Menu

المحرر موضوع: تحليل رموز ايملات ال IOM التخميني...وشرح لسير المعاملات و تصنيفها وسرعة انجازها  (زيارة 8228 مرات)

0 الأعضاء و 1 ضيف يشاهدون هذا الموضوع.

غير متصل willpower

  • مبدع قسم الهجرة
  • عضو مميز
  • *
  • مشاركة: 1183
السلام عليكم,

حبيت انزل هذا الموضوع للمتقدمين على برنامج ال IOM وهذا الشرح المقتبس من ردود اليه سابقه و مواضيعي السابقه للقائدة. و مقدما اكول هاي رأي الشخصي و هو رأي تخميني تخميني تخميني ... استنادا على تحليل مجريات الملفات الي مرت علينه.... قد تستفادون منه و قد لا تستفادون.
 

اجراءات الكيسات بال IOM مقسميه على اساس:
- الاولويه: اولويات الشخص المتقدم ...و توفر المعلومات الكاملة بدون نقوصات
 ومو شرط الاجراءات تمشي بتسلسل ارقام الكيسات و تاريخ التقديم.

*** تصنف المعاملات الى درجات وانواع  ( الامور التي تعمل على سرعة انجاز المعاملات)
بما ان كل كيس اله ظروفه الخاصة و الكيسات طبعا غير متشابهه , فيتم عملية فلترة و ترتيب الفايلات معتمدا على امور عدة, منها.
 
 1-     A    تاريخ استلام ال كيس نمبر    

بهاي المرحله تروح معاملات سنة (2011 مثلا) الى قسم A ... الشهر الاول على سبيل المثال اتصير A1 . والشهر الثاني A2 . هكذا. .. فالاولويه للشخص الي ابـ A1 ومن ثم A2 .وهكذا.
( رقم الكيس)  مو شرط ارقام متقاربة معناه تاريخ تقديم متقارب. احتمال شخص قدم بشهر الاول رقمه اعلى من شخص قدم وراه بشهر الثاني. لان اكو نظام الشيفتينك يعني الارقام الي تنلغي لملفات ملغاة ما تحذف وانما تعطى لكيسات اخرى فيما بعد قد تكون جديدة .

بعدين اتروح الى:-

2-     B      التاكد من الوظيفة و الركومنديشن لترز    

 ايه مرحله جماعة ال A1  تروح معاملاتهم الى B1 ... وال A2 الى ال B2 . والاولويه الى لB1  بسرعة اكمال المعاملات... وتعتمد على سرعة رد السوبرفايزر على رسالة الركومنديشن.

 ملاحظة: .يعني احتمال اذا ما استلمو التاكيد على الوظيفه او اتاخر فجماعه المقدمين وراك يجتازون هاي المرحله و انت تراوح ابمكانك. قجماعة B2 يجتازون هايه المرحلة مع العلم يمكنانت من جماعة B1 .

بعدين اتروح الى:-

3-       C       عدد افراد الكيس            

 كيس من نفر الى نفرين اسرع في انجاز معاملاتهم ..يعني اسرع من 8 لو 10 نفرات...و يمكن التقسيم في المعاملات هو... من نفر الى 2 ...... الاول .   وراه من 3 الى 5 .....الثاني .     وراه من 5 الى 10 ....... .

3-    D        مستجدات امنيه بالقضية            

المستجدات الامنيه واطلاعهم عليه لها دور ايظا, بوجود الدلائل و الاثباتات. راح اتاثر على سير الملف

4-      E      ارسال و استلام ايميلات بشكل دوري  لمتابعه سير القضيه          

احتمال اكو اهمال من الموظف او خطا غير مقصود فارسال ايميلات متابغة راح اتساعدك ان اتكون  متاكد انو معاملتك على الطريق الصحيح.

5-       F       اذا كانت الفايلات والكيسات مباشرة وغير مباشرة .              
في حال صاحب الكيس هو نفسه الابلكنت المقدم اسرغ من اذا كان مو هو صاحب الكيس كان يكون مقدم لاهله.... م \ عدد خلايا العمل على الفايلات النوع الاول هي ضعف عدد الي يعملون على فايلات النوع الثاني الغير مباشر, و الاول له اولويه اكبر. فتمشي بسرعه اكبر من الثاني.

6-     G       الحظ .              

طبعا امكانيات الموظفين في كل خلية عمل اله دور بانجاز المعاملة بسرعه اكبر. ( يعني انت و حظك). .. بمكن واحد وصلت معاملته يم جماعه موظفين بروفشنل و موظفين سريعين,, والثاني يم موظفين بطيين بانجاز المعاملات... هذا فد شي معروف بكل دائرة او شركة انو اكو موظفين و اقسام انشط من غيرها.


------------------------------------------
------------------------------------------

مثال:

خلي انكول اكو شخصين قدمو بنفس الوكت و التاريخ ..الاول ابو حنون  والثاني ابو ناميله.

ارسال الايميل ... نقسه بالنسبه للاول ابو حنون والثاني ابو ناميله

استلام ال IZ نمبر. ..الاول ابو حنون استلم  والثاني ابو ناميله  بعده.دينتظر  

البدء باجراءات القضية

مراحل الاجراءات للكيسات المرقمة والمعرفه.
1- نرنيب الفايلات ... حسب الخطوات بالتسلسل المذكور:

1-1   . تاريخ استلام ال كيس نمبر. (ترتيب روتيني) ..الاول (ابو حنون) دخل السستم والثاني (ابو ناميله) يمكن هسه يله استلم الكيس النمبر.
1-2   . رقم الكيس. ترتيب روتيني
1-3   . التاكد من الوضيفة و الركومنديشن لترز. (ترتيب غير روتيني حسب سرعه رد اصحاب الركومنديشن). ..الاول ابو حنون اتاكدو من وظيفته والثاني ابو ناميله دينتضر يدخل مرحلة السستم .
1-4   . عدد افراد الكيس. (ترتيب روتيني) .. ..الاول  نفرين  والثاني ابو ناميلة 8 نفرات.

وهكذا................... بقيه النقاط

فنشوف ابو حنون مشت معاملته و وصل مرحله متقدمه و ابو ناميله بعده و اتاخر...مع العلم قدموا بنفس التاريخ
بمعنى مو شرط اني مقدم قبل سنه معاملته تمشي اسرع من الي مقدم قبل 6 اشهر. .

--------------------------------
--------------------------------


شرح الرموز:

طبعا مقدما الكم ... هذا الشرح للرموز هو شي تخميني..... استنادا على المعلومات البسيطة الي اتوفرت من خلال اعضاء الكروب.

-  الرمز:   RRS .     المعنى \ المرحلة :   قسم  تغيير في حجم الملف \عدد الافراد \ معلومات .
 Revise & Resize Statistics    تعديل و تغير حجم البيانات
م \    قد تاتي في اي وقت يوجد تغيير حجم الملف \عدد الافراد\معلومات

-  الرمز:   SMB .     المعنى \ المرحلة :   قسم \ نقص معلومات السيرة المطاوبه .
Shortage & Missing  Biography    نقص و عجز بمعلومات السيرة.
م \    قد تاتي في اي وقت يوجد نقص  او تجييك بالمعلومات.

اقسام المراحل الابتدائية
-الرمز:
JAY--
NSH---
HTH----
ADS------
 
هي مرحلة ترتيب واعداد اساسيات الملفات .

اقسام المراحل المتوسطة
-الرمز:
HMJ-- فسم الي متاخره معاملاتهم اطول من اللازم لمراجعه ما او تجييج اضافي
SAS---
DH----
RKJ------
MAF--------

اقسام المراحل النهائية.
 هي مرحلة ترتيب واعداد الملفات للمقابلة  .

EHF---  غالبا ما يكون مرافقا مع مكالمه و اتصال من ال IOM وتسجيل بيانات و احداث حدثت موخرا والتسجيل يكون على شكل معلومات اوليه او مبدئية  قبل المقابلة من قبل المنظمه.
FMS ------
TAD ---------- الي هو:-
 Traditions & Assistance  Directory    دليل التعاليم\النقاليد و الارشادات

م \    تاتي مع مرفق دليل يخص الحياة في امريكا


طبعا هاي الرموز قد تتكرر حسب مجريات الملف..مرات تلكاه من المرحلة الثانيه ينزل للاولى بسب ما. سواء ان كان اضافه طفل جديد او حذف شخص او زيادة معلومه او وثيقه جديدة...... الى اخره.

وتوصل اخيرا  الى المقابلة الاولى  ;D

تحياتي للكل

Willpower

غير متصل الزبيدية

  • عضو فعال جدا
  • ***
  • مشاركة: 163
نشكرك على هذه المعلومات اخوية العزير وبصراحة توضحتلنة هواية امور من خلال معلوماتك القيمة هذة لان هم كنا نتساءل ليش اكو ناس بعدنة قدموا وقابلو واحنة بعدنة دننتظر مشكور مرة ثانية

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7973
  • الجنس: أنثى
مشكور اخي ولباور بارك الله بيك وان شاء الله يفيد الاخوة والاخوات ....مجهود تشكر عليه

غير متصل غزوان الاعظمي

  • عضو فعال جدا
  • ***
  • مشاركة: 543
  • الجنس: ذكر
  • رغم أنهم أحبوهم إلا أنهم قتلوهم ..
  عاشت ايدك على المعلومات و على شرحك المميز

و احله شي ابو حنون و ابو ناميله .. يعني حته الي ما يفتهم  دخلتها بدماغه غصباص عليه هههههههههههههه

تحياتي لك

غزوان الاعظمي  jo-123
دار للبيــع ....

إسم الدار
♥♥ الجنة ♥♥
عدد أبوابها
♥♥ ثمانية ♥♥
مفتاحها
♥♥ لاإله إلاالله ♥♥
الموقع
♥♥ الفردوس الأعلى ♥♥
نوع البناء
♥♥ لبنة من ذهب ولبنة من فضة ♥♥
المساحة
♥♥ كعرض السماء والأرض ♥♥
الثمن
♥♥ ألا تشرك بالله ♥♥
موعد الإستلام
♥♥ يوم القيامة ♥♥
خاص
♥♥ للمتقين ♥♥[

غير متصل (COBRA)

  • مبدع قسم الهجرة
  • عضو مميز جدا
  • *
  • مشاركة: 3327
  • الجنس: ذكر
الاخ ولباوور...
تسلم على توضيح الرموز..
واحسنت.....لفائده الجميع
يرجى رفع صورة التوقيع عن طريق موقع عنكاوا كوم
uploads.ankawa.com

غير متصل زهرة الصبار

  • مبدع قسم الهجرة
  • عضو مميز جدا
  • *
  • مشاركة: 3522
  • الجنس: أنثى
  • ربنااتنافي الدنياحسنةوفي الاخرةحسنةوقناعذاب النار
زين اني ذاك اليوم جاوبوني ويم الرقم  RKH
هذا يعني شنو شو ماموجود عندك
مع الشكر

غير متصل National

  • مبدع قسم الهجرة
  • عضو فعال جدا
  • *
  • مشاركة: 375
بدون زحمة شنو معنى هذا الرمز    ADJ-IZ    وشكرا
لـِنكُنْ آروَاحْ رَاقِـيَـة
نَتسـامْى عَنْ سَفـاسِفَ الأمُـورْ وَعـَنْ كُـلْ مَـايَخِدشُ نـَقائِنـا
نًحترِمْ ذآتنـَا وَنـَحتـِرمْ الغَـيْر .. عِنـدَمـْا نتـَحدثْ نتحَـدثْ بِعُمـْق
نـَطلبْ بـأدبْ .. وَنشُكر بـِذوَقْ .. وَنـَعتذِرْ بِـصدقْ
نتـَرفـْع عَـن التفَاهـَاتـْ والقِيـلَ والقـَالْ

غير متصل امير البغدادي

  • عضو فعال جدا
  • ***
  • مشاركة: 855
تحيه من لقلب قبل 15 يوم كان الرمز rhm  والبارحه اجاني اميل يحمل الرمز   snk  ممكن تفسير هذه الرموز وشكر الى جميع الاخوه والاخوات في المنتدى         امير البغدادي

غير متصل Aiham_

  • مبدع قسم الهجرة
  • عضو مميز جدا
  • *
  • مشاركة: 3991
  • Only the Gentle are truly strong
و الله هية لعبتها واحد يفتح هنا فتاح فال خوش فلوس الرمز ب 5 دولارت في 50 روز بليوم هاي 250 دولار باليوم , يعني فد 3 اشهر و نطلع فلوس البلان بي  ;D

غير متصل willpower

  • مبدع قسم الهجرة
  • عضو مميز
  • *
  • مشاركة: 1183
شلونهم,

اشكر الاعضاء على ردودهم الطيبه.
وقسم من الاعضاء سألين على رموز هي اصلا موجود باللسته مال الرموز فيكدرون يجيكوو مره ثانيه.
وقسم من الاعضاء ذاكرين رمز ما عدنه فكره عنه وما اعرف الى شنو يرمز.... لان هاي التحليلات للرموز اجتي من خلال مشاركات اعضاء و ذكر رموزهم و مواقف الكيسات مالتهم بوكته. فصارت عدنه فكره بالمقارنه ويه غير كيسات متشابهه جتيهم نفس الرموز.

والاخ ايهم انت ذب ال 5 دولارات على البنك و اكشف ايدك اشكد؟ ;D اذا رمزك SAS فشيل البنك بالعافيه. هههههههه


غير متصل ÐŗệăMÝ

  • عضو مميز
  • ****
  • مشاركة: 1304
  • الجنس: ذكر
  • السقوط دوماَ لا يعني الفشل وأوضح دليل هطول الأمطار
تحليل جدا منطقي وبارك الله بيك ومشكور على المجهود الرائع اخي willpower



Oº°'¨ ( Dreamy ) ¨'°ºO

غير متصل موعود

  • عضو فعال جدا
  • ***
  • مشاركة: 372
اشكرك حبيبي willpower علة هذا المجهود بس حبيت اسال سؤال اني بمرحلة الامنية الكشرة واجاني اليوم ايميل بي الرمز
EHF/IZ
اني قريت حسب اللي كاتبة انت انو هاي المراحل النهائية بس انت كان قصدك قبل المقابلة الاولي بس هسة اني بمرحلة الامنية يعني هم معناهة اني هسة بالمراحل النهائية ممكن اذا عندك علم توضخلي اكثر واكون شاكر الك

اخوك موعود

غير متصل Dollar

  • عضو مميز
  • ****
  • مشاركة: 1017
اخويه willpower  معلومات جدا حلوه و مفيدة . وبالنسبة اليه هي قريبه جدا من وقائع احداث قضيتي. نتشكر منك يا راقي على هايه المساعدة لاخوانك.

تحياتي
Dollar


غير متصل سيد الوفاء

  • عضو فعال جدا
  • ***
  • مشاركة: 159
السلام عليكم اخوية العزيز
شكرا جزيلا لك وما قصرت
حبيبي الغالي ممكن تفهمني بالرمز هذا ال هوه (LA)
الي هوه اجاني ويه الفورمة الجديدة مالت الاي او ام
اني مقدم اي او ام بغداد وبعندني ممقابل
تحياتي

غير متصل willpower

  • مبدع قسم الهجرة
  • عضو مميز
  • *
  • مشاركة: 1183
اخواني

الرموز الي ما ذاكره بجدولي ما اعرف اخمن شنو معناته لان ما ماره علينه بكثرة حته انحلل و انقارن و نتوصل الى نتيجه... اي قابل اني فتاح فال و اقره الرمز  ;D

هو اني كنت اطلب من كل شخص انو من يستفسر على رمز يكتب شنو فحوى الايميل الي اجه ويه الرموز و وين واصل بيا مرحله و على اساسه جنت احلل الرموز فيستفيد و يقيد الاخرين... هسه هايه الرموز الجديدة ما ماره علينه.

راح اذب حيلي على رموز ما بعد المقابلة مال محلفين هسه  ;D  والي مخلص محلفين IOM بغداد خلي يروح لمجموعه النجمة الماسية و اهناك نتفاهم هههههههههههههههه

تحياتي و اسف على التقصير

Willpower

غير متصل ألن في بلاد العجائب

  • مبدع قسم الهجرة
  • عضو مميز متقدم
  • *
  • مشاركة: 5038
  • Lives in North Pole
اني هم استلمت EHF بالرساله مال الامنيه باعتبار اني مخلص و كاتبيلي بالرساله بانتظار الموافقه الامنيه او التجييكات 


انا اقدم المعلومه الصحيحه لكل الاشخاص بعيدا عن التمييز الديني و العرقي و اللون و الطائفي .......

غير متصل ابو راشد

  • عضو فعال جدا
  • ***
  • مشاركة: 396
  • الجنس: ذكر
اخوكم
ابو راشـــــــــــــــــــد

غير متصل ام يس

  • عضو فعال جدا
  • ***
  • مشاركة: 268
الف شكر الك اخ ولباور
الله يساعد كلبك شكد عندك خلك انشالله ماجور على هذا العمل المميز والله يبارك بيك ويوفقك  :)

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8412
  • الجنس: أنثى
  • لا تقيسوا محبتكم بحجم حروفي ..
تسلم اخ ولباور على هذا الجهد المميز
ومدام عندك واهس واتريد تدوخ
راح انطيك هاي المصطلحات بلكت تحللها

ومكتوب يم كل مصطلح العنوان مالت الايميل
من العراق جماعة iz
Members Added(TS
Refugee Information Sheet/TAD
Status Update/HTH
Status Update/JAY
AAN
لحد الان ماكو مقابله اولى


كيس اخر
Inquiry\ NAD
قبل المقابله الاولى
وعند انتضار الامنيه هاي المختصرات
Security check / AAN
Security and medical check / AAN
case update/DH

وكيس لاعادة فتح ملف
Inquiry /HMJ/IZ

اما الكيسات من عمان
هاي مختصراتها
RKH-JO


غير متصل Bear77

  • عضو فعال
  • **
  • مشاركة: 60
بقت عليه اني هم شوفولي الرمز مالتي SYT

غير متصل kunda

  • اداري
  • عضو مميز جدا
  • ***
  • مشاركة: 4284
هو اتذكر جان اكو جدول يمكن مسويه الاخ ويلباور نفسة وبوقتها قارننا تشابه القصص مالتنا وقدرنا نحلل كم رمز من الرموز بالمناسبة اني اخر رمز اجاني للمقابلة الثانية كان DHS وكان عندي اضافة طفل

غير متصل الناسك

  • عضو مميز جدا
  • *****
  • مشاركة: 2233
  • الجنس: ذكر
  • الأخ من حزن لحزنك وفرح لفرحك

غير متصل willpower

  • مبدع قسم الهجرة
  • عضو مميز
  • *
  • مشاركة: 1183
شلونج ام يس ان شاء الله بخير. الله يساعدنه  ;D ويطول بالنه.

اخت ريم شكرا للرموز الذكرتيه ... هسه اني طكيت و انتقلت الى مرحلة ما بعد المحلف  ;D فراح احاول اتابع تفاصيل و رموز هايه المرحلة هسه .

تحياتي

غير متصل هرمز بنيامين

  • عضو فعال جدا
  • ***
  • مشاركة: 170
  • الجنس: ذكر
السلام عليكم
والله خوش موضوع ذكرني بشعار تبا للمستحيل وعاش المجاهدين (مشروع فك شفرات ال IOM) خخخخخخخ

احنا واصلين لمرحلة الامنية فذاك اليوم راسلتهم وسالتهم على ملفنا فجاوبوني بالحروف (ADJ-JO) وبما انه احنا بلبنان وملفنا تابع لل (ICMC) فكلولي راسل ال(ICMC)

طبعا اذا واحد يسأل يكول اذا انتو تابعين لل (ICMC)ليش تراسل ال(IOM) والجواب هو الحيرة والقلق من التاخير قلت خل اراسلهم لو بالهدف لو بالنجف....

غير متصل phpcraft

  • عضو فعال جدا
  • ***
  • مشاركة: 167
جاوبوا على رسالتي ومازلت تحت التجييك الامني
ووصلني الرمز التالي : MSA

احد سامع بي ؟ يعر شنو معناه ؟

-------------------
اذكار المساء والصباح
http://www.youtube.com/watch?v=n35hGrmXFdA

غير متصل احمد عباس

  • عضو مميز
  • ****
  • مشاركة: 1042
  • الجنس: ذكر
الله | الوطن | الامنيه


غير متصل الحـلم الوردي

  • مبدع قسم الهجرة
  • عضو فعال جدا
  • *
  • مشاركة: 737
  • الجنس: ذكر
  • اللهم صل على محمد وال محمد
زين بدون زحمة شنو يعني هذا الرمز  الي اجاني  بشهر الثاني 2011  case update/DSH/IZ‏   

شكرا



الاحلام خلقت لتتحقق

غير متصل ابوا ابراهيم العراقي

  • عضو فعال جدا
  • ***
  • مشاركة: 87
  • الجنس: ذكر

غير متصل نيويورك

  • عضو فعال جدا
  • ***
  • مشاركة: 672
  • الجنس: ذكر
  • دعائي للجميع بتحقيق الاماني

هاي اخر  رد من ال اي او ام  و كان الرمز MSA  شنو يعني هذا الرمز و اني مسوي مقابلة اولى و فحص طبي شكرا

Dear Sir,
 Thank you for your email.
 Please note that once you are scheduled for the second interview you will receive a notification from our side informing you about the interview date, time and place.
Please be informed that your case is in progress. Once everything is clear, you will be contacted by IOM regarding the status of your case.
Please feel free to contact IOM Info Center for further inquiries.
Kind regards,
نيويورك

غير متصل ÐŗệăMÝ

  • عضو مميز
  • ****
  • مشاركة: 1304
  • الجنس: ذكر
  • السقوط دوماَ لا يعني الفشل وأوضح دليل هطول الأمطار
اخوان منو عنده فكره عن هذا الرمز WSK اجاني برد حول الاستفسار عن الامنيه بعد الاتصال بالكفيل؟ \
وشكرا

اخوكم \ دريمي



Oº°'¨ ( Dreamy ) ¨'°ºO

غير متصل البغدادية2

  • مبدع قسم الهجرة
  • عضو مميز جدا
  • *
  • مشاركة: 2089
السلام عليكم اخوان قبل فتره الاخ ساحر بغداد نزل هيجي موضوع وتحول الى استهزاء فلرجل بطل بس موضوعا اكيد موجود
سورة المائدة الآية 78 لُعِنَ الَّذِينَ كَفَرُوا مِنْ بَنِي إِسْرَائِيلَ عَلَى لِسَانِ دَاوُدَ وَعِيسَى ابْنِ مَرْيَمَ

غير متصل al-whaj

  • عضو فعال جدا
  • ***
  • مشاركة: 153
السلم عليكم
اني اليوم استلمت الاستمارة من الـ IOM بغداد بس صدكوني الاجراءات فد شي مو طبيعي وهذا سمعته من اكثر من صديق
حبيبي ول اني اجاني قبل هاي رسالة الاستمارة رسايل تحمل الرمز YAR او قبله بفد سبع ايام  SNK شنو هاي الافلام مال ال IOM  فهمي فدوة اروحلك. ???

غير متصل willpower

  • مبدع قسم الهجرة
  • عضو مميز
  • *
  • مشاركة: 1183
السلم عليكم
اني اليوم استلمت الاستمارة من الـ IOM بغداد بس صدكوني الاجراءات فد شي مو طبيعي وهذا سمعته من اكثر من صديق
حبيبي ول اني اجاني قبل هاي رسالة الاستمارة رسايل تحمل الرمز YAR او قبله بفد سبع ايام  SNK شنو هاي الافلام مال ال IOM  فهمي فدوة اروحلك. ???

اخويه بغض النظر عن الرموز هسه انت اهم كل شي ان تملي الاستماير و اتدزه... بالنسبه للرموز الذكرته صراحة ما مستنتجيه شتو هي وما موجوده من ضمن الجدول . لان الرموز الي استنتجته اني هي تخمينيه جانت مستنده على مواقف الملفات للاعضاء . مثلا واحد ضاف شخص جاوبوا ال IOM  بايميل و ضافوا الشخص و دزوله رمز معين ويه الايميل...عضو ثاني هم ضاف شخص و من دزوله الاضافه دزوله ايميل بنفس الرمز و اتكررت اتلحاله فصارت عندي فكره هذا الرمز مال هايه الشغله .وهكذا  .... فصار عدنه فكره عن الرموز من خلال هايه عمليه المقارنه تشابه الموقف والرمز.

بس اغلب الاعضاء بعد فتره ما استمروا بكتابه الرموز ولا موقف الملف حته الواحد يستمر بالتحليل فتاهت علينه  ;D و ضلينه على الرموز الاوليه الي شاركو اعضاء الكروب بترتيب معطيات التحليل.

اسف و بالموفقيه.


غير متصل MadMAX

  • عضو
  • *
  • مشاركة: 9
عاشت ايدك .. زين وال ADJ شنو معنى برأيك؟

غير متصل ahmed.drewish

  • عضو فعال جدا
  • ***
  • مشاركة: 128
السلام عليكم

اخر رسالة من المنظمة وهيه كانت تخص انتظار الامنية وكان الرمز ADJ-JO واني مقدم من بغداد ومكمل كل شي
اذا ممكن احد يعرف شنو معناة هذا الرمز

تحياتي
[/b]

غير متصل (Michael)

  • عضو مميز
  • ****
  • مشاركة: 1427
سلام عليكم اخي الكريم ويلبور
قبل فترة دزيت رسالة استفسار عن الامنية و صلني الرد انه لا تزال تحت التجييك الامني و كانت الرسالة تحمل الرمز OA
فماذا يعني هذا الرمز؟حسب معلوماتك
لانه انا قريت في احد ردودك انه يعني original approval يعني الموافقة الاصلية
اي موافقة هاي موافقة المحلف؟ام الامنية؟
مع العلم اني من جماعة الشهر الثاني و استلمت موافقة المحلف
و لو طولت عليك
ياريت تنورنا
تحياتي

غير متصل willpower

  • مبدع قسم الهجرة
  • عضو مميز
  • *
  • مشاركة: 1183
سلام عليكم اخي الكريم ويلبور
قبل فترة دزيت رسالة استفسار عن الامنية و صلني الرد انه لا تزال تحت التجييك الامني و كانت الرسالة تحمل الرمز OA
فماذا يعني هذا الرمز؟حسب معلوماتك
لانه انا قريت في احد ردودك انه يعني original approval يعني الموافقة الاصلية
اي موافقة هاي موافقة المحلف؟ام الامنية؟
مع العلم اني من جماعة الشهر الثاني و استلمت موافقة المحلف
و لو طولت عليك
ياريت تنورنا
تحياتي
اخويه عادة هو يجي في المراحل الاوليه من مراحل الامنيه, بمعنى في الفترة التي تلي الموافقة المبدئيه للمحلف original approval  والتي تدخل الملف في دائرة التجيكات الامنيه.

تحياتي

غير متصل (Michael)

  • عضو مميز
  • ****
  • مشاركة: 1427
سلام عليكم اخي الكريم ويلبور
قبل فترة دزيت رسالة استفسار عن الامنية و صلني الرد انه لا تزال تحت التجييك الامني و كانت الرسالة تحمل الرمز OA
فماذا يعني هذا الرمز؟حسب معلوماتك
لانه انا قريت في احد ردودك انه يعني original approval يعني الموافقة الاصلية
اي موافقة هاي موافقة المحلف؟ام الامنية؟
مع العلم اني من جماعة الشهر الثاني و استلمت موافقة المحلف
و لو طولت عليك
ياريت تنورنا
تحياتي
اخويه عادة هو يجي في المراحل الاوليه من مراحل الامنيه, بمعنى في الفترة التي تلي الموافقة المبدئيه للمحلف original approval  والتي تدخل الملف في دائرة التجيكات الامنيه.

تحياتي
اشكرك جزيل الشكر
بارك الله بيك

غير متصل البغدادية2

  • مبدع قسم الهجرة
  • عضو مميز جدا
  • *
  • مشاركة: 2089
اخويه دريمي احنا مثلك اجانا هذا الرمز wsk واحنا باانتظار الامنيه
سورة المائدة الآية 78 لُعِنَ الَّذِينَ كَفَرُوا مِنْ بَنِي إِسْرَائِيلَ عَلَى لِسَانِ دَاوُدَ وَعِيسَى ابْنِ مَرْيَمَ

غير متصل اني محمد جيران روني

  • عضو
  • *
  • مشاركة: 27
واللي عنده الرمز ADJ-GO
اللي على اساس بانتظار مغادرة الاردن
وبعده لامقابله اولى ولا ثانيه ولا محلفين

غير متصل ÐŗệăMÝ

  • عضو مميز
  • ****
  • مشاركة: 1304
  • الجنس: ذكر
  • السقوط دوماَ لا يعني الفشل وأوضح دليل هطول الأمطار
اخويه دريمي احنا مثلك اجانا هذا الرمز wsk واحنا باانتظار الامنيه
اختي العزيزه ممكن اعرف انتو بأي مرحله حاليا واذا ممكن التوضيح اني اتصلو بكفيلي وحددو المدينه وكالوله احتمال خلال فتره قريبه يسافرون وراها راسلت الآي او ام اجاني رد انو بعدني تجييك امني وبي هذا الرمز ارجو التوضيع وشكرا على الرد



Oº°'¨ ( Dreamy ) ¨'°ºO

غير متصل ابن الرافدين للابد

  • عضو فعال جدا
  • ***
  • مشاركة: 293
اخوان اليوم اجاني رد من ال اي او ام  وبي الرمزADJ  احجولي شنو الفلم يمكن هاي واحد اسمه احمد ابو ال دي جي
بالمنظمه :D :D :D

غير متصل s350thebest

  • عضو مميز جدا
  • *****
  • مشاركة: 2010
  • الجنس: ذكر
  • اللهم أقدر لي الخير حيث كان ثم ارضني به يا الله.
السلام عليكم
اني دزيت عنوان الكفيل مالي الجديد واجاني الرمز MSA برسالة التاكيد من المنظمة.

غير متصل نــــــــــوار تيتــــــو

  • عضو مميز جدا
  • *****
  • مشاركة: 2070
  • الجنس: ذكر
  • بحبـــــــــــــــــك يا يســـــــــــوع
موضوع جيد وحلو  عاشت الايادي 

تقبلوا تحياتي

غير متصل yasir fakhri

  • نجم منتدى الهجرة و اللاجئين
  • عضو مميز جدا
  • *
  • مشاركة: 3243
  • الجنس: ذكر
  • تجني المرؤات على أهلها أضعاف ماتجني الجنايات
الأخ willpower فعلا موضوع رائع وياريت تكون التحليلات لكل الرموز وياريت اليوم تحلونه الشفرة ماله هذا الرمز
Case update MJH/IZ  واكون جدا ممنون
اما بالنسبة للمرحلة اللي واصله فهي مكمل جميع المقابلات والدورة التثقيفية ومنتظر موافقة المحلف.
وصاير  اتصال وي الكفيل بس الكفيل للأسف طلع مغير ولايته فخليت الكفيل على المنظمة لانه بتغيير الكفيل راح تتأخر الموافقة الأمنية حسب مبلغوني المنظمة.
أخوكم ياسر
بسم الله الرحمن الرحيم ((وَمَنْ خَفَّتْ مَوَازِينُهُ فَأُولَٰئِكَ الَّذِينَ خَسِرُوا أَنْفُسَهُمْ فِي جَهَنَّمَ خَالِدُونَ)) صدق الله العلي العظيم
 المؤمنون103

غير متصل rayanchase

  • مبدع قسم الهجرة
  • عضو مميز جدا
  • *
  • مشاركة: 3441
  • الجنس: ذكر
  • !!!!!!!!!!
case  update    YAR    و اشكرك اخي المحترم ويل بااور


LET YOUR PAST MAKE YOU BETTER NOT BITTER

غير متصل saif moon

  • عضو فعال جدا
  • ***
  • مشاركة: 268
شكرا جزيلا على هذا الموضوع الرائع عندي سؤال شنو معنى ال RKH؟

غير متصل ali_lion71

  • عضو فعال
  • **
  • مشاركة: 44
زهرة الصبار
« رد #47 في: 20:52 21/10/2011 »
السلام عليكم ما عرفتي شنو معنى هذا الرمز rkh_jo وشكرا