يحصل على رخصة شامل كل الولايات لو بس كاليفورنيا لان انى بولايه يوتا
وشكرا لسعه صدركم



اكللكم اشو محد جاوبني ليش هيجي لابسيني امروتكم    ;D

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اخي الكريم حسام راح اجاوبك على موضوع الماجستير فقط والباقي على اخوتنا المهندسين

التويفل تمتحنه قبل التقديم والمعادلة اكيد ومن تمتحنه اذا جامعة زينة راح يطلبون منها تمتحن جي ار اي همين اما اذا ماطلبوا منها فهاي جامعة مو كلش مستواها مع احترامي والافضل تشوفون جامعة تطلب جي ار اي.

المنح تشوفها بموضوع للاخ hashman مفصل واذا لكيت الرابط اخلي الك هنا.تحياتي

غير متصل samnajy

  • عضو فعال
  • **
  • مشاركة: 48
ااني عندي ماستر عن طريق الاون لاين من فلوريدا ... اسم الجامعة ابراهام لنكولن.....بس هم كاتبين بالويب سايت مالهم انه ما عدهم (CAMPUS) يعني مو جامعة ابراهام لنكولن المشهورة حسب ما اعتقد (تشابه اسماء) هههههههه.
المهم...قدمتها لغرض المعادلة بالامارات بس ما قبلوا بيها وكتبولي بالجواب مالهم انه الشهادة اصلية ولكن الجامعة غير معترف بيها بالامارات.

هل مثل هذه الشهادات مفيده في اميريكا ؟ وخاصة ان هذه الشهادة مصدقة وبشكل رسمي من الخارجية الامريكية ..

ممكن اذا احد عنده اي معلومه يفيدني بيها ؟؟؟

شكرا للجميع

غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
هذا اعتقد تناقض شلون يكولون الشهادة اصلية و شلون الجامعة ممعترف بيها اني سالت امريكان يكولون انه معترف بيها بامريكا و هي نحو التطور يعني راح توصل مرحلة اتوازي الشهادة الي اتحصلها من حرم الجامعة.

بس سؤالي الك اخي!!!

اذا ردت اتقدم على عمل هل يعترفون بيها؟

و هل انت ردت اتكمل على الدكتورا لو شنو الموضوع في الأمارات؟

ارجوا التوضيح من فضلك

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
ااني عندي ماستر عن طريق الاون لاين من فلوريدا ... اسم الجامعة ابراهام لنكولن.....بس هم كاتبين بالويب سايت مالهم انه ما عدهم (CAMPUS) يعني مو جامعة ابراهام لنكولن المشهورة حسب ما اعتقد (تشابه اسماء) هههههههه.
المهم...قدمتها لغرض المعادلة بالامارات بس ما قبلوا بيها وكتبولي بالجواب مالهم انه الشهادة اصلية ولكن الجامعة غير معترف بيها بالامارات.

هل مثل هذه الشهادات مفيده في اميريكا ؟ وخاصة ان هذه الشهادة مصدقة وبشكل رسمي من الخارجية الامريكية ..

ممكن اذا احد عنده اي معلومه يفيدني بيها ؟؟؟

شكرا للجميع


من ناحية معترف بيها اي معترف بيها بس احجيلي منو راح يشغلك بيها هاي المشكلة هو انت تاخذ شهادة من جامعة متوسطة محد يشغلك يشغلون اللي جايين من جامعات عريقة اكثر النوب اللي عنده اونلاين.......

بس هذا ما يمنع انه تقدمها كمعزز لشهاداتك..

غير متصل samnajy

  • عضو فعال
  • **
  • مشاركة: 48
اخي lion of iraq
مو كل شهادة اصلية يكون معترف بيها...
من يكتبون انه الشهادة اصلية فهذا معناه ان الشهادة مو مزورة لانه فتحوا الويب سايت مال الجامعة وشافوا اسمي موجود بيه. لكن ممكن تكون الجامعة ما معترف بيها لانه كثير من الدول والجامعات ما تعترف بال (distance learning).
بالنسبة الى سؤالك للتقديم الى عمل باستخدام هذه الشهادة ....انا قدمتها وانرفضت في الامارات ...ولكن عندي بكالوريوس هندسة من جامعة بغداد وهي الماشية حاليا عندي.
اما بالنسبة الى تقديم هذه الشهادة لغرض اكمال الماجستير فاعتقد ان الجامعات اكثر تشدد من وزارة العمل في هذا الشان ولا يعترفون بيها لان معادلة هذه الشهادة في الامارات لا يمكن لانها غير متوافقة مع الشروط الاماراتية للشهادات.

اتمنى ان اكون وصلت الصورة بشكل واضح

هذا اعتقد تناقض شلون يكولون الشهادة اصلية و شلون الجامعة ممعترف بيها اني سالت امريكان يكولون انه معترف بيها بامريكا و هي نحو التطور يعني راح توصل مرحلة اتوازي الشهادة الي اتحصلها من حرم الجامعة.

بس سؤالي الك اخي!!!

اذا ردت اتقدم على عمل هل يعترفون بيها؟

و هل انت ردت اتكمل على الدكتورا لو شنو الموضوع في الأمارات؟

ارجوا التوضيح من فضلك


غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
شكرا اخي على الرد و ممنون

بس ممكن اتوضحلي اذا تعرف يا هي الجامعات الي يعترفون بيها اذا عندك بعض اسماء يا ريت؟

هل يعترفون بجامعة فينكس   PHOENIX

غير متصل samnajy

  • عضو فعال
  • **
  • مشاركة: 48
لا والله اخي ما اعرف..... يكولون اكو قائمة بوزارة التعليم العالي الاماراتية باسماء الجامعات المعترف بيها ....بس ما اكدر ان اتصور حجم وشكل هذه القائمة لانه كما تعرف هناك عشرات الاف الجامعات ولا اعتقد ان يمكن ضمها بقائمة واحدة...واذا حصلت اي معلومة بهذا الخصوص فان شاء الله اخبرك بيها

غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
اني اشتريت كتاب التوفل بس IBT هل هذا يفيدني علما انه المؤلف هو كابلان و مرفق مع الكتاب 3 اقراص ليزرية؟

ارجوا التوضيح و شكرا للجميع

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اني ما اعرف كتب كابلان مال التويفل اعرف بس البارون ان شاء الله الاخوة اللي اشتروا كابلان يوضحولك اخوية اسد...

بس بصورة عامة كتب كابلان طريقة الشرح بيها حلوة

غير متصل simsim85

  • عضو فعال
  • **
  • مشاركة: 34
توفل آي بي تي...هو احدث شي...والعالم كللة هسة ديمتحن ال اي بي تي...بس بالعراق تختلف الوضعية...
صح؟

غير متصل lionofiraq

  • عضو فعال جدا
  • ***
  • مشاركة: 983
  • الجنس: ذكر
  • العين بالعين و السن بالسن على الباغي تدور الدوائر
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
شكرا الى كل من سمسم و سرى و اتمنى ان نسمع من بقية الشباب

غير متصل Leroy Jethro Gibbs

  • عضو فعال جدا
  • ***
  • مشاركة: 223
  • الجنس: ذكر
  • أتبكي وربك الله ؟
موضوع مفيد ورائع جدا



قبل أن تتفوه بأي كلمة غير لائقة , أعلم انك تتحدث بلسان ستة الالاف عام من الحضارة

غير متصل movetoo

  • عضو فعال جدا
  • ***
  • مشاركة: 125
 
 ماشاء الله موضوع مفيد والله يسهل للجميع  :D

 


 

Hämta Adobe Flash Player