Menu

المحرر موضوع: إستفسار عن كيفية التقديم للهجرة أو اللجوء  (زيارة 1837 مرات)

0 الأعضاء و 1 ضيف يشاهدون هذا الموضوع.

غير متصل iraqourlove

  • عضو
  • *
  • مشاركة: 14
مساء الخير .. مرحبا أخوان وأخوات .. أرجو الاجابة على اسئلتي
انا حاليا في بغداد .. وأريد الهجرة أو اللجوء الى أميركا أو أي دولة .. هل أقدم عن طريق الآي أو أم في بغداد .. أم لا استطيع الا عن طريق اليو أن في عمان ؟.. وأذا سافرت الى عمان وقدمت .. هل استطيع وحدي التقديم لي ولعائلتي .. أم يجب أن تكون العائلة جميعها معي في التقديم .. وهل بعدها استطيع ان ارجع للعراق والانتظار .. أم يجب أن أقيم في عمان .. رجاء الاجابة وارجو ان تكون اجابة وافية وشاملة لأنني بصراحة الموضوع يحتاج الى شرح وافي منكم .. تقبلوا مني كل الشكر والتقدير .. تحياتي للجميع وممنون منكم

غير متصل ninwanastar

  • عضو فعال جدا
  • ***
  • مشاركة: 218
  • http://www5.0zz0.com/2011/10/31/22/289541918.jpg
اخي الكريم عيدك مبارك
ال IOM فقط للناس الي اشتغلت ويا الامريكان وحاسين انه حياتهم بخطر
اما اذا انت مااشتغلت مع الامريكان فقدم مباشرة عل UN  لازم تكون كل العائلة وياك احسن وتكون الك قصة قوية بانه حياتك بالعراق بخطر
ال UN موجود ب سوريا والاردن ولبنان وتركيا ومصر اختار انت اللي يناسبك

غير متصل iraqourlove

  • عضو
  • *
  • مشاركة: 14
تحياتي .. كل عام وانت بخير وعيد سعيد .. شكرا لك .. أنا أعمل في مجال الاعلام في قناة فضائية في بغداد .. بصراحة ما عندي معلومات كثيرة عن الموضوع .. حبيت أسأل وأفتهم عن كيفية التقديم والمراحل .. وحبيت استفسر عن الطريق الصحيح للتقديم

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3029
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
اهلا وسهلا بيك اليكي الرابط التالي http://www.ankawa.com/forum/index.php/topic,458154.0.html وتكدرين تكتفين بورقة الحمايةالي تمنع عنج الترحيل القسري للعراق شرط ان لاتشتغل اي مكان لانو الشغل بالاردن ممنوع تعرض نفسك لشرطة الوافدين اذا لزموك تترحل فقط اذا اشتغلت بدون اقامة دائمية معتمد على ورقة الحماية وذاني شغلة لازم تظل بالاردن متروح البغداد نهائيا لانو يعرض ملفك للرفض والرجع لقسم الحماية او اقمة ثانية تخلي وديعة 25000 الف دولار تكدر تشتغل بيهة اقامة رسمية وتجدد كل سنة ولانو انتة اعلامي اكيد 90 بالمية فنلندا تاخذ اعلامييين

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3029
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
لازم تكون العائلة موجودة

غير متصل iraqourlove

  • عضو
  • *
  • مشاركة: 14
شكرا للاخوان aa12_zz5 و ninwanastar .. يعني ما اكدر اقدم من بغداد مباشر لان عملي ماله علاقة بالامريكان بهالحالة لازم اسافر للاردن اني والعائلة واقدم لليو ان والآي او ام ؟؟؟ اني سمعت انه التقديم عن طريق الايميل من بغداد

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3029
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
الاي او ام فقط العملين مع القوات الامريكية اذا تقصدين بغداد واذا الاردن مو شرط امريكا تطلعلج وعالاكثر تطلعلج فنلنلدا تريد اعلاميين وصحفيين خيارات اليو ان احسن وطبعا لازم تجين انتي والعائلة للاردن

غير متصل iraqourlove

  • عضو
  • *
  • مشاركة: 14
شكرا اخي  aa12_zz5  ممنون منك على التواصل والاجابة .. بصراحة معنوياتي صعدت شوية بأجوبتك .. بس بصراحة دخت بالاقامة في الاردن بدون اقامة ماكو عمل .. واكيد فترة كم شهر او أحتمال سنوات الى ان تنحل شغلة الهجرة من اليو ان .. ولازم واحد يشتغل حتى يغطي مصاريف المعيشة .. مصاريف عائلة مو قليلة .. حيرة والله

غير متصل كافي ظلم

  • عضو فعال
  • **
  • مشاركة: 63
  • الجنس: ذكر
السلام عليكم
اخوتي الاعزاء...

سبق وان نوهت بان الهجرة مو شي بسيط وعواقبه وخيمة وخصوصا اذا ما كعد حظك وياك.

الاخ العزيز صاحب الموضوع:-

شنو الهجرة: يعني تصفي امورك بالعراق ومتعوف اي شي (تشلع من العراق) مثل ما تشلع(السن من اللثة) يعني بلا رجعة. هذا الموضوع مو سهل لكثير من الناس .اني وياك الحال بالعراق تعبان بس المصبرنة على المر الامر منة.انت حاليا حياتك مستقرة واطفالك في مدارسهم واقربائك طابين طالعين من يمك واذا توكع اكو من يوكفلك. وهاي وضيفتك مليون من يتمناهة .
بس من تطلع من العراق هذا كله يتغير تماما . تفقد وضيفتك .اطفالك مالهم مدارس . اقرباء ماالك . من توكع محد يوكفلك .الطايح رايح . مصدر دخل ماكو . تبقى عايش على المساعدات هاي اذا اكو مساعدات يعني بهذلة .تبقى على هل حال الى ان ياذن الرب.وبعد هاي البهذلة النتيجة ما مضمونة وخصوا مثل حالتك لان ما عندك قضية او مشكلة حقيقية او اوراق ثبوتية تثبت ظلمك او اضطهادك يعني احتمال يرفضون قضيتك .بعدها لازم ترجع للعراق؟؟؟؟؟؟؟؟؟؟؟؟؟ما راح تلكالك مكان بالعراق تحس نفسك غريب لا شغل ولا سكن الك الله ..........
اخوي العزيز ما ييصير اسويلك الهور مرك وال.......الخ. والقرار راجع الك
اريد اكلك(اذا بيهة مجال ترتب امورك وتسلكهة بالعراق خير على خير).واذا ما بيهة مجال عليك بالتالي:-
صفي امورك وجمعلك كم فلس (مو اقل من دفتر )لان السالفة اطول اكثر من سنة ومصدر دخل الك ماكو بالدولة الراح تسافر الهة.لملم اوراقك ومستمسكاتك والعائلة كلهة .شوفلك دولة تناسبك (الاردن ,سوريا,مصر ,لبنان , تركيا) وتوكل على الله وخلي كلشي بالحسبان.....

                            الصديق من صدقك لا من صدقك




كافي ظلم - بغداد

غير متصل صلاح سلامه

  • عضو
  • *
  • مشاركة: 23
ألأعضاء ألعزاء
أذا واحد ما يريد أن يأخذ ألعائلة من أول مرة . شو يعمل يقدم لهم ألأن لوبعدين ؟؟؟؟؟؟؟؟؟؟؟؟؟؟؟
تحياتي

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3029
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
اخي صلاح لازم الاهل وياك

غير متصل iraqourlove

  • عضو
  • *
  • مشاركة: 14
الأخ المحترم كافي ظلم .. تحياتي لحضرتك .. أني أشكرك جداً على ردك اللي أعتبره جداً واقعي ومثالي .. فعلاً كلامك بعيد عن العواطف ويصيب الحقيقة .. تعرف حضرتك واقعنا المرير اللي نعيشه في داخل العراق واللي يجبر الكثير من العراقيين على ترك بلدهم .. فعلاً قرار الإبتعاد عن البلد والهجرة قرار مصيري وصعب جداً .. لكن ما في اليد حيلة .. العراق إنتهى بعد وما بي أي طعم .. مرة ثانية أشكرك , وأعتبر كلامك نصيحة من صديق صدوق .. وفعلاً حالياً أعيش أصعب الأوقات بإتخاذ القرار .. اني في حيرة من أمري جداً .. الله يسهل عالجميع .. أتمنالك كل الخير التوفيق وإن شاء الله يبعدك عن كل ظلم  ..

غير متصل كافي ظلم

  • عضو فعال
  • **
  • مشاركة: 63
  • الجنس: ذكر
السلام عليكم
اخوية العزيز  (iraqourlove)
اني ما اريد اكلك السفر مستحيل . واذا امورك داجة بالعراق العظيم وبعد ما بيك تقاوم .وتريد لاطفالك مستقبل كريم افضل من مستقبل العراق المرير وخصوصا ان الحكومة باقية نفسها يعني نفس الطاس ونفس الحمام.رتب امورك واجرلك مكان مناسب في عمان ولم العائلة الكريمة وتوكل على الله.والله ليدوخ عبده


                     و إذا رأيت الرزق ضاق ببلدة                         وخشيت فيها أن يضيق المكسب

                     فارحل فأرض الله واسعة الفضا                     طولا وعرضا شرقها و المغرب

                     فلقد نصحتك إن قبلت نصيحتي                     فالنصح أغلى ما يباع ويوهب
                 
                                            القصيدة الزينبية للامام علي عليه السلام

كافي ظلم - بغداد

غير متصل ولاء علاء

  • عضو
  • *
  • مشاركة: 13
اخوية الله يساعدك اريد رد حاسم ومسشتعجل حيل لان شغلتي حساسة وارجو ان تنظرلها بمنظار من كل جهة عندي اربعة قضايا وحده اقوى من الاخرى قتل عائلتي من  ارهاب  2 قتل والدي قتل خطاء من قبل الامريكان  3  قضية تهجير وعندي هوية مهجر وعندي دعوة خطف انخطفت والاوليات مستمر بالتحقيق حاليا شهر التاسع 2010     4 \ قضية اعتقال ظلم وتعرضت للتعذيب واطلقو سراحي لكوني كنت اثناء واجبي انا موظف في وزارة الداخلية العراقية وتم تدريبي من قبل القوات الامريكية وتم تزويدي بشهادة من قبل القوات الامريكية بجتيااز الاختبارات وتعييني  ولدي باج باللغة الانكليزية موقت وشهادة التخرج من قبل القوات الامريكية  يفيدني اقدم مباشر من بغداد سفارة الامريكية لو اقدم عل اي او ام  وبخصوص قضية والدي بشهادة الوفاة وسجل القيد والملحقية مثبت بيها قتل خطاء من قبل القوات الامريكية تفيدني هاي السبب باللجوء

غير متصل ام تسنيم1

  • عضو فعال جدا
  • ***
  • مشاركة: 630
اخويه ولاء علاء   موضوعك  اكتبه كموضوع جديد   وليس تحت الردود حتا الاخوان اهل الخبره يجاوبوك   يعنى بالبدايه تشوف موضوع جديد  تنقر علا الواوس  وتكتب  ينزل موضوعك   والله انى لو اعرف اساعدك مااقصر     ان شاء الله الاخوان يساعدوك            الله يفرج همك        وييسرلك اهل الخير