Menu

المحرر موضوع: الماجيك جاك - طريقة اتصال رخيصه جدا  (زيارة 5201 مرات)

0 الأعضاء و 1 ضيف يشاهدون هذا الموضوع.

غير متصل stormes

  • عضو فعال
  • **
  • مشاركة: 57
  • الجنس: ذكر
مرحبا اخون
ما ادري اذا كان هذا الموضوع مطروق سابقا ام لا بس كلت خلي اكتب الموضوع بعد ما شفت موضوع المدرس بخصوص الاتصال المجاني وبعد عرفت بعض الاشخاص الي ما عندهم علم عنه
طبعا الماجيك جاك هو جهاز صغير مثل الفلاش ميموري بس شويه اكبر ينربط بالكومبيوتر من جه والجه الثانيه تدخل بيه فيشة التليفون وطبعا لازم يبقى الكمبيوتر يتشغل حتى يبقى الخط شغال.
سعر الماجيك جاك بالمحلات 40 دولار لمدة سنه يعني بس تشتري الجهاز تخابر بيه داخل امريكا وكندا ابلاش وماكو اي دفع فلوس لمدة سنه. ميزة الماجيك جاك انه تكدر تاخذه وياك وين ما تروح حتى لو تسافر خارج امريكا تحابر على امريكا وكندا كانك دا تخابر من امريكا.
يعني تشتري واحد وادزه لاهلك بالعراق (ب 40 دولار الشحن) ويخابروك وتخابرهم ابلاش. هسه اشتريت اثنين ادزهم انشاء الله لاهلي قريبا
هذا موقع الشركه http://www.magicjack.com/5/index.asp وهسه عندهم اوفر يدزلك الماجيك جاك وتجربه لمدة شهر ابلاش وتكدر تشتريه من المحلات مثل البيست باي

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
مشكور على الموضوع اخي ستورم
عندي بس اضافات للموضوع عن اذنك
- السنه الاولي فقط تدفع 40 دولار لان 20 دولار سعر الجهاز و20 دولار هو الاشتراك السنوي. والسنوات اللاحقه تدفع فق
 عشرين دولار.
- الجهاز يربط بالحاسبه ويربط به جهاز الهاتف لذلك إذا اطفأت الحاسبه سيطفأ الجهاز ايضا.
- يعتمد في عمله على سرعة الانترنيتت.
- ستمتلك رقم امريكي خاص بك تتصل من خلاله الى كل امريكا وربما كندا والمكسيك مجانا أرضي وموبايل.

الفيكه اللي تسويهه:
- من تشترك بالجهاز وتدخل على الانترنيت تسجله فستكون لك امكانية تسجيل الرقم فإختار رقم بمفتاح مدينتك كي يكون الاتصال رخيص أو مجاني أو اصلا كي تتمكن من الاتصال لأن بعض الخطوط الارضيه اصلا هي محليه فقط خاصة الخطوط التي تمتلك تخفيضا لذوي الدخل المحدود.

شكرا على الموضوع المفيد
المدرس
مع التقدير
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل abuhatem

  • عضو فعال جدا
  • ***
  • مشاركة: 958
انا اشتريت الجهاز وهو جيد ، ولكن هناك مشكلة انه لازم تربطه بالكمبيوتر ، وطبعا ما تكدر تخلي الكمبيوتر يشتغل 24 ساعة
لذلك اشتريت جهاز ثاني افضل منه وهو http://nettalk.com وهو افضل بكثير ، يمكن ربطه بطريقتين ، اما مثل الماجيك جاك من خلال الكمبيوتر ، او مباشرة على الانترنت بدون الحاجة للكمبيوتر ، والطريقة الثانية افضل لان ما تحتاج كمبيوتر وسرعة الانترنت لا تتاثر بسرعة الجهاز.
جهاز Net Talk  سعره 70 دولار وبعد سنة تبدي تنطي 30 سنوي ، وايضا ينطيك رقم خاص بيك ويتصل كندا وامريكا والمكسيك مجاني.

يعني اذا تريد توديه للحجية الوالدة وهية ما عدها خبرة بالكمبيوتر فالجهاز الثاني بدون كمبيوتر افضل مثله مثل التلفون الارضي ما يحتاج اي خبرة.

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
صحيح كلام الاخوة واني سبق طرحت الموضوع واجابونا الاخوة بتجاربهم وية الجهار وهذا رابط الموضوع

http://www.ankawa.com/forum/index.php/topic,405826.0.html

شكرا اخي ستورمز لتذكير الاخوان بالموضوع للي ما سامع عن الجهاز سابقا

تحياتي لكم

غير متصل heart_0f_baghdad

  • مبدع قسم الهجرة
  • عضو فعال جدا
  • *
  • مشاركة: 906
  • الجنس: ذكر
  • Success Is My Only Option .... Fail Is Not
اخوان بالنسبه للنت توك هو صحيح ما يتاثر بسرعه النت ؟؟؟؟ اذا صحيح لعد اريد واحد :)
وبعدين اذا اتصل منه لاي رقم بامريكا او كندا موبايل او ارضي ايضا مجاني؟؟

غير متصل abuhatem

  • عضو فعال جدا
  • ***
  • مشاركة: 958
نعم Net talk يتصل ويستقبل من اي موبايل او ارضي في كندا وامريكا
وهو ينفع الجميع ، لانه يعطيك رقم امريكي ، فانا مثلا اخوتي في اوربا يتصلون بي من خلال برامج Voip لان برامج الفويب تتصل بامريكا مجاني. وانا الآن في الاردن لكن رقمي امريكي
كذلك فان رقمك ثابت اينما تذهب اذا كنت من كثيري السفر او تغير من ولاية الى اخرى ، تاخذه معاك اينما كنت ورقمك يبقى نفسه
اذا كنت مثلا في احد المطارات وهناك اشارة انترنت ، تربط الجهاز باللابتوب ويكون عندك تلفون اتصال واستقبال

غير متصل Ali TN

  • عضو فعال جدا
  • ***
  • مشاركة: 151
  • الجنس: ذكر
الله اني اليوم الصبح سويت اوردر على الماجيك جاك اذا طلع زين ادزه للحجية...واني اخذ نيت توك بس على الراتب الجاي ;D
وبخصوص انه ياثرن بالسرعة لو لا فاكيد الاثنين يتاثرن بسرعة النت بس اعتقد مو كلش..يعني انترنت بغداد بالييل او الفجر ينطيك خوش وضوح
تحياتي

غير متصل heart_0f_baghdad

  • مبدع قسم الهجرة
  • عضو فعال جدا
  • *
  • مشاركة: 906
  • الجنس: ذكر
  • Success Is My Only Option .... Fail Is Not
شكرا على التوضيح اخواني لكن اني بالعراق مين اقررب مكان اشتريه؟.؟

غير متصل Ali TN

  • عضو فعال جدا
  • ***
  • مشاركة: 151
  • الجنس: ذكر
من امريكا  ;D ;D ;D ;D ;D ;D
والله يا اخويه لازم واحد منا يشتريه ويسويله رجستر ويدزلكيا لان حسب ما شفت الموقع ما يشحن دولي

غير متصل heart_0f_baghdad

  • مبدع قسم الهجرة
  • عضو فعال جدا
  • *
  • مشاركة: 906
  • الجنس: ذكر
  • Success Is My Only Option .... Fail Is Not
يعني استفااااااااااااااااااد :)
مشكور اخويه على التوضيح

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
هو الافضل انه تشتريه من امريكا لانه اكيد ارخص....

غير متصل stormes

  • عضو فعال
  • **
  • مشاركة: 57
  • الجنس: ذكر
مشكورين اخوان على المساهمات الحلوه الي بيها فائده لاخوانه العراقيين
بالنسبه للمجيك جاك هسه عندهم اوفر تشتريه ب 109 دولار اذا مو اني غلطان ويكون لمدة ستة سنوات ابلاش واذا مشتريه تدقع يمكن 70 دولار وتمدد اشتراكك لمدة خمسة سنوات اضافيه
صحيح لازم ينربط على الكمبيوتر ويبقى شغال، هسه اني شاده بالبيت لانه بدل ما اجيب موبايل لزوجتي اشتريت الماجيك جاك وخليته بالبيت واني عندي خط سمبل موبيل الي يستلم ويدز مسجات لكل العالم ببلاش بالاضافه الى المكالمات داخل امريكا ابلاش ويكلفك 40 دولار بالشهر، وها تستخدم موبايلك يعني ما تحتاج تشتري من الشركه موبايل اذا عندك واحد. وبالماجيك جاك والسمبل موبل ما تحتاج الكمبيوتر يبقه شغال مثلا بالعراق لانه ادزلهم مسج ويفتحون الكمبيوتر واذا انت ما تريد اتشغل الكمبيوتر فبعد يمك من تستلم مسج من اهلك اتشغله.
سالفة النت تالك ماعندي بيها علم واذا ما تحتاج كمبيوتر فبعد احسن. بس الي اعرفه انه المجك جاك فائزه بجائزة احسن اختراع بسنه من السنوات. فبعد ما ادري

غير متصل ديفيد بغداد

  • مبدع قسم الهجرة
  • عضو مميز
  • *
  • مشاركة: 1502
اخوان بالنسبة لبرنامج الvoip  بانواعة ديصير عندي مشكلة بالجارج مالتة مو بس انا انا و اصدقاء هم بحيث ديرفض بعض انواع الكردت الي جانت شغالة علية و من اتراسلهم للشركة محد اجاوب على الحل

غير متصل abuhatem

  • عضو فعال جدا
  • ***
  • مشاركة: 958
بالنسبة للدفع في برامج الفويب ، الافضل انت تضغط على :
Local Resellers
وهو يخبرك اذا كان هناك شركات تدفع لهم وهم يضيفون على حساب الفويب لك
انا استعمل هذه الطريقة في الاردن ، وادفع 11 دينار لاضافة 10 يورو يعني تقريبا ادفع 16 دولار لكل عشرة يورو

ملاحظة مهمة اخ ديفيد بغداد ما يظهر لك لطريقة الدفع هو حسب الدولة التي تسجلها كعنوان لك ، ولذلك اذا تغير عنوانك الى امريكا فراح تشوف ان كل انواع الدفع موجودة. غير عنوان الى اي عنوان في امريكا وشوف.

غير متصل ديفيد بغداد

  • مبدع قسم الهجرة
  • عضو مميز
  • *
  • مشاركة: 1502
انا اجرجولي من امريكا و المشكلة من اجرج  تطلعلك بالبداية الفيزة  و الماستر   بعدين من اتريد اجرج مايقبلة 

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
مشكور اخي عالموضوع و المعلومات ... بس اني عندي فكرة ثانية هواية أحسن من هاي الطرق

اذا تحسبون تكلفة القائمة الشهرية للفويب او الماجيك جاك و اللي يعتمدن على وجود الإنترنت لغرض الإتصال و قائمة الموبايل العادي اللي عدكم ... فالأفضل (برأيي) هو شراء موبايل I Phone أو بلاك بيري ... صحيح القائمة الشهرية مالته شوية عالية (بحدود 85$) لكن رح تطلع نفس الشي إذا دفعتوا أجرة الموبايل العادي مع أجرة الفويب أو الماجيك جاك أو كارتات الإتصال من الهاتف الأرضي اللي يستعملوهه البعض.

بوجود الآي فون أو البلاك بيري ممكن تنزلون عليهن برامج سكايب او ياهو مسنجر ...الخ و طبعا أفضلهن هو السكايب ... و بالمقابل اللي يتصلون بيكم من خارج أمريكا ايضا يستعملون السكايب بالإنترنت فالإتصال رح يكون مجاني ... و اني هذا الشي مجربه و استعمله صارلي فترة طويلة و الصوت كلش واضح.

و بنفس الوقت اللي يتصل بيكم من تلفون دولي انتوا مراح تدفعون شي و هذا من ضمن خدمة AT&T

هذي فكرتي و ان شاء الله تفيدكم

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اخي ماجلان شلون تطلع ارخص من الماجك جاك هذا الجهاز انت تدفع 20 دولار اشتراك وما يكلفك بس اربطه عالنت وانت اول وتالي اكيد ساحب نت بالبيت شلون تقارن بين 20 دولار و85 دولار؟؟؟ ما افتهمت بلكي تفهمني....

غير متصل stormes

  • عضو فعال
  • **
  • مشاركة: 57
  • الجنس: ذكر
الاخ ماجلان، 85 دولار بالشهر تدفع بس احنه دا نتكلم عن 20 دولار بالسنه فاحسبه وشوف شتطلع. بالاضافه الى انه بعض الاهالي ما يعرفون يستخدمون برامج النت فطريقة المجك جاك هوايه احسن لانه بس تشيل التلفون وتخابر

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
اخي ماجلان شلون تطلع ارخص من الماجك جاك هذا الجهاز انت تدفع 20 دولار اشتراك وما يكلفك بس اربطه عالنت وانت اول وتالي اكيد ساحب نت بالبيت شلون تقارن بين 20 دولار و85 دولار؟؟؟ ما افتهمت بلكي تفهمني....

صحيح ... بس قصدي يمكن كان مو واضح هلكد .. و خلي أوضحه أكثر .. بس بالبداية أريد تجاوبيني على هاي الأسئلة:

انتي هسه عندج موبايل؟ اذا الجواب نعم .. شكد تدفعين بالشهر؟

بالإتصال الدولي شتستعملين؟ و شكد يكلفج بالشهر؟

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
الاخ ماجلان، 85 دولار بالشهر تدفع بس احنه دا نتكلم عن 20 دولار بالسنه فاحسبه وشوف شتطلع. بالاضافه الى انه بعض الاهالي ما يعرفون يستخدمون برامج النت فطريقة المجك جاك هوايه احسن لانه بس تشيل التلفون وتخابر

أخوية انت هم كلامك صحيح ... بس يا اهالي قصدك؟ اللي بالعراق لو اللي بأمريكا؟ يعني ما أعتقد هسه أكو أحد خارج العراق ميعرف يستعمل المسنجر و حتى اللي بداخل العراق اللي عايشين بالقرى و الأرياف صار عدهم حاسبات و إذا ميعرفون فلازم اكو واحد فهيم بالمنطقة و يعلمهم  ;D

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
اخي ماجلان شلون تطلع ارخص من الماجك جاك هذا الجهاز انت تدفع 20 دولار اشتراك وما يكلفك بس اربطه عالنت وانت اول وتالي اكيد ساحب نت بالبيت شلون تقارن بين 20 دولار و85 دولار؟؟؟ ما افتهمت بلكي تفهمني....

صحيح ... بس قصدي يمكن كان مو واضح هلكد .. و خلي أوضحه أكثر .. بس بالبداية أريد تجاوبيني على هاي الأسئلة:

انتي هسه عندج موبايل؟ اذا الجواب نعم .. شكد تدفعين بالشهر؟

بالإتصال الدولي شتستعملين؟ و شكد يكلفج بالشهر؟

اخي ماجلان احنا لامريكا او كندا نستعمل الارضي بصورة عامة والموبايل من اي تي اند تي الفاملي بلان وماخذين 700 دقيقة وهي الحد الادنى للدقايق

احنا دنحجي على اتصال للعراق بالاضافة للي ما يريدون يخلون ارضي يعني الماجك جاك اذا تخابر منه لامريكا او كندا واذا تخابر للعراق على واحد هم عنده ماجك جاك كله يصير باقل من 20 دولار بالسنــــــــــــــــــــــــة

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
يعني تستخدمون الأرضي للإتصال بالولايات الأمريكية و كندا ؟؟؟؟؟؟؟؟

هذا سؤال إضافي زاد على الأسئلة السابقة اللي مجاوبتيهن

احنا دنحجي على اتصال للعراق بالاضافة للي ما يريدون يخلون ارضي يعني الماجك جاك اذا تخابر منه لامريكا او كندا واذا تخابر للعراق على واحد هم عنده ماجك جاك كله يصير باقل من 20 دولار بالسنــــــــــــــــــــــــة

يعني العوائل يخلون انترنت علمود الماجيك جاك و ميخلون تلفون أرضي؟؟؟؟؟ زين انتي من وصلتي لأمريكا لحد الآن شفتي بيت ما بيه تلفون أرضي؟؟؟ أغلب المعاملات بأمريكا من يطلبون رقم تلفون لازم يكون أرضي مو موبايل و خصوصاً البنوك

و إذا قصدكم عالتوفير بالفلوس فإذا كان الماجيك جاك بعشرين دولار فالسكايب يشتغل السنة كلهه ابلاش و انتو بكل الأحوال حاطين انترنت و حاسبة علمود الماجك جاك

و المثل العراقي يكول ... شنو هاللذة من هالفكر؟؟؟؟

غير متصل abuhatem

  • عضو فعال جدا
  • ***
  • مشاركة: 958
خلي اسوي دعاية للـ Nettalk
كل بيت في امريكا فيه انترنت ، فقط تربط النت توك بين الانترنت وجهاز تلفون عادي ويكون عندك خط 24 ساعة
مثله مثل اي تلفون ارضي ، بدون الحاجة لتشغيل كمبيوتر او ما شابه
يعني انا الان في الاردن وعندي هذا الجهاز ، وانشالله اذا وصلت امريكا ما يحتاج اشترك بتلفون ارضي ، بس اشترك بالانترنت وانصب هذا الجهاز ويصير عندي ارضي مجاني بدون الحاجة الى مراجعات ولا فواتير شهرية
كذلك اذا غيرت سكن ، يبقى نفس الجهاز ونفس الرقم معاي وين ما اروح وبدون مشكلة
اذا كنت الان في الاردن والتلفون شغال والحرارة موجودة 24 ساعة ، فاكيد الانترنت في امريكا افضل وما راح يكون هناك مشكلة ، ولا حاجة للاشتراك بتلفون ارضي ولا كمبيوتر يشتغل مع الجهاز.
كذلك اذا صار عندي سفر الى اوربا او العراق مثلا فالجهاز يمكن تشغيله ما دام اكو انترنت ، كذلك اذا كنت في المطار وهناك اشارة انترنت موجودة ، اشغل اللابتوب واربط الجاز بيه وراح يشتغل عادي يتصل ويجاوب اتصالات وبنفس الرقم.
واذا ردت اشغله بالعراق راح احتاج اشتراك انترنت 24 ساعة وبدون كمبيوتر راح يشتغل ، بس لان الانترنت بالعراق بطئ فراح يكون الصوت شوية بيه مشكلة حسب سرعة الانترنت. يعني اذا الصوت يشتغل بالياهو زين ، فاكيد بهذا راح يتشغل شوية افضل.
شتريد بعد ، كاعد بالعراق وعندك رقم تلفون امريكي ، يعني اقاربك باوربا يتصلون بيك بلاش من خلال برامج الفويب.
خوش اسوي دعاية ؟
اشتري http://nettalk.com بسبعين دولار ومعه اشتراك سنة مجاني ، ومن السنة الثاني تدفع اشتراك ثلاثين دولار
طريقة نصبه سهلة جدا ، ياتي مع الجهاز ورقة صغيرة فيها باسوورد ، تدخل الموقع على قسم تفعيل Activate تنطي الباسوورد وعنوانك في امريكا (اي عنوان والسلام) وراح ينطيك رقم تلفون ويتفعل. وهاي هية، راح يشتغل الجهاز

خدمة اخرى توفرها الشركة ، برنامج تنصبه على الموبايل اذا كان يحوي اشارة انترنت  ، ويتصل بامريكا وكندا بلاش

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
أختي سرى:
اتمنى متزعجج بعض الردود اللي تعتمد قلة الادب.وان متردين عليهه.
أتمنى ان تنتبه الادارة لهيج نماذج.

مع الاحترام الشديد للموضوع المفيد وللاخوه الاعضاء
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
يعني تستخدمون الأرضي للإتصال بالولايات الأمريكية و كندا ؟؟؟؟؟؟؟؟

هذا سؤال إضافي زاد على الأسئلة السابقة اللي مجاوبتيهن

احنا دنحجي على اتصال للعراق بالاضافة للي ما يريدون يخلون ارضي يعني الماجك جاك اذا تخابر منه لامريكا او كندا واذا تخابر للعراق على واحد هم عنده ماجك جاك كله يصير باقل من 20 دولار بالسنــــــــــــــــــــــــة

يعني العوائل يخلون انترنت علمود الماجيك جاك و ميخلون تلفون أرضي؟؟؟؟؟ زين انتي من وصلتي لأمريكا لحد الآن شفتي بيت ما بيه تلفون أرضي؟؟؟ أغلب المعاملات بأمريكا من يطلبون رقم تلفون لازم يكون أرضي مو موبايل و خصوصاً البنوك

و إذا قصدكم عالتوفير بالفلوس فإذا كان الماجيك جاك بعشرين دولار فالسكايب يشتغل السنة كلهه ابلاش و انتو بكل الأحوال حاطين انترنت و حاسبة علمود الماجك جاك

و المثل العراقي يكول ... شنو هاللذة من هالفكر؟؟؟؟


اخي ماجلان اني جاوبتك وجنت اتمنى النقاش يستمر بس بصراحة ردك الاخير يخليني بعد ما ارد عالموضوع ومن رخصة الاخوان

واللي يريد يشتري او ما يشتري شغلة تخصه ما تخصني ...........

تحياتي

غير متصل ماجلان

  • نجم منتدى الهجرة و اللاجئين
  • عضو فعال جدا
  • *
  • مشاركة: 308
أختي سرى ما أعتقد أكو شي بردي الأخير ... و إذا قصدج على المثل اللي بنهاية كلامي ... فهذا مثل مو أكثر ... و مو انتي المقصودة بيه و لا أي واحد من اللي جاوبوا عالموضوع مقصودين بيه ... لكن هو ينطبق على الحالة اللي موجودة بهذا الموضوع ... و تفسيره انه واحد يسوي شغلات معقدة في سبيل ان يوفّر فلوس و بالتالي يطلع هو صارف هواية فلوس.

و اذا ما ردتي تكملين المشاركة بالموضوع فأكيد الشغلة مو إجبارية ... و اني كنت متوقع هذا الشي بدليل عدم الإجابة على أسئلتي اللي كان ممكن توصلنا الى نتيجة